DILI KA ANAK

Maoy  naabtan ni Talino ang amigo niining si Mukloy  nga naghinuktok sa bakanan  sa  ilang hagdanan nga kawayan.
TALINO (Mitagad): Uy, Bay Muk, naunsa god ka nga sayo man kaayo kang naghinuktok dinhi?
MUKLOY : Naproblema  ko,Bay Tal.
TALINO (Nagpakisayod): Unsa ba nang problemaha, ba?
MUKLOY : Kagahapon god nagpatsek-ap  ko sa  klinika  ni Doktor  Ontoy. Akong nahibaw-an sa  iyang paghiling  nga dili man diay ko makapaanak  sa akong asawa nga si Isyat. Baog man ko,Bay  matod pa  sa doktor.
TALINO  : Aw, problema gyud tinuod na,Bay Muk.
MUKLOY: Pero,dili na maoy akong  naproblemahan karon,Bay Tal.
TALINO ( Nahibulong): Unsa man diay imong naproblemahan,Bay Mukloy?
MUKLOY : Mikalit  man god  ka mabdos  si Isyat nga akong asawa!

IPAUSAB

TIKYA(Mipahimangno sa anak): Di mahimo nga makigrelasyon kang Donata,Dong Boloy kay basin mosangko na ngadto sa kaminyuon. Kon mahitabo na,dakong baliw!
BOLOY (Natingala): Ngano man,Nay?
TIKYA : Unsay ngano? Paminaw ra god ang imong apelyido, Pinote, unya ang apelyido sab sa inahan ni Donata,Pinote sab. Kon mao na, paryente ra mo?
BOLOY : Pangitaan kog paagi na,Nay  ugma.
TIKYA   : Yamat ra. Unsaon man nimo sa pagpangitag  paagi bi?
BOLOY : Ugma ,adto kos NSO pakorehian ko nang akong apelyido. Imbes   Pinote ,ipausab ko na lang ngadtos   Kutsilyo!
TIKYA   : Ngeeh!

NAGMANTINIL NA LANG

Maoy  naabtan  ni  Tikyo  ang iyang higala  nga si Pedot  nga usa ka adik  nga  naghukdong  sa ilang kosina.
TIKYO  (Mibuyag) : Naunsa ka,Dot? Unsay  imong gibuhat dinhi nga kaganiha ko ra man kang gipangita, nya nia ka ra man diay sa kosina?
PEDOT : Nia lagi,Bay. Nagmantinil.
TIKYO (Nahibulong): Unsay  mantinil?
PEDOT : Mantinil   na lag kaon ning abo, kay  nagnihit  naman ang syabo.
TIKYO : Butangi,nganong  miinter,Dot!

NAGHITAK

TIAGO : Pastilana,Bay  Abloy no nganong  ganahan ron ang mga tawong durugista  nga magpapriso  didto kuno  sa Bilibid.
ABLOY: Nganong ganahan man sila    ,Bay Tiago?
TIAGO : Kinsay di ganahan nga dinhis  gawas nagnihit  naman ang  suplay,nya didto sa prisohan  naghitak man kanunay!
ABLOY: Butangi!

WALA NAY BAGA

ISYOT (Mibadlong kang Etot): Tan-awa di ba giingnan tika nga biya na ang sigeg panigarilyo, wala ka mopatuo? Nasakit na hinuon  sa baga!
ETOT : Bitaw.
ISYOT: Unya, mobiya na ka na  sa panigarilyo?
ETOT : Dili. Pero mobiya na.
ISYOT: Unsa  nang pagkasultiha?
ETOT : Aw, sige gihapon  kog panigarilyo, bahalag  mobiya na akong baga!

NAHUGAW

TAKYO (Mibadlong sa anak nga nagduwaduwa  sa kalapokan): Ayaw lagi dihag duwaduwa kay dirte! Unsa man,bunalan tika?
ANAK ( Miaksiyog  dagan): O,lagi,Tay.
TAKYO (Miaksiyog  agpas  sa anak,pero nadakin-as sa kalapokan. Naglagot): Tan-awa, ako na hinuoy  nagkalapok ani!?
ANAK ( Mitutok): Unya,Tay kinsa may dirte na to ron?
TAKYO : Butangi!

LISOD PUKAWON

ABLOY : Dunay panultihon,Bay Inggot, nga lisod kunong pukawon ang nagmata kay nagpatulogtulog lang ,kay sa tinuod gyung natulog.
INGGOT : Motuo ko nimo ana,Bloy.
ABLOY   : Nganong motuo kaman dayon?
INGGOT : Kasuway ko ana sa akong Lolo nga buta pod.

NABANTAYAN NA

Si Tintay nga diha  sa kilid sa himatyon niyang bana  mahinamong naminaw sa kataposang tugon niini.
INTOY : Day Tintay  kon patay na gani ko isulti gyud sa mga tawo nga ang akong namatyan maong sakit nga Eds.
TINTAY (Gibatig  kahibulong): Nganong mao man na akong isulti,Toy?
INTOY : Basta lang god.Ingna nga ang akong namatyan kay eds.Dili kay sa akong sakit sa atay.Mao na ha...
TINTAY: Na hala god. Ngano man lagi,Toy?
INTOY  : Naglagot ko kay naa nay  sigeg tan-aw nimo nga  kanunay lang magpakigol.
TINTAY: Butangi!

PULOS DAGKO

Gabii. Ngiob ang palibot. Ilawom sa dakong punoan sa Sambag, duha ka binuhat,babayeg lalaki nagromansahay: si Edat ug si Edot.
EDOT (Misugod na sa pagpanghinol.Natingala sa nahikapan): Pagka dako ba aning imong putos sa ubos,Day Edat?
EDAT (Nahibulong sab nahikapan): Uy, pagkadako ba aning batota nga imong serbis,Dong Edot?
EDOT : Aw, mahibulong pa man ka,Day uy !.Na hala isulod na lang na sa bolsita!
EDAT : Ngeeh!

PULOS MAY MARKA

TIKYO : Unsay  atong imnon,Bay Tomas?
TOMAS: Bisan  unsa,basta dunay  marka.
TIKYO : Aw,niay daghan. Marka Kabayo,Marka Langgam ug kini bang Marka Cobra.
TOMAS: Wala  na lain diha?
TIKYO  : Aw, Marka Kalabera!
TOMAS : Butangi!

DILI MAKAHIBAWO

ISYOT  : Abi mo ,Syat nagdamgo ko kagabii   bahin nimo ba.
ISYAT   : Yatis ra? Unsa may imong gidamgohan bahin nako bi?
ISYOT  : Kuan ba, nagdamgo ko nga nangaligo kuno ta sa daplin  sa  Marigondon Beach nga malipayon kaayo!
ISYAT   : Ough? Unya?
ISYOT  : Mao to nga sa dihang gitugnaw na tang duha, miadto ta sa cottage . Gihubo nako ang akong  pant.
ISYAT  : Unya, unsay  sunod?
ISYOT : Sa dihang nahubo na nako ang tanan, naghubo sab dayon ka.
ISYAT  : Uy, kalain god? Unsay  sunod  nga nahitabo?
ISYOT : Huboan ko na unta ka sa nahabiling  nagtabon sa imong lawas.
ISYAT (Naghinamhinam nga masayod): Unya?
ISYOT : Wala na lang.
ISYAT (Nahibulong. Paraygon): Ngano man,Syot?
ISYOT : Dili man god  ko kahibawo motangtang ug  diaper!

MARKA LANGGAM

Kini pa ang unang higayon nga si Ontoy nakalugsong  sa Siyudad. Mideretso kini  sa usa ka imnanan aron matambalan  ang iyang kauhaw  pinaagi sa pag-inom  ug makahubog nga ilimnon.
TINDERA (Mitan-aw kang Ontoy gikan sa ulo hangtod tiil): Unsay ato,Noy?
ONTOY (Misantop sa iyang hunahuna nga magpalahi siyag ilimnon): Tagai kog ilimnon,Day nga dunay tatak nga langgam.
TINDERA : Aw,  kanang perikperik siguro ang  buot mong ipasabot,Noy? Pero, nahutdan naman mi.
ONTOY    :  Wala na diay?
TINDERA(Mikomedya): Aw, diay lain ambot makauyon ka ba ani? Tatak langgam gihapon.
ONTOY   : Kana na lang!
Tuod man gihatagan siya sa tindera sa usa ka botelyang may tatak langgam: silver swan!
TINDERA : Unsa man,Noy  ato pang dugangan?
ONTOY (Nagpanghikap sa nagdaguok nga tiyan): A-Ayna  lang,Day kay kusog  pa man mikisikisi su'od  sa akong tiyan!
TINDERA (Kakataw-onon): Da lagi!

PULIHAG LAIN

ABLOY( Nakita si Anot nga naghinuktok): Naunsa ka man,Not,dunay problema?
ANOT  : Naguol ko,Bay kay palayason kos akong asawa.
ABLOY: Ngano man?
ANOT  : Tapolan kuno ko.
ABLOY: Mao ra na? Palayason  ka dayon?
ANOT  : Wala siyay lain gisulti? Unya,molayas ka dayon ana?
ABLOY: Lagi.
ANOT  : Aw,  Abi nakog giprangkahan na niya nga duna na siyay laing ipuli?
ABLOY: Butangi!

LABING KATAW-ANAN

IKO          : Unsay labing kataw-anan  nga  komedya  nga imong nabuhat,Bay Ron?
RONCAT : Sayon.
IKO          : Unsa lagi? Kanang  molisngag  ang ilong ug mobutod nang tiyan  sa pagkinatawa?
RONCAT  : Dili.
IKO           : Unsa man diay bi?
RONCAT : Kana  gyung  mohilak  na sa pagkinatawa!
IKO          : Butangi!

WALAY MORIBAL

ONTOY : Kon mangasawa ka,guwapa.
BITOY   : Dili nuon. Kon mangasawa ka nanng batig hitsura,pilia.
ONTOY : Ngano man?
BITOY   : Wala gyuy moribal nimo ana.
ONTOY  : Ngeah!

GIPILIAN

TINOK  : Niadtong unang panahon,ang nawong gyuy basehan kay sa batasan kon magpilig pangasaw-onon.
TIKYO :  Bitaw.
TINOK : Karon,dili na uy.
TIKYO : Ngano man ,Bay?
TINOK : Ang ang nga duna may  maayg nawong pero way batasan!