ONTOY : Nganong naghinuktok ka,Bay Insyot?
INSYOT: Problema,Bay.
ONTOY: Yamat ra? Unsa man nang problemaha?
INSYOT: Mao gani na problema ko,unsa ning problemaha?
ONTOY : Unsa lagi na?
INSYOT: Ngano,Bay wa ka kasabot?
ONTOY: Unsa lagi na?
INSYOT: Problema lagi . Nganong mitumaw ning problemaha, nga naproblema naman hinuon ko?
ONTOY : Butangi!
MEDYONG : Kon ang usa ka pobre motabang sab ngadtos laing pobre nga nagkalisod,Bay mao nay pagatawgon ug hamilsing o kinasingkasing.
CANDIDO: Mao ba? Bitaw,nindot gyud ning makatabang ta ngadto sa atong isig ka tawo,Bay.
MEDYONG: Mo lang. Kana sab mga adunahan nga motabang ngadtos mga kabos nga magpangingking modunol sa ilang tabang,duna gihapoy termino ana,Bay.
CANDIDO: Yamat ra? Unsa man?
MEDYONG: Kanang mga adunahan nga nagpakaron-ingnon nga mitabang sa mga kabos tang kaigsuonan mao nay gitawag nga...k-kining...kuan,Bay.
CANDIDO: Unsa man,Bay tawag ana nila?
MEDYONG: Ang tawag ana kay, por Pesbok lang!
CANDIDO : Butangi!
PONYONG: Nagpa-registered ka na sa imong SIM,Bay Adoy?
ADOY: Na,bahala na,Bay. Unsa may kapuslanan anang parehistro ba?
PONYONG: Na,ikaw lang ma-deactivate gyud ka kon mao na. Dili na ko makatawag unya nimo kon maohon.
ADOY : Unsa man sab imong tawagon dire nako,Bay nga wa man koy selpon!
PONYONG: Butangi!
TONYO: Hayahay na kaayo ka Bay,kay nindot na imong pagpuyo dinhi sa Siyudad.
BITONG: Hayahay god tawon Bay,nga nagkalisod naman nuon. Ako maoy hayahay nga nagkalisod.Ug,ikaw hinuon didto sa bukid natong gigikanan maoy nagkalisod,apan hayahay!
TONYO: Unsa god nang pagka-unsaa,Bay?
BITONG: Palandunga ra god. Hayahay ko kay naa may trabaho,pero nagkalisod man sab dinhi sa daghang bayranan.
TONYO: Unya,ako?
BITONG: Ikaw,lisod tinuod imong kahimtang didto,apan hayahay man imong kahimtang kay wa man ka apsa daghang bayranan!
TONYO : Ngee!
IKTOY : Murag halawom man kaayo kag gihunahuna Bay, unsa man na?
LOLONG: Lisod gyud diay ning pobre Bay kay sa usa ka dato.
IKTOY : Ngano man?
LOLONG : Panamini ning atong kahimtang ron nga nagkalisod.
IKTOY: Mas sayon nuon ning atong kahimtang.
LOLONG ( Nahingangha) : Yamat ra? Ngano man?
IKTOY : Tan-awa,ang pagpakadato maoy lisod kab-oton,unya kining kabos ta maoy sayon.Panamini ning atong kahimtang ron?
LOLONG: Butangi!
KARYA: Ang akoa unyang pinaskohan,Bay Taloy ha? Hapit nang Pasko baya.
TALOY: Aw, o. Nanghatag ba kog pinaskohan ninyo niadtong milabayng Pasko?
KARYA: Wa lagi. Karon na!
TALOY: Aw, o lagi karon mao gihapon!
KARYA: Ngeeh,tihika nimo,Loy uy!
TAKYO :Ang gikasabotan didtos among pag-meeting,Bay Temyong nga ang imong kanding maoy ihawon sa atong reyunyon karong umaabot Disyembre.
TEMYONG: Yatis ra. Ang ako gyud tawong kanding ang inyong nahunahunaan,Bay?
TAKYO: Maoy suhestiyon sa kadaghanan,
TEMYONG: Sige,sugot na lang ko. Pero, naay kondisyon.
TAKYO: Unsa man na?
TEMYONG: Pag-meeting mog usab kon kinsay inyong pabayron!
TAKYO: Butangi!
ONDOY : Pista na ugma,Bay.
TAKYO : Bitaw. Asa man unya ta mamista?
ONDOY : Aw, mamista ta adto sa ilang Abay Brenda kay dakog hikay. Pwede pod adto tas ilang Mareng Melda-Kokoy.
TAKYO : Di lang ko Bay,mauwaw ko.
ONDOY: Mauwaw man ka nga pista man. Adto ta.
TAKYO: Dili lang ko,Bay. Adto lang mi sa ilang Sir Mercado.
ONDOY : A,pagka garbo god nimog pamistahan nga adto man gyud sa ilang Sir Mercado.
TAKYO: Kaila diay kang Sir Mercado?
ONDOY : Nganong dili god ko makaila nga nahimo man nang huwes sa atong Siyudad .
TAKYO: Aw, dili,Bay.
ONDOY: Kinsa man diay na siya? Asa man ang ilaha?
TAKYO: Naa ra man ila sulod sa "public market'!
ONDOY: Ngeeh!
ONTOY (Nakamatikod sa tawong naglago ang pamiste nga gasigeg hangad sa poste.Miduol): Brod,unsay gisigeg hangad nimos poste?
TAWONG LAGO : Gitan-aw nako ,Brad siga bang suga.
ONTOY (Nahibulong): Pagngon man god nang suga,Brod basta panahon sa adlawan. Sa gabii ra na magsiga.
TAWONG LAGO (Miyamiid): Ayg pangilad,Brad.
ONTOY : Wa man ko mangilad.
TAWONG LAGO : Unsay imong pagtuo,mosiga nang suga panahon sa kagabhion bisan pondedo?!
ONTOY: Butangi!
Maoy nakita ni Iktoy ang Boang nga nagsigeg hangad sa poste og sige sab ug katawa.
IKTOY ( Giduol ang Boang): Hoy ,Boang nganong gasige kag hangad sa poste nya sige sab og katawa?
BOANG ( Mitutok kang Iktoy nga sigag mata): Unya,buot ka! Way badyet,way badyet! Wa siga,wa siga ang suga!
IKTOY : Buang gyud ka da! Nganong pasigaon man na nga adlawan man ron? Gipawong na!
BOANG (Samot nga mikatawa): I-Ikaw buang!
IKTOY (Naglagot) : Unsa? Nganong nabuang naman nuon ko aning kalakiha? Gabii ra na pasigaon ang suga sa poste,kasabot ka!
BOANG( Mitulisok kang Iktoy): Ba diha uy, dinhi ko kagabii ngitngit man lagi!
IKTOY : Ngeeh!
POKLOY (May namatikdan): Matag pangagi sa mga tawo nianang mga poste nga dunay pondedong suga,akong namatikdan nga mohangad man?
TIKYO : Hibawo nako kon unsay naa sa ilang mga hunahuna.
POKLOY : Unsa man,Bay?
TIKYO : Makahunahuna sila nga,nus-a kaha ni mailisding mga suga-a nga na ponder no? Maayo untag mailisdan aron hayag na ang agianan panahon sa kagabhion padulong sa Stone Village.
POKLOY: Murag duna pay mas duol ana ,Bay nga maoy ilang gihunahuna.
TIKYO : Kay aduna pa ba diay? Unsa man?
POKLOY : Sa ilang hunahuna,motumaw ang pangutana: Nus-a na pod kaha ang sunod nga eleksyon no!
TIKYO : Butangi!
OKOY : Unsa kahay hinungdan niining akong sigeg pagpanglipong,Pre?
MUNDO: Kon ako ang imong pangutan-on ana,Pre moingon ra ko nga basin aduna kay hayblad.
OKOY : Bitaw ,Pre.
TAKYO (Misagbat): Pre,kon ako maoy pangutan-on makasiguro ko unsay hinungdan anang sige niyag pagpangliponglipong karon.
MUNDO: Yamat ra. Bi,unsa may hinungdan?
TAKYO: Nalipong na kay kanunayng way sulod ang bolsang kuwarta!
PANYONG: Nagkataas na gyud ang presyo sa gasolina,Tong. Naglisod na ko pagpagasolina sa akong sakyanan.
ONTONG: Yamat ra,ikaw?
PANYONG: Mao na,Tong. Ikaw, wa diay maglisod nga duna man kay sakyanan?
ONTONG: Wa man ko maglisod,Nyong.
PANYONG: Ah,kaayo god? Giunsa man nimo pagpaagi nga wala man ka maglisod?
ONTONG: Sayon ra.
PAMYONG: Giunsa lagi?
ONTONG: Gibaligyang sakyanan nga mogastog gasolina,giilisan ug biseklita nga modagan kon sikaran lang!
PANYONG: Butangi!
MARITES: Kumosta,Mare?
MARISOL: Nia Mare,okey lang.
MARITES: Lagi Mare, misamot na gyud karon ang imong kaguwapa.
MARISOL: Mao ba,Mare? Misalir gyud diay ang pangpa-beauty nga akong gigamit para mahamis ang akong nawong.
MARITES: Mao ba,Mare?
MARISOL: Ikaw sab Mare, pwede mogamit ka?
MARITES: Dili na magsilbi,Mare.
MARISOL: Ngano man,Mare?
MARITES: Kon manipis na unya ning akong nawong Mare,mauwaw nakong moatubang sa akong gipang-utangan!
BOTOY : Unsay imong sekreto Bay,nga kanunay man gyud kang makautang sa tindahan ni Iya Pekta unya ako iya mang balibaran dayon?
TONYO: Aw, ako na god ni. Wa man koy sekreto Bay, pero kon mangutang ko ako man dayon siyang padangogan ug estorya.
BOTOY ( naikag) A, yamat ra. U-unsa may imong estorya niya,Bay?
TONYO: Akong buladahan nga 'misamot" siyag ka seksi ug ka gwapa niining mga panahona.
BOTOY:Da,parehas ra man diay tag paagi,Bay. Mao sab bitaw nay akong unang i-estorya niya.
TONYO: Aw, mao diay nga balibaran ka.
BOTOY: Ngano man,Bay?
TONYO: Klaro man kaayo nga kinopya nang imong estorya ngadto niya!
BOTOY: Nge!
ISYOT: Ayg padala sa problema,Bay Tikoy.
TIKOY: Bitaw moingon ka lang ana,Bay. Di lalim.Tan-awa ning akong agtang mihuboy kay wala ko magpadala sa problema.
ISYOT( nakamatikod sa huboy): Uy,nganong mihuboy man nang imong agtang,Koy?
TIKOY: Tungod ni kay wa ko magpadala sa problema!
ISYOT: Ha? Unya,mohuboy diay? Unsa may imong problema diay?
TIKOY: Problema kos dako kong utang sa tindahan ni Nang Isyat.
ISYOT: Unya?
TIKOY:Aw, wa ko magpadala sa problema ako lang siyang gingisihan.
ISYOT: Unya?
TIKOY: Tan-awa,iya man nuon kong gipusposan sa silhig naigo akong agtang mao ning mihuboy!
ISYOT: Butangi!
KADOY: Duna na gyud ko karon problema sa panan-aw,Bay.
MULONG: Giunsa mo man sa pagkahibawo,Doy?
KADOY: Gisuwayan nakog abli akong pitaka.
MULONG: Unya?
KADOY: Wa na gyud koy makita!
MUKLO : Di gyud matag-an ang tawo,Bay.
OKOY : Ngano man?
MUKLO: Tan-awa si Bitong nga atong amigo,mao nay milingkod sa pagka Kapitan dinhi niining kuha nga letrato?
OKOY: Nganong ma-Kapitan man tawon nas Bitong nga Tanod ra man na?
MUKLO: Mao gani.Tan-awa!
OKOY (midakol sa ulo ni Muklo): Hoy,amaw kanas Bitong milingkod ra nas lingkoranan sa Kapitan tingale nag selpi.Ug,tan-awa nang Kapitan sa pikas kilid nga naglingkod sa laing lingkoranan kay nagpatupi!
MUKLO: Butangi!
IKTOY : kong ang binisaya sa green nga kolor berde. Ug, kon ang abuhon nga binisaya sa Iningles mao ang gray,unsa man sab ang kape?
LITOK: Sayon. Ang kape, brown na sa Iningles.
IKTOY : Dili.
LITOK: Yamat ra? Unsa man diay na?
IKTOY: Ang kape imnon na ,para dugayng makatulog!
LITOK: Ngee!
MORSING : Kumostang bag-ong minyo,Bay Toryo?
TORYO: Da, dili masabot Bay,uy!
MORSING: Uy! Ngano man?
TORYO : Sige lag away!
MORSING: Mao ba? Nganong magsigeg man sab mog away?
TORYO : Da, mao lagi sigeg away kay human sa away naa man pod diha ang dakong lami!
MORSING: Ahak na!😏😏😏
GORYO (Nagyawyaw sa asawa): Pagka 'tigaw' gyud nimo Lusing,uy wa man ka makasayog lung-ag! Ga-atubang kaman hinuon anang imong selpon sayo pa ning buntag!
LUSING: Ayg sigeg yawyaw diha,Goryo kay maglung-ag nako! Ayaw kog samoka ha!
GORYO: Nag-unsa kaman lagi nga gasigeg ka man kulingkuling anang imong selkpon?
LUSING: Da, nag-Pesbok ko uy!
GORYO: Na sab? Unsa bay makuha nimo anang gasigeg Pesbok? Makakuwarta ka?
LUSING: Uy Dong Gors ,pagka bugo gyud nimo uy!
GORYO: Nganong nabugo man ko?
LUSING: Uy aron ka masayod kining akong pagsigeg atubang ning akong selpon makasapi man ko.
GORYO: Ha? Ngano man bi,sa unsang paagi?
LUSING: Usa man kos mga trolls sa atong migong politiko.
GORYO : Unya?
LUSING: Kami tighatag sa mga 'fake news' ug libak panalipod sa among amo!
GORYO: Agoyy!
Si Karya ug Marites nga mga libakera nagka-abot sa tindahan ni Inse Persi usa ka adlaw niana.
MARITES : Kumosta,Kars ? Long taym no hear and see ?
KARYA: Oki ra man,Tes.
MARITES: Wa na lagi ko makabasa sa imong mga patama nga post sa Pesbok?
KARYA; Da, akong gi-praybit akong propayl uy.
MARITES: Ha? Mao ba? Ngano man,Kars?
KARYA: Da, kanang abtik kaayo tang mo-layk sa uban.Nya, sa atong i-post igo lang nilang laktawan!
MARITES(Nahimuot kay naigo man): Ha ha ha! Butangi!
NAY ARYANG : Murag malipayon ka man nga karon nahibalik na sa pis to pis ang inyong klase,Dong Ondoy?
ONDOY : Bitaw,Nay.
NAY ARYANG: Nya kaniadto murag namatngonan man nako nga mapungot ka sa inyong klase lagi nga pis to pis man gihapon to?
ONDOY : Kinsay di maglagot ana,Nay Aryang nga sige man kog sulogsulog sa akong mga klasmeyt nga bati kuno ako nawong kay butihon ug lisngag akong ilong!
NAY ARYANG : Unya,unsa man diay karon nga pis to pis naman?
ONDOY : Oki na,Nay Aryang ang 'face to face" karon.
NAY ARYANG: Ngano man?
ONDOY : Magsul-ob man mig "facemask" sa among classroom!
NAY ARYANG : Ngeeh!
ABDON : Niadto sa batan-on pa kong ulitawo Koy,ako maoy gikagubtan sa mga dalaga sa among baryo didto sa Kanturatoy.
TAKOY : Yamat ra sab. Ngano man kuno bi?
ABDON : Da,kini gong atong pamorma.Makakita sila nako dayon mag panagan...
TAKOY (Dili makatuo): Diha nimo?
ABDON: O,managan dayon.
TAKOY : Bantog ra.
ABDON: Nga unsa man,Koy?
TAKOY : Bantog rang managan kay gigil-asan makakita sa imong hitsura! Mao na nga hangtod ron nagpabiling ulitawong guwang na!
ABDON : Ngee!
OSOY : Syaro sa gidugayon na sa akong pagpangulitawo nimoKang, dili pa gyud ka maluoy nako ug imo na lang kong sugton?
AKANG : Sugton gyud nga bati man kaayo kag dagway,Soy?
OSOY : Paita sab nimong manulti Kang,uy.
AKANG : Aw, bitaw bati man gyud tinuora ba.
OSOY: Sagdi lang god ug bati total naanad naman ko ani ba,ikaw?
AKANG( Nakalitan) Unya,ako? Unsa man?
OSOY : Wa pa diay sab ka maanad sa imong dagway nga murag gikarwas sa iring!
AKANG ( Labihang kasuko): Huwat Soy ha, kay putlan tikas ulo sa sundang sa akong Papa! Huwat diha!
OSOY(Mikaratilg dagan): Tabang!
GORYO : Kon imo kong sugton,Yang way langanlangan mangasawa dayon ko nimo.
MAYANG : Mangasawa god nga wa man kay trabaho!
GORYO : Kana ra diay imong giayran nako,Yang.
MAYANG : Natural.Unsaon man ko nimo pagbuhi bi?
GORYO : Di ka angayang mabalaka,Yang.
MAYANG : Ngano man?
GORYONG: May trabaho pa man ang akong amahan!
MAYANG: Butangi!
ABLOY : Ang kamatayon sa tawo mahimo bang wala nay kapuslanan,Bay Apong?
APONG : Aw, maingon na gyud ana kay wala namay kinabuhi.
ABLOY: Sakto,pero may kapuslan gihapon,Pong.
APONG : Unsa god nang pagka-estoryaha?
ABLOY: Wala na tuod silay kinabuhi pero nakatabang gihapon sila sa may kinabuhi.
APONG: A, sa unsa gong paagi ba?
ABLOY: Ang kamatayon gihimong negosyo sa mga tag-iyag punerarya!
APONG: Ngeeh,butangi!
TIKYO: Estorya nila,ang kalibotan nagka-anam na lang kunog ka gamay.
ODOG: Aw, mao siguro nang naa sa kanta:'the world keeps getting smaller and smaller everyday..."
TIKYO: Nganong naingon man niana,ug tinuod kaha na? Dugay man ganing liboton ang kalibotan bisan pag sakyon ug eroplano kon asa ka paingon...
ODOG: O,bitaw. Pero, karon bisan di ka kasakayg eroplano pwede naman adtuon nimo ang usa ka dapit ug hibaw-an ang atoa didtong dapita!
TIKYO: Yamat ra, unsa man na madyik?
ODOG: Madyik god tawon bogoa gyud nimo,Kyo uy.
TIKYO: Ngano lagi?
ODOG: Kana diayng imong makita sa " internet" unsa man na nga di man kinahanglanon mosakay ka pa?
TIKYO: Aw, o no?
POTEN : Niadto kon dunay wa nato mahibaw-i mabawo pa tag pangukay sa libro , o kaha mangutana pa tas atong maestra o maestro unsa ni?
TAKYO: Lisod bitaw ,Bay kon estudyante ka.
POTEN: Pero,karon pwede naman makapangutana bisan di sa maestra o maestro kon ikaw nag-iskol.
TAKYO: Mahimo na ba god na?
POTEN: Pwede na. Bisan pa man gani ug wa ka mag-eskwela.
TAKYO: A,yamat ra? Asa god na nga kita makapangutana ra?
POTEN: Pangutana ra god diha sa 'google' way pila ka minutos matubag ra ka kon unsay imong pangutana!
TAKYO: Butangi!
MULING : Haskang siawa gyud diay Bay, no?
BOTOY: Ang unsa man ,Bay?
MULING: Kining gusto tang mahibawo sa unsa man ang balaod libre ra man diay.
BOTOY : Libre god tawon nga mokunsulta pa man ka anag abogado?
MULING: Ngano diayg mobasa kas libro mahitungod sa balaod o uban pang mga basahon labot sa balaod ,dili na diay na mao? Mao bitaw nay gibasa ug giestudyohan sa mga abogado? Diha sila sa mga libro sa balaod nagbasa,di ba?
BOTOY: Unya lagi kay ang abogado nga gustong manuhito sa balaod moeskwela pa man gani?
MULING: Mao nay tulugkaron.
BOTOY: Ngano?
MULING: Aw,kay gusto man silang ma-abogado aw, mao na moeskwela.
BOTOY: Unya?
MULING: O,lagi libre man ang pagbasa ug pagkat-on diha sa mga libro sa balaod.Pero kon gusto kang mag abogado,eskwelahan pa man. Kurso man na nga may bayad gikan sa eskuwelhan!
BOTOY: Butangi!
CIANO : Sa imong kwentada Yok, angay bang magbag-o tag Presidente kanunay?
PAYOK: Angay god.
CIANO: Nya kon mag-ilis-ilis ug presidente kanunay man sigeng ga usbaw ang atong pangutang sa gawas sa nasod.
PAYOK: Aw, kana maoy di nato kanunayon.
CIANO: Unyag di mangutang unsa may idugang sa panudlanan sa gobyerno para sa mga proyekto?
PAYOK: Aw,mao diay na nga daghan gyung gustong mangatungdanan sa gobyerno.
CIANO: Ngano man,Yok?
PAYOK: Kay gi-negosyo naman nang utang nga apil pod silang mabulahan.
CIANO: Butangi
OPONG : Magul-anon man ang hitsura ta karong buntaga,Koy,may problema?
POKOY: Naay problema,Pong.
OPONG: Unsa man nang problema mo?
POKOY: Problema ra pod.
OPONG: Butangi!
INSE MADAY : Uy, maayng nia ka Koy,unsa man mobayad ka na sa imong utang?
AKOY : Unta,Inse Maday.
INSE MADAY : Nganong unta man?
AKOY: Dako pa man god nag kasuwatan ang listahan.
INSE MADAY : Unyag dako?
AKOY : Pwede pa man god kadugangan.
INSE MADAY : Ahakon na ni ron!
DADOY : Unsa ang labing sakit ug ang makapahimuot nga bation sa usa ka kandidatong pildero sa eleksyon,Tong?
TATONG : Wala ko kahibawo ana,Bay. Unsa man bi?
DADOY: Ang sakit nga bation sa usa ka kandidatong pildero kanang makahunahuna na siya sa dako niyang nagasto sa iyang paglansad.
TATONG : O,bitaw. Unya,unsa man sab nang makapahimuot nga bation sa kandidatong pildero?
DADOY: Kanang bation niyang kauwaw sa ayad nas mga tawo.Unya...
TATONG : Unya,Bay?
DADOY: Unya, kanang mohikap sa iyang nawong,makatuaw: bagaa na gyud na kog nawong uy wa nay mailad sa akong bakak!
TATONG: Butangi!
Maoy namatikdan ni Tapaklong nga naghukdong ang suod niining higala nga naglingkod sa lingkoranang kawayan diha sa ilang tugmaran niining iyang paghiagi sayo niining buntaga.
TAPAKLONG : Naunsa ka ,Koy naghinuktok ka man god diha? Sayo pa sa buntag ,kalimte na!
KOKOY : Pilde gyud gihapon ang akong kandidato sa iyang usab nga pagpili pagka mayor,Bay Tapaklong.
TAPAKLONG: Aw, mao ba? Uy,nganong maguol ka man nga siya may dakog gasto! Ikaw wa man.
KOKOY: Bitaw sab nuon.
TAPAKLONG: Gani. Na tana,atong sayoon pag-adto ang mga kandidatong midaog,atong pangayoan na sab ug adbans para sunod eleksyon!
KOKOY: Butangi!
TOKLOY : Ang biktima sa bagyo ug nga ikaw usa ka botante sa eleksyon managsama ra,Tong. Pero, dunay kalainan.
ITONG: Yamat ra. Pasabta ngani ta anang pagka-estoryaha bi,Bay Tokloy.
TOKLOY : Sa bagyo ang mga biktima makadawat ug ayuda(materyales man o kuwarta). Kon botante ka may madawat kang suburno o ayuda( way materyales pero naa ang kuwarta).
ITONG : Bitaw no.
TOKLOY : Pero,may kalainan.
ITONG : Unsay kalainan man Bay Tokloy nga managsama ra man kaha nang duha?
TOKLOY : Kon biktima kas bagyo hinay moabot ang ayuda(kalagmitan magtulodtulod pa kay wa kunos lista.Moabot sa punto nga maglalis pa). Pero, kon botante kas eleksyon.
ITONG: Unsa man?
TOKLOY : Kon botante kas eleksyon tagsatagsag dawat ug isiguro gyud ka paglista!
ITONG: Butangi!
TOKLOY : Maytag dunay magbabalaod nga makahunahuna pagpasakag balaod nga kada tuig na ipahigayon ang eleksyon,Mok da.
EMOK : Ngano man?
TOKLOY: Para klaro gyung makahunahuna sa gustong mokandidato.
EMOK: Sa unsa man,Kloy?
TOKLOY : Nga inay mahimo silang korap,ang pagka bangkarota maoy ilang mahiagoman!
EMOK: Ngeeh!
TIMOY ( Misenyas ) : Bay Onyot, "bot waysli!"
ONYOT (Nagpabungolbungol) : Ha?
TIMOY : Ingon ko "bot waysli!"
ONYOT : Waysli ba? Kinsa man na siya, wa ko kaila.
TIMOY : Butangi!
Maoy naagian ni Kulas ang higala niining si Takyo sa tindahan ni Iya Persy nga gatungab nas botelya sa RH.
KULAS (Mibuyag): Ayg palabi,Bay Takyo para sayo ta makabotar ugma sa eleksyon.
TAKYO (Miyanghag kang Kulas): O,Bay. Gatungab lang kog usa ka botelya tibhangan bang ayuda nga 'wan payeb' padangog sa eleksyon.
KULAS : Mao ba. Maayo diay kay naka kopras ka na?
TAKYO : Maayo untang kada tuig sigeg eleksyon ni Bay para patas ang ayuda kay sa magbagyog kada tuig nga dili man pareha!
KULAS: Uy,unsa mang pagka hitaboa na,Bay Takyo?
TAKYO: Sa eleksyon god parehas ra ang ayuda angay pas mga botante mao ni sama sa atong Baryo Balitok.Pero,kon ayuda pa nis bagyo.
KULAS (Misakgaw): Ngano man diay sa panahon sa bagyo,Bay Takyo?
TAKYO: Di sama ang ayuda.Ang duol ras 'luwag' ang naa kay bisan gater ras ilang balay ang natangtang saktos ayuda. Pero payag gani sa pobre ang malukapa, hapit di kadawat ug awayan pang kantidad kay may kuwang na!
KULAS : Butangi!
AMON : Human sa eleksyon naa na poy daghang makakuwarta.
KADOY : Yatis ra,Bay. Kinsa god na sila,Bay?
AMON : Daghan ni sila. Una, ang nahimong lider. Kay makakuwarta man, makapalit dayo'g motor.
KADOY : Uhmm.
AMON: Uny sunod sab dayon si Kap palit ug sakyanang Montero.
KADOY : Uhmm.
AMON: Dayon si Mayor makapalit na sab ug sakyanang lamborghini.
KADOY : Uhmm.
AMON : Unya,mga botante makapalit man sab hinuon gihapon.
KADOY : Unsay mapalit,Mon?
AMON: Makapalit ug binlod aron himuong tinughong!
KADOY: Butangi!
TAKYO : Maoy ingon sa kadaghanan nga ang sigeg kaon sa baboy makapa hayblad.
BOSYO : Bitaw.
TAKYO : Dili,uy! kana nuon sigeg kaog ginamos ug buwad!
BOSYO : Ngano man bi?
TAKYO : Pagsuwa sigeg ginamos di ba mosaka dayon imong dugo. Sige lang!
BOSYO : Butangi!
Sibaw gihapon ang mga taho hangtod ning panahona ang padayong pagkanap sa sakit nga covid. Ngani, ang nasod sa Tsina aduna silay kanunayng paglakdawon gumikan niini.
TIKYO: Naa man lagi gihapon nang sakit nga kobid Bay,pero ang mga tawo karon sa atua murag mikompyansa naman lang.
PAYOY : Naa pa man bitaw,Bay. Pero,duna koy namatikdan nga makapahunong gyud aning kobid.
TIKYO : Aw,syempre kon may depensa kana sa bakuna.O,kaha duna nay tambal nga hingpit makasumpo niini.
PAYOY: Dili.
TIKYO : Unsay dili ba? Ang unsa man diay makapahunong?
PAYOY: Hunong dayong balita nga duna pay kobid basta dunay eleksyon!
TIKYO: Tiwasi!
IDOT : Tan-aw nimo Bay,murag lisdon gyud niining giraha ang mga Ruso?
ABNOY : Wa pay siguro uy. Sige pa man gong gubat nila sa mga Ruso ug mga Ukrenyans.
IDOT : O gani,pero murag nahutdan naman sa mga bala ang mga Ruso.
ABNOY : Nahutdan god! Dugay lang miabot ang gi-order nilang mga armas ug bala.
IDOT: Aw,mao ba? Diin man nila ordera ang ilang mga armas ug bala nga nadugay man?
ABNOY : Diha gos Danaw!
IDOT : Hala, mga paltik diay,butangi!
DAMIANO : Kon si kinsay mamahimong sunod natong presidente mao gyuy magbaguod asa mangitag kuwartang ibayad sa dako natong utang sa Kalibotanong Bangko (World Bank).
TOKOY : Baguod god? Siyay mobayad nga di man. Dili na siya ma-problema.
DAMIANO ( Nahibulong sa gipanulting Tokoy): Ngano man,Koy?
TOKOY : Ang iyang ka problemahan kon molayas tanang tawo sa Pilipinas.
DAMIANO (Samot nga nahibulong); Ngano lagi,Koy?
TOKOY : Unsay imong pagtuo ang Presidente ang mobayad anang utanga nga ang mga tawo man gikan sa ilang buhis!
DAMIANO : Tua ra!
ONDOY : Kinsay botohan nimo Bay, sa umaabot eleksyon nga presidente?
ABYOT: Ambot ba ani.
ONDOY : Naa may daghan ka pilian,Bay. Naa si BBM, naa si LR,naa si MP,naa si PL,ug naa pay uban diha.
ABYOT : Ambot ba ani.
ONDOY : Pili lang kanila,Bay.
ABYOT: Aw, ari na lang kos TPWL.
ONDOY (Natingala): Uy,kinsa man na,Bay?
ABYOT: A,kana. Kanang TPWL Bay, nga sa ato pa: Tanan Pulos Way Lami!
ONDOY : Ngeeh!
MUKLOY : Kinsay imong botohan niining umaabot nga eleksyon Pre, ang karaan tang Mayor o kining nagpasubli pag-usab nga mao karon ang Mayor?
TAKYO: Sa karon nga Mayor Pre dinhi ra ba to kagahapon nakadalikyat gyud pag-anhi sa akong payag.
MUKLOY : Unya, di ba ang nagpa-regular sa anak mong kamaguwangan ang karaan mang Mayor nga maoy imong gibotohan sa una?
TAKYO : O, bitaw,Pre.
MUKLOY : Unya, unsa naman ni ron?
TAKYO: Ay pasagdi na sila Pre, kon kahibawo na silang mo-ulo-ulo mas labaw na gyud tang mga botante!
MUKLOY : Butangi!
ONTOY : Tan-awa Log,akong suguon ning akong unggoy nga magdala dinhi kanatog saging.
MULOG : Yamat ra.
ONTOY: Lagi. (Mimando sa unggoy). Binuhi ug buotan kong unggoy lakaw didto ug sa imong pagbalik pagdala dinhig saging nga among makaon.
Tuod man milakaw dayon ang unggoy. Nianang, pagkataudtaod nahibalik ang unggoy apan sa kahibulong ni Mulog may dala na kini nga usa ka sipe nga saging tundan.
MULOG : Pagkabuotan sa imong unggoy ,Bay Ontoy. Sige,mangaon ta niining saging labon kaganiha ra kong gigutom.
Unya...
ONTOY : Murag gutom naman sab.Akong suguon na sab ang unggoy pagkuhag saging.
MULOG: Sige,Bay.
Tuod man gisugo na sab ni Ontoy ang iyang unggoy.Paghibalik niini nakadala na kinig usa ka bulig nga hinog saging tundan. Ila na sab kining gikaon. Sa dihang...may usa ka tawo silang nakita sa unahan nga nagwarawara sa gidala niining taas nga pinote.
ONTOY( Hilabihang kalisang.Midagpi sa higala): Ta-tana,Bay.
MULOG(Nahibulong): Ngano man,Bay?
ONTOY : Managan ta kay kanang tawo nagpadulong dinhi nga nagdalag pinote,mao nay tag-iya sa saging gikuha sa akong unggoy!
MULOG: Ha? Butangi!
BOTOY : Grabeha gyud ning modalag bulatik si Takyo,Bay.
HOLEM : Si Takyo kanang midagan pagka konsehal?
BOTOY : O,siya.
HOLEM : Ngano man?
BOTOY: Matod pa niya ay,' kon akoy inyong pilion unya ug modaog gyud pagka konsehal maghimo kog taytayan dinhi sa atong baryo Kurimaw.'
HOLEM : Unya,unsa may naa ana?
BOTOY: Taytayan god? Wa man gani siya kahimog latayan sa ilang tugkaran nga kanunayng gibahaan, ang taytayan na ba hinuon!
BASILYO : Ilista ka nako Bay Tikyo aron ka makadawat sa 500 panahon na gyud sa eleksyon.
TIKYO ( Nakugang nga dalang kalipay) : Aw, o ba? Kinsa may mohatag nako ana?
BASILYO: Sa taga PUNDOK UMANG na Bay, nagtabangay aron makapanghatag.
TIKYO : Aw, mao ba? Di pwede nga ipa-1000 lang ang akoa?
BASILYO: Ngano nga imo man nga ipa-1000,Kyo?
TIKYO : Kanang 500 hatag ra man kaha na.Kanang laing 500 himuon ko na lang adbans sunod eleksyon.
BASILYO : Butangi!
Nagpadayon ang makabungog nga butobuto sa nagkalainlaing klase sa armas sa masig habig nga naggubat : ang mga Ruso batok mga Kano sa manag-atbang bungtod sa Kandugso. Sa dihang...
TINGOG SA AMERKANO ( Nga nagpahipi sa pikas bungtod): Mas lig-on pa ang usa ka Amerkano kay sa 20 ka mga sundalong Ruso!
Sa dihang nadungggan kini sa Kumander sa mga Ruso misurok ang dugo niini sa kalagot!
TINGOG SA KUMANDER SA MGA RUSO: Yatis ra! Sige, kamong 20 ka mga sundalo(mimando sa 20 ka sundalo niini).Atakiha na ninyong usa ka Amerkano nga nagpahipi sa pikas bungtod!
Tuod man,gisulong dayon kini sa mga sundalong Ruso. Milanog na sab ang pakapaka sa mga armas. Pagkataudtaod nahilom. Sa dihang...
TINGOG SA AMERKANO (Nga nagpahipi sa pikas bungtod); Mas lig-on pa ang usa ka Amerkano kay sa 100 ka mga sundalong Ruso!
TINGOG SA KUMANDER SA MGA RUSO( Samot nga naglagot kay buhi pa ang sundalong Amerkano): Yatis ra! Sige, kamo usa ka 100 ka mga sundalo,atakiha ninyo kanang Amerkano nga nagpahipi sa bungtod!
Tuod man,gisulong dayon kini sa mga sundalong Ruso. Samot nga milanog ang pakapaka sa armas.Masinggan,mortar,granada ug uban pa. Pagkataudtaod nahilom. Sa dihang...
TINGOG SA AMERKANO (Nga nagpahipi sa pikas bungtod.Ingon sa nagpusnga na.): Mas lig-on pa ang usa ka Amerkano kay sa 300 ka mga sundalong Ruso!
TINGOG SA KUMANDER SA MGA RUSO( Misiga na gyud ang kalimutaw sa hilabihang kapungot.): Sige, atraka 300 ka mga sundalong Ruso! Patya na ninyong sundalong Amerkano!
Tuod man gisulong dayon kini sa mga sundalong Ruso.Milanog ang makabungog na gyud nga pakapaka sa armas:missiles,tanke-de- gyera,mortar ug uban pa. Pagkataudtaod nahilom. Sa dihang...usa ka samaran nga sundalong Ruso ang naningkamot sa pagkamang pahibalik sa nahimutangan sa iyang mga kauban.
TINGOG SA KUMANDER SA MGA RUSO (Natingala): Unsay nahitabo? Hain ang imong mga kauban?
SUNDALONG RUSO ( Luya na.Nagkanguhal na ang tingog): Ku-Kumander,ayaw na pagpadala ug mga su-sundalo a-aron pag-atake.
TINGOG SA KUMANDER SA MGA RUSO(Samot nahibulong): Ngano man?
SUNDALONG RUSO : Di Dili diay usa ka sundalo ang nagpahipi diha sa bungtod...
TINGOG SA KUMANDER SA MGA RUSO): Unsa? Pila diay sila ka buok?
SUNDALONG RUSO (Kapiyongon nang mga mata kay himatyon): D-Duha na sila ka buok nagpahipi diha!
Aron pagsuta kon kinsa sa iyang mga pasyente sa mental ang "naulian nas ilang maayong kabuot", mihimog eksaminasyon si Doktor Buotbuot ngadto kanila .
DOKTOR BUOTBUOT : Ang nasod sa Amerika karon nangitag tawo nga ilang ipadala ngadto sa Adlaw. Kinsa man ninyo ang gustong moadto sa Adlaw? (Nakit-an niini si Tikyo nga nagpahipi.Iyang gitawag). Ikaw Tikyo,gusto kang moadto?
TIKYO ( Daw nahadlok): D-Dili ko Dok ,uy kay init ug suwaw kaayo didto!
DOKTOR BUOTBUOT : Mao ba? Yuna, Ikaw Itlong gusto kang maoy ipadala ngadtos Adlaw?
ITLONG : Dili ko Dok mahimo nya kong inasal didto!
DOKTOR BUOTBUOT(Nakamatikod kang Etot): A, dia ra. Si Etot maoy atong isugyot sa mga Amerkano nga maoy ilang ipadala ngadtos Adlaw.
ETOT (Mingisi); O,sige sugot ko! Pero, may kondisyon.
DOKTOR BUOTBUOT (Naikag): Yatis may kondisyon pa. Unsa man na,Etot ?
ETOT : Gusto nako inig abot sa Adlaw kanang gabii.
DOKTOR BUOTBUOT : Ngano man?
ETOT : Laliman kas kainit mahimo nya kong abo.
TIKYO : Butangi!
ONDOY: Undangi na nang imong paghalad sa imong gugma kang Toryana,Tok wa gyud kay mapaabot niana.
TATOK: Wa god?
ONDOY: Pila na ka katuigan kang nangulitawo kang Toryana, wala pa man gihapon ka sugta.
TATOK : Gisugot na kong Toryana,Doy.
ONDOY: Yamat ra. Gisugot ka nang Toryana? Bi,sultihi kuno ko giunsa ka man niya pagsugot.
TATOK:Ingon pa niya,sugod karon Tok,gisugot ko na ikaw nga mao nay tiglaba sa akong mga sinena.
ONDOY: Ha? Sana ol,oplok!
KADOY : Maoy samot nga nakapait sa atong kahimtang ron kay misaka ang mga presyo sa tanang palaliton,unya ang atong suweldo mao lang gihapon.
ODLOT : Bitaw.
KADOY: Wa gyud ka sab diay umentohi sa imong suweldo,Bay.
ODLOT: Wa lagi.
BOLOY: Syaro wa gyud maluoy imong amo?
ODLOT : Wa lagi.
BOLOY: Unya,ka paigo kaha sa imong pamilya ang imong makita?
ODLOT: Dili lagi.
BOLOY: Unya,unsa may imong buhaton ani ron?
ODLOT: Paabot na lang.
BOLOY: Unsa may imong paabuton?
ODLOT: Makasulod nakog trabaho.
BOLOY: Butangi!
ONYOT: Nag-unsa ka dinhi,Loy nga nagpahipi kaman nianang poste, nangihi ka no?
BOLOY: Wa ra ba ha.
ONYOT: Na-unsa ka god,Loy kakita baya ka anang pahibawo nga gisulat sa pader: GIDILI ANG PAGPANGIHI DINHI DAPITA!
BOLOY : Mao gani.
ONYOT: Unya,nag-unsa man ka diha,di ba nangihi?
BOLOY: Wala uy!
ONYOT: Unsa man diay nang imong gibuhat diha nga nagpahipi ka man sa poste?
BOLOY: Wa bitaw,tan-awa ning akong kamot igo raman kong nanghunaw.
ONYOT : Butangi!
KARYO: Duna lang koy nalibgan ning balaod mahitungod sa pagtapoktapok karon sa mga tawo,Bay Dencio.
DENCIO: Nganong naglibog man ka,Bay?
KARYO: Ingon sila distansya aron malikayan ang takod sa kobid.
DENCIO: Mao gani.
KARYO: Unyag dunay rally sa mga kandidato magduotay man lagi!
DENCIO: Ngee!
PATINDOL : Karong adlawa,misaka na sab ang presyo sa gasolina,Bay Takyo.
TAKYO : Mao bitaw. Magsige gyud na.
PATINDOL : Problema kaayo ni Bay, kay mosaka man sab ang presyo sa tanang mga palaliton. Maglisod na kog full tank sa akong sakyanan ani.
TAKYO : Ako Bay, di gyud ma-problema ana.
PATINDOL : Ngano man,Bay?
TAKYO : Wa man koy sakyanan!
PATINDOL : Butangi!
KADOY : Karon nga sige pa ang gubat sa Ukraine ug Russia,padayon sab nga misaka ang presyo sa gasolina. Pagkapait kon mao na gyud ni kanunayng mahitabo,Syok.
BOSYOK : Bitaw,Bay. Miapektar sa tanang mga palaliton ang pagsaka sa gasolina.
KADOY : Tinuod na. Pero tan-aw kong Atok siya ra ang wa maapektohi,Bay.
BOSYOK : Wa god? Ngano man?
KADOY : Tan-awa ra god nas Atok. (Mitudlo kang Atok nagsandig sa poste nga nagsigeg katawa).Wa gyud na maapektohi!
BOSYOK : Bitaw.May sekreto na siya nga wa gyud na maapektohi.
KADOY : Nasayran na ang iyang sekreto Bay.
BOSYOK : Unsa man kuno bi?
KADOY : Kanang iyang pagka boang!
Sundan tas Dakuykoy nga nanghingusog nas iyang pangampanya kay magpapili sa pagka konsehal dinhi sa ilang lungsod sa Barungoy.
DAKUYKOY : Ayaw baya gyud tawon ko ninyo kalimti ha sa pagpili isip Konsehal dinhi mga taga Sityo Bato sa panahon nga eleksyon.
DENCIO (Miwarawara sa iyang walang kamot didto lang sa kilid nagtindog nagbitbit ug Kulafo): Siguro kaayo na,Koy!
OLDOK: Unya,Koy makatabang kaha ka aning among problema ron nga naghitak man dinhi sa among Sityo ang pamaligyag ilegal nga droga?
DAKUYKOY : Aw,basin unya na puhon Bay Oldok.
OLDOK : Nganong nabasin man,Koy?
DAKUYKOY : Unahon sa nakog sulbad ning akong problema sa naprenda kong balay ug yuta ning akong pag kandidato!
DENCIO (Misukarap kay nahubog na!): Butangi
INGGOT : Karong umaabot nga eleksyon,Doy kang Temyo ta ha sa pagka mayor. Unya, ang atong ibutang sa pagka bise si Maday . Siya lang ang atong i-bise mayor bisan tua nis laing partido Dugmok nahisakop.
KADOY : Siguro kaha ta ana,Got? Klaro kaha ang atoa ana pod?
INGGOT : Ay,klaro lagi. Ako na god ni!
KADOY : Murag way klaro nang imo,Got da. Mas motuo pa kong Melyo kay ka nimo.
INGGOT : Ngano man,Doy?
KADOY : Ang ang buta man ka,unsaon man nimo pagka klaro sa botaran,kon imo kong madala maduha na tang mga buta ani?
INGGOT : Ohoyy!
BOTOY : Ugma kay eleksyon naman gyud tagsatagsa ninyo nga nia karon dinhi, tagaan kog tagsa-ka-libo! Iboto gyud ko ha nga mamahimong konsehal sa atong lungsod.
TAKYO ( Misigang mata sa kalipay): Kana da!
BOTOY : Pero kay nahutdan man ang bangko sa ilang pondo kay gihurot pagwidro sa ubang politiko,kini lang sensilyo nga gikan sa gibuak kong alkansiya maoy akong ihatag ninyo..
TAKYO ( Mipasar sa pagreklamo): Yamat kabug-at god ana isulod sa among bolsa,Toy? Way gyuy papel diha?
BOTOY ( Napikal ngadto kang Takyo): O,diay papel. (Mitunol sa ginisi nga bondpaper ngadto kang Takyo).
TAKYO : Uy,unsa god ni?
BOTOY: Ingon ka papel? Imoha na na.
TAKYO: Yay!
Mipadayag si Turagsoy kang Berto nga usa sa mga kandidato sa Team Aguk-ok nga magpapili pagka konsehal sa ilang lungsod karong Mayo mahitungod sa ilang problema.
TURAGSOY : Bos Berto. mangayo unta mig tabang nimo sa among problema dinhi sa Sityo Duhaypusod. Haskang paita tawon namo dinhi.
BERTO (Naikag): Unsa man kana,Bay Turagsoy?
TURAGSOY : Kini bang mga tawo dinhi,unsaon man ni sila pagbadlong o pagsumpo nga dili unta patakag igwad bisan asa panahon sa kagabhion. Unya,nia poy daghang kanal sa tubig nga samot nagpabaho sa among palibot ug gipuy-an nas daghang lamok!
BERTO : Aw kana lang diay,Bay Turagsoy. Ato nang sulbaron,unya puhon.
TURAGSOY : Aw, dili diay mahimo nga karon na dayon Bos Berto?
BERTO (Nangigham pasumangil kay gagilok ang tutunlan): Ehhm. Dili pa man god tawon siguro Turagsoy kon modaog ba unya ko pagka konsehal!
TURAGSOY (Nangawot sa ulo): Ngeeh,butangi!
Diha sa nahimong 'pulong-pulong' sa Team Bagdok ,mipabuhagay kini sa ilang mapasaligong tinguha ang tagsatagsa ka mga kandidato kabahin sa ilang pagpapili sa umaabot nga eleksyon sa Mayo.
OLDOK (Nangutana) : Kon ugaling Boss Onyot , ikaw ang mapili sa pagka Mayor,makasulod kaha mi bisan hain namo sa city hall?
ONYOT (Mapasigarbuhong mitubag): Way duhaduha nga makasulod gyud.
Unya... miabot ang eleksyon,ug sulagma nga napili si Onyot sa pagka mayor. Miadto dayon si Oldok aron sa pakigkita sa Mayor.
OLDOK : Ingon ka Mayor sa nangampanya ka pa nga kon mahimo na gyud kang Mayor, makasulod mi dinhi city hall?
ONYOT (Nga karon Mayor na): Tinuod na.
OLDOK : Pasudla mi,Mayor.
ONYOT: Nakasulod na bitaw ka dinhi sa City Hall.
OLDOK: Pasudlon ko nimog trabaho ba?
ONYOT: Aw kana .Wa man nimo klaroha niadtong nangampanya pa ko?Ingon ra man ka nga gustong mosulod sa city hall kon mahimo nakong Mayor!
OLDOK (Nangawot sa ulo): Butangi!
Nagkaguliyang ang katawhan mahitungod sa nahimong gubat sa Rusya ug Ukraine. Lainlaing mga nahimong opinyon ang atong madungog mahitungod niining maong hitabo. Paminawon nato si Otoy ug Atok sa ilang estoryahanay.
OTOY : Grabeha ron sa gubat sa Ukraine Bay Atok daghan nang patay.
ATOK : Lagi,maoy pu'ong sa mga nakakita sa telebisyon ug sa internet.Bay.
OTOY: Unsa kahay buhaton aron paundangon na kining gibuhat ni Presidente Putin?
ATOK : Sayon ra gyud unta,Bay.
OTOY : Yamat ra! Unsaon man?
ATOK : A,basta kuhaon lang kanang P sa kang Putin,makita naman ang dag-anan kay modagan man na sa kauwaw! Hunong nang gubat.
OTOY(Miagik-ik): Butangi!
Gumikan sa kusog nga hangin sa bagyong Odette ,ang dakong punoan sa Mangga nga nagsambilay sa daghang bunga diha sa kilid sa may koral, naapil sab pagkatumba. Nianang pagka buntag nga milurang na ang bagyo,maoy nakita ni Karya ang ilang silingan nga ataka kaayo sa pagpamunit sa mga mangga nga didto mituasik sa ilang nataran . Misurok sa kalagot si Karya.Ug,unya...
KARYA : Uy,uy! Naunsa na, amo baya nang mangga nga natumba,ug nganong kamo may nanghipos sa mga bunga! Iuli na dire kay aron dili ta mo ikeha ha!
PORANG (Mihunong sa pagpamunit sa mangga): Grabiha! Milagpot naman ni dire sa among tugmaran,kuhaon pa gyud nimo Karya?!
KARYA : Uy,bisan na kay bunga na sa among Mangga! Ibalik na dire!
PORANG (Mitudlo sa mga sagbot ug daghang basura nga nabanlas sa tubig gikan sa ilang Karya): Unya, kanang basura nga gikan man na sa inyo,kuhaa sab na!
KARYA(Miyamiid): Uy,uy inyoha na na! Way nahangol!
KULASA : Unsay ganahan nimo kon moabot na ang buwan sa Pebrero,Day Karya?
KARYA : Ganahan kos petsa katorse kay Balentayns De.
KULASA; Mao ba? Ako dili,ari kos petsa kinse.
KARYA : Ngano man ,Day Kulasa?
KULASA: Tinghatag mas suweldo!
TAKYO : Nindot ning Adlaw Sa Gugma kon duna tay uyab.
MANDOT: Kon way uyab diay,Kyo?
TAKYO : Way kaparaygan kay wa may uyab.
MANDOT : Ako Kyo,oki lang way uyab basta dunay pay tindahang kaparaygan sa utang!
TAKYO : Butangi!
ARYANG : Karon kay Balentayns De man Yot, unsa imong ihatag nako?
ONYOT : hatagan ta na lang kag manok,Yang.
ARYANG: Grabe sab.
ONYOT : Ang ang man lagi kon hatagan tika ning itlog!
ARYANG: Yaay!
TIKYO : Naunsa naman tawon ning mga tawo nga nagduotay man? Wa may sosyal distansing .
KARYO ( Nakamatikod sa reaksyon ni Tikyo): Naunsa ka diha,Kyo ? Ayg hinayhinay diha kay niana ang mga kandidato sa Pundok Bus-ok!
TIKYO(Wa makapugong ,misinggit): Uy,mga amigog amiga palihog mag distansyahay ta!
PERONG (Usa sa mga kandidato): Ayg kabalaka,Kyo!
TIKYO (Miyanghag ngadto kang Perong nga mikandidato pagka konsehal): Ngano man Konsehal?
PERONG: Mopalayo ra una nang kobid basta makamatikod nga dunay ayuda!
TIKYO : Yaay!!!
KARYA (Sayo nga nagtagawtaw niining buntaga sa iyang bana) : Hoy bana kong animal bangon na diha! Taspokan kaayo ka wa gyud kay nahimo sa imong kinabuhi!
MUKLO (Nakamata sa kabanha ni Karya): Naunsa ka Karya ,nga sayo ba nimong ga putakputak diha di uroy ka maikog sa mga silingan nato diha nga nangatulog pa hangtod niining higayona! Paghilom diha!
KARYA (Misamot) : Hilom sa imong kalimutaw nga nagsiga,layas dinhi kay wa kay kapuslanan! Tan-awa ni ron wa tay malung-ag kay gihurot na pod nimog pusta ang dyutay mong kuwarta anang sugal! Layas!
MUKLO (May nahunahunaan) : O,molayas ko!Magpakuyog kog lain tawo!
KARYA : Uy, animal kinsa may imong iuban sa espedyo nga magpakuyog ka man?
MUKLO : Magpakuyog ko karon ug laing tawo aron kobrahon ko kadtong nadaog nakos lotto sa resulta ka gabii!
KARYA ( Nahilom makadiyot.Unya...): Uy,Muklo pagtarong diha ha! Nakailis na ra ba ko dire!
MUKLO (Mitukiki ug katawa) : Butangi!
OLDOK : Kon naa na gani moanhi,Nak nga manglista ingna nga sige lang mog lista unya wa gyuy ayuda ming nadawat.
ATOY : O,Tay.
Pagkataudtaod may babayeng misampit sa gawas sa ilang balay.
OLDOK : Adtoa,Nak kinsa ron. Pangutan-a kon unsay tuyo?
ATOY : O,Tay. (Didto sa gawas). Tay,Manglista daw siya!
OLDOK : Ingna, gipul-an nako anang sigeng pagpanglista!
ATOY : O,Tay. (Pagkataudtaod). Dili kana lang ba kuno magpalista,Tay?
OLDOK (Sa itaas sa balay): Dili ko!
ATOY : Lista man ris mopustas suwetres kuno,Tay!
OLDOK: Butangi! Aw, unsa?!
TAKYO : Naunsa ka Tok,nganong wa man ka mahimutang?
TATOK : Nabalaka ko niining daghang lista kabahin ning panghatag sa kuwartang ayuda,Bay.
TAKYO : Ngano man,Tok?
TATOK : Paita, kon mangita tag ayuda mahasirilsiril ta kon asa ug si kinsay naglista.Unya...
TAKYO : Unya,Bay Tatok?
TATOK : Wa gyud ko masayod sa klarong naglista,lisod pangitaon. Ug,padayon surbi man...unya...
TAKYO : Unya,unsa naman pod,Bay Tatok?
TATOK : Unyag moabot ang eleksiyon dudhoan dayon kas listahan nga lista kana hasta tibuok mong pamilya!
TAKYO : Butangi!
MUKLO : Kitang naapektohan sa bagyong Odette may nagpahipi gihapong pahiyom bisan sa katalagman.
TIKOY : Asa man kong dapita diha mo-pahiyom,Muklo nga nakay-ag man tawon akong balay?
MUKLO: Aw,dili man ikaw maoy akong gipasabot nga mopahiyom,Koy.
TIKOY : Kinsa man diay?
MUKLO : Mga politiko god!
OTOY :Daghang tawo didtos Gym, Bay Kardo naabot nang hinabang.
KARDO: Kana da! Adto ta.
OTOY : Dili lang ko kay nagkagubot man.
KARDO: Pastilan,ngano man?
OTOY : Dili kuno patas ang pagpanghatag,daghang bagulbol!
KARDO: Nganong ga bagulbol man nga naa na nuoy tabang?
OTOY : Ang uban gihatagag manok,unya ang uban nakadawat ug baka.
KARDO : Yamat ra! Makamahay tinuod kay wala man angaya. Dili man patas.
OTOY : Patas man god gihapon,Kards.
KARDO: Unsaon pagkapatas ana,ang uban manok,samtang ang uban nakadawat ug baka?
OTOY : Patas gihapon kay ang gipang-apod apod pulos ra man noodles!
KARDO : Ngeeh!
ONDOY : Sa kataposan mibarato na gyud ang bugas,Lok.
OLOK : Maayo nuon. Tagpila naman ang kilo?
ONDOY : Dili man kinilo,Lok.
OLOK : Unsa naman diay? Niadto may gantang,unya na-utro gihimong kinilo.Karon,unsa naman?
ONDOY : Nilugas na. Barato ra.
OLOK : Uy, tagpila?
ONDOY : Singko pesos nang lugas.
OLOK : Butangi,patay tas gutom ani!
