DEMALAS DIAY GYUD

Motuo  ba mog tagna,aber  atong paminawon kini si Ingkay nga nagpatagna kabahin sa iyang kapalaran.
MANANAGNA : Suwerte ka kaayo,Inday.
INGKAY            : Nganong  nakasulti kaman niana,Iya?
MANANAGNA : Suwerte ka kay maminyo ka sa usa ka ambongan,taas ug maskuladong lalaki!
INGKAY            : Yamat ra. Kadimalas  god nako,Iya.
MANANAGNA : Dili dimalas  uy,suwerte  ka.
INGKAY            : Suwerte  god tawon nga  may bana naman ko  nga  bati ug  nawong  unya unano pa gyud ug wangkig man kaayog lawas morag gibitok!
MANANAGNA : Butangi!

GISULTIHAN

Maoy nahibudngan sa pag-abot ni Andot sa ilang pan imalay sa dihang nakita niini ang binuhi niyang periko nga patay na diha sa tangkal nga iyang gibutangan. Gitawag niya ang iyang anak ug gipangutana.
ANDOT  ; Naunsa man ning atong langgam periko nga namatay man ni dinhi sa iyang tangkal ,Dong Otoy?
OTOY    ;  Nangluod siguro na siya,Tay  ug nagpakamatay kay akong giingnan kaganiha nga batig dagway!
ANDOT : Uy,mao ba? Unya ,kanang aliwas nga mituay naman sab nang liog ,patay na sab na diha sa iyang tangkal?
OTOY    : Utro sab nang  aliwas,naghikog,,Tay nagdibdib siguro na siya  sa  akong gisulti  kaganiha!
ANDOT : Unsa may imong gisulti,Otoy ngadto sa aliwas?
OTOY     : Aw, akong gisultihan,Tay nga utro sab kang aliwasa ka nga batig nawong parehas sa nangutana!

NAKAAMGO NA

Ang bilyakong  anak ni  Noy Intoy nga si Imyok tua  manimuyo sa  southern  Leyte  mi-text  niining  higayona  kaniya  lima ka adlaw nga natapos ang bagyong "yolanda". Kini ang   nahimutang   sa maong  text  message:
"  Tay,lisod  na kaayo  kami karon dire  sa Leyte  kay nag-panic  buying dire.Please  help me. Imyok  imong anak.
Unya, gibaslan dayon kini ni Noy  Intoy: " Imyok  ,ayg   kaguol.  Ayaw lag apil   sa  buying  diha aron dili  ka  mag-panic. Please  make  self-service  yourself!  imong  Tatay nga dili na nimo matunto Intoy,

ANG GIKAGUL-AN

Maoy nakita ni Pekto  didto  sa suok  sa  evacuation center ang  iyang higala nga si Ontoy  nga naghinuktok     unya sa matag karon ug unya kalit sab  motindog  diha sa iyang gilingkoran nga bangko ug  dayong  panghupaw. Iya ning giduol.
PEKTO  : Nahibawo  kong gikaguol mog maayo kining atong nadangatan ron,Bay,pero kalma lang god.... Daghan bitaw tang nahiagom niining kabangis  sa bagyo ron.
ONTOY (Medyo kahilakon): Tinuod na,Bay. Pero naguol ko pag-ayo kay naguba gyud ang among balay nga maoy bunga sa akong paghagog panarbaho didto  sa gawas. Wa na gyuy haligi nga mibarog bisag usa.
PEKTO (Miam-am ug milakbit ug pangomedya): Ay na lang nag kagul-i,Bay, bahalag naguba ang  balay basta naa gihapon ang imong asawa.
ONTOY(Milugmaw na ang luha): Guol gihapon ko,Bay.
PEKTO : Unsa pa may kagul-an mo   nga naa  pa man ang batan-on mong asawa?
ONTOY: Bay Pekto ang pagpangitag bag-ong  asawa bisan wa kay kuwarta basta kugihan kang moamoral sayon ra, pero Bay...ang balay.
PEKTO : Ngano man,Bay Ontoy?
ONTOY: Ang balay,Bay Pekto dili gyud ka makakitang  mobarog basta wala kay kuwarta!
PEKTO : Butangi!

HADLOK PA

Maoy namatikdan ni Ponyong ang iyang amigo nga  si  Kulas  nga naghukdong tumoy sa taas nga lingkoranan  ubos  sa dakong punoan  sa  Santol. Iya  ning giduol, ug gisampit.
PONYONG : Bay Kulas,musta? Naunsa  ka,Bay nga naghinuktok kaman  dinhi?
KULAS (Mihingos ug nagpangwilik  sa iyang luha ug sip-on): Naguol ko,Bay  nga naghunahuna sa akong apohang lalaki nga tua didto  sa Tacloban.
PONYONG(Nakasabot): Bitaw,Bay. Daghan  kaayog kadaot  ang milabayng bagyo nga "yolanda" didtong dapita. Ubay-ubay  ang mga kabalayan  nga  nahugno ug daghan sab ang gikatahong patay!
KULAS   : Mao lagi,Bay  nga naguol ko.
PONYONG: Naguol ka sa imong  apohan nga naghunahuna?
KULAS      : Oo,Bay,hadlokan ra ba to si Lolo. Hadlok  pa tong mamatay,Bay.
PONYONG: Mao gyud na,Bay. Pilay edad  sa imong Lolo,Bay?
KULAS      :  Sinto trayenta na gyud to si Lolo,Bay!
PONYONG: Ngeeh!

MOLAYAS DIAY

TAPAKLONG  : Kon ikaw  papilion,Bay  nga moabot nga katalagman  pananglit nga moabot sa atong  dapit kunohay , asa kaman sa linog o  sa bagyo?
ONTOY           : Kon ako maoy papilion,Bay,pastilan una sa tanan mangandam kong daan...
TAPAKLONG : Unya,unsa man lagiy imong  pilion?
ONTOY           : Aw, syempre,Bay  ako gyung pilion nga  sa di pa na moabot ang duha  makalayas nako sa laing  lugar!
TAPAKLONG :  Butangi!

LAING NAGUL-AN

Si  Takyo nga wala  madayon sa iyang nahunahunaang pagpakamatay gitambagan ni Sidoy nga iyang higala.
SIDOY  : Ayaw na gyud nag buhata,Kyo  nga mag-suicide  ka tungod lang sa daghan nimong problema.
TAKYO: Naguol man god ko,Bay Sidoy  nga napayhag tawon ang among balay nga payag sa miaging bagyong "yolanda"!  Pwerte  gyud nakong  guola  uy.
SIDOY  :Sagdi lang nang balay,Bay Takyo  kay mahimo pa man nang ikapabarog natog usab kon duna tay  kuwarta,ayg kaguol  niana  ug maayo.
TAKYO: Dili  gyud  ang balay nako maoy akong gikahul-an,Bay nga natumba.
SIDOY  : Aw, unsa  pa man diay lain mong gikagul-an,Bay Takyo?Dunay  lain?
TAKYO: Duna pa,Bay.
SIDOY  : Unsa man?
TAKYO : Sa kakusog  sa bagyo ,Bay pastilan nganong wa pa an gyud dad-a sa hangin ang akong asawa nga pwerteng  malditaha!
SIDOY  : Toink!

SIGURADO

Gireklamo ni Pedring ngadto sa  Kapitan  sa ilang dapit si Onyot kay  nagdumili  kini  sa pagpaindeksiyon kaniya human nga kini mapaaki sa usa ka Dobberman  nga binuhing  iro  sa naulahi.
PEDRING   : Moreklamo  ko aning  Onyot,Kap  kay napaakan ko sa iyang iro ug nagpadikidiki  man ni siya  sa pagpaindeksiyon  nako ngadto sa usa ka  veterinarian?
KAPITAN   : Aw, mao ba?  Tinuod ba kini  Onyot?
ONYOT       : Tinuod na,Kap,pero  way problema kon ang akong iro mao  gyuy nakapaak niya . Sigurado  man kong walay  rabbies na  ang akong iro  nga mipaak niya,Kap.
KAPITAN   : Giunsa  man nimo sa pagsiguro,Onyot?
ONYOT       : Ang- ang,Kap  pulos posteso  man nag mga ngipong  iro-a!
KAPITAN    : Butangi!

GIKUHAAN LANG

Nagka-abot  usa niana  ka higayon ang tulo ka nabantog nga pistolero sa dakong bakanteng hawan sa baryo Timbakol. Ang mga bantugang pistolero nga sila  si  Otoy  nga gikan sa Silangan(Baryo Kambinukot),si  Porontoy  nga gikan sa Habagatan(Baryo Kaw-oy) ug si Doming nga gikan sa Kasadpan(Baryo Kintulimbo),
ANAWONSER  : Karon ang unang mopakita sa iyang abilidad mao si Otoy ang bantog nga pistolero  sa Silangan.
Tuod man gibuhian dayon sa usa sa mga maghuhukom ang langaw nga diha  sa may garapon. Ug  Dayon pusil ni Otoy niini.  Milanog ang usa ka buto!
ANAWONSER  : Maayong pagkatagak  sa langaw ug patay.
Mipakpak ang mga tawo. Ug sunod nga gipailaila sa anawonser  si Porontoy.
ANAWONSER  :Sige  buhii kanang langaw  nga naa sa garapon aron pusilon ni Porontoy!
Tuod man gibuhian ang langaw  ,ug dayong lanit ni Porontoy sa iyang pusil punting niini. Apan igo lang kining natagak ug wala mamatay.Mihugyaw  ang mga tawo.
ANAWONSER  : Wala mamatay ang langaw nga gipusil ni Porontoy,pero  naputol  ang usa ka pako niini ug dili na kini makalupad pa! Ug,karon atong tawgon si Doming ang pistolero sa Kasadpan. Tuod man mipahiluna dayon si Doming. Milanit kini sa  iyang pusil ug gipabuto  tumong sa langaw, apan ang langaw  wa matagak  ug nagpadayon  kini sa paglupad.  Misuliyaw ang mga tawo  ug mikantalita  kang Domng.
ANAWONSER  : Wa nimo mapatay  ang langaw,Ming, pilde  ka na.
DOMING           : Aw, abi man god nako nga di lang patyon,Sir.
ANAWONSWR :  Di mahimo nga dili nimo patyon,Ming.
DOMING            : Aw,mao diay na? Abi man god nakog  puwede rang kuhaan sa iyang itlog  ang langaw,di lang  patyon!

NASAKPAN

Sa  dihang giabot na untag duka si  Tonyo nakahunahuna kining molibot una sa  makausa pa sa matag lawak  niining eskuylahan nga iyang gibantayan matag gabii.
TONYO (Usa ka guwardiya): Paita ning akong trabaho,kayod  sa adlawan ug kayod sab sa gabii nga tanan aron di masuspenso niining trabaho isip usa ka security  guard.
Sa  dihang  nahatungod na siya sa usa ka lawak  sa kataposang bahin  sa tunghaan may nadungog siyang inagulo sa usa ka babaye ug lalaki. Gikalit niyag  abli ang pultahan  sa lawak nga wala tingale ma-lock  didto  sa sulod ug maoy bantang niyang nakita ang usa ka babaye ug lalaki nga pulos hubo.Wala nay mga sapot  sa lawas.
TONYO : Aha!  Sakpan gyud mo  sa inyong  binuang dinhi sulod  sa tunghaan! Ireport ko  ning inyong binuhatan ugma gilayon ngadto  sa  principal.
BABAYE (Nagkurog nga mitabon sa iyang sapot sa iyang lawas): Ayaw tawon nag buhata  gard kay madaot mi ana...
LALAKI(Midason): Bitaw, Gard.  I-sekreto   lang ni natong imong nahibaw-an ron.
TONYO(Nasuko): Unsay sekreto? Dili na mahimo!
BABAYE             : Tawon,gard maluoy ka.
TONYO               : Dili na mausab ang akong hukom,maayo nang patagmon mong duha niining inyong gibuhat.
LALAKI              : Kon imo ming isumbong sa principal, Gard unsa may  ngan  sa among sala?
TONYO (Naghunahuna.Miigham): A,kasayon. Akong ingnon nga kamong duha nakasala kay  wa na magsul-ob  sa school  uniform!

NAPROMOT

Usa ka higayon niana nga nahiuli si Minggoy gikan  sa ilang  trabahoan malipayon kining  mibalita ngadto  sa iyang  asawa nga si Tikya  mahitungod  sa iyang promosyon.
MINGGOY  : Day Tiks, sa kataposan  naangkon na gyud nako ang promosyon gikan   sa akong gitrabahoan. Lipay kaayo  ko,Day.
TIKYA         : Maayo hinuon,Goy  kay  mitaas sab  ang imong ranggo ron kay napromot ka man kaha?
MINGGOY : O,Day. Niadto kay diha ra man ko sa ubos magtrabaho isip  usa ka  janitor apan  karon tua na gyud ko  madestino  sa itaas...
TIKYA        ; Unsa naman diay imong trabaho ron ,Goy  sa inyong opisina?
MINGGOY : Tua nako sa  atop sa among opisina,Day kay tiglimpyo  na sa mga  abog!

GIKALUY-AN

Nasakpan sa usa ka  hot pursuit  operation ang duha ka gikaintapang tulisan ug manlulugos  nga sila si Pekto ug Dagol.
POLIS : Mao ba kining duha,Mis ang mitulis kanimo ug milugos niadtong  miaging gabii?
TAKYA( Nagbakho) : Mao gyud nang duha,Sir wa ko masayop. Ilado ko nang usa kay dakog ilong ug lisngagon pod  ug kanang usa  singkaw  ang iyang tuong  kamot.
POLIS : Kon  mao na, ako na ni silang  ibalhog  sa prisohan aron ilang atubangon sa korte ang isumbong mo batok kanila.
TAKYA ; Yuna ,Sir Polis.  Kana  lang usa nga singkaw ug kamot maoy dad-a  ug ibalhog didto...
POLS (Nahibulong) : Nganong kini ra mang usa,Mis?
TAKYA                    : Naluoy man god ko  anang usa kay kusog kaayong mitutoy sa akong dughan mora  mag walay  inahan!
POLIS   : Mora!

KINAHAM

ONDOY  : Ko n makakita  ko nimo,Day Mindat espesyal ka gyud nako.( Mikidhat).
MINDAT(Mihikuhiko): Ngano man diay,Doy?
ONDOY                       : Kon makakita  ko nimo  espesyal ka gyud nako kay  maglaway  man dayon ko.
MINDAT (Nahibulong): Nganong  maglaway kaman,Doy?
ONDOY                       :  Nawong  nimo mora man gog buriring nga akong kinaham kan-on!
MINDAT(Namikat)      : Istoryahi!

MAKATUO

Paghiabot ni  Kuryot gikan sa ilang tulunghaan nangutana dayon kini  sa iyang Tatay.
KURYOT    :  Tinuod nang  giingon sa  among maestra,Tay  nga ang tawo kuno gikan  sa unggoy?
TATAY ANDOT : Dili na tinuod uy! Nagpataka lang nang inyong maestra, unggoy god?
KURYOT            : Pero  ako makatuo  man pod,Tay.
TATAY ANDOT(Nahibulong) : Nganong  makatuo kaman, Kuryot?
KURYOT        : Ang- ang ,Tay  imong  hitsura parehas man sa unggoy!
TATAY ANDOT(Natuk-an sa laway): Ngeeh,bunal ka gyud rong bataa ka!

DILI MOBUWA

POLDING : Bay Tikyo kon isagol ang  surf nga  panglaba  ug  tide  sab nga panglaba mobuwa kaha?
TIKYO      : Aw, o god! Alang-alang  man ug dili?
POLDING : Diha gyud ka masayop nianang imong pagtuo,Tikyo.
TIKYO      : Ngano man?
POLDING : Unsaon man pagbuwa anang duha kon way tubig!
TIKYO      : Toink!

MAUSAB NA

ANTOY : Kon imo lang kong sugton,Day  Takya di na gyud ka mag-antos nianang imong apelyido.
TAKYA  : Kay ngano man diay ning akong apelyido,Toy?
ANTOY : Di ba ang imong apelyido nga Buktot man?
TAKYA  : Ngano man diayg Buktot  maoy among apelyido?
ANTOY : Aw di na ka unya mag-antos sa imong  apelyido nga Buktot kay kon imo nakong sugton ug maminyo natang duha...
TAKYA  : Unya, maunsa naman?
ANTOY : Ang Buktot mong apelyido ilisan  naman ug Tuyhad, kay mao man na ang akong apelyido!
TAKYA : Estoryahi!

MAO DIAY

BALONTONG : Niay among iring,Bay buotan na kaayo kay di gyud mokaon sa bisan unsang sud-an nga among ibutang  sa lamesa.
ONTOY:   A,nahibawo nako ana,Bay.
BALONTONG : Unsa may imong nahibaw-an,Bay?
ONTOY            : Dili mokaon ang iring sa sud-an nga ibutang  sa lamesa kay ginamos man?
BALONTONG : Dili pod,Bay.
ONTOY            : Unsa man diay bi?
BALONTONG : Gitangkal naman namo ang among iring unsaon man niya sa pagsungkab sa among sud-an?
ONTOY            ; Butangi!

MODAGAN

Hilabihang lagota ni Bador sa iro ni Lucio nga puwerte gyung manggukod kon dunay mahiagi sa ilang nataran.
BADOR : Naglagot gyud ko nianang iro ni Bador,Kyo kay kusog kaayo manggukod ug dunay mahiagi sa ilang nataran..
TAKYO ; Bitaw,Bay. Daghan nang naglagot anang iroa.
BADOR : Aw, nangita gyud nang  gun.
TAKYO(Nakalitan): Aw, o,Bay kanang  pistola,nga sa ingles pa:gun.
BADOR: Dili na maoy akong gipasabot,Bay.
TAKYO: Aw, unsa man diay?
BADOR : Ngitag tawo gyud na,Bay nga kusog moda-gan.Durog dagan....!
TAKYO : Butangi!

PANGANDOY

Usa ka buntag niana sulod sa klase ni Miss Tambungan nga mileksiyon kini ngadto sa iyang mga tinun-an.
MISS  TAMBUNGAN : Class,mangutana  ko ninyo tagsatagsa  mahitungod sa inyong mga pangandoy sa umaabot nga panahon kon mangadagko namo. Ikaw ,Koing unsay imong pangandoy?
KOING : Pangandoy nako ,Mam nga mamahimong maayong mekaniko.
MISS TAMBUNGAN :Good! Ikaw,Balontong unsay imong pangandoy?
BALONTONG            : Nangandoy ko,Mam nga makaadto  sa Amerika   nya  didto makakitag trabaho.
MISS TAMBUNGAN :Very good! O,ikaw Tequia,mipataas kaman sa imong mga kamot?Unsay imong pangandoy kon madako kana inday?
TEQUIA  : Nangandoy ko,Mam nga makabaton ug but-an nga mga anak ug daghan sab nga mga apo.
MISS TAMBUNGAN: Alright,that's also good! O,ikaw Tikyo,mipataas kaman  sa imong kamot,unsa man sab imong pangandoy?
TIKYO : Kuan,Mam  gusto lang kong motabang ni Tequia sa iyang pangandoy kon madagko nami puhon!

MAPAREHAS

Nagkaabot sa tindahan ni Nang Bibeth ang duha kanhi ka managhigala nga si Pokwang  ug Talino.
TALINO(Usa ka buktot)  : Kon imo pa unta kong gisugot kaniadto,Poks  daghang na unta ta karon ug mga anak,ug mga apo.
POKWANG : Kon gisugot ka pa unta nako ,Talino tingali  parihas na ta ron.
TALINO      : Nga unsa man,Poks?
POKWANG : Nga mabuktot sab ko sa daghang trabaho kay tapolan kaman kaayo!
TALINO      Bangas na!

HAIN AG DUOL?

ONTOG  : Haiy duol  ,Bay ang buwan  o, ang Manila?
ONIK      : Aw,mas duol gyud ang Manila.
ONTOG  : Dili,Bay.
ONIK      : Nganong dili man kuno,Bay?
ONTOG  : Tan-aw kon duol pa ang Manila kita mo unta gikan dinhi kay sa nianang buwan nga kita kaayo nato nga pwerteng hayaga!
ONIK      : Butangi!

KOLOR

BOTYOK : Dunay daghang klase sa saging,Bay ug duna sab daghang matang sa iyang kolor,nahibawo ka?
TIKYO    : Hibawo god. Kasayon ana.
BOTYOK  Bi nganli ang nagkalinlaing matang sa kolor sa saging,Bay?
TIKYO    : Dunay  saging nga ang kolor pula, unya duna sab   berde,unya: ang daghan nga kolor kanang yelo.
BOTYOK: Tiaw mo na kana ra diay imong nahibaw-an?
TIKYO    : May lain pa diay nga kolor sa saging,Bay?
BOTYOK: Duna.
TIKYO    : Unsa mang kolora?
BOTYOK: Kanang kolor nga brawon.
TIKYO     : A,duna diay brawon?
BOTYOK : Duna. Kana diayng nilung-ag  nang saging,di ba brawon?

BUNGOL

Si Iyo Tinggoy nga may edad na ug medyo dili na maayo ang pandungog nangutana  sa iyang apo kon  unsay ngalan niini.
IYO  TINGGOY(Ngadto sa ikanapulo niyang apo): Kinsa gani toy pangalan nimo Inday?
BATA ( Mitubag nga medyo hinay) : Si Maria  Amie man ko,Lo.
IYO   TINGGOY(Bungol ug nakuyawan): Unsa? Duna na poy moabot nga tsunami human sa linog?
BATA : Dili,Lo uy,akong ngan kay si  Maria  Amie...
IYO  TINGGOY(Mikalma): Aw, nindot nang ngana kay Maria Carey!
BATA : Toink!

PATAKA LANG

ETOT    : Bright   man  gyud ka ,Tonyo niay akong  ipahubad  nimo bi.
TONYO: Unsa man na,Bay? Ato lang suwadyan god.
ETOT    : Kon moingon ko nimo nga camera, unsa man  na?
TONYO :Kon kamera, aw wa  moy labot kay  kami ra man.
ETOT     :Cannon, Bay?
TONYO : Luto  nga  humay.
ETOT     : Xerox?
TONYO : Kaon dayon bisan wala giagda
ETOT     : Yamat ra?Kini :COPY?
TONYO : Aw, kape na na nga humot ug aroma.
ETOT     : TINDOG  INTAWON DAY?
TONYO : Kasayon. Nagpasabot na, ug  napulo ka iro didto sa lungsod patay tawon.
ETOT     : Butangi!

SA DAGWAY LANG

BUTSOY : Dili na gyud ron masabtan ang dagan sa panahon,Bay.
TIKYO     : Nganong  nakasulti  ka man niana,Tsoy?
BUTSOY  : Dunay nag-ingon nga ang gugma wa diha sa dagway sa tawo,'pan naa sa batasan...
TIKYO      : Mao nay namatikdan sab sa uban,Bay.Unya...
BUTSOY  : Pero  ang uban,dagway pa lang daan, wala nay batasan!
TIKYO      : Butangi!

ANDER GIHAPON

Maoy naabtan ni Andoy  si Ciano nga diha sa atubangan sa ilang panimalay nga nagbugha  ug kahoy nga kaymito.
ANDOY   (Mitimbaya): Kumosta ,Bay  Ciano?
CIANO(Miyanghag):   O,Bay ikaw man god ni? Aw, nia gihapon,Bay okey  ra!
ANDOY                   :    Aw, maayo hinuon nga may kausaban  na gyud diay ron,Bay?
CIANO(Medyo nakasabot sa buot ipasabot sa higala): Medyo naana pod ,Bay.
ANDOY                 : Aw, maayo hinuon nga dili kana ander ron sa imong asawa nga si Tekla.
Apan didto  sa itaas  sa balay  misinggaak ang tingog ni Tekla nga asawa ni Andoy.
TEKLA(Misinggaak) : Andoy,hunonga nang imong trabaho diha ug pagkawos didtog tubig aron magamit nimo sa paglung-ag kay udto na!
ANDOY(Mibawos  sa pagsinggaak): A, yamat ra!
TEKLA (Samot nga nasuko) : Unsa,Doy moreklamo ka na?
ANDOY(Pinagahi ang tingog) : A, wa may reklamo ,Teks aber hain mang tong balde kay atong kawsan!
CIANO  : Toink!

LAIN ANG PAGSABOT

Gipatawag ni Kapitan Poldo sa ilang  barangay hall si  Tonying aron paatubangon sa daghang reklamo ug pasangil sa iyang mga silingan kalabot niadtong miaging paglinog kay nagpunay kinig singgit-singgit ug tsunami nga diin samot nga nakapalisang sa mga tawo.
KAPITAN POLDO : Nahibawo ka ba Tonying kon nganong gipatawag kanako dinhi sa barangay hall?
TONYING(Nagpangawot sa ulo) : Wa gyud ko masayod ani,Kap kon ngano man ning hitabo-a  ron?
KAPITAN POLDO : Niadtong miaging linog sa Oktubre 15,Martes kadtong adlawa,Tonying nagsige man kuno kag singgit-singgit ug tsunami?
TONYING              : Aw, tinod na,Kap.
KAPITAN POLDO : Tiaw mo na,Tonying mao diay nga samot nga nalisang ang mga tawo kay misinggit kaman ug tsunami? Nahibawo ka bitaw nga kining atong dapit duol ra  sa dagat!
TONYING               : Nagsige bitaw kog singgit,Kap.
KAPITAN POLDO  : Kon mao,duna kay tulubagon niadtong imong gibuhat,Tonying nga maoy nakapalisang sa daghang  mga tawo  May uban niadto nga gipangkuyapan,nangasamad sa pagdinagan ug dunay uban nga diriyot gyud mamatay.
TONYING(Nagpangawot sa ulo): Nganong may tulubagon  man ko,Kap?
KAPITAN POLDO   : Tungod sa imong pagsinggit-singgit ug tsunami nahadlok ug samot ang mga tawo!
TONYING (Nangatarongan) : Pero,Kap ang-ang nga dili ko mosinggit nga..
KAPITAN  POLDO              : Unsay pero,Nying?
TONYING                             : Misinggit ko ,Kap kay nagtawag kos akong anak nga si Chona Mae nga mikaratil sab tawon ug dagan gumikan sa pagkurog sa yuta kay naglinog!
KAPITAN  POLDO              : Butangi!

WALAY HALIGI

Human sa dakong linog nga katalagman nakahunahuna si  Onyot  pagbuhat ug bag-ong desinyo sa pagtukod sa ilang payag. Nahiagi sa ilang dapit si  Hagibis, ug nahibulong sa iyang gibuhat.
HAGIBIS : Unsa man ning estayla sa imong balay,Bay Onyot nga wala man  niy haligi?
ONYOT   : Nagpalain kog estilo,Bay.
HAGIBIS : Unsa man diay ning estiloha sa balay ron nga imong gibuhat,Bay?
ONYOT   : Mao niy balay nga wala nay haligi kay butangan na lang nakog ligid sa dagkong trak!
HAGIBIS : Kuyawa  god?  Nganong ligid man maoy imong ibutang,Bay?
ONYOT   : Aw, wa nay kuyaw kon dunay linog, modagan-dagan naman lang, di dili na  makay-ag!
HAGBIS  :  Butangi!

MORAG DI KATUHOAN

Mao nahimong sumsoman karon sa ilang dapit sa Baryo Turagsoy ang gahom nga nahuptan karon sa higala ni  Ontoy nga si Tasyo.
TONYO : Hibawo  ka ba,Toy nga gidungog man nga usikan si Tasyo?
ONTOY : Yamat ra.Wala man ko makahibawo anang bahina,Bay. Morag lisod man nang katuhoan nga nahimong usikan na ron si Tasyo.
TONYO : Nganong dili ka man makatuo?
ONTOY : Unsaon man niya pagka-usikan nga puwerteng pagkatihika anang tawhana!

MORAG TINUOD

ISOY  : Dunay panultihon,Bay nga matod pa, maayo pang makasilingan ug ungo kay sa usa ka kawatan.
TIKYO: Tinuod na,Bay.
ISOY   : Unsay nakatinuod anang estoryaha,Bay Tikyo?
TIKYO: Naa miy bag-ong silingan,Bay kon ungo pa na siya di unta mawagtang ang daghan nakong manok hiniktan?
ISOY   : Toink!

TABANG

Sa Siyudad atong masundan kining hamtong nga babaye ug lalaki nga misulod  sa dakong tindahan sa Insek aron mangayog hinabang.
BABAYE : Mangayo unta mig hinabang,Sek kay biktima mi sa linog didto sa among dapit sa Bohol.
INSEK (Naluoy): A, o sige ako hatag usa ka karton nga  noodles. 
LALAKI(Miigham): Unya mahimo diay na,Sek nga daghan man kaayo tong among pamilya nga gigutom ug giuhaw nga nagpaabot namo didto  ron?
INSEK(Nakahinuktok) : A,o sige  ako hatag pod usa ka sakong bugas, unya daghan mga mineral water...oki na  na...sige na...ako daghan pa nga kustomer...
BABAYE (Mikisdom ang dagway): Di na gyud na tawon mahimo,Sek.
INSEK (Nahibulong) : Nganong dili man mahimo kana daghan na ako hatag?
LALAKI   : Unya,Sek  ang amo diayng i-plete  sa barko  para  pagbalik sa Bohol?
INSEK      : Sus malo sep!

HOLD-AP

Paghigawas ni Muklong sa dakong tindahan sa Siyudad wa niya damha nga sa dihang naliko na siya sa may eskina dalan Manalili,kini ang mahitabo.
HOLDAPER(Midul-it ug kutsilyo sa kilid ni Muklong): Hold-ap ni,Bay ipagawas gikan sa imong bolsa ang tanan mong kuwarta.
MUKLONG (Nagkurog): Wa- wa koy kuwarta,Brad kita ka bitaw nga bag-o pa kong namalit diha sa dakong tindahan nahurot na ang akong kuwarta.
HOLDAPER (Nasuko): Ayg pangilad,Brad kon di ka mohatag sa imong kuwarta mahimo gyud kang geography!
MUKLONG (Misinta): Ay  kog binuangi,Brad ha,basin ang buot mong ipasabot  niana kay history!

NAKAINOM RA GIHAPON

IKOY : Akong nasaksihan niadtong miaging adlaw,Bay ang kahimtang sa mga Bol-anon dihang nahiduaw ko sa akong  paryenteng si  Muklong nga didto sa Clarin.  Giuyog man god ang ilang dapit sa makusog  nga linog!
ISTONG : Pait kaayo ron ang ilang kahimtang,Bay.
IKOY      : Tinuod na,Bay. Makaon ug mainom maoy  una nilang panginahanglan.
ISTONG  : Lisod gyud diay sila sa pagpangita sa ilang makaon ug mainom,Bay? Unsa man tong kahimtang sa imong paryente nga si Muklong?
IKOY      : Lisod,Bay. Daginot sila sa ilang pagkaon ug mainom. Pero bentaha ang mainom  kay nakakita  man ug paagi didto si Muklong.
ISTONG  : Unsa may iyang paagi,Bay?
IKOY      : Inom na lang kanunay sa iyang tuba kay pananggot man ang iyang pangita,di  libre nas inom!
ISTONG : Toink!

DILI MAKAHIBAWONG MOLANGOY

MELITOY  : Yamat pagka dato na god diay nimo,Bay Amboy kay tulo naman ning imong swimming pool!
AMBOY     : Dato  god tawon,Bay nga mao raman ta gihapon.
MELITOY  : Unya ,pobre pa kaha nang kahimtanga?
AMBOY     : Kanang gamay nga swiming pol,Bay mao nay para sa mga bata kon maligo ug mabaw na para nga sila makatugkad sab.
MELITOY  : Tuod no?
AMBOY     : Kanang ikaduha nga swiming pol nga lawom nag diyutay mao nay para sa mga dagko.Nindot dihang kaligoan,Bay.
MELITOY  : Anugon lang ,Bay kay dili man ko makahibawong molangoy!
AMBOY     : Aw, unsan god diay,Bay dili diay ka makahibawong molangoy? A,wa nay problema.
MELITOY  : Nganong wala may problema,Bay?
AMBOY     : Anha ka nianang ikatulo nga swiming pol kay dili man na butangan  ug tubig.
MELITOY  : Nganong dili man na butangan ug tubig,Bay?
AMBOY      : Aw,para man na sa di makahibawong molangoy kay pwede mang magnilingkoray!
MELITOY   : Butangi!

NAGDUYAN MAN

Nagpunsisok ang mga  tawo diha sa may tindahan  ni Nang Bibeth,ug naghisgotay sa ilang mga kasinatian sa miaging kusog nga linog niadtong miaging Martes,Oktubre 15.
ONTOG : Ako niadtong higayona mao gyuy akong paghungit ug nahibulong na lang ko nga nituasik ang kan-on ug ang sud-an nga akong gigunitan.
ANDOY : Niinom ko niadtog tubig ug puwerteng pagkahilam-os hinuon nako kay mikurog man ang akong kamot. Ikaw, Bay Etot  diin kaman niadtong paglinog?
ETOT    : Wa gyud ko kahibawo nga dunay linog,Bay.
ANDOY : Yamat ra.Pagkakusog  niadtong linog nga 7.2  unya wa ka kamatikod?
ONTOG : Tuya  man gani ang mga  dagkong bilding ug mga balay!
ANDOY : Mao na. Unya,moingon ka nga wa gyud makamatikod sa linog,nganong pagka-unsa-a man kuno,Bay?
ETOT    : Ang-ang unsaon nako pagkamatikod  sa linog nga nagduyanduyan man sab ko!
ANDOY: Butangi!

ANG KABAW NA LANG

NOY  OMING(Mimaymay ngadto sa iyang apo): Dong Jian inig ka hingkod na nimo sa imong panuigon,ikaw na ang motrabaho niining atong basakan...Timan-i na,dong.
JIAN                : O,Lo. Pero,Lo,kapoy kaayo nang  magtrabaho sa umahan,Lo,uy.
NOY  OMING :  A,nganong  kapoy man nga may kabaw man ta diha nga magamit?
JIAN                : Bitaw,Lo. Pero, naay maayo,Lo.
NOY   OMING: Unsa man kana,Dong?
JIAN                : Ang kabaw na lang kaha maoy mag-tractor sa umahan,Lo,labi pa nang maayo!
NOY   OMING: Butangi!

GITUTOKAN

Sa  tindahan ni  Nang  Bibeth,diha sa kilid nga lingkoranan naghukdong si Etot  nga nawong masulub-on.Si Marivic nga nahiagi  sa tindahan ug nakita ang kahimtang ni Etot  maukiton kining nagtutok.
ETOT ( Nakamatikod sa pagtutok kaniya ni Marivic): Naunsa ka diha,Day nga puwerte man gyud nimong nakatutok dire nako? Naibog ka?
MARIVIC (Nanghiwi ): Naunsa ka?
ETOT                        :  Tutok kaman god?
MARIVIC                  :  A,para tutokan ka kon nganong bati kag dagway!
ETOT                        : Ngeek!

NABUNGOL

Paghitangka  gyud ni Edot  sa may eskina padulong  sa Bankal nga mao ang ilang dapit,gitawag niya ang usa  sikad drayber.
EDOT  : Bay,sakay ko sa imong sikad ug ihatod ko sa Sityo  Lumboy...
TRAYSIKAD  DRAYBER: Di ko kahatod nimo,Noy,pangita lag lain kay wa koy brake.
EDOT (Wa kaayo makadungog sa sulti): A,magdrayeb god bisag way  brep.
TRAYSIKAD  DRAYBER: Brep god tawon,Noy.
EDOT                               : Aw,unsa man diay to?
TRAYSIKAD  DRAYBER: Ingon ko,ang akong sikad walay brake!
EDOT                               : Butangi!

DILI MAKADAOT

Nagpatambag  si Kulasa  ngadto  sa iyang bespren  nga si Mindat  usa ka gabii niana dihang nahisuroy kini sa ilang  gipuy-an.
KULASA  : Bespren ,Dat unsaon man nako niini nga mawagtang kining  akong sakit nga sobra ra kaayo ko ma-stress  uy?
MINDAT  : Pagkasayon ra anang problema,bespren,uy. Try to have sex ra  god!
KULASA  : Kalain sab anang tambaga nimo nako,bespren uy! Dili kaha ta madaot ana kon kanunayon?
MINDAT  : Makadaot god? Ni-a ay,paminaw  ra god. Kanang sex,  mao  ni:
                  S....Sleep
                  E.....Eat
                  X.....exercise
                  Unya,makadaot diay na. Bastos gyud ninyog hunahuna nga nagbasa uy!

NASAYPAN

Sulod  sa  multicab nga pasaheroan namatikdan ni Toribia  ang usa ka lalaki nga kalit midip-ig sa iyang gilingkoran.
LALAKI  : Guwapa man ka,Day,duna kay kuwarta?
TORIBIA(Nakalitan): Nga-ngano man diay?
LALAKI  : Ako unta kang hold-apon...
TORIBIA(Nakugang): Aw, unsa god diay? Abi man god nako kon...
LALAKI(Nakalitan sab)  : Abi unsa man,Day?
TORIBIA                      :  Imo kong i-pick  up.
LALAKI                        : Butangi!

MANGITAG LAIN

TONYO  : Haskang iboga na ko nianang Torya,Bay.
ONIK      : Unsay naibgan mo anang Torya,Bay nga dili man kaayo na siya guwapa?
TONYO  : Lingin kaayog lubot,hugot kaayog bat-ang! Kanang matanga  sa babaye ang ako gyung pakaslan.
ONIK      : Yamat ra. Unyag makasal  namo ,ug sa kadugayan masapyot na pod ang iyang lubot ug unya mangluag na pod ang iyang bat-ang nga di na hugot?
TONYO  : A, kasayon.
ONIK      : Unsaon man nimo ?
TONYO  :  Mangita  na pod ug laing lubot!
ONIK      : Toink!

AYAW IAPIL

Sayo  pa gani   sa buntag nag-away na ang magtiayon nga si Timoy ug Toryana.Ang ilang mga tingog klaro kaayong mabati sa ilang mga silingan kay nagsikitsikit man ang kabalayan niining ilang dapit sa urban poor village nga gitawag ug Stone  Village.
TORYANA  : Buang kang dako,imo lang gihurot ang imong sweldo  ka gabii sa inom ug  wala kay gibilin para namo aron makalamoy! Animal kang banaha ka,way  buot!
TIMOY(Wa magpaalkanse): Ikaw maoy  walay buot kay di ka makahibawong mobadyet  ug kuwata! Walay  kapuslanan!
TORYANA(Misamot kalagot): Ikaw,gyuy animal,Timoy.Di ka uroy mauwaw nga hibaw-ang pisot!
Nagpakahilom  lang si Timoy,unya kalit nga milagaak ang ilang pultahan nga sasa nga kawayan.Nagbarog diha sa ilang may  pultahan si Goryo nga nagpangawot sa ulo.
GORYO : Syangan  ba mong mag-away ,uy inyo  mang ilabot-labot ang inyong silingan?
TIMOY  :  Butangi,pisot sab diay ka,pre?

PALABWANAY

Sa tindahan  ni Nang Bibeth nagkaestoryahanay  ang manag-amigong Karpo,Etot  ug Koing.

KARPO  : Akong Lolo nga nag-edad  na ug  80 anyos wa pa gyuy uban sa buhok nga imong makita,Bay.

ETOT     : Yatis ra sab. A,kadtong akong lolo kay 90 anyos na pero wala pa gyuy hingo  sa  iyang mga ngipon.

KOING   : Pagsaba mo diha,uy. Tuay  akong lolo  ay nga 92 anyos na tu-a  pa sa Ospital ron.

ETOT     : Kay nasakit na!

KOING   : Sakit god tawon nga nagbantay man to sa iyang inahan nga bag-o pang nanganak!

GUSTO UNTA

Sa  usa ka religious class  ni  Miss Baliktaw  usa ka buntag niana.
MISS  BALIKTAW : Nahibawo ba mo mga bata nga kadto lamang mga buotan ug sulundon kang Hesus maoy mahilangit. Na  karon,kinsa man kaninyo ang gustong moadto  sa Langit?
Halos tanan nga mga bata ang mipataas sa ilang mga kamot nga nagtimaan  sa ilang gusto nga  moadto sa Langit,apan gawas lamang kang Boknoy nga didto ra sa iyang gilingkoan  nga wala  maggunok.
MISS  BALIKTAW : Dili  diay ka gusto moadto sa Langit,Boknoy?
BOKNOY                : Gusto man unta,Mam.
MISS BALIKTAW  : Nganong  naunta man,Boknoy?
BOKNOY                : Si  Nanay man god ,Mam kay papaulion ko nyag sayo kay pakawson pag tubig!

PLITE TANAN

Nagguot na diha sa sulod sa dihang misakay si Etot sa multicab nga  padulong  sa Siyudad  sa Sugbo.Sa  nagkaduol na sila sa may reclamation area  usa ka babaye  ang mitunol  sa iyang plite.
BABAYE (Usa ka estudyante diay): P100  pesos ,Noy akong plete,estudyante na, dinhi lang ko sa may CDU.
DRAYBER : Ka dako ba ani,wa pa man koy ikasukli.
TAWO (Mitunol  sa iyang plete): O,niay akong plete,Noy P500  pesos  usa ra na. Seaman  ni Noy bag-o lang abot.
DRAYBER(Naglagot): Huwat  lang una,Brad  ha. Pagkadagko ba sa inyong kuwarta nagnihit man ang atong ipanukli ani ron.
ETOT ( Mihinayhinayg tunol sa iyang plite): O,Brad nia ang akong plite,o P1,000  ni.
DRAYBER(Samot nga nasuko): Pagkatoytoy ba ani ron,asa man kog isulti  ana,Brad?
ETOT (Miigham)  : A,ayaw lang nag sukli-i...Plite  na tanan!
DRAYBER : Yamat ra.Ngano man,Brad?
ETOT         : Bag-o  kong  naka-renew  sa  akong 5/6!
DRAYBER : Butangi!

DUNGAN

TOKOY: Hayahay ang birtdi ni Pokloy,Bay kay giihawan siya sa iyang Tatay ug kanding.
TOMAS : Nus-a gani to ang iyang birtdi,Bay?
TOKOY : Niadtong miaging adlaw god,Septiyembre 30.
TOMAS : Unya,nus-a man sab ang imong birtdi?
TOKOY: Tag-ana,kon nus-a  kay  mag-ihaw sab kog kanding basta kon makatag-an ka.
TOMAS : Basta. A,nahibawo nako,Bay.
TOKOY: Bi,kanus-a man?
TOMAS : Ang  imong birtdi di ba dungan man to sa adlaw mong natawhan!
TOKOY : Toink!

ANG NAKALAHI

ANDOY : Daghang  kahibudngan kon sapian na gani ang makasala,Bay Atan.
ATAN    : Pananglit unsa man nga  kahibudnganan kanang imong giingon,Bay Andoy?
ANDOY : Kon sapian ang makasala,bisan adto pa gani sa iyang prisohan padad-an dayon ug mga  medical team nga mohiling  kaniya.
ATAN   : Yatis  ra sab.
ANDOY : Unya kon pobre na gani ang makasala ug tu-a sa bilanggoan,lagmit pang mabulit sa daghang kulatag  piang!

ANG HINUNGDAN

TOKOY  : Nganong misurender and rebeldeng Muslim sa ilang gubat sa Mindanao,Boy?
AMBOY : Nahutdan na sila sa ilang mga bala...
TOKOY  : Di na mao,Boy.
AMBOY : Unsa man diay,Koy?
TOKOY  : Gipaulanan sila sa mga sundalo ug daghang sinugbang baboy ug manteka!
AMBOY: : Butangi!

MIHUNONG NA

Sayo pa gani niining buntag nagtagawtaw na si Donata ngadto sa iyang bana nga si Oldok.
DONATA : Animal kang dako,Dok kay wa gyud ka mobiya nianang imong bisyo sa pagkahimabaye! Nagdala kag demalas niining atong pagpuyo!
OLDOK(Nanglugod sa iyang mata): kasayo ba nimong nagtagawtaw diha Donata,uy di ka mauwaw nga daghang makadungog nga atong mga silingan dinhi sa Stone Village?
DONATA : Uy,kinsay mauwaw? Ako nga way bisyo, o ikaw nga himabaye?
OLDOK    : Nahibawo ka bitawng nibiya nako niana,sige ka gihapog tagawtaw diha.
DONATA  : Biya kaha?
OLDOK    : Bitaw.Wala nako mamabaye ron.
DONATA : Nag-unsa ka naman diay ron?
OLDOK (Pinaluray ang tingog): Aw, nanglalaki na lang!
DONATA : Ngeeh!

PAPILION

MARIA  ; Kon ikaw maoy papilion,Day Tikya asa ka man sa lalaking sugarol o palahubog?
TIKYA   : Sa palahubog na lang ko,Day.
MARIA  : Ngano man?
TIKYA   : Ang palahubog makainom lang bisan giutang.Pero sa sugarol...
MARIA  : Kon sugarol,Day Tikya?
TIKYA   : Way ikasugal kon dili makaseptig ikapuhonan!
MARIA  : Ngeh!

PANGAMPANYA

Atol sa pagpangampanya ni Muklong sa eleksiyon sa  barangay.
MUKLONG   : Kon inyo kong iboto sa pagka kapitan dinhi sa atong baryo hatagan  ko dayon ug daghang kaayohan kining atong dapit...
Misuliyaw ang mga tawo. Namakpak.
MUKLONG (Mipadayon sa iyang diskurso): Maghimo kog daghang kadalanan,baywalk diha sa atong baybayon,ug maghimog tulay nga magdugtong dinhi sa atong dapit ug didto sa kabukiran!
SIDOY ( Nangutana) : Unya,Bay Muklong maghimo diay kag taytayan nga wala may sapa?
MUKLONG (Miigham): Aw, sayon ana. Maghimo una tag sapa,una ang taytayan!

SAGAD

GORYO : Paghiadto nako sa America,Bay kon dunay hisakpan gani nga mangawat didto,balhog dayon na sa bilanggoan.
TIKOY   ; Dali ra gyud diay kaayo,Bay?
GORYO ; Mo lang.
ETLONG: Sa dihang nahiadto ko sa Japan,Bay ang tawo nga mangawat didto unya masakpan,putlan  man dayon sa iyang tudlo.
TIKOY   : Grabe sab ana,Bay.
ETLONG: Mo lang.
TIKOY   : Pero dinhi sa atoa sa Pinas,Bay kon dunay mangawat hiilhan man pero dili dayon mabalhog sa bilanggoan.
ETLONG ; Ngano man,Bay?
TIKOY    : Sagad nila opisyal man sa kagamhanan!
GORYO  : Butangi!

KON MANARBAHO

Usa ka makililimos ang miduol kang Mundo paghigawas niini gikan sa simbahan.
MAKILILIMOS  : Limos tawon,Sir. (Mikangkang sa iyang tuong kamot ngadto kang Mundo).
MUNDO             : Nganong sige man mog pakilimos panarbaho mo (Misinta sa kasuko).
MAKILILIMOS  : Unya,Sir kon tanan ming manarbaho , kinsa  naman lay magpakilimos dinhi?
MUNDO             : Butangi!

NAGKUGI

Mao pa gyuy paglingkod ni Tasyo sa lingkoranan diha sa terminal sa mga bus usa ka batan-ong lalaki ang miduol kaniya.
LALAKI (Mikangkang sa iyang kamot.Aksyon sa pagpangayo): Ga-i  kog kuwarta,Noy.
TASYO(Nakalitan): Naunsa ka diha,Dong? Kadako nimog lawas ,unya mangayo kag kuwarta?Unsa,badjao  ka no?
LALAKI  : Oo,Noy, taga-i kog kuwarta bi...(Mitunol na usab sa iyang kamot).
TASYO(Napungot.Misingka): Pagkatapolan baya ninyo,pagkugi mo!
LALAKI : Nagkugi bitaw mi,Noy.
TASYO(Samot nga napungot): Haiy nagkugi?
LALAKI : Kini diayng sige mig pangayo kay kon magtinapolan mi,patay among bitok!
TASYO : Ahak na!

GIPUGOS PAGPAKAON

TONYO  : Katulo ka naman gyud mabiyudo,Dot  tingale  "bu-ayahon" ka no?
ANDOT  : Dili man,Bay.
TONYO  : Unya,nganong sige kaman ug kabiyudo?
ANDOT  : kadtong akong  unang  asawa man god,Bay namatay to kay nahilo sa gituwang buliring.Unya,kadtong ikaduha sab nakong asawa namatay sab  to kay mikilaw  ug gagmayng butete.
TONYO(Misakgaw): Unya,kadtong ikatulo ayg kog ingna  nga ang namatyan  sab adto kay nahilo  sa buliring?
ANDOT : Dili,Bay.
TONYO : Unsa man diay namatyan na niadtong ikatulo mong asawa?
ANDOT : Gipugos gyud to nakog pakaon ug hilawng  kamoteng kahoy!
TONYO : Butangi!

GIANDAMAN

BUDOY (Miagda sa higala): Bay Iyok mangadto ta ron sa pista sa Maribago.Adto ba sa akong kompare nga si Kompare Tiyoy nindot kaayo ang iyang giandam nato ron,Bay.
IYOK   : Aw, mangadto ta,nindot man kahag andam didtong  sud-an?
BUDOY: Nindot  gyud.
IYOK    ; Unsa mang potahe sa sud-an ang iyang giandam ron nato,Bay Budoy?
BUDOY: Simpol ra god, tinuwang buliring may pares pang hilawhilawng sinugbang kamoteng kahoy.
IYOK    : Ngeeh!

HAPIT NA

BUDOY  : Anus-a kaha mahunong ning gubat karon sa Zamboanga,Bay Itok no?
ITOK (Nagpitokpitok ang mata): Hapit na,Bay.
BUDOY  : 'Nus-a man ?
ITOK      : Kon mahutdan na silag bala!

MOLANSAD

CARDING :Hapit nang eleksyon sa barangay ,Bay Borlos,molansad ka?
BORLOS   : Molansad ko,Bay.
CARDING : Unsang posisyona,Bay?
BORLOS   : Aw,SK,Bay.
CARDING : Binuang gani,Bay nga alang man na sa mga batan-on.
BORLOS   : Bitaw,Bay. SK, Sangguniang Katigulangan.

ANG IKASULTI

BOSYO  ; Kon ikaw maoy pasultihon ug patambagon,Bay ngadto karon sa naggubat nga mga rebeldeng Muslim ug mga kasundalohan,unsa may imong ikasulti?
ONIK     :Sayon  ra ,Bay.Ingnon nako ani pagsulti.
BOSYO  : Nga unsa man?
ONIK     : Undang tas gubat,bahalag sigeng gubot!
BOSYO  : Amaw!

PAREHAS

BANOY : Ngano kaha ,Bay no nga ang kuwarta duna man gyuy nawong sa tawo nga ilakip pag-imprenta niini?
OSOY :    Aw,kay tawo may mogamit sa kuwarta.
BANOY:  Unya,Bay  kon ang kuwarta nay mogamit sa tawo?
OSOY   :  Aw, parehas nas politiko!

IKOG NA LANG

TIKYO :  Hangtod pa ba rong panahona,Bay Okoy dili ka pa mokaon ug isda?
OKOY :  Luod sa akong pamati,Bay bag-o pa man god nga nalunod tong barko nga dili layo sa atong dapit.Daghang nangamatay basin dunay isda adtong nakakaon ug patay!
TIKYO:  Unya,dili ka motilaw niining among gisugba nga  "ubod buwawan" nga tambok kaayo?
OKOY (Nagpanilap): Dili lang ko,Bay.
TIKYO : Aw, basta ha. Amo na lang ning hutdon ug kaon!
OKOY : Yuna,Bay.
TIKYO : Unsa man?
OKOY : Ipabilin na lang nang ikog kay akong kitkiton.
TIKYO : Butangi!

BANA RA TAWON POD

Naaktohan ni Botoy ang iyang higalang si Ontog sa dihang giadtoan kini sa ilang panimalay sa  Sityo Agukoy nga gibatibatig kasaba sa iyang "dambuhalang" asawa nga si Akang.
BOTOY (Mihagawhaw ngadto kang Ontog): Tinuod gyud diay ang ilang giiingon Bay Ontog nga daog ka kaayo sa imong asawa.
ONTOG (Misiga ang mata.Mihagawhaw sab): Daog god.
Si Akang nga naghinan-aw sa duha nga naghinagawhaway misinggit.
AKANG (Suko kaayo.Misinggit) : Unsa ka diha,Ontog imo kong gilibak? Pagtarong diha ha,maigo gyud ka aning binugha nga akong gigunitan ron!
ONTOG (Giabot ug kakuyaw): Aw, ha,Day Kang. Wa uy,bana ra god tawon ta!
BOTOY : Butangi!

KAON GIHAPON

MEDYONG : Sukad nga nalunod tong barko duol  sa Talisay unya daghang nangamatay  ang mga tawo dili na sad ganahan mokaon  ug isda.
TIKOY         : Tinuod na,Bay.
MEDYONG : Ang katarongan  kay kuno  may oil spill unya makadaot sa panglawas.Unya pod luod ang pamati sa mga tawo nga mokaon sa isda ug bisan sa kinhason.
TIKOY        : Pero ako,Bay puwerte man nakong kaon...
MEDYONG: Mao ba? Wala ka mahadlok sa oil spill ba ron o lud-a?
TIKOY        : Luod god tawon nga sardinas man ang gipunayan kog kaon!

PAHIBAW-ON

Nagkusmod ang dagway nga miatubang sa iyang agalon nga si Don Pakito si Ciano kay gibatibati kinig kasaba.
DON PAKITO : Pagka walay hinungdan nimong usa ka security guard,Ciano kay wa man gyud ka makabantay niadtong  kawatan o mga kawatan nga mikawat  sa akong mga mahalong butang dinhi sa balay! Inutil kang dako!
CIANO(Namula ang nawong): Sayop pod na nimo,Nyor  uy!
DON PAKITO (Nakalitan.Nasuko): Unsa? Ug,nganong sayop man nako Ciano?
CIANO : Ang-ang sunod gani,Nyor magbutang tag karatula diha sa gawas nga kon duna ganiy mangawat magpahibawo unang daan sa security guard!

EHERSISYO

DAYANG ; Daghan na kaayo rong uso nga matang sa ehersisyo,Day Melay.
MELAY    : Daghan na bitaw.
DAYANG : Naay ehersisyo nga mag-bike,mag-hike,mag-jogging ug kanang uso rong gitawag nilang sumba! Unsay matang sa ehersisyo nga imong gihimo ron Day Melay?
MELAY    Sayon ra man nga matang sa ehersisyo,Yang.
DAYANG : Unsa man?
MELAY    : Habhab  sa taman ,Yang aron motambok ko gikan sa akong pagkaniwang!
DAYANG : Butangi!

KASINATIAN

BOGOY : Sa imong pagkaboksingero Bay Tiboy,unsay lisod  nga nahimo !nimong kasinatian?
TIBOY   : Daghan kaayo,Bay. Pero dunay lisod nga kasinatian nga lisod gyud nako sa paghikalimot.
BOGOY : Unsa man na,Bay?
TIBOY   : Mauwaw gyud kong mobangon gikang ma-knock out !

GISULTIHAN RA

KOKONG  : Giunsa gyud nimo pagpangulitawo kanang seksi mong asawa Bay Maryo?
MARYO    : Aw,gi-amoralan god taman sa ginhawa aron lang nga iya kong sugton...Ikaw giunsa man sab nimo pagpasugot kanang batio'g nawong mong asawa?
KOKONG : Aw,gisultihan ra god.
MARYO    : Unsa may imong gisulti?
KOKONG : Aw, akong gisultihan nga ako ra tingale Day ang nalibat sa pagpangulitawo  nimo nga bati kaman ug nawong,wa nay lain!
MARYO    : Butangi, mayg wa ka sundanga!

PAREHAS GYUD

Duha ka buang nagkasultihanay samtang  nangutingkay sa basurahan.
BUANG  1 :  Ikaw,Bay unsay hinungdan nga nabuang ka?
BUANG  2 : Tungod nimo!
BUANG  1:  Buang ka diha! Nganong ako may hinungdan?
BUANG  2:  Parehas ta kay namasura sa mga bahong pagkaon dinhi,buang kang dako!

WALA GIAPIL

BOTOY  : Kon makit-an ko lang tong iring nga misungkab sa akong giandam nga sud-an nga humba sa lamesa, ako gyud tong tagudtaguron niining akong sundang!
Didto sa unahang suok sa ilang balay naminaw ra diay ang iyang asawa nga si Tikang. Misinggit kini ngadto kang Botoy.
TIKANG : Saba diha,Toy giunsa man nimo pagkahibawo nga iring maoy misungkab niadtong humba diha sa lamesa bi?
BOTOY :  Ang-ang nga wa man niya apilag habhab ring ginamos nga tupad niadtong humba!

NAHIBAWO NA

TIKYA : Komedya ngani,Karya namatay na diay si Karyo nga imong bana?
KARYA: A,dugay na.Karon pa diay ka mahibawo ana,Tiks?
TIKYA : Karon  pa kay didto man god ko sa Manila sa dugay nang panahon...
KARYA:Giunsa man nimo pagkahibawo karon?
TIKYA  : Aw,duna naman kay  bag-ong bana!

PULOS BUANG 3

Sulod  sa  mental hospital  duha ka buang nga si  Okoy ug Bolado  nagkaestoryahanay.
BOLADO   : IKaw, Okoy  unsay  hinungdan  sa  imong pagkabuang?
OKOY       : Nabuang ko parts  kay higrabehan  paggamit  sa shabu.  Ikaw  pod  nganong nasulod kaman  dinhi sa mental?   Way  nga nabuang kaman?
BOLADO : Ang  ang  di ko  mabuang   ako may   suplayer sa syabu  !

SAYOP PAGSINGGIT

Miulbo sa kasuko ug kalagot si Nang Tikay  ngadto sa iyang anak nga si Dabyana kay iyang nasayran nga nagmabdos apan ang nakaparat kay ang uyab niining si Sebyo wa gyud magpatim-aw kanila aron mangasawa sa ilang anak.
TIKAY (Ang Inahan.Masuk-anon): Di ba giingnan ko man ikaw,Dabyana  nga magmatngon gyud ka niadtong imong uyab? Nawong pa lang ato morag ilhan na nga  uwagon  ug barumbado!
DABYANA (Naghilak) : Nag-amping  man bitaw ko,Nay. Nasipyat lang huh  huh..huh!
TIKAY : Sipyat sa imong kalimutaw! Di ba nagpasidaan ko nimo nga kon mohinol sa imong totoy mosinggit ka dayon ug  AYAW!
DABYANA : Mao gyud na,Nay.
TIKAY(Misamot  kalagot): Unya,kon mohikap sa imong bilahan mosinggit ka dayon ug HUNONG!
DABYANA  : Mao gyud na,Nay.
TIKAY         : Unya,naunsa man ning hitabo-a ron nga mimabdos ka man?
DABYANA  : Unsaon man god,Nay nga gidungan man niyag hikap ang akong totoy ug bilahan, di nakasinggit hinuon  kog  AYAW  HUNONG !
TIKAY (Kakuyapon) : Gi-ahak na ni ron!

BANOSBANOS

Mibadlong si Mingga ngadto sa iyang anak nga bag-o pang miyagyag sa iyang pagkabayot.
MINGGA : Uy Polen ngano gong  nag-panty ka man? Pagsul-ob ug  brief!
POLEN(Mihikuhiko): Nanay  sab  uy  OA kay ka Nay.
MINGGA (Nasuko) : Unsay OA nga panty man nang gisul-ob nimo?
POLEN (Nagbinayot  na gyud): Baya si Nanay  uy, ngano man lagi nas Tatay nga mobanos man sab sa imo!
MINGGA :Aw,ha?

DILI PA

TIKYA : Gusto unta ko Simon nga sa dili pa matapos ang atong kinabuhi dinhi sa kalibotan matapos na ni Tikyo ang iyang pag-eskuwela.
SIMON: Maayo unta,Tikya. Pero lisod pa tingale nang mahitabo uy.
TIKYA : Ngano man Simon?
SIMON: Di man god masayop ang maestro sa atong anak pagkompyot sa iyang grado!

PANAGLAHI

PEDRO : Karon sa bag-ong panahon kon magminyo na gani ang mga batan-on dako na kaayog kalainan.
MIYOK: Pananglit ,unsa man nang kalainan nga imong giingon,Bay?
PEDRO : Niadto  sa atong panahon mangita una tag trabaho aron kon maminyo may ikabuhi sa atong pamilya.
MIYOK: Tinuod na.
PEDRO: Karon,lahi naman.
MIYOK: Unsay  nakalahi,Bay?
PEDRO : Minyo una ipa-uwahi na lang nang pangitag ikabuhi!

KALAINAN

TAKYO : Unsay kalainan sa usa ka babayeng buang ngadto sa usa ka lalaking buang,Bay Sincio?
SINCIO : Ang kalainan  ana,Bay kay kon batan-on gani ang babaye kon mabuang sigurong momabdos,unya kon tigulang pod maoy mabuang panit mangurayot ug manimahong pan-os!
TAKYO : Yatis ra pod. Unya sa kon malalaki?
SINCIO : Aw,kon malalaki kon batan-on pa gani manglutos,unya kon tigulang ang mabuang ingon na lag ahos ang "bunal" manguyos!
TAKYO: Butangi!

DUHA NA

TIKOY  : Dili ka mahadlok  ni Tikang,Bay Onyot  nga imo lang gibinuangan?
ONYOT: Nganong mahadlok man kong Tikang nga babaye ra man na siya. Ang akong kahadlokan kon nabayot pa si Tikang..
TIKOY : Ngano man diay kon nabayot pa?
ONYOT: Dili ka mahadlok sa bayot, nga gawas nga maypagkababaye,unya duna pa gyuy pagkalalaki! Di duha na sila!
TIKOY  : Butangi!.

MIAPIL

SITOK : Naunsa man ning inyong kape,Day silbidora nga aduna may daghang utitod?
SILBIDORA : Wa na gyud mi makahibawo ana,Sir. Amo man lang gibutang diha kanang  vending machine nga  maghulog  kag tag-singko  pesos unya motulo dayon nang kape diha sa matagak nga baso.
SITOK         : Unya,na-a may utitod nga maapil pod?
SILBIDORA: Aw,ambot lang Sir, uy kay niadtong miaging adlaw  bakukang naman gyud tong misagol sa kape!
SITOK        : Ngeeeh!

WALA MAGPALUPIG

TAKYO : Tan-aw ko nimo Bay Onyot puno sa daghang kabalisa na ang imong hitsura! Naunsa ka?
ONYOT : Grabe kaayo rong hapon ang nahitabo sa among eksaminasyon,Bay Takyo.
TAKYO :  Kay ngano man diay,Bay,unsa may nahitabo?
ONYOT : Kuha mog ngano,nga silang tanan nga akong mga klasmets pulos nasero sa eksam!
TAKYO : Yatis ra. Unya,ikaw?
ONYOT : Aw, ako? Ang-ang magpalupig pod, nasero sab tawon.
TAKYO : Butangi!

GIKATLAN

Usa ka buntag niana maoy nahiagian ni Bitong  ang higala niini nga si Tiboy nga naghinuktok diha sa ilang may hagdanan.
BITONG (Mitimbaya): Naunsa  ka,Bay Tiboy nga sayo kaman kaayo nga naghinuktok diha?
TIBOY(Nangilkil sa iyang kalawasan):  Gikatlan ko,Bay  Bitong wala koy maayong kinatulgan sa miaging  gabii.
BITONG(Nahibulong): Uy,ngano man,Bay?
TIBOY                       : Nangatol  ang among kalawasan,ug gihapsan pa gyud kong Tatay Ciano  ug lipak sa kawayan.
BITONG                   : Pastilan no!  Ngano, unsa mang  hitabo-a,Bay Tiboy?
TIBOY                      : Gisugo  man god kong Tatay Ciano kagabii ug pangutang  ug Katol  didto  sa tindahan ni Nang Bebeth,unya dili man siya magpa-utang,mao tong duna koy nahunahunaan...
BITONG                   : Unya,unsa man tong imong gihunahunaan?
TIBOY                      : Mao  To,Bay kay  wala may Katol nga para sa lamok nagkuha na lang kog tanom nga daghan ug dapaw ug maoy akong gipaaso sa among balay.Puwerteng sukoa ni,Tatay Ciano!
BITONG                   : Ngano man?
TIBOY                      : Tabang  mog ngano nga kaming tanan wala makatulog kay pulos gikatlan sa dapaw!Nagsige na lang mig pangawot sa among lawas kay hilabihan ka katol!
BITONG                   : Butangi!

GIPUN-AN

MUKLONG (Misudya): Kon hawod ka pa sa Karate,Bay Tikyo nganong midagan kaman lagi sa inyong kombate ni Sebyo kagahapon?
TIKYO (Maulawon): Alkanse ko,Bay, maayong  maningamot si Sebyo  mao tong nakahunahuna  kog laing paagi kagahapon...
MUKLONG : Unsa man kadtong paagiha?
TIKYO         : Aw, ang akong nahibaw-an  nga KARATE ,gipun-an ko na lang ug "L".
MUKLONG : Mao diayng  Mi-karatel ka na lang ug dagan.
TIKYO         : Mo lang!

NAILAD

BUDOY   : Ara  mang hinanoka nimo kagabii  nga natulog,Tong.
BITONG  : Mao gyud,Doy.
BUDOY   : Wala na diay ka lamoka? Kanunay  ka man gong moreklamo nga daghang  lamok,unya di ka makatulog...!
BITONG  : May paagi nako,Doy.
BUDOY   : Unsa man kanang paagiha?
BITONG  : Akong giilad ang mga lamok.
BUDOY   : Yatis ra. Ilad god? Giunsa man nimo pag-ilad ang mga lamok  bi?
BITONG  : Nagpasumangil kong natulog  ilawom sa moskitero,pero sa dihang nasulod na ang tanang lamok,da ako bitawng gisirad-an wa na hinuon sila makagawas!

MANIMAWOS

Gibatig  dakong kahibulong niining sayong kabuntagon si Otoy  dihang iyang nakita ang iyang igsuon nga si Mukloy nga nanguyat-ag  sa ilang  mga sinena nga gipangbitay  sa may hayhayan ug gipangutingkay ang mga nagtipun-og nga labhunon ug mga kagamitan diha sulod sa ilang panimalay.
OTOY  : Naunsa  ka diha,Noy Mukloy nga imo mang gipangkuyat-ag ug gipangutingkay nang atong mga sinena diha ug ang ubang mga butang?
MUKLOY(Gipaningot sa gibuhat): Naglagot ko,Dong!
OTOY     Kinsa may imong gikalagotan,Noy MUkloy?
MUKLOY : Naglagot kos  daghan kaayong lamok nga nia dinhis  atong balay.Kay wa gyod ko makatulog kagabii!
OTOY       : Unya,Noy?
MUKLOY : Aw,karong buntag nga ilang tingkatulog ako pod silang tugawon!
OTOY       : Butangi!

UNSAY NAKANINDOT?

ONTOY  (Nanghambog) : Nindot  gyud ning  maapil tag  fun run,Bay  Tikong  kay alegre!
TIKONG        : Nindot god tawon nga dagan man gihapon na.Unsay nakanindot niana bi?
ONTOY         : Duna tay t-shirt unya daghan sab ang managan...
TIKONG        : Nindot untag ang  t-shirt  ipanghatag ug dili bayran.Unya  fun  nga dili na lang modagan aron dili ta kutasan!
ONTOY         : Butangi!

NANGATARONGAN GIHAPON

Mikaratil ug dagan si Ondoy  human niya malabni ang dakong bag  nga gidala  sa usa ka "mahuyang" diha sa may dalan Colon.Apan wa  pa  gani siya  makaliko sa unahang eskina  dali lang sab kining  gisignit  sa usa ka Polis  nga nag-atang nang  daan.
POLIS (Mition  sa pusil  ngadto kang Ondoy): Hunong kon di ka gustong akong pusilon niining dala kong  armas!
Tuod  man mihunong si  Ondoy.
ONDOY  : Nganong  imo man kong gipahunong,Sir?
POLIS     : Nanglabni kag  bag didto  sa unahan. Ni-a  ay gi-text  sa kauban kong polis nga paatangan  ka!
ONDOY :  Sayop tingale ka,Sir.
POLIS     : Nganong  nasayop man ko,nga kita ko man nga sitiw  kaayo kang  nagdagan?
ONDOY (Nangatarongan) : Di tawon ako,Sir  uy, nagdagan  ko kay apil man  kog fun run!
POLIS    : Ngeeh!



Paapas: Ang pulong "mahuyang",nagpasabot  dinhi ug bakla o bayot(In English, a gay).

MAO NA NI RON

Tungod sa labihang kapungot ni Tikyo  nga wa gyud magpakabana  sa pagbayad  si Karyo  sa iyang utang nakahukom kini nga iyang ipatawag si Karyo  sa Kapitan  sa ilang Baryo. Tuod man, dihang nagkaatubang na ang duha didto sa barangay  hall gihusay  silang duha  sa Kapitan.
KAPITAN  : Tinuod  ni Karyo  nga nakautang ka ngadto ni Tikyo,ug  wa gyud ka magpakabana  sa pagbayad niini  nga dugay  naman diay ni kaayong maong utang?
KARYO     : Tinuod na,Kap.
TIKYO(Misakgaw.Nagtagawtaw.Gitulisok  si Karyo): Buang ning tawhana,Kap  kay di gyud  mobayad  sa iyang utang dire nako nga dugay na!
KARYO ( Mikalit kasuko): Ikaw maoy buang!
TIKYO  (Misamot  kalagot): Ikaw maoy buang kay ikaw maoy utangan nako?
KARYO(Medyo mikalma)  : Ikaw  gyuy buang hibawo ka bitawng wa pa koy sapi sige kag paningil!
KAPITAN    : Butangi!

DAKOG KAON

Piyesta  sa baryo Kanturatoy. Usa sa daghang mamistahay niining maong dakong kasaulogan karon mao ang nabaniog nga   dakog kaon nga si Pontoy.
PONTOY (Mitimbaya sa nasugatan niyang higala): Way pakal didto sa inyoha,Bay Sidoy?
SIDOY    : Wala man koy hikay  karon niining piyestaha,Bay.
PONTOY : Sige  na lang.
Milakaw  si Pontoy sa unahan ug didto nahiagi  sa balay sa lain niyang amigo nga si Odog.
ODOG (Mitimbaya. nga nagbarog sa ilang may bentana sa balay): Pamista  dire,Bay Pontoy   sa amoa!
PONTOY (Malipayon): Maayo  ni da(sa hilom). Unsa man mosaka nako diha sa inyo  aron mamista?
ODOG   : Aw,kon mamista ka,Bay balik lang unya karong palis kay wa pa man maluto ang kan-on ug ang sud-an!
PONTOY : Butangi!

DILI MAKAHIBAWO

Diha  kilid  sa usa ka  swimming  pool nangutana  si Ondoy  sa   tawo nga iyang gikatapad.
ONDOY  : Unsay  trabaho mo dinhi,Bay?
TAWO     : Lifeguard   man ko dinhi,Bay.
ONDOY  : Aw, laypgard  diay  ka dinhi,Bay.
TAWO    :  Mao gyud ,Bay  ug duha mi ang ni-a dinhi.
ONDOY : Unya, kon simbako  dunay malumos nga maligo dinhi  sa swimingpol kamo maoy  moluwas?
TAWO    : Mao gyud na. Pero ako ray moluwas.
ONDOY : Kadtong  usa ka laypgard  unsa man diay to?
TAWO    : Look out lang  to,Bay  kay dili man makahibawong molangoy!
ONDOY : Ngeeh!

BRAYT KUNO

TIKBOY  : Ingon  ni Masong, bright man kuno ka,Bay, aber duna koy ipangutana  nimo makatubag ka ba kaha  pod niini?
ETOT      : Pangutana kay atong tubagon.
TIKBOY : Kanang tulison  diha nga magsakay  ug eroplano,unsa may tawag ana,Bay?
ETOT      : Sayon. Mao nay gitawag  ug hijack!
TIKBOY : Kanang tulison nga magsakay  sa  iyang sakyanan,pananglit diha  sa iyang awto o sa magsakay ug dyip?
ETOT      : Sayon. Mao nay gitawag  ug  carjack!
TIKBOY ; Mao . Unya, kanang babaye   nga tulison  nga mag-inusara lang ug hubag  pa gyud kaayog sampot  nga mag-ikid-ikid  sa paglakaw ?
ETOT      : Sayon. Kana kay  gustong  tulison,mao nay gitawag ug  torjackon!
TIKBOY : Butangi!

NAKAKATARONGAN POD

Maoy nakit-an  ni Takyo  ang usa ka buang nga nagsigeg  patid  sa poste  sa kuryente. Tinguha tingale niining tumbahon ang poste pero imbes  ang poste  maoy matumba ang buang hinuon maoy  natikay-ang.
TAKYO  (Mikatawa.Mibiaybiay ngadto  sa buang): Tan-awa  imbes  kanang poste  nga imong gipatiran maoy matumba, da ikaw  nahinuon maoy natikay-ang!
BUANG (Misiga  ang mga mata.Ingon  sa naglagot  sa pagbiaybiay): Unyag  ako maoy  natikay-ang,unsa man?
TAKYO   : Aw, buang lagi gyud kang dako!
BUANG (Misamot kalagot) : Na,kon  buang man kaha ko,bi ikaw kuno dire patid  sa poste  kon imo ba ning matumba. Dili gani ka makatumba  niining poste, aw  parehas gyud tang duha buang pod!

MAY IKASIPIT

Nahaigking si Doming sa dihang gikuhit ang iyang kilid sa usa ka tawo diha sa iyang kiliran.Nangayo.
DOMING  : Naunsa ka,Bay nga nanguhit kaman?
TAWO       : Pakilimos ko,Sir.
DOMING  :  Pakilimos god tawon nga hitsas  kaman  sa imong kamot ug makalihok ka kay di kaman pongkol!
TAWO      : A,grabeha sab nimo,Sir, uy  pakilimos ngani nang pongkol nga sa kuwarta way ikagunit ako pa kaha nga dunay ikasipit!
DOMING : Ngeeh!

DAWO DIAY

Adlaw  sa  eleksiyon.
TIKYO  : Unya,Bay miboto gyud  sa imong silingan    nga kandidato sa pagka mayor nga si Otik?
BOSYO : Botar  god tawon!
TIKYO  : Maayong tawo baya na si Otik,Bay, buotan  ug manggihatagon...
BOSYO : Aw ,panahon sa eleksiyon,pero  walay piliay.
TIKYO  : Ngano man?
BOSYO : Manghatag  pay amahong!

DILI MAO

TIKYO (Miamoral ) : Guwapa  lagi ka,Day  Tikya  para  kanako...
TIKYA (Nanghiwi)  : Saba  diha ,Kyo, nahibawo na ko kon unsay isunod mo pang isulti  human ana.
TIKYO                   :  Yamat god.
TIKYA                   :  Bitaw. Moingon dayon ka   ay ,gimahal ko ikaw,Tikya uyab  na ta  ha?
TIKYO                   :  Dili,uy.
TIKYA                   :  Unsa goy  dili Kyo, ay na lang  ta.
TIKYO                   :  Ang sunod  unta nakong isulti nga, Day Tikya  para  kanako guwapa ka kay  manghulam ko nimog  kuwarta  ipalit  ug bahalina!
TIKYA                   :  Ngeeh!

ESPILINGON

Gibuyag ni Islaw  ang iyang higalang Muslim  nga si  Amad  kay mikaon  sa  chicharon.
ISLAW     : Ingon  pa nila igso kamong  mga Muslim dili mokan ug baboy?
AMAD     : Bitaw,Igso.
ISLAW    : Unya,kaon kaman   lagi nianang  chicharon?
AMAD    : Nganong dili man ko mokaon  sa sitsaron?
ISLAW    : Baboy  man na?
AMAD    : Baboy god tawon. Bi,espilinga  kunong sitsaron  kon  baboy  ba?

NAMALIT UG BOTOS

LINO   : Kon  mohatag  ug kuwarta  ang usa ka  kandidato,Bay  Onyot, mao kanay gitawag ug  vote buying  unya illegal   man na.
ONYOT :  Ilegal  god tawon,Bay.
LINO      : Ilegal lagi na,Bay, ug supak na  sa  atong balaod nga nalagda  sa  comelec .
ONYOT :  Unya,niay  usa ka pananglitan kon ako  maoy  mohatag  sa kandidato o politikog  kuwarta,unsa man na?
LINO     :  Ilegal  gihapon,Bay.
ONYOT : Ilegal god tawon nga wala may balaod tingale nianang nalatid bi!
LINO     :  Ilegal  gyud na,Bay labinag  mahibaw-an sa  imong asawa kay maglisod man gani tag palit  ug bugas,unya  manghatag  na hinuon ta anang mga buayang dagko!

TULTOLAN

Usa  ka pari  nga  bag-ong nahiabot  sa Baryo Pinabudlot  nangutana kang  Etot  nga maoy iyang nasugatan.
PARI   : A,Dong  asa  man dinhi  padu'ong  ang dalan sa   inyong  Kapilya?
ETOT(Mitudlo  sa unahan) : Tu-a  sa  unahan pa,Dre,luyo nianang  unang  bukid kay nasalipdan...Subay  lang ning maong dalan ug liko sa unahan, sa tuo...ug  mao na  na.
PARI  : Salamat kaayo nimo,Dong. Unya,karong taudtaod  kay mag-misa man ko didto ngadto unya kay tultolan  tika padulong  sa  Langit.
ETOT (Nagpangawot  sa ulo): Lisod katuhoan nang imong gisulti,Dre.
PARI (Natingala)                  : Nganong lisod  man,Dong?
ETOT              : Sa dinhi  sa yuta naglisod kaman  gani pagtultol  sa among kapilya,unya  ang dalan  pa kaha padu'ong  sa  Langit!

KINAMANGAY

Usa  ka adlaw  una ang adlaw  sa "piniliay"  ,sa tindahan ni Inse Bibeth nagkasultihanay sila si Ikoy ug Oloy.
IKOY  : Niadtong  miaging eleksiyon kusog kaayo ang kinamangay  sa wala pa ang maong adlaw.
OLOY : Bitaw. Da, walay hinungdan ,Bay ,uy!
IKOY  : Wa goy hinungdan nga nakadawat  man kog kinyentos pesos  niadto  gikan sa mikandidato nga mayor.
OLOY : Wa gyuy  hinungdan,Bay!
IKOY  : Nganong  wala may hinungdan,Bay?
OLOY : Ang-ang  nga nasipyat  man silag kamang kay naratsada  man ang akong apohan  nga nuybenta anyos sa ilang kabuang!

PASULTIHON

Miatubang si  Atorni  Tiwas ngadto sa sinumbong nga si Tapaklong aron iya kining sukitsukiton.
ATORNI  TIWAS(Mi- cross examine ) :  Tinuod ba nga imong gipatay si  Tikoy,  Tapaklong?
TAPAKLONG  (Nagpakahilom lang):
ATORNI  TIWAS  : Nganong wa ka motubag sa akong pangutana,Tapaklong?
TAPAKLONG       : Ang- ang,Torni  nga nagtuo man ko nga  hearing  ra ning atong husay  ron,na-a sab diay  pasultihon?

KALAINAN SA TULO

BOTYOK   : Unsay  kalainan  sa mga pu'ong  nga  kuyaw,hadlok  ug naratol,Bay  Tikoy?
TIKOY       : Kasayon nga pangutana,Bay.
BOTYOK   : Bi tubag dayon sayon man kaha?
TIKOY       : Ni- a  ay, paminaw:   kon buntis gani ang imong  asawa,siyempre  kuyaw na kay dugang na sab na sa gidaghanon sa  pamilya.
BOTYOK   : Unya?
TIKOY       : Kon ang imong  kabit na gani maoy magbuntis, na tugkan gyud kag kahadlok  kon mahibaw-an  ning imong  gibuhat  ngadto sa imong  asawa!
BOTYOK   : Unya?
TIKOY       : Aw  kon  mahitabo  na gani nga magkadungan  ug kamabdos ang imong  kabit ug  ang  imong  asawa, anha  gyud nianang higayona nga  magka-ratolratol  na ka!
BOTYOK   : Butangi!

DILI MOKAON UG BABOY

Gusto untang mokaon si Digoy sa kinaham niining larang nga ubod buwawan,apan gipakgang siya ni Onyot sa dihang nakamatikod nga daghan sab nga nangaon niadtong maong karenderiya ang mga Muslim.
DIGOY (Nahibulong): Nganong dili man ta mangaon didto sa atbang,Bay Onyot nga kalami adtong ilang sud-an?
ONYOT(Nangatarongan): Lami  man lagi unta to,Bay pero wala tay  safety  didto.Daghang malditong Muslim nangaon...!
DIGOY                           : Ngano god?
ONYOT                           : Daghan didtong Muslim nga nangaon,maayo dinhi ron sa atong gikan-an kay  safety  na  ta.
DIGOY                           :  Nganong  nahibawo ka man nga septi ta dinhi?
ONYOT                          : Aw, safety  ta dinhi,Bay, kay dili man  moanhi ug mokaon ang mga Muslim  kay karneng baboy  may  ni-a  dinhi  sa  LECHON  HAUZ!                    

TRABAHO

BANOY  : Lisod  kaayo ron ang pagpangitag  maayong trabaho,Bay. Naglisod gyud ang panahon!
TIKYO    : Unyag  maglisod  lisod sab diay mangitag  trabaho?
BANOY  : Lisod  pod,Bay.  Kay kinsa  may  modawat  nimog trabaho nga wala may makasuhol kanimo.
TIKYO    : Tinuod no. Pero,lisod  man tinuod ang pangitag  trabaho,Bay nakatrabaho ra man pod ko.
BANOY  : Aw, maayo hinuon nga nakasulod kag trabaho,Bay. Unsa may imong  trabaho ron,Bay?
TIKYO   :  Naa  sa kompaniya  sa  softdrinks,Bay.
BANOY  : Unsa  man lagi ang imong  trabaho?
TIKYO    : Tig-usap  sa bildo!
BANOY  : Ngeeh!!!

PANGAYUON

Usa ka  gabii niana  nakig-atubang  ug  namalaye  nga mao rang usa si Pidot  sa mga ginikanan ni Petra nga iyang  uyab.
PIDOT( Miatubang sa amahan ni Petra): Noy,nakig-atubang gyud  ko kanimo niining gabhiona  aron pangayuon ko ang mga kamot ni Petra.
AMAHAN(Nakugang) : Ayg  tinonto,Dong.
PIDOT                         : Dili ni binuang o tinonto  ang ako-a ,Noy,Nang.Tininuod na gyud ni!(Miatubang  sab sa inahan ni Petra).
AMAHAN                   : Unya,Dong kon imong pangayuon  ang mga kamot sa among anak nga si Petra di kaha ka mapriso?
PIDOT (Nakugang)      : Nga-Nganong mapriso man ko,Noy?
AMAHAN                   : Ang- ang nga imo mang pungkolan ang among anak!
PIDOT                         : Butangi !

ANG GUSTONG PANGAYUON

Usa  ka gabii samtang  nagpauraray  si Minyak sa mga bukton sa iyang uyab nga si Onyot.
MINYAK  : Kon  pananglit  may gahom ko,Nyot unya  duna kay ihangyo nako nga gusto kong buhaton diha  nimo,unsa man kaha nang butanga,ug  ngano?
ONYOT    : Aw, kon  may gahom ka,Day mao gyud ning butanga ang akong pangayuon.
MINYAK  : Unsa man na?
ONYOT    : Nga mamahimo na lang kon sabon.
MINYAK  : Uy,ngano god tawon nga usa ra man  ka sabon?
ONYOT    : Gusto kong  mahimong sabon  kay uban ko kanimo kanunay  sa imong kaligoanan!
MINYAK  : Ngeeh!

NAKABAWOS

DONATA (Naglagot) : Tan-aw nako nimo Botyok  no sama ka gyud sa kuto!
BOTYOK                  : Kuto god tawon,Day Donata? Nganong naingon man ko sa kuto pod?
DONATA                  : Pagka lami gyud nimong pigsaton  uy!

KUTSARA

BOTYOK(Miamoral kang Donata): Day Donats  sa akong tan-aw ron nimo ingon ka sa usa ka kutsara.
DONATA(Nangyam-id) : Yati ra. Kutsara god tawon,ngano man kuno bi?
BOTYOK                      : Layo ka pa gani sa akong gilingkoran ang akong baba nagnganga!

KINSAY MINYOAN?

Usa  ka adlaw niana  nisuna  si Tikyo  ngadto sa iyang inahan.
TIKYO (Pinaluray  nga tingog) : Nay,magminyo nako...
INAHAN(Nakurat) : Unsa? Magminyo  ka na,kinsa  may imong minyoan nga bayot kaman?
TIKYO (Misinghag): Da,Nanay baya,uy  ang-ang mag bayot pod!

KINSAY BUANG?

Duha ka buang naglalis  sulod  sa mental hospital,si  Tikoy ug Dorot.
DOROT   : Ikaw  buang gyud  ka kay mikaon sa kaugalingon nimong  hugaw!
TIKOY    : Yamat ra. Buang diay na? Ikaw maoy labing buang kay imo man sab nga    gikaon ang hugaw sa uban!
DOROT( Naglagot): A,yamat ra! Buang diay nang mokaon sa hugaw sa kabayo!

AY BAYOT DIAY

Maoy  namatikdan ni Tikoy  ang usa ka maanyag  nga babaye nga mihana  na paglukso  sa taytayan.Iya kining gisinggitan  aron mapakgang  ang buot  niining  buhaton.

TIKOY (Miduol  sa maanyag nga babaye): Ayaw pag-ambak sa taytayan,Mis. Ayaw  pagpakamatay  kay anugon kaayo ang imong  kaguwapa kon imo kanang buhaton...

BABAYE :  Wa nay kapuslanan  kining  akong  kinabuhi karon.

TIKOY (May nahunahunaan): Mahimo ba,Mis  nga sa di ka pa magpakamatay makahawok ko nimo?

BABAYE (Mihikohiko) : Kana lang diay,ako na lang ang mohawok nimo  bi. Kini ba ang akong  mga matam-is nga hawok maoy imong gusto? (Dayong hawok ngadto kang Tikoy ug giukoban pa ang iyang mga ngabil).

TIKOY (Sama sa gialimongawan.Ginindotan sa hawok sa babaye): Yuna,Mis  ngano man unsay hinungdan nga gusto ka man gyung moambak dinhi  sa  taytayan ug magpakamatay?

BABAYE  : Da, dili  man god makadawat  hangtod karon ang akong Tatay  nga magbinayot gihapon ko!

TIKOY (Nakugang): Toinnk!

DILI MOSUGOT

Usa ka gabii niana nahiuban ni Takya ang iyang uyab nga si  Botoy ug gipaila-ila kini  ngadto sa iyang amahan.
TAKYA   :  Tay,mao ni si Botoy ang akong uyab.
BOTOY( Mitunol sa iyang  kamot kay makiglamano): Maayong  gabii, Noy.
AMAHAN (Milamano sab): Maayong gabii sab.
BOTOY   : Ni-a  lagi ko,Noy niuban ni Takya karong gabhiona  aron ka sultihan  nga gusto nakong  mangasawa kaniya.
AMAHAN (Nakalitan): Aw, unsa god diay? Unsa may imong trabaho?
BOTOY      : Sa pagka karon,Noy wala pa koy trabaho kay gikan pa man kong napriso. Mangita pa ko ug kasudlang trabaho...
AMAHAN(Miulbo  sa kasuko): Unsa? Naa kahay modawat nimo  nga  gikan kaman  sa prisohan?
BOTOY : Ambot kaha,Noy.
AMAHAN : Nganong napriso kaman?
BOTOY     : Nakapatay  lagi ko,Noy.
AMAHAN : Kinsa may imong gipatay,ug unsay hinungdan?
BOTOY     : Napatay lagi  nako,Noy kadtong amahan  sa akong uyab kaniadto kay di man mosugot nga mangasawa  ko sa ilang anak!
AMAHAN : Ngeeh!

GUSTOG LINAW

Taliwala  sa nag-asod nga butobuto ug pakapaka sa kanyon  sa ilang palibot,ang duha ka sundawo nga si Imong ug Toryano nakahigayon sa pagsultihanay.
IMONG  : Nganong misulod ka man sa pagkasundawo,Brad Toryano?
TORYANO : Misulod ko sa pagka sundawo,Brad  kay ulitawo man ko.Gusto  kog gubat! Mao ni hinungdan nga nia ko karon niining  taliwala sa giyera,ikaw nganong misulod kaman sa pagkasundawo?
IMONG       : Minyo ko,Brad. Sige ming gubot sa akong asawa. Nia ko karon sa panggubatan  aron mahusay ang tanan, ug makab-ot unta  angkalinaw!
TORYANO : Butangi!

PIKATAN

Ang  malditong  anak  ni  Noy Andoy  nga  si Inggot  nga  nahasum-ok didto  sa Manila,mipadala ug  telegrama  usa niana  ka adlaw. Ania  ang maong  mensahe  sa maong  telegrama:

     " Tay  Andoy  padad-i  ko dire ug  kuwarta  sa Manila kay wala na koy nahot.Natilok ang tanan kong kuwarta sa akong bisyo sa pamabaye,sugal,hithit sa marijuana ug suyop ug  shabu.  Kon dili ko nimo
pada-an  ayaw  na lang paghandom nga duna ka pay anak... Inggot."

Tuod man  inay padad-an ug kuwarta,gibaslan kining  Noy Andoy ug usa ka telegrama. Matod pa sa iyang mensahe  ngadto sa malditong  anak.

      " Dong Inggot , kon masulod pa lang ning maong sulat-telegrama kining  akong mata ,ako nang gipadala. Ako gyud kang pikatan ug mirisi na lang diha sa imong kabuang....Noy  Andoy "

NAHADLOK DIAY

Puwerteng  suko-a ni Pidot kay  kalit  man dayon nga mikuha sa baligya niyang  melon  si  Pokloy.
PIDOT (Misinghag):  Yatis  ra nimo,Kloy kalit man dayon kag panguha sa tinda kong mga melon. Diin  kaman niadtong panahon nga nananom ko niining akong mga melon? Aron imo unta kong tabangan!
POKLOY  : Wa ko adto,Dot.
PIDOT      : Tiaw mo kana! Unya, diin kaman niadtong  nag-ani ko sa akong mga melon aron imo sab kong katabangan sa pag-alsa, aron maluoy ko nimo ug hatagana tikag makaon?!
POKLOY (Giabot ug kapikal sa sermon ni Pidot): Naunsa ka baya,Dot  uy, unsaon man nako sa pagtabang lagi nimo nga didto man ko  sa ilawon sa prisohan  kay nakapatay ug  tawong mapalabilabihon   ug  daw-an!
PIDOT (Nakuyawan.Nahadlok):  Tiaw mo na, kon nisulti  ka pa nako dayon kaganiha ra unta kang makakaon, kuha  lang diha,Kloy!

SAYOP PAGSUWAT

Maoy naabtan ni  Takyo nga usa ka  sepultorero  sa  lubnganang pangpubliko nianang gabhiona, ang usa ka lalaki  nga nagtiltil  sa usa ka nitso.
TAKYO (Miiwag  sa  plaslayit ngadto  sa tawo): Nag-unsa ka diha,Brad  nga imo mang gitiltil  nang  lapida  sa nitso?
TAWO (Usa  diay ka kawatan.Nagpakaaron-ingnon): Da, gitiltil ko ning pangalan sa akong asawa,Brad kay na wrong spelling  man  ang pagkasuwat sa iyang  ngan!

BUTANGAN UG PAKO

Didto sa mangitngit nga  suok ug mamingawng  suwambi  sa ilang panimalay, naghilak uban ang dakong pagmahay ni Poldo  sa  iyang kahimtang.
POLDO (Naghilak) : Pagka-alaot ko ning kinabuhi-a! Nagpakabuhi ko nga usa ka batig  nawong...! Mga langit  pastilan intawon  niining  akong kahimtang,kaluy-a intawon ako...hu..huh..huuuhhh...!
Kalit nga mibutho  sa  atubangan ni Poldo  ang usa ka  maanyag nga Anghel.
ANGHEL   : Among  nakita  didto  sa Kahitas-an,Poldo nga ikaw usa ka tawong buotan  ug masinugtanon sa mga maayong kagawian dinhi sa kalibotan. Busa,nakahukom kami  nga hatagan  ka usab ug mga pako.
POLDO(Gibati ang tuman  nga kalipay) : Salamat intawon,Anghel. Unsa man kon hatagan  nakog pako mahimo sab kong  sama kaninyong  hitsura-an. Nga mamahimo kong guwapo?
ANGHEL    : Dili,Poldo.
POLDO (Gibatig kahibulong) : Aw, unsa man diay?
ANGHEL  : Butangan  kag mga pako para  mahimo kang kuwaknit!
POLDO    : Butangii!

NAHUTDAN DIAY

Puwerteng sukoa ni Butsoy sa dihang iyang nakita ang usa ka langaw nga naglutawlutaw  sa gi-order niining "mami".
BUTSOY (Mitawag  sa silbidora) : Mis,dali ra god...!
SILBIDORA (Gibatig katingala): Ngano man,Sir ?
BUTSOY     : Nakakita ka ani,Mis nga aduna may langaw nga naglutawlutaw  sa order  kong mami,unsa man ning hitabo-a?
SILBIDORA : A,kana,Sir, diskarte ra na  sa among manedyer  kay nahutdan mig  manok nga among untang isagol  sa mami!
BUTSOY     : Ngeeh!

SINIGURO

DIKONG  :  Kon imo kong pilion o botohan sa pagka mayor niining atong lungsod,Syot  siguro  ka gayong makatrabaho.
ISYOT(Nalipay) : Tinuod  ka,Brad Dikong?
DIKONG           : Tinuod lagi.
ISYOT               : Aw,mobotar gyud ko nimo  kay pasudlon man kaha ko nimog trabaho. Anus-a man?
DIKONG           : Unya, na ug ma-mayor ko,Syot.
ISYOT  (Nagpangawot  sa ulo): O,sige mobotar lang  sab ko nimo,Brad Dikong  human na sa elesksiyon  ha  kon  ugaling  makadaog  ka?

KALAINAN

TIKYA  : Karon ug kaniadto  dako  na kaayo ang kalainan  sa manag-uyab.
INSAY  : Unsa may kalainan,Tiks?
TIKYA  : Molabang unag pipila ka bungtod ang usa ka ulitawo aron lang makaadto sa iyang pangulitawhang babaye.
INSAY  : Bitaw. Unya,unsa  pay kalainan,Tiks?
TIKYA  : Karon  mobuntis  una  ang babaye  sa  di pa motungas ug pipila ka bungtod ang iyang hinigugmang lalaki!

PAREHAS SA BABA

TIKOY  :Ang kinabuhi,Bay Abet  naingon  sa  dakong baba.
ABET    : Unsa gong matanga  sa baba, Bay?
TIKOY  : Basta baba kanang  nagnganga.
ABET    : Ngano man  kuno  bi?
TIKOY :  Usahay  motagamtam  sa kapait....motagamtam  sab  sa  katam-is.  Mahimong  maughan,mahimong  matumog  sa  kabasa....unya...
ABET (Misakgaw)   : Unya,unsa man?
TIKOY  : Kanunay  gyung  magnganga , magpaabot  'nus-a  moabot  ang grasya!
ABET    : Butangi!

KOMBINASYON

BITONG : Matod pa nila,Estoy  nga kon ang usa ka guwapo nga lalaki  maminyo sa usa ka guwapa nga babaye, mao kanay  gitawag  ug: perfect  combination!
ESTOY   : Mao ba,Bay. Unya, kanang  guwapo nga lalaki ug maminyo sa usa ka batig nawong nga babaye,unsa man sab na?
BITONG : Mao nay gitawag  nila,Bay, ug :true love!    
ESTOY   : Mao gyud. Unya, kanang  batig nawong  nga lalaki maminyo  sa usa ka maanyag  nga babaye,unsa may itawag niana?
BITONG : Kasayon. Mao nay gitawag ug: Diskarte!
ESTOY   : Mao gyud!  Unya,kon ang batig  nawong nga lalaki makapangasawa  sa usa ka batig nawong sab nga babaye. Unsay itawag ana?
BITONG : Aw, kana?  May pag matay!

KOMEDYANTE NA

ONDOY  : Karong hapit na ang eleksiyon ,Bay Benito ang mga tawo nahimo nang komedyante.
BENITO( Nahibulong): Nganong nakasulti  kaman niana,Bay?
ONDOY                    : Ang- ang kay ang mga politiko  mao may   nahimo kanunay nilang sumsoman sa ilang komedya!

LAING PANGAYO

TAKYO  : Niadtong unang panahon kon  mangasawa,ang lalaki pangayo-an  dayon ug bugay.
NIDO      : Bitaw, Bay.
TAKYO  : Pero karon lain na ang pangayu-on.
NIDO      : Unsa  man?
TAKYO  : Bigay o  deposit  dayon!

MAGPIYONG GIHAPON

TIKYO   : Unsaon man pagkatulog sa buktot,Bay  Imong?
IMONG  : Aw, kay buktot man siyempre magtakilid gyud.
TIKYO   : Dili na mao,Bay.
IMONG  : Unsa man diay?
TIKYO   : Magpiyong gihapon kon matu'g!

DILI PUYDE

Sa  didto na sila sulod sa dakong Mall hilabihang pikala ni Sebya nga nagtan-aw sa "sipat sa mga babaye "niyang bana nga si Etot. Naglirawliraw ang mga mata niini nga nagsigeg panutok sa maanyag kaayong mga babaye nga mugbo ug body fit kaayog gipanul-ob nga sinena. Aron makabawos  kang Etot may nahunahunaan si Sebya.
SEBYA( Gidakol si Etot.Nagyawyaw): Animal kang dako,Tot! Hayop kang pagkabana!
ETOT (Giabot ug kahibulong)  : Na-Naunsa ka diha,Sebya nga imo man kong gidapog?Kasakit sa akong ulo nga imong gidakol!
SEBYA(Misamot kasiga ang mata sa kalagot): Animal ka gyung dako Etot! Peste ka,lakawg imo didto...!
Pagkataudtaod  miduol ang  security  guard  sa  Mall  kanila ni Sebya  ug Etot  nga hapit na mag-away.
SIKYO (Migunit sa bukton ni Etot) : Manggawas  ta,Brad. Dili ka  pasudlon dinhi..
ETOT (Giabot ug dakong kahibulong): Unsa,nakasulod na hinuon ko unya pagawason na pod?  Unsa god ni?Ngano man,Brad?
SIKYO (Mitudlo  sa dakong pahibalo): Tan-awa ug basaha nang nasuwat sa pahibawo,Brad.
ETOT (Mibasa  sa pahibawo): ANY KINDS  OF ANIMALS ARE  NOT ALLOWED  HERE!  Butangi!

WALAY SAPI

Usa ka buntag niana miduaw si Tapaklong sa iyang higala nga si Tiboy sa gipuy-an niini  sa Maribago.
TAPAKLONG    : Miduaw ko nimo,Bay  kay ingon pa ni Kulas may sakit man kuno ka. Tinuod na,Bay?
TIBOY                : Tinuod na,Bay.
TAPAKLONG(Mitutok sa higala) : Sakit god nga kabaskog nimong tan-awon,ug morag abtik kaman manglihoklihok!
TIBOY                : Mora bitaw,Bay.
TAPAKLONG    ; Unya,hain kaman dapita  masakit?
TIBOY                :  Di-a sa akong bolsa,Bay.  Wa  man gyuy mokagay bisan gamay!

LAING TRABAHO

TAKYO (Naglagot sa usa ka sipat nga makililimos) :  Nganong  ganahan man gyud mong mangayo nga unta baskog man ang  inyong lawas ug makahimo pa man mo sa  pagpangitag laing trabaho?
MAKILILIMOS(Morag nauwaw.Miduko):  Duna man koy laing trabaho sab Sir gawas niining akong pagpakilimos sa mga tawo.
TAKYO         :  Aw kana maoy maayo! Unsa man nang lain mong trabaho?
MAKILILIMOS:  Suholan man sab mi usahay,Sir pagpatay sa mga aroganteng tawo! Gun  for hire  god,Sir!
TAKYO             Ngeeh!

MAY IKADAWAT

Puwerteng  pikala ni Pakdot kay gisegihan siyag kuhitkuhit sa iyang kilid sa usa ka tawong makililimos.
PAKDOT             : Naunsa ka diha nga nagpunay kaman  ug panguhit sa akong kilid,Bay?
MAKILILIMOS (Mikangkang sa kamot); Magpakilimos ko nimo,Brad.
PAKDOT             : Yatis ra sad nimo nga magpakilimos  nga baskog pa kaayo!
MAKILILIMOS   : A,magpakilimos man ganing pungkol nga way kamot nga mokumkom sa kuwarta. Ako pa  nga naay kamot nga ikadawat!
PAKDOT             :Butangi!

LAHI NA

TAPAKLONG    : Niadto  ang mga ginikanan kon mosugo  sa ilang mga anak  motuman dayon. Apan, karon lahi na.
ETOT                  : Naunsa naman diay karon?
TAPAKLONG    : Moingon man daan ang bata nga suguon, naay singko?

NAUSAB NA

TIKBOY    : Dako na kaayo karon ang mga kalainan  sa mga pagpanglabay sa panahon,Bay Goryo.Pananglit,niadto nangandoy ta ug hayag kaayo panahon sa gabii ug kana   natuman kay naa namay elektrisidad.
GORYO    : Tinuod na,Bay.
TIKBOY   : Apan karon morag inanay mang nausab...
GORYO   : Ang unsa man,Bay?
TIKBOY  : Ang  mga tawo gusto naman sab nga magpangitngit ug dili maklaro kon unsay ilang buhaton nga walay  dan-ag sa elektrisidad!
GORYO   : Butangi!

PAPULIHON

Nagkaguliyang ang sityo Aguk-ok  tungod sa usa ka pagpang-hostage  nga gihimo sa kulangkulang nga si Unggok.
POLIS  ( Mimando kang Unggok) : Buhii nang bata nga imong gi-hostage,Unggok! Surender  na lang sa kapolisan ug ayaw pangangin ug ubang tawo kon unsa man kanay imong problema.
UNGGOK                : Sige,mosugot ko nga buhian ko kining bataa  nga akong gihostid,ubos sa usa ka kondisyon.
POLIS                      : Sulti,unsa kanang maong kondisyon,Unggok?
UNGGOK                : Duol ngari kay ikaw nasab maoy akong i-hostid!

NAA DIAY

Human nga gi-eksamin  ni Doktor  Tapaklong si   Minot  masulub-on kining mipahibawo sa iyang pasyente.
DOKTOR   TAPAKLONG   : Sigun sa akong  nadiskubre  sa pag-eksamin kanimo,Not aduna  kay kanser sa utok.
MINOT ( Nakalitan): Tinuod ka,Dok?
DOKTOR TAPAKLONG : Mao kana ang tinuod,Minot.
MINOT                             : Hay salamat.
DOKTOR TAPAKLONG(Nahibulong): Nganong nakapasalamat kaman hinuon?
MINOT                                                :  Ingon sa akong asawa wa kuno koy utok, naa man diay!

PAREHAS ANG KAHIMTANG

Nagkita ang suod nga manag-amigo nga si Koing ug  Etot   usa ka sayong buntag niana sa tindahan ni Inse Bebang.
KOING     : Kumosta,Bay Tot, long time no see man.
ETOT        : Nia tawon ,Bay Koing nagkalisod sa panginabuhi. Wala na koy trabaho ron. Maoy pag-ingnon nga one day one eat  ko karon sa akong  kahimtang.
KOING     : Aw, parehas sab diay ta ani,Bay Tot nga dunay lisod nga kahimtang ron.
ETOT        ; Unsa may kahimtang mo karon,Ing?
KOING     : Na, mao poy pag-ingnon nga  one night one shit!

MIKILAW

EDOT      : Pastilan,Bay no  namatay  man diay ang atong amigo nga si  Tinoy.
INGGOT : Bitaw, Bay.  Naglikay siya sa pagkaon sa baboy kay makahayblad  unya didto   hinuon mikilaw sa  isda. Ug,mao  gyuy  namatyan!
EDOT      : Yatis ra sad nuon,Bay. Mikilaw lang ug isda  ug   didto   hinuon  namatay?
INGGOT :  Ang- ang  nga  butiti  man sab ang isda nga iyang gikilaw,puwerteng  pataya!

BUNGOL

Paghigawas  ni Minoy  sa  simbahan  gisugat siya  sa daghang buta nga makililimos.
BUTA  1   : Limos tawon ,Noy  sa tawong buta.
BUTA   2  : Limos pod Noy sa tawong napagngan sa kahayag, maluoy  ka...
BUTA   3  : Limos  pod Noy ning tawong dili na  makakita.
MINOY    : Panghilom mo diha, ari man mo  mangayog limos nako nga  tawong bungol!

MATAPOS

TIKOY      : Sa panghitabo karon sa atong panahon,Bay Onie mao na kini ang tilimad-on nga hapit na matapos ang atong kalibotan.
ONIE         : Na bahala nag matapos ang kalibotan,Bay Tikoy basta di lang matapos ang buwan.
TIKOY      : Ngano man,Bay?
ONIE         : Kay  kada tapos god sa buwan daghan kaayo kong  bayranan!

MAKADUNOT

KOING (Mibadlong kang Abelino):  Hunong na sigeg inom Noy Abelino , makadunot baya na sa tinai ang bino.
ABELINO (Namikat)   : Dunot god. Kon makadunot pa ,mauna unta ning botelya nga gisudlan sa bino!

ALIMUOT UG HAYAHAY

DONSOL   : Hayahay ka,Bay Cualing kay sapian kaman...
CUALING  : Unsaon pagkahayahay ana,Bay  nga sapian man bitaw ko para sa tan-aw sa uban,pero naputos man sab sa  daghang mga utang. Ikaw,hinuon.
DONSOL   : Aw, alimuot man hinuon kog  trabaho,pero duna man sab hinuoy hayahay.
CUALING  : Unsa man na,Bay?
DONSOL   : Sigeng alimuot kay naninda raman tawon kog lugod,pero hayahay man sab labi nag human sa pagpanglugod  manabon ug magbubo  na'g  tubig!

HAYAHAY UG ALIMUOT

TIKYO   : Unsa may imong trabaho  o negosyo,Bay  Ukoy?
UKOY    : Akong trabaho,Bay  hayahay pero alimuot.
TIKYO   : Unsa man nang klaseha sa trabaho,Bay?
UKOY    : Ang ako lang niining trabahoa abtik gyud kay kanunay man nga hayahay.
TIKYO    : Unsa man na lagi,Bay?
UKOY    : Negosyog  shabu hayahay  kon di hisakpan pero alimuot kon madakpan kay adto man sa prisohan.
TIKYO   : Butangi!

ANG KALAINAN

TIKYA  : Mangutana ko nimo Toy ,  unsay kalainan niiing duha ka pulong nga Ingles ,ug hubaron nato sa Binisaya?
ONTOY ; Unsa man nang Pu'onga?
TIKYA   : Uns mang nang  confident? Ug,unsa man sab ning confidential?
ONTOY : Sayon.
TIKYA   : Tubaga?
ONTOY : Confident (makasalig) gyud ko nimo,Day Tiks kon ikaw na ang mamahimo kong asawa.
TIKYA   : Yatis ra. Unya,kanang confidential?
ONTOY : Mahimo gyung confidential ( walay mahibawo o sekreto) ang atong kaminyuon aron di gyud ko magukod sa unang babaye nga ' kong gipakaslan!

NAGHIBAT NGA PANAN-AW

Gibadlong ni Inggot si Raki kay labihan na niining huboga. Pakyas man god sa gugma maong patuyang na lang sab kinig inom sa tindahan ni Nang Betang.
INGGOT    : Husto na,Bay  Raki sa imong pag-inom kay labihan kana kaayong huboga  o! Nagsusapinday ka na mang molakaw...
RAKI          : Unya,tan-awa lang kon di pa ba ko kahimo (hek) sa paglakaw... Sige pang inom (hek) bahalag mahurot nang  colt 45 diha !
INGGOT     : Tan-awa ,Bay  Raki lisod kana sa imong  panan-aw..
RAKI    (Nasuko) : Haiy kalisod sa atong panan-awng duha(hek)?
INGGOT              : Lisod na kanang panan-aw nimo,Rak  gumikan  sa kahubog o.  Hibat na!
RAKI                   : Haiy  imong panan-aw nako pila man man ko ka buok bi(hek)?
INGGOT (Nga usa ka libat): Aw, duha na.
RAKI                                 : Aw ikaw(hek) maoy hubog,dili ako!

MAOY MOBAYAD

Maoy namatikdan ni Ontoy ang duha ka mga anak ni Etot nga sila si Petak ug Irot nga nagsigeg  kinataw-anay samtang ang ilang amahan nga si Etot nanampiling diha sa suok sa ilang balay.

ONTOY (Nangusisa) : Bay,Tot naunsa kaman diha nga nanampiling kaman nga sayo pa man kaayo ron sa kabuntagon?

ETOT   : Naguol ug nalipay,Bay.

ONTOY(Nahibu'ong) : Naunsa god nang pagkahitabo-a,Bay Etot?

ETOT    : Kita mo,Bay nang duha ko ka mga anak.

ONTOY: Malipayon  kaayo sila,Bay,o!

ETOT    : Mao na.

ONTOY: Unya,ngano man lagi nga unsa mang pagkahitabo-a nga matod pa nimo,naghukdong ka diha kay nalipay ug naguol?

ETOT (Kahilakon) : Kanang akong anak nga  si Petak  naa nay ipad.Si Irot naa na sab ipod.Pero,ako...

ONTOY               :  Unya,Bay naa sad kay imo?

ETOT                   :  Mo lang na sad,Bay kay ako may mo i-paid !

ONTOY              :   Butangi!