ANG KAHULOGAN

 Miresulta  sa initay nga panaglalis ang panag-atubang nilang Otoy ug Minggay sayo niining buntaga.

OTOY : Ikaw man god sobra na kaayo ang imong pagka selosa!

MINGGAY : Uy, animal kong bana unsay selosa nga nakita man gyud nakong mibaiid ka adtong babaye nga didto sa may plasa. Abi kaha nimog wa ko makakita? Gasiga  akong mata!

OTOY : Higala ra man to nako, kauban  sa trabaho.

MINGGAY : Uy, Otoy nahibawo ka ba kon unsa ming mga asawa? Unsay kahulogan anang pulong  ASAWA?

OTOY : Wa,unsa man ?

MINGGAY : Ang pulong ASAWA, ang kahulogan ana,mao ni: AYAW  SUPAKA ARON WAY AWAY! Nakasabot ka?

OTOY : Aw, mao diay na? Unya, kahibawo kas kahulogan pod  sa pulong BANA?

MINGGAY : Wala! Unsa man na,animal?

OTOY : Ang kahulogan anang pulong BANA,mao ni : BISAG ASA NAAY ASAWA!

MINGGAY(Milanit  sa sundang diha  sa kilid  sa bungbong nilang amakan): A,diay kining sundang maoy akong itabas nimong buanga ka!

OTOY (Mikaratilg  dagan): Tabang! Tabang mo!!!!

PULANG KABAYO GILUWAS

ATOY : Niadtong miaging baha dinhis atong lugar,Yok unsang mga mananap ang imong giunag luwas?

EYOK: Giuna gyud nakog luwas Bay, ang among mga kanding ,itik,mga manok ug baka. Ikaw Bay,unsang  mga mananap ang imong giunag luwas?

ATOY ; Niadtong  higayona Bay wa ko sa amoa. Naatol didto kos tindahan ni Inse Minggay.Busa,ako na lang siyang gitabangan  sab ug lawas sa iyang mga mananap.

EYOK : Unsang mananapa?

ATOY : Ang iyang mga kabayong Pula (redhorse) nga diha sulod  sa iyang tindahan.

EYOK : Butangi!

MAKAABOT GIHAPON SA PAGGAWAS

 TAKYO : Luoya  sa kahimtang ron sa  atong mga senyor sitisens (Senior Citizens) Doy, dili na gyud ka yano'g  gawasgawas  sa panimalay gumikan niining panahon ron.

KADOY : A, na maorag piniriso  kay did-an man?

TAKYO : Aw dili sab ana uy. Pero may purohan sab tingaleng maka gawasgawas  sa moabot nang panahon..

KADOY : Aw, kanang linaw na nga pag-ingnon pa, wala na kining pandemya?

TAKYO : Aw, dili sab.

KADOY: Unsa man diay?

TAKYO: Kon moabot na ang panahon nga ilang edad   '100  years" nga maoy idawat sa ilang cash gift .

KADOY : Butangi!

KINAHANGLAN SA KLASE

 MUMAR : Kumostang imong klase,Bay Amon maayo ra?

AMON     : Nagmahay ko,Bay. 

MUMAR : Nganong nagmahay ka man?

AMON :  Sa niadtong normal pang klase  nga wala pay pandemya ,akong gibaligya  ang akong selpon kay gidili ang selpon sulod sa klase.

MUMAR : Aw, o bitaw. Maong nagmahay ka?

AMON  : Aw o, kay karon na hinuon nga naay pandemya maglisod ka man sa klase kon walay selpon!

MUMAR : Tuara!

ILISAN LANG

 IYOK : Uyon ka Toy, nga wagtangon dinhis Pilipinas ang paggamit  sa  'facebook'?

BITOY : Yatis, nganong wagtangon man? Wala na tay kalingawan ani?

IYOK : Ilisan man,Toy.

BITOY : Unsa may iilis,Yok?

IYOK   : Peskat  na sab!

BITOY : Ahak!

MAPUL-AN SAB

 KADOY :  Kon maoy matinuod nga molanat pag duha ka tuig una mahuman ning pandemya,Yok pwerte na gyung puola.

MIYOK : Aw o. Mao gyud na,laay ug puol nga naa ra tas balay, unya lisod sa kanunay ang atong panginabuhi ug ubang mga panglihoklihok.

KADOY : Mao lagi,puol.

MIYOK  : Unsa may imong mapul-an sab Bay Kadoy?

KADOY: Puol pod sig  dawat sa kuwartang "sosyal amelyorisyon" sa gobyerno kon maohon.

MIYOK : Butangi!

DILI KATUHOAN

AKANG : Dili ko mosugot nimo,Tong. 

 BITONG : Nganong dili man ko nimo sugton,Kang? 

 AKANG : Da, mura kag politiko mangistorya uy! 

 BITONG : Unsa goy murag pilitiko,Kang? Ngano man diayg politiko gyud ko? 

 AKANG : Na, dili katuhoan nga moestorya ka. 

 BITONG : Ngano man?

 AKANG : Nanobrang pulos hambog kays tinuod! 

BITONG : Ngeeh!

HASTA BUKOG KAN-ON

 INTOY : Makalagot gyud ning akong asawa nga si Tasya,Tok.

ATOK : Nganong makalagot man ang imong asawa,Toy?

INTOY: Akong gitugon nga ayg palit aning isdang bangus kay bukogon,nya tan-awa nagpalit na nuon!

ATOK : Nganong problema man kag bukogon. Kami ngani basta isdang bukogon apilon man namog kaon hastang bukog kay hinugnan mi?

INTOY : A,yatis? Hasta bukog  sa isda imong kan-on,Tok?

ATOK: Lagi.

INTOY: Unsa god nang isdaa?

ATOK : Kanang naa sa lata  sa sardinas god!

LAIG NAMATYAN DIAY

AYOK : Dili gyud ka kompyansaan kining bayrus nga mikatap karon,Bay Minggoy  sa tibuok kalibotan.

MINGGOY : Mao gyud. 

AYOK : Mas delikado niadtong mga tawo nga biklonon na kaayo ang kahimtang  sa ilang panglawas.Pananglit niadtong duna nay mga sakit samas dayabitis,tebe o sakit  sa baga,mga hilanat nga way huwashuwas  kay kuyaw  nga luya ang imyon sistem(immune system) sa atong lawas,daling matakboyan niining sakita...

MINGGOY : Mao lagi, mao gyud nay kanunayng gipanghinaot nga dili unta matakboyan sa maong sakit ang atong higala nga si Toryano,Bay.

AYOK  : Hain man diay ron si Toryano,tuod?

MINGGOY : Wala na,Bay.

AYOK         : Ayg komedya.

MINGGOY        : Mipanaw nas laing 'kalibotan' si Toryano Bay.Pero  natuman gyud ang iyang panghinaot nga dili mataptan  sa bayrus.

AYOK               : Unsa man diay iyang namatyan?

MINGGOY       : Aids ,man.

AYOK                : Moy  gidangat!

KALIT LANG MIUS-OS

 FELIMON : Nahibawo ka,Bay Osoy nga mikalit nag-us-s-os  ang mga nataptan karon  sa Covid-19  dinhis  atong lugar?

OSOY       : Aw, maayo nuon. Pero, makapahibulong.

FELIMON  : Nganong nakasulti kaman ingon ana,Soy?

OSOY      : Kalit man!

FELIMON : Ako dili na mahibulong  ana,Soy.

OSOY       : O,kay ngano man tuod?

FELIMON : Sangkiig naman ang gobyerno  sa pagpatambal sa mga nataptan  sa Covid! Bangkarota na hapit!

OSOY      : Butangi!!!

GIBINOANGAN

 BOTOY : Kita ra gyuy gi-tonto aning mga Insek,Loy.

OLOY : Nganong nakasulti ka man niana,Toy?

BOTOY : Hunahunaa ha, ang bayrus ron hinungdan  sa pandemya ,didto gikan sa ila...

OLOY   : O,bitaw.

BOTOY: Unya,panagang  sa bayrus,himo silag 'face mask',palit pod ta.

OLOY : Unya.

BOTOY : Himo silag,'face shield' namalit pod dayon ta.

OLOY : Bitaw.

BOTOY : Himo na pod kuno silag herbal nga tambal, mopalit sab gihapon ta.

OLOY : Unya?

BOTOY : Kinsa may boang ron aning kahimtanga halos gikan nila ato mang gipakyaw,di tan-awa sige ila negosyo,kita nagkalisod na!

OLOY : Butangi!

MAY LABOT

FELIMON :  Matod pa bitaw  sa panultihon nga Iningles: " Ignorance  excuses  no one."

OTOY :         Nakadungog sab ko ana,Mon. Ngano man?

FELIMON :  Dili katuhoan  sa tanang panahon.

OTOY :        Ngano man lagi?

FELIMON : Kuha mog ngano nga karong dunay gipangdakop tungod nga walay 'face mask' naa may gipasagdan lang nga wala maggamit ug mask.

OTOY       : Duna ba diay?

FELIMON: Kana diayng mga Badjao nagsuroysuroy sa kadalanan nag-'mask 'diay na ,nga wa man ang uban? Wa diay na silay labot kay di ignorans!

OTOY      : Ngeeh!

IPAHIPOS SAB

 OLDOK : Kon makasupak sa 'quarantine protocol' Bay Akoy  duna ra bay dakong multa,nya prisohon pa.

AKOY : Yamat ra?Tinud-on kaha na nila?

OLDOK: Aw, tinud-on gyud para dili mokuyanap pagmaayo nang bayrus nga makamatay!

AKOY : Murag duhaduha kos pagtuo,Dok.

OLDOK: Ngano man?

AKOY  : Wa man god nila panumbalingag hipos nang mga libod-suroy mga boang sigeg bahisbahis  sa atong mga kalsada, unsa sila way apil?

OLDOK : Butangi!

ANG NAKA MAAYO

 TAKYO : Dili maayong iminyo rong panahona  kay nia  tas pandemya.

OTOY    : Sayop ka Bay,karon nuon maayong iminyo.

TAKYO : Ngano man?

OTOY:     Kon magminyo gamay nag gasto kay ang kaslonon na lang maoy moatubang  sa pari o huwes ba nga mokasal nila wa nay daghang manguyog.

TAKYO : Unya kon magkasal kinahanglan mag kombera?

OTOY : Na samot kansel nang kombera kay gidili nang tapoktapok kon mahibaw-an mayg  dili madakop!

TAKYO: Butangi!

DILI MAGLAKAW LAKAW

TIKOY : Gidili  karong panahon,Mok nga magsigeg lakawlakaw kay kuyaw na ang panahon tungod  sa bayrus.
EMOK : O,nahibawo ko. Nganong gisultihan man ko nimo ana?
TIKOY: Aron makahibawo ka.
EMOK : Dugay nakong nahibawo ana,Koy.
TIKOY : Karon pa gani ko misulti ana nimo.
EMOK : Nahibawo nako ana adtong dili pa ko bakol!
TIKOY : Ngeeh!

WALA MAKASABOT

BOTYOK : Hibawo ka,Bay Takyo nga dakpon ron ang wala maggamit o magtabon sa ilang nawong anang " face mask?"
TAKYO: O,nahibawo ko.
BOTYOK: Unya,nganong wala man lagi ka maggamit ug "face mask?"
TAKYO : Kini diay (mikuot sa iyang bolsa ug may gipakita).Kini.
BOTYOK : Unsa man na?
TAKYO:     Pukot sa isda, pesmask man kaha?
BOTYOK: Butangi!

APIL GIHAPON

BODOK: Unsay namatyan ni Otik,Bay Tonyo?
TONYO: Ang  sa bayrus man kuno to Bay bahin sa kobid.
BODOK : A,nakagawas na gani to kay naayo nas bayrus matod nila?
TONYO: O gani,pero namatay nuon pagkasayod sa iyang dakong  bayranan sa Ospital!

MAKAGAWAS NA

PROKTOY: Makagawas na gyud ta ani sa  dili madugay dinhis prisohan, Bay Takyo.
TAKYO:      Giunsa man nimo pagkahibawo nga makagawas na ta dinhi?
PROKTOY:  Daghan nang natakdan sa bayrus,pagawson na gyud ta ani.
TAKYO (Nagpanglingolingo  sa ulo): Bitaw. Pero dili makalipay kon makagawas na ka dinhi sa imong selda.
PROKTOY: Ngano man?
TAKYO     : Patay naman kang igawas kay nataptan sa bayrus!
PROKTOY : Butangi!

NALAHI NA

OKOY  : Niadtong tuig sa 2019,ingon sila  atong palay-an ang dunay mga negatibong hunahuna?
TIKYO : Mao na kay malas.
OKOY  : Unya, karong 2020 ,lahi naman sab.
TIKYO:  Unsa may nakalahi?
OKOY : Kay ang mga positibong  tawo naman nuon maoy palay-an!

MAS LUWAS

TAKYO: Gipahibawo na gani ang mga tawo nga dili pagawasgawason sa ilang mga pinuy-anan para mas septi sila,tan-aw misiaw hinuon ug panglaag...
BOTOY: Dunay mas septi pa ana,Bay Takyo.
TAKYO: Unsa man?
BOTOY: Ibalhog na lang sa prisohan para dili na gyud makagawas!
TAKYO: Butangi!

MOBARATO NA

IKOT : Niay  maayong balita nga akong nadunggan,Toy  gikan  sa mga tabian didtos eskina ay.
OTOY: Unsa man nang balitaa?
IKOT : Mobarato na kunong bugas.Ug,basin moabot pas tag kinse na lang ang kada kilo.
OTOY; Kanindot god anang balitaa. Kanus-a man pod na mahibato ba?
IKOT : Hapit na kay plastik naman ang lugas sa humay nga atong lung-agon!
OTOY: Wa gabae!

MOPILIT DIAY?

TONYO : Moabot unyang panahon nga wala nay modawat bisag kuwarta pay itunol.
EMOT    : Yamat ra? Ngano man?
TONYO : Laliman kag duna pa nuoy  bayrus  mopilit  sa kuwarta,di patay ka!
EMOT    : Butangi!

GIKATAWA NA LANG

BOTYOK: Tan-awa ra god nang tawo nga naa nagbarog  sa  atong atbang,Bay Pekto.(Mitudlo  sa tawo).
PEKTO: O,ngano man diay,Bay?
BOTYOK :Nagsige man na siyag katawa,naunsa man na?
PEKTO : Boang siguro na!
BOTYOK : Dili ,uy.
PEKTO : Nganong nahibawo kaman nga dili boang nang tawhana?
BOTYOK :A,kon mokatawa diay boang na diay na?
PEKTO ; Mao man nay  sagad nga pangagpas   sa  kadaghanan...
BOTYOK : Unya, kanang magsigeg hilak unsa man sab itawag niana?
PEKTO     : Aw kana kay mihilak may problema.
BOTYOK : Mao na,human niyag hilak iya na lang gikatawa kay wa siya kahibawos sulbad sa iyang problema !
PEKTO ; Butangi!

MAONG GIKULBAAN

BOTYOK : Unsa man ning gibati ko,Dok nga kanunay man kong kulbaan? Lisod man akong  pagginhawa?
DOKTOR  TORIBIO: Ayg kabalaka kay dili na mao ang gikahalokan mo  diha  sa imong hunahuna.
BOTYOK : Unsa man diay ni,Dok?
DOKTOR  TORIBIO : Kulbaan ka kay sige man kag hunahuna sa Valentines Day nga hangtod ron wala pa ka makauyab ni Dalmasya!
BOTYOK : Butangi!

WALA MAHADLOK

TEKYA(Mipahimangno  sa  anak) : Dili magpatakag lakawlakaw rong panahona Syong, kay may sakit nga gikahadlokan....

ASYONG : Ana, wa gyud mahadlok si Tonying ana,Nay nga  atong silingan...

TEKYA    : Nganong dili man siya mahadlok?

ASYONG : Unsaon man niya pagkahadlok nga dunay may taptap iyang nawong dili man siya hiilhan!

TEKYA    : Butangi!

DILI NA MANGITAG LAING GASTO

BOTOY: Daghana  ninyog iro nga binuhi,Yok.
PAYOK: Mo lang! Dakog  gasto pakaon ug mga iro,Toy.
BOTOY: Gipakaon kaha na nimo ang imong mga iro,Yok nga naagian ko man to silang nangay-ag adtong mga plastik sa basura didtos eskina Patisoy?
PAYOK: Unsay imong pagtuo nga wala nako pakan-a nga tagtagurha man gani ka kilong ganador maoy akong lung-agon para lang nila?!
BOTOY: Mga daot man lagi? Nya namasura pa gyud!
PAYOK: Na bahala na sila mangita  sa ilang  'dessert' adtos  basurahan,unsay imong pagtuo ako pay mogasto?
BOTOY: Butangi!

PAREHISTRO

TIKYO : Nagparehistro ka na didto  sa opisina  sa COMELIC,Bay Sidro?
SIDRO : Dili nako mousab  sa pagparehistro,Bay.
TIKYO : Ngano man ?
SIDRO : Mura man gihapon dili man ko makadaog kon dunay eleksiyon!
TIKYO : Ngee!

WALAY ANGKAS NA

BOSYO: Sunod semana,Bay Intoy dakpon nang mga motor nga angkas.
INTOY :  Yamat ra,unsa god nang balaora?
BOSYO:  Maayo na.
INTOY :  Unsay nakaayo  anang  balaora para nimo?
BOSYO:  Dili na pwede  makaangkas akong asawa  nga pwerteng abubho-ana dire sa akong luyo!
INTOY :  Butangi!

LABING MAAYONG MASIN

LOLO PANGKOY : Tsiks  boy ka man gyud Rito, unsang klaseha sa makina o masin ang akong gamiton aron mobalik ang nindot nga porma sa  akong lawas,nya akong madani ang mga guwapang babaye?
RITO : Pagka sayon ra gyud ana,Lolo Pangkoy.
LOLO PANGKOY : Unsa man lagi nga masin, akong gamiton?
RITO : Aw, gamita imong ATM Machine Lo, di ba panilap gyung tsiks  nimo labinag  mowidrow kag daghang kuwarta!

NABANGGAN

OTOY : Way suwerte si Etot,Bay Asyong nabanggaan  sa awto niadtong miaging adlaw.
ASYONG: Unya,patay?
OTOY     :  Wala man sab. Wala man gani garas iyang lawas.
ASYONG(Nahibulong): Yamat ra? Unsang pagkahitaboa?
OTOY   :  Remot ra man diay tong awto nga duwaan nga  nakabangga niya!
ASYONG: Animel!

MAMISTAHAY

TAKYO : Adto tas piyesta ugma,Bay Inggot  sa Kanturatoy.
INGGOT: Asa man ta mamista?
TAKYO  : Adtos ilang Akoy.
Mao say pag-agi ni Akoy diha  sa ilang tungod nga nakadungog sa ilang gipanagsultihan.
AKOY (Misagbat) : O, adto mo.
TAKYO: Aw, o ikaw man god diay ni,Koy? Adto lagi mi ugma...
AKOY : Sige,pangadto mo. Sayo lang mo...
TAKYO : Aw, sayo gyud mi...unsay imong ihawon,Koy?
AKOY  :  Aw, ikaw maoy akong ihawon kay ikaw may mosayo!
INGGOT : Butangi!

HAKOG NGA HARI

HARING KUGTONG : Ministro Kugmo,aber suroya kuno didto ang dapit  diin didto mibuto ang bolkan. Susiha kon unsa nay gipangkaon sa mga tawo didto nga nabiktima sa trahedya.
Tuod man,mituman dayon ang ministro. Dihang nahibalik na kini sa gingharian, miatubang dayon kini sa ilang Hari.
MINISTRO KUGMO: Mahal nga Hari Kugtong luoy kaayo ang mga tawo didto kay ang ilang gipangkaon mga ilaga naman nga kutob  sa ilang makita!
HARING KUGTONG : Unsa? Unsang pagkahitaboa, wala na ba gayod silay makitang ilang mamahimong kan-on?
MINISTRO KUGMO : Wala na gyud mahal nga Haring Kugtong.
HARING KUGTONG : Kon mao,paanhi-a dinhi sa gingharian kining mga tawhana.
MINISTRO KUGMO;   Matuman mahal nga Haring Kugtong. Ato ba silang tagaan ug mga sinakong bugas nga naa sa atong bodega,mahal nga hari?
HARING KUGTONG : Dili.
MINISTRO KUGMO(Natingala): Nganong paanhion pa man nato kining mga tawhana?
HARING KUGTONG : Akong ipadakop kanila ang mga ilaga nga naa sa atong bodega nga sigeg pangitkit sa mga sako anang atong mga bugas!