ANG NASUK-AN

DIGOY   : Nganong gisumbag man nimo si Bulanso,Bay kaganiha?
TIKYO   (Nagpangagot ang mga ngipon): Naglagot ko,Bay. Buang gyud tong tawhana kay giingnan kong guwapo!
DIGOY  : A,yatis ra. Giingnan ka hinuong guwapo,unya nasuko ka?
TIKYO  : Animal gyud kaayo,Bay. Guwapo  lagi kuno  ko basta di mi tupad sa akong binuhing unggoy!

MAOY TUOD

Nagpalabwanay sa hambog ang managhigalang Tapaklong ug Jobito.
TAPAKLONG  : Gumikan sa kadaghan sa akong kalsones,Bay maglabad na ang akong ulo kon unsay akong unahon sa pagsul-ob.Tanang klase sa panapton duna ko ana.
JOBITO            :  Kining akoa,Bay,maoy orig.Usa lang tuod ni,pero maoy...
TAPAKLONG  :  Unsa goy maoy,Bay?
JOBITO            :   Maoy ikatulog,maoy iieskwela,maoy ipamisita,maoy iuran...simhota,Bay.
TAPAKLONG :   Maoy gyud tinuora,Bay kay nanimaho na  nang iti!

WALAY NASABTAN

Dihang nagsuroysuroy sa may baybayon sa Marigondon Beach ang managhigalang Abit ug Jose  may nakita kining Kano nga naglingkod sa nag-igdal nga punoan sa lubi nga natumba. Ila kining giduol aron kahingian nilag pagkaon.
ABIT     : Ingna,Se nga mangayo tag pagkaon kay gigutom ta.
JOSE   : Di ko ,uy.Di ko kahibawo mo-ingles.
ABIT     : Ingna nga,Joe give me two jab.
JOSE   : O,sige. Akong ingnon, Joe give me two jab.
KANO (Wa kasabot) : What did you say?
JOSE   : Jose bitaw ang akong ngan,Joe.Katag-an ka da.
KANO  :  Are you follish?
JOSE   : Na hala,Bay Abit ikaw atubang ari kay  nangita nag barangay polis!

BAHALA NA

Luwan sa ayroplano ang manag-uyab nga si Dodong ug Maday nga gikan pa nga namakasyon sa nasod sa Japan.Apan usa ka wala damhang panghitabo ang midangat sa naglupad nga abyon.
MADAY (Giabot ug kakuyaw): Dong,wala ka ba makamatikod nga mitakilid naman kining ayroplano?
DODONG                              : Bitaw da.Ngano man ni,tuod?
MADAY                                 : P-Pastilan no kon ma-makras ning atong gisakyan rong ayroplano,Dong...
DODONG( Gisamokan sa sigeg tagabtab ni Maday): Naunsa ka baya ,diya,Day,uy.Nganong maguol kaman ug makras ning ayroplano nga dili man bitaw ni atu-a!

INTERPRETER KUNO

ISYOT     : Matod pang Bitong,Bay maayo akgn mo-interpret ...
MULONG   : Duna sab nahibaw-ang gamay,Bay.
ISYOT         : Duna koy ipa-hubad nimo,Bay.Unsay iningles nianang pulong binisaya nga batonaw?
MULONG   : Kasayon.Ang batonaw sa iningles pa,Bay mao nay  ice.
ISYOT         : Yatis ra. Unya,kanang  cool girls ,unsa man sab na ang tinagawog ana?
MULONG   :  Aw,mao sab nay gitwag ug,malamig na mga babae!
ISYOT         :  Butangi!

WRONG NUMBER

Hubog kaayo si Tapaklong nga mitawag sa telepono.
TAPAKLONG    : Heloo.Maris,darling (hek).O,Maris(hek) pagka nindot gyud sa imong tingog.N-Nindot kaayo nga paminawon. Ha?S-Si Tapaklong ni....naunsa ka god,Day Maris..(hek).Kadali nimong malimot sa atong mga saad?
TELEPONO(Sa pikas linya) : Maris? Di tawon ko si Maris,no! Si Rosanna ko,ug dili ko si Maris!
TAPAKLONG (Ingon sa gihuwasan sa kahubog):  Maris (hek) aw,Rosanna diay...sorry  kaayo ha,kaingnon man god nakog Dominggo ron!

NAKATUKMA SAB

Usa  ka adlaw niana nakita na lang ni Dr. Pakibot ang usa sa iyang mga pasyente sa mental ospital nga nagpasolpasol diha sa nataran.Iya kining  gitimbaya.
DOKTOR PAKIBOT  : Uy,daghan na ba tag kuha diha?
BUANG (Misiga ang mata nga mitubag):Si Doktor baya sab,uy.Unsa mang isdaa ang akong makuha dinhi nga nakita man nimo nga walay dagat!

MISAMOT

Hilabihang pikala ni Nang Salud sa dihang gisaway sa drayber  ang anak niini nga laksot kunog dagway.
NANG SALUD   : Pagkabugal-bugalon gyud niining draybera,morag unsay hitsura sab!
Pagkataudtaod miduol ang konduktor aron pagkobra sa pletihan.
KONDUKTOR       : Imong plitehan,Nang.
NANG SALUD       : Nia,Dong, o .Adto ko ihunong sa duol sa plaza  sa may Maasin.
KONDUKTOR       : Yuna pa Nang,kining imong gikugos.
NANG  SALUD      :  Ngano man,Dong?
KONDUKTOR       :  Unsa man ning unggoya, badyi o laki?

DATE DIAY

Nagwaldaswaldas na ang linaktan ni Tapaklong samtang nagsubay kini sa hagip-ot ug gamayng dalan dalan padulong sa ilang Baryo sa Maribago.Hubog kini nga gikan sa kasal sa iyang higala nga si Butsoy sa kasikbit nga baryo.Apan samtang nagpadayon kini sa paglakaw sa takulahaw lang usa ka babaye ang iyang nasugatan.Puti ang pamanit sa maong babaye.Guwapa.Seksi ug nag-short lang.Nanginit  dayon si Tapaklong samtang nagsud-ong sa mais-is nga mga paa sa maong babaye.Sa nahiduol na siya,kalit niyang gilanit ang kutsilyo nga diha sa iyang hawak,ug unya...
TAPAKLONG(Midip-ig  sa babaye):Mo..money or life?
BABAYE(Nakalitan)    : A..aapan,S-Sir,wa-wala intawon koy kuwarta dire...
TAPAKLONG            : Unsay way kuwarta? Kaanugon sa imong kaguwapa nya,wa ka gyoy singko sentabos na lang sa imong bolsa!
BABAYE (Nangamuyo) : Wa-wa lagi tawon,Sir.
TAPAKLONG              : Unya,unsay imong gusto: Money  or life or death?
BABAYE                      :  DATE  na lang,Sir!

WAY KAUSABAN

ROSANNA  : Gumikan sa imong pagka palikero,Doy nakahukom kong makig-break nimo.Dako na gyud kaayog kausaban ang akong pagbati ron diha nimo!
DODOY       : Aw, kon mao na iuli dire nako kadtong singsing nga bulawan nga maoy atong kinuptanan..
ROSANNA(Miluray ang tingog): Ba,diha Doy,uy ang akong gisulti nausab ang akong gibati , dili ang singsing!

LABAW SAB

Usa ka adlaw nag-abot ang managhigalang Ronie ug John Tam.
JOHN TAM    : Nakabati ka kaganiha,Bay sa dihang nagkaestoryanay ang duha ka bungol?
RONIE           : Wa gyud koy nabati,Bay John.
JOHN TAM :    Aw, labaw sab diay kang bungol,Bay!

MAO DIAY

ONTOY  : Sa imong pagkadrayber,Bay Tiyok kapila kaman madakpi?
TIYOK    : Katulo ka higayon,Bay sulod sa pito ka tuig nakong pagkadrayber.Ikaw,Bay?
ONTOY  : Wa pa gud ,Bay.
TIYOK    : Yatis ra sab.Maayong laking drayber ka,Bay.
ONTOY  : Tinuod gyud kaayo  na,Bay.
TIYOK    : Unsay imong gimaneho ron nga sakyanan,Bay?
ONTOY  : Traysikad ra god!

ANG TUGON

Ang himatyong si  Idot nanugon ngadto sa iyang kapikas nga si Juliana.
IDOT      : Day Juliana,kon inyo naman gani kong ilubong,ayaw gyud tawon ninyo ibutang akong patayng lawas  sa yuta. Kon mahimo ipabutang kos nitso...
JULIANA : Nganong dili man ka magpabutang sa yuta,Dot?Unsaon na lang.
IDOT        : Basta,Day Juliana ayaw gyud tawon sa yuta kay hadlokan kaayo kog wati..

DILI NA MOINOM

Nakit-an ni Pekto si Sidoy nga nagtungab ug bino sa tindahan ni Nang Moring.
PEKTO  : Ingo n ka,Doy,di ka na moinom ug ilimnong makahubog pa...
SIDOY   : Bitaw,Bay Pekto.
PEKTO  : Inom man lagi ka?
SIDOY   : Aw,basta akoy gasto dili nako moinom,pero pinalit man ning Tapaklong!
PEKTO  : Estoryahi!

BALIK GIHAPON

DOKTOR  TAKYO   : Sa di ka pa namo pagawson dinhi sa  mental ,Loy duna lang mi pangutana.
BOLOY                      : Pangutana,Dok.
DOKTOR  TAKYO   : Kon tua na ka sa inyo,unsa may imong buhaton?
BOLOY                      : Maglung-ag dayon ko,Dok aron makakon ang akong asawa ug mga anak.
DOKTOR  TAKYO   : Maayo. Mao ra na.
BOLOY                      : Mobalik kog pamusta sa masyaw,suwetres ug lotto,Dok.
DOKTOR  TAKYO   :Uy,ngano man?
BOLOY                      : Aron mabuang nasab kog balik!

DI KLARO

Usa ka bungi mipalit sa tindahan ni Nang Gorya.
BUNGI                : Ayo,mamalita ko  ug pephi.
NANG GORYA : Unsa? (Wa kasabot).Klaroha!
BUNGI               : Pephi ba,PEPHI!
NANG GORYA(Naglagot sa bungi,ug gigunitan ang liog):Unsa lagi?
BUNGI(Samot nagkabungabunga pagsulti):Kok! kok!
NANG GORYA  : Kana ba!

NAWONG UG KUWARTA

ONTOY    : Ingon nila,Bay,kon mag-atubang ko,morag Osmena,mag-sideview morag Roxas .Unsa kahay buot ipasabot ani?
TIKYO      : May lain pa,mora kag nawong ug kuwarta!

SAKTO SAB

MINOY    : Kon ikaw maoy paangayon sa  lima ka mangga,Bay Etot nga mapaigo ngadto sa  bayente ka tawo,unsay imong buhaton?
ETOT        : Easy ra kaayo na,Bay.
MINOY    : Yamat ra. Unsaon man nimo?
ETOT       :  Kanang lima ka mangga,himuon kong  mango juice!

MABAW RA

ANDOY   : Sige na,Juan,ambak na kay bugnaw kaayo ang tubig sa sapa.
JUAN       : Dili ko,uy!
ANDOY   : Ngano man?
JUAN       : Mabaw ana.Tan-awa taga liog  ra man na nianang itik nga naglangoy!

MULTO

Nangutana si Ignoy ngadto sa iyang amahan nga si Tapaklong paghiabot gyud niini sa karaang balay nga ilang gibalhinan.
IGNOY           : Ingon nila,Tay dunay multo dinhing balaya?
TAPAKLONG: Dili na tinuod,Nak.Kinsay nagsulti nimo?
IGNOY           : Ang bag-o god natong katabang nga kaestorya ko kaganiha...
TAPAKLONG: Na hala,Nak,panghipos sa imong mga sinena,manglayas ta dinhi.Kay wa gyud ko mo-hire ug katabang!

KUNISKUNIS

BOTYOK    : Unsay imong buhaton,Bay Sidoy aron madoble o modaghan ang imong usa ka gatos pesos?
SIDOY         :Sayon.
BOTYOK    : Unsaon man nimo?
SIDOY        :  Magpa 5-6  ko! Daghan dayon...
BOTYOK   :  Sayop.
SIDOY       :   Sayop? Ngano man?
BOTYOK   :  Aron modaghan ang imong usa ka gatos imong kunis-kunison!

ANG KAHULOGAN

BOTYOK    : Brayt kaman gyud,Bay Sidoy  aber ako kang pangutan-on ani.
SIDOY        : Pangutana.
BOTYOK   :  Unsay  meaning  sa LBM.
SIDOY       :  Sayon. Mao nay gitawag ug low bowel movement.
BOTYOK   : Sayop.
SIDOY       : Nganong sayop man?
BOTYOK   : Ang  meaning  ana,Bay mao ni  libang basa man!

ANG SILOT

Miabot  na gayud ang higayon diin nasakpan ang tulo ka banggiitang kawatan sa gingharian ni Haring Syakoy.Ang tulo ka tulisan nga sila si Ontog,Bodok ug Larion gipatubang dayon ngadto sa hari.
HARI SYAKOY   : Sa kataposan nasakpan ra gyud mong tulo ka mga kawatan. Kamo ang kanunay mangawat sa akong mga prutasan. Ikaw,Ontog unsang prutasa ang imong nakawat rong adlawa?
ONTOG (Nagkurog): Tulo ka ubas,mahal nga Hari...
HARI SYAKOY      : A,diay. O,sige  agig silot mga guwardiya ipasok kanang tulo ka ubas sa lubot ni Ontog.Ikaw ,Bodok,unsang prutasa ang imong gikawat?
BODOK                  :  Upat ka mangga,mahal nga Hari.
HARI SYAKOY     :   Sige,mga guwardiya ipasok sa lubot ni Bodok kanang upat ka mangga nga iyang kinawat!
ONTOG (Mikalit ug katawa): Ha-ha..haha...ha...
HARI SYAKOY                  : Nganong mikatawa kaman,Ontog. Nahimuot ka sa akong gisilot nimo?
ONTOG                               : Wa tawon mahal nga Hari. Ang akong gikataw-an mao si Larion.
HARI SYAKOY                  : Ngano man?
ONTOG                               : Lima gyud ka nangka maoy iyang gikawat karong adlawa!

ARTISTAHON

TAPAKLONG   : Tinuod nang balita,Syo nga kuhaon unta kang artista,unya imong gibalibaran?
BOSYO              : Bitaw,Bay.
TAPAKLONG   : Anugona no. Unsa may  role nimo nga dad-on kon na-artista ka pa unta,Syo?
BOSYO             :  Himuong lolo sa mga unggoy!

ANG DULNGAN

POLIS   :   Nahibawo  ka ba Inggot kon  mamakak ka.Dili ka motug-an sa tinuod?
INGGOT(Nagkurog): Hibawo ko,Sir. I'm going to hell...patay!
POLIS                     : Maayo kon mao na.Sige,tug-an na sa tinuod...
INGGOT                 :  Dili ko ,Sir,uy!
POLIS                     :  Ngano man?
INGGOT                 :  A, adto hinuon ko mapunta sa karsel!

NAGKABALI

ANDOT   : Bay,Bitoy mangutana ko nimo bahin sa bayot.
BITOY     : Ngano man ang bayot?
ANDOT   : Kon mogamit nimo ang bayot,ikaw maoy supsopan o ikaw maoy mosupsop?
BITOY     : Aw, ang-ang ,bayot gyud maoy mosupsop.Morag ungo!
ANDOT (Nangulihad) : Da lagi daan pa gyud ko nga nabali tong nahitabo kagabii!

NAG-AWAY

Nag-away ang magtiayong Charlie ug Lina. Gitapokan sa mga tawong usyosero.
LINA  : Animal kang banaha ka!
CHARLIE : Hayop kang asawaha ka!
LINA        : Demonyo kang dako!
CHARLIE:  Satanas  kang  labaw!
LINA       : Peste kang dako,way buot!
CHARLIE: Leche kang malditaha ka,way lami!
LINA       : Pisot kang dako!
CHARLIE(Misamot ang kasuko,ug mihunat sa kinumo): Unsa man gyud Lina tinud-anay na ning imo!

NANGLABADA

Maoy namatikdan ni Boloy nga  sakristan nga nanglaba ang pari sa luyo sa kombento.Ang makapahibulong nganong dunay daghang panti,bra ug ubang sapot sa babaye.
BOLOY (Mitimbaya) : Uy,Dre nanglaba kaman lagi.
PARI (Kalmang mitubag) : Nia,Loy nag-agwanta  lang.
BOLOY  (Nangisusi)       : Naa man lagiy sinena sa babaye,panti ug bra nga naapil mo sa paglaba,Dre?
PARI(Abtik nga nanubag): Sus,Loy kon ang mga amot ug limos sa simbahan mao lay saligan di magsilbi.
BOLOY       : Unya,Dre.
PARI            : Midawat na lang kog labada sa panahon nga libre ang akong oras!

LABAW PANG BUANG

TIKYO (Mibadlong sa Buang); Hoy,Buang nag-unsa kaman diha sa dakong danaw sa karsada?
BUANG  (Mibawos pagsiyagit): Namasol ko!
TIKYO   :  Sus  ara gyud nimong pagkabuanga!Unya,naa  kanay nakuha diha nga daghang isda?
BUANG  : Ikaw,buang hibawo ka bitawng danaw ni sa karsada ang akong gipamaslan,ngutana ka pag isda!

PALABWANAY

Nag-iyahay ug palabaw kon kinsay ilhong maayo ang mga  iladong websites.
WIKIPIDIA    :I  know  everything!
GOOGLE       : I  have everything.
FACEBOOK : I know everyone.
TWITTER      :I know what you think.
INTERNET    : Without me guys,you are all useless!
COMPUTER : Sure mo? Paghilom mo,uy!

WA MABANTAYI

Usa ka banggitang tulisan ang na-corner  sulod sa usa ka dakong mall.Mimando ang Hepe sa pagpalibot sa tanang exit  aron di gyud makaipsot ang maong tulisan.
HEPE       : Sige bantayi  ninyo ang tanang mga exit aron dil imakaipsot ang tulisan!Kinahanglan nga ato gyud ning madakpan...!
Paghilabay sa pipila ka minutos...
MANEDYER (Ang Manedyer sa mall): Wala na ang tulisan,Sir.Miikyas na.
HEPE (Nahibulong.Naglibog) : Nganong nakaikyas man ang tulisan,diin man siya agi?
MANEDYER        : Wa  man god siya moagi sa exit,Sir didto man siya miagi sa entrance.

MOSULOD

ONYOK (Gustong mosulod sa night club): Mosulod ko diha sa inyong night club,Gard.
GUWARDIYA  : Di puwede,Bay.
ONYOK           : Nganong dili man puwede,Gard?
GUWARDIYA  : Bawal dire sa amoa ang mosulod nga  nakapurol lang.
ONYOK(Nasuko): Unsay bawal,nakasu'od man gani nang babaye diha nga nagsayawsayaw nga nagpanti lang!

SUNOD RA

LALAKI   :  Hello   Ms. Beautiful.
BABAYE  :  Hello.
LALAKI   : Puwedeng mahibaw-an ang imong ngalan?
BABAYE  : Okey kaayo. Ako diay si May.
LALAKI   : Maayo hinuon.
BABAYE  : Ngano man?
LALAKI   ; Sunod ra ta kay ang akong ngan si June.

ANG HINUNGDAN

Nangutana si Atorni Butyok ngadto sa iyang kliyente nga si Tapaklong.
ATORNI  BUTYOK : Nganong nabilanggo kaman,Tapaklong?Unsay kaso nga gipasaka sa mga polis batok nimo?
TAPAKLONG         : Kawat man kuno Atorni  nga unta nag-shopping ra man ko.
ATORNI BUTYOK : A,yatis ra. Mao ra nay hinungdan? Nag-shopping  ka unya ila kang gidakop?
TAPAKLONG         : Mao ra na gyud na,Torni.
ATORNI BUTYOK : Uy...unsa ganing orasa dihang nag-shopping ka?
TAPAKLONG         : Kaadlawon man to,Torni.

IPASA

GUNDING  : Ingna si Bay Senyong,Bay nga ipa-open ang iyang kompyuter.
TIKOY        : Ngano man,Bay Gunding?
GUNDING  : Naglagot kong Bay Senyong,Bay,uy. Akong ipa-open ang iyang kompyuter aron akong ipasa kaniya kining virus.
TIKOY        : Aw, aron madali ,Bay kon naglagot kang Senyong ako na  lang siyang paarion...
GUNDING  : Ngano man?
TIKYO       : Siya na lang maoy pasahi sa  daghang hubaghubag nga mitapot sa imong lawas. Mas dali pa hinuon!

ARON MAHIBAW-AN

MINGGA(Naglagot) : Gusto kong ilabay ang tanan kong mga amiga ngadto sa dagat!
DIDAY (Nahibulong): Uy,nganong ingon man niana,Day Mingga?
MINGGA  : Da,aron molutaw kinsa tong plastik!

ANG KALAINAN

TAPAKLONG   : Unsay kalainan,Bay Inggot sa tawong mangurakot dire sa Pilipinas ug sa tawong mangurakot didto sa Amerika?
INGGOT           : Sayon.
TAPAKLONG  : Bi,unsa man?
INGGOT           : Ang tawong mangurakot didto sa Amerika ma-priso dayon,apan ang tawong mangurakot dinhi sa Pilipinas daghang  court hearing pang buhaton!

GILAAYAN

BONTOY :Dugay sab  sa akong gi-order nga pagkaon Day Silbidora.
SILBIDORA  : Ni-a ra to rong taudtaod,Sir.
BONTOY      : Pila man diay ang inyong  cook dire?
SILBIDORA(Wa kasabot): Wa man miy  kok dire,Sir  esprayt ra may amoa dire.

MAS MAOT PA

TAPAKLONG  : Haskang batia sab nimog ngan,Bay Conrado,uy.
CONRADO      : Ngano man bi?
TAPAKLONG  : Hunahuna-a ra god  nga ang imong ngan Conrado, unya  sab ang   apelyido Dominggo.Kon atong mub-on paglitok mao ni:CONDOM.
CONRADO     : Aw,wa na ra sa imong Tatay,nga mas maot pa  kaayo ug ngan,Bay.
TAPAKLONG: Kay ngano man sa akong Tatay,Bay?
CONRADO    : Imong Tatay di ba ang ngan si Felimon,unya,inyong apelyido Sotero, so, kon atong mub-on sab sa pagtawag,di  :PISOT!

GIPATAWAG

Paghiuli ni Bulantoy gikan sa tulunghaan nakig-estorya dayon kini sa iyang inahan nga si Nang Tekla.
BULANTOY (Ang anak.): Nay,gipatawag ka sa among prinsipal.
NANG TEKLA(Ang inahan.): Uy,ngano man kuno,Dong Bulantoy? basig duna na pod kay gibuhat nga binuang didto sa inyong eskwelahan no?
BULANTOY   : Wa Nay,uy.
NANG TEKLA: Unya,nganong gipatawag man ko sa inyong prinsipal,ha?
BULANTOY    : Basin ikaw nuon,Nay,kay ikaw may gipatawag!

PULOS BUANG

BUANG  1: Duna koy nahunahunaan  para makaipsot   ta dinhi sa  mental.
BUANG  2: Unsa man na?   Dalia kay masakpan ta.
BUANG  1. Magpasiga kog plaslayit ,unya ikaw maoy unang molatay aron makaikyas.
BUANG  2: A,di ko ana,uy?
BUANG  1: Ngano man?
BUANG 2 : Kaliton pa hinuon nimog pawong matagak ko kon tu-a nakos ibabaw!

KULOKOY

Nasuko ang inahan ngadto sa iyang anak kay wala magkuha ug igsusugnod sa linung-ag.
INAHAN : Tapolan ka gyud,Nak. Maglung-ag ta perming walay kahoy,peste ning kinabuhia!
ANAK (Nagpangalot sa ulo): Samok pod nimo,Nay,uy magkuha bitaw kog kahoy imo man pod nga isugnod!

ANG KABILIN

MITOY  : Karon,Day Andang kay himatyon naman gyud ko,ako nang ibutyag kanimo ang akong kabilin para nimo.
ANDANG (Asawa. Naghinamhinam): Unsa man kanang maong kabilin nga ihatag mo,Toy?
MITOY    : Kon mamatay ko akong ibilin kanimo ang dakong umahan,prutasan,dakong balay,mga kahayopan,ug uban pa...
ANDANG(Gibatig kahibulong);H-hain man nang dapita,Toy?Wala man koy nasayran bahin ana ug asa na nimo napanag-iya?
MITOY   : Naa ning tanan sa FACEBOOK.
ANDANG(Wa poy kalibotan unsay Facebook): Unsaon ko man na pag-adto,Toy,layo na?
MITOY  : Tan-awa sa Facebook,Dang,dayon  i-click  mo ang pasword nako nga ,Kabahong.Ug,i-click mo dayon ang FARMVILLE!

KATUGBANG

BODOK    : Unsay katugbang,Yot sa katawa?
ONYOT    :  Sayon.  Sex.
BODOK    :  A,kalayo god tawon ana,Yot?Nganong nahitabo man na?
ONYOT    :  Ang katawa mao ni: Ha! Ha! Ha!.
BODOK    ; Unya?
ONYOT    : Ang sex mao ni: Ah! Ah! Ah!
BODOK    :Bangas na!

ABI UG NALIPAY

Nahibulong si Tapaklong nga nagtan-aw kang Pidot pongkol (pulos wala nay duha ka kamot) kay labihan man niining nakaluksolukso ug nakahiwidhiwid sa lawas.Giduol niya kini ug nagpakisayod.
TAPAKLONG   : Naunsa ka diha,Dot nga puwerte man nimong nakaluksolukso ug nakahiwidhiwid sa imong lawas, nagsayaw ka?
PIDOT               : Wa,uy! Lain ni.
TAPAKLONG  :   Na-unsa kaman diay?
PIDOT              :  Mikatol akong lubot!

NABALAKA SAB

Duha ka  hired killers nagkukabildo samtang nag-atang sa tawong ilang patyunon.
KILLER 1  : Wala paman ang tawong atong patyunon,Bro.Hain na kaha to ron?
KILLER 2  : Bitaw da.Andam ra ba ko da.
KILLER  1 : Basin dunay nalangayan..
KILLER  2 : Maayo lang ug dunay nalangayan,apan...
KILLER  1 : Apan,unsa man?
KILLER 2  : Unsaon na lang kon dunay daotang nahitabo niya,mabalaka man pod ta!

WAY PASAYLO

Bisan pa sa   kaabtik ni Onyot nga mangunguot sa  kataposan nadakpan ra gyud kini ni SPO4 Tikyo.
ONYOT  : Sir,maluoy tawon ka nako pasayloa lang ko kay di na gyud ko mousab.Buhii lang ko,Sir.
SPO4  TIKYO   : Suwerte ka,Yot kay kining imong gikaatubang polis  nga manggiluy-on kaayo.Buhian tika pero ayaw na gyud ug usab ha?!
ONYOT             : Salamat tawon,Sir.Buotan ka kaayong pagkapolis(Miatik).Unya,Sir kining akong kinuot nga  P50 mil mahimong akong dad-on?
SPO4 TIKYO    : Tonto! Ikaw ray akong gipasaylo,Yot,ang P50 mil pesos maoy priso!

TINUOD KAHA?

DALING ( Nangutana ngadto sa inahan) : Tinuod na,Nay ang giingong: FIRST LOVE NEVER DIES?
INAHAN(Masulub-on)  : O,mao gyud na,Nak.
DALING                       :  Ngano man,Nay?
INAHAN                      :  Tan-awa ra god,Nak tungod sa akong  first love  sa imong amahang palahubog hangtod ron buhi pa siya. Kon wa pa koy gugma,Nak,dugay ko na nang gihiloan!

BUWAG

ASAWA   : Magbuwag na ta!
BANA      : Sige buwag ta! Ako-a ning mansiyon tang balay...!
ASAWA   : Ako-a sab tong atong  farm sa Liloan.
BANA      : Ako ning atong awto nga honda civic!
ASAWA   : Oppps!
BANA      :  Unsay oppps?
ASAWA   : Ibilin  lang nang atong drayber kay dugay nami ana!

GIPAKUSGAN

PASAHERO (Ngadto sa drayber)  : Mao na ni  ang kinakusgan mong dinaganan ,Dong?Hinaya sab ani,uy dugay tang maabot...!
DRAYBER  : Nagpraktis  pa man god ko,Noy.Mao pay akong pagkat-on sa pagdrayeb...
Pagkataudtaod gipabulhotan  sa drayber ang pagmaneho .
PASAHERO (Naratol) : Dong,hinayhinay tawon  diha basin madisgrasya ta!
DRAYBER                  : Aw,anha gyud  ni mag-agi  Noy,kay nagpraktis pa man...!

TUG-ANAN

ISYOT (Ngadto sa iyang uyab nga si Isyat)  :  Bi     ,Syat   tug-ani gani ko sa tinuod.Unsa man mora ba gyug kabaw ning akong hitsura.
ISYAT(Naghikuko)  : Kon tug-anan tika,Syot,unsa man?
ISYOT                     : Tug-ani ko,Syat.
ISYAT                     : Basta ha,ayaw panungag!
ISYOT                     :Butangaiiiiiii!!!!

GIMAHAL SAB

TAPAKLONG    : Pasayloa ko,Day Bebing.Maong gisagpa tika kay gimahal ko kaayo ikaw...
BEBING (Miyamiid): Mao ba,Long.(Dayong bawos ug sagpa sa bana).
TAPAKLONG      : Uy,nganong imo man kong gisagpa,Bing?
BEBING                : Ang-ang,Long gimahal man sab tika!

SIPYAT

BOLING   : Wa gyud ko magtuo,Bay Etot nga matangtang sa akong trabaho.
ETOT        : Unsay trabaho mo,Bay?
BOLING   :  Na-a ko sa  commercial  sa Milo.
ETOT        : Yatis ra. Unya ,unsa may hinungdan nga gitangtang ka man?
BOLING   : Sipyat ko sa akong pagtubag kon unsay meaning sa  Milo,Bay.
ETOT        : Kay unsa man diay imong gitubag,Bay Ling?
BOLING   : Gitubag man god nako,ani  : MILO!
                                                               M.....Malaming
                                                               I  .....Imnon
                                                               L......Lasang
                                                               O.....Ovaltine!
ETOT        : Ngeeh!

WA MAGKASINABOT

PEDRO (Usa ka Bisaya.Misinggit sa tinda niining isda): Isda mo diha! Palit mog isda,Sir! Mam! Palit namo!!!
Usa ka Tagalog nangutana.
TAGALOG : Ano ito?
PEDRO      :  Dili  ni  ito,Boss.  Bulinaw ni, ug maayo  kaayo ning  kilawon.
TAGALOG:  Wala bang malalaki?
PEDRO     : Aw,sagol na Boss,naa sab  ni laki,ug naa sab ni baye ...
TAGALOG(Nagpangalot sa ulo): Masarap ba 'to?
PEDRO     : Unsay sarap! Pukot maoy akong gigamit ana,Boss,uy!
TAGALOG(Nasuko) : Labas ka! Labas!
PEDRO    : Boang na,unsay imong pagtuo,magtinda kaha ko ug di pa ni lab-as!

DI MASULOD

SECURITY GUARD( Usa ka Tagalog): Inspeksiyon lang po,Mam sa dala nyong bag.
MINDAT (Nagtinagalog sab) : Anong akala mo sa akin?
SECURITY GUARD             : Baka mayroon kang dinadalang baril,Mam.
MINDAT (Nasuko)               : Baril sa imong kaboang diliman gani masulod ang baldi sa kong bag,ang baril pa ba kaha!

GITULTOLAN

Labihang Lagota na Nang Karya ngadto sa ilang binuhing iring gumikan sa pagkasungkaban niini ug magpataka lang ug asa magbilin sa iyang hugaw.
NANG KARYA(Ngadto sa iyang anak): Dong Palito dad-a gani ning iring ngadto sa may Pawod,ug didto ibilin aron dili na makabalik dinhi sa atong balay.
Tuod man gituman sa anak ang sugo sa inahan.Apan,nahibulong si Nang Karya nga nagabhian kining mipauli sa ilang panimalay.
NANG KARYA: Nganong nagabhian kaman sa pagpa-uli Dong Palito.
PALITO            : Sus ,Nay nasaag ko...
NANG KARYA: Unya kinsa may nagtultol na nimo pabalik dinhi sa ato?
PALITO (Mitudlo) : Naa,Nay o  gitultolan ko anang iring padu'ong pauli dinhi!

WALA KASABOT

SIKYO : Ekskyos ,Mam tan-awon  lang  nako  nang imong bag kon may gisulod ka ba nianang pusil.
BABAYE(Naglagot) : Buang ka diha ,kon may  pusil pa ko ako kahang pakuptan nimo?Dul-itan ta lang ka diha una ko mosulod sa ilawom!

MOSUWAY

PEKTO (Ang anak) : Tay,unsa man nang elebitor?
ONYOT(Ang amahan): Kana bang kahon nga mosaka unya mokanao sab.
PEKTO : Kanang eskalitor,Tay,unsa man sab na?
ONYOT: Kanang hagdan nga mosaka ug mokanaog ba anak...
PEKTO : Mao diay na,Tay.Unya,kanang kalkulitor,unsa man sab na,Tay?
ONYOT: A...kana hinuon wa pa ko kasuway ug sakay ana!

KANG SIR DIAY

Ang agalon nga babaye nahibulong sa kalit nga pagdako sa tiyan sa ilang katabang sa panimalay.
AGALONG BABAYE : Day,morag midako man nang imong tiyan.
KATABANG               : Bitaw,Mam.
AGALONG BABAYE : Ngano man na?
KATABANG               : Kansyer baya ni,Mam.
AGALONG BABAYE : Ha? Unsa diay may  cancer ka?
KATABANG               : Wa uy! Kang Sir ni ba! Si Sir maoy tag-iya!

WALA MASAYOD

Nagparayganay sa daplin sa baybayon sa Buyong ang manag-uyab nga Petra ug Iyok.
PETRA   : Yok,unsa gani tong imong  zodiac sign?
IYOK (Naghunahuna): Limot man ko,Day Pet,ikaw unsa may imo?
PETRA  : Ang zodiac sign nako,Yok kay  Cancer.
IYOK    : Bitaw,ang ako-a sab goitter.
PETRA  : Ha? Uy,wala may zodiac sign nga goitter.
IYOK (Mikatawag hilaw): Dyok lang bitaw tong ako,Pet, ulcer bitaw ang tinuod kong zodiac sign!

HUGAS SA TIIL

HUDAS (Mihunghong ngadto kang Pedro) Dro,unsa nang diskarte ni Maria Magdalina nga mihugas sa mga tiil ni bosing Hesus?
PEDRO (Miigham): Ayg saba diha,Hudas  kay sa umabot nga panahon kanang iyang gibuhat tawgon  unya nag-footspa!

ESTUPIDO

BOTOY (Nangutana sa Maestra): Mam,mobukol ba ang utot ilawom sa atong purol?
MAESTRA (Nahibulong): Dili,Botoy. Angay mahibaw-an ninyo, class  nga bisan unsa kakusog ang utot di na makabukol  diha sa ilawom sa inyong purol.
BOTOY (Mihinol sa iyang purol): Patay! Tubol gyud diay ning nigahi sa akong purol!

MAO RA

Nahibulong ang nurse sa kadaghan sa mga bata ni Tikya.
NARS   : Pila gani toy imong anak,Nang Tikya.
TIKYA : Bayente otso ra man,Mam.
NARS  : Pastilan.Wa ka ning gamit ug pills,IUD,condom o withdrawal ba?
TIKYA : Sus,Mam wa gyud ko ana nila,si Pontoy ra gyud ang akong banang nag-inusara!

PULOS DI MAO

BOSYO  : Usahay bation ta ang gugma sa dili maong dapit,dili maong takna,dili maong tawo ug sa dili gyud maong rason.
ROSING : A,maayo na lang na kay sa  makaiigit ka sa dimaong dapit ug dili  sa maong oras asa ka mopungko!

KAWAD-AG AMIGO

TAPAKLONG    : Moabot ang panahon,Bay Tikyo nga kawad-an gyud kag mga amigo.

TIKYO (Nahibulong): Ngano man,Bay Tapaklong?

TAPAKLONG        :  Kaming imong mga amigo pulos dunay bisyo:moinom,mosugal,mosuyop,mamabaye ug daghan pa.

TIKYO                    : Unya,Bay.

TAPAKLONG        : Mamatay tanan mong amigo,ug ikaw pabilin gihapong buhi!

TAMBAL POD

Nangutana si Juan ngadto sa iyang amahan nga si Pedro.
JUAN (Anak): Tay,tinuod bang kanang tanom nga makahiya usa ka tambal nga herbal?
PEDRO(Amahan): Tinuod na,Nak.
JUAN    : Unsaon pagtambal,Tay?
PEDRO : I-hidhid para niadtong mga tawong bagag nawong!

INOSENTE

Nakighinabi  si Mingga ngadto sa iyang higala nga si Kulasa.
MINGGA  : Nindot kaayo ka,Kulasa no kay nakauyab ni Pedro.
KULASA  : Ngano man,Day Mingga?
MINGGA  : Si Pedro buotan,gwapo,loving,sweet,di seloso,nindot ug trabaho,kugihan,utokan,walay bisyo ug walay babaye.
KULASA  : Mao nay gitawag Day Kulasa ug DAMGO!

MAGBUWAG NA

TIKYA(Naglagot ngadto sa iyang uyab): Magbuwag ta,Tapaklong kay di na ko kaagwanta sa imong pagka-tsiksboy!
TAPAKLONG : Aw, sige kon mao nay imong gusto bahalag balentayns hapit na, buwag ta!
TIKYA             : Sige,karon na. Unsay dugayan!
TAPAKLONG : A,hadlokon man ko nimo,kay ngano nagsumpay tang duha!

DISKARTE

Miamoral si  Imyot ngadtong Imyat.
IMYOT    : Day ,makakita gani ko nimo motumaw dayon ang akong-energy!
IMYAT    : Sus,karaang diskarte na sab.
IMYOT    : Dili man,Day.
IMYAT    : Kay ngano kon makakita ka nako mawala ang imong kakapoy,Yot?
IMYOT    : Dili. Ang imo man gung nawong morag cobra!

MAY KATARUNGAN SAB

BATA (Ngadto sa tindera) : Nang papalita ko.
TINDERA   :Unsa may imong paliton,Dong?
BATA         : Papalita kog juice kanang litro pack,Nang.
TINDERA  : O,sige.kini nalang powder,Dong.
BATA         : Kay ngano diay,Nang naa sab diay bareta!

SAKTO SAB

BUTYOK        : Akong suwayan kon unsa gyud ka brayt  ning imong anak,Klong.
TAPAKLONG: O,sige.
BUTYOK        : Dong  Atan ngadto sa botika ug pagpalit didto ug  anti-virus sa kompyuter.
ATAN(Ang anak): Lisora pod anang sugo nimo,Noy,uy mopalit lang kog anti-virus unya walay   reseta nga gipada'a!

PASANGIL

ABOGADO(Ngadto sa saksi) : Niadtong higayona nga nahitabo ang rape diin kaman niadto?
SAKSI        : Sa kamaisan,Atorni.
ABOGADO: Nag-unsa kaman  didto?
SAKSI        : Nalibang,Atorni.
ABOGADO: Pila ka dupa gikan sa krimen ang imong nahimutangan?
SAKSI         : A,naa bay malibang,Atorni nga magdupa-dupa!

GITUGYAN NA

Gibadlong ni Nang Juaning ang iyang dalaga nga si Imyat kay  gapunay ra nig kaon ug tambok sa baboy.
NANG  JUANING  : Day Imyat ayg sigeg kaon ug tambok sa baboy kay masakit nang imong kasingkasing.
IMYAT                    : Si Mama baya,uy,Ayg kabalaka,Ma.
NANG JUANING   : Uy,nganong dili man mabalaka,ha?
IMYAT                    : Dugay nang gitugyan kining akong kasingkasing ngadto Pedring manananggot!
NANG JUANING   : Maoy gidangat!

PATAGAD RA

Si  Kulasing nga naligo sa  swimming pool kalit lang misinggit.
KULASING  : Tabang! Tabanga intawon ko ninyo kay di ko makamao nga molangoy.Tabaaanggg!!!
Si  Tapaklong nga nakadungog,misumbalik sa pagsinggit.
TAPAKLONG  : Hoy,igat paghilom diha, ako gani nga dili makamao moluto dire nagsige ba kog singgit-singgit!   Paglumos diha!

ANG UYAB

Anak nga babaye mipaila-ila sa iyang uyab ngadto sa iyang amahan.
ANAK  : Dad, nia  ang akong uyab nga si Bulantoy.
BULANTOY(Nangatahoran dayon)  : Maayong gabii,S-Sir.
AMAHAN     :  Unsa may imong trabaho,Dong.
BULANTOY  : Wa man koy trabaho,Sir.Ang imo mang anak maoy akong gisaligan!

ANG GIKASUK-AN

TIBO   :  Wa na diay ka mananggot,Pre Botoy?
BOTOY: Mibiya nakos pananggot,Pre sa dihang giaway ko sa akong asawa.
TIBO    : Uy,nganong giaway kaman sa imong asawa,Pre?
BOTOY: Da,nasuko ang kagwang kay ang akong sanggotan ra maoy gipunayg saka buntag,udto ug hapon.
TIBO    :  Mao na,Pre?
BOTOY: Nasuko nga wa na kuno koy saka sa kapayas  sa gabii!

NAMAKAK

Samtang si Tapaklong nakighinabi sa iyang mga tinamod nga mga bisita nagkanayon...
TAPAKLONG  : A, karon,mosugot na lang ko nga mamatay.Total, unsa pa may ako. Ang akong mga anak pulos naman mga propesyonal.May igo nang kayutaan,mga balay nga paabangan o rentahan,minilyong salapi nga naa sa ilang mga bangko.(Apan nianang tungang gabii gipukaw si Tapaklong sa anghel nga  gisugo sa Ginoo.)
ANGHEL   : Dong Tapaklong,nadungog sa Ginoo ang tanan mong gipamulong atubangan sa imong mga bisita kaganiha. Mao nga ni-a  lagi ko kay gisugo sa Ginoo  aron pagkuha sa imong kalag karon na gyud.
TAPAKLONG (Tungod sa kalisang): Hel,maluoy tawon ka nako,pasaylo-a ko sa akong gipanulti kaganiha.Ako lang tong komedya uy,ingna lang ang Ginoo nga wala ta magkita!

GILUGOS KUNO

Giimbestigar ni Kapitan Oki si Tapaklong bahin sa sumbong ni  Imyat batok  sa naulahi.
KAPITAN  OKI:  Tinuod ba Tapaklong kining sumbong ni Imyat batok kanimo?
TAPAKLONG  : Tinuod na,Kap,pero sayop intawon na...
KAPITAN OKI : Klaroha gani kanang imong gisulti,Tapaklong.Isulti kanamo ang tanan gyud nga panghitabo bi.
TAPAKLONG  : Usa niana ka gabii,Kap gisulod ko si Imyat sa iyang lawak. Ako siyang gikuptan sa kamot ug gipaharag sa bungbong nga sasa.Unya, dayon akong gipanganga...
KAPITAN OKI : Unya,unsa may sunod nga nahitabo human niadto?
TAPAKLONG  : Ako dayong gipasulod,Kap.
KAPITAN OKI: Ang unsa man,Klong?
TAPAKLONG :  Ang kutsara,Kap nga may init nga lugaw.Gipugos ko siyag pakaon aron mahuwasan sa iyang hilanat!

NAMATAY HINUON

Si Johnny nagpahibawo kang Tamulmol nga ang ilang kumpare nga si Pidot namatay.
JOHNNY  : Pre,nahibawo ka ba sa nahitabo ni Pidot?
TAMULMOL : Wa ra ba,Pre,ngano man diay?
JOHNNY       : Naghilo si Pidot,Bay kay mikaon ug usa ka kahon nga  chalk.
TAMULMOL : Unya,dedbol gyud,Pre?
JOHNNY       : Labaw pa,bisan asa na lang nga ospital gidala wa na gyud malibre.
TAMULMOL : O,kinsa may nagtabang diay niya?Wa diay daling nakatabang,Bay?
JOHNNY       : Ang iyang anak nga maestra.
TAMULMOL : Unsay iyang gibuhat,Bay Johnny?
JOHNNY       : Simple ra kaayo,gipakaon ra ug duha ka  eraser!

NAGHILAK

Labihang  nakahilak si Rosing sa kiliran sa himatyon niyang  bana nga si Toryo.
ROSING  :Hu.hu..hu,ayaw tawon kog  biyai,Toryo.Mag-unsa na lang ko kon wa kana,Dong.
TORYO   : A-Ayaw na lang hilaki ang akong pagpanaw,Day.
ROSING  : D-Dili na maoy akong gihilakan,Toryo...
TORYO   : U-unsa man diay,Sing?
ROSING  : Ang akong gihilikan kay wala gyod kay gisulti nako kon may kabilin ba kong madawat

WALAY DAG-ANAN

PIDOT (Mitimbaya kang Butyok) : Bay,nagmasulub-on man?
BUTYOK      : Problema ko sa akong asawa,Bay.
PIDOT          :  Kay ngano man diay ang imong asawa,Butyok?
BUTYOK     : Niadtong miaging adlaw akong nakit-an ug ang kanhi niyang uyab nga malipayong nag-night swimming sa Vano Beach Resort sa Marigondon.
PIDOT          : Nagpakahilom lang ko,Bay.Unya kagahapon na sab akong nakit-ang nakigkuyog ug laing lalaki sulod sa motel.
BUTYOK     : Yatis ra ana,Bay.Unya unsa may imong gibuhat?
PIDOT         : Magpakahilom lang ko,Bay kay mahadlok ko...
BUTYOK    :  Mahadlok nga unsa,Bay Pidot?
PIDOT         :  Mahadlok kong ipanabi nga dili ako ang amahan sa among mga anak!

HIKAYON

Si  Otik nga may pagka-amawon nagpaminaw lang sa gikasabotan sa iyang igsuon nga si Toryo.
TORYO   : Tay,magminyo na lang mi si Kulasing.
TATAY    : Ay,kana lang diay bisan karon dayon hikayon nako ang inyong mga papeles alang sa kaminyuon.
OTIK(Nakadungog ug misinggit): Tay,pakan-a unya ko inig kaluto na sa imong gihikay,Tay ha!

DUHADUHA PA

Nagkaguliyang ang mga tawo nga nidugok sa dapit diin nahitabo ang usa ka mangilngig nga binanggay,awto kontra dakong Bus.
AVELINO  : Pastilang  ngilngiga sa hitabo,Bay Tapaklong! Maayong pagkagupok sa awto nga nadasmagan sa dakong bus.
TAPAKLONG : Bitaw,Bay. Tua man gani toy tawo nga luoy kaayo nga gidala sa Opon District Hospital.Giduhaduhaan pa gani kadtong mabuhi...
AVELINO       : Unsa may kahimtang sa maong tawo,Bay?
TAPAKLONG: Wa na man god magsumpay ang lawas ug ulo sa tawo!

MAY NAKITA NA

PASYO   : Matod pa bitaw nimo,Bay dili ka magminyo kon wala kay makitang trabaho?
BOKNOY: Bitaw.
PASYO    : Nakigminyo ka naman lagi ni Kulasa nga hangtod karon wa ka pa man makakitag trabaho?
BOKNOY(Kalma kaayong mitubag) : May nakita na,Bay.
PASYO   : Ang hain god?
BOKNOY: Nagtrabaho man gihapon ang akong Tatay!

NAKABAWOS

Mug-ot ang panagway ni Tapaklong dihang nahigawas sa usa ka  concert hall  dihang misaksi sa usa ka pasundayag sa kinaham niyang artista.
BURDIGOY   : Kumusta,Bay. Nganong nagmug-ot man kanang imong nawong? Wa ka diay malingaw sa concert  sa kinaham mong artista nga si  Randy Santako?
TAPAKLONG : Wa,Bay. Wa na managad ang boang dire nako.
BURDIGOY    : Mao diay nga nagkusmod nang nawong nimo.Unya,unsa may imong gihimo?
TAPAKLONG: Tungod sa akong kalagot,Bay akong gikumot ang iyang nawong,Bay.
BURDIGOY    : Yamat ra,nakahimo ka ana,Bay? Giunsa god tawon pagbuhat sa ingon?
TAPAKLONG: Kasayon.Akong gikumot ang iyang nawong diha sa letrato,nakabawos ko!

NAGPRAKTIS RA

Nianang pagka buntag gipangutana ni  Tapaklong ang iyang asawa.
TAPAKLONG  : Na-unsa ka man kagabii,Sang nga imo mang gibunlot ang akong punyohan ug nagsige ka pag yawyaw? Primera,dayon segunda,sundan sa trisera....pahanoy sa kuwarta. Naunsa ka?
KULASA          :  Nagdamgo ko kagabii,Klong nga nakadaog ug bag-ong awto sa  raffle.
TAPAKLONG  :  Unya,mao diay to ang imong buhaton?
KULASA          :  Da, gipraktisan dayon nakog drayeb,Klong aron dalong makat-on!

SABAKON

Hapit na molarga ang Bus ug misenyas dayon ang drayber pagpahiluna ngadto sa tanan niyang mga pasahero.
DRAYBER    : Sige ,sikiti pa ninyo diha kay walo-walo ni ang makarga matag habig nga lingkoranan.
TIKYO         :  A,grabe naman tawon ni kasikit Mister Drayber.
DRAYBER      Sige, Noy sa baka na lang nang imong anak kay molarga na ta....
TIKYO (Naglagot) : Naunsa ka diha,Mister Drayber ayg tinonto diha ha...
DRAYBER (Giabot ug kahibulong) : Naunsa man ka ,Noy nga nasuko ka man diha. Pahiluna na diha ug sa baka na ang imong anak...
TIKYO (Misamot nga naglagot) : Wa ka mabuang diha,Mister Drayber kon magdali ta nganong adto man sa baka nimo pasakya ning akong anak!

APILON SAB

Gumikan sa dili na maagwantang gibati ni Johnny,nakahukom na lang kining anha magwisihis daplin sa koral.Pero,wa pa gani siya dangtig  pipila ka minutos,gipitohan na siya sa polis nga nakaalinggat kaniya.
POLIS     : Nganong nia ka mangihi dinhi? Nakita mo ba kanang karatula: Gidili ang pagpangihi dinhing dapita.
JOHNNY: P-Pasaylo-a lang ko,Sir, kay di na gyud maagwanta...
POLIS     : Dili na ni madalag pasaylo. Niadtong miaging adlaw,mao sab na ang imong katarungan.Dakpon ko na gyud ka niining higayona.
JOHNNY: Kon imo man ugaling kon dakpon,Sir iapil na lang nang iro(mitudlo sa iro nga nagtuwad ).
POLIS     : Ngano man?
JOHNNY: Mas una pa nang iro-a nako dinhi nga nangihi,Sir!

KOMEDYA LANG GIHAPON

Sa  tindahan nilang Moring-Tinong nagkukabildohay ang duha ka managhigala nga si Maykol ug Pontoy nga sa matag karon ug unya moipis sa ilang giinom nga bahalina nga gikan sa Leyte.
MAYKOL     : Ang suwerte sa tawo,Bay Pontoy dili lang gyud hibaw-an.
PONTOY      : Ngano man  diay,Bay?
MAYKOL     : Tiaw mo nga si  Hagibis kadtong usa ka komedyante karon usa na ka adunahan sa ilang dapit sa  Bagumbayan Dos.
PONTOY      : Kay nadato ba god si Hagabis sa iyang pagka komedyante,Bay Maykol?
MAYKOL     : Nadato mo lang.Nakapalit naman gani ug bag-ong awto.
PONTOY      : Aw,libo-libo sab diay ang iyang natigom,Bay gikan sa iyang mga komedya nga napatik sa mga magasin?
MAYKOL    : Dili natigom niyang bayad,Bay.
PONTOY     : Aw,unsa man diayng pagkahitabo-a,Bay?
MAYKOL    : Gumikan sa iyang pagpangasawa pag-usab sa biyudang asindera nga nuybenta nuybe anyos na!

LABING KATAW-ANAN

LIGING     : Matod pa sa akong amigong Amerkano,ang labing kataw-anang Asyano mao kuno kitang mga Pinoy,Bay Tikoy.
TIKOY     : Nganong nakasulti man niana ang imong amigo,Bay?
LIGING    : Labihan natong masuko sa mga naa sa gobyerno nga kusog kaayong mangurakot ug mang-abuso sa ilang katungdanan,apan unya lagi...
TIKOY    :  Apan,unsa man lagi,Bay?
LIGING   : Apan lagi kon panahon na sab eleksiyon,kini gihapong mga tawhana nga mga bagag nawong maoy atong pilion!

DILI MAOY TRABAHO

Maoy nakita ni Abundio ang usa ka bata nga nagdagkot ug mga kuwitis ug mga rebentador.Apan gibati siyag kapungot niadtong tawo nga hamtong nga wala gyud makabadlong niini.Miduol siya.
ABUNDIO  (Gibadlong ang bata): Hunong na nianang imong pagpabuto Dong,hibuthan unya nang imong kamot.
Gitan-aw siya sa tawo,ug hinay kining namulong.
TAWO     : Unsa kaman,Brad,ang pagkapolis maoy imong trabaho?
ABUNDIO: Dili man i-ikaw,Brad?
TAWO      : Dili sab.
ABUNDIO: Unya,nganong wa kaman kabadlong ninang bataa aron dili hibuthan?
TAWO      : Dili ko makakuwarta niana kon mao nay akong buhaton,Brad.Gipaabot ko bitawng mabuthan nang bataa.
ABUNDIO(Nahibulong): Ngano man?
TAWO     :  Kay Doktor man ko,Brad!

KONTES SA HAMBOG

OLOY  :  Kadtong akong Lolo nga nag-edad na og singkuwenta moalsa pa og usa ka sakong bugas.
MUKLONG  : Kadtong akong Lolo nga sitenta anyos na moalsa pa ug duha ka sakong bugas.
TIKBOY       :  Kahambugero baya ninyo.Wala ra na sa akong Lolo.
OLOY          :   Unsa man diay tong imong,Lolo,Bay?
TIKBOY      :   Tulo gyud ka sakong bugas ang sayunsayon lang sa pagbaswat nga nag-edad nag nuybenta anyos!
MUKLONG :   Yatis ra. Unya,buhi pa gihapon ron ang imong Lolo?
TIKBOY      :   Wala na,Bay.
OLOY          :   Hain naman diay ron ang imong,Lolo?
TIKBOY      : Giluyong na sa sementeryo kay hidat-ogan sa tulo ka sakong bugas! Pisat tawon!

MAO DIAY

Nahibulong si Medyong ngadto kang Lino kay wa pa gani dangtig usa ka adlaw human sa pagkoneksiyon niini sa telepono iya man dayon kining gipaputol
MEDYONG  : Nganong gipaputol mo man ug tuyo ang imong linya sa telepono,Lino?
LINO            :  Gibinuangan ko,Bay.
MEDYONG  :  Unsa gong binuanga,Bay?
LINO            :  Sa dihang didto ko sa Marigondon,ug mitawag ko ngadto sa amo,nangutanako...
MEDYONG :   Unsa may imong gipangutana,Bay?
LINO           :   Matod pa nako,hello naa si Lino diha? Ug,puwerte gyud nakong lagota,Bay..
MEDYONG :  Nganong naglagot ka man,Bay?
LINO           :   Kinsay di maglagot nga ang tubag sa pikas linya: your house is under repair,please call again later!

LAIN OG HILIG

SEGUNDO   : Hangtod karon nga nag-edad nakog  singkwenta anyos,Bay Abundio kusog gihapon ang akong sex appeal.
ABUNDIO   : Yamat sab. Ako,Bay nagkahinay na gyud ang akong sex appeal ron.
SEGUNDO  :  Unsa naman lang diay ron,Bay?
ABUNDIO   :  Hinay na ang akong sex,Bay,pero ang akong five..
SEGUNDO  :  Unsa man kanang,five,Bay?
ABUNDIO  :   Five years na lang nga Tanduay kanunay!

USE YOUR HEAD

Si Tapaklong mi-apply pagka-clerk sa usa ka kompaniya.Ang gibutang sa experience-none.Ang pasiunang suhol nga gipangayo  P1000  walay labot niini ang alawans.
MANEDYER  :  Nakasabot ka ba niining imong gi-aplayan?
TAPAKLONG: Sabot man,Sir.
MANEDYER  : Wala kay kasinatian niining maong matang sa trabaho unya dako kag suweldo nga pangayuon?
TAPAKLONG: Di ba,Sir ang no experience,sa binisaya pa na way hibangkaagan sa trabaho.
MANEDYER  : Mao na.
TAPAKLONG: Tawon,Sir kanang walay hibangkaagan kay walay experience lisod kaayo ang panarbaho,unya modawat pa gyud kog gamay nga suweldo! Use your head sab tawon,Sir,uy!

NAMATYAN

Nag-abot ang kalag nilang Johnny ug ang kalag sa rebelde didto sa langit.
JOHNNY  : Unsay  namatyan nimo,Brad sa didto pa ka sa kalibotan?
KALAG    :  Didto sa kalibotan,Brad,usa ako ka polis,gibanhigan sa mga rebelde ang gisakyan..usa tawon ko sa  namatay sa engkuwentro..(Mibanos sa pagpangutana)Ikaw,Brad unsa man sab ang imong namatyan sa didto ka pa sa kalibotan?
JOHNNY : Ang akong namatyan,Brad,banhig sab.
KALAG   :  Unsa kaman diay didto,Brad,militar sab?
JOHNNY :  Dili man.
KALAG   :  Unsa ka man diay?
JOHNNY : Ako bitaw tong rebelde nga nagpatay nimo !

DILI GUSTONG MALIWAT

BULANTOY   : Liwat gyud ka kaayo nako,Tapaklong. Guwapo sab.
TAPAKLONG: Di ko gustong manlimot nimo,Tay,uy.
BULANTOY  :  Nganon man dong,Tapaklong?
TAPAKLONG: Mas pa natong unggoy!

DILI HUBOG

BUTYOK  : Matod pa nimo Bay kon duna kay problema,dili kana maghubog?
JOHNNY  : Bitaw,Bay.
BUTYOK :  Unya,nganong nagwandogwandog ka man lagi sa tumang kahubog? May problema ka,Bay,no?
JOHNNY  :  May problema bitaw ko karon,Bay.
BUTYOK  :  Aw,maong naghubog ka karon?
JOHNNY  :  Wa ko maghubog,Bay.Nagwandogwandog ang akong nilaktan karon kay...
BUTYOK  : Kay unsa man diay,Bay?
JOHNNY  : Kay ni-epekto na ang giinom kong hilo!

DEMALAS GIHAPON

Tapaklong  : Suwerte si Bay Tikboy,Doy kay maoy nakapanunod sa tanang kabilin sa iyang asawa nga       adunahang tiguwang...
Dodoy       : Bitaw. Pero na dimalas gihapon siya Bay Tapaklong.
Tapaklong :  Ngano  man,Doy?
Dodoy      ;  Kuha mog ngano nga namatay man sab si Tikboy sa kasingkasing pagkasayod nga siya ang mosunod sa tanang katigayonan!