Didto sa ganghaan sa Langit duha ka kalag ang nagdungan paghiabot. Kalag sa Pari,ug si Koing nga usa ka mekanikong palahubog.
SAN PEDRO : Unsay imong katungdanan didto sa kalibotan?
PARI : Pari ko didto sa kalibotan,Nyor Pedro. Kataposan nga akong gisilbihan nga parokya didto sa probinsya sa Leyte.Didto gipatay ko sa mga rebelde nga kanunay kong giatake sa akong mga wali.
SAN PEDRO : Diay ba? Sige lingkod una diha makadiyot ug pagpaabot sa imong hukom.Ikaw?(Gitudlo ang tawong hubog).Unsay imong trabaho sa didto ka pa sa kalibotan?
KOING (Ang palahubog.Nagbaragbarag sa paglakaw): Usa ko ka mekaniko,Nyor Pit sa didto pa ko sa kalibotan,hek. .Kanunay lang kong maghubog,hek. kay matod pa pagpawagtang sa abog.
SAN PEDRO : Hala deretso sa Langit.
KOING : Amat,hek,Nyor Pedro.
PARI (Nagpanglingo.Mireklamo): Ngano man to Nyor Pedro nga kadto hinuong palahubog gipaderetso mo sa Langit,unya ako nga Pari gipapaabot pa nimo dinhi?
SAN PEDRO (Mirason) : Unya,Dre ug magsuka to siya dinhi,ikaw mohipos?
Walang komento:
Mag-post ng isang Komento