Sabado, Hunyo 30, 2012

WA MALIWAT

Sa paghiuli ni Pedot gikan sa eskwelahan gisuginlan dayon niya ang iyang amahan sa gisulti kaniya sa ilang maestra.
PEDOT   : Ingon among titser,Tay guwapohon kuno ko nga pagkabata..
AMAHAN  ( Nahimuot): Aw,wa nimo ingna nga liwat  ka sa imong amahan?
PEDOT                         : Ingon ko,Tay,uy ! Ingon ang among titser maayo man gani..
AMAHAN                    : Aw, maayo hinuon.
PEDOT                         : Bitaw,Tay maayo gyud nuon nga wa ko liwat nimo nga butihon ug nawong!

MGA KURYOSO

Tulo ka amigos nanan-awg sine.Pedro Buta.Juan  Bungol,ug Torbot Bungi.Sa didto na sila sa sulod.
PEDRO BUTA : Usik-usik man lang ta sa atong pulta ani,Bay,wa may salida.
JUAN  BUNGOL  : Unsa goy way salida  nga kadaghan anang kawboy nga nagsakay ug kabayo,pero amang lang. Wa ko kadungog ug tingog.
TORBOT BUNGI (Gisamokan sa duha ka mga kauban): Hos, ka mga hignorante maya ninyo!  Hilom mong duha hipatiran hinuon has mga kabayo,muray  hingyo!

NAKASULTIG AHAT

ANDANG (Usa ka amang.Nanuktok sa panimalay nilang Toryo): Tok! Tok! Tok!
TORYO (Anak nga bungi ni Toryo. Maoy miabli sa pultahan):  Honsay huyo?
ANDANG (Igo lang misenyas sa iyang kamot):
TORYO  : Wa ho sabot imho henyas,uy. Ihulti na...!
ANDANG( Suko na kaayong misenyas.Miwara sa iyang kamot):
TORYO (Samot naglibog): Wa lahi  ho sshabot ! Ihulti na ahaw ko henyasi!
ANDANG(Misamot ang kasuko.Nakaahat hinuon sa pagtingog nga pagaw): Hoy amaw!(Milamparo sa ulo ni Toryo).Uhmm! Ingon ko, hain imong amahan kay maningil kos iyang utang!
TORYO (Nagpangawot sa ulo ang bungi): Motangi!

Huwebes, Hunyo 28, 2012

MAGPAPUGONG PA DIAY

Nagkaguliyang ang mga tawo nga didto magtapok ubos sa taas ug layog nga lubi sa tugmaran sa panimalay nilang Botoy. Buot kining maghikog pinaagi sa pag-ambak gikan didto sa itaas.Ang mga tawo nga diha sa ubos nga naghinan-aw kang Botoy didto sa itaas mialam-alam.Nakigsulti kaniya ang iyang higala nga si Torbik.
TORBIK  : Kanaog diha,Bay Botoy ayaw tawon ug ambak basin unsa pay mahitabo nimo!
BOTOY(Didto itaas sa lubi): Wa nay bili ang akong kinabuhi,Bay Torbik human nga gibuwagan ko sa akong uyab nga si Bikang. Magpakamatay na lang ko!.
TORBIK   : Kadiyot una,Bay Botoy kay among adtuon si Bikang aron mahusay mo niining inyong problema.
Tuod man ilang giadto si Bikang,ug mikuyog kini kanila sa nahimutangan ni Botoy.
TORBIK   : Nia na si Bikang,Bay Botoy pagsultihanay mo aron masulbad nang inyong problema.
BOTOY    : Moambak ko,Day Bikang puslan man nga imo kong gibuwagan...!
BIKANG(Naglagot): Hoy buang,kon magpakamatay  ka ayg dugaya, magpapugongpugong ka pa man!
BOTOY                  : Toinnk!

Lunes, Hunyo 25, 2012

LAING GATAS

MUSLIM : Igso,palit  ka niining tinda kong gatas sa baka kay makaayo kini sa imong lawas...
TIKOY    : Mahal na ,Igso?
MUSLIM: Barato ra kaayo,Igso. Usa ka gatos kining usa ka galon.
TIKOY   : Yamat,mahal ba ana,Igso! Walay Barato diha?
MUSLIM: Dunay barato,Igso.
TIKOY   : Unsa man nang gatasa,Igso?
MUSLIM: Gatas sa unggoy,Igso!

Linggo, Hunyo 24, 2012

MAMALHIN

Dugayng sambunot sa duha ka manag-uyab nga si Pidot ug Takya nga  nagtagay sa ilang kinawatkawat nga kalipay sa payag nga salikwaot ang pagkabutang  ubos sa dakong punoan sa Mangga.
PIDOT (May nahibudngan.Mitimbakuwas gikan sa gihigdaan): Mamalhin tag laing lugar,Day Takya mora mag dunay nanil-ip nato dinhi sa payag  da.
TAKYA   : Ngano god,Dot?
PIDOT     : Mora man ug gihuyop ang akong itlog..
TAKYA   (Nahimuot): Saba diha,Dot uy,para ako gani tong nangutot!

HAWOD KUNO

Malipayong mibalita si Tikboy sa iyang Nanay Damasa niining buntaga gikan nahiuli sa ilang Tulunghaan.
TIKBOY  : Nay! Nay akong nangharos sa among klase karong buntaga,Nay!
DAMASA(Nahimuot): Yamat ra Dong Tikboy. Unsa mang sabdyika ang gihawran mo Dong?
TIKBOY  : Sa  among cooking  god,Nay.
DAMASA: Kana maoy bata ,haros gyud ang sabdyik.Ikaw gyud diay nanghawod ,Dong no?
TIKBOY  : Lagi,Nay.  Ako maoy nangharos sa kamunggay!

SAYOP PAGSULTI

KATABANG(Mipahibawo sa Pari): Dre,dili man mosiga kadtong suga sa imong kuwarto.
PARI  : Naunsa man ka,Inday. Dugay ka naman nga nangalagad kanako dinhi sa simbahan,hibaw-i nga usa na kita ka pamilya dinhi. Busa,ayaw na pag-ingon nga imong suga,Dre,imong kalsones,Dre,imong plato Dre, o unsa pa diha.....Kining tanan nga ni-a dinhi ato kining tanan,busa sunod gani ingna sa pagsulti nga atong suga o,unsa man diha nga butang.
KATABANG  : Oo,Dre.
Nianang pagkasunod nga adlaw mibisita sa pari ang Kardinal.Nagdali nga mipahibawo ang katabang niini sa dihang nahiabot  na ang bisita sa simbahan.
KATABANG   : Dre,naa ang Kardinal.
PARI                : Ayg kabalaka kay ato kining abiabihon.
KATABANG   : Unya,Dre duna ra bay ilaga nga nakasulod sa atong kuwarto kaganiha,ug nisuksok ilawom sa atong katre!
PARI                : Butangi!

SABUTON

Nag-abot ang usa ka Imam ug pari sa usa ka birthday party.
PARI(Ngadto sa Imam): Lami kaayo ning baboy Igso.Sultihi ko nus-a man ka ganahi mokaon ani kay hibawo baya ko nga supak ni sa inyong gituhoan?
IMAM(Pari sa mga Muslim) : Aw, kaon nako ana,Igso,basta imbitahon ko nimo sa imong kasal pohon!

KON MAY MAKIT-AN

Nagbagotbot ang duha ka trabahante nga sila si Minggoy ug Onyot sa ilang kahimtang sa pagpanarbaho sa  bakery ni Insek Sianga.
MINGGOY : Pastilan ning atong amo,tihik kaayo! Unsa naman,Bay ang sulti sa atong among Insek bahin sa 13month nga bonus nato?
ONYOT      : Sugot man daw siya,Bay.
MINGGOY : Kana maoy maayo.
ONYOT      : Sugot siyang mohatag ug 13th month ug bisan pag 14thmonth  basta makita lang  niya nga na-a ni sa kalendaryo!

LAHI SAB

Duha ka managkompare ang nagkaabot sa  Junquera  kay nangabang...
SENYO : Pre,unsa gani tong sige ug anawons sa Tebi,diha sa ATS-CTN?
TAKYO: A,kanang giingon nila ,Pre nga iboto mo i-patrol ko?
SENYO : O,mao na.
TAKYO: Ngano man diay,Pre?
SENYO : Tan-awa ning nahitabo ron nato,Pre.
TAKYO : Unsa man na,Pre?
SENYO  : Kuha mog ngano, nga  mao man niy giingon nga :boto mo nangatol ko!
TAKYO  : Ay giahak!

MANGIHI

BOSYO (Bol-anon): Adyaw na paimna imong manok dayon,Pre.
TONYO                 : Ngano man,Pre?
BOSYO                 : Adyaw lagi kay mapareha undya na sa ahong amigo sa una.
TONYO                 : Ngano man,Pre?
BOSYO                  : Mangihi dya na!

PAAGI

BAKIKANG(Naghunahuna ug paagi): A,niay paagi nga madani nako  kining akong  Boss nga guwapo.
Tuod man ang nahunahunaan niyang paagi mao ang pagkuha sa iyang panty ug gitungtong sa lamesa,ug nakita kini sa iyang boss.
BOSS    : Kang kinsa kining panty  nga gibutang ibabaw sa lamesa?
BAKIKANG(Mahimut-ong mitubag): Ako na,Sir. Okey ba?
BOSS    : Okey unta pero dunay tai!

MAGTUON

TORYO : Nakaadto kaman gyud sa Japan,Bay Liging maayo ka na gyud sab nga maghinapon?
LIGING : Niay diyutay.Ikaw,Bay Toryo naka-amo man sab kang Hapon di makahibawo na sab ka nga maghinapon?
TORYO : Diyutay,Bay.
LIGING : Aw, pangutan-on tika bi.
TORYO : Sige,suwayan.
LIGING : Hinapon sa mais?
TORYO : Hukara.
LIGING : Hinapon sa lubi?
TORYO : Kagura.
LIGING : Hinapon sa pagkaon?
TORYO : Kutsara.
LIGING : Hinapon sa gwapo?
TORYO : Akora
LIGING  : Hinapon sa batig nawong?
TORYO :  Ikawra!
LIGING : Butangii!

SUGYOT LANG

HOLD-APER  : Itaas ang  imong kamot,ug ayaw gyud pagpakitag daotang  lihok!
TORYANA (Nakuyawan): Nga-Ngano ni?
HOLD-APER : Hold ap ni,ipagawas ang tanan mong kuwarta diha! Dali!
TORYANA(Misinggit): Rep! Rep !
HOLD-APER (Naratol): Hoy,unsay  rep nga hold-ap ra man ning akong gihimo?
TORYANA   : A,para mi-suggest  lang gani ko!

Huwebes, Hunyo 7, 2012

MAKATILAW NA SAB

Sa usa ka dakong lasang didto mahisum-ok si Goryo sa iyang pagpangayam.Apan usa ka hitabo nga wala niya damha kay nahimo siyang bihag sa mga amasona nga lilong nagpuyo niadtong dapita.
GORYO : Buhi-i intawon ko ninyo mga amasona...!
RAYNA SA MGA AMASONA : Unsay buhian? Karon makatilaw na sab ko niining higayona ug lalaki!
Si Goryo nga nakadungog sa sulti sa rayna sa mga amasona sa hilom gibatig dakong kahimuot.
RAYNA SA MGA AMASONA : Sige dad-a kanang dinakpan sulod sa akong lawak ilawom sa langob.
GORYO (Naghinamhinam): Kini maoy maayo.
RAYNA SA MGA AMASONA : Dad-a na didto sa akong lawak ug didto kuha-a ang iyang kinatawo.Unya pagkahuman ,isugba ug dad-a dinhig balik aron makatilaw na pod kog  kinatawo sa usa ka lalaki.
GORYO  : Butangi!Patay nako ani!

BALIHON

BADOT                  : Torni ako untang  usbon  ang akong apelyido,puwede?
ATORNI  TAKOY : Nganong dili? Puwede kaayo pero mahal gyud hinuon,Dot.
BADOT                  : Walay hangyo,Torni.
ATORNI TAKOY  : Wala gyud,Dot. Aw, kon gusto ka ato lang balihon ang imong apelyido kay medyo bobarato ra ang imong mabayran nako.
BADOT                  : Dili nalang ko molahos,Torni.Gawas pa,bati man sab kog apelyido!
ATORNI TAKOY  : Unsa man diay imong apelyido,Dot?
BADOT                  : Tobol,Torni ug bati na kaayog balihon!

Miyerkules, Hunyo 6, 2012

NAUSAB ANG ESTORYA

Nauli si Andoy sa ilang panimalay kaadlawon na.Iyang gisil-ip ang iyang relo sa dayon niyang saka sa ilang panimalay ug iyang nahibaw-an nga alas kuwatro na.Pag-abli niya sa ilang lawak ni Mayang maoy naabtan niini ang asawa nga dunay kauban nga laing lalaki. Misinggaak pag-una ang asawa nga si Mayang sa tumang kasuko.
MAYANG   : Hoy,animal nganong karon ka pa man niining kaadlawong dako mahiuli! Didto ka na pod magdugay sa beerhouse  ha   uban sa imong mga barkada?Animal ka gyung dako,Andoy!
ANDOY(Nangatarongan.nakalitan): Kuan man god,Yang...
MAYANG   : Ayaw na lang dihag daghang estorya,Doy! Mogimik ka pa gyud da nga nahibaw-an naman gyud nang daan nga mamakak ka!
ANDOY(Gialimongawan): Unya,Day Mayang kinsa man sab nang lakiha nga imong kauban dinhi sa kuwarto?
MAYANG (Nagpatuso paglagot ug maayo): Hoy,animal ayg laina ang atong gi-estoryahan ha!  Mo- change topic kaman dayon!
ANDOY    :Butangi!

NAGBASA

Nagkagubot ang merkado kay usa ka unggoy nangawat ug saging.
TINDERA  1: Hain naman to modagan ang unggoy nga nangawat ug saging?
TINDERA  2: Tu-a ra didto mipaingon...(Mitudlo  sa atbang nga newstand).
TINDERA  1: Uy,nag-unsa man nang unggoy?
TINDERO(Sa newstand): Na-a  ay nagbasag gitikgitk ni roncat!
TINDERA  :  Ngeeh!

GUBOT GYUD

Naabtan ni Tikoy ang  iyang  higala nga  si Bitong sa ilang pantaw nga nagpunayg pangawot sa iyang ulo ug nagsigeg panakla. Nagsigeg pasopaso. Unya,iya ning   gipangutana.
TIKOY    : Naunsa kaman,Bay Bitong?
BITONG  : Haskang gubota ron sa kalibotan,Bay Tikoy.
TIKOY    : Gubot gyud tinuod,Bay. Unya,nganong nakaingon man sab ka nga haskang gubota ron sa kalibotan,Bay?
BITONG  : Ni-a,Bay  ay. Karon,tan-awa naminyo ko sa usa ka biyuda nga may anak nang dalaga.Gipakaslan ni Tatay ang anak dalaga sa akong asawa nga biyuda kay nabiyudo naman sab si Tatay.
TIKOY    : Unya,Bay?
BITONG  : Unya,ang nahitabo nahimong Nanay na sab nako ang maong dalaga nga anak sa akong asawa nga biyuda,ug si Tatay nahimong akong anak.Ang Asawa nako maoy ugangan sa akong Tatay.Ug kon manganak sila mahimo kong lolo sa akong igsoon.
TIKOY    : Butangi,haskang gubota!

ANG BAG-O

Si Padre Damaso miwali  atubangan sa pipila ka mga eskuwater sa usa ka gamayng kapilya nga bag-ohay lang nagsaulog sa ilang piyesta.
PADRE DAMASO : Mga binating igsoon ni Kristo angayan lang nga niining atong panahon karon,magminahalay kitang tanan.
OKOY                    : Karaan naman na,Dre.
PADRE DAMASO : Panggaa ninyo ang inyong mga anak ug asawa...
TIKOY                   : Karaan naman na,Dre,wala pa ta matawo anang estoryaha.
PADRE DAMASO(Gibatig kalagot) : Unya,unsa may imong gusto nga suntokon tika diha niining akong kinumo!
OKOY (Miabiba)    : Kana maoy bag-o,Dre!

MIHUNONG

MUSLIM  : Niay akong relo,Igso bisan pa imong isalom sa dagat dili gyud kini mamatay.
IDOY       : Yamat ra. Bi ako kunong suwayan ug humol dinhi sa planggana nga puno sa tubig.
Tuod man gihumolan ni Idoy sa tubig,apan kalit lang kining mihunong.
IDOY       : Tan-awa,Igso patay man lagi?
MUSLIM : Wala kana  mamatay ,Igso kay kanang maong relo stop watch man maong mihunong!