MURA SAB

BOKOT : Sunod tuig,Bay mao na  nang ilang giingon nga ,year of the monkey.
SITOK   : Unsa man kahay mapaabot anang tuig  sa mga unggoy,Bay no?
BOKOT : Aw, nagkadaiya lang gihapon,Bay  dunay debuynas ug duna sab ing demalas. Ug, aron mahilayo sa mga demalas kinahanglan ang mga palihi...
SITOK   : Unsa may maayong  mga palihi,Bay?
BOKOT : Kay tuig man sa mga unggoy, kinahanglan nga duna kay dekorasyon nga mga hulagway sa unggoy,mga pigorin sa unggoy ug uban pa nga kabahin sa unggoy.
SITOK   : Ikaw,Bay duna na ana?
BOKOT : Aw, duna na? Unya, ikaw pod,Bay kinahanglan nga aduna sab ka ana.
SITOK   : Wala nay kinahanglan,Bay Bokot.
BOKOT : Ngano man,Bay?
SITOK   : Suwerte ron namo ang sunod nga tuig kay ang nawong sa akong asawang maldita mura man sab ug unggoy!

BIRTDE

OLOY   : Na unsa tos Emok, Bay Antoy  nga nagyawyaw man to gikan dinhis  inyo?
ANTOY: Dire lagi to,Bay kay  nangayo ug pinaskohan...
OLOY   : Unya?
ANTOY: Akong gipasabot nga kanang Disyembre 25 mao kanay adlaw sa atong Manunubos. Nga sa ato pa, iyang birtde maong  may madawat gyud na siyang binertdihan, di ba?
OLOY   : Unya?
ANTOY: Unya, niari man siya nako kay nangayog regalo?
OLOY   : Unya?
ANTOY: Unya, kanang Disyembre 25, nga Pasko iya diay pod nang birtde?
OLOY   : Butangi!

ANG NADAWAT

ARYANG: Unsa may nadawat nimong pinaskohan gikan ni pare Toming,Mare?
KADYA  :  Mao man gihapon,Mare kay  'bread and butter'
ARYANG: Katam-is diay,Mare.
KADYA  :  Ikaw diay,Mare?
ARYANG: Da, halang kaayo ang akong nadawat gikan sa kanahan kong bana!
KADYA(Natingala) : Unsa goy halang,Mare?
ARYANG  : Iyang gisilian ang akong baba ,Mare  kay di kuno ko mahilom sigeg yawyaw ang anang pinaskohan.
KADYA    : Butangi!

WALA DIAY

ITOK : Ingong,Tikyo, Bay nga daog man kuno ka sa suwetres?
BOTOY : Kini gyud si Tikyo ang pagkatabian na lang!
ITOK     : Tinuod diay,Bay?
BOTOY : Tinuod bitaw,nya wa diay niya dobleha pagsulti nga daog ko?
ITOK     : Ang unsa,Bay?
ITOK     : Ingon unta siya nga daog ko,'daogdaog'  ba!

DILI MABUSLOT

Usa ka adlaw niana  nanuroy  si Onyot ug  mga surplas nga mga sinena ug panti sa mga babaye.
ONYOT :  Panti mo diha...panti mo diha mga misis ug mga inday....barato ra kaayo!
TIKYA (Nangutana) : Unya, kanang panti nga imong gipamaligya,Nyot lig-on na?
ONYOT           : Aw, syempre!
TIKYA             : Giunsa man nimo sa pagsiguro bi?
ONYOT           :  Mabuslot na lang ang sul-oban ning pantiha ,kining panti dili pa!
TIKYA             : Ngeeh!

WALA MAGKASINABOT

Sa wala pa molakaw si Don  Anoy mipahimangno kini sa iyang suluguon nga si Tikoy.
DON  ANOY : Kon naay mangita  dinhi ,Tikoy,ingna nga nanglakaw.
TIKOY         : O,Nyor.
DON ANOY   : Kon mangutana kon asa milakaw,ingna nga tua nanimba.
TIKOY            : O,Nyor.
DON ANOY   : Ug, kon  mangutana  pa gyud kon anus-a   mahibalik, ingna  nga hapit na,ug kon makahuwat  papaabota lang. Nakasabot ka,Tikoy?
TIKOY(Naglirawliraw ang mga mata) : O,Nyor.
Sa  dihang nakalakaw na ang Don may usa ka ahenteg tambal ang nahiagi.
AHENTE:  Naa ba mo mister gipamati sa inyong kalawasan sama sa panuhot,sakit sa mga kabukogan, atraytis ug mga rayuma?
TIKOY  (Mitubag  diha luyo sa atubangang gate ) : Nanglakaw na!
AHENTE (Nahibulong sa gitubag) : Ha? Uy, asa man mipaingon?
TIKOY  : Tua man nanimba?
AHENTE ( Naglagot abig gibinuangan) : Nabuang ka?
TIKOY ( Naglagot na sab)                      : Hapit na! Kon makahuwat ka,pagpaabot   diha!

MIKUPOS

TAKYO : Miayon gyud ,Dok sa tambala nga imong gireseta dire  nako kay naayo man ang kabahong nga mitapot dire sa akong tuhod.
DOKTOR  PEKDOT : Aw, maayo hinuon,Takyo kon mao kana.
TAKYO  : Pero,Dok may bad news  .
DOKTOR PEKDOT  : O,unsa man nang maong bad news?
TAKYO  : May lain naman sab nga bukol nga dia dire mitubo sa akong bugan!
DOKTOR  PEKDOT : Unya?
TAKYO  : Wa ko mabalaka  sa bukol,Dok ang giproblemahan ron nako kining siwil  ibabaw sa akong bugan kay  kalit man sab nga mikupos!

NAKASUKMAG

Maoy natangkaan ni Juaning ang iyang bana nga si Montoy  sa pag-abli niya sa pultahan nga ang dagway mapungtanon.
JUANING : O,nganong daw suko man kaayo nang imong dagway, Montoy? Naunsa ka?
MONTOY (Nagpangusmo): Da, nakasukmag kog tawo,Day Juaning didto sa  may eskina!
JUANING : Si kinsa may imong nasukmagan?
MONTOY : Si Etot god.
JUANING : Nganong imo  man gisukmag si Montoy?
MONTOY : Ang ang  nga di nako sukmagon nga iya man kong ginganlan ug magdadaro?
JUANING : Nganong nakasulti man siya niana,Toy?
MONTOY : Ang nawong kuno sa akong asawa morag kabaw!
JUANING (Misinta sa kalagot): Tabaghak  ani! Imo unta tong gikuhaan sa dila aron maamang!

PAREHAS RA GIHAPON

ONIK : Ingon ka kaganiha nga dili ka magpasuhol sa imong inadlaw nga tag dosyentos pesos kay Pasko rong panahona?
ETOT : Bitaw. Libre akong serbisyo.
ONIK : Unya,nangayo man lagi ka nakog dosyentos pesos?
ETOT : Ingon diay ko nimo nga suhol na? Ingon man ko nimo nga para sa akong pamilite.
ONIK  : Butangi!

LAING LORD

TAKYO : Dong Pokloy, basta batang buotan makadawat gyud  sa  grasya ug pinaskohan sa imong mga ginikanan ug kang Lord.
POKLOY (Ang apo): Tinuod ka,Lo? Unya, Lo ngano man lagi na sila Berto ug Botoy mga batang bugoy kadawat man lagi gihapon silag pinaskohan sa lord?
TAKYO  : Aw, syempre.
POKLOY: Dili man na sila mga buotan,Lo?
TAKYO  : Bitaw,pero dili man sab buotan ang ilang ,lord kay pulos man mga druglord  ang ilang mga ginikanan!

IYANG TATAY RA

TIKYA: Pagbinuotan gyud,Antoy aron ka  makadawat  ug pinaskohan ni Santa Klawos karong Pasko.
ANTOY(Nagpangawot sa ulo): Di na ko motuo anang Santa Klawos,Nay,uy.
TIKYA (Nahibulong) : Uy,ngano gong nakasulti ka man ug ingon niana,dong Antoy?
ANTOY   : Hikit-an ko man god si Santa Klawos kagabii,Nay.
TIKYA    : Uy, diin god?
ANTOY  : Diha god  sa inyong kuwartong Tatay kagabii,nag-ilis  sa iyang purol!
TIKYA    : Ngeek!

MAY GRUPO NA

Giduol ni Eboy  si  Ano  sa dihang nag-inusara na lang kining naglingkod atbang sa ilang giimnan nga lamesa  sa tindahan ni Nang Peling.
EBOY : Unsa, man Bay Ano ako kang ipasakop  sa among praternite?
ANO (Nakuyawan): Yamat god. Unsa man nang inyong praternite,Bay Eboy?
EBOY                    :  Alpa Brabo maoy ngalan sa among praternite,Bay.

Pero  takulahaw  lang mikalit sab pagtunga si Isyot nga midip-ig kang Ano diha sa iyang kiliran.
ISYOT : Dire pagpasakop sa among praternite,Bay Ano kay lig-on kaayo mi.
ANO (Nakuryoso) : Unsa may ngan  nianang inyong praternite,Bay Isyot?
ISYOT(Miigham)  : Ehemmm! Ang ngan sa among prat  kay Tul-id Bawog!
ANO (Nakapanglingolingo): Sori na lang ninyo,Bay kay duna naman koy grupo ron.
EBOY  : Unsay ngan sa imong praternite,Bay Ano?
ANO    : SFC.
ISYOT : Unsa man nang SFC,Bay Ano?
ANO    : Mao nay gitawag,Bay  ug  Single  For  Christ !

GRUPO

Pagkakita ni Burdigoy  kang  Onyot iya  dayon kining gikumbinser.
BURDIGOY  : Unsa man,Nyot, gusto  kang magpasakop  sa among grupo?
ONYOT         : Unsa man nang   inyong grupo,'Goy?
BURDIGOY  : Ang  among  grupo gitawag nig mga  gardiyans!
ONYOT         : Yamat ra.
BURDIGOY  : Lagi!
ONYOT         : Kadungog naman kon anang grupoha,'Goy.
BURDIGOY  : Unya, magpasakop kana namo,Yot?
ONYOT         : A, di lang ko,Goy, uy. Duna naman sab koy grupo nga giapilan ron.
BURDIGOY  : Unsa god diay? Unsa man nga grupoha?
ONYOT         : Gitawag  man ning among grupo  ug perental gardiyans!
BURDIGOY  : Ngeeh!

SOBRANG DAGINOT

NYOR  INTING : Maayo kay imong gituman ang akong mga pahimangno ninyong Tarsiyana nga magdaginot ta dinhi sa panimalay  Enok.

ENOK   : Amo gyung gituman,Nyor,uy!

NYOR INTING : Maayo, kon mao kana.

ENOK                : Kon maligo mi si Tarsiyana  amo gyung isawod  sa planggana ang among kinaligong tubig para among gamiton sa pagpamisbis  sa mga tanom...ang masobra didto namo gibutang  sa pansayan.

NYOR INTING (Nalipay) : Kana ,gyud! Unya dili diay mo magbilin para  hugas   sa  akong sakyanan?

ENOK                : Malimtan  usahay,Nyor,pero oki lang.

NYOR INTING : Nganong  oki ra man?

ENOK                : Amo man sang gitigom ni Tarsiyana,Nyor ang among ihi ingkaso hutdan sa among kinaligo di naa miy ikahugas sa imong sakyanan!

NYOR INTING : Butangi!

MAGDAGINOT

Mipahimangno si  Nyor Inting  ngadto kang Tarsiyana nga  bag-on  nilang "katabang" sa panimalay, usa ka adlaw niana.
NYOR INTING : Magdaginot ta dinhi sa panimalay,Tarsiyana.
TARSIYANA    : Unsaon man nato sa pagdaginot,Nyor?
NYOR INTING : Ayaw pasigaa ang suga kon may kahayag pa o, kanang motikyop na gyud ang kagabhion. Tingbon ang tanang  labhunon kon maggamit ug wasing masin,ug labaw sa tanan dili usik-usikan ang pagkaon...
TARSIYANA    : Oo,Nyor.
Nianang pagkasunod   adlaw...
NYOR  INTING : O, nakapangompra  na diay ang inyong Senyora sa gamit dinhi sa kosina kaganihang buntag?
TARSIYANA     : Wala pa man,Nyor.
NYOR INTING   : Kagahapon pa kong kakita nga wala nay sulod kining gisudlan sa mga totpik dinhi sa lamesa,unya karon  halos  katunga naman lagi ning ania?
TARSIYANA      : A, kana,Nyor?
NYOR  INTING  : Diin man ni?
TARSIYANA       : A, kana,Nyor kadto nang akong mga nagamit nga nadala nako sa  akong kuwarto,akong gibalik diha sa sudlanan kay ingon man ka nga magdaginot ta dinhi sa panimalay.
NYOR  INTING (Ingon sa natuk-an) : Butangi, kabayong  bakang!

NABALAKA

INSOY    :Namista diay mo kagahapon,Brad didto sa ilang Tiboy sa may Pajo?
AKONG : Namista bitaw,Brad.
INSOY   : Unya, pwerte  gyung busoga  sa daghang pakal didto?
AKONG : Wa gyud ko mabusog,Brad, uy  kay gikuyawan man ko.
INSOY   : Uy,nganong  gikuyawan ka man nga kaon na god na?
AKONG : Kinsa may di  makuyawan   ana  nga  ang kaldero nga gilutoan sa ilang sud-an ,  diha sa kilid may putos man sa pangpatayg ilaga  nga akong nakit-an!
INSOY   : Pastilan!

DILI MODAYON

TIKOY : Brad naa nasay bagyo nga moabot dinhi sa Pilipinas  sa sunod semana.
ISONG : Ay kabalaka naman nimo anang bagyo,Brad.
TIKOY : Nganong dili man ta mabalaka nianang bagyo nga magdala man nag daghang mga kadaot  sa atong mga kabtangan?
ISONG : Ayg kabalaka lagi.
TIKOY : Nganong di man lagi ko mabalaka?
ISONG : Ang bagyo,Brad di gyud na modayon dinhis atoa basta magdaot ang panahon!
TIKOY: Butangi!

LAIN ANG MIKAON

Maoy  nabatasan nga sa matag "adlaw sa mga minatay" mag-andam ang pamilya nila ni Andang ug Edot sa mga pagkaon nga ibutang sa ilang altar.
EDOT  : Sige,Dang butangi unya rig daghang mga pagkaon ibabaw sa altar aron mabusog gyud tong mga kalag nila ni anhing Tatay Polen ug Nanay Sinda kon mangari to dire. Unya,butangi sab ug bahal kay human nilag pangaon ganahan kaayo tong motungab si Tatay Polen.
ANDANG : Daghan naman nang mga pagkaon diha,Dot dili  na makahurot sila si Tatay Polen ug Nanay Sinda ana uy.
Tuod man  nianang pagka-ugma sa paghimata nila ni Edot ug Andang ,nahurot gyud ang mga pagkaon  nga ilang gihalad diha sa altar.
EDOT : Puwerte gyung gutoma tawon nilang Tatay Polen  ug Nanay Sinda ,Dang kay hurot man  ang mga pagkaon.
ANDANG : Bitaw,Dot no?
TAKYO ( Ilang anak nga nakadungog sa ilang gipanagsultihan): Hurot god tawon nga ang ato mang iring banbanon maoy mihabhab sa mga pagkaon diha?
EDOT (Nakalitan) : Aw, unsa god  diay? Unya,nganong wala man  nimo badlunga?
TAKYO  : Unsaon man nako pagbadlong,Tay  nga nahubog man pod hinuon ko sa bahal.
EDOT     : Butangi!

ANG NAMATYAN

Sulod sa sementeryo nagkauban sila si Intoy ug Simo  sa pagduaw sa lubong sa ilang higala nga dugay nang mitaliwan nga si Oldok.
INTOY ( Milingi sa kilid nga lubong): Kining babayhana nga nia ning lubong rip gyud maoy namatyan niini,Bay Simo.
SIMO   : Nganong nahibawo ka man,Bay Intoy?
INTOY : Naa o,ibabaw sa krus,gibutangan ug RIP.
SIMO   : Yamat ra.(Milingi sab sa kilid nga lubong). Unya,kining lubong nga nia sab sa akong kilid  nga lalaki may ngalan ani unya gibutangan man sab ug RIP ibabaw sa iyang krus?
INTOY   : Aw, rip sab maoy namatyan ana,Bay?
SIMO     : Lalaki,unya ripon ug patyon?
INTOY  : Unyag,girip gyud na ug gipatay kay nahibaw-ang bayot diay,mosupak   gyud ka nga naa man na gibutang ibabaw sa iyang krus?
SIMO     : Butangi!

LIBRE POD

Gisukmatan ni Sitok ang iyang uyab nga si Masang usa niana ka sayong buntag.
SITOK : Pagkawala na gyuy ayo niining atong relasyon karon,Sang,uy.
MASANG (Natingala): Nganong nakasulti kaman sa ingon ana,Tok?
SITOK   : Wala diay ka kahibawo sa mga tabi karon nga mikatap sa atong mga kasilinganan...?
MASANG : Unsa man diay nang mga tabia,Tok  ba?
SITOK      : Duna may nakakita nimo nga mikupot sa sampot sa usa ka lalaki sa dihang nagtrabaho ka sa Mall.
MASANG : Unsa ? Kay ngano man, unsa may daotan ana,Tok?
SITOK       : Kuha  mog  ngano,nga ikaw may nahimong sumsoman ron sa mga balhibuon ug baba!
MASANG  : Uy, Tok parti ra baya na sa akong trabaho ha.
SITOK       : Unsa man diay imong trabaho ron,Sang?
MASANG  : Hibawo ka nga usa ko ka promodayser sa usa ka bran sa mga brief  sa mga lalaki.
SITOK        : Unyag promodayser,magkupokupot diay ka sa sampot sa lalaki?
MASANG  : Uy natural na kay libre man sab  ang demo!
SITOK       : Gibahak na!

LIBRE DEMONSTRASYON

TEKLA : Unsa man diay imong trabaho ron,Mare sugod niadtong namatay ang imong bana nga si Pare Etot?
TIKYA  : Ayda, nag promodayser ko karon,Mare sa usa ka bran sa kondom.
TEKLA : Mao ba? Unya,Mare nganong nakit-an man lagi kang Minyak nga atong silingan nga gikan kuno sa usa ka motel sa Siyudad?
TIKYA : Aw, kadto,Mare, ay sus pagkahimantayon gyud anang Minyak. Wala toy kaso,Mare,uy.
TEKLA : Ngano man diay to,Mare?
TIKYA  : Nag-demo  lang ko,Mare sa kondom ngadto sa akong kustomer  sulod sa motel.
TEKLA : Butangi!

BAWOS-BAWOS RA

POLOY : Motuo ka anang panultihon,Bay nga kon,'labayon ka sa imong kaaway ug  bato baslan mo sab kinig labay  ug pan?'
TIKYO  : Karong panahona lisod nang katuhoan na ,Bay.
POLOY : Ngano man?
TIKYO  : May panultihon man sab nga  nag-ingon, ' ayaw buhata sa imong isigkaingon  ang dili mo gustong  buhaton usab nila nganha kanimo!
POLOY : Butangi!

BAWOS

ONTOG  : Dunay panultihon nga nagkanayon," kon labayon kag bato sa imong kaaway,baslan mo kinig  tinapay." Pasumbingay nga kon buhaton man gani kag daotan sa uban inay batokan suklian mo kinig kaayo.
BOTOY  : Aw,siguro mao na.
ONTOG  : Unya, nganong sa dihang gilabay kang Kuryot ug bato,gibaslan man sab nimog  bato inay tinapay?
BOTOY  : Unsay iyang pagtuo nako adunahan, nga tinapay gyud maoy akong ibawos niyag labay bisan gakutoy ning akong tiyan!
ONTOG  : Ngeek!

TAAS UG UTONG

ABET     : Kadtong akong Lolo, kon mao na gani toy mosawom sa dagat dugay gyud kaayo tong motunga.
CRISPO :  Wala ra na sa akong,Lolo Bay kay kon mosawom gani to molimahon gyud ka oras una to motunga!
OLOY    : Uy,panghilom  gani mong duha na,wala  ra  nang inyong Lolo sa akong Lolo kon sawom na gani maoy hisgotan.
CRISPO : Ngano man diay,Loy tong imong Lolo?
ABET    : Kay taas diay tong utong,Loy?
OLOY    : Taas mo lang! Kay sa ka taas sa iyang utong panagsa na lang god siyang motunga sa ibabaw!
CRISPO : Yamat  ra.
OLOY    : Sa gidugayon niyag  sawom balikbalik ilawom sa dagat kay nakapa'ag  ra gyud siyag trabaho.
ABET     : Unsa may napalgang trabaho,Loy  sa imong Lolo?
OLOY    : Siya nay tigkompra para sa tindahan sa Insek nga tua na magpuyo didto!
ABET     : Butangi!

KUHAAN

Usa ka higayon niana gidala ni   Ontoy ang iyang kabit nga si Rosanna sa  rental  house nga iyang gipanag-iya sa Marigondon.
ROSANNA  : Morag nakaanhi naman ko dinhing dapita,Toy. Di ba paabangan man ning maong balay?
ONTOY       :  O,Bitaw. Daghan man ganing mga foreigners  ang miagig abang niining maong balay kay gawas nga hamugaway ang lugar nindot  pa gyud ang iyang lanskip.
ROSANNA  : Da, lagi gyud. Niadtong una sa dili pa ta uyab gidala ko dinhig usa ka Kano,naunsa ba sa among pagkahubog nanghagis man  siya. Wala man god siya kahilabot nako kay may menstruation  man ko adto mao tong nasuko. Daghang nangabuak, ug siguro dako gyud to siyag nabayran sa mga butang nga nangadaot!
ONTOY     : Aw, diay ba? Aw, para nako kon ikaw poy mahubog ron,unya magwala bisan daghan ug mabuak wala nay problema.
ROSANNA: Dili ko kasiguro ana,Toy, uy.
ONTOY      : Nganong nakasulti  ka man ana?
ROSANNA : Unyag imong dedaksiyonan  kon  mangayo nakog datong nimo?
ONTOY      : Ngee!

WALA MAKIT-I

ANTOY : Kining mga politiko bisan unsa na lang ang ilang gihimong gimik ron alang sa ilang paglansar.
MAYOK : Bitaw,Toy. Makapalibog gyud.
ANTOY  : Niay ubang politiko, moingon   nga atong ipadayon  ang "daang  matuwid", unya makalibog kaayo.
MAYOK : Dihang dapita naglibog nako ana,Toy.
ANTOY  : Ngano man?
MAYOK : Wa man na nako makit-i bisan haing mapa?
ANTOY  : Butangi!

DILI KAHIMO

SIMOY : Kon ang usa ka babaye moabot na kaniya ang walay gana ug  dili na makahimo pagpanganak,unsay tawag ana,Kyo?
TAKYO: Sayon. Mao nay gitawag ug menopos.
SIMOY : Unya kon sa lalaki nga dili na makahimo pa kay nawad-an  na sa gana?
TAKYO: Aw, kana? Mao nay gitawag ug mikopos!

TATO

Si Etak nga maoy giilang maldita ug borukinta sa ilang dapit sa eskina Dugso  miadto kang Junal aron magpahimu'g tato o patik   sa iyang lawas.
ETAK  : Magpahimo kog tato,Nal kilid sa akong bat-ang.
JUNAL(Nakalitan): Yamat ra. Unsa may atong i-tato?
ETAK                    : Tigre ug rabit.
JUNAL                  : Aw,kana lang diay,sayon ra na. Kon magpapatik ka nakog mananap ang bayad ana tag usa ka libo matag usa.
ETAK (Nahingangha) : Ka mahal god? Way barato diha?
JUNAL                        : Aw, makakuha kag barato unya makadiskawon ka pa basta laing klase sa mananap ang akong i-tato diha sa imong bat-ang.
ETAK  : Aw, kana maoy maayo,unsa man nang mananap nga imong i-tato nako?
JUNAL:  Bitin ra god nga molikos  sa tibuok nimong bat-ang ug bilahan.
ETAK  : Butangi!

SUD-AN DIAY

Paghiabot ni Senton nga gikan nagguna sa bukid nangutana dayon kini kang Ebyang kon unsay ilang sud-anon.
SENTON( Giabot nag kagutom); Byang ,unsa may atong masud-an diha? Gutom na kaayo ko,Byang.
EBYANG ( Bag-ohay pang nahigmata gikan sa hataas-oras nga katulog): Aw, naa man,Ton.
SENTON : Unsa man lagi?
EBYANG: USB  ra man nang naa diha.
SENTON : Unsa man nang USB?
EBYANG: Ulo  sa buwad ra god.
SENTON : Butangi!

LAIN ANG MITUNGA

OTIK : Kanang akong Tatay kon mosawom sa dagat,usa ka oras una motunga sa ibabaw.
OPLOK : Yatis ra. Pero, wala ra na sa akong Papa kay  kon mosawom siya sa dagat tulo man ka oras una siya motunga.  Unya,managhoy pa!
SIDOY : Panghilom mo diha,uy! Hambog baya ninyo sa inyong Papa. Wala ra na sa akong Papa niadtong iyang pagsawom sa dagat uy.
OPLOK : Ngano man diay,Doy?
OTIK     : Pila man diay ka oras una siya mitunga sa ibabaw,Doy sa iyang pagsawom sa dagat?
SIDOY  : Ang akong Papa nga misawom sa dagat usa ka oras wala pa mitunga,hangtod na tulo ka oras,hangtod na lima ka oras,unya nianang pagka-ikaunom nga oras mitunga na.
OPLOK : Imong Papa,Doy?
SIDOY  : Dili.
OTIK    : Unsa man diay?
SIDOY : Ang tobol gikan ilawom sa dagat!

HANGYUON

SEBYO : Nganong naputol man ang tiil ni Ontong,Bay Kulas?
KULAS : Giputol sa doktor,Bay kay nakalamay naman ang iyang sakit nga dayabetes.
SEBYO : Mao ba. Unya,wala lang diay niya hangyoa ang doktor aron dili siya maputlan sa iyang tiil?
KULAS : Unsaon man niya sa paghangyo?
SEBYO : Aw, puwede bang ilisan na lang ang iyang sakit ug hayblad aron dili maputol  ang iyang tiil!
KULAS : Butangi!

MAG-ABOT GIHAPON

POLDO : Kon imo kong sugton,Day Etak mag-abot ra gihapon ta.
ETAK    : Unsaon man nato pag-abot nga lagyo man kaayo ang masigkaprobinsya nga atong gipuy-an? Ikaw, taga Leyte  unya ako  taga  Cotabato?
POLDO : Wa lagi nay problema,Day Etak mag-abot ra gihapon.
ETAK    : Unsaon man?
POLDO : Mag-abot gihapon ta kon maminyo na. Ang ang man sab kon mag-iyahay tag balay!

MOMAHAL

KARYO(Mitudlo sa  milabayang sakyanan): Nindotag bag-ong sakyanang SUV sa imong silingan nga si Pidot,Bay o
PRANSING : Bitaw,Bay. Hayahay ang kinabuhi.
KARYO       : Unya,palit ug imo,Bay. Daghan ka man ug yuta baligya aron ka makapalit ug ingon niadto.
PRANSING : Dili ko,Bay,uy.
KARYO       : Ngano man?
PRANSING : Ari lang kos yuta.
KARYO       : Ngano man?
PRANSING : Ang sakyanan sa madugay kay modaan mabarato o madumot. Unya, ang yuta sa madugay momahal man ug dili  madunot!
KARYO       : Ngee!

MAGPABUANGBOANG

TAKYO (Pagkakita sa higala): Uy, nakagawas na diay ka gikan sa mental ospital,Bay Etot?
ETOT    : Nakagawas na gyud,Bay kagahapon  lang.
TAKYO: Unya, unsa may plano nimo ron nga mobalik kas  imong trabaho sa pagpanindag lastiko?
ETOT    : Dili na kinahanglan,Bay.
TAKYO(Nahibulong): Ngano man?
ETOT    : Mobalik na lang gyud  kos mental kon magsigeg yawyaw ang akong asawa!

LUTONG-DAAN

Maoy naabtan ni Okoy sa dihang nahitangka na siya sa pultahan sa ilang balay si Takya nga nagyawyaw.
OKOY   : Uy, Takya ngano god nga nagyawyaw kaman  diha?
TAKYA:  Kinsay di magyawyaw ani nga wala man tay lung-agon kay wala man ka mohatag nako para ipalit ug bugas!
OKOY  : Kadto diayng gihatag ko nimo kagahapon nga ipapalit ug bugas,hain naman diay to?
TAKYA: Da, akong gipusta sa lotto .
OKOY  : Pastilan,mao diayng wala na tay makaon ron?
TAKYA: Da, kabanha ba nimo kon midaog pa kos  lotto di man gihapon ta maglung-ag.
OKOY   : Unsa may atong kan-on?
TAKYA : Ngano mag magpalit tag lutong-daan.
OKOY   : Unsyan na ni uy! 

MA O RA GIHAPON

BOSYO : Di ba giingnan ko ikaw,Dong Nasyo nga buwad maoy palita didto sa tindahan  ni Akay?
NASYO : O,Tay.
BOSYO : Unya, nganong kini mang sardinas maoy imong gipalit?
NASYO : Si Tatay baya,uy nga isda man gihapon na naa sulod sa lata.
BOSYO : Butangi!

KOMEDYANTE KUNO

ISYOT   : Komedyante diay ko kaayo,Bay kay nakakatawa man si Pedot sa akong estorya.
ONDOY: Komedyante ba?
ISYOT  ; Kadto diayng mikatawa man to siya  kaganiha?
ONDOY: Wala man to maminaw sa imong estorya, diha man to magtan-aw sa imong nawong!
ISYOT  : Ngee! 

MAY HASANG

TIKYO  : Ngano man nang isda,Bay Poldo nga makaginhawa man sa ilawom sa dagat?
POLDO : Ang ang kay duna may hasang!
TIKYO  : Unya,duna lagiy hasang pero nganong dili man makaginhawa  sa ibabaw?
POLDO : Ang-ang kay wala may dagat (Midakol kang Tikyo). Uhm!
TIKYO  : Aguy, sakit sa akong ulo uy nga imong gidakol,Bay Poldo.
POLDO (Naglagot) : Sige,pangutana rog usab kay butangan kog hasang nang imong liog!
TIKYO : Butangi!

PULOS BASURA

ASYONG : Kon sa usa ka pananglitan modaog ka sa pagka mayor, Brad Mukloy motabang kaha ka  nako nga mausab ning akong pait nga trabaho ron?
MUKLOY(Naghunahuna) : Siguradong makatabang ko nimo,Brad.
ASYONG (Naikag) : Yamat ra. Karon nga usa ko ka basurero kay magsige man kog panguhag basura kon mobotar ko nimo ug  modaog ka, unsa may ihatag mo unya kanakong trabaho?
MUKLOY : Sayon. Karon kay imong trabaho manguha mag basura,inig ka daog nako ikaw na pod maoy tiglabay sa mga basura!
ASYONG :Ngeek!

PATAY GIHAPON

Maoy tugon sa Manedyer ngadto kang Bodok nga kon mahiabot  na si Ignoy paadtuon kini diretso   sa iyang opisina. Ug, sa dihang nahiabot na si Ignoy.
BODOK  : Bay Ignoy nagtugon ang atong manedyer nga palahuson ka ngadto sa iyang opisina.
IGNOY (Nahibulong) : Ngano man,Bay?
BODOK : Ambot,Bay wala ko makahibawo adtoa  lang didto kay nagpaabot to nimo...
Nagdaling miadto si Ignoy sa opisina sa ilang manedyer sa ikaduhang andana.
IGNOY(Paghitangka nga nahiabot na): Si-Sir imo man kuno kong gipatawag? Ngano man?
MANEDYER : Kini bang imong batasan nga magsige lang ug ka-leyt,unsa man ni dili gyud ka mausab ana?
IGNOY   : Nga-Ngano man diay god,Sir ?
MANEDYER : Niadtong miaging semana sa imong pagka-leyt nangatarongan ka nga namatay ang imong ugangan maong na-leyt ka sa pag-abot.
IGNOY : Tinuod to,Sir.
MANEDYER : Sa miaging adlaw, na-leyt  ka na sab kay namatay ang inyong silingan.
IGNOY     : Tinuod man gihapon na,Sir.
MANEDYER: Unya, karon na-leyt ka nasab sa pag-abot! Unsa, duna na sab namatay ?
IGNOY   : Duna gyud,Sir.
MANEDYER : Kinsa naman sab ang namatay,Ignoy?
IGNOY  : Patay ang akong relo,Sir, wala na ko kahibawo sa  saktong oras!

.

PALIHI

Hangtod niining mga panahona si Noy Binoy nga usa  sa labing tigulang nga nagpuyo sa ilang Baryo sa  Tagimtim  nagsunod gihapon sa mga patuo-tuo nga maoy ilang "namat-an ug kahayag"  gikan sa ilang mga katigulangan. Usa ka higayon niana...
NOY BINOY (Nangutana  ngadto sa iyang apo): Dong Intoy nakaadto ka ba didto sa baybayon?
INTOY   (Gikan nga nanginhas  sa baybayon): O,Lo gikan pa ko didto kay nanginhas.
NOY BINOY : Maayo hinuon. Dako diay karong hunas?
INTOY           : O,Lo.
NOY BINOY : Kon mao, mahimo na diay nakong itanom kadtong ubi nga akong gitagoan sa suwambi kay hunas man kaha? Kon hunas gani ang dagat ,kon magtanom ka, maayo na nga palihi,Dong.
INTOY (Nahibulong ): Pastilan,Lo dili mahimo.
NOY BINOY (Natingala sab) : Nganong dili man mahimo?
INTOY   : Na, kon magtanom ka karon nga hunas,unsaon na lang inig taob sa dagat ibanlas ra pod!
NOY BINOY : Butangi!

NAAPIL

Nabalikbalik na lang sa iyang agi si Takyo sa pagpunayg pangutana kon asa dapita niining Sityo Pug-ok ang balay sa iyang higala nga si Onyot, apan wa gyud niya kini mapalgi. Hangtod nga sa iyang pamasin nakasugat siyag tawo nga nagkamuritsing ang lawas niini sa hugaw.Nagkaguhayguhay ang gisul-ob niining sinena.
TAKYO ( Namasin sa pagpangutana) : Bay,nakatultol ka kon hain ni magpuyo si Onyot Daginot nga bana gani ni siya ni Dabiana Tambok?
TAWO ( Misiga ang mga mata.Unya,mingisi): He-He, wa-wala ko  kabaw,Bay  kay buang ko...
TAKYO (Naglagot) :Aw, maila man sa imong dagway!
TAWO  (Nasuko  sab) : Aw, maila man imong nawong,hastang  buang apilon man nimo sa imong pangilad!

KLASMET DIAY

Mipahimangno si Andat sa iyang anak nga si Tikya usa ka adlaw niana.
ANDAT : Dili ko gustong mag-apil-apil ka anang uyab-uyab ,Tikya ha,samtang nag-eskuwela ka pa.
TIKYA   : Moundang na lang ko,Nay.
ANDAT (Nahibulong): Uy,nganong moundang ka man hinuon sa imong pag-eskuwela?
TIKYA  : Ingon man god ka nga dili ko paapilon bahin anang uyab-uyab.
ANDAT : Tinuod na. Unya?
TIKYA  : Unsaon man ana,Nay  nga klasmet man nako ang akong uyab ron.

ANG NAKASALA

TIKYO (Masuk-anon) : Nganong gipatawag man ko sa prinsipal sa inyong eskuwelahan,Banoy? Unsa man nakasala ka na sab didto?
BANOY : Wala,Tay, uy.
TIKYO   : Ayg  pamakak,ha? Lintian ka gyud nako ron!
BANOY : Wala lagi,Tay.
TIKYO   : Unya, nganong gipatawag man ko sa inyong prinsipal?
BANOY : Aw, basin ikaw tingale ang may sala,Tay!

BUANGON

Maoy nasigpatan ni Delio ang usa ka tawo nga nagkagidlay ang pamiste nga nagsigeg yawyaw nga nagsandig sa may poste. Iya ning giduol ug gibuyag...
DELIO  : Brad,nganong nagyawyaw ka ? Ikaw ra mang usa dinhi ang nagbarog!
TAWO  : Praktis kog pagpangampanya,Brad, hapit nang eleksiyon!
DELIO(Daling may misantop sa hunahuna): Aw, kandidato diay ka? Kinsa may mobotar sa tawong buang?
TAWO (Misulimbat ang mga mata,Mingisi) : He-he!   A, mga buang bitaw ning akong pangumpanyahan , naay tarong   kandidato  unya sa himan himan sa  buangong  kandidato  man gyud sila mobotar. Sigurado nakong daog!
DELIO (Nahilaw ang nawong); Ngeeh!

WAY KLARO

Usa ka gabii niana sa dihang namisita si Dodot kang Debin.
DEBIN  : Tinuod ka ,Dodot nga gusto mo na akong pakaslan?
DODOT : Lagi. Asa mo man gusto  sa pari o sa mayor?
DEBIN (Kalit nga nasuko): Uy, Dodot kon wala gani kay klaro nga mopakasal nako,ayaw na lang kog ihatag sa uban!
DODOT  : Butangi!

PANSIT

Gisugo ni Andoy ang iyang bata nga  sayis anyos nga si Momoy pagpalit ug nodols sa tindahan ni Akay.
MOMOY(Ang bata): Pa-palita kog pantit ,Nang.
AKAY     : A,nodols tingale,Dong.
MOMOY:  D-Di man,  pantit man.
AKAY    :  Nodols na,Dong.
MOMOY:  Di man.
AKAY    : O,niay nodols,mao ni gisugo sa imong Papa.
MOMOY(Pagkakita sa nodols): Aw, mao ni kay Kanton man!
AKAY   : Ngeeh!

DUHA NA

Gisanta ni Pablo ang iyang higala nga si Etot kay buot bunalan niini ang tawong "boang" nga milabay kaniyag hugaw sa tawo.
PABLO  : Bay Etot, ayaw na lang nag pusposi nang tawong boang,Bay kay makasala ka ana!
ETOT( Nagpangusmo sa kalagot) : Bahak ning tawhana, nga iya man kong gilabay aning hugaw sa tawo. Naigo hinuon ko kay wala ko makabantay!
PABLO : Na, kon imo nang asaran labaw ka pang boang kay nahibawo kang wala na nay panghunahuna...
ETOT    : Unyag boang ,pasagdan na lang ning boang sa iyang kabuang? Ako ning pusposan bi!
BOANG (Mingisi) : Sige,pusposi kay duha na tang boang ani...He he he...
ETOT     :  Butangi!

PULOS LUBAD

TIKYO : Wa ko magdahom nga molubad ang kainit sa imong paghigugma dire nako,Day Edat.
EDAT   : Na, mao pod ko,Kyo kay wa pod ko magdahom nga molubad.
TIKYO : Milubad sab ang imong paghigugma dire nako?
EDAT   : Mao pod,Kyo dungan sa paglubad sa  singsing nga imong gihatag nako!

MAY TRABAHO NA

Usa ka gabii niana mipaila-ila si Andat   sa iyang uyab nga si Sebyo ngadto sa iyang amahan.
ANDAT : Pa, mao ni ang akong uyab  nga taga Baryo Wakwak. Si Sebyo.
AMAHAN : Mao ba.
SEBYO      : Maayong gabii,Noy.
AMAHAN : Unya,Dong sa kadugayan ninyong panag-uyab mosampot man gyud na sa pangasawa. Duna ka nay trabaho.
SEBYO      : Way problema.
AMAHAN : Nganong wala may problema,Dong?
SEBYO      : May trabaho naman ang imong anak.
AMAHAN  : Butangi!

MOSUKOL

Maoy nakit-an ni Okoy si Boloy nga gisegihag dabodabo ang lubi nga diha sa ilang tugkaran.
OKOY : Loy, ngano god tawon nga imo man nang gikulata ang punoan sa lubi?
BOLOY (Nagpangusmo): Da, nag-away mig akong asawa nga si Mikay,Bay kagabi!
OKOY  : Yamat ra. Unya,nganong ang lubi may imong gikulata,si Mikay unta to?
BOLOY   : Lisod,Bay.
OKOY     : Ngano man?
BOLOY   : Ang -ang nga kanunay man gatakin ug sundang!

MAHAL RA

Human mokanaog si Pekto sa barko nga iyang gisakyan,midersto  kini sa tindahan aron magkape.
PEKTO  : Mokape ko,Nang. Tagai kog usa ka basong kape. Pila?
TINDERA : Ang  tasa sa among kape ron,Dong  kay  tag kinse na.
PEKTO  (Nakurat ): Ha? Mahal god?
TINDERA : Misaka naman god ang gasolina,Dong.
PEKTO (Nakuyawan) : Na, ayaw na lang butangig gasolina,Nang  kay  basin maglain pod ang akong tiyan.

PAHUGASAN

Gumikan sa kauhaw nangitag mainom nga tubig si Dongkoy ug didto siya mahipunta sa tindahan ni Nang Damasa nga dunay ATM kun automatic  tubig  machine.
DONGKOY (Mikuhag selopin aron isawod sa tubig. Nangutana una): Nang, unsa man ning inyong tubig mineral  ni?
NANG  DAMASA:  O god
DONGKOY  : Aw, mainom diay ni?
NANG DAMASA: Ang ang man lagig makaon nga tubig ma na ,Dong.
DONGKOY          : Unya, dili kaha ni hugaw,Nang?
NANG DAMASA: Aw, kon may pagduda ka, na hala hugasi!

NAKATULOG POD

Maoy  naalinggatan ni  Pokloy ang higala niining si Botyok nga nakhukdong  duol sa iyang drayban nga Innova.
POKLOY : O,Bay Botyok nganong subo man kaayo nang imong dagway, naunsa man ka?
BOTYOK : Karon na lang adlawa ko kutob,Bay nga mag-drayeb niining sakyanan nilang Sir.
POKLOY(Nahibulong): Uy, ngano man?
BOTYOK : Sakpan kong natulog,Bay.
POKLOY : A, kana lang wala makapasaylo nimo si Sir? Wala diay ka mangatarongan nga nakatulog ka gumikan sa labihang kakapoy sa taas ninyong biyahe kagahapon didto sa Santander?
BOTYOK: Dili madala,Bay.
POKLOY :Syaro naman sab.
BOTYOK: Maayo lagi unta to ug ako rang usa...
POKLOY : Ngano man diay?
BOTYOK :  Nakatulog  man pod diha  sa akong tupad si Mam.
POKLOY : Butangi!

WALA SAB MAHIBAWO

Usa ka buntag niana gisulayan ni Ondoy ang iyang anak  nga si Miyot sa pagpangutana kon may nakamahoan  ba kini sa iyang  pag-eskwela.
ONDOY : Dong Miyot duna koy pangutana nimo.
MIYOT  : Unsa man na,Tay?
ONDOY : Bahin ni sa matikmatik,  ang 2+2, pila man ang anser?
MIYOT :  Sayon ana,Tay, di  2+2 ekwals  seben.
ONDOY: Seben ba god,Miyot?
MIYOT : Lagi,Tay. Kuwentaha kuno bi.
ONDOY: Na, nangutana man gani ko nimo kay wala sab ko mahibawo ako na pod hinuoy imong pangutan-on!

WALAY NAHIBAW-AN

nagtagawtaw sayo niining buntag si Andat sa iyang anak nga si Poldo.
ANDAT : Pastilan nimo,Poldo nga inyo man kaha karon nga eksamen nganong wala ka man magtuon?
POLDO : Dili na kinahanglan,Nay.
ANDAT: Ngano gong dili nga eksamen god,unsa may imong i-anser unya?
POLDO : Eksamen god.
ANDAT : Mosulti ka lang ug ingon niana,Poldo?
POLDO : Unyag ila kong eksamenon ,Nay unsa man  lagiy akong isulat nga wala man koy nahibaw-an? Kadtong dunay nahibaw-an mao toy ilang eksamenon,Nay.
ANDAT : Butangi!

MAGKUPTANAY

Nakahukom  si Kumander Tatoy,ang pangulo sa mga rebelde nga patyon na lang si Emok human masayri gikan sa mga pamilya niini nga dili gayod sila mohatag sa dakong kantidad sa kuwarta nga maoy bugti sa kaluwasan niini.
KUMANDER  TATOY  : Kay dili man gyud mohatag ang imong asawa,Mok sa among gipangayong kantidad aron ka nga amo untang buhian, nakahukom ko nga patyon ka pinaagig pakuryente.
EMOK(Nagkurogkurog sa kahadlok) : Ku-kumander  Tats,maluoy tawon ka nako. Ayaw tawon kog patya...(Mihilak).
KUMANDER TATOY : Wala nay makausab sa akong hukom,Mok. Na, sige pangayo sa kataposan nimong pangayuon sa dili ka pa namo pa-'kuryentihan."
EMOK (Midanguyngoy  sa paghilak) : D-Dili man kaha ka maluoy nako,Kumander duna lang koy ihangyo...
KUMANDER TATOY : Sige,pangayo bisan unsay imong pangayuon, gawas lang sa imong kaluwasan nga buhian ka.
EMOK  : Kon imo man gani kong patyon kay pa-kuryentihan,sugot na lang ko,basta mohangyo ko nga...
KUMANDER TATOY : Unsa man?
EMOK   : Mag-holding hands  tang duha!

NARS POD

Diha sa tubaan ni Ikay nagkalingawg komedyahay ang managhigalang  Sisoy ug Poldo  samtang matag karon ug unya motungab sa bag-ong dawat nga tuba.
SISOY   : Nagpasalamat gyud ko sa Labawng Makagagahom,Bay kay sa kataposan nakapalampos ra gyud ko sa akong anak sa pagka maestra.
POLDO : Suwerte ka,Bay sa imong mga pag-antos kay gigantihan sa pagtinarong sab sa imong anak.
SISOY   : Mao bitaw.
POLDO : Unya pod,Bay kay si Ikot kadtong atong silingan kaniadto nga sugarol ug labihan ka palahubog kay duna man sab siyay anak nga  nars.
SISOY   : Yamat ra. Nakapatungha tong tawhana nga labihan adto ka bulay-og ug pagkatapolan?
POLDO  : Bitaw. Pero dili ikahibu'ong,Bay.
SISOY    : Ngano  man?
POLDO  : Ang iyang anak  ang ngalan kay Narcisa man,maong  inig tawag nila, "nars" gyud!
SISOY    : Ngeeh!

NANGAWKAW SA GOBYERNO

BOKYO : Kon dunay dagkong mga tulisan didto sa Japan ang ilang tawag ana,Bay kay , Yakuza.
ONTOY  : Bitaw.
BOKYO  : Ug, kon nahimo kang dakong sapian ug milyonaryo didto sa Mexico ang tawag ana DrugLord.
ONTOY  : Yamat  ra.
BOKYO  : Nadato man,Bay kay namaligya sa mga gidiling drogas.
ONTOY  : Mao diay.
BOKYO  : Unya, kon mahimo kang milyonaryo didto sa ubang kanasoran sa Aprika,ang ilang tawag ana didto sa maong mga tawo kay Warlord.
ONTOY  : Ngano man,Bay Bokyo?
BOKYO  : Ang ang kay nadato man sa sigeg pasiugda ug  gubat , pangilog kayutaan,mga katigayonan ug kontrabandong mga armas!
ONTOY  : Mao diay. Unya, Bay Bokyo kon madato ka dinhi sa Pilipinas labina na nga makapanag-iyag dagkong balay,dunay halapad nga mga kayutaan ug dunay sekretong kuwarta nga gideposito didto sa laing  mga nasod ,unsa may  itawag niana?
BOKYO  : Sayon ra,Bay.
ONTOY  : Unsa man?
BOKYO  : Sila nang mga tawhana ang gitawag ug  "for official use only."
ONTOY  : Botangi!

DILI TANAN

Human matikyaob ang gisakyang barko nilang Aryang ug Apyot didto sila gianod sa gamayng isla.
ARYANG : Salamat tawon,Ginoo nga naluwas pa mi sa tino nga kamatayon.
APYOT     : Imo gyud ming giluwas,Diyos nga makagagahom sa tanan. Akong isaad nga kon mahibalik nami sa among dapit, biyaan ko na gyud ang tanan kong mga bisyo.
ARYANG ( Naghinamhinam nga naminaw): Yamat ra.
APYOT    : Biyaan ko na gyud ang pagpanigarilyo, ang pagsugal, ang pagpanikas,ang paghuboghubog ug.........  ( Naputol kay dunay  nakit-an sa unahan nga lawod nga usa ka barko nga nagpadulong sa ilang nahimutangan).
ARYANG  : Unsa pa man ang imong biyaan,Pyot karon nga maluwas naman gyud ta ani?
APYOT      : Ayna lang.
ARYANG  : Unsay ayna lang? Ngano man?
APYOT (Nagpanglingolingo) : Da imo gyud nang  pabiyaan ang pamabaye bisan lami!

WAY KAPUSLANAN

Gipangutana ni Pokloy ang iyang Tatay  Lusyo.
POKLOY   : Tay, unsa may buot ipasabot anang sigeg  yawyaw  sa among maestra nga yosles kuno ko sa akong pagsigeg absen.
TATAY  LUSYO (Naghunahuna) : A, kana? Pagkasayon ana?
POKLOY  : Unsa man na,Tay?
TATAY LUSYO  : Kanang giingon sa inyong maestra nga yosles ka, sa Binisaya pa, ikaw kuno loslos nga pagkabata!
POKLOY       : Na, maoy gidangat!

MAUSAB

Paghibalik  ni Takyo gikan sa iyang dugayng pagpuyo sa Manila,  gipangutana  dayon kini ni Sebyo.
SEBYO    : Kumosta  na ang imong pagpuyo didto sa Manila,Bay Takyo?
TAKYO   : Ilaid  pod  sa kalisod,Bay  sama dinhi sa ato sa probinsya.
SEBYO    : Unsa may mga kausaban nga dali nimong namatikdan nga sa  didto ka pa,Bay?
TAKYO   :  Daghan man, pero niay usa  nga kahibudngan.
SEBYO(Nagpakising masayod) : Unsa man,Bay?
TAKYO   : Sama ra gyud sa radyo.
SEBYO    : Ang unsa,Bay?
TAKYO   : Paggikan ta dinhi  sa ato sinultihan  Binisaya, pag-abot sa Manila magtagalog naman pod.  Morag  radyo!
SEBYO    : Ngee!

USBON ANG NGALAN

Mipakonsulta si Andot ngadto kang Doktor Bardot usa ka buntag niana sa iyang klinika kabahin sa daghang burotburot sa iyang lawas.
ANDOT   : Unsa man ning mga burotburot nga mikatap sa tibuok kong lawas,Dok?
DOKTOR  BARDOT ( Miiksamen) : A, kini? Mao ni Andot ang usa sa mga timaan nga duna kay sakit nga kanser
ANDOT (Nakuyawan) : Pastilan! Kanser god tawon,Dok wala ra ba koy kuwarta nga ikagasto kon dunay operasyon ug pagpalit unyag tambal.
DOKTOR BARDOT    : Mao ba? Na hala ato lang usbon aron dili ka makuyawan ug maabot ra nimo ang gastohan.
ANDOT       : Unsa man,Dok?
DOKTOR BARDOT    : Dili na lang ni nato tawgon nga timaan sa kanser, kundili timaan ni sa daghang  kurikong!

GUGMANG BALEBALE

Usa ka gabii niana sa dili pa ang kasal nila ni  Botoy  ug Mingga.
BOTOY : Sa kataposan mao na gyud ni ang akong gipaabot.
MINGGA : Ngano gusto  nga  ako mobalibad na?
BOTOY   :  Ayg komedya  gani?
MINGGA:  Aw, kon gusto mo hagki ko.
BOTOY   :  Kon may kahigayonan.
MINGGA:  Unya, dili ko nimo pasakitan?
BOTOY   :  Dili.
MINGGA:  Mahimo kaha nga ikaw akong masaligan,Toy?
BOTOY   :  Syempre.
MINGGA : Dili kaha ka mangitag lain,Toy?
BOTOY    : Dili no?
MINGGA : Gimahal gyud  ko nimo,Toy?
BOTOY    : O.
MINGGA : Tinuod ka,Toy?

Pagkahuman sa kasal nga nagkayamukat na ang ilang pagpuyo.

MINGGA :  Tinuod ka,Toy?
BOTOY    :  O.
MINGGA  : Gimahal gyud ko nimo,Toy?
BOTOY    : Dili no?
MINGGA  : Dili kaha ka mangitag lain,Toy?
BOTOY    :  Syempre.
MINGGA :  Mahimo kaha nga ikaw akong masaligan,Toy?
BOTOY    :  Dili.
MINGGA :  Unya,dili ko nimo pasakitan?
BOTOY    :  Kon may kahigayonan.
MINGGA :  Aw,kon gusto mo hagki ko?
BOTOY    :  Ayg komedya gani.?
MINGGA :  Ngano gusto ka nga ako mobalibad na?
BOTOY    :  Sa kataposan mao na gyud ni ang akong gipaabot!

BUNGOL GYUD

DONGKOY : Nahibawo nako,Lo nganong dili makapaanak si Tikyo ngadto sa iyang asawa nga si Sidra.
LOLO PRANSING (May pagka bungol): Kinsa gong sikyo,Dongkoy ang buot mong ipasabot?
DONGKOY   : Dili sikyo,Lo. Si Tikyo ba, nahibawo nakong dili siya makapaanak.
LOLO PRANSING : Aw, diay? Ngano man?
DONGKOY             : Kay si Tikyo,Lo  usa ka  impotent.
LOLO PRANSING (Lain ug dongog) : Da, lagi daan pa gyud ko,Dongkoy nga di makapaanak si Tikyo  kay  wa diay bitin!
DONGKOY :  Na mora!

WALA MAKASABOT

INGGOT  : Gusto ko,Nak nga inig ka dako nimo mahimo kang usa ka piloto.
TIKOY (Wala makasabot) : Dili ko,Tay,uy.
INGGOT  : Nganong dili kaman gustong mag-piloto?
TIKOY     : Kapoy.
INGGOT  : Unsa may naka kapoy ana bi?
TIKOY     : Kana diayng sigeg saka-kanaog sa punoan sa lubi,Tay!

WALAY PISTA

Nahiagi  si Maryo sa tugkaran sa balay ni  Lusyo nga iyang amigong manunupi.
MARYO ( Misinggit) : Bay Lusyo,pista  na gyud sa inyo! Maayong pista diha nimo,Bay!
LUSYO (Mitambo sa bentana.Minghoy): Wa may pista ron dinhi sa amoa,Bay.
MARYO (Nahibulong) : Ngano god,Bay?
LUSYO  : Wala mi pista,Bay. Nia, hinuoy  akong  asawang tapolan  nga piste  dire!
MARYO : Butangi!

ANG GISALIGAN

EMOK  : Ingon pa nila nga ang tang-ang politiko dili kuno magsalig sa iyang suweldo.
SARYO: Yatis ra pod. Nganong naingon man niana,Bay?
EMOK  : Ang suweldo nila daan nang gikuwenta.
SARYO: Unya,unsa man diay ilang gisaligan?
EMOK  : Kanang SOP.
SARYO : Uy, unsa man nang SOP  na pod?
EMOK   : Ay kana gong S-O-P,sige og  pangurakot!
SARYO : Da ,lagi!

HIAPSAN

BOLOY : Dunay panultihon nga nagkanayon,Bay Simo nga." kon magdali maghinay kay kon sigeng kapuliki daghan hinuong mabali!"
SIMO    : Dili na kana mahimo rong mga panahona,Bay uy.
BOLOY : Nganong  nakasulti ka man sa ingon ana,Bay?
SIMO     : Ang- ang nga kon hinay hiapsan ka ana sa disgrasya!   : 

TRABAHO GIHAPON

Usa ka makililimos miduol kang Andot nga nag-inom ug beer  sa tindahan ni Manang Kulasing.
MAKILILIMOS (Mihayang sa tuong palad atubangan ni Andot): Limos,Brad ning kabos nga makililimos...
ANDOT  (Misinta): Magpakilimos ka,Brad nga kadako nimog lawas?
MAKILILIMOS    : Ngano man diayg dakog lawas,Brad?
ANDOT                 : Pangitag trabaho didto!
MAKILILIMOS    : Unsa man diay ning akong buhat,Brad mao ma ni akong trabaho!
ANDOT                 : Botangi!

ANG MIDAKO

Sa tubaan ni Nang Angkay nagka-estorya ang manag-amigong Kulas ug Tongol.
TONGOL : Ingon pas mga politiko kon sila ang pasultihon miumento ug midako na kuno ang ekonomiya sa Pilipinas.
KULAS    : Naa bay midako,Bay?
TONGOL : Naa tingale,Bay.
KULAS    : Aw, kon naay umento ug midako duha ra gyud.
TONGOL (Naghinahinam) : Unsa man na ,Bay Kulas?
KULAS   : Kana ra gyung duha ka bolsa sa wala ug tuo  sa mga politiko!

BRAYT GYUD

SANOY : Brayt ka man gyud sa inyong pag-eskwela niadto, aber duna koy pangutana diha nimo.
TINOK  ; SIge, pangutana. Unsa man?
SANOY : Sa  sayans,Bay Tinoy unsa man nang giingon nila nga pag-estudyo sa mga parte sa lawas sa tawo o sa mga mananap?
TINOK  : Mao nay gitawag ,Bay  ug anatomy.
SANOY : Mao ba? Unya,kanang usa ka lalaki nga kapnon aron dili na makadaghan sa pagpanganak?
TINOK  : Kana maoy gitawag  ug  vasectomy.
SANOY(Naghunahuna) : Unya, kanang baho kag baba?
TINOK : Aw, mao nay  pagatawgon  ug  don tok to me!
SANOY : Botangi!

TAMBAL KUNO

Maoy nakita ni Ponyong nga milabhag sa panagway ni Senyong ang tumang kalagot samtang nahiagi sa ilang tungod ang anak niining si Ciano nga usa na ka bayot.
SENYONG : Animal! Ang karahong dako ka maayo nang mo-ikidikid morag sigbin nga giuwanan! Way hinungdan,nagdala lag buwisit!
PONYONG(Mialam-alam) : Kalma lang,Bay Senyong.
SENYONG : Dili ni madalag kalma,Bay Ponyong, naglagot ko sa kanahang dako. Tan-awa tong anak  ko  nga si Ciano nga karon nagpa Ciani-Ciani na,animal!
PONYONG : May paglaom pa Bay Senyong nga maulian nang imong anak nga si Ciano sa iyang pagkabayot...
SENYONG (Nakalitan): Unsa,Bay? Yamat ra,dunay tambal ,Bay nga makaayo sa akong anak?
PONYONG : Duna na,Bay.
SENYONG : Unsa man nang maong tambal,Bay Ponyong?
PONYONG : Antibayotik!



* anti-biotic(eng.)- are medical drugs used to kill bacteria and treat infections.

GIBUHIAN

ONYOT : (Nagpanglingolingo samtang nagbasa sa newspaper): Yamat ning balitaa dinhi sa neyospepar,Bay  Katoy  ,o.  Binuang man ni kaayo!
KATOY  : Kay unsa man diay nang maong balita,Bay Onyot?
ONYOT  : Nia man god dinhi,Bay  nasuwat  nga lima ka mga sakop sa , "barya gang" ang gibuhian kay nakapiyansa na. Ngano man ni?
KATOY  : Aw, ingon gyud ana,Bay.
ONYOT  : Ngano  man ning pagka-unsa-a,Bay Katoy?
KATOY  : Aw, barya  god,(sensilyo) pa man ang ilang nakuha, gibuhian aron makuha na gyud ang tibuok!

NAGLIBOG NUON

IGNOY  : Nay Kulasa,puwede nga sa sunod tingtungha mobalik ko sa pag-eskwela?
KULASA : Pagkatiguwang na nimong mo-eskwela pa pagbalik,Ignoy. Pagpuyo na lang uy, ug may pag motabang na lang ka sa mga trabaho dinhi sa panimalay.
IGNOY(Nagpangawot sa ulo): Aw, kon dili ka mosugot,Nay Kulasa maayo pa nga magminyo na lang ko.
KULASA(Misinta sa kasuko): Hoy Ignoy pagpuyo, magminyo ka nga ka bata pa nimo!

SIGURO

TAKYO  : Magpapili ko sa pagka konsehal sa umaabot nga eleksyon,Toy.
BOTOY  : Maayo.
TAKYO  : Modaog kaha ko,Toy?
BOTOY  : Siguro.
TAKYO  : Nganong siguro man,Toy?
BOTOY  : Siguro na nga adto kos imong kontra mobotar!
TAKYO  : Butangi!

PILDEHUNON

TIKBOY : Niining umaabot nga eleksyon sa 2016,Bay Okoy mokandidato ka man kuno sa pagka mayor dinhi sa atong Siyudad,tinuod na?
OKOY     : Tinuod na ,Bay.
TIKBOY  : Asa ka man nga partido?
OKOY      :Sa  LP,Bay.
TIKBOY  : Yamat ra. Ikapila  naman ni nimong higayon nga mikandidato ka?
OKOY      : Ikatulo na,Bay.
TIKBOY   : Aw, LP gyud diay.
OKOY      : Mo lang,Liberal Party gyud!
TIKBOY   : Dili,Bay.
OKOY      : Unsa man diay?
TIKBOY   : "LP", Laging Pilde!

MAO GYUD

KOLOT : Pastilan ning kinabuhi,Bay Timoy. Kon usa ka ka abogado imong kalipay nga daghang magpatabang gumikan sa kaso.Aw, syempre kuwarta na!
TIMOY  : Tinuod na.
KOLOT  : Kon doktor,kalipay kon dunay masakit,kuwarta na!
TIMOY   : Tinuod na.
KOLOT   : Kon  polis ka,lipay pod kang mga kriminal masikop.Kon dunay mosuborno aron makapuga,kuwarta na!
TIMOY   : Tinuod na. Pero,Bay Kolot usa ra gyuy  nag-ampo nga mahimo tang sapian.Unya,matulog sab tang malinawon panahon sa kagabhion ug hayahay nga mahinanok.
KOLOT  : Kinsa man nang tawhana,Bay?
TIMOY   : Ang kawatan  ra gyud!

BUANG POD

Maoy nakita ni Andot ang usa ka tawo nga nagkagidlay ang pamiste nga  nangukay sa basurahan atbang sa ilang tindahan. Iyang giduol.
ANDOT : Bay, unsa may imong gibuhat diha?
TAWO (Mingislo ang dagway) : Namasura ko,Bay ngitag makaon.
ANDOT                : Ayaw diha kay hugaw na nang mga pagkaon nga gilabay. Buang ka siguro no?
TAWO  (Mikatawa): He-he-,buang kuno ako.Ikaw buang!
ANDOT                   : Da lagi.Sige, hiposa nang nagkatagkatag nga basura ug kanang nilabayng mga pagkaon kay kan-on na sa iro.
TAWO ( Nasuko)   : I-Ikaw sayop ngan  nako buang...
ANDOT  (Nahibulong): Ngano man?
TAWO(Mitudlo sa mga iro): Kanang mga iro maoy buang kay kaon basura!

DILI MAKADUNGOG

TAKYO  : Unsa man ,Nando imong gituman ang akong tambag nimo nga imong buhaton sa matag adlaw.
NANDO  : Gituman  man. Kada buntag mangatuli ko sa akong dunggan aron dili na mabungol.
TAKYO   : Unya, dili kana bungol kay madungog naman ko nimo ?
NANDO  : Aw, bungol gihapon.
TAKYO   : Ngano man?
NANDO  : Dili man ko makadungog sa hagawhaw.
TAKYO   : Butangi!

LISOD

ABDON : Ingon ka Dado nga sayon ra ang inyong eksamen,unya nganong na sero ka man lagi?
DADP    : Sayon ra bitaw.
ABDON : Nganong na sero ka man lagi nga sayon man kaha bi?
DADO    : Sayon ra ang mga kuwestiyon,pero lisod man ang pan-anser!

HINUNGDAN

KULOKOY  : Mao diay  nga mabuang ang magsigeg  suyop ug shabu kay wala may kaon-kaon.
ONYOT        : Diha ka masayop,Bay.
KULOKOY  : Nganong   sayop man ko?
ONYOT        : Dili na maoy  hinungdan nga sila nabuang.
KULOKOY  : Unsa man diay?
ONYOT       : Ang hinungdan nga sila nabuang tungod kay ilang gipasagdan nga sigeg suyop sa aso  nga  mokutkot sa ilang tiyan.
KULOKOY  : Botangi, aso pa mor!

WALA MAGKASINABOT

Paghiabot ni Andot sa Pier 3 mideretso  dayon kini sa tikitanan  sa barko nga maoy iyang sakyan padulong sa  Leyte aron molukat ug tiket.
ANDOT    : Pilay  plite sa barko, Bos padulong sa Hilongos,Leyte?
TIKITERO: Dosentos otsenta,Sir.
ANDOT    : Mahal  god! ( Nagpangalot sa ulo). Unya, kon mag-traysikol , pila na may plite ron ?
TIKETERO (Nakuyawan.) : Dili man puwede mag-tricyle, Sir?
ANDOT   : Nganong dili man puwede? Inig abot diay sa barko didto,unsa man diay sakyan nako padulong  sa among baryo, traysikol man!
TIKETERO : Botangi!

TIGMO TIGMO # 2

ONDOY : Niay akong tigmo,Tong aber tag-ana kuno.
ETONG  : Basta tigmo katag-an  dayon ko ana.
ONDOY : O, sige. Paminaw ha. Nadani kas iyang katahom, dayon imong kuptan sunod hinolon mo ang liki, pagkatapos  pangitaon mong tunga kay imong bukikion; sa nakita mong buak miagas ang puti unya  dayon imong supsopon. Bi, unsa man?
ETONG  : Dili koy uy, hilas man na,Doy.
ONDOY : Hilas sa imong kalimotaw, ingon ana kon magkaon kag hinog nga kaymito!
ETONG  : Botangi!

WALAY REKLAMO

ONGKOY(Naglagot) : Pastilana baya  sab nimo Tikya   uy ,pagkadaghan nimog  gidili  dire nako!
TIKYA      : Mao gyud na,Koy kay lisod na kaayo rong panahona kon magpatuyang ka.
ONGKOY : Patuyang god! Unsa man nang gidili nimo kanako  nga ,'Koy ayaw na pag-inom, ayaw na pagsugal,ayaw na pagpanabako ,ayaw na pagpamabaye ug  unsa pa nang  uban diha'!
TIKYA (Napikal)    : Mao na. Unya, unsa man may reklamo ka diha?
ONGKOY  ( Nakapanglad-ok ) : Aw,reklamo god?
TIKYA     : Lagi ha, abi kog moreklamo ka?
ONGKOY: Reklamo  god maayo mag politiko nga magsigeg   saad apan pulos dili tinuod!
TIKYA     : Ngeeh!

BINALE

MULOG  : Didto  sa Japan duna nay naimbento nga robot nga makamatikod sa usa ka kawatan aron daling masikop.
OTOY      : Maayo.
MULOG  : Ug ang Amerika sab wala magpa-iwit  kay duna na sab naimbento nga robot nga mao na gyuy modakop sa  mga kawatan.
OTOY     : Maayo nuon.
MULOG : Dinhi sa Pilipinas maayo untag dunay maka-imbento niana.
OTOY     : Duna na  na ,Bay Mulog.
MULOG : Yatis ra,wala man ko makabatig balita bahin ana?
OTOY     : Nakaimbento na ang mga dagkong tulisan ug kawatan ug robot.
MULOG : Unsa man nang robota?
OTOY     : Ang robot na gyud maoy ilang suguon sa pagpangawat!

DUGAY

BURDIGOY : Sa Amerika basta mangawat ka sa salapi  sa gobyerno,priso ka dayon.
ATONG        : Tinuod na.
BURDIGOY : Sa Tsina basta mangawkaw ka sa salapi sa ilang gobyerno,lagmit bitay dayon ang silot!
ATONG        : Tinuod gihapon na.
BURDIGOY : Sa Pilipinas basta makapangawkaw sa salapi sa gobyerno,dugay mapriso.
ATONG        : Ngano man,Goy?
BURDIGOY : Aw, mao nay giingon nila nga,"see you in court!"
ATONG        :  Ngeek!

KURAKOT

LUCIO  ; Sa  nasod sa Amerika,basta kurakot ka ug makasala sa gobyerno  sulod ka dayon sa prisohan  o di ba kaha  lethal injection.
SIYOKOY : Bitaw.
LUCIO       : Unya sa Tsina kon duna sab mangurakot diretso dayon sa bilanggoan.
SIYOKOY : Bitaw.
LUCIO       : Sa ubang kanasoran nga Arabo  ang silot sa mga kurakot ug kriminal kay bitay dayon!
SIYOKOY : Mao gyud.
LUCIO       : Apan dinhi sa Pilipinas ang mga kurakot lisod mabilanggo kay dugay ang paghukom daghang paikot-ikot.
SIYOKOY : Bitaw.
LUCIO       : Unyag mapriso man mahibulong tang nganong gibuhian?
SIYOKOY : Bitaw. Ngano man tuod,Syo?
LUCIO       : Aw,pabalikon na sab sa pagpangurakot!
SIYOKOY  : Butangi, wa gabae!

TIHIK

KARYO  : Niining umaabot nga eleksiyon dili gyud ko mopili anang mga politikong kurakot ug hakog,Bay.
SIDOY    : Yamat  ra. Unsaon mo sa pagkahibawo nga usa ka kurakot ug hakog ang politiko?
KARYO  : Sayon.
SIDOY    : Unsaon man?
KARYO  : Basta tihik ganig hinatagan mao na na!

SA LAIN DIAY

Usa ka gabii niana sa pagpamisita ni Ondoy kang Juanita.
ONDOY : Syaro nga sa kadugay na nakong naghalad sa akong gugma diha nimo,Day Juanita dili gihapon ko nimo sugton karon?
JUANITA : Mao nay akong ibalita nimo ron,Doy kay sa kadugay na sa panahon di na gyud ka mag-antos pa ug pamisita nako.
ONDOY    : Hay salamat, buot mo bang ipasabot  nga sugton nako nimo?
JUANITA : Aw, gawas  nga sugton, magpakasal na gyud dayon!
ONDOY (Nakalitan):  Nus-a man?
JUANITA     : Aw, magsabot pa man mi si Tikyo.
ONDOY       : Botangi!

MAY TSANSA

Gisulod dayon sa  intensive care unit  kun ICU  ang masakiton nga si Onyot aron kini  paspas nga matagad. Pagkataudtaod, migawas  ang doktor ug nakigsulti  kini sa asawa ni Onyot nga si Aryang.
DOKTOR  TIGOK  : Manang Aryang  duna gayoy tsansa  ang imong bana  nga si Onyot.
ARYANG   (Nalipay): Hay salamat kaayo, Dok.
DOKTOR TIGOK     : Apan ayaw lang palabi  sa imong kalipay,Nang.
ARYANG (Nahibulong) : Ngano man,Dok?
DOKTOR  TIGOK : Kay dunay dakong tsansa nga dako-dako gyud  ang inyong mabayran dinhi sa ospital!
ARYANG               : Sus marya e hosep!

GIPADAK-AN ANG UTANG

Maoy nasiplatan ni Ongkoy nga mug-ot ang nawong ni Tikyo.
ONGKOY : Nganong nagmug-ot man nang nawong mo,Kyo? Dunay problema no?
TIKYO      : Problema ko,Bay kay sugton kong Takya.
ONGKOY  : Ha? Na-problema ka nuon kon sugton ka na ni Takya?
TIKYO      : Lagi.
ONGKOY : Ngano man?
TIKYO      : Sugton ko niya basta mabayran na nako  ang akong utang sa tindahan niya.
ONGKOY : Unya?
TIKYO      : Naglibog ko unsaon pagbayad.
ONGKOY : Ngano man?
TIKYO      : Duha man ka milyon maoy iyang gilista nga maoy akong utang!
ONGKOY : Butangi!

SAKYANAN

Paghilabay sa nindot nga  sakyanan nga SUV  ni Montoy nahalingi sila si Tikyo ug Miyot.
TIKYO  : Nindota sa sakyanan ni Montoy,Bay o, sinaw pa kaayo sa kabag-o!
MIYOT  : Bitaw, bag-o man.
TIKYO   : Ikaw, pod ,Bay pagpalit ug imo duna ka man gyuy kuwarta   nga ikapalit sab.
MIYOT   : Wala  na koy kuwarta,Bay nahurot  na sa pagpamalit kog kayutaan sa Leyte.
TIKYO    : Aw, baligya-ig  yuta aron ikapalit ug sakyanan.
MIYOT(Nakapanglingolingo): Matay no, magbaligya lang gyud kog yuta aron ipalit ug taya!
TIKYO    : Butangi!

MOKUMPISAL

Si Botyok nga nadakpan sa mga rebelde nahukman nga patyon kay wala  man gayud mohatag ug ransom money  ang iyang pamilya.
KOMANDER  BANTOY : Sige, pangadye na lang diha,Botyok kay amo kanang patyon!
BOTYOK (Nagkurog)       : A-Ayaw lang ko n-ninyog pa-patya tawon Komander....
KOMANDER  BANTOY  : Patyon gyud ka namo kay wala mohatag ug kuwarta ang imong  pamilya.Sige, pangadye na diha...!
BOTYOK  : K-Kon mahimo ,Komander dili lang ko mangadye, mokumpisal u-unta ko.
KOMANDER BANTOY : Aw, sige kompisal na!
BOTYOK  : Unya,Komander wala man dinhiy,Pare, moadto una ko sa simbahan?

.

KAON DIAY

ANDOT : Ingon ka,Doy dilika mokaon ug iro?
ANDOY : Bitaw.
ANDOT : Unya, nganong mikaon kaman lagi niadtong luto nga iro nilang Jose ug Junior kagahapon sa may Kasya?
ANDOY : Abi man god pod to nako ug kanding,mao may ilang sulti.
ANDOT  :Gilamian gyud ka,Doy kay tan-aw nako sa dihang nasiplatan tika sa akong pag-agi, nagpanilap man...
ANDOY  : Aw, o  uy, kaon na lang taman sa ginhawa,di ba bitaw akoy nagluto!
ANDOT  : Butangi!

GAWAS NA

Usa ka tawo ang miduol kang Botoy samtang naglingkod kini sa plasa.
TAWO   : Limos,Bay  bisag singko pesos lang aron ikapalit nakog makaon.
BOTOY (Mikuot sa bolsa): Nia,Bay, o. Yuna, nganong nagpakilimos ka man wala diay kay trabaho?
TAWO   : Wala lagi,Bay. Niadto,duna koy balay nga gipuy-an,wala koy problema kon bahin sa pagkaon,ug kon masakit  mahimong makapatambal pa.
BOTOY : Maayo diay,Bay. Unya,karon?
TAWO   : Wala na gyud!
BOTOY : Ngano man?
TAWO   : Gawas naman kos prisohan!

NAGDUWA RA

Mipahimangno si Don Antoy sa iyang kulukadidang nga  si Margie nga  dili pasudlon si bisan kinsang tawo nga mosulod sa giabangan niining  apartment  alang  sa siguridad  niini. Apan, mao na lang ang nahibaw-an ni Don Antoy nga misumbong kaniya ang guwardiya nga may gipasulod  si Margie nga usa ka tawo.
DON  ANTOY  : Tinuod ba,Day Margie nga may gipasulod kang  tawo samtang wala ko dinhi? Kinsa man to?
MARGIE (Nagkabungabunga sa pagtubag): K-kining,k-kuan to,Darling Antoy higala ra god.
DON ANTOY : Mao ba? Unya, nag-unsa man to dinhi?
MARGIE         : Da,laay kaayo,Darling  uy nagduwa ra god mi.
DON ANTOY (Nakalitan): Ha? Unsa may inyong giduwa?
MARGIE  : Da, duwa ra god  ug siyatong!
DON ANTOY: Aw, abi ko bag nagduwa mog kalayo masunog  unya ning  apartment!
MARGIE        : Ngeeh!

MIKOPOS

Minghoy ang bayhon ni Andot dihang naabtan sa ilang panimalay sa higala niini nga si Tikyo.
TIKYO : Mora mag huyhoy ang abaga,Bay,dunay problema?
ANDOT: Duna gyud,Bay.
TIKYO : Yamat ra. Unsa man nang problema mo kay atong tabangan sa pagsulbad...
ANDOT: Pait na gyud kon matiguwang na ta,Bay.
TIKYO : Ngano man?
ANDOT: Di na gyud molihok  ang atong gana. Mopid-ok na lang kanunay.
TIKYO  : Bitaw. Kon sa   babaye pa,Bay mao nay gitawag nilag  menopause.
ANDOT ; Mao diay na,Bay. Unya sa mga lalaki,unsa man?
TIKYO  : Aw,gitawag sab  nag 'mikopos'    parehas   anang sa imo!
ANDOT : Na,patay!

KADA BAGTING RA

SIKOY : O,Bay nia ka diay? Kanus-a  kaman nahiabot dinhi sa atong dapit  gikan sa Negros?
KOING: Kagahapon sa buntag,Bay.
SIKOY : Miundang ka diay sa imong trabaho didto sa imong agalon nga Haciendero?
KOING : Niundang ko,Bay.
SIKOY  : Matod pa nimo niadtong kataposan natong panag-estorya nga hayahay man ang imong trabaho didto?
KOING : Tinuod na,Bay. Mobarog lang god kog mokaon basta kon mobagting na.Kada bagting ,kaon!
SIKOY  : Yamat ra,unya nganong miundang kaman lagi?
KOING : Mahimo na nimo nga sa usa ka adlaw ka usa ra man mobagting>
SIKOY  : Unya?
KOING : Aw, kon di ko mamatay sa kabusog,mamatay tingale  ko sa pasmo!
SIKOY  : Butangi!

DILI MAOY TAG-IYA

Maoy naabtan ni Takyo ang higala niining  si Medyong nga naghinuktok diha sa ang-ang sa ilang hagdanan   nga kawayan.
TAKYO (Unang mitimbaya): Bay Medyong ,musta na? Unsa may problema nga naghinuktok man?
MEDYONG  : Dunay problema,Bay.
TAKYO        : Dako gyud nang problemaha  tingale kay  naghinuktok mag maayo!
MEDYONG  : Dako gyud,Bay.
TAKYO         : Unsa man nang problemaha,Bay mahimo bang masayran.
MEDYONG  : Mabdos lagi ang akong uyab nga si Toryana,Bay.
TAKYO         : Diay ba? Aw, siguro gyud nga ikaw maoy tag-iya anang iyang gimabdos ron kay uyab man mo?
MEDYONG  : Mao nay na-problemahan  ko ron,Bay.
TAKYO        : Ngano man?
MEDYONG  : Makapamabdos diay ko nga 'birokon'?
TAKYO         : Ngeeh!

NABUGHAT

Nagpatambal si Eyok kang Oldok nga usa ka albularyo.

OLDOK (Albularyo) : Pasidan-an ko ikaw,Eyok  sa dili una pagkaon sa mga isda nga dunay himbis. Likaye una ang pagkaon niini kay basin mabughat ka.
EYOK   : Akong tumanon na,Noy Oldok.
Apan  nianang pagkasunod adlaw nahibalik si Eyok ngadto sa iyang gipatambalang albularyo nga si Oldok nga giyayongan na sa usa ka duyan kay maglisod  na kini sa paglakaw.
OLDOK (Albularyo) : Di ba nagpasidaan man ko nimo,'Yok nga ayaw una pagkaon sa mga isda nga dunay himbes aron dili ka mabughat?
EYOK  : Bitaw,Noy.
OLDOK (Mibasol):  Unya, tan-wa anin ron o, nga nabughat man ka. Nikaon ka siguro sa mga isdang dunay himbes?
EYOK   : Wala man ko kahinumdom nga mikaon,Noy Oldok.
OLDOK: Wala god? Unsa man diay imong gikaon?
EYOK   : Sardinas ra man tong  akong gikaon.

DUHA DUHANG MATAKTAK

Dunay pasidaan si Don Ignoy ngadto sa iyang guwardiya nga si Ontoy.

DON IGNOY : Duna koy ipasidaan nimo,Ontoy ug mao gyud ni tumana aron dili ka mataktak sa imong trabaho dinhi sa akong panimalay.
ONTOY          : Unsa man na,Nyor?
DON IGNOY  : Ayaw pagpasulod dinhi sa akong mansiyon  bisan si kinsa samtang wala pa ko dinhi.
ONTOY           : O,Nyor.
DON IGNOY   : Maayo kay nakasabot ka. O,sige molakaw nako.
Tuod man milakaw si Don  Ignoy kauban sa iyang drayber nga si Inggot kay miadto sa Siyudad. Paglabay sa pipila ka oras nahibalik kini ug maisugon kining nangita kang Ontoy nga  guwardiya . Sa pipila ka gutlo nga pinangita kang Ontoy,nakit-an ra gyud kini.
DON IGNOY(Mitulisok kang Ontoy): Nagsulti ko nimo,Ontoy nga walay pasudlon dinhing tawo bisan si kinsa samtang wala pa ko dinhi, di ba?
ONTOY (Abtik nga mitubag): O,Nyor.
DON IGNOY  : Unya, nganong gipasulod man nimo  kadtong babaye nga ginganlan  ug Marjorie dinhi sa akong mansiyon ? Wala diay nimo hinumdomi  ang akong gipasidaan kanimo?
ONTOY (Nagpitokpitok ang mga mata): Nahinumdom  man,Nyor. Diha man gani si Senyora Agata sa sala niadtong higayona nga nakasulod ang maong babaye.
DON IGNOY : Unya?
ONTOY          : Laliman ka ana,Nyor nga namugos man gyud ang babaye nga mosulod,ug bahala na kunog magpaabot siya nimo sa may guardhouse.
DON IGNOY  : Unya?
ONTOY           : Akong gipasulod,Nyor uy.Lalim ka ana nga matod pod niya basta kun dili nako siya pasudlon,mosinggit siya!
DON IGNOY   : Yamat god! Unya?. Unsa man kunoy iyang isinggit?
ONTOY            : Mosinggit siya,Nyor   nga imo kuno siyang 'kabit', basta dili nako pasudlon. Puwerte nakong kuyawa ,Nyor ug sa  akong kahadlok, akong gipadalidali ug pasulod  uy!
DON IGNOY   : Butangi! Kanay guwardiya!

MAO GIHAPON

Nagpangusmo sa kalagot si Ontoy sa dihang nahiagi si Andot diha sa ilang may tugkaran.
ANDOT (mitimbaya): Uy, Bay Ontoy 'musta? Naunsa ka man?
ONTOY  : Naglagot kong Sikoy, Bay Andot kay iya kong gidaot ngadto sa akong uyab.
ANDOT  : Mao ba? Giunsa ka man sa pagdaot ni Sikoy ngadto sa imong uyab,Bay?
ONTOY  : Iyang giingnan ang akong uyab nga mao diayng sige kog sul-ob ug itom  nga sinena kay  adik kuno ko!  Animal gyud ning tawhana!
ANDOT  : Mao ba? Unya,Bay unsa may imong gihimo nga giingnan ka man nga kon sige kag sul-ob ug  itom nga sinena kay adik ka?
ONTOY  : Aw, nagsul-ob na pod kog puti kanunay,Bay. Pero, animal gyung dako...!
ANDOT  :  Ngano  naman sab?
ONTOY  :  Giingnan  naman sab kong, puti nga adik!
ANDOT  :  Butangi!

DILI PUWEDE

Puwerteng lipaya ni Takyo nga gihatagan ni Sebyo nga iyang ig-agaw ug selpon nga bag-o pa lang nahiuli gikan sa Japan isip maoy sinugatan.
TAKYO : Salamat kaayo,Gaw Sebyo nga imo kong gihatagan ug selpon. Karon pa gyud tawon ko makapanag-iyag selpon,Gaw.
SEBYO  : Way problema,Gaw. Ikaw kay may selpon kana puwede kanang makigteks ug mga dalaga ana para makauyab kana.
TAKYO (Inosente pod): Aw, diay ba,Gaw. Unya,puwede na kaha?
SEBYO : Puwede na kaayo god.
TAKYO :Si Paciencia unta maoy gusto kong panguyaban,Gaw.
SEBYO  : Way problema na,sige teksi si Paciencia ug diskartihi  dayon nga nakagusto k aniya...
TAKYO  : Dili lagiu puwede,Gaw.
SEBYO(Nahibulong) : Ngano man?
TAKYO : Wa may selpon si Paciencia!
SEBYO  Butangi,aw pasensya na lang,Gaw!

HADLOK MABIYAAN

Nakamatikod si Oyang nga subo kaayo ang panagway sa iyang amiga nga si Aryang.
OYANG : Naunsa man ka,day Aryang nga subo man kaayo nang imong nawong niining sayong kabuntagon? Naunsa ka?
ARYANG : Naguol ko sa gisulti ni Oldok dire nako,Yang.
OYANG   : Si Oldok nga kanang nagulitawo nimong butihon?
ARYANG : O, lagi,'Yang.
OYANG    : Unsa man diay gisulti ni Oldok diha nimo nga naguol ka man?
ARYANG : Matod pang Oldok ,'Yang nga kon dili man gani ko niya sugton mabiyaan gyud ko  sa tren.
OYANG   : Unya?
ARYANG : Mao nay nagul-an nako,"Yang.
OYANG   : Nga hibiyaan kas tren?
ARYANG:  Naguol gyud ko,Yang , uy kay asa man ko mangitag tren dinhi sa atong lugar.
OYANG   : Butangi!

WALA MAKLARO

BOTOY : Wa gyud masakpi ang mamumuno ,Bay  bisan pas kuha kuno sa CCTV diha atubangan sa dakong tindahan.
ONGOT : Yamat ra.Klaro man kaha nga nakuha sa CCTV?
BOTOY :  Mao god lagi,ambot nga wala man kunoy klaro.
ONGOT : Ngano man?
BOTOY : Ang-ang nga klos man kuno ang kamera.
ONGOT : Nganong klos man ?
BOTOY : Kana gong giingon nga CCTV: closed- circuit television! Klaro  anang gisirad-an kay klos man!

NINDOT

IKONG : Nindota nianang bag-o mong selpon,Yok uy!
EYOK   : Aw, nindot gyud,Bay  kay mahalon man ni. Wi-fi  ni  ,Bay.
IKONG : Yatis ra. Nindot gyud na,Bay.
EYOK   : Nindot god lagi.
IKONG : Lagi, nindot god kaayo nang esnaton sa mga esnatser.
EYOK   : Bangas na!

WAYPAY

Sa panginahanglan nga aron daling makontak ni Otoy ang iyang uyab nga si Dabyana nga tua na magpa-maid  sa Manila kinahanglan nga mopalit gyud siyag selpon. Busa,usa ka palis niana misuroy siya sa dalan Colon aron mangitag selpon nga baratohon lang. Hangtod nahiagi siya sa usa ka Muslim nga nanindag selpon sa aseras.
MUSLIM : Palit na Igso niining nindot kong gitinda nga mga selpon...
OTOY      ; Nindot kaha ni,Igso?
MUSLIM : Nindot gyud kaayo ni Igso,barato ug waypay pa.
OTOY      : Yamat ra. Waypay kaha ni nga nag-ungas  naman ang pormada ani?
MUSLIM : Waypay lagi na,Igso. Bisan tan-awon pa.
OTOY      : Aw, kon mao na ,maayo nuon na dali kong maka-internet.
MUSLIM : Dili,Igso.
OTOY (Nahibulong): Ngano man, nga waypay man  kaha ni?
MUSLIM                  : Tinuod na,Igso waypay.
OTOY                       : Unya?
MUSLIM                  : Waypay  load, Igso!
OTOY                       : Butangi!

PEKE

Gisugdan ni Ongkoy sa pagpangolekta ang iyang mga pasahero sa plitehan sa dihang hapit na sila mahiabot sa terminal.
ONKOY  DRAYBER : Inyong,plite bi mga amigo ug amiga kay hapit na ta  moabot sa terminal.
TIKYA ( Pasahera. Mitunol.): Niarang akong plite,Onkoy o.
BOSYO(Pasahero.Mitunol)  : Nia pod akong plite,Bay Onkoy o.  
ONKOY DRAYBER: O kinsa pa tong wala pa makaplite?
TIKYO(Pasahero.Mitunol sa iyang kuwarta): Plite nako,Bay,o.
ONKOY DRAYBER(Misuling sa usa ka gatos nga gihatag ni Tikyo): Uy, peke man ning imong kuwarta,Tikyo o.
TIKYO (Nakuyawan) : Unsa goy peke,Bay? Dili ,uy!
ONKOY DRAYBER  : Na,peke lagi ni,tan-awa ra god ug maayo.Peke gyud!
TIKYO                        : Di ko motuo nga peke na,Bay Onkoy uy.
ONKOY DRAYBER  : Nganong dili ka man motuo?
TIKYO                        : Ikaw ba goy naghimo nianang kuwarta nga imo mang mailhan!
BOSYO(Miigham)      : Butangi! 

PULOS BAG-O

Taudtaod nang nakadagan ang multicab  nga gimaneho ni Asyong sa dihang iyang gisugdan pagsita ang plitehan sa mga pasahero.
ASYONG DRAYBER : Inyong plite bi ato    nang anam-anamon sa pagpangolekta.
ESTUDYANTE  : Estudyante,Noy bag-o lang sakay ug anha ra ko manaog sa unahan(Mitunol sa singkuwenta pesos).
OKOY                : Seaman  ni Noy, bag-o sab kong nisakay.  Sa  may  Grand Mall  ko manaog(Mitunol sa tibuok nga kinyentos pesos).
OLDOK             : Plete ,Noy o (Mitunol sa diyes pesos).
ASYONG DRAYBER : Kuwang man ni?
OLDOK             : Pasensya ra ka,Noy.Bag-o ra ko.
ASYONG DRAYBER : Aw, bag-o ka raman kahang gikan sa gawas? Abroad?
OLDOK                       : Di,Noy. Bag-o ra kong nakapuga sa prisohan!
ASYONG DRAYBER : Butangi!

LUTO NGA SAGING

Gipangutana ni Inggot ang iyang higala nga Kano bahin sa saging.
INGGOT : Pren,how many colors of banana in your country?
KANO     : We have three  colors of banana.Yellow,red, and green.
INGGOT : May pren, in da Pilipens ,we have  four colors.
KANO     : Oh,I see. What are the four colors?
INGGOT : Yelo,red,gren an brawon.
KANO     : There is color brown?
INGGOT : Yes, its a cooked banana!

WALA MAGKASINABOT

Si Ontoy nga nakapangayaw ug trabaho dinhi sa Manila,gisugo sa iyang  foreman sa konstruksyon pagpalit ug ays. didto sa tindahan. Tuod man....
ONTOY ( Nagtinagalog): Tao po. Pabili nang ays po.
TINDERA (Ilawom sa  tindahan): Anong ays po,yelo?
ONTOY (Naglibog) : Ays po ba,pabili po.
TINDERA (Naglagot)  : Anong ays nga,yelo?
ONTOY (Napikal)        : Hindi po 'yong puti!

MADALI TINUOD

BOTYOK : Kon ikaw maoy pagbut-on,Bay pila man gyud ka tuig ang termino sa mahimong presidente?
SENYO    : Aw,kon ako pay pabuoton,duha ra gyud ka tuig,Bay.
BOTYOK : Ngano man?
SENYO    : Magdali siyang mangurakot ug dali sab  siyang mapriso, di tagam!

DILI GANAHAN

PEDOT (Miamoral) : Dunay mga gabii nga dili ko ganahang matulog labi na  ug sige kog hunahuna nimo,Sing.
SUSING : Ingna di ka ganahang matulog kay alimuot sa inyo ug daghan pa gyung lamok,mao na!
PEDOT   : Naay higayon dili ko ganahang mokaon ug ako na lang mahanduraw  nga maayo kon magkadungan ta sa pagpangaon ug maghungitay..
SUSING  : Ingna di ka ganahan mokaon kay wala kay sud-an,mao na!
PEDOT    : Dili  uy.
SUSING (May nahunahunaan.Mibila ug gamay sa iyang mga paa.Nagpaibog): Unya,ganahan ka ani?
PEDOT(Nangyamiid) : A,mangagda ka man nianang makahayblad.
SUSING                      : Butangi!

WALAY ANAK

ANDAT  : Pastilana pod nilang  Pining ug Talino  uy  nga pagkadaghan ba sa ilang mga anak! Nagtupongtupong man lang...
GORYA  : Bitaw. Sila daghan ug anak, pero kami si Ondoy wa gyud tugahi sa kahigayonan nga makabaton ug anak bisan usa na lang unta.
ANDAT  : Bitaw  sab no.
GORYA  : Unsaon nga miyembro man tingale ning akong bana  sa matod pa nila nga,"uri".
ANDAT  : Unsa man nang "uri",Gorya?
GORYA  : Da kana gong ilang giingon nga "usa ray itlog!"
ANDAT  : Ay  kagang dako!

ANG BUHATON

LOLO  ISYOT (Ang apohan.Mipahimangno) : Human unya nimo ug kaon,apo hiposa ning mga plato ug hugasi.
OSOY             ( Ang  apo) : Di pa ko kahimo ana,Lo.
LOLO ISYOT( Natingala) : Uy,ngano man?
OSOY                                 : Kay manghingiki pa man ko!

BUNGOL GIHAPON

Gisugo ni Tikya ang iyang anak nga si Pokloy sa tindahan ni Inse Bilay nga bungol.
POKLOY        : Mangutang si Mama  ug  bugas  Inse Bilay...
INSE BILAY  :: A, bag- o ka pa ganing mipalit ug gas nahurot  dayon.
POKLOY( Gikusogkusog na ang tingog) : Mangutang si Mama ug  bugas, Inse Bilay!
INSE BILAY ( Misinta): Unsa? Ayg kusga nang tingog mo ha,unsay imong pagtuo ,bungol ko?
POKLOY (Gikalma ang tingog): Mangutang si Mama ug bugas.
INSE BILAY : Aw,maayo hinuon kay cash, pila man ka kilo,Dong?

NASAYOP

Gipadakop ni Isyat si Burdigoy sa mga tanod ug gidala ngadto sa Barangay  Hall ug gipaatubang sa Kapitan.
KAPITAN  OTOY  : Nganong gipapadakop mo man sa mga Tanod kini si Burdigoy,Day Isyat?
ISYAT                     : Manyakis nang dako si Burdigoy,Kap. Ako gyud nang nasakpan nga nagkombayot  sa may bentana  sa akong kuwarto ug buot nang mosulod!
KAPITAN OTOY   : Tinuod ni Burdigoy?
BURDIGOY           :  Wala ,Kap.
ISYAT                     :  Ayg limod diha!   Uy, Burdigoy iuli baya tong mga bra ug panti nga imong nakuha, wa gyud nimoy uwaw uy! Manyakis!
KAPITAN OTOY   : Tiaw mo kana,Burdigoy. Limod ka pa gyud nga nasakpan ka man sa akto ni Isyat!
ISYAT                      : May  ra ba'g  ako tong mga panti nga iyang nakuha,Kap...Dili to akoa.
BURDIGOY            : Kang kinsa man diay to?
ISYAT                      : Sa ako intawon tong maguwang bayot!
KAPITAN OTOY    : Butangi!

DILI MAO

Usa ka sayong gabii niana miadto si Bulantoy sa ilang Iya Angkay.
BULANTOY : Nang Angkay, maayong gabii diha.
IYA ANGKAY : maayong gabii sab ,Dong Bulantoy,unsay ato?
BULANTOY    : Gipaanhi kong Mama,Iya Angkay kay manghulam mi makadiyot sa inyong kaldero kay among lung-agan unsaon gidakdak man god ni Tatay ang among kaldero kaganiha kay nahubog!
IYA ANGKAY : Aw,kana ra diay. Sige adto didto ni Andat nga tua sa kosina ug pangayoa.
BULANTOY    : Sige.
Tuod man giadto ni Bulantoy si Andat sa kosina. Apan...
BULANTOY    : Ingon ni Mama Angkay nimo,Day Andat mahimo na kuno kong mohawok nimo bisan wala pa ko nimo sugta.
ANDAT            : Naunsa ka diha,hawok gyud? (Misinggit). Nay, si Bulantoy o mihangyo!
IYA ANGKAY (Didto sa  kayda): Uy,Andat ayg dugaydugaya  na si Bulantoy kay nagdali.Sige na!

KINILAW

Miagda si Onkoy ngadto sa iyang amigo nga si  Botikol sa paniudto.
ONKOY : Mangaon ta,Kol niay daghang sud-an nga akong giandam...
BOTIKOL(Nagpadilidili): Ay na lang busog pa man ko...
ONKOY  : Nia ra ba ang kinaham mong kinilaw nga ibes,maayo kaayo ning pagkabuhat nako. Sayod kong mokaon ka niini. Sige na.
BOTIKOL(Nadani): Hain man na? Mokaon na lang ko.,maikog man ko nimo.  Uy,nia man lagi laing sagol niining isdang ibes, unsa man ni?
ONKOY : Nindot na. Para imo ra gyud nang kinilaw wa gyud ko motilaw kay sayod man kong kinaham na nimo.
BOTIKOL : Unsa man lagi ning laing isda nga imong gisagol?
ONKOY    : Da,butete ra god.
BOTIKOL : Butangi,patay!

NAPRISO HINUON

BANTOY : Luoy kaayo ang atong higala,Bay kay tua napriso.
IMOK       : Uy,nganong   napriso man?
BANTOY : Ang ang dili mapriso nga  iyang mang gisukmag kagahapon si Etot.
IMOK       : Nganong iya man pod nga gisukmag nga hubakon ra ba sab na si Etot?
BANTOY : Ang ang  giingnan man siyang Etot nga guwapo.
IMOK       : Yamat ra,giingnan pang guwapo unya nanukmag na hinuon?
BANTOY : Giingnan lagi siyang Etot nga guwapo,pero dili  man guwapo sa dagway.
IMOK       : Unsa man diay?
BANTOY : Guwapo man diay nga martilyuhon ang ulo kay sinaw man ang iyang opaw!
IMOK       : Wa gabai!

DUSLITAN NA HINUON

Gitawag ni Lolo Kokoy ang iyang apo nga si Takyo aron sugoon ug posporo sa tindahan.
LOLO KOKOY : Dong Takyo, pagpalit didtog posporo  sa tindahan kay maglung-ag na ko kay hapit na ang tingpanihapon ug sa dili madugay mangabot na ang imong mga ginikanan  gikan  sa ilang trabaho.
TAKYO             :  Sayo pa bitaw kaayo,Lo. Karon na lang taudtaod...
LOLO  KOKOY(Naglagot) : Pastilan nimong bataa ka, and duwa ra gyud maoy imong nabuangan karon nga wala pa magsugod ang klase  inay motabang sa mga buluhaton dinhi  sa balay. Lakaw na didto!
TAKYO             : Karon na lagi,Lo.
LOLO KOKOY(Samot nga naglagot): Paduol ra god direng bataa ka kay duslitan ko nang tiil mos kayo!

NAKATAG-AN

EYOK   : Kon moadto ka sa Tacloban,unsay tua didto,Bay?
ANDOY: Binagol!
EYOK   : Sa Hilongos ug Bato,Leyte unsa man pod ila didto?
ANDOY: Aw, budbod-kabog!
EYOK   : Sa Bohol?
ANDOY: Kalamay gikan sa humay!
EYOK   : Sa Carcar?
ANDOY: Chicharon ug ampaw!
EYOK   : Sa Mandaue?
ANDOY: Aw, bingkang pinalutaw!
EYOK   : Sa Cordova?
ANDOY: Linarang bakasi!
EYOK   : Unya,dinhi sa atong isla sa Caohagan?
ANDOY: Hilo!
EYOK   : Tag-an gyud ka kay buliring tong akong gihatag nimo kaganiha  nga gihilawhilawg tuwa!
ANDOY: Butangi!

WAGTANG SAB

Human sa  "taas nga oras" nga pagkapalong  sa  koneksyon sa kuryente,kalit lang kining nahibalik apan ang nahibudngan sa mga kasilinganan mao ang magtiayong Ignoy ug Tikya nga migawas sa ilang balay nga nagyawyaw.
OLDOK (Miduol kang Ignoy): Nganong nagyawyaw ka,Bay Ignoy? A,dugay dugay man god sab kaayo ang brown out !
IGNOY : Dugay bitaw kaayo,Bay. Alimuot!
OLDOK: Unya,nganong nanggawas man mo nga makahimo naman mo paggamit sa inyong erkon aron walay alimuot!
IGNOY : Unsa may gamiton namong erkon,Bay Oldok nga nahanaw man sab dihang nagbrawon- awot !
OLDOK : Butangi!

NAILAD SAB

Si Ondoy nga usa ka probinsyano mahimut-ong nag-ihap-ihap sa matag poste nga iyang maagian nga dan-ag sa hayag  kaayong mga  suga. Iyang nasugatan si Emok nga usa ka mangingilad.
EMOK : Hoy, pila na ka poste ang imong na-ihap?
ONDOY (Nakalitan): Nga-Ngano man diay,Bos?
EMOK : Wa ka ba masayod nga kon ang  poste dinhi maoy imong iphon,duna niy bayad? Ako maoy kolektor   sa  bayad.
ONDOY(Nagpanglingo): Matay,Bos wa gyud ko masayod.
EMOK : Pila na ka poste ang imong naihap? Kada poste bayad kag  singkuwenta pesos!
ONDOY( Nakahunahuna sa pagpamakak): Upat ra ka buok,Bos.
EMOK : Na hala bayad kag dosiyentos pesos.
ONDOY(Ingon sa nahimuot) : Nia,Bos o.
Pagtalikod ni Emok, wa kapugngi ni Ondoy ang pagtukiki niinig katawa.
ONDOY : Tan-awa ra ilad lagi nakong karaho, motug-an kaha kos tinuod nga pito na ang akong naihap aron makabayad ko nidya ug dako!

NANINGUHA PA

Mimaymay  si Eyok ngadto sa iyang anak nga si Bodong.
EYOK : Anak,gusto nako nga inig ka hingkod na  sa  imong panabot magatuman ka gayud sa 'napulo ka sugo"  nga gihatag  sa Diyos  kanatong mga tawo aron  motunhay ang imong pagkinabuhi.
BODONG ( Nakahinuktok): Lisod gyud kaayo na,Tay,uy.
EYOK        : Dili kana malisod,nak basta magtubo kang buotan ug matinumanon.
BODONG  : Ikaw, Tay, nagtuman ka sab sa mga Sugo?
EYOK        : Naninguha gyud ko,Nak.
BODONG  : Bantog ra,Tay.
EYOK        : Ngano man,Bodong?
BODONG  : Naninguha sab ka nga makatuman sa sugo ni Nanay...
EYOK        : Unsa may sugo ni Nanay nimo?
BODONG  : Dili ka  na unta maghubog.
EYOK        : Butangi!

NAG-UNAUNA

Namatikdan ni Bokyot ang iyang higala nga si Tikyo nga naghinuktok nga naglingkod sa lingkoranang kawayan diha sa ilang nataran.Gihapit kini niya ug nangutana.
BOKYOT(Mitimbaya dalang komedya): Kumosta,Bay Tikyo mora mag namatyan ug iring nga magul-anon man kaayo!
TIKYO  : Naguol gyud ,Bay kay patay na.
BOKYOT(Nakugang): Komedya diha,Bay! Kinsa goy namatay? Kanus-a man? (Pusotpusot nga pangutana).
TIKYO    : Kagabii lang gyud,Bay.
BOKYOT: Kinsa god?
TIKYO    : Kini god.(Ang simod diha sa  iyang pundyohan). Nag-una-una mag kamatay nga buhi pa mang amo.
BOKYOT: Butangi!

BASIN

Usa ka batang makililimos nag-ampo sulod sa simbahan.
BATANG MAKILILIMOS (Nag-ampo),Lord ,tabangi intawon mi sa among kalisdanan sa matag adlaw. Makakuha unta ko karong adlawa ug daghang mga basura nga halinonon nga akong mabaligya ug makapalit mig bugas. Naa untay mohatag nakog kuwarta kay maluoy...
Didto  sa pikas bangko nakadungog ang  usa ka polis nga nag-ampo sab. Miduol sa bata ug mitunol ug singkuwenta pesos kay gihilap  ang dughan sa kaluoy  ngadto sa bata.
BATANG MAKILILIMOS (Miampo pagbalik nga naghagawhaw): Lord, kon mahimo sa sunod nga dunay mohatag ug kuwarta ayaw na lang ipaagi sa polis basig gikan ni sa kotong!

MAO GYUD

ESBOY : Nindot na  ang trabaho sa asawa ni Andoy,Bay nga si Luningning.
BOSYO : Himantayon gyud nimo,Bay,uy. Unsa man kuno bi?
ESBOY : Nagtrabaho na siya karon  sa  usa ka call center.
BOSYO : Yatis ra. Pero, mas maayo gyud ang trabaho ni Andoy,Bay.
ESBOY : Nganong maayo man?
BOSYO : Kay ang trabaho ni Andoy naa man  sab sa trade center.
ESBOY : Unsa god tawon nang trabahoa?
BOSYO : Naa god kilid sa ruydahan,tigmasiyar!

ANG SAKTO

OKOY : Unsay sakto nga pagkasulti,Bay Andot: "ang akong iro nagtindog  o, ang akong iro nagbarog?"
ANDOT : Sayon. Ang sakto ana, mao ni.
OKOY   :  Unsa man?
ANDOT : Ang akong iro nagtindog.
OKOY   : Nganong nagtindog man?
ANDOT : Aw, ang ang nga iro man siya tin-dog, di ba iro?
OKOY   : Tuod no?
ANDOT : Maymag tawo kay magbarog!
OKOY   : Syakoy na!

NAAPIL

Nianang pagka buntag maoy naagian ni Ekong ang iyang amigo nga si Ontoy diha sa ilang pantawan nga ang dagway daw sa wala mahimutang. Iya ning giduol.
EKONG : Bay Ontoy,maayong buntag! Musta!
ONTOY(Miyanghag): Aw, Bay ikaw diay na? Nahasol lagi ko aning buntaga,Bay.
EKONG : Unsa may nakahasol nimo,Bay?
ONTOY (Miasoy) : Kagahapon god nahianhi man ang akong amigo nga Kano ug ang iyang asawa nga  si Asyang nga gikan sa Bantayan.
EKONG : Unya?
ONTOY : Mao lagi to  nga nagabhian gyud sila kay dugay man god kong nahiabot dinhi sa balay.
EKONG : Unya?
ONTOY : Ang tuyo man god nila mao nga mopalit ug mga rabit.Mao tong nagkaragkarag sab kog kuhag rabit sa tangkal aron ilang madala ug makapauli sab sila dayon kay layo pa ra ba ang ilang ulian.Ang Kano mao may modrayeb sa ilang multicab. Unya,inig uli pa gyud nila ilang ihawon dayon ang mga rabit kay duna man silay bisita nga maoy ilang dalitan...
EKONG : Unya?
ONTOY :Sus,Bay,ang akong nahasolan sa hunahuna kay niining buntag duna man koy namatikdan.
EKONG : Unsa may imong namatikdan?
ONTOY : Nawala ang among duha ka iring.Naapil diay sa mga rabit!
EKONG : Butangi!

MAO DIAY

AMBOY  : Wa gyuy arte na si Boloy,Bay nga atong amigong dato.
ISYOT     :  Nganong nakasulti  ka man niana,Bay?
AMBOY  : Bisan sa  iyang pagkadato kusog kaayo nang mokaon ug binoyok mais unya labinag paresan  sa utan nga tinono-an labihan kaayong makabahog. Mokaon man lang nang magkinamot.
ISYOT     : Bitaw. Pero ang  ahong nabeliban nga mokaon si Okot  nga  usa intawon ka makililimos  kay di gyud mahimo nga mokaong di magkutsara.
AMBOY  : Pagka-arte god!
ISYOT     : Unya,kon di siya magkutsara unsaon man niya pagkaon sa ilang 'tinughong!'