DALING (Mibadlong sa bana nga si Pokloy): Dong,ayaw pabuntagi nang imong brief diha sa atong hayhayan sa gawas.
POKLOY : Ngano man,Ling?
DALING : Da,duna man goy tinuhoan sa karaan nga nag-ingon nga kon ang brief gani sa lalaki pabuntagan diha sa hayhayan sa gawas,modaghan kuno ang anak nga mabuhat.
POKLOY : Mao diay na,Ling?
DALING : Mao na,Dong.Tan-awa daghan na kaayo ang atong anak,lima na kabuok!
POKLOY : Haskang liboga nako niana,Ling.
DALING : Nganong naglibog kaman,Dong?
POKLOY: Nganong midaghan man ning atong anak nga sa dihang gi-check-up ko sa Doktor,miingon man siya nga baog ko!
Nagkadaiyang mga pasiaw nga mopakatawa kaninyog molingaw. Magmabulokon ang inyong paghanduraw nga mokabig sa kadasig aron manuyhakaw ang kalipay diha sa nagmasulub-on ninyong kasingkasing. Pagmaya,ug ang kalibotan moduyog kanimo! (Paapas: Gitikgitik nga sa English as a joke or, a simple comedy).Ang mga ngalan sa tawo,dapit o sitwasyon nga nia dinhi mugna lamang sa naglatagawng imahinasyon, wala tuyoa ug sulagma lang kining nagamit sa taghikay.(ronie m. catadman, writer)
Walang komento:
Mag-post ng isang Komento