Sa ganghaan sa langit nag-abot ang tulo ka kalag nila ni Makoy,Tikyo ug Tasyo atubangan ni Senyor San Pedro.Mipakli si San Pedro sa Dakong Basahon.Pagkahuman...
SAN PEDRO : Ikaw,Makoy adto ka sa Langit mopadulong.Mao kana ang dalan padulong sa Langit.(Mitudlo sa dalan nga daghang mga matahom nga kabulakan sa masigkakilid).
MAKOY : Salamat,Nyor Pedro mopadayon nako(Ug mipadayon ang kalag ni Makoy ngadto sa Langit).
SAN PEDRO : Ikaw, Tikyo adto ka mahimutang sa dapit nga gitawag ug purgatoryo.(Mitudlo sa dalan padulong sa purgatoryo nga daghag libaong).
TIKYO : Mao man kaha,Nyor Pedro,sige padayon na ko.(Ug mipadayon ang kalag ni Tikyo didto sa purgatoryo).
SAN PEDRO : Ug ikaw,Tasyo mahimutang usab ang imong kalag ngadto sa purgatoryo.Sige sunda kadto si Tikyo.
TASYO : Yuna,Nyor Pedro mahimo bang mohapit una ko sa impyerno?
SAN PEDRO (Nahibulong): Nganong mohapit kaman sa impyerno,Tasyo? Unsa may imong buhaton didto?
TASYO (Mikuot sa bolsa) : Mohapit una ko kadiyot didto,Nyor Pedro modagkot ko niining akong sigarilyo!
Nagkadaiyang mga pasiaw nga mopakatawa kaninyog molingaw. Magmabulokon ang inyong paghanduraw nga mokabig sa kadasig aron manuyhakaw ang kalipay diha sa nagmasulub-on ninyong kasingkasing. Pagmaya,ug ang kalibotan moduyog kanimo! (Paapas: Gitikgitik nga sa English as a joke or, a simple comedy).Ang mga ngalan sa tawo,dapit o sitwasyon nga nia dinhi mugna lamang sa naglatagawng imahinasyon, wala tuyoa ug sulagma lang kining nagamit sa taghikay.(ronie m. catadman, writer)
Walang komento:
Mag-post ng isang Komento