Nagdinaganay ingog mga hulmigas ang mga tawo sa Sityo Limok tungod sa dakong sunog.Ang magtiayong Kulas ug Minat nagdalidali sa pagpanghipos sa ilang mga gamit aron dili maabtan sa sunog nga diha na mikaylap sa ilang mga kasilinganang balay.
MINAT ( Diha na sa balkon ,ug miapura sa anak nga didto pa sa lawak): Pagdali diha,Binot! Gawas na diha sa kuwarto kay mianam nag kadako ang sunog!
BINOT : O lagi,Nay,kadiyot lang kay mag -post una ko sa akong Facebook Status bahin sa kadako sa sunog!
MINAT : Ayaw na paglangay diha,pagdali kay mag-comment unya ko bahin sa sunog!
Si Kulas nga didto na sa ubos sa balay naglagot sa kadugay ni Minat ug Binot,ug iya kining gisinggitan.
KULAS : Hoy mga kuwanggol ,kanaog namong duha dire ug pas-ana na lang nang kompyuter kay mag-like pa ra ba ko inig abot na sa mga bombero!
Nagkadaiyang mga pasiaw nga mopakatawa kaninyog molingaw. Magmabulokon ang inyong paghanduraw nga mokabig sa kadasig aron manuyhakaw ang kalipay diha sa nagmasulub-on ninyong kasingkasing. Pagmaya,ug ang kalibotan moduyog kanimo! (Paapas: Gitikgitik nga sa English as a joke or, a simple comedy).Ang mga ngalan sa tawo,dapit o sitwasyon nga nia dinhi mugna lamang sa naglatagawng imahinasyon, wala tuyoa ug sulagma lang kining nagamit sa taghikay.(ronie m. catadman, writer)
Walang komento:
Mag-post ng isang Komento