PAABOTON NA LANG

 TORYANO : Kon dili man gyud kapungan nga moulbo ang giyera,Koy tali sa Tsina ug Taiwan ,unya molasik ang kagubot dinhis atoa,unsa may imong buhaton?

 MUKLOY : Aw, wala.

 TORYANO: Unsa? Unya, dili diay ka motago?

 MUKLOY : Dili na pareha niadtong  Ikaduhang Gubat,Toryano nga duna pay daghang dapit katagoan ug mga gaang sa atong kabukiran nga kapahipian niining panahona ron. Nahawan na!

 TORYANO: Unya, mag unsa naman lang diay ka,Kloy?

 MUKLOY : Aw, paabot na lang.

 TORYANO: Unsa may imong paaboton?

 MUKLOY : Paaboton na lang nakong baseyo sa ilang mga bala nga mangatagak,aron akong unyang ipatimbang,makasapi pa ko!

 TORYANO: Ngee!

KINSA KAHA?

 TAKYO : Hapit naman gyung eleksyon sa barangay, Toy nakapili ka na kon si kinsa maoy imong botohan pagka Kapitan ug sa mga konsehales?

 IKTOY : Wa pa,Kyo. Naghunahuna pa ko.

 TAKYO : Unsa pa may imong gihunahuna  nga hapit na ra ba.

 IKTOY : Mao lagi. Kinsa kaha?

 TAKYO: Kinsa ba?

 IKTOY : Ang dagkog hatag!

 TAKYO : Butangi!

WA KASABOT

 TORYANA ( Midip-ig  sa  dughan ni Botoy): Toy (sa paraygong tingog),hayag kaayong buwan no?

 BOTOY (Mihangad sa itaas): Aw, o buwanon man karon,Tors.

 TORYANA(Mitimang ug laing estorya): Abi nimo,Toy no, kanang atong silingan  ba nga bag-ong nag-abang sa ilang abangan ni Donata,labing kaayo.

 BOTOY(Mitingkag ang dawonggan): Ha? Mao ba? Nganong nakasulti kaman ana nga labing na sila?

 TORYANA: Nakita man god nako nga sa matag gikan anang lalaki padulong sa trabahoan,mohawok una nis aping sa iyang asawa. Unya,inig balik-uli na pod gikan sa trabahoan maoy akong masigpatan dinhis atong balkon nga kanang lalaki may itunol nga tsokolit sa iyang asawa.

 BOTOY: Hala kanindot god!

 TORYANA(Mihapuhap sa may pondyohan sa bana): Unya,Toy makahimo ka ana?

 BOTOY ( Nakalitan): Ha! Dili ko uy!

 TORYANA( Mikalit pagsinghag): Nganong dili ka man makahimo ana bi?!

 BOTOY (Kahilakon): Uy,Toryana unsay imong gustong mahitabo nga ipapatay ko nimo sa iyang bana!

 TORYANA: Ngeeh!

MAKALINGKOD MAN

 BOTOY : Nganong wala man  ka modayon paglansar isip konsehal sa atong baryo,Bay Abyot?

 ABYOT: Nakahunahuna kos tambag sa  akong asawa,Bay nga si Margarita.

 BOTOY: Unsa mang tambaga niya,Bay Abyot?

 ABYOT: Dili gyud kuno ko makalingkod nga konsehal ,Bay.

 BOTOY: Yamat god? Sa paglingkod lang? Imposible god ana!

 ABYOT: Nganong imposible man,Bay? Makalingkod gyud diay ko?

 BOTOY : Mo lang! Kadaghang lingkoranan diha sa opisina sa atong baryo!

 ABYOT: Butangi!

MAOY SAKTO

 TAKYO: Naunsa ka,Bay Atoy nga galuha man nang imong mga mata?

 ATOY: Nangasaba nako  si Juliana,Bay Takyo.

 TAKYO: Si Juliana nga imong asawa? Yatis ra,nganong gikasab-an ka man kuno niya?

 ATOY : Nabuak naman god  nako ang among alkansiya sugod ning pagpangampanya  sa umaabot nga eleksiyon. Unya ingon siya nga walay kasiguroan ning akong paglansar!

 TAKYO : Mao ba? Unsa goy walay siguro,nga klaro man kaayo na.

 ATOY (Misaya ang dagway) : Aw, siguro gyud diay,Bay Takyo? Sigurado gyud kong makalingkod pagka konsehal dinhi atong barangay?

 TAKYO: Murag sakto,Bay.

 ATOY: Mao lagi,sakto gyud ko nga milansad ug modaog gyud ning eleksiyona karon sa barangay?

 TAKYO: Dili,Bay. Si Juliana mao gyuy insakto nga  nga dili gyud ka makadaog!

 ATOY: Yay!

MIUNDANG

 BOGOY : Wa na ko kakita sa imong mga paukyab nga post  sa Pesbok,Bay Emok?

 EMOK   : Ako nang giundang akong akawont  sa Pesbok,Bay Bogoy.

 BOGOY : Mao ba? Ngano man?

 EMOK:    Kanang mo post nga ikaw ray mo-likes.

 BOGOY : Unya?

 EMOK   : Kanang mo-likes  ta sa uban nga sa akoa  kanunay lang labyan!

 BOGOY: Butangi! Gi-unfollow  na lang unta, he - he -he!

GITILAPAN RA DIAY

 KITOY : Tinuod nang makahilo ang buliring,Bay Ciano?

 CIANO: O, tinuod na! Ngano mikaon ka,samot na kon hilaw pagkaluto-a!

 KITOY : Aw, wa man ko mokaon.

 CIANO: Unya,nganong nangutana ka man kon makahilo ba  ang buliring?

 KITOY : Mitilap ra man god ko!

 CIANO: Ngeek!

DILI MAKADAGAN

 TIKBOY: Dagan pagka kapitan dinhis atong barangay niining umaabot nga eleksiyon,Bay Tibor.

  TIBOR : Dagan,Bay? Dili ko uy!

  TIKBOY: Ilado man god kaayo dinhis atong dapit,ug sigurado gyud nga daog ka kon ikaw maoy modagan.  Nganong dili ka man modagan?

  TIBOR: Pastilan,Bay Tikboy kon modagan man galing ko kuyaw.

  TIKBOY (Nahibulong): Ngano man,Bay?

  TIBOR : Kutas kaayo nang magdagan,usa pa peligro sa  akong almoranas!

  TIKBOY (Miagik-ik): He-he-hee,toink!

  

MAS LABAW KALAMI

 Nagkukabildohay ang managkomareng Berta ug Marciana  usa ka adlaw niana.

 BERTA: Lami gyud ning utan,Mare labinag sarisari lang.Masustansya pa!

 MARCIANA: Mao gyud,Mare. Mas lami pas baboy kay dili makabidli maski daghan ang atong mahabhab!

 TEMOY (Mitimang pag-estorya nga kaganiha ra diayng naminaw nila): Pero,duna pa gyuy mas lami anang giingon ninyong utan ug pulos baboy nga potahe.

 BERTA: Unsa man nang potahe-a  bi,Temoy?

 TEMOY: Aw, kanang potahe  sa utan nga dunay subak sinugbang baboy!

 MARCIANA: Butangi!

PADAOBON

 TAKYA (Misugo kang Abloy) : Kanaog didto  sa  silong,Bloy ug pagdaob!

 ABLOY (Nakalitan) : Ha? Yamat ra,dili  ko  uy!

 TAKYA( Napikal) : Animas! Kanaog didto pagdaob  kay gikitkit nami dires lamok!

 ABLOY (Ingon sa nakasabot na): Aw, magdaob diay aron moaso pawagtang  sa  lamok.

 TAKYA : Unsa  man diay?

 ABLOY: Abi kog ako maoy imong daoban!

 TAKYA (Misinggaak): Naamaw  ka!

PIRMENG MAGKAON

 BOTYOK : Kaon ka aning linat-ang baboy,Syo?

 TASYO:     Di ko ana uy,maka hayblad man na. Nag-limite  na kog kaon ron ug baboy.

 BOTYOK : Hayblad god,maymag sige kag kaon ani nga  motaas sab  ang imong dugo?

 TASYO : Mao bitaw kay sige kog kaon ana.

  BOTYOK : Yatis ra? Gasige diay kag kaon ug baboy?

  TASYO : O,uy!

  BOTYOK : Wa man ko kakita nimo sigeg kaon  ug baoy,pansit hinuon.

  TASYO : Mao bitaw. Unsa may sagol anang pansit,di ba hiniwang baboy!

  BOTYOK : Butangi!

SENIOR CITIZEN NA

 SIDRO : Karon nga ikaw na senyor sitisen  na,Bay  Ongkoy  unsay imong gibati?

 ONGKOY : Daghan ,Bay.

 SIDRO: Aw, ingon niana gyud. Gibati mo ba ang kalipay,Bay?

 ONGKOY : Wa ko batiag kalipay,Bay  uy!

 SIDRO: Uy,nganong wa man ka batiag kalipay kana pa hinuon daghan kag ma-discount  sa  imong pagka Senyor  Sitisen?

 ONGKOY : Unta.

 SIDRO : Nganong na unta man?

 ONGKOY : Mo-discount sab unta ning daghang panakit nga gibati ron  sa  akong lawas!

 SIDRO: Ngeeh!

DILI. MAKATULOG

 TAKYO : Makalagot among silingan,Bay kay sige lag kanta sa ilang videoke. Unta,maylang  na panahon sa di tingtrabaho samas Sabado o adlawng Dominggo.

  BOTYOK :Mao ba ? Nindot man kahag tingog? 

  TAKYO   :Nindot man kay tepo man sab namo ang iyang kanta.

  BOTYOK : Aw,diay ba? Unsa man diay iyang  gikanta?

  TAKYO : Kanunay niyang kantahon mao gyud nang:”Natutulog ba ang Diyos”

  BOTYOK : Yamat ra.Unya,nganong naglagot ka man?

   TAKYO:Alang-alang nga ang Diyos man nuoy iyang kanunayng pangutan-on,di man nuon siya mangutanas iyang mga silingan nga di tawon katulog gumikan sa labihan ka-alingugngog!

   BOTYOK: Butangi!

RESULTAS PAGKA LIMTANON

 IKTOY :  Naunsa man kanang dawonggan nimo ,Soy nga pulos man na paso?

 TUSOY : Napaso ni gumikan  sa  akong pagka limtanon,Toy.

  IKTOY:  Mao ba? Unsang pagkahitaboa god?

  TUSOY : Nahitabo ni niadtong gisugo kos  akong asawa nga maoy mamalansa ba  sa  among mga sinena.

  IKTOY : Unya?

  TUSOY: Sa  akong pagka limtanon inay ang akong selpon maoy  idaitol  sa  akong dawonggan dihang  may nanawag ,nalimot ko nga ang plansa  man nuon nga akong gigunitan maoy akong gibutang  sa may dawonggan!

   IKTOY : Pagka sakita man ana!

   TUSOY : Mao lagi!

   IKTOY  : Unya,nganong duha man na ka dawonggan nga may paso?

   TUSOY  : Unsaon,  ang animalng dako  nga nanawag  man  pag-usab!

DILI MAO PAGSABOT

 PANYANG (Midip-ig  sa  dughan sa  iyang bana): Abi nimo,Dong  Pasyo may namatidan ko  sa  bag-o  natong silingan  nga nakapakilig  kaayo nako.

 PASYO ( Naikag): Unsa  man na,Day Pans?

 PANYANG : Matag  lakaw  anang  bana padulong  motrabaho mohawok gyud na  sa iyang  asawa.Unya, kon mahibalik  na sab ni gikan  sa trabahoan dad-an  niyag  buwak  ang  iyang  asawa.

 PASYO : Yamat ra. Mao  ba?

 PANYANG: Bitaw,Dong  Pasyo. Unya, makahimo  ka  ana?

 PASYO ( Nakugang):  Ha? Di  ko uy!

 PANYANG ( Nasagmuyo) : Ngano god?

 PASYO  : Wa  tawon  ko makaila anang babayhana. Hipatyan pa nuon  ko  sa  iyang bana!

 PANYANG: Ngeeh!

MOGAHI PA

 TONYO : Paita niining   duna na tay pangidaron,Pre.

  OSONG: Ngano man diay,Pre?

  TONYO: Bisan  unsaon di na gyud mogahi.

  OSONG: Yatis ra god.Ayg komedya,mao ba?

  TONYO: Lagi. Ang imo  kay mogahi pa diay?

  OSONG: Wa ko anang gahi,Pre pero mao ni gigamit nako  pagpangligwat  gihapon!

  TONYO: Butangi!

NAGPAKITABANG DIAY

  KARYA : Malipayon ka man Mare? Midayag man god nang imong pahiyom..

  DONATA: Nalipay ko,Mare kay  sa gidugayon na namong panagtipon ni Karyo nga wala mi tugahig anak,karon pa ko namabdos.

  KARYA ( Nakugang): Ha? Tinuod ka,Mare?

  DONATA: Tinuod lagi,Mare  nagmabdos  ko karon.

  KARYA: Yamat ra? Unsa may imong gihimo,Mare nga namabdos ka man?

  DONATA: Da, nagpatabang ra kong ,Pareng Takyo Mare . Namabdos lagi ko dayon!

  KARYA: Butangi! 

LAIN ANG HILIG

 OLDOK: Kulismaot mang hitsura Pre, unsay problema?

 ANDOY: Problema kos akong mga anak lalaki,Pre.

 OLDOK: O,ngano man? Nagpabadlong  ba diay diha ninyong,Mare?

 ANDOY: A, wa man nuon,Pre. Pero,makalagot nga hunahunaon!(Miulbo  sa  kasuko).

 OLDOK: Ngano man,Pre? (Giabot  ug katingala).

 ANDOY: Ang tulo nako ka anak lalaki nahimo man nuong mga bayot! Abi kog hilig silag babaye kay mga guwapohon baya.Unsa ba nuon...pastilan!

 OLDOK: Unsa man,Pre?

 ANDOY: Hilig man pod silag mga lalaki kay mga bayot man.

 OLDOK: Uy,anugon,Pre. Unya,ikaw na lay mahilig pod ug babaye?

 ANDOY: Dili,Pre.

 OLDOK: Kinsa pa man diay?

 ANDOY : Ang imo sab diayng ,Mare!

 OLDOK: Butangi!