Sa wala pa molakaw si Nang Sidra padulong sa umahan may gitugon kini sa iyang anak nga si Pokloy paglung-ag sa paniudto.
NANG SIDRA : Dong Pokloy kon maglung-ag kaman gani sa udto iapil na lang ug lung-ag ang bahin sa iro ug iring.Ayg kalimot ha,Dong Pokloy?
POKLOY : O,Nay. Di lagi,Nay.
Ug,nianang pagkaudto nga nahibalik si Nang Sidra dako na lang ang iyang pagka hibulong sa pag-ukab niya sa kaldero nga gilung-agan.
NANG SIDRA : Sus,Dong Pokloy nganong ni-a may iring sa imong nilung-ag?
POKLOY : Si Nanay baya,uy ingon baya ka,Nay i-apil na lang ang iro ug ang iring sa paglung-ag. Apil gani unta tong iro nako paglung-ag ,Nay pero mikaratil mag dagan!
Nagkadaiyang mga pasiaw nga mopakatawa kaninyog molingaw. Magmabulokon ang inyong paghanduraw nga mokabig sa kadasig aron manuyhakaw ang kalipay diha sa nagmasulub-on ninyong kasingkasing. Pagmaya,ug ang kalibotan moduyog kanimo! (Paapas: Gitikgitik nga sa English as a joke or, a simple comedy).Ang mga ngalan sa tawo,dapit o sitwasyon nga nia dinhi mugna lamang sa naglatagawng imahinasyon, wala tuyoa ug sulagma lang kining nagamit sa taghikay.(ronie m. catadman, writer)
Walang komento:
Mag-post ng isang Komento