Sayo pa gani sa buntag niining sikitsikit nga kabalayan sa mga squatters nagtagawtaw na si Edang ngadto sa iyang bana nga si Mitoy.Daghang silingan nga mga usyosera ang nagtapok ,ug nakadungog.
MITOY(Gisamokan): Pastilan nimo Edang,uy paghilom na kuno diha kay maikog ta sa atong mga silingan o! Pagka wala ba nimoy batasan uy! Sobra ka selosa!
EDANG(Nagpaminti sa kalagot): Uy,kinsay di maglagot ana bi nga makita ang imong bana nga may kauban nga seksing babaye! Pinapook pa gyung shortpant sa babaye. Ayg ilara,Toy kay abtik ka kaayo sa mga tsiks...!
MITOY (Nagpangagho): Sus,pagkasamok ba ining kinabuhia,uy. Kon mahimo pa lang ay nga ibilin ko ning akong "polongkoy" ako na ning gibuhat!
EDANG ( Mipasulirap sa mata): Uy,amaw unsay imong pagtuo kana rang "polongkoy" nimo mao ray makatagbaw. Na hala ibilin sab nag apil ang imong dila,buang!
Nagkadaiyang mga pasiaw nga mopakatawa kaninyog molingaw. Magmabulokon ang inyong paghanduraw nga mokabig sa kadasig aron manuyhakaw ang kalipay diha sa nagmasulub-on ninyong kasingkasing. Pagmaya,ug ang kalibotan moduyog kanimo! (Paapas: Gitikgitik nga sa English as a joke or, a simple comedy).Ang mga ngalan sa tawo,dapit o sitwasyon nga nia dinhi mugna lamang sa naglatagawng imahinasyon, wala tuyoa ug sulagma lang kining nagamit sa taghikay.(ronie m. catadman, writer)
Walang komento:
Mag-post ng isang Komento