Sabado, Abril 30, 2016

NAHIBAW- AN

Maoy naabtan ni Ondoy si Aldong nga nagpangusmo pa sa tuman nga kapungot. Nangarasti ni sa pagduol ug nangutana  sa iyang higala.
ONDOY   : Bay Aldong naunsa ka nga morag tigre kaman nga nagpangusmo diha sa imong kapungot?
ALDONG: Naglagot ko,Bay Ondoy ni Pidol.
ONDOY  : Nganong naglagot kaman ni Pidol,Bay?
ALDONG: Iya kong giingnan atubangan ni Isyat nga akong gipangulitawhan nga mestiso  kog dagway ug labihan ka guwapo.
ONDOY  : Unya?
ALDONG: Nauwaw ko, uy!
ONDOY  : Nganong nauwaw ka man?
ALDONG: Gitunolan man god kog samin ni Isyat.
ONDOY  : Unya?
ALDONG: Horror  kaayo ang akong nakita diha sa samin uy.
ONDOY  :  Butangi!

DAWAT NA LANG

SIKOY  : Mouli ko sa among lugar sa Isla Buyog,Bay karong Dominggo aron nianang pagkasunod adlawng Lunes makabotar ko.
ONYOT : Ayaw na lang ug uli kay puwede ka man nga makabotar dinhi.
SIKOY   : Maayo didto,Bay.
ONYOT  : Unsa may nakaayo didto?
SIKOY    : Maayo didto kay botaran na lang kang  daan ug  ang sobre na lay imong dawaton.
ONYOT  : Butangi!

NAKONSENSYA

BOTYOK( Diha sa kumpisalan): Dre,mangompesal ko nimo kay nakahimo kog dakong bakak.
PADRE HUGOT : Sige ikumpesal kon unsay nahimo mong sala anak.
BOTYOK            : Kandidato ko sa pagka mayor,Dre ug nakasala ko kay ang tanan akong gipatuo nga duna lang koy pipila ka libo sulod sa akong   bank account  nga maoy gigamit nako sa akong pangampanya.
PADRE HUGOT  : Sige pangadyi-a ang pito ka Amahan namo ug pito sab ka maghimaya ka Maria.
BOTYOK             : Di mahimo,Dre nga itag-napulo na lang nako ang Amahan namo ug maghimaya ka Maria?
PADRE HUGOT  : Nganong pasubrahan man nimo?
BOTYOK             : Kuan man god,Dre minilyon man ang tinuod nakong pondo sa banko!
PADRE  HUGOT : Sus Mar Y Hosep!

LIDER DIAY

DIGONG(Misiko sa higala nga diha sa iyang kilid); Tan-awa ,Bay Mar nindot kaayog selpon nang tawo nga naglingkod sa atong atbang, o.Ang mahalon man na nga aypon 6,di ba?
MAR : Bitaw.
DINGONG : Na, esnaton ngani nang iyang selpon sa mga esnatser dinhi sa Colon.
MAR           : Dili na mahitabo,Bay Digong.
DIGONG    : Nganong dili god mahitabo?
MAR           : Kanang tawhana nga naas atong atbang mao nay lider sa mga esnatser dinhi.
DIGONG    : Butangi!

DILI MALIMOT

EDOT : Dunay  panahon nga ang usa ka buang dili makalimot,Bay Sidro.
SIDRO (Naglibog): Yamat ra,unsa goy pagka ngan nga buang,Bay Edot nagpasabot nga wala gyud nay buot o kanunayng malimtanon.
ETOT  : Duna lagi panahon nga dili gyud malimot,Bay obserbahi ra god nang buang.
SIDRO: Unsa man lagi nang panahona nga di malimot ang buang?
ETOT  : Kana gong panahon nga gutumon nang buang, di ba mangita man gyud nag iyang kan-onon!
SIDRO: Ngee!

PAREHAS RA

ETOK  : Basta kon dili ngani ko makadawat  ug kuwarta niining eleksiyona, di gyud ko mobotar ,Bay  Takyo.
TAKYO : Yamat  ra. Unyag, wa gyuy mohatag nimo?
ETOK    : Dili lagi ko mobotar.
TAKYO : Unyag, dili gyud ka mobotar  naay  mohatag pod nimo?
ETOK    : Wa pod.
TAKYO : Butangi!

GITAGOAN

ANDOT ( Nangutana ):  Matod pa nimo nga ikaw maoy pobre nga mikandidato sa pagka mayor niining atong lungsod sa Kandugso.  Apan  tinuod ba ang balita, Sir  Otoy nga aduna kay gitagoan nga minilyong kuwarta sa banko?
NYOR OTOY (Kandidato  pagka mayor): Dili na tinuod.
ANDOT          Unya, molimod ka aning balita nga nia napatik man ni sa mga pamantalaan ug nadungog pod sa mga radyo,Nyor  Otoy?
NYOR OTOY : Bakak  na.
ANDOT          : Kon wala ka pa niining minilyong kuwarta,diin ka man ug sapi nga imong gigamit pagbubo sa imong kandidatura?
NYOR  OTOY : Aw, kanang gigamit nakong kuwarta dili na gikan sa bangko nga ingon nilang akong gitagoan...
ANDOT  : Diin man diay  gikan ning  kuwartaha?
NYOR  OTOY   : Gikan na sa dakong tabay nga akong gitabonan.
ANDOT             : Butangi!

DILI MAHIMO

BANDOY(Kandidato pagkamayor); Kon ako maoy mahimong mayor niining atong lungsod akong ipahipos nang mga tawong magsuroysuroy sa kadalanan nga walay  mga trabaho kay basig mga kawatan na!
TIGOK (Mireklamo) : Dili na mahimo,Doy.
BANDOY : Nganong dili man mahimo?
TIGOK      : Magsuroysuroy man gyud mis kadalanan kay mangitag basura nga ikabaligya!

Huwebes, Abril 28, 2016

NA UNTA

DIGONG (Miagda): Ngaon  ta,Bay Jomar.
JOMAR                  : Unsay  sud-an?
DIGONG                : Ginamos ra lagi,wala nay lain.
JOMAR                  : Syaro ,ikaw maoy  daogan.
DIGONG                : Unta  lagi.
JOMAR                  : Nganong na unta man?
DIGONG                : Nagpatoo man god kong pobre!

BATI DIAY

IKYANG (Mibadlong  sa bana nga nagsigeg inom ug tuba): Hunong na anang imong sigeg inom ug tuba,Dot kay nagkalas ka lang sa kuwarta da!
ANDOT(Nasuko) : Ikaw hunong diha sa imong pangarte kay gausik-usik kas kuwarta!
IKYANG(Paraygon)   : Nagpaguwapa bitaw ko para nimo,Dot.
ANDOT   : Nya, huboghubog man sab ko para  tinuod sab nga maguwapa nang imong nawong!

HUNONGON

INTOY (Mikandidato  pagka mayor): Kon inyo kong pilion karong umaabot nga piliay isip mayor, akong isaad nga akong sumpuon ang naghitak nga drugas nga nia sa atong lungsod. Timan-i  na ninyo...!
KANOR (Nangutana) : Masumpo kaha na nimo,'Toy?
INTOY (Miigham)     : Nganong dili? Dihadiha dayon.
BOTYOK (Adik sab, nakuyawan): Yamat  god! Tinuod ka,'Toy?
INTOY     : Aw, tagai lang kog pipila ka adlaw,ako nang buhaton.
BOTYOK : Buhaton gani na nimo,Toy di na ko moadto  sa inyo.
INTOY     : Nganong dili ka naman moadto  sa amoa?
BOTYOK : Aw, nganong moadto man kos inyo nga hunongon naman kaha nimo ang drugas!
KANOR   : Butangi, mao na!                                       :  

GIPALABWAN

IKTOY : Karon nga mag-eleksyon   na makakuwarta na sab ta ani.
SELMO: Bitaw. Pero,bayente lang gihapon?
IKTOY : Labaw na.
SELMO: Pila may labaw?
IKTOY : Labaw nag diyes.
SELMO: Ngee!

DAGHAN NA

KANOT  : Ingon nila, ang politika hugaw kaayo.
SIKOY    : Bitaw.
KANOT  : Gawas  nga hugaw,daghang mahitabong away. kay mao kadto mao kana!
SIKOY   : Bitaw.
KANOT : Daghang bakakon,sigeng pagarpar morag way buot  manultig bisag daghang naminaw  ug gisunod sa media!
SIKOY   : Bitaw.
KANOT : Unya, nganong daghan mang politiko?
SIKOY   : Aw, daghan man sang mga way uwaw.
KANOT : Butangi!

LABAW PA

Sa  tubaan ni Tinang nagkainomay ang duha ka mga palainom: si Koeng ug Ladoy.
LADOY   : Hapit naman ang eleksiyon sa Mayo 9,Bay Koeng  si kinsa man ang imong pilion sa pagka-presidente?
KOENG   : Aw, syempre kay nagkinahanglan tag kabag-ohan, kanang isog nga kandidato maoy atong pilion aron dunay kausaban  sa Pilipinas.
LADOY   : Yatis ra. Si kinsa man lagi?
KOENG   : Aw, kana gong mikandidato nga parehas natong bisdak, hibawo ka na?
LADOY   : Unya, kon hatagan kag kuwarta aron mausab ang imong hunahuna?
KOENG   : Aw, buot mong ipasabot parehas sa anang kandidato nga ang apelyido naas atong kuwarta?
LADOY   : Ikaw, god kon unsay imong pagsabot.
KOENG   : Di ko uy!
LADOY   : Ngano man?
KOENG   : Kay kon modaog ang pilion kong presidente maghimo man sab siyag kuwarta nga labaw pas usa ka libo.
LADOY   : Butangi!

Biyernes, Abril 22, 2016

NASOBRAHAN

LOLO  IMPOY (Ngadto sa apo usa ka udtong tutok niana): Karon  kay pwerte  mang inita sa panahon katulog una,Dong Jian ,ha?
JIAN                : Dili lang ko,Lo kay  magduwa ko.
LOLO IMPOY:  Katu'og  kay aron dali kang motubo.
JIAN                : Dili ko motuo ana,Lo  uy.
LOLO IMPOY: Nganong  dili ka man motuo?
JIAN                :  Ngano lagi Etot wa man motubo sige tu'og?
LOLO IMPOY : Aw, sagdi lang si Etot,Dong Jian.
JIAN                :  Ngano man,Lo?
LOLO IMPOY : Nasobrahan sa sigeg katu'og,  nabuktot nuon!

PAKATULGON

OMENG ( Mitawag ngadto sa iyang apo nga sayis anyos): Dali ngari Dong Jian kay matulog.
JIAN (Nang-angkas pas iyang biseklita): Di ko matu'og Lo,uy!
OMENG  : Nganong di kaman matu'og nga nagtugon ra ba tong   imong  Mama ug Papa nga papakatulgon kag maudto kay init kaayong dako!  Dali na ngari.
JIAN        : Dili lagi ko,Lo duwa lang ko.
OMENG (May nahunahunaan) : A,sige kon matu'og ngani ka karon palitan tikag ice cream!
JIAN        : Sige,Lo. Hain man nang ays krem?
OMENG  : Katu'og una.
JIAN        : Di ko,Lo uy.
OMENG  : Ngano naman pod?
JIAN        : Kan-on nya nimong ays krem!
OMENG  : Butangi!

Martes, Abril 19, 2016

GIDID-AN NA

TAKYO  (Naghinugilon): Niadtong pobre pa ko ug hapit ngani maglisod sa pagpalit sa among makaon matag adlaw,kusog kaayo kong mohabhab anang inasal ug humba.Anha ra gyud tawon ko makatilaw ana kon dunay magpista ug dunay birtde.
BOTOY  : Unya,karon nga nadato ka na human makadaog sa lotto , samot na gyud?
TAKYO  : Wa na hinuon.
BOTOY  : A, yamat  ra. Kuwartahan kana god ug makapalit kag bisan pila pa ka kilo?
TAKYO  : Mao unta.
BOTOY  : Nganong naunta man?
TAKYO  : Gidid-an man kos doktor kay kuyaw kunos hayblad!
BOTOY  : Butangi!

USA RA

Usa ka makililimos miduol sa tindahan ni Inse Minay.
MAKILILIMOS : Daghan mog  istak nga bugas,Inse?
INSE MINAY     : Naay daghan. Ngano mopalit ka?
MAKILILIMOS : Usa ra akoa,Inse.
INSE MINAY     : Pila man usa ka sako o usa ka toneladang bugas imong gusto?
MAKILILIMOS : Usa ra man Inse.
INSE MINAY     : Unsa man lagi?
MAKILILIMOS : Usa ra ka lugas,Inse.
INSE  MINAY    : Ngee!

TIRD PARTI

Usa ka buntag niana.
TIKBOY :  O, Bay Onyot nganong naghinuktok ka man diha?
ONYOT  : Tungod nis  parti,Bay.
TIKBOY : Aw, parti unya naghinuktok ka diha? Di ba ang parti makalingaw man na? Unya naa sab nang kaon, sayaw ug bahakhak!
ONYOT  : Kanang imong gipasabot mao nang ,birtdi parti,Bay, dans parti, disko parti ug unsa pa dihang parti nga sama ana...
TIKBOY : Mao gani. Unsa man diay nang partiha nga naghinuktok  ka naman hinuon diha?
ONYOT  : Lain ni ,Bay kay tird parti man.
TIKBOY : Butangi!

Lunes, Abril 18, 2016

TIGBAKAY

ETOT : Mangadto tas tigbakay sa So-ong,Bay Koing kay  pista man ron.
KOING : Ikaw lay adto didto,Bay  kayn tuay  daghang polis didto!
ETOT    : O, nganong tua may polis? Wa diay pirmet ang ilang tigbakay kay dakopon man?
KOING  : May pirmet  man.
ETOT   :   Unya, nganong tuay may daghang polis didto  sa tigbakay?
KOING : Ang ang di moadto ang mga polis nga duna may nagtinigbasay!
ETOT    : Toink!

Huwebes, Abril 7, 2016

HUMANON

Gumikan  sa hataas nga hulaw nakahunahuna si Odog pagbisibis na sa mga tanom niyang himalatyon.
OTOY : Uy,Bay maayo nang imong gibuhat  da kay namisbis ka sa imong mga tanom. Pero, hapit naman moabot ang uwan na, tan-awa ra god duna may dag-om sa itaas ug ingon sa dunay bumubundak nga uwan  o!
ODOG : A, bahalag mag-uwan,Bay uy. basta humanon  ko lang ug bisbis ning akong mga tanom.
OTOY : Nganong humanon pa man na nimo nga mo-uwan na man karong taudtaod?
ODOG: Aw, maayo nang mahuman nakog bisbis para dili maabtan sa uwan!
OTOY : Ngeek!

LAGYO

DIGOY : Kanang  giingon nilang  long distance relation,Bay mao nay relasyon sa babaye ug lalaki  nga tagsa ra gyud ang malibre.
AMBOY: Nganong nakasulti kaman ug ingon ana,Bay Digoy?
DIGOY  : Matod pa ang duha ka managhigugmaay naingon sa bluetooth  nga kon duol gani konektado,pero kay lagyo man, na...
AMBOY : Unsa man,Bay?
DIGOY   : Ang mahitabo ana,Bay mao nay giingon na pod nga,searching for new devices!
AMBOY : Butangi!

MANGLUPAD

ONDOY : Kon manag-uyab pa gani di gyud mauwaw nga mopakita sa kadaghanan sa ilang pagminahalay: sigeg ga-holding hands, mag-hug atubangan sa daghang manan-aw ug magtusik sa ilang masigkangabil ingog tukmo ug punay  gabii ug adlaw. Manglupad kanunay ang mga tam-is nga "ay lab yo" bahalag daghang naminaw!
ONGOT : Bitaw,Bay. Sweet  kunohay.
ONDOY : Apan kon maminyo na gani nyag sungogon sa problema samas way kuwarta ipalit ug gatas,bugas ug sud-an lain nang mahitabo, ug manglupad.....!
ONGOT  :Unsa namay manglupad,Bay?
ONDOY : Manglupad nang kaldero ug kutsara, pakapinag   estorya: shit!
ONGOT  : Butangi!

NAKAKATARONGAN POD

Usa ka makililimos ang miduol kang Asyong.
MAKILILIMOS  : Limos,Brad ning nanginahanglan sa imong kaluoy...(Mikangkang sa kamot ngadto kang Asyong).
ASYONG            : Nganong magpakilimos  ka man ,Brad nga kadako nimog lawas,unya makakita ka man gyud ug trabaho kon mangita ka?
MAKILILIMOS (Nangawot sa ulo) : Sagad mao gyud nay akong madungog estoryaha,Brad sa mga tawo nga akong pangayoan ug tabang.
ASYONG          : Kay  tinuod man sab god,Brad.
MAKILILIMOS: Di gyud,Brad kasagaran gyud sa moingon ana kadto gyung mga tawong tihik!
ASYONG          : Nge!

SUKWAHI

DONDOY : Unsay nakaparehas sa usa ka babaye ug sa usa ka lalaki,Bay  kon mahigugma?
ONYOT    :  Sayon.
DONDOY : Bi, unsa man?
ONYOT    : Ang babaye ug lalaki kon magkahigugmaay  dili mahadlok o mauwaw nga magpakita ngadto sa kadaghanan sa ilang pagminahalay.
DONDOY : Tuod no? Unya,unsa man say dili parehas nilang duha?
ONYOT    : Sayon gihapon ang tubag   anang pangutanaha.
DONDOY : Unsa man?
ONYOT    : Kon ang lalaki dili na mahigugma,plastada ning  mopakita sa bag-o niyang uyab o asawa.Pero ang babaye...
DONDOY : Unsa man?
ONYOT    : Mahadlok ug mauwaw nga mopakita sa bag-o nilang uyab o banabana.
DONDOY :Butangi!

Miyerkules, Abril 6, 2016

GIPULIHAN

Maoy  pag-abot  ni Ongkoy nga gikan nga nanarbaho didto sa Japan sa dihang nahiagi sa ilang panimalay si Etot  nga iyang higala.
ETOT (Unang mitimbaya) : Uy, Bay Ongkoy niabot kana diay?
ONGKOY              : Nia na tawon,Bay  mao pa gyuy akong pag-abot.
ETOT                     : Naa koy sinugatan nimo,Bay?
ONGKOY(May gikuha sa iyang bag) : O, nia,Bay o radyo ni nga gamay. Makatuon kag Hinapon niana  kay ang mga estorya nila diha sa radyo mga hinapon man.
ETOT (Nalipay)   : A, kini maayo! Bi,akong patingogon.
Tuod man gipatingog  ni Etot ang radyo nga gamay, apan sa ilang kahibulong Binisaya man ang sinultihan na ug ang nagsibya si Daloydoy.
ETOT (Nangawot sa ulo) : Dili man lagi Hinapon,Bay, si Daloydoy man hinuon  ning nagsing-al.
ONGKOY (Nangatarongan): Aw, basin namauli nang mga Hapon nga nagsibya diha,Bay ug gipulihan  na sab ni Daloydoy!
ETOT          : Butangi!

GITANDI

TIKOY : Kon ang mga sapian na gani o di bakaha mga politiko ang mangurakot sa kuwarta sa katawhan,ingnon dayon nga  negosyo.
BOSYO : Mao gyud,Bay.
TIKOY  : Pero kon ang usa ka pobreng tawo mao na gani ang mangawat kay di na maantos ang kagutom ug mosupak sa mando sa gobyerno, ingnon dayon nga...
BOSYO(Misapaw) : Unsa man,Bay?
TIKOY                   : Ingnon dayon nga abusado.
BOSYO                  : Butangi!

Linggo, Abril 3, 2016

SA SUNOD POHON

ONTOG (Miagi sa balay nila ni Tonyo) : Uy, Bay Tonyo, maayng  nia ka.
TONYO  : Ngano man,Bay?
ONTOG  : Pista man ron dinhi sa inyong Sityo Limugmog, mamista ko dinhi sa inyo...
TONYO  : Ngano gong dili. Sige. Pero balik lang unya,kay wala pa ko karon makaluto sa pista.
ONTOG  : Aw, sige human nakog adto sa tigbakayan,mohapit kog balik dinhi sa inyo.
TONYO  : Dili pa,Bay.
ONTOG  : Nus-a pa  man diay?
TONYO  : Sa sunod pista na lang balik pohon.
ONTOG  : Butangi!

SAMOT NA

APYANG (Nagyawyaw): Di ba giingnan ko man ikaw, Hilyo nga ayawg kaon ug baboy kay makahayblad na para nimo! Unsa man gusto kang atakihon ug mokirig dayon?
HILYO   : Pastilan nimo Apyang uy, hayblad god?
APYANG : O,bitaw ingna  lang ana,Lyo? Magpakamatay  ka gyud kay gahi kag ulo!
HILYO     : Unyag wa koy sud-an samot kong mahayblad ug mamatay na nuon sa kagutom!

Sabado, Abril 2, 2016

DILI MASABTAN

TOKOY : Nganong dili man mahimong Binisay-on  na lang  ang  NO ID  NO ENTRY,labina diha sa mga eskwelahan  Bay  Isyot aron dali sab masabtan sa mga batang estudyante?
ISYOT   : Samot na hinuon nga dili masabtan,Bay Tokoy.
TOKOY : Ngano man?
ISYOT   : Hunahuna-a ra god,  NO  ID  NO  ENTRY,  kon  Binisay-on: KON WALAY  ID  WALAY  SULOD. Mahimo na hinuon pirmeng walay klase!
TOKOY : Ngee!

MILYON

LARYO : Di gyud ni nako  ibaligya ang akong yuta,Bay Sidro basta dili milyon. Mahal na kaayo ron ang metros kuwadrados sa yuta dinhis atong lugar,Bay uy.
SIDRO  : Mahala man pod sa imong binaligyaan,Bay. Mohangyo lang ko nga paliton ko lang ning imong puwesto dinhi ug siyete sintos mil god.
LARYO : Mao na to ang akong hukom,Bay Sidro, sori  na lang gyud kaayo.
Unya nahiabot ang asawa ni Sidro nga si Mandang, ug mao kini nakig-estorya kang Laryo.
MANDANG : Aw, kon di ka mosugot sa siyete sintos mil,Laryo na hala paliton ko na lang ning imong yuta ug tunga sa milyon.
LARYO(Nahimuot): Aw, naa ra man diay na!
SIDRO  : Butangi!

ANG NAMATYAN

ABDON : Pastilana no,Bay Tikyo namatay naman diay  ang atong amigo nga si  Bosyo?
TIKYO   : Unsa god diay? Unsa may namatyan ni Bosyo,Bay?
ABDON : Wala man toy sakit nga maoy namatyan,Bay,pero ang kugmo ra gyud ang hinungdan.
TIKYO   : Yamat ra,kugmo gyud? Unsang pagkahitaboa?
ABDON : Da ,igo ra god nga nanghingumo,unya mao na to.Patay dayon!
TIKYO   : Ngano man?
ABDON : Ang ang human niyag hingugmo didto man pod niya gipahid sa  buhing kuryente!
TIKYO   : Na,butangi!