Lunes, Disyembre 29, 2014

WALA SA KALENDARYO

Maoy naabtan ni Onyot si Pekto diha sa ilang  nataran nga nagtagawtaw.
PEKTO  : Salbahis! Walay puangod ug tig-ag balatian!
ONYOT : Naunsa ka,Bay nga nagyawyaw ka man niining sayong kabuntagon?
PEKTO  : Naglagot ko sa among agalon nga Insek,Bay.
ONYOT : Ngano man,Bay?
PEKTO  : Wa gyud mohatag kanamo ug tirten mant!
ONYOT : Aw, diay ba? Tihik gyud diay kaayo nang inyong amo nga Insek.
PEKTO  : Mao lagi. Ngano kuno nga siya mohatag ug tirten man nga wala man na sa kalendaryo!
ONYOT : Butangi!

MAGPABUTO

Nagka-estoryahanay  ang managhigalang Peryong  ug Damaso usa ka buntag niana mahitungod sa umaabot nga Bag-ong Tuig.
PERYONG : Unsay buhaton mo,Bay niining umaabot nga Bag-ong Tuig?
DAMASO   : Aw, sama sa naandan,magpabuto na sab ug mga rebentador,Bay.
PERYONG  : Ngano man gyud nga magpabuto, Bay no?
DAMASO   : Magpabuto gyud,Bay aron mag-abog sa demalas!
PERYONG  : Dili man katuhoan nang imong gisulti.
DAMASO   : Nganong dili ka man motuo?
PERYONG  : Nakita mo bitawng napungkol ko tungod sa pabuto. Ingna hinuon nga sugo na sa demalas!

DILI PWEDE

ISYAT    ; Da lagi,Mare nakita gyud nako nga dunay babaye si Pare  Miyot! Kagahapon,Mare mao gyuy akong nasundan sila si Pare ug kadtong babaye nga misulod sa usa ka  botique didto  sa SM.
DORAY : Mao ba,Mare.Unya?
ISYAT    : Babaye gyud to niya,Mare, uy!
DORAY : Di ko makatuo ana,Mare.
ISYAT    : Ngano god tawon nga nakasulti ka man niana,Mare?
DORAY : Nagpasidaan nakong Miyot,Mare nga puwede siyang manlaki basta di lang mambabaye!
ISYAT    : Butangiiii!

LAING BAGYOHA

Wala ganahing migawas si Tikyo sa ilang panimalay kay kusog ang bunok  sa ulan.Didto sa suwambi mahimut-ong nagduwa ang iyang apo nga si Jian.
TIKYO : Dong ayaw paggawas ha kay kusog ang ulan,unya may bagyo pod!
JIAN     : O,Lo. U-Unsa man nang bagyo,Lo?
TIKYO : Bagyo god kanang kusog nga ulan ug naa poy kusog na hangin nga makatumba sa mga kahoy ug mga balay.
JIAN    : Aw, kana,Lo ba-bagyo man lagi na  sulod lata(may gitudlo sa kilid sa sung-agan).
TIKYO: Sus,pastilan bagyo bitaw na pero ngan man na sa edible oil!

Sabado, Disyembre 27, 2014

NAILAD

SEBYO  : Nakadawat sab ka ug pinaskohan ni Poldo, Bay Sidoy?
SIDOY   : Mo lang. Kinyentos pesos nga malabo!
SEBYO  : Nahibawo na ko.
SIDOY   : Ngano man?
SEBYO  : Nailad sab  kang  Poldo  kay pulos pek ang iyang gipanghatag!
SIDOY   : Tua ra!

DILI ANGAY

Usa ka adlaw niana natingala na lang si Apyot sa dihang iyang nadawat ang usa ka pakete(package) nga gikan sa iyang higala nga  usa ka Briton. Tuod man sa dihang naablihan na ni Apyot ang maong pakete iyang nakita ang usa ka mahalong bakos(belt) nga maoy pinaskohan sa iyang higala.
TIKYA (Nakamatikod sa nagminghoy niyang bana): O, nganong morag "nagbiyernes santo" man nang imong dagway,Apyot? Wa ka makauyon sa pinaskohan nga gikan sa imong higala?
APYOT : Nakauyon man,pero wala may angay.
TIKYA   : Ngano  man?
APYOT  : Sud-onga ra god Tikya , unsa pa may hugtan nakog bakos nga hapit naman gani ko magbahag gumikan sa atong kalisod!
TIKYA   : Ngeeh!

DILI TUDLO

Misutoyg  gawas  si  Inday Marciana sa baylehan ug didto mipaingon sa  usa ka barangay tanod  nga diha ra naghinan-aw  sa mga nanayaw sa maong kalingawan.
INDAY  MARCIANA : Noy,Tanod akong isumbong tong tawhana(Mitudlo kang Etot) kay iya kong gibinastosan sulod  sa baylehan.
Tuod man gitawag sa Tanod   si Etot,ug gisukitsukit.
TANOD   :  Tinuod ba ang sumbong niining Inday Marciana,nga imo siyang gibinastosan diha sulod sa  baylehan?
ETOT (Nangulipas) : Wa-Wala tawon,Noy Tanod  uy!
INDAY MARCIANA : Unsay  wa nga imo mang gihapit-hapitan ug dumbol ang akong lubot samtang nagtalikod  ko sa atong pagsayaw...
TANOD  : Tiaw mo kana?
ETOT     :  Pastilan, ang ako tawon tong tudlo ang nakasaghid,Day  uy!
TANOD  : Aw, tudlo ra man diay.
INDAY MARCIANA(Mitulisok kang Etot) : Unsay tudlo,ayg  kog ilara tits! Kon tudlo pa to bi wala man lagi ko kahinol ug kuko !
TANOD  : Butangi!

DILI MABALAKA

Taliwala sa dakong lawod sa Pasipiko nakasugat ug makalilisang unos ang barkong gisakyan ni Andot. Ang bawod nga ilang masugatan dako pas bukid sa Kanlaon ug kon mohamag ni sa barko labihan kining makauyog. Gilayon mimando ang Kapitan  sa  pagdiskarga sa uban nilang mga gamit aron dili mabug-atan pag-ayo ang barko.
STEWARD (Usa ka Kano.Milabay sa iyang selpon ug relo): I'll  throw these  things to the sea....!
ANDOT(Nakakita sa gibuhat sa Kano): Sus, anugona!
YAMAGUCHI(Usa ka Hapon milabay sa iyang ipad  ug laptop ): Uhmmm,I'll  throw these things! Daijobu desu!  Nihon de computer  takusan arimasu...!
ANDOT (Nakakita sa gibuhat sa Hapon): Sus,pagka-anugon  gyud!
Si  Andot  nga walay butang ikalabay ngadto sa dagat may nahunahuna-an. Iyang giduol ang Koryano nga diha sa kilid nga natulala ug giitsa didto sa dagat.
STEWARD (Ang Kano nakalitan): Why you do that?!
YAMAGUCHI (Nalisang sa gibuhat ni Andot) : Bakaeru! Nani yatta no? 
ANDOT (Igo lang mingisig hilaw) : Dont wori  meni estupid Koryans in da Pilipins!

LISOD MANGITA

Maoy naabtan ni Takya ang iyang higala nga si Donya Agata nga nasigeg pamalikas ug ang nawong namula sa kasuko.
TAKYA :  Uy,Mare naunsa ka man nga kasayo niarong buntag nagtagawtaw ka naman? Wat hapen man?
AGATA ; Naglagot ko,Mare niadtong akong salbahis ug animal sa tanang animal kong bana nga si Abyot!
TAKYA : Uy,nganong naglagot kaman ni Abyot,Mare Agata?
AGATA : Gitaban sa buang among katabang nga bag-ong abot gikan sa probinsya! Salbahis!
TAKYA : Nasuko kang gitaban ang inyong katabang,Mare o naguol ka hinuon sa gibuhat sa imong bana?
AGATA (Misinta sa kalagot): Uy,Mare wa gyud ko maguol kon mawagtang tong akong bana nga si Abyot nga ang nawong morag ungo! Ang akong nagul-an ug nasuk-an kay lisod kaayo ron mangitag katabang!
TAKYA : Butangiiii!

MAO LANG GIHAPON

Usa ka buntag niana sa tindahan ni Inse Ibyang.
BATA                  : Inse naa moy  ice  papalita ko.
INSE  IBYANG :   Wala man mi magbaligyag  ayis,Dong. Na-ay tubig dihang bugnaw  nga hulog-hulog ug peso
Pagka  sunod adlaw mibalik na sab ang bata.
BATA                  : Papalita  kog ice .
INSE IBYANG   :  Wala man mi mamaligyag ayis,Dong, tubig ra laging bugnaw anang hulog-hulog tag- peso.
Pagka sunod adlaw mibalik na sab ang bata.
BATA                 : Palit kog ice.
INSE  IBYANG (Naglagot) : Ayg sigeg pangutanag  ayis,Dong, Wala lagi mi ana dinhi. Di man ka  kasabot pitkan  ko na ug   tukog ang imong baba!
Apan pagkasunod nga adlaw,mibalik gihapon ang bata.
BATA                 : Papalita kog  usa ka basong init tubig...
INSE IBYANG   : Tubig bugnaw ra man amo-a dinhi,Dong.
BATA                 :  Aw, pagahi-a na lang nang bugnaw nga tubig bi aron mahimong ice...
INSE  IBYANG  :  Butangi!

NASUPO

Layo pa gani ang eleksyon,si  Okoy nga usa ka pulitiko misugod na sab ug panuroysuroy sa nagkalainlaing suok-nga-dapit sa ilang barangay sa Kandugso aron pag-indosar sa iyang kandidatura  sa pagka kapitan.
OKOY  : Ayaw,baya ko kalimti ninyo ha,Boloy,Ikot,Takyo ug Simo sa umaabot nga eleksiyon...
SIMO    : Di gyud ka kanamo kalimtan,Bay Okoy.
OKOY   : Sayon ra ko ninyong duolon kon duna moy mga problema...
TAKYO : Tinuod na,Bay Okoy.
IKOT      : Bitaw.
Didto sa unahan nga nakabati si Tasya sa gisulti ni Okoy,mitimang pod dayon.
TASYA  : Tinuod bitaw na.
OKOY    : Da,lagi sakto gyud ka,Tasya.
TASYA (Nangyamiid): Tinuod bitaw na nga si Okoy sayon-sayong lang moduolg pangutang sa akong tindahan,pero imo na ganing paninglan, dili na gyud nimo makit-an!
OKOY   : Butangi!

LINGINON UNA

Usa ka  buntag niana,nakigsulti si Pikoy ngadto sa iyang nanay nga si Isyang.
PIKOY :                    Nay, mangasawa na ko sa akong uyab nga si Aryang...
NANAY  ISYANG : Unya? Nahibawo na ba niini si Tatay Poldo  niining imong tinguha nga pagpangasawa sa imong uyab nga si Aryang?
PIKOY   : Wala pa lagi,Nay.
NANAY ISAYNG : Kon parti sa pagpangasawa kinahanglan nga iatol ta gyud na sa palihi nga lingin ang buwan. Kini maoy tinuohan sa mga karaan!
PIKOY     Wala naman  na karon,Nay,uy. Lahi na ron sa bag-ong tinuohan bahin sa pagpangasawa .
NANAY ISYANG : Unsa man diay karon?
PIKOY                   : Ang karon,Nay ,linginon  una ang tiyan, bahalag dili pa lingin ang buwan!

Biyernes, Disyembre 26, 2014

WALAY PABOTO

PIKOY  : Karong Bag-ong Tuig  dili na gyud ko magpaboto ug mga rebentador,Bay.
ETOT    : Ngano man,Bay?
PIKOY  : Unsaon man nakong mga paboto?
ETOT    : Aw, imo god nga pabuthon sa pagsugat sa Bag-ong Tuig?
PIKOY  : Unya,wa diay ka kakita ning akong mga kamot nga nahurot ug kapungkol  tungod sa rebentador!

DAKOG BONOS

ONTOG(Mibuyag kang Isyot) : A,hayahaya o,nagtaghoytaghoy man? Dako sigurog bonus  nga nadawat.
ISYOT (Mihunong sa pagpanaghoy): Dunay gamay sab,Bay. Ikaw, dako sab ang imong bonos nga nadawat ron?
ONTOG   : Dako sab,Bay. Pero dili ako ang nakadawat.
ISYOT     : O,kinsa man diay?
ONTOG   : Giugom tanan sa among manedyer,Bay kay milayas man!
ISYOT     : Na,gibangkong na!

NANGULIPAS

KAPITAN IKENG(Misukitsukit) : Tinuod ba,Bosyo nga imong gikawat ang baka ni Takyo nga gihigot sa punoan sa Mangga niadtong milabayng adlaw?
BOSYO  : Wa ko kalibotan ana,Kap!
KAPITAN IKENG : Unsay way kalibotan nga duna may saksi nga imong gibitad ang pisi nga gihigot sa baka ug dayon nimong sibat ngadto sa dakong lasang sa bukid sa Tuguipa.
BOSYO   : Aw,dili na nako intensyon,Kap.
KAPITAN IKENG : O,karon dili na sab nimo intensyon,bi isugid ngano man?
BOSYO                   : Pisi maoy akong gibitad,Kap,wa koy kalibotan nga didto bay baka nga gihigtan!

NAGDUHA-DUHA PA

SIDOY : Unsay imong mga panaad nga buhaton sa Bag-ong Tuig,Bay Tikyo?
TIKYO : Magbinuotan nako,Bay. Dili nako manabako,dili na sab ko moinom, ug wagtangon ko na nang bisyo sa drugas.
SIDOY : Unya,buhaton gyud na nimo,Tikyo?
TIKYO : Ambot lagi ani naduhaduha man sab ko ani...
SIDOY : Nganong nagduhaduha ka man?
TIKYO : Unyag duna diay mohatag libre?

Lunes, Disyembre 22, 2014

NAKAAMGO

Nanaygon ang managhigalang Isyot ug Takyo usa niana ka gabii sa balay ni Siklot .
TAKYO ug ISYOT (Misugod sa pagkanta): Ania kami niining gabii sa among pagdaygon,hinaot pa...
Ug tuod man  pagkataudtaod nahuman ang daygon nilang duha.
ISYOT  : Meri Krismas Noy Siklot.
SIKLOT : Meri Krismas pod ninyo,Dong, O niay dos pesos. (Mitunol).
TAKYO  : Dos pesos ra diay,Noy?
SIKLOT : Aw, kamo ra mang duha.
TAKYO  (Nagpangawot sa ulo): Noy Siklot pod, uy. Ang bidyoki ngani nga ikaw pay mokanta motagak kag singko,unya kami hinuon ang daghan kaayog kanta,dos pesos ray gitunol!
SIKLOT(Nakaamgo): Butangi!

Linggo, Disyembre 21, 2014

KAY PASKO KARON

Samtang nagkayagaw ang daghang manaygonay nga magbalhinbalhin sa nagkalainlaing mga kabalayan,maoy namatikdan ni Abyot ug Otoy ang balay sa ilang silingan nga si Etot nga wala gyuy usa nga manaygonay nga nanaygon.
ABYOT : Hibulong ko,Bay nga sa kadaghang mananaygon wala man gyuy nangahas pagpanaygon sa ilang Etot?
OTOY    : Bitaw,Bay.
ABYOT  : Ato kunong lilion ang balay nila Etot,Bay.
OTOY     : Sige,lili-a diha.
Tuod man ilang gilili sa gingi sa ilang bentana ang balay ni Etot ,ug mao ni ilang nakita nga gisab-it sa pultanan  sa balay ni Etot.
                 " Alang sa tanang manaygonay,  Ganahan ming maminaw sa inyong daygon ug apilan ug sayaw. Pero dili mi    mohulog sa inyong  daygon, kay Pasko karon. Gikan kanamo,balik unya mo sunod tuig!"

ABYOT   : Ngeeh! Mao diay!

Sabado, Disyembre 13, 2014

GIBASLAN

Labihang sukoa ni Aryang pagkakita sa iyang anak nga si Oldok nga nagkadugo kay nagisian ang kilay.
ARYANG : Kinsay nanghilabot nimo,Nak nga nagisi man ning imong kilay ug daghan kaayong dugo?
OLDOK    : Gilabay kong Ityok,Nay ug bato!
ARYANG  : Sus,mao na ni ron! Unya,wa ka mobawos ni Ityok paglabay?
OLDOK    : Mibawos ko,Nay,Uy. Nalipay hinuon si Ityok.
ARYANG  : Nganong nalipay man nga imo man kaha gibaslan ug labay?
OLDOK    : Pan man god ang akong gibawos ug labay,Nay!
ARYANG : Grrrrrr!

MODAKO

IGNOY : Asa man mo,Soy nga nagluto man mog daghang pagkaon ug inyong gipangsulod sa basket?
OSOY   : Amo ning bawnon,Noy mangaligo  mig dagat sa Buyong.
IGNOY : Yatis ra. Dako diay rong dagat nga mangaligo man mo?
OSOY   : Mao ra man gihapon ang dagat,Noy wa man motubo.
IGNOY : Butangi!

BATASAN

Sayo niining buntaga nagyawyaw si Isyang ngadto sa iyang bana nga labihang huboga sa miaging gabii.
ISYANG : Way buot ka Tikyo! Naay imong batasan nga pagkadawo nga dili makaon ug iro!
TIKYO(Nagduogduog pang ulo): Ikaw,Syang way buot!
ISYANG : Imong batasan dili makaon ug iro,animal!
TIKYO(Giabot ug kalagot): A, bahalag di makaon akong batasan  basta di lang sab parehas sa iro nga batasan mokaon sa iyang sinuka!
ISYANG: Ngeeh!

Biyernes, Disyembre 12, 2014

NADAKPAN

Giduaw ni Christian usa niana ka adlaw ang iyang higala nga si Aye nga napriso sa jail  sa So-ong.
CHRISTIAN  : Haskang buanga nimo,Ye,nganong napriso ka man?
AYE               : Didto man god ko,Bay sa sulod sa Grand Mall nag-shopping.
CHRISTIAN  : A, yatis ra god anang hitabo-a,Ye. Kon mag-shopping   diay dakpon na hinuon?
AYE                : Mao bitaw.
CHRISTIAN   : Unsa man diay kang orasa  nga nagsyaping  sa Grand Mall?
AYE                : Alas tres sa kaadlawon!
CHRISTIAN   : Butangi!

Huwebes, Disyembre 4, 2014

MANGLUNGKABAY

Gisudyaan ni Takyo ang higala niining si Minggo dihang nagkita ni usa ka higayon niana sa tindahan ni Inse Gorya.
TAKYO : Ingon ka,Minggo dili ka na mouban ni Ontoy nga manglungkab ug mga tindahan?
MINGGO(Medyo nauwaw): Kay dili na bitaw.
TAKYO  : Nganong kakuyog man lagi kang Ontoy niadtong lungkab nga nahitabo sa Maribago?
MINGGO: Lungkab god!
TAKYO   : Unsa man diay to?
MINGGO : Demolis god!

DILI MOLAHOS

Nagdali nga mipauli si Isyot usa ka hapon niana.
ISYAT (Nakamatikod) : Ngano ka,Syot nga nagkarakara ka man nga mipauli dinhi sa ato gikan sa imong trabahoan ?
ISYOT  : Syat,mangandam ta!
ISYAT(Samot nga nahibulong): Naunsa ka? Ngano man nga mangandam man ta?
ISYOT   : Mangandam ta kay dunay bagyong moabot,ug ang ngalan niining maong bagyo mao si Ruby! Kusog ra ba kaayo ni. O, tan-awa misugod nag dagtom ang langit,ug naglain na ang panahon!
ISYAT    : Na kakuyaw mo naman ana,Syot uy.
ISYOT   : Ug,nganong  dili man ko makuyawan,Syat?
ISYAT    : Da, tan-awa nagdaot na ang panahon molahos kaha ana si Ruby?
ISYOT   : Butangi!

DILI NA MEDISIN

Maoy namatikdan ni Inting si Etot nga nagpunayg katawa  samtang nagduotduot sa iyang tiyan.
INTING : Nganong nagsige kaman ug katawa,Tot samtang nagduot sa imong tiyan?
ETOT (Nagkatawa gihapon): Naglain lagi ning akong tiyan,Ting.
INTING : Magsige diayg katawa?
ETOT   : Aw, ingon man god nila nga lapter is da bes medisin.
INTING  : Unyag wala nay medisin nga magsige gihapon kag katawa?
ETOT   : Aw,nabuing na na ,Ting!

MAO DIAY

Samtang naglingkod  si Onyot sa lingkoranan  nga "tuwang-tuwang",nakapangutana kaniya ang  Kano nga  ilahang umagad nga bag-ohay lang nahiabot aron  magbakasyon dinhi sa Pilipinas.
KANO( Mi-iningles) : Why it happens so many disasters,like typhoon coming now in the Philippines,Onyot?
ONYOT  (Nagkabungabunga sa pagtubag): Be-bekos Pilipins is...
KANO    : What is Philippines?
ONYOT  : Its  mor pan in da Pilipins!

Sabado, Nobyembre 29, 2014

NAAPIL

ANTOY  : Namatay gyud ang atong amigo,Bay Isyot nga si Inting sa miaging adlaw sa bagyong "Queenie".
ISYOT    : Tawon pod no. Unsa mang pagkahitaboa,Bay?
ANTOY  : Natagakan sa bunga sa saging.
ISYOT    : Mao ra? Unya,mamatay diay?
ANTOY  ; Di diay mamatay nga ang bunga sa saging gitabonan man sab sa dakong punoan sa Kasya!

NAKABAWOS

Maoy  nahiagian ni Tikyo sa Muntoy nga naghinuktok.
TIKYO (Mitagad) : Naunsa ka,Toy nga naghinuktok kaman diha?
MUNTOY (Nagpanakla):  Kit-an nako ang akong asawa nga si Aryang kagahapon,Bay kuyog sa iyang "ikal" nga nanan-aw ug sine sa SM.
TIKYO  : Yatis ra. Unya, wala nimo sunda?
MUNTOY: Wala na lang.
TIKYO(Nahibulong): Ngano man?
MUNTOY                : Kita naman sab god  mi atong salidaha sa miaging adlaw,Bay kuyog sa akong babaye!
TIKYO                     : Butangi!

BINALI

TASYO : Sa nasod  sa Vietnam,Bay Tapaklong kon dunay politiko nga korap unya mapatud-an sa sala nga iyang nabuhat, ang silot niini kamatayon gyud nuon.
TAPAKLONG : Yamat ra. Kuyaw god ana! Pero dinhi sa Pilipinas lahi man ,Bay Tasyo.
TASYO            : Unsa may nakalahi?
TAPAKLONG : Kon didtong dapita ang mga korap nga opisyal mahimong bitayon dinhis Pinas ma-elekted na nuon sunod nga eleksyon!
TASYO            : Wa gabai!

Huwebes, Nobyembre 27, 2014

SUMBA

Usa ka palis niana nangutana si Miyok  sa iyang apohang lalaki nga si Ontog .
MIYOK : Lolo Ontog hain man diay si Lola?
ONTOG (Ang apohan): Tua didto,Dong sa Agus, nagsumba.
MIYOK : Yatis ra, sumba gyud! Unya, hain man diay pod si Nanay,Lo?
ONTOG : Ang imong Nanay,tua pod nagsumba sa iyang mga kauban sa Buyong.
MIYOK  : A,kuyaw god ni Nanay,Lo,unya hain man diay ron si Tatay Tikoy?
ONTOG : Ay tua pod ron ay nagsumba...!
MIYOK(samot nga nahibulong) : Hasta si Tatay,mosumba na sad?
ONTOG : Tua bitaw, nagsumbagay ug si Tikyo sa may hantakan!
MIYOK : Butangi!

Sabado, Nobyembre 22, 2014

GITIWASAN

Sa dihang nahiuli na si Botoy gisukot kini sa iyang inahan.
NANG SIDRA  (Inahan ni Botoy) : Gisumbag man kuno nimo si Ondo nga imong klasmeyt matod pang  Allan,Toy?
BOTOY            : O,Nay.
NANG SIDRA : Nganong imo man nga gisumbag si Ondo?
BOTOY            : Naglagot ko kay iya kong giingnan nga ang akong nawong parehas sa aliwas!
NANG SIDRA : Mao diay.Sunod ayg sumbaga.
BOTOY            : Ngano man,Nay?
NANG SIDRA : Ingna lang nga dili aliwas kundili  orangutang  na!

NAKASUNDOG

Maoy naabtan ni  Mam Adyana ang iyang tinun-an nga si Otyok nga mitungtong sa lamesa nga nag-ikid-ikid. Ang iyang nahibudngan kay ang brep maoy gipaibabaw pagsul-ob sa gisul-ob niining purol.
MAM ADYANA:  Naunsa ka ,Otyok nga imo mang gihubo ang imong brep ug gipaibabaw nimo pagsul-ob sa imong purol?
OTYOK                 : Estayl ni,Mam.
MAM  ADYANA : Unsa god nang estiloha nga bastos man kaayo na!  Diin kaman makasunod anang estayla?
OTYOK                : Kang     Superman  bitaw,Mam!

Sabado, Nobyembre 15, 2014

MIDAOT

Nagkakita pag-usab ang managhigalang Ontoy ug Abit nianang besperas sa piyesta sa Opon.
ONTOY (Mitagad pag-una) : Uy, Bay Abit kumosta?
ABIT   : Nia,Bay mao ra gihapon.
ONTOY: Morag  midaot kaman lagi ron kay sa niadtong milabay natong panagkita nga tambok medyo kaman niadto?
ABIT(Nangigham): Hmm. Tungod ni sa akong trabaho,Bay.
ONTOY (Nanguryoso): Unsa man  diay ron ang imong trabaho,Bay?
ABIT : Sige ra man kog kaon samtang mamisbis sa mga tanom sa akong agalon...
ONTOY : Aw, nindot diay kay sige man lang ug kaon,pero midaot kaman lagi?
ABIT (Kahilakon) : Ang-ang lagi nga dili modaot nga sa usa ka ka-adlaw kausa ra man sab mi pakan-on
ONTOY : Ngeeh!

WAY KLARO

MINGGOY  : Kon sugton ko nimo,Day Juaning akong isaad nga palitan tikag barko...
JUANING(Nakurat): A, ka yatis god anang saad nimo,Goy!
MINGGOY             : Lagi.
JUANING               : Unyag sugton tika ron,palitan ko nimog barko?
MINGGOY             : O,god.
JUANING               : Klaroha!
MINGGOY             : Magpalit bitaw ko ug barko adtos palitanan ug mga duwaan ilawom sa mall !

Biyernes, Nobyembre 14, 2014

PALIT IMO

Usa ka gabii niana nahiagi si Ityok sa iyang mga higalang nag-inom sa tindahan ni Inse Binat.
TONYO( Mihagad) : Niay bahalina,Bay Ityok tagay una.
ITYOK                    : Dili ko,Bay uy gukdon unya kos buyog ana! Salamat na lang.
Sa pikas lamesa didto poy nanag-inom nga iyang mga higala nga si Binog ug Okoy.
OKOY(Mihagad)   :  Inom tag Tanduay,Bay Ityok!
ITYOK                   :  Dili ko,Bay  uy morag duol ra ta ana sa  patay ug away! Salamat na lang.
Unya didto sa laing lamesa may mihagad sab niyang nanag-inom nga si  Onyok ug Mukloy.
MUKLOY(Mihagad): Beer ,Bay nag-inom mi dire.
ITYOK (Nahimuot)  : Unsa man bugnaw?
ONYOK                    : Aw,bugnaw gyud.
ITYOK(Miduol)       : Hain man ang bugnawng  beer bi?
MUKLOY                : Aw, palit imo!
ITYOK                     : Butangi!

GITIKASAN

Aron pagsuta kon wala ba siya tikasi sa iyang mga kauban nanawag si Tikyo sa estasyonan sa kapolisan.
TIKYO (sa linya sa telepono): Maayong buntag,Sir mangutana ra unta ko niadtong miaging tulis nga nahitabo sa miaging  adlaw.
POLIS(sa pikas linya sa telepono): O,unsa may atong ikaalagad?
TIKYO   : Pila man gyud tanan  nga salapi  ang  nakuha sa mga tulisan,Sir ?
POLIS    : Ang tanan nga nakuha sa mga tulisan mikabat gyud ug  duha ka milyon ka pesos.
TIKYO   : Sus,da lagi!
POLIS    : Ngano man diay,Sir?
TIKYO (Naglagot)  : Da, gitikasan sab ko,Sir ug bahin sa akong mga kauban sa tulis!

Martes, Nobyembre 4, 2014

SAGPAON

OKOY (Nagpagarbo): Niadto kon  hapit na ang Pasko kon magkakita mi sa akong umagad nga nagpuyo didto  sa Isla sa Olango sagpaon dayon ang akong kamot ug kinyentos pesos!
ETOT : A,katalagsaon ra god ana,Bay! Unya,karon kay hapit naman sab ang Pasko sagpaon gihapon nang imong kamot ug kinyentos pesos kon magkita na sab mo?
OKOY: Dili na gyud,Bay Etot.
ETOT (Natingala): Ngano mang pagkaunsa-a nga dili naman,Bay Okoy?
OKOY(Nanghupaw): Unsaon  man niya sa pagsagpa sa akong kamot nga napungkol naman siya kay nabuthan sa dinamita!
ETOT: Ngeeh,da lagi!

Lunes, Nobyembre 3, 2014

NASAAG

Nagbalikbalik si Ikyot sa iyang giagian ug nabatyagan niini nga "gimino" siya. Unya,suwerteng nahiagi sab si Otoy niadtong dapita.
IKYOT ( Nangutana) : Asa man to agi-a ang  among gipuy-an  sa stone village,Bay Otoy?
OTOY                        : Nasaag diay ka,Bay?
IKYOT                       : Lagi.
OTOY(Mitudlo sa unahan)  : Tu-a ra ay. Kon modiretso ka sa tuo moguwa ka sa wala.Ug kon modiretso ka sa wala moguwa ka sa tuo. Pahuway ka sa dakong punoan sa tangad unya moliko ka sa tuo ug diretso dayon sa wala.
IKYOT (Naglagot naminaw): Kanahan man siguro ka,Bay!
OTOY  (Misulirap ang mata): A,bahalag kanahan basta wa dunggang  nasaag!
IKYOT : Butangi!

ANG HUKOM

Human sa makuting pagtimbangtimbang sa kaso ni Ontoy nahukman ra gyud siya sa Huwes.
HUWES : Nahukman niining Taas nga Hukmanan nga sad-an ka Ontoy ug mabilanggo sulod sa  usa ka buwan sa sala nga pagpatay kang Ityok.
ONTOY( Mikatawa) : Ha-Ha-ha... salamat tawon  Nyor Huwes!
HUWES  : Nganong mipasalamat  kaman nako,Ontoy?
ONTOY  : Usa ka buwan ra man god kong mabilanggo.
HUWES  : Bitaw,usa ra ka buwan ikawng mabilanggo ug human niana bitayon ka na!
ONTOY  : Ayay!

Linggo, Nobyembre 2, 2014

BIYAAN

Namatay si Takyo human kini atakiha sa sakit sa kasingkasing nga nakigdulog sa usa ka babaye sulod sa usa ka  motel. Dangtag pipila ka gutlo mao na lamay naamgohan ni Takyo nga miatubang na siya ni Senyor San Pedro sa dakong ganghaan sa Langit.
TAKYO  : Nyor Pedro,unsa man kaha  mahilangit ba ako niini?
SAN PEDRO : Atong tan-awon dinhi sa Libro kon unsay imong adtoan Takyo niining imong paghiabot sa Langit.
TAKYO     : Nyor Pedro,mahimo bang kahatagan mo akog laing higayon aron akong makorehian ang akong mga kasaypanan  nga nabuhat sa didto pa ko sa Kalibotan.
SAN PEDRO (Naghunahuna): Buyno, ako kang tagaan ug lain pang  higayon Takyo,pero kinahanglan nga niining higayona imo na gyung biyaan ang mga daotang bisyo nga maoy  magnudnod kanimo sa kaalaotan,nakasabot!
TAKYO(Nalipay): Oo,Nyor Pedro.
Tuod  man gipabalik siya ni San Pedro.Sa nahiabot na siya sa Kalibotan nabuhi pagbalik si Takyo kay wala pa man malubong ang iyang patayng lawas. Unya...
TAKYO (Naghinuktok nga naglingkod sa tubaan ni Inse Epay): Bahala na,biyaan ko na gyud ang inom aron dili na ma-tsokolet ning akong utok ug dili  nako makapangitag away. Biyaan ko na sab ang pagsuyop ug syabu,biyaan ko ang pagpanugal,biyaan ko ang pagpangawat ug pangilad.....(Unya,nahilabay si Kikay kadtong babaye nga iyang nakauban sa motel.  Wala niya kapugngi nga misurok ang iyang dugo).
KIKAY (Mitimbaya kaniya nga nagpakigol ug short) : Unya,Takyo sige pa ta?
TAKYO(Nagpanglad-ok  nakakita sa  mga paa ni Kikay, ug sa ugdo nga dughan niini): Aw, ha?
KIKAY( Paraygon) : Biyaan ko nimo?
TAKYO: Biyaan god ,may man ug  nagsunodsunod nako si San Pedro!

MITAGO NA POD

Gikan nanagkot sa sementeryo nahiagi si Onyot sa tindahan ni Ikang nga diin didto sab ang iyang amigo nga si Boloy.
BOLOY (Unang mitimbaya): Diin ka man gikan,Nyot?
ONYOT : Didto ko sa sementeryo,Bay Boloy ug nangita lagi ko sa lubnganan ni Okoy kay akong dagkotan untag kandela.
BOLOY : Unya,Bay?
ONYOT : Wa man ko makakita sa lubnganan ni Okoy,Bay. Hilig gihapon tong tawhana sa tagotago da bisan patay na.
BOLOY : Mao diay kinaiya niadtong tawhana,Bay sa buhi pa?
ONYOT : Mao gyud,Bay!
BOLOY : Unya, hain man kaha tong tawhana nga wa man didto sa sementeryo?
ONYOT : Ambot lang mibalhin tingaleg  kondo!
BOLOY : Butangi!

Sabado, Nobyembre 1, 2014

MIBALHIN UG PINUY-ANAN

PASYO (Nakamatikod kang Saryo nga nahiagi. Mitimbaya): Bay Saryo,hapit una.
SARYO : Musta ,Bay?
PASYO  : Mao  lang gihapon,Bay. Diin kaman gikan?
SARYO : Miduaw ko sa akong uyoan,Bay sa bag-o niyang gipuy-an nga tres andanas nga balay.
PASYO  : Asa god atong uyoana  nimo,Bay Saryo?
SARYO : Ay kadto gong akong  uyoan nga tua na magpuyo ilawom sa  sementeryo ug tu-a ibutang ang  nitso sa ikatulong andana.
PASYO  : Bangas ka diha,Bay!

PULOS NALUMOS

ONTOY ; Kumosta,Bay karon pa gyud ta magkitag usab human s a daghang mga katuigan nga nanglabay...
ABDON : Bitaw. Ikaw?
ONTOY : Mao ra gihapon ko,Bay nagpabiling ulitawo. Ikaw?
ABDON : Biyudo na ko,Bay. bag-ong lang namatay ang ika-lima kong asawa...
ONTOY(Nahipugwat): Yatis ra! Unsa may namatyan sa imong mga  asawa,Bay?
ABDON : Kadtong una ug ikaduha kong asawa ,nalumos sa paghinigop sa sabaw.Kadtong ikatulo nakong asawa nalumos kay naligo sa dagat unya dili makahibawong molangoy.
ONTOY : Unya? Ay kog ingna nga nalumos gihapon ang ika-upat?
ABDON : Kadtong ika-upat kong asawa natagak sa barko,nalumos ug dedbol sab.Unya, kadtong kataposan nga ika-lima  kong  asawa  nga bag-ohay pang namatay...
ONTOY : Naunsa man to?
ABDON : Da, akong gilumsan na lang   uy  kay di man moambak sa tabay!
ONTOY : Ngeeh!

NANGASABA

TIKYO : Diin kaman gikan,Bay Teroy?
TEROY:  Didto gikan sa sementryo,Bay nangasaba ko sa akong uyoan.
TIKYO : Yamat ra. Nangasaba ka sa imong uyoan nga dugay naman tong napudlong?
TEROY:  Mo lang.
TIKYO : Ngano man?
TEROY: Da buot-buot mag balhin  ug gipuy-an unya magbayad man diay tang tagtungod kon habwaon nang bukog nga mahabilin!
TIKYO : Butangi!

Huwebes, Oktubre 23, 2014

IBASURA

TONYO : Sige silag ingon ,Bay Antoy nga ipabasura ang VFA  kun visiting forces agreement  sa mga Kano dinhi sa atua  sa Pilipinas.
ANTOY : Maoy gusto niining mga walhon,Bay.
TONYO : Problema man god,Bay.
ANTOY : Unsa may nakaproblema ana,Bay?
TONYO : Asa man na ibutang : sa malata  o sa di malata!

Biyernes, Oktubre 17, 2014

MAILHAN RA GIHAPON?

TIKYO  : Kinsa kahang buanga tong tawhana  nga mi-rape  sa baboy,Bay no nga nabalita sa radyo?
ONTOY : Wala lagi mailhi kay nagtalikod man. Ug, sa dihang masakpan na unta sa tag-iya sa anay nga baboy mikaratil man ug dagan...
TIKYO   : Mailhan ra man gihapon to,Bay.
ONTOY : Unsaon man sa pag-ila kon pananglitan dili kadto ilang silingan?
TIKYO   : Hunahuna-a ra god,Bay nga kini ra bang mga anak mangita gyud sa ilang amahan.
ONTOY  : Aw, o. Unya?
TIKYO   : Kon makit-an tong tawhana sigurado man gyud tong sundon sa mga baktin,bantay  ka lang!

BESPREN

BUTSOY : Ingon ka,Botyok nga  "dog is mans  best friend."
BOTYOK:  Mao man bitaw na.
BUTSOY : Unya, nganong gipaak man lagi ko sa inyong iro?
BOTYOK : Aw, di pa man mo best friend.
BUTSOY  : Butangi!

ANIMAL GYUD

TAKYO : Pagka kuyaw na ron sa atong kapanahonan,Bay Senio.
SENIO   : Bitaw. Daghang kahibudngan ug makuyaw nga mga panghitabo sa atong palibot...
TAKYO  :Laliman ka nga dunay tawo nga gi-rape  ang baboy!
SENIO    : Yamat ra!.
TAKYO  : Tinuod bitaw, akong nabasahan sa binisayang  mantalaan..
SENIO    : Nahibawo nako kon unsang klaseha sa tawo na,Bay.
TAKYO  : Unsa man kuno?
SENIO    : Aw, animal gyud!

Huwebes, Oktubre 16, 2014

NABALE

Gitawag ni Iska ang iyang anak nga si Otoy.
ISKA : Dong Otoy isuroy na sab ni didto sa may plasa ang mga ice candy  nga bag-o pa nakong gikuha sa tindahan ni Bibeth o.
OTOY (Nagpangawot sa ulo): Nanay sab uy, bag-o pa lang gani tang nahuman sa pagsuroy sa mantekaang saging, unya karon na pod Ice candy?
ISKA : Ay na lang pagreklamo diha haig wala kay ibawon ugma?
OTOY: Sige na lang,Nay,uy. Tagai baya kog bawon ugma ha kon moeskuwela nako?
ISKA  : O, lagi. Sige lakaw na.
Didto  sa plasa tuod man gisuroy ni Otoy nga iyang baligya.
OTOY: Palit namo diha niining akong suroy...
MIYOT : O,unsa naman pod na,Toy kaganiha nanuroy kag mantekaang saging.Karon.
OTOY   : Bitaw,Bay. Sige,Bay paliti kog ice candy  bi  maayo ni kay init pa!
MIYOT : Butangi!

Miyerkules, Oktubre 8, 2014

PREMYO SA DAGAN

Maoy  namatikdan ni Ingkoy ang naggilakgilak nga kuwentas nga bag-ong gisul-ob ni Pedot.
INGKOY (Mibuyag) : Nindota sa bag-ong kuwintas nimo,Dot,uy naggilakgilak man!
PEDOT   : Daog ra ni nako,Bay.
INGKOY:  Nindota god? Diin ka man niana makadaog,Bay?
PEDOT   :  Sa lumba  sa dagan,Bay!
INGKOY:  Diin  bang lumba-a ba?
PEDOT   :  Didto god sa piyer tres,lumba mig dinaganay sa mga security guards  ug sa mga police!
INGKOY:  Tua ra!

HADLOK NA SAB

Duha ka  ungo  nagkaestoryahanay.
UNGO  1: Dili nako karon mosuroy matag gabii,Brad.
UNGO  2: Ngano man diay,Brad?
UNGO  1: Kuyaw na kaayo ron ang panahon!
UNGO  2: Ka-ungo nimong dako, unya mahadlok kang mosuroy sa gabii? Dili  kana diay motuwad  tunga sa kalsada, ug manghadlok sa mga tawo?
UNGO  1: Dili na ko,Brad.
UNGO  2: Ngano man?
UNGO  1: A, hiagian pa lang hinuon ko anang mamusil nga mag-motorsiklo  nga ride in tandem mabuak ang akong bagolbagol!
UNGO  2: Tua ra!

PALAIN NA SAB

Duha  ka ungo nagkaestoryahanay.
UNGO  1: Morag  midaot  ka man ron,Brad wala na ka mosuyop ug dugo aron ka manambok?
UNGO  2: Dili na ko karon mosuyop ug dugo,Brad.
UNGO  1: Yamat  sab. Unsa man diay ron ang imong suyopon kon mangungo ka matag gabii?
UNGO  2: Palain na sab ko karon ug suyop ug syabu,Brad!

MOSAMOT

Gibadlong ni Tikya ang iyang bana nga si Minggoy sa dili na pagkaon sa humba nga mao unta ang kinaham niining pagkaon.
TIKYA  : Ayaw na sigeg  kaon anang  humba,Goy  kay makahayblad na.
MINGGOY(Nagpanglad-ok nakakita sa baboy): Ayg binuang diha,Tikya.Makahayblad  god?
TIKYA   : Ay di kaman motuo ! Makahayblad lagi na.
MINGGOY (Nasuko) : Unyag wa koy isud-an   di kaha mosamot kog ka hayblad ani ron!

MORAG NAKAAGI

Usa ka makililimos ang miduol  kang Ikong.
MAKALILIMOS : Limos,tawon sir  ning kabos...
IKONG(Mitutok) : Magpakilimos ka nga kabaskog nimog lawas?
MAKALILIMOS : Maayo na lang ning magpakilimos,sir  kay   sa korap.
IKONG                : Aw, hinuon kanang imong giingon basta  may korap,duna gyud nay kawat. Unya,nganong dili  man ka mangawat?
MAKALILIMOS: Di ko,uy mapriso pa lang hinuon ko,sir!
IKONG                : Aw, ayaw pangawat  ug ginagmay,aron di ka mapriso ug may ikabayad ka sa abogado  nga molaban nimo!
MAKALILIMOS: Maayo gyud kang manambag,sir  da,mora mag nakaagi?
IKONG(Misulimbat ang mata): Butangi!

DAGHANG SUGO

Kay  gialingugngogan sa sigeg tagawtaw ni Inse Minang, wa makapugong si Ontoy pagsumbalik ug yawyaw  sa iyang asawa.
ONTOY(Mitulisok sa asawa) : Ikaw,Minang morag labaw pa man kas Ginuo! Pagkadaghan ba nimog sugo dire nako,uy nga wala man koy pahuway!
INSE MINANG : Ayg reklamo,Toy. Karon na lang nga  moreklamo  ka dire nako?
ONTOY              : Ang atong Ginuo nga napulo ra man gyud na ang Iyang sugo ngadto sa tanang katawhan.
INSE MINANG(Sakgaw): O,bitaw.  Ako kay ngano man?
ONTOY :A, ikaw labaw ka  pa sa Ginuo kay sobra pa man sa napulo ang imong tanang sugo dire nako kada adlaw!

MOSUYOP

TIKYO  : Unsang hitaboa si Istoy,Bay?  Nabuang kuno sa sigeg   gamit ug syabu.
EMOK   : Mao man kuno.
TIKYO  : Yamat ra . Pagkabut-an adtong bataa,unya  kusog diayng mosuyop ug syabu?
EMOK   : Nabuang lagi.
TIKYO  ; Unya,hain naman ron si Istoy,Bay?
EMOK  : Tua na magyampungad  sa ilang  alad sa baboy,Bay.
TIKYO  : Ngano man?
EMOK  : Kusog naman sab mosuyop ug lamaw sa baboy!
TIKYO  : Butangi! Nganong miinter!

LAHI NA

BADOR   : Lahi na gyud ron  ang atong panahon,Bay Isyot.
ISYOT     : Tinuod na,Bay.
BADOR   : Niadtong atong panahon s a atong kabatan-on,una ta magminyo mangita unag trabaho aron makabuhi sa atong pangasaw-on.
ISYOT    : Bitaw.
BADOR  : Unya, karon lain naman...
ISYOT     : Unsa naman  diay ron,Bay?
BADOR   : Mangasawa  naman daan una mangitag  trabaho !
ISYOT     : Patay  tanan!

MAHAL

TIKYA( Miparayeg kang Botoy): Tinuod ba nga imo kong gimahal,Toy?
BOTOY : Aw, o uy!Mahal na mahal!
TIKYA   (Midip-ig sa dughan ni Botoy): Unya,Toy paliti kog bag-ong innova  nga sakyanan...
BOTOY : Samot na nga mahal.
TIKYA   : Ako,Toy?
BOTOY  :Ang  innova  samot nang kamahal!

Linggo, Oktubre 5, 2014

MAKAMAO PA

Usa  ka sayong buntag niana nahiabot sa panimalay ni Ingko Titoy ang usa ka  reporter  sa radyo aron mohimog  pakisayod kaniya kon unsay iyang sekreto nga nakakab-ot kinig 112 anyos  nga pangidaron  ug lagsik pa!
REPORTER  : Live  ta  ka  ron Ingko Titoy sa  among sibyaanan ,ug madungog ta sa bisan asang suok sa kalibotan nga kutob maabot sa atong  signal.
INGKO TITOY : A,diay ba? Pagkatalagsaon gyud.
REPORTER       : Ingko Titoy buot namong masayran karon kon unsa man gyuy imong sekreto nganong nakaabot ka man nianang taas mo karon nga pangidaron?
INGKO TITOY : Ang akong sekreto sayon ra man,Dong Reporter. Mokaon ko kanunay sa mga utanon,prutas sab nga lab-as gikan sa akong umahan, preskong  isda  ug dimdim  sab ug tuba,unya motor.
REPORTER(Nahiuknol) :  Aw, mao diay na? Sayon ra diay kaayo no?Unya, mag-motor ka pa diay gihapon Ingko?
INGKO TITOY               : Aw, o uy!
REPORTER                     : Makamao pa diay ka gihapong mo drayeb,Ingko sa  motor?
INGKO TITOY               : Mo lang. Motordyak god!
REPORTER                     : Butangi!

Huwebes, Oktubre 2, 2014

NAGISI

Sa nahitabong kagubot kagabii sa Pista sa Stone Village  ,nakapangutana si Ikong sa iyang higala.
IKONG : Bay, duna man kunoy nahitabong sinumbagay kagabii sa pista didto sa Stone Village?
ANDOY: Tinuod na,Bay. Puwerteng bun-oga ni Koing nga taga Buyong kay gikulata ni Pael nga taga So-ong. Unya, si Etot,nadiskarel ang tiil kay gibikwang ni Poldo nga taga Pag-utlan ug nagtakiang nang mipauli.
IKONG : Pwerte diayng karambola,Bay.
ANDOY: Mo lang. Pero, akong  naluoyan si Isyot.
IKONG : Ngano man diay si Isyot?
ANDOY: Maayo  gyung  pagkagisi sa iyang wait!
IKONG : Way problema,Bay.
ANDOY: Ngano man,Bay?
IKONG : Bungi namang daan si Isyot!
ANDOY: Butangi!

MOGAHI

Ang managkomareng Ikang ug Andat nagkasultihanay usa ka palis.
IKANG : Unsa man na si Pare,Mare tiggamitan diay nag viagra?
ANDAT: Usahay ra god,Mare.
IKANG : Aw, sagdi lang Mare. Unya,Mare kusog pang mogahi?
ANDAT(Nangyamiid) : Da,mag-unsa  man nag gahi nga ingon gihapon kadak-ag toothpick!

AYG DUGAYDUGAY

IYOK : Sugta na ko,Iyay. Ayg dugaydugay.
IYAY  : Sige,Yok sugton tika way dugaydugay.
IYOK : Kana maoy maayo. Unya,uyab na ta ron?
IYAY  : Sige,pero kan-a una ning buriring nga akong giluto. Sige na ayg dugaydugay!
IYOK(Nakuyawan): A, bahala nag malangay,Day Iyay basta dili lang ko daling mamatay!
IYAY  : Maay ra!

Miyerkules, Oktubre 1, 2014

MASULOD

ASOY       : Ingon ka,Igso masulod bisan pag bayente ka tawo niining imong baligya nga banig?
MUSLIM : Tinuod bitaw kana,Igso.
ASOY      : Unya,sa pagpangatulog namo kagabii,lima ra man mi lagi  ang nakahigda niining banig!
MUSLIM : Aw, mao diay.
ASOY      : Unsa may mao diay?
MUSLIM : Aw, ayaw mo paghigda,pagbarog mong tanan aron sobra pa sa lima ang masulod!
ASOY      : Tuara!

ANG NAILAD

Maoy namatikdan ni Boloy si Omik nga  nagtingsi ang nawong  samtang naglakaw padulong sa iyang nahimutangan ilawom sa Nangka nga iyang gilingkoran.
BOLOY : Naunsa ka,Mik nga morag nahimuot ka man?
OMIK    : Kinsay di mahimuot ana,Loy nga maayo gyud nakong pagka-ilad si Tarsiyana.
BOLOY : Tarsiyana ba?
OMIK     : Si Tarsiyana god kanang libat nga tindera ni Inse Bilay.
BOLOY : Kay giunsa man diay nimo pag-ilad si Tarsiyana?
OMIK    : Ay nagpa-lod ko ni Tarsiyana kaganiha sa selpon. Haskang buanga lagi!
BOLOY : Unya,haiy man diha nga nailad mo si Tarsiyana?
OMIK    : Wala man koy selpon!
BOLOY : Butangi!

MOUTONG

Usa ka ahenteng Muslim ang namaligyag relo sa aseras.
MUSLIM (Mihagad) : Palit na niining nindot nga relo Igso kay bisan kon isalom pa kini nimo sa dagat dili gyud masudlag  tubig.
OTOY  : Yamat ra. Aber testingi kuno pagbutang kanang relo diha sa planggana nga may tubig.
Tuod man gitestingan ang relo pagbutang sa planggana nga dunay tubig apan kalit kining mihunong sa pagtuyok.
OTOY :  Mihunong man lagi,Igso?
MUSLIM: Ayg  kahibulong ana,Igso kay water resistant man kana busa awtomatik gyud nang moutong!

ATLETA

ONTOG  : Ang among kaliwat,Bay pulos gyud mga athlete!
SIDOY    : Aw, mahiligon gyud diay mo sa esports,Bay.
ONTOG  : Mao gyud na. Kamo diay,Bay? Walay nahimong athlete sa inyong  pamilya?
SIDOY    : Aw, duna pod,Bay,uy.
ONTOG  : Kinsa man,Bay?
SIDOY    : Si Tatay,Bay kay duna man siyay athlete  sa iyang tiil!

MOGAHI

TIKOY : Ingon nila,Pre nindot imnon ang bahalina kay makapagahi.
ONYOT: Motuo kaman niana,Pre. Ngano ang ako wala man lagi ni mogahi?
TIKOY : Aw, unsa man diay pagtuo nimo nga mogahi,Pre?
ONYOT: Kini gong atong "armas de fuego!"
TIKOY : Dili na mao,Pre,uy.
ONYOT: Unsa man diay?
TIKOY : Ang ato gong "hugaw!"
ONYOT: Tuara!

DILI MAPROBLEMA

Taliwala sa dakong lawod ingon sa gikusokuso sa mga dagkong balod ang barko nga gisakyan nilang Andat ug Odog nga gikan sa Leyte.
ANDAT (Gikuyawan) : Pastilan,Dog,pagka dagko ba sa bawod basin kon matikyaob ning barko nga atong gisakyan?
ODOG (Hubog pa gihapon): Sus pagkakuyawan gyud ni,Dat. Ay ganig punayg banha diha!
ANDAT : Kinsa goy di makuyawan nga malunod unya ning barko!
ODOG   : Unyag malunod nganong ma-problema  man ka nga dili man kini ato!

Lunes, Setyembre 29, 2014

MOTUO

Usa ka buntag niana,mikumpisal si Inggot ngadto sa pari sa ilang lungsod.
INGGOT (Sulod sa kumpisalan): Mokumpisal ko,Dre kay ako nakasala.
PARI   :      Isugid kon unsa man kanang imong mga sala.
INGGOT : Kuan,Dre daghan nakong pari nga napatay kay pulos man gyud sila mituo sa Diyos.
PARI(Nakuyawan): A,diay ba? Pagka dako sa imong sala.
INGGOT               : Unya,Dre unsa may akong buhaton ani ron. Motuo ka ba nga pasayluon ko sa Diyos niini?
PARI                      : K-Kining niadto motuo man ko sa Diyos,pero karon dili naman kay hinay naman pod ang koleksiyon sa simbahan!
INGGOT               : Butangi!

SAYOP GIHAPON

OLDOK (Nagyawyaw): Mao gyud mo,Tay, Nay bisan unsa na lang akong buhaton alang kaninyo pulos sayop! Kon dili gani ko magsag-ob ug tubig nga mainom,ingnon kon walay hinungdan! Kon dili ko mangahoy,ingnon kon walay kapuslanan! Kon mangayo tag kuwarta akong i-disco ingnon kong nag-usuk-usik lang.Laktod nga pagkasulti,alang ninyo tapolan ko ug way hinungdan!
TAKYO (Amahan): Di mao god,Dong Oldok pinangga ka namo. Amo  kang gimahal kay bugtong ka namong anak! Nasayop sa imong pagtuo,Dong.
OLDOK : Da lagi sayop gihapon ko!
TAKYO  : Butangi!

BINAG-O

TIKOY  : Giunsa man nimo sa pagpangulitawo,Bay Andot nga imo mang napasugot si Tikay nga usa ka matahom?
ANDOT : Akong gigamitan sa binag-ong estilo sa panguyab,Bay?
TIKOY  ; Yamat ra. Kay duna diay binag-ong estilo sa pagpanguyab?
ANDOT : Duna,uy.
TIKOY   : Bi,sultihi kuno ko kon unsa nang binag-ong estilo sa pagpangulitawo nga gigamit nimo bi.
ANDOT : Giingnan nako si Tikay,Bay Tikoy nga, Day  Tikay basta dili gani ko nimo sugton ron,kining tumoy sa akong kutsilyo motaop gyud sa imong tutunlan. Da, sugot lagi dayon!
TIKOY  : Tuara!

Sabado, Setyembre 13, 2014

PATAAS SA KINABUHI

Usa ka buntag niana giinterbyu sa usa ka Reporter sa usa ka binisayang mantalaan dinhi sa Sugbo si Koing aron mahibaw-an kon unsay sekreto niini sa taas niyang kinabuhi.
REPORTER  : Unsa man gyuy sekreto nimo  Noy Koing nga miabot ka man nianang taas mong pangidaron  karon?
KOING (Lango pa gumikan sa kahubog): Simpol  ra man mister Reporter.
REPORTER  : Mahimo ba nga akong mahibaw-an?
KOING         : Naglikay kong maghunahuna sa akong problema,sige kog inom taman sa ginhawa,wala ko mag-stress  kay wa man ko mahigti anang lending, ug malipayon ko bisan way sapi ug mabuhi bisan sa pagpangayo sama sa mga badjao !
REPORTER   : Mao diay na? Simpol ra god.
KOING( Kabiya-on sa reporter) : Yuna,adto na ko sa tindahan ni Bibeth  mopalit kog Kulafu. Nia dinhi padu'ong  ang akong  asawa.
REPORTER  : Ngano man diayg nia padu'ong dinhi ang imong asawa?
KOING         : Ingon bitaw ko nga maglikay sa  akong problema.
REPORTER  : Butangi!

Martes, Setyembre 9, 2014

LISOD PATYON

TERYO : Kini si Koing,mao gyuy nabantog nga palahubog niining atong dapit. Sa iyang pagkapalahubog nag-ampo na lang ang iyang asawa nga maayo untag mauna na lang nig katigbak..
GORYO: Bitaw.
TERYO : Pero lisod patyon nang tawhana.
GORYO: Ngano man?
TERYO : Unsaon, kon imong hiloan,di ka talab ang hilo kay igo lang mongislo ang nawong.Kon imong paimnon sa taman morag dili mahubog ug wa ko kakitang mobarag. Kon imong paligsan,abtik pong molukso ug molihay...
GORYO: Morag dili pa gyud na patyonong tawhana,Bay.
TERYO : Mao bitaw,nga si Imyat nga iyang asawa miuna na lang.
GORYO: Hain man diay ron iyang asawa,Bay?
TERYO : Miuna na lang ug kamatay gumikan sa konsumisyon,Bay!
GORYO: M'oy  gidangat!

TAGAM

Sa piyesta sa Baryo Kandugso nahisuroy ang nabantog nga labing dakog kaon nga si Ontoy.
TIKYO : Bay, tan-awa ra god na si Ontoy nga nagtimitimi nga nagkaon.
APYOT: O,da! Di ba gibantog man nang tawhana nga labihan ka dakog"lamoy" kay ipanghamong man lang niya ang bisan unsay iyang mapunitan kon mokaon? Ngano kaha?
TIKYO : Tan-awa,Bay. Nanghingiki na.
APYOT: Bitaw. A, mao diayng nagtimitimig kaon si Ontoy,Bay.
TIKYO : Ngano man,Bay?
APYOT: Da tan-awa, buwad man nga bulinaw maoy gipakaon sa tagbalay nga iyang gipamistahan!
TIKYO : Butangi!

NASOBRA

SIMOY : Matod pa sa uban nga ang pagkatawa usa ka maayong tambal sa atong hunahuna ug panglawas.
MIYOT : Bitaw.
SIMOY : Unya,tan-awa na si Iyok nga naghubo ug nagsigeg katawa,nag-unsa man na?
MIYOT : Aw, tambal nas utok maoy gikinahanglan ana,Bay  kay hisubra-an na sigeg katawa!

Biyernes, Setyembre 5, 2014

WAYPAY

Si  Tikyo nga bag-ong nakapalit ug laptop computer  nahasulod sa usa ka luhong restaurant.
TIKYO (Nangutana sa waitress) :  Naa moy  wifi  dinhi Mis?
WAITRESS : W-Wala man miy  waypay dire,Sir.
TIKYO       : Aw  diay ba? Unsa man diay nia?
WAITRESS  : Kining amo ron dire ,Sir  apple pie  ra gyud ug mango pie!
TIKYO       : Butangi!

LISTAHAN DIAY

Maoy namatikdan ni Matilda sa dihang nahiagi sa tugkaran nilang Poldo sa pagkakita niining gipaningot  samtang nagbasa sa usa ka papel.
MATILDA (Mibuyag kang Poldo): Naunsa ka diha,Poldo nga gipaningot kaman nga nagbasa nianang papel?
POLDO(Nagkabungabunga): B-Bitaw,Tilda.
MATILDA : Unsa nang imong gibasa  diay,  horor nga komiks?
POLDO      : Labaw   pas,horor ning akong gibasa!
MATILDA : Kay unsa man diay na?
POLDO      : Listahan ni sa taas na nakong utang sa tindahan ni Nang Kulasa!
MATILDA : Ngeeh!

Lunes, Agosto 25, 2014

MAKA-KITA

Pagliko ni Pedot sa dalan padulong sa may plasa maoy nasugatan niya ang usa ka makililimos,ug  unya...
MAKILILIMOS( Mihayang sa kawo ug gipaatubang kang Pedot)
PEDOT (Mikuot sa bolsa.Maoy nakuotan ang dos pesos nga karaan  nga dili na karon madawat,  ug gitagak sa kawo): Nia ra o.
MAKILILIMOS(May gikuot sa bolsa,ug gipabasa ngadtong Pedot)
PEDOT (Mibasa sa gihatag nga gamayng papel): Sir, dili ko makasulti kay amang,pero dili tawon ko buta nga dili  sab makakita kon unsay imong gitagak sa akong kawo.
Butangi!

NGILNGIG POD

TAKYO :  Sa mga nasod nga Arabyano,Bay kon dunay manlugos nga masakpan silot gyud dayon sa kamatayon pinaagig  pagbitay o sa pagbato hangtod mamatay!
SIDOY  : Yatis ra,Bay. Dali god.
TAKYO : Mo lang. Sa nasod  sa Tsina kon mapatud-an nga ikaw usa ka manlulugos dihadiha patyon ka sab dayon.
SIDOY  : Ngilngig gyud diay ang ilang mga balaod didto,Bay. Pero dinhi sa Pinas,Bay maoy pinakangilngig.
TAKYO : Nganong nakasulti kaman niana,Bay?
SIDOY  : Di ba ngilngig  na kay ang pasanginlang manlulugos,moingon man sab dayon, see you court!

DILI MASAAG

Pipila na ka oras sa iyang paglakaw ug sil-ip sa mga eskinitang gagmay apan wa gyud makahinumdom si Delfin kon asa nga eskinaha ang agianan padulong sa balay sa iyang higala nga si Ondoy niining dapita dinhi sa Maribago nga gitawag ug, Stone  Village. Hangtod nga nahiagi siya sa usa ka tawo nga naglingkod ubos sa dakong  punoan  sa Antuwanga, ug iyang gipangutana.
DELFIN : Bay,nahibawo ka kon asa to ang balay nilang Ondoy-Ciana niining Stone  Village?
TAWO (Nagpitokpitok ang mga mata): A,Ondoy kadtong  palahubog, ug kusog sab mosuyop ug Kulafu nga hinabako sab ug lomboy?
DELFIN : Dili man na palahubog ug kusog  sab mosuyop si Ondoy.
TAWO    : A, Ondoy  kadtong nahilo sa balanghoy ug kusog mokaon ug kinilaw nga buriring!
DELFIN(Nagduda sa tinubagan sa tawo): Morag nalisoan kaman  sa maayong pangisip,Bay da.Buang ka no?
TAWO (Mikisdom ang nawong,ug misiga ang mga mata): Unyag, buang?
DELFIN(Midistansiya sa tawo): Aw,buang gyud!
TAWO (Kalit naglagot) : Aw, bahalag buang basta dili parehas nimong nasaag!
DELFIN : Butangi!

PAKAPINAN

ANDANG : Sa basahon nga gisuwat ni Ronie Catadman, nga" Modernong Pagya",Day Andat  mabasa ni: Timan-i  nga hapdos pa gani ang samad magtipun-og  ang mga panaad,apan kon wala na gani ang mga pag-antos hikalimtan na lang ang mga Santos!
ANDAT    : Tinuod gyud na,Dang. Kay parehas god nimo sige lang kag saad nga mobayad ka sa imong utang dinhi sa akong tindahan,pero hangtod ron nga kapordoyon na ko, wa man.
ANDANG : Parehas ba god na,Dat?
ANDAT     : Mo lang! Unyag mapordoy nako mobayad ka pa kaha?
ANDANG : Ngano gong dili pakapinan pa nako.
ANDAT     : Unsa may imong ipakapin?
ANDANG : Aw, pakapinan nakog ingon: da maayra!

DILI PUYDE

Diha sa dressing  room  nagkapuliki  ug sukodsukod and usa kab ayot nga customer.
BAYOT : Mis, sales lady  puyde tunolan ko nimog   laing klase  sa bra   kay  akong isukod?
SALES  LADY (Mitunol sa bra): Nia ra o,isukod  lang...
Tuod man  gisukod  sa bayot ang maong bra   ug medyo nakauyon ni .Mitawag  na sab  sa sales  lady.
BAYOT  : Mis tunoli god kog   laing klase  sa t-back  kay  akong isukod.
SALES  LADY(Nakalad-ok sa laway): Nia ra o. ( Nakasil-ip  sa kinatawo sa bayot. Nakuyawan).Uy,Mis di  gyud puyde nga mag t-back  ka!
BAYOT (Nahibulong): Kay ngano man diay,Mis?
SALES LADY : Kuha mog ngano nga haskang pagka too big anang imo!
BAYOT : Ay kabayong  kabang!

Biyernes, Agosto 22, 2014

DILI NA BUWAD

Minghoy ang bayhon ni Andang nga mitambong sa talad kan-anan usa ka gabii niana.Si Ontoy nga iyang bana wala maggunok nga naghinan-aw lamang  sa piyasot ug dagway niyang asawa diha sa ilang suwambi.
ANDANG  : Pastilan niining atong kahimtang,Toy sa matag kaonan nato ang atong isud-an kanunay lang gyung buwad nga isda. Pait naman kaayo ang akong panagamtam sa akong dila!
ONTOY     : Antosa  lang god,Dang. Sagdi lang kay ugma dili na buwad isda maoy akong ipasud-an nimo.Dili kana mag-antos niining atong kahimtang!
ANDANG  : Unsa may atong isud-an diay,Toy?
ONTOY     : Sinugba  na sab nga buriring ug binuwad nga balanghoy!
ANDANG  : Patay!

I-PAATUBANGAN

BUKNOY : Dunay panultihon nga nagkanayon: sa matag kalamposan sa usa ka lalaki dunay nagpaluyo nga usa ka babaye.
CIANO      : Tinuod na,Bay. Pero  duna man sab nga panultihon nga sa kapakyasan sa usa ka lalaki nagpaluyo gihapon niini usa ka babaye.
BUKNOY : Unya?
CIANO      : Aw, sa laktod nga pagkasulti,Bay.
BUKNOY  : Unsa man?
CIANO      :  Dili gyud  ibutang ang babaye anha sa luyo,mas maayo pa nga anha ra gyud sa atubangan!
BUKNOY  : Butangi!

Sabado, Agosto 16, 2014

MABASA GIHAPON

Usa ka adlaw niana nga  nanagat si Budoy ug Anot.
BUDOY : Not, nag-uwan man, mamasilong una ta!
ANOT    : Mamasilong god,nya asa man ta mamasilong nga nia man tungatunga sa lawod?
BUDOY : Mangambak ta sa atong sakayan unya atong kolbon.
ANOT    : Unyag  makulob  na?
BUDOY : Aw, adto ta mamasilong  sa  ilawom aron di ta mabasa sa uwan!

MOBILANGKAD NA

Sulod sa usa ka imnanan.
TIKYO (Miagda  sa  babayeng nakatupad) : Ikaw, Day gusto kag  mainom?
BABAYE  : Depende kon unsay imnon,Sir.
TIKYO      : Beer   ra god dihang bugnaw,gusto ka?
BABAYE  : D ili lng ko ana,Sir.
TIKYO      : Ngano man,Day.
BABAYE  : Manghupong dayon akong mga paa,Sir.
TIKYO      : Aw, alerdyik diay ka?
BABAYE  : Di man,Sir. Kuan man  god,Sir  basta mahubog nako dali na kaayong mobilangkad ang akong mga paa!
TIKYO      : Ngeeh!

Biyernes, Agosto 15, 2014

NANGAYOG TABANG GIHAPON

Maoy natangkaan ni Don Etot sa dayon na niyang pagpasulod sa iyang sakyanan sa ilang gate kadtong lalaki nga mianha kaniya sa miaging adlaw  nga  nangayog tabang  nga nagbarog diha  sa kilid.
DON ETOT : O,nia ka naman sab lagi? Ay kog ingna nga nia ka na sab kay dunay problema?
TAWO :          Tinuod na,Nyor.
DON ETOT  : Niadtong miaging semana mianhi ka ug nangayog tabang kay ingon pa nimo nga nasunogan mo?
TAWO          : Tinuod na,Nyor.
DON ETOT  : Unya,karon unsa naman sab ang imong tuyo? May sunog na pod?
TAWO          ; Mangayo na sab lagi   kog tabang nimo,Nyor.
DON ETOT : Unsa man pananglit nga tabang?
TAWO          : Pagpalubong  na pod sa akong asawa,Nyor!
DON ETOT  : Ngano man? Unsa man hitaboa nga namatay man ang imong asawa?
TAWO          : Da, akong giingnan nga sunogon na sab ang among gipuy-an,unya wa man siya magkihol Nyor mao tong ako na lang siyang gihagbong sa pangpang,tigok hinuon!
DON ETOT  : Butangi!

Huwebes, Agosto 7, 2014

MATH

LOBOY (Ngadto sa higala nga Kano): Do you  like Math?
KANO      :Oh,yes!  And, you?
LOBOY    :Ako,Bay Kano? I  do not like.
KANO (Nahibulong) : Why?
LOBOY    : Very  difficult.
KANO       : No. Its  delicious,you know.
LOBOY     :Why?
KANO       : Math  is like sex: you add to have a bed, dim and minus the light,substract all the clothes and then bringdown  all to look naked. Then, divide the legs,find the least common denominator and get ready to multiply!
LOBOY     : Exactly!

WALA MAHILABTI

ONDOY   : Daghan kaman gyug uyab,Jef,panghatag bi.
JEFFREY : Unsay imong gusto?
ONDOY   : Kanang wa pa nimo mahilabti.
JEFFREY : O,sige akong ihatag to nimo si Kulasa.
ONDOY(Miyamiid): Yatis ra kadtong Kulasa nga nagkaangkaang na sa katigulangon?
JEFFREY                 : O,mao to.
ONDOY                   : Wa diay to nimo mahilabti?
JEFFREY                 : Hilabot god nga nanimaho naman tong tinustos!
ONDOY                   : Butangi!

WALAY NILUNG-AG

Gikan sa tubaan ni Inse Bening nahiabot si Etot nga nagsusapinday sa tumang kahubog sa ilang panimalay.
ETOT    : Day,mangaon na ta.
IKANG : Unsay atong kan-on nga wala may nilung-ag?
ETOT    : Nganong wala man ka maglung-ag?
IKANG : Unsaon ko man sa paglung-ag nga wala naman tay bugas diha!
ETOT(Kapanglingolingo  sa ulo): Na hala pagbuskad didto banig kay matulog na lang ta...
IKANG (Ingon sa nalipay): Yehey!
ETOT   : O,nganong nalipay kaman?
IKANG: Na bahalag way nilung-ag kay duna may saging!
ETOT   : Ngek!

Huwebes, Hulyo 31, 2014

ANG KAHULOGAN

MAM  TIKAY-ANG : Unsay , meaning sa Math class?
DAYANA(Mipataas  sa kamot) : Ako,Mam.
MAM TIKAY-ANG : Yes, ikaw Dayana. You  answer  the question...
DAYANA  : Math  is the same of mathemathics which contains numbers,shapes,formula,polygons,etcs..
MAM  TIKAY-ANG : Very good! 
Maoy nakita ni Mam Tikay-ang si  Goryo nga didto sa luyo  nga dapit nga nagpunayg  pasalipod  sa likod sa iyang klasmet. Iya ning gitawag.
MAM  TIKAY-ANG : You , Goryo  what is Math?
GORYO(Nagkabungabunga):K-Kining,Mam,  M-Math is: mental  abuse to  human!
MAM TIKAY-ANG(nakalitan): OMG! 



ADDENDUM : OMG ( OH  MY GOD!)

MAO GIHAPON

Hilabihang pikala ni  Basyang sa paghiuli sa iyang bana nga si Etot kay  hubog naman sab ni.
BASYANG : Hubog ka na sab,Tot! Pagkawa gyud nimoy kapuslanang banaha ka,uy! Mihigos naman gani nang imong lawas gumikan sa imong pagkapalahubog!
ETOT (Nasuko) :  May na lang ning bisyoha ,Basyang kay inig ka ugma mahuwasan man dayon sa kahubog ug makabalik sa trabaho,  ikaw!
BASYANG(Misulimbat ang mata): Unyag ako? Unsa man?
ETOT     : Imong nawong bati gihapon tan-awon bisan pag-pila ka ugma!

TABANGAN

Maoy natukmaan ni Nyor  Tikoy ang usa ka tawo nga hamos  ang pamay-hon nga  nagbarog atubangan sa  ilang gate  sa  dihang  mopagawas na unta kini sa luho niyang sakyanan nga Honda Civic.
NYOR  TIKOY  : Nag-unsa ka dinhi Noy,ug unsay imong tuyo?(Dungan nga pangutana).
TAWO                : Mangayo unta kog tabang nimo Nyor kay nasunogan mi.
NYOR  TIKOY : A,diay ba. O,sige tabangan tika. Balika  unya ko dinhi.
TAWO                : Nus-a  man ka nako balika,Nyor?
NYOR  TIKOY :  Basta  human mog hipos sa uling nga habilin sa sunog, balika ko dinhi kay akong paliton!
TAWO                :  Ngee!

Martes, Hulyo 29, 2014

WALA MAGSULTI

TASYO (Miorder):  Day,tagai  ra god kog kape ug gatas.
Miduol  ang silbedora dala ang gi-order ni Tasyo.
TASYO (Nahingangha): Sus pastilan  wa man lagi ni tubig ang gatas ug kape,Day nga imong gihatag?
SILBEDORA : Aw, wa man god ka magsulti ,Noy nga butangag tubig.Abi ko man kon may tubig ka na diha!
TASYO (Mingislo ang nawong): Sus, naunsa na ni,uy!

SA LAIN PAPANANGHIRON

Giawhag ni  Kapitan Prokotoy ang iyang mga katigabaranggay nga mananom ug dagkong kahoy atol sa launching  sa   Plant  a Tree  Program   sa ilang barangay  sa  Kandugso.
KAPITAN  PROKOTOY  : Giawhag  ko kamong tanan mga kaigsuonan nga  mananom kitag kahoy aron  magma-anindot  ang  atong kalikopan.
SIDOY (Miabiba) : Maayo na,Kap. Ako, nakatanom nakog daghang kahoy didto  s a among yuta sa Bansalan.Lainlaing klase.
KAPITAN PROKOTOY : Maayo  hinuon,Doy. Maayo kaayo nang imong gibuhat.
BODOY   : Ako,Kap dili na ko mananom ug kahoy.Mitagam ko.
KAPITAN PROKOTOY(Nahibulong): Nganong nakasulti  kaman  ug ingon niana,Bodoy?
BODOY   : Hunahuna-a god Kap,nananom kog kahoy kay akoon,unya himanhiman pa diay sa dihang gusto ko nang putlon ug kahoyon didto ko sa lain papananghiron!
SIDOY(Misakgaw): Butangi!


Lunes, Hulyo 28, 2014

HADLUKAN NA

Usa ka adlaw niana giinterbyu  sa  usa ka  reporter  ang usa ka tiguwang  babaye nga nag-edad na ug 120  anyos nga nagpuyo sa hilit  nga bahin kilid  sa dakong  lasang   sa Mug-oy.
REPORTER  : Unsay  sekreto  nimo,Lola  nga miabot  kaman niining imong pangidaron  karon?
TIGUWANG  BABAYE : Wa man koy sekreto,Dong. Kaon ug inom lang ko  sa matag adlaw,unya di pod malimot  sa pag-ampo kanunay sa Ginuo.
REPORTER : Mao ba,La.Dinhi  sa bukid, unsay  kinaham mong kan-on?
TIGUWANG BABAYE : Dinhi sa bukid,Dong ang amo ra gyung mahimo kining pagsigeg kaon  sa mga utanon  ug  panagsa sab nga isda  kon makalugsong  sa ubos.  Inom pod ug tuba nga gikan pa gyud sa sanggotan  ni Teryo manananggot nga among silingan niadtong pikas buntod unom  ka kilometrong gilay-on.
REPORTER : Diay ba ,La? Kon pananglit,Lola magnihit na ang mga lagutmon o pagkaon  dinhi sa bukid mokaon  ka nianang  balanghoy  o   kamoteng kahoy?
TIGUWANG BABAYE(Nakahinuktok): Dili gyud ko,Dong.
REPORTER (Nahibulong): Ngano man,Lola?
TIGUWANG BABAYE    : Kaluoy sa Ginuo kadaghan na tawon ko mahilo nianang kamoteng-kahoy,unya kon simbako...
REPORTER                      : Nga simbako man,Lola?
TIGUWANG  BABAYE   : Simbako nga karon sinto bayente  na akong edad madayonan pa hinuon ko, na  maimpas ko di oras di ko,uy!
REPORTER                      : Butangi!


Biyernes, Hulyo 25, 2014

LAING KASAKYAN

Human makapaminaw sa balita sa radyo  nakapanghupaw  si  Mekong , unya  mibalik paglingkod sa nag-igdal nga punoan sa Kamansili  diha sa ilang nataran.
MEKONG : Pastilana no,kon simbako  mosakay kog ayroplano ma-crush unya  ko!
DALOYDOY : Kahadlokan ba nimo,Kong uy!
MEKONG      : Kinsay  di mahadlok niana ron nga  daghan man kaayong mga ayroplano ang  na-kras  ron ,Doy.
DALOYDOY : Aw, ayg  sakay  ug ayroplano...
MEKONG      : Unsa man diay akong sakyan kon moadto ko sa  Middle East pohon?
DALOYDOY : Kon  sa kamad-an ,Bay dunay habal-habal,aw  sa ibabaw kon naa poy ayroplano, duna poy lain mong kasakyan.
MEKONG      : Yatis  ra. Duna sab diay? Unsa man?
DALOYDOY : Anananggal  god!

MAO GIHAPON

Usa ka buntag niana  nahiagi si Inggot sa balay sa iyang amigo nga si Medyong nga niadto sab nga  higayona diha maglingkod sa lingkoranang  kawayan nga gibuhat ubos sa punoan sa Kaymito.
INGGOT(Mitagad): Musta,Bay Medyong?
MEDYONG           : Nia,Bay mao ra gihapon.Ikaw?
INGGOT                : Nia,Bay mao ra sab gihapon. Birtdi  ron nimo,Bay no?
MEDYONG           : Nganong nahibawo kaman,Bay?
INGGOT                : Nganong di man mahibawo nga klasmet man ta niadto.Pero nahibu'ong  ko.
MEDYONG           : Unsay  gikahibudngan mo,Bay Medyong?
INGGOT                : Hibu'ong  ko kay hangtod ron ang imong birtdi atol man gihapon sa adlaw mong natawhan!
MEDYONG           : Butangi!

DILI NA TAMBAL

OLDOK : Ingon nila,Bay "laughter  is the best medicine?"
TOKOY : Bitaw,Bay.
OLDOK : Unyag,magsige  na lang ug lapter  ug wala na sab medisin?
TOKOY : Aw,kuriring na,Bay!
OLDOK : Butangi!

Miyerkules, Hulyo 16, 2014

NANGATARONGAN

Si Etot nga nabantog nga dawo ug palautang sa ilang dapit sa Kanturatoy, gipaninglan sa usa ka ahente sa floorwax  usa ka buntag niana.
AHENTE  (Nangatahoran): Maayo. Maayong buntag,naay tawo?
ETOT (Mitubag didto sa kosina): W-Walay  tawo dire.
AHENTE(Nahibulong): Kon wa pay tawo,kinsa man diay ka nga mitubag sa akong pagsampit?
ETOT(Mitubag) : This is  a recording ,the man you are looking is not yet on service!
AHENTE :  Gibahak na!

Biyernes, Hulyo 11, 2014

NAKAAMGO

Hilabihang lagota, ug nagsigeg bagulbol sa hilom si Isyang samtang naglakaw nga nagbitbit sa iyang sapatos kay natak-al ang tikod niini sa iyang pagkadakin-as kaganiha. Sa unahan ,may nasiplatan ning usa ka batan-on nga naghingos ug rugby nga gisulod  sa cellophane. 
ISYANG (Misinggit ngadto sa batan-on): Hoy,adik ayg patuyangi nang imong bisyo!
BATAN-ON ADIK(Naglagot,Mibawos): Hoy,way buot ayg pagpanghilabot! Mora kag amaw sigeg bitbit anang imong sapatos!
ISYANG(Misamot naglagot.Kalit may misantop sa hunahuna.): Kining angay nimong adika ka o!(Dayg labay sa sapatos ngadto sa adik nga nakunol ang ulo sa pagkaigo).Unsa ,usab ka pa?!
BATAN-ON ADIK (Nasuko.May nahunahunaan aron makabawos): Bastos ka ha,kini pong imo!(Dayong labay sa cellophane nga may ragbi). Mao nay imo!
ISYANG : Hoy animal ibalik nag labay dire nako ang sapatos!
BATAN-ON  ADIK(Mingisi): Kaayo nimo no,kon ako ning ibalik ang imong sapatos kay imo mang buliton  'anang  akong ragbi!

DILI MAKATUMBA

Maoy namatikdan ni Atok ang usa ka nagkagidlayng tawo nga nagsigeg patid sa poste sa kuryente.Iya ning giduol ug gipangutana.
ATOK : Nganong nagpunay kag patid anang poste,brad?
TAWO( Buang diay): Wa ko kasabot sa akong gibuhat,gusto kong tumbahon ning posteha!
ATOK : Yamat ra. Buang ka no?(Pintok pangutana ni Atok).
TAWO: Buang gyud.Ngano man?
ATOK : Di gyud ka makatumba anang poste bisan unsaon pa nimo.
TAWO (Nasuko ug misiga ang mata): Kay ngano kon di pa ko buang parehas nimo,makatumba diay ko aning poste?!
ATOK(Natulala) : B-Butangi!

MOTUO

MUKLOY  : Motuo  ka s a panultihon,Bay nga," walay aso  nga makumkom?"
SIMOY       :Dili ko motuo ana,Bay. Mas motuo pa hinuon ko kon balihon.
MUKLOY  : Unsaon man sa pagbali?
SIMOY       : Mas motuo pa ko nga ingnon, dunay  aso nga  maugom!
MUKLOY  : Ngeeh!

ANG TAWAG

BOTOY : Ingon nila,Bay ang asawa maoy suga sa pamilya.
KOLOT : Bitaw.
BOTOY : Unya,unsa man diay tang mga bana?
KOLOT : Aw, kita poy tigpawong sa suga!

NAKADAOG

Nagpakaaron-ingnon nga wala makakita si Okoy sa dihang nahiagi si Inggot.
INGGOT(Midagpi sa lubot ni Okoy): A,hamboga o! Sinaw man kaayog kuwintas nga ingon kadak-a ug higot  sa iro!
OKOY(Nagpahikohiko): Daog ra ni nako,Bay Inggot sa dagan.
INGGOT : Kanindot god ana,Koy. Diin kaman makadaog ana  sa dagan,Koy?
OKOY    : Didto  sa Colon.
INGGOT:  Kay duna ba goy lumba sa dagan didto sa Colon nga traffic  man kaayo na dihang kalsadaha!
OKOY  : Lumba ni namo sa dagan,Bay Inggot sa tag-iya niining kuwintas ug niadtong dakog tiyan nga polis nga migukod nako!
INGGOT: Butangi!

Huwebes, Hulyo 10, 2014

DILI KATUHOAN

BITONG: Tinuod gyud diay nang ilang gisulti nga ang guwapa mangita pod ug guwapo.Unya,ang guwapo mangita pod ug guwapa.
IKOT      : Dili katuhoan usahay.
BITONG : Ngano man,Kot?
IKOT      : Kana diay si  Ontay nga namana kang Odok nga batig dagway.Unya,kana si Miyok nga guwapo nangasawa  kang Andat nga busngi ug baba?
BITONG : Aw,sagdi lang na sila.
IKOT      : Ngano man?
BITONG : Kuha mog ngano nga si Ontay buta di makakita sa nawong ni Odok nga naghibat niyang bana. Unya, si Miyok libat pod naghibat ang panan-aw nga nagtan-aw sa dagway sa iyang asawa!
IKOT       : Tua ra!

HINGOS

TAKYO : Matod pa ni Andot  nga atong silingan,Bay nga nabuang na si Miyok, unsa man kunoy hinungdan?
DONDOY : Sigeg  hingos,Bay.
TAKYO     : Uy? Unsa may iyang gisegihag hingos  ,kanang  syabu?
DONDOY : Dili,Bay. Mahal naman ang presyo sa syabu ron.
TAKYO     : Unsa man diay iyang gipunayag  hingos nga hinungdan sa iyang pagkabuang?
DONDOY : Da, nabuang kay sigeg  hingos  sa tai  sa kabayo!

SIGEG UTAN

ONTOY : Imong gitugyan lang gyud ang imong anak babaye sa kadaotan,Bay Sinyo nga naminyo kang Ondoy.
SINYO  : Nganong nakasulti ka man niana,Toy?
ONTOY:  Di ba mag-uuma man si Ondoy?
SINYO  :  O.
ONTOY:  Aw, mao lagi na magsige na lang gyud silag utan didto sa bukid. Kadaotan!
SINYO(nakasabot): Butangi!

DILI MAKABADLONG

Nianang sayong buntag nagkasugat sa may simangan si Isyot ug Tikboy.
TIKBOY : Naunsa tong imong Mama ug Papa kagabii,Syot nga nagkarambola man kuno?
ISYOT    : Bitaw.
TIKBOY : Diin ka man diay nga wa man ka makabadlong ug makauwang sa ilang away?
ISYOT    : Diha ra  man.
TIKBOY : Nganong wa man lagi nimo badlunga?
ISYOT    : Unsaon  man nako sa pagbadlong nga gihimo man ko nilang repere!

Sabado, Hulyo 5, 2014

MAS DUOL

 Usa ka gabiing buwanon nagkasultihanay ang managhigalang Burlos ug Koeng samtang nag-inom  sa tindahan ni Iya Sanang.
BURLOS : Haiy mas duol,Bay para nimo, sa buwan  o sa Japan?
KOENG   : Mas duol pang Japan.
BURLOS : Dili ,Bay,uy.
KOENG  :  Ngano god tawon?
BURLOS:  Unya, kita kas Japan dinhi kay sa nianang buwan nga nia sa atong tungod!

SIGEHON

TIKYO ( Miamoral) : Kon imo lang kong sugton,Taks moundang na gyud ko niining akong kanunayng paghuboghubog.
TAKYA :  Yamat  ra. Ayg undangi,Kyo.
TIKYO :    Imo na kong sugton?
TAKYA :   Aw, di man . Ang ako ba nga aron dali kang matigbak  sa kanunay mong pag-inom!

HADLOK PANG MAMATAY

Si Ingko Damaso nga nag-edad na ug 115 ,giinterbyu sa usa ka reporter  usa ka adlaw niana.
REPORTER  : Unsay imong sekreto Ingko nga miabot ka man nianang maong pangidaron karon?
INGKO DAMASO : Simpol ra kaayo,Sir.Dinhi sa among dapit nga usa ka isla,ang kanunay kong kan-on mao ra gyud ang mga isda,kinhason ug kon makapalit ug mga utanon,mga utanon sab nga gikan sa Opon.Moinom sab kog  bag-ong dawat nga tuba,Sir.
REPORTER : A, mao ba? Unsang klase sa mga isda ang paborito mong kan-on,Ingko?
INGKO DAMASO : Paborito kong isda,Sir kanang timbongan,pugapo,molmol ug bakase.
REPORTER(Nakapanglingolingo): Yatis ra. Unya,Ingko nihit naman ron ang mga isda nga makuha niining inyong isla, mokaon na lang kag buriring o,butete?
INGKO DAMASO (Nakahinuktok): A,dili ko  uy! Mamatay pa lang hinuon ko ,hunong akong edad!
REPOTER: Butangi!

Miyerkules, Hunyo 18, 2014

NASAYPAN

Gipaila-ila ni Ondoy ang iyang higala nga bag-ohay pang miabot gikan sa Bohol ngadto kang Basyang.
ONDOY : Akong higala,Day Basya,pag-ila-ila mo.
LALAKI(Mitunol sa kamot): Totoy ko,Day Basyang.
BASYANG(Nakalitan.Gitamparos ang lalaki): Bastos!
ONDOY : Uy.nganong nanamparos ka man sa akong higala,Day Basyang?
BASYANG : Kinsay di masuko nga nakadungog bitaw ka nga miingon siya nga totoy ko.
LALAKI(Kahilakon): Ang- ang nga Totoy man maoy akong panga'an.
BASYANG               : Ngeeh!

PULOS BUANG 1

Si  Tikoy ug Apyot nga pulos buang nagkasabot nga mangiskapo sa  mental hospital kon moabot na ang kagabhion.
TIKOY : Karong gabii,Yot,moikyas  ta dinhi sa mental,
APYOT: Sige,Koy.
TIKOY : Kon ilang  sirad-an ang pultahan atong gub-on.
APYOT(Uyon-uyon lang): Sige,Koy.
Nianang pagkagabii mikamang ang duha padulong sa pultahan,unya...
TIKOY(Natingala): Uy,abli man ning pultahan,Yot unsaon man nato ini pagguba?
APYOT : Sayon ra na.Ibalik nag sirado aron atong gub-on.Inig ka human ikyas ta dayon...!

SIPYAT

Nianang pagkagabii  human sa dakong selebrasyon sa kasal nilang Isyot ug Imyat.
ISYOT (Misudya) : Ingon ka,Myat  nga birhen ka pa?
IMYAT                  : Bitaw.
ISYOT                   : Nganong kagabii lagi sa dihang girobo tika wa man ka mobatig sakit,unya nagsige kaman hinuon ug agik-ik?
IMYAT (Nangyamiid) : Unsaon ko man sa pagsiyagit nga gumikan sa imong kahubog didto kaman mokamang  sa akong lola nga dugay nang nabiyuda!
ISYOT                         : Butangi!

Huwebes, Mayo 22, 2014

ANG GIKABUANGAN

Duha ka buang nagkatinubagay sulod sa mental. Si Etot ug si Poloy.
ETOT : Unsay hinungdan nganong bauang kaman,Bay Poloy?
POLOY: Nabuang kos sugal nga masyaw,Bay.
ETOT: A,diay ba?
POLOY: Unya, ikaw nganong nabuang man sab ka , ug nasulod dinhis mental?
ETOT    : Nabuang gihapon kos masyaw,Bay kay ako may pinanser!

MAO DIAY

PEKTO : Ingon ka,Bay Tonyo nga dili ka mangasawa kang Tikya samtang wa pa kay trabaho?
TONYO: Bitaw, bay.
PEKTO : Unya, nganong nangasawa ka man lagi ni Tikya? Unya sad wa pod kay trabaho karon?
TONYO: Sagdi lang,Bay.
PEKTO(naglibog) : Nganong  god tawon nga sagdan lang?
TONYO: Duna pa man god roy trabaho ang akong Tatay. Sagi lang.
PEKTO:  Butangi!

Linggo, Mayo 18, 2014

PULOS BUANG 2

BUANG  1 : Nganong  nia kaman dinhi  mental,Bay?
BUANG  2 : Aw, kay nia man sab ka dinhi.
BUANG  1 : Nganong nia man sab ko dinhi?
BUANG  2 : Aw, kay nia man sab ko dinhi.
BUANG  1: Nag-unsa man ta dinhi?
BUANG  2(Mikatawa): Aw, kay buang lagi!

ASA PRISOHON

Maoy  natukmaaan ni  Idot sa iyang paggawas sa ilang balay nga gikarga na si Inggot sa mga polis didto sa ilang  patrol car  nga giposasan.
IDOT :  Nganong gidakop man na ninyo si Inggot,Sir?
POLIS:  Usa ni siya ka pugante didto sa Tacloban ng nakapuga sa miaging bagyo nga Yolanda.
IDOT  : A,diay ba? Unya, Bay Inggot nganong wala kaman dayon mosurender human sa bagyo?(Nangutana  ngadtong Inggot).
INGGOT (Nagtingsi): Unya, asa man ko nila prisoha nga guba man sab niadtong miaging bagyo ang ilang prisohan?
IDOT : Butangi!

Martes, Abril 29, 2014

SEGURO KUNO

Munamunang pangita nilang  Pekto ug Tikyo  sa gilubngan  ni Rito  sa sementeryo.Hangtod nga  didto  sa kinadaplinang bahin  s a  sementeryo  may nasiplatan silang usa ka lubong nga diin adunay krus nga ilang  nakita pero ang ngalan hanap na kaayo ang pagkasulat.
TIKYO  : Nakaseguro  ka,Bay nga mao na ni ang gilubngan sa imong igsuon  ?
PEKTO  : Seguro ko,Bay  nga mao na gyud ni.
TIKYO  : Nganong  nakaseguro kaman nga mao na ni ang gilubngan sa imong igsuon?
PEKTO  : Kini  diayng  nasuwat sa krus,Bay nga R.I.P..
TIKYO  : Unsa man diay na?
PEKTO  : A,klaro ana a!  Rito Igsuon ni Pekto, mao na gyud ni!
TIKYO   : Butangi!

WALAY KLARO

OTOY  :  Haskang kuyawa nako,Bay  kay nahold-ap ko  niadtong  miaging adlaw...
BOTOY; O, maayo gani kay wala  ka patya?
OTOY  ; Kaluoy sa Ginoo,Bay  wa man pod. Nangayo  kog tabang  sa polis  didto  s a ilang police  station.
BOTOY: Imong giadto?
OTOY :  Ako  ra giteksan.
BOTOY: Unya?
OTOY  : Way  klaro,Bay.
BOTOY; Nganong wa may  klaro?
OTOY  : Giteksan man hinuon ko: kinsa man ka,nganong duna ma kay numero nako?
BOTOY: Butangi!

Linggo, Abril 20, 2014

NAG-INIRO

Maoy naabtan  ni Doktor Pakuribot  sa iyang pagsulod sa lawak sa mga "buang" niyang mga pasyente,si  Etot  nga mikaon sa  iyang hugaw.
DOKTOR  PAKURIBOT  : Nganong imo mang gikaon ang imong hugaw,Etot, ug wa man ka hinuon moadto  sa pansayan?
BOSYO (Usa ka buang,ug maoy misakgaw pagtubag): Nag-iniro na si Etot,Dok  uy...
DOKTOR PAKURIBOT : Nganong nakasulti kaman ana,Bosyo?
BOSYO    : Tan-awa human niyag pagawas sa hugaw,iya na sab nga gikaon!

DILI TINUOD

TIKOY : Ingon nila ,Bay nga ander dog man kuno ka kaayo sa imong asawa?
IMOK   : Ander dog god tawon? Dili na tinuod ,Bay!
Didto sa kosina nadunggan ang ilang panang-estoryahanay ni Imyat nga  asawa ni Tikoy nga naglung-ag sa paniudto.
IMYAT (Misinggaak) :  Unsa nang gisulti mo,Imok?
IMOK (Kalit nga nakuyawan): Ingon ko,Day Myat ander  da kat! Bungol ka?

Biyernes, Abril 18, 2014

IMPAS ANG UTANG

Maoy  naandan  ni Boloy isip dakong panaad  sa iyang kinabuhi nga sa  matag Biyernes Santo magpalansang siya  sa krus  sama  sa gibuhat sa atong Ginoong si Hesukristo.Sa nagpadulong na sila sa dapit nga  adto himoa ang iyang pagpalansang iyang nasinati ang daghang mga bunal ug mga pagtamay  sa mga tawo samtang naglakaw.
SINTO ( Mibunal kang Boloy) : Kini ang angay nimo! (dayong hunat sa latigo).Nia pa!!!
BOLOY(Mitig ak sa kasakit .Mihunong paglakaw): Sakita sab anang imong binunalan, Tok,uy?
SINTO  : Ayg reklamo,Loy, trabaho lang ning ako ,wa man ni personalan.
Didto  sa unahan maoy namatikdan ni Boloy si Andot ang tag-iya  sa tindahan nga iyang nautangan nga nagkatawa. Punayg singgit-singgit nga pabunalan pa siyag maayo.
BOLOY (Mitulisok kang Andot.Misinggit): Bantay ka,Dot human kog palansang di gyud ko mobayad sa akong utang nimo. Ikaw man diay nagsugo aning Sinto nga pabunalan kog maayo!
SINTO : Butangi!

NAKABAWOS

Su'd  sa  mental hospital  maoy naabtan  ni Doktor  Samot si Pidol  nga naghinuktok nga naglingkod paatubang  sa may bentana.
DOKTOR  SAMOT  : Naunsa ka, Dol? Morag lawom man kaayo ang imong gihunahuna  ron?
PIDOL                       : Naghunahuna lang ko sa akong asawa nga si Andat,Dok.
DOKTOR SAMOT   : A, diay ba?  Hain man diay si Andat?
PIDOL(Nasuko)        : Katanga pod nimo,Dok, uy!
DOKTOR SAMOT   : Nganong nakasulti kaman ana,Dol?
PIDOL                       : Ingon bitaw ko si Andat dia sa akong hunahuna!

PANGUTANA

MAM  BINANGKAL : Okey, Tiago  give  me  a  sentence. Use the word teacher.
TIAGO                        : Our  teacher  is very beautiful.
MAM BINANGKAL  :Wow,nice kaayo  ha. Unsa man na kon atong binisay-on?
TIAGO(Nangigham)   : Our teacher is very beautiful nga sa binisaya  pa, ang atong maestra guwapa ,wa siya baliwa!
MAM BINANGKAL  : Ngeeh!

NANGATARONGAN

Usa  ka buntag niana   sa klase  ni Man Tabaghak.
MAM TABAGHAK (Nangutana): Tikboy, who is  the president of South Africa?
TIKBOY(Wa katubag ingon sa natuk-an): Hmm.
MAM  TABAGHAK : Unsa  man ,Tikboy  nabungol ka?
TIKBOY     :                Wala ,Mam,uy.
MAM TABAGHAK : Unya, wa kaman motubag s a akong pangutana?
TIKBOY                   : Ang ang,Mam wala pa man na nimo ileksiyon  dire namo!

TIHIK

BOTOY : Kon hatagan kag kahigayonan  nga mamahimong milyonaryo,Bay  Lando unsay imong buhaton?
LANDO  : Daghan,Bay.
BOTOY  : Pananglit unsa man?
LANDO  : Manghatag  kog kuwarta  sa mga tawo.
BOTOY  : Nindot nang maong plano,Bay pero morag dili katuhoan....
LANDO  ; Ngano man?
BOTOY  : Wala may tihik nga manggihatagon!
LANDO  : Ngeeh!

ANDER GYUD!

SIDOY : Ingon nila ,Bay Iyok nga ander man daw kuno ka sa imong asawa?
IYOK(nagpanakla): Ander god? Ako, ander?
SIDOY   ; Mao bitaw ingon sa uban natong mga higala nga nasayod...
IYOK     : Ug, diin man sila makabati nianang estoryaha,Bay?
Apan  wala pa gani  makasulti-tubag si Sidoy misinggak ang asawa ni Iyok nga si Kulasing didto sa itaas sa ilang balay.
KULASING : Nahuman  kanag laba diha,Iyok?
IYOK (nagpangawot  sa ulo): Wa pa,Day Sing.
KULASING  : Ayg langaylangay diha kay magkuha pa ra ba ka niadtong kanding ug baka nga gihigot  sa  punoan sa nangka  duol  sa salog,kuhaa unya to!
IYOK   (Nasuko); Ka-apurado ba nimo,Day Sing?
KULASING (Mibalos ug kusog nga singgaak sa tingog): Unya,Yok  may reklamo ka?
IYOK (Milisngag ang ilong): Aw, wa man,Sing.
KULASING                         : Lagi kay pangagan ta unya ka diha,ha!
SIDOY (Nahimuot)             : Butangi!

Sabado, Abril 12, 2014

DISKARTE RA

BOTOY : Biliba gyud nako nimo,Bay  uy kay imo gyung napasugot si Aryang kagabii bisan hubog ka nga namisita kaniya!
ONDOY : Diskarte ra gyud tong  ako,Bay.
BOTOY  : Unsa goy imong diskarte niadto,Bay?
ONDOY : Akong gihadlok si Aryang,Bay.
BOTOY  : Sa unsa man?
ONDOY : Akong giingnan nga kon di ngani ko nimo sugton ron,Ryang ako man gyud ning suka-an ning inyong  hagdanan!
BOTOY  : Butangi!

NIPIS UG BAGA

Usa ka adlaw niana mipakunsulta si  Damian sa usa ka Doktor sa ilang dapit nga si Doktor  Samotoy.
DAMIAN : Unsa man ning hitaboa,Dok nga kon moinom kog  pepsi nga  libre dili mohapdos ang akong tiyan.Pero kon paliton,maghapdos man dayon akong ginhawaan?
DOKTOR SAMOTOY : Sayon ra kanang imong problema,Mian.
DAMIAN                      : Unsa man ni,Dok?
DOKTOR SAMOTOY :  A,nipis imong tinai,pero ang imong nawong baga!

WAYPAY POD

GUNDINA  : Unsa man nang imong  cellphone, Tikyo may wifi  na?
TIKYO(Nagpangawot sa ulo): Wala man ,Day Gundina.
GUNDINA  : Dili diay na parehas niining akoa nga latest model  kaayo ug wifi  gyud!
TIKYO        : Mao bitaw. Pero mahimo baya pod kaha ni.
GUNDINA  : Aw, may wifi lagi  diay na?
TIKYO         : O,god kaha.Pero  karon di puwede sa waypay.
GUNDINA   : Ngano man?
TIKYO         : Waypay lod!
GUNDINA   : Butangi!

Miyerkules, Marso 19, 2014

NAKATAG-AN KAHA?

MANALAGNA  : Nakita ko sa bolang kristal nga ang imong kamatyan,Botoy anaa  sa maayong tuig.
BOTOY               : Yamat ra.
Milabay ang mga bulan ug hangtod midailos sa katuigan,namatay tuod si Botoy pero naligsan. Giadto sa biyuda  ni Botoy ang manalagna ug gisukmatan.
ASAWA NI BOTOY : Ingon ka,Madam nga mamatay tong akong bana nga si Botoy sa maayong tuig?
MANALGNA  : Tinuod na.
ASAWA NI BOTOY : Unya, naligsan man lagi to siya  sa trak ug napisat.Maayong tuig diay na?
MANALAGNA         : Unya wala mo magsusisusi?
ASAWA NI BOTOY : Unsa may among susihon,Madam?
MANALAGNA         : Kadtong ligid nga nakapisat ni Botoy basin ang bran ato Goodyear!
ASAWA NI BOTOY  : Butangi!

Biyernes, Pebrero 28, 2014

WA MAGHASOL

PRINSIPAL : Gipatawag ko ikaw  Nang Takya gumikan  kay ang imong anak nga si Takyo,nangulata man dinhi sa eskwelahan.Kon mao ni nga dunay reklamo niya dili gyud siya makagradwet rong tuiga!
TAKYA        : Mao ba diay na,Mam.
PRINSIPAL  ; Mao na,Nang.
TAKYA         ; A,syaro naman sab,Mam  Prinsipal.  Ako bitaw kon ang akong anak makakitag kulatahon didto sa amo-a naghasol ba god ko ninyo aron moadto?
PRINSIPAL: Butangi!

Huwebes, Pebrero 27, 2014

MALDITOHON

Usa ka adlaw niana,giptawag sa principal  si Nang Damasa nga  inahan ni Tikboy.
PRINSIPAL : Nang Damasa, nahibawo ka ba nganong gipatawag ko ikaw dinhi sa opisina?
NANG DAMASA: Wa gyud koy kasayuran ana,Mam.
PRINSIPAL  : Si Burabog man god nga imong anak,nangulata dinhi sa eskwelahan ug ang ang ginikanan  sa iyang gidagmalan nga estudyante nagsulti nga andam silang mokiha kon di ka makapitol sa imong anak.
NANG  DAMASA: Aw, kana ra diay,Mam.
PRINSIPAL : Kana ra,Nang Damasa maoy among tuyo.
NANG DAMASA : A, kanang akong anak  malditohon man gyud na sa eskwelahan,pero kon magminaldito ngadto sa among pinuy-anan  dili man gyud ko magpatawag nimo,Mam?
PRINSIPAL : Butangi!

Biyernes, Pebrero 14, 2014

LAIN UG SABOT

Atol niining Valentines  Day,diha  sa tugkaran  sa balay nila ni Andat ug Igsang  nag-estoyahanay  ang duruha  mahitungod  sa ilang  mga uyab.
ANDAT :  Ang  unang kasinatian  ko ,Day Igsang  sa  akong uyab nga si  Mitoy di gyud na ko mahikalimtan.
IGSANG(Mipalabaw dayon): Wala  ra na sa akoa,Dat. Kadtong  akong kasinatian  labaw na.
ANDAT : Unsa man sab diay ang imong kasinatian,Sang?
IGSANG: Gikulbaan gyud ko niadtong higayona,Dat.
ANDAT : Yamat  ra. Ngano  man?
IGSANG: Taas  ug gahi kaayo  morag  dili masulod. Gipaningot ko ug maayo. Pagduso gyud nakasinggit  ko dayon  sa kasakit uy!
ANDAT: Sus  , no?
IGSANG: Unya dihay  dugo. Grabe  lagi.
ANDAT : A, ka grabe god sa imong uyab,Dat? Brutal  diay  kaayo?
IGSANG: Hoy, amaw!
ANDAT  : Unsa man diay?
IGSANG : Dili  uyab  uy.Nagpakuha lang kog  dugo didto  sa blood bank giubanan kos akong uyab!
ANDAT  : Butangi!

Miyerkules, Pebrero 12, 2014

GIDUL-ITAN DIAY

AGATA  : Giunsa  ka man pagpangulitawo   ni Osoy,Day  Talina  nga  mapasugot ka niya?
TALINA : Matod pa niya,Day Agata  ay, "Talina  kon imo kong sugton guwapa ka,apan ko dili gani ko nimo sugton bati ka."
AGATA  : Mao ra na.
TALINA : Mao  ra.
AGATA  : Dayon  gisugot nimo kay kon dili nimo sugton bati man.
TALINA : Dili  uy!
AGATA  : Unsa man diay bi?
TALINA : Iya  man sab  god  nga  gidul-itan ang akong kilid ug korta!
AGATA   : Ngee!




Nota:  korta- kutsilyo