PANGEDARON

DONDOY  : Nahibawo ka ba,Bay unsay kahulogan  sa atong mga pangedaron ngadto na sa atong pagkatiguwang?
ODOG       : Wa ra ba da. Ikaw,unsa may imong nahibaw-an,Bay?
DONDOY :  Nia,Bay. Sa mag-edad pa gani ta ug  4  anyos ngadto na sa 10 anyos,mao nay padaghanay sa mga duwaan.
ODOG       : Tuod no.
DONDOY : Unya ,kon mag-edad ta gikan sa 10 anyos ngadto na  sa 19 anyos, mao nay patas-anay pagkuha ug maayong grado sa eskol.
ODOG       : Tinuod kaayo,Bay.
DONDOY : Unya,kon mag-edad na ug 20 anyos ngadto na sa 26 anyos padaghanay na sab sa uyab o tsiks.
ODOG       : Klaro.
DONDOY : Kon mag-edad na ug 27 anyos ngadto na sa 36 anyos paguwapahay na sab sa asawa.
ODOG       : Mao gyud.
DONDOY : Unya ,kon mag-edad na  sa 37 anyos ngadto na sa 47 anyos padagkoay na sab sa income. Kanang  makatigom  gyud ug  daghang  kuwarta sa bangko,mamalit ug luhong sakyanan ,ug magpabuhat ug dako kaayong balay. Magbakasyon bisan asang maanindot nga  mga tourists destinations.
ODOG      : Sure gyud ka ana,Bay.
DONDOY: Na karon sa mag-edad na ug 48 anyos ngadto na sa 56, mao dayon na ang kontes sa padaghanay ug kabit.
ODOG     : Mo lang.
DONDOY: Unya,kon mag-edad na sa 57 anyos ngadto na sa  65 anyos padaghanay na sab sa lainlaing sakit!
ODOG      : Tinuod na,Bay ug mahal na ra ba pod kaayo ron ang tambal!
DONDOY: Ug kon makatungtong na sa edad nga 66 anyos ngadto na sa 77 anyos panindotay na sab.
ODOG      : Unsa may panindotan,Bay?
DONDOY: Aw,may lain pa,panindotay na sab asa  ilubong nga  menteryo ug mahalong lungon!
ODOG      : Butangi!