Sa lingkoranang kawayan ubos sa dakong punoan sa Santol nagkalingawg sultihanay ang duha ka managhigalang guwatsihon nga si Tibor ug Okoy.
TIBOR : Dunay mga timailhan nga ang usa ka lalaki padulong na gyud ngadto sa iyang pagkatigulang,Bay Okoy.
OKOY : Duna diay? Aber, unsa man kuno bi?
TIBOR : Una,sa mga lalaking padulong sa katiguwang na nga lagyo na kaayong panan-aw ug dug-ol na kaayong mangihi.
OKOY : Tuod no?
TIBOR : Ikaduha,kon maglingkod dali kaayong magduka apan kon mohigda dugayng mopiyong.
OKOY : Yamat ra.
TIBOR : Ikatulo,daling makahisgot sa mga butang nangagi,apan daling malimot sa panghitabo karon.
OKOY : Tinuod na,Bay?
TIBOR : Ika-upat,may gihunahuna kanunay ang itaas,pero ang ubos dili na kalahutay!
OKOY : Mao pod.
TIBOR : Ug niining ika-lima,Bay maoy pait sa pagkatigulang.
OKOY : Ngano man,Bay?
TIBOR : Sa una nga batan-on pa kanunayng naghuwat,apan kon matigulang na huwat na lang nus-a mogahi!
OKOY : Bangas na!
Nagkadaiyang mga pasiaw nga mopakatawa kaninyog molingaw. Magmabulokon ang inyong paghanduraw nga mokabig sa kadasig aron manuyhakaw ang kalipay diha sa nagmasulub-on ninyong kasingkasing. Pagmaya,ug ang kalibotan moduyog kanimo! (Paapas: Gitikgitik nga sa English as a joke or, a simple comedy).Ang mga ngalan sa tawo,dapit o sitwasyon nga nia dinhi mugna lamang sa naglatagawng imahinasyon, wala tuyoa ug sulagma lang kining nagamit sa taghikay.(ronie m. catadman, writer)
Walang komento:
Mag-post ng isang Komento