PAKYAS ANG SAAD

ABLOY  : Makalagot si Konsehal  Agukoy,Dro.
SIDRO   : Nganong naglagot ka man  sa Konsehal?
ABLOY  : Niadto  sa sige pang pangampanya,moingon lang: ayg kabalaka kay kon modaog ko Bloy ,makatrabaho ka lagi didto  sa City Hall.
SIDRO:    Unya?
ABLOY  : Na, walay  ayo!
SIDRO    : Ngano  man?
ABLOY   : Wa gyuy trabaho nga  gihatag .Giingnan pa nuon kos kagwang...
SIDRO    : Unsa man,Bloy?
ABLOY  : Giingnan pa nuon ko ay, Bloy  sa 'uulitin ha?'
SIDRO    : Butangi!

GIBALEG PANGUTANA

ONGGOK : Hain naman  ang akong pinaskohan,Takyo?
TAKYO    : Na, naunhan  nuon ko nimog pangutana  da.
ONGGOK : Unsa may imong ipangutana?
TAKYO    : Nakahatag ka ba nakog pinaskohan,Gok  sa miaging Pasko?
ONGGOK : Wa  gaba-i!

MAOY NINDOT

TIKBOY : Unsay  nindot ron,Bay Tonyo  Pasko naman?
TONYO  : Nindot  kon dungogon nga wala na kay trabaho,Bay.
TIKBOY : Ngano man?
TONYO  : May ikakatarongan ka nga di kahatag pinaskohan!
TIKBOY : Butangi!

MAO DIAY

NANAY TORYANA:Uy, Takyo, ayaw una paghigda diha !
TAKYO : Humana man kog kaon,Nay.
NANAY TORYANA : Mao gani. Dili maayo nga mohigda human mog kaon.
TAKYO : Ngano man diay,Nay  unsa may naa ana?
NANAY TORYANA : Unsay naa sa imong ka tapolan nga naa may daghang hugason!
TAKYO : Butangi!

IPADUKDOK

BOTOY : Haskang lawgawa,Yok gihubagan man nuon kos akong dapidapi.
BOTYOK : Yamat god, diha gyud? Sayon ra na.
BOTOY    : Unsaon man?
BOTYOK : Paghubog!
BOTOY    : Ngano diay kon maghubog?
BOTYOK : Aw, dukdoka nang imong hubag!

WALA MAAYO

DONGKOY: Nganong imo mang gisumbag kadtong boang nga gasigeg katawa dinhi kaganiha  sa tindahan ni Inse Persy, Tong?
BITONG      : Da, makalagot ,Koy!
DONGKOY: Bitaw. Naglagot ka nga sige tog  katawa?
BITONG     : Mao.
DONGKOY: Unsa ra may naa god ana sigeg katawa basta wa lang manghilabot?
BITONG     : Pero mahinumdom man god ko nga nailad ko.
DONGKOY: Uy? Unsa mang klaseha  sa ilad god?
BITONG     : Ang pagkatawa  kuno maoy klase  sa tambal nga makapaayo.
DONGKOY: Aw, kanang giingon sa Ingles pa,'laughter is the best medicine!' Mao na?
BITONG     : O,mao na.
DONGKOY : Unya?
BITONG      : Naayo diay  tong boang nga  gasigeg katawa?
DONGKOY : Butangi!

NAILHAN NA

TIKOY : Uy,naunsa man tos Kulasa nga gadukoduko man tong miagi dinhi  sa imong tindahan,Day Persy?
PERSY : Maoy nay mga tawong palautang,Tikoy nga mauwaw nang mobayad sa ilang utang kon moagi na dinhis tindahan.
TIKOY : Yamat ra,mao diay  na? (Nakakita kang Juaning nga naghangadhangad nga miagi): Uy, naunsa man sab nas Juaning nga gahangadhangad man nga milakaw?
PERSY : Aw,kay gahangadhangad man nangita na sab na kon unsay iyang mautang dinhis tindahan!
TIKOY : Butangi!

DILI NA ILISDAN

OPLOK : Pwedeng makahangyo ko nimo,Yok?
OYOK   : Unsay imong ihangyo?
OPLOK : Mohuwam unta kog kuwarta ba,bisag  payb handred  lang.
OYOK :  Yatis,kagamay  god?
OPLOK : Payb handred  ra lagi unta.
OYOK   : Sige ,tagai kog wan tawsan diha bi.
OPLOK : Ngano man?
OYOK   : Tagaan tikag payb handred pwedeng dili na lang ko nimo ilisdan!
OPLOK : Ngeek!

HUTDON

BOTOY  : Papalita kog usa ka kilo niining baligya mong manggosten,Day.
TINDERA: Tag singkuwenta ang kilo,Noy.
BOTOY    : Sige,unya  usa pod ka kilo aning lansones(mitudlo sa lansones).
TINDERA(Mikuha sab  sa lansones): Trayenta  ang kilo ani,Noy.
BOTOY (Milingi  sa mangga): Uy,apili sab diayg mangga,Day.
TINDERA (Mikab-ot  sa mangga) : O,Noy. Singkuwenta  ang kilo ani,Noy.
BOTOY  : Na hala kiloha na tanan kay ako na lang na hutdon'g  palit!
TINDERA (Nakalitan): Dili na mahimo,Noy uy.
BOTOY (Nahibulong): Nganong dili man mahimo,Day? Di ka pa  nuon ana  nga hutdon nakog palit imong mangga?
TINDERA : Na,kon imong hutdon'g  palit akong mangga,Noy  kon dunay mangita dire unsa may akong ibaligya?
BOTOY : Butangi!

WALAY SELPON

ONYOK : Sa akong namatikdan,Bay Tikoy ikaw ra gyud  sa  atong grupo ang wala gyud magtinil ug selpon.
TIKOY  : Bitaw.
ONYOK:Nganong wala man ka magtinil  o magpalit nga magamit nimong selpon?
TIKOY  : Lisod,Bay Onyok.
ONYOK : Nganong lisod man?
TIKOY   : Unsaon man naho pagtuplok  sa keypad nga napungkol man akong mga tudlo!
ONYOK:Ngeek!

LAING SABOT

OKOY : Karon pa ko,Bay Tinok nga ang mga tawong dunay selpon sama ras pinireso.
TINOK: Ha? Unsa mang pagkahitaboa nga naingon man nuon ana,Koy?
OKOY : Kana  god  sa Iningles  pa: "cellphone!" Gipreso sa sigeg  gamit ug selpon!
TINOK: Butangi!

DILI MAKITA

BOLOY : Unsa man nga  mga talagsaong  butang,Bay Abyot  ang dili mo  makita?
ABYOT : Hangin,Bay.
BOLOY : Unsa pa?
ABYOT : Mga diwata  o  engkantohanon.Dili na sila nato makita,pero naa sa atong palibot lang.
BOLOY : Tuod no? Unsa pa gyud?
ABYOT : Duna pa diay? Murag kana ra man maoy  akong nahibaw-an,Bay Boloy.Ikaw,kuno?
BOLOY : Ikaw  pod,Bay Abyot dili pod makita.
ABYOT : Yamat,unsang  pagka unsaa  nga dili naman hinuon ko makita?
BOLOY : Kanang maningil kos imong utang modayon kamag sibat!
ABYOT : Ngeek!

KABAYO PATAY

BUTYOK  : Duna nasab  patay didto  sa unahan,Toy!
OTOY        : Ha? Naunsa naman ning kalibotan ron uy nga gasige naman lang ug patay? Pila ka buok ang patay?
BUTYOK  : Dose  gyud!
OTOY        : Pagkadaghan  god? Giunsa man na sila, gitokhang?
BUTYOK  : Kabayo may gipatay,Yok,gibuk-an sa ilang ulo!
OTOY       : Aw, unsa man diayng pagkahitaboa?
BUTYOK:  Tagak tanan ang botelyas red horse  nga usa ka case!
OTOY      : Butangi!

MGA PALAUTANG

INSE PERSING (Nagyawyaw sulod  sa iyang tindahan): Pastilan ning mga tawong way uwaw bisan unsaon natog paningil, di gyud manumbaling! Maayo kaayong mopasalig  ug mamakak!
TIKYO (Mipalit sa tindahan): Na unsa ka  Inse Persing?
INSE PERSING : Da, nagyawyaw ko aning mga palautang kay gahi kaayong mamayad kon ako nang paninglan!
TIKYO : Na,sa pirmero ra nang mauwaw,Inse. Sa kadugayan  ana...
INSE PERSING : Uy,unsa naman diay kon madugay na,Kyo?
TIKYO : Ihilam-os na lang nang imong yawyaw!

WALA MAGKASINABOT

BATOY (Naglagot  sa tawong boang nga nagsunodsunod kaniya): Unsay hinungdan nganong nabuang ka?
BUANG (Nakalitan): Wa ko kasabot!
BATOY (Samot nga nasuko) : Nganong wala ka   makasabot?
BUANG : Aw, buang na god.
BATOY  : Butangi!

HILAK

Miduol si Tibong  kang Meloy nga nakitang naghilak.

TIBONG : Naunsa ka,Bay Meloy nga mihilak ka?
MELOY  : May problema  lagi,Bay.
TIBONG : A,mura kaman ug dili lalaki?
MELOY  : Aw, ngano diayg mohilak ko aron mapahungaw nako ang nagpuot  sa  akong dughan.
TIBONG : Mao pod.
MELOY  : A,ibundak man gani  ang uwan kon dagtom na kaayo ang panganod!
TIBONG : Butangi!

MAAYONG PAGPUYO

TAKYO : Unsay maayong buhaton alang sa maayong pagpuyo isip managtiayon,Doy?
SIDOY  :  Duha ra gyud ka butang angay natong buhaton  isip  bana.
TAKYO : Unsa man na?
SIDOY  : Una, kinahanglan nga matuman  ang gusto  sa asawa.
TAKYO : Yamat sab.Ang ikaduha?
SIDOY  : Ipakong imong ulo sa bungbong kon magreklamo ka ug hunahunaag   balik ang nahaunang butang!
TAKYO : Agoyyy!

MOADTO UNTA

TIKYO: Nganong naghinuktok ka,Yot?
ONYOT : Gusto lagi unta kong moadtog Amerika.
TIKYO : Yatis, mamatay na lang ka Yot , dili ka makaadto anang imong gustong maabot!
ONYOT : Maayo pa nuon.
TIKYO : Ngano man?
ONYOT : Aw, kalag naman molupad na lang ko didto!
TIKYO : Ngeek!

SUNOG !

BOTOY: Dili Marso nga maoy "fire prevention month" maoy kuyaw ron,Tonyo nga daghan ug sunog!
TONYO:Yamat ra,Bay Botoy? Unsa man diay kuyaw ron?
BOTOY; Ang kuyaw ron human kon dunay lokal eleksiyon.
TONYO(Natingala):Ngano man?
BOTOY: Di ba sunodsunod dayon sunog sa mga iskuwater!
TONYO:Sus,mar yo sep!

SIGEG KATAWA

Kanunayng  mamatikdan ni Mukloy nga magsigeg katawa ang tawong Boang nga nagbarog sa kilid  sa poste.
MUKLOY  : Bay Dado,unsa may gihimong kataw-anan nianang  boang nga sige man nag katawa?
DADO        : Yamat,wa diay ka mahibawo,Bay.
MUKLOY  : Mao ganing nangutana kon nimo basin may kasayoran ka?
DADO        : Ang pagkatawa ra pod maoy iyang gihimong kataw-anan!
MUKLOY  : Butangi!

MIAGI NA

BOTOY: Maypang  boang sige lag katawa.                                                                                             
BUANG(Misulimbat ang mata nga miatubang): Ngano diayg boang , nasuya ka?
BOTOY : Suya sa imong mata? Aw,ikaw sigeg katawa wala man kay problema.
BUANG: Mao bitawng sige kog katawa kay naboang nas problema!
BOTOY: Ngeek!

UNSAON PAGDAOG

MUKLOY : Unsay paagi nga makadaog gyud ko  sa sugal,Tong?
BITONG    : Sayon.
MUKLOY : Biyaan ang sugal.
BITONG    : Unsaon man nako pagdaog  ana nga biyaan naman nuon?
MUKLOY  : Ang imong isugal dili mapilde,unyag matigom tanan, di daog ka na kay naa naman kay kuwarta!
BITONG   : Ngeeh!

TILAW

BOTOY     : Dili na mahimo nga mokaon pa ko ug baboy ,Lok.
LOKLOK(Nahibulong) : Ngano man,Toy?
BOTOY      : Mitapon na ko sa tinuhoang Islam.Gidili na ang pagkaon ug karneng baboy.
LOKLOK   : Mao ba? Uy, kaanugon.
BOTOY      : Dili ko mahinugon,Lok.
LOKLOK (May gipakita kang Loklok) : Kini,Lok ampay man kaayo ni nimong inasal nga baboy,dili ka na ani?
BOTOY (Milingilingi): Aw, anugon god.
LOKLOK    : Mo lang!
BOTOY  (Mihunghong kang Loklok)  : Dili lang ko mokaon Lok, pwede ra man gong tilaw!
LOKLOK    : Arang?!

LAING LUMBA

GORYO : Unsa man,Prok  apil tas lumbas  dagan karong Dominggo didto  sa Candagsaw!
ONTOY : Dili lamang ko,Prok. Lain lang lumba karon sab Dominggo  ang akong apilan  didtos Baring.
GORYO : Yamat ra,unsa man pod nang lumbaa?
ONTOY : Lumbas kaon sa pagkilawg  boriring!
GORYO : Kamatay Prok!

DALING MASAPIAN

OPLOK  : Naglagot ko niining Mister Kwakang,Bay  Aldo kay pataka lag saway natong mga Pinoy!
ALDO    :Unsa may saway niya natong mga Pinoy,Bay?
OPLOK  :Kita kunong mga Pinoy  dugay moasenso,di pareha nilang mga Insek  daling madato.
ALDO    :A, biay-biay pod niya no? Aw, tumanan nato sa walay pag-uyon,tinuod  bitaw.
OPLOK  : Nganong nakasulti ka man ana,Bay?
ALDO    : Pananglit,kanang shabu  sila may manghimoay ,ang Pinoy pong amaw maoy manggamitay. Sila gyud maoy masapian!
OPLOK  : Butangi!

GIHILASAN

BOTOY : Yatis pod ning kahimtanga,gipaningot na ko dire wala pa gyud masulod?
TINTAY : Tilapi  ,Toy aron lumoy nang ipasulod.
BOTOY  : Aw,unsa god diay ni?
Didto sa gawas sa balay napamatian sila ni Iyok nga ilang silingan.
IYOK (Gihilasan nga nagpamati.Misinggit.): Uy,nag-unsa  mo diha,Toy  nga kasayo pa arong buntag?
BOTOY (Misinta  sa kasuko): Nagpasulod ra ko aning tanod,Yok sa bangag sa dagom. Unsa man inig kahuman nako dire ituslok ko nis imong kalimotaw!
IYOK (Miuk-ok sa may hagdanan): Butangi!

LAIG GIGIKANAN

BOTOY : Ingon ka,Yang niining inyong baryo  sa Uling , ang nia  namuyo  pulos guwapa  ug guwapo?
ARYANG : Aw, o bitaw.
BOTOY    : Botbot nang imo,Yang.
ARYANG : Nganong nakasulti kaman niana bi?
BOTOY (Mitudlo  kang Etot) : Kanas Etot  taga dinhi man na,mura lagi nag ungo  ang hitsura.
ARYANG (Mitulisok): Hoy ayg sulti ingon  niana ha!
BOTOY : Ngano man kuno bi ,kay dili na tinuod?
ARYANG : Hoy, animal kanas Etot  bana ra nang Donata nga lumad taga dinhi.
BOTOY   : Unyag bana?
ARYANG: Maymag  dinhi na nahimugso nga didto man na gikan sa Isla  sa mga Dugso!
BOTOY  : Arang?!

MAGPAKISAYOD LANG

Nagkaguliyang ang mga tawo dihang usa ka babaye ang misiyagit nagpakitabang  nga hapit na malumos.
TAKYO (Mitudlo) : Uy, si Akang manang nangayog pakitabang nga hapit nang malumos! Tabanga na ninyo!
Taudtaod  usa ka tawo ang mitimpasaw  sa tubig nga maoy mibitad  kang Akang padulong   sa baybayon.
ATOY  : Brad,salamat kaayo  nga imong  naluwas si Akang. Unsa may pangayoon  mong ganti,Brad  sa imong pagluwas  kang Akang?
ONYOT (Ngalan  sa tawo nga miluwas kang Akang): Wala lang,Brad.
ATOY : Wala,Brad?  Pag-syor  ba?
ONYOT: Gusto lang kong masayod.
ATOY   : Unsa may gusto mong masayran,Brad?
ONYOT: Kinsa toy nagtukmod nako kaganiha  nahagbong kos dagat!
TAKYO : Butangi!

MODAGHAN

MAM  TUL-ID  ( Nagleksiyon  sa iyang mga tinun-an  bahin  sa katekismo): Timan i kini ninyo,klas: nga ang mga bata  nga naa sa kangitngit mamahimong  masalaypon  sa ilang kinabuhi.
TIKYO (Mipataas  sa kamot): Dili na mao,Mam.
MAM TUL-ID : Nganong nakasulti ka niana,Tikyo?
TIKYO : Ang insakto ana  Mam, kay  kon kanunay naas ngitngit modaghan gyung bata!
MAM TUL-ID : Ngee!

BIDYOHAN RA

OKOY : Nganong wala ka man maggunok,Bay Iyok  sa dihang  gihagit kang Atoy kaganihag sinumbagay?  Hadlok ka?
IYOK  : Wala ko mahadlok ni Atoy,Bay.
OKOY:  Nganong  wa man ka mosukol bi?
IYOK : Unyag magsinumbagay mi mokatawa rang manan-aw.
OKOY : Nganong mokatawa man?
IYOK  : Uwangon kaha mi sa mga   manan-aw  kay igo  raman  ming  bidyohan!
OKOY : Butangi !

GIBINISAYA

BIKOY  : Unsay binisaya  sa  "election",Bay Tonyo?
TONYO : A, kasayon, election  sa binisaya pa na,piliay!
BIKOY  : Sayop.
TONYO : Nganong masayop god nga mao ma na. May lain pang binisaya?
BIKOY  : Duna.
TONYO : Unsa  man?
BIKOY  : Ang election  sa lain pagbinisaya  mao nay giingon  nga ,pinalitay!
TONYO : Ahak!

TIWASAN

DOK  BOTOY : Pastilan nagkagrabe naman ning imong sakit  Nong Agaton.                                                                            
NONG  AGATON:  Unsa god  diay  ning kahimtanga,Dok?
DOK BOTOY : Gawas  kanako duna ka pay laing tawo o Doktor nga gipakunsultahan ning imong sakit?
NONG AGATON: Aw,una ko moanhi nagpahiling kos   Albularyo didto sa Kanturatoy.
DOK  BOTOY: Unsa sulti  niya?
NONG AGATON : Paari-on ko nimo!
DOK BOTOY : Ngee!

KALAINAN

TAKYO : Unsay kalainan  sa  panganod  ug bra?
MEDYONG : Kasayon. Kon  imong iliwag  ang mga panganod wa gihapon kay makitang bra.
TAKYO : Unya?
MEDYONG : Pag-iliwag nimo ang bra,bahalag  way  panganod!
TAKYO : Butangi!

HISO

TINOK : Sinawa  sa imong buhok,Pre Tikoy unsay imong gihiso ana?
TIKOY : LABI,Bay Tinok.
Tuod man nagpangutana  si Tinok  sa mga tindahan kon duna ba silay baligya nga hiso  sa buhok nga LABI.Pero wala  gayud siya makapalag niini.Gibalikan niyag adto si Tikoy.
TINOK : Patan-awa  kuno ko  sa  sampol  sa imong hiso,Pre Tikoy aron akong ipakita  sa tindera  kay mopalit ko.
TIKOY (Mipakita  sa garapa  nga gisudlan): Nia ra,Pre o.
TINOK : Mao ni? Unsa man ni?
TIKOY : LABI, Lana  sa Lubi!
TINOK : Ngee!

DILI MAKAHUMAN

TONYO : Kasagaran  sa mga lalaki,dili gyud ka human.
TONYAK : Nahibawo nako nganong dili makahuman.
TONYO   : Aber,ngano man?
TONYAK : Anha  kanunay masangit  sa  panti!
TONYO    : Butangi!

PANGULITAWHAN

MUKLOY : Noy Edot pangulitawhan  ko unya imong anak si Ermac,ha?
NOY EDOT : Uy, di mahimo  kay nag-eskwela pa siya.
MUKLOY    : Aw, bitaw. Karon na lang inig uli niya balik dinhi  sa inyoha!
NOY  EDOT: Butangi!

PULOS GWAPA UG GWAPO

MUKLO : Abi mo,Bay  Kanor ang mga tawo dinhi  sa  among baryo pulos mga gwapa ug gwapo.
KANOR : Yamat  ra. Unya, kana diay si Medyok nga taga dinhi hiwi man lagi nag dagway?
MUKLO (Mirason): Kanas Medyok sa iyang pagka gamayng bata dinhi nagpuyo ,pero karon igo raman nang mibakasyon kay tua naman nas Davao!
KANOR; Ngee!

WALA MAKAHULAM

TIKYO:  Pahuwama  ko dihag singkuwenta pesos,Pre bi kay akong ipalit ug sud-an.
BOTOY: Duna na baya koy bag-ong patakaran ron,Pre  adtong mga tawo nga mohulam nako.
TIKYO : Unsa man  na,Pre?
BOTOY: Mopahuwam  lang kog kuwarta ngadtos  akong mga kontra.
TIKYO : Ha? Aw, himuon ta diay ka unang kontra aron makahuwam  ko nimo?
BOTOY: Insakto!
TIKYO : Uy,pagkawala  gyud diay nimoy uwaw,Pre! Gibuti naman  gani nang imong dagway hastang imong batasan gikagid  sab! Wa kay buot!  Unya,Pre suko kana adto?  Kontra nata  ron?
BOTOY (Misigang mata): Ah! Piniste pod nimo,ikaw pay mangasaba,ikaw pay manghuwam ug kuwarta,pauli  sa inyo!
TIKYO : Butangi!

Stacks Huguete: Ikaw

Manayaw Sa Tag Cha-Cha!

Kini maoy sayaw!  Sadsad  pa  mor....!

ANG IPANGUTANA

BERTO : Paita ron kon  madisgrasya,Bay Antoy.
ANTOY: Aw,pait  god kon madisgrasya,Bay.
BERTO : Mao man bitaw,pero lain man dayon god  ang ipangutana kon  dunay disgrasya  nga mahitabo.
ANTOY : Kay  unsa man diay?
BERTO  : Kon  dunay disgrasya man god  ang una gyung  ipangutana: 'way patay?'
ANTOY ; Awk!

MAKAPABATA KUNO

KADYA  : Syo,paliti ko aning sabon   nga  akong gipamaligya  bi.
TASYO   : Unsa man nang sabona ba,Kadya?
KADYA  : Ay,  sabon god nga makapabata  sa imong dagway.
TASYO :  A,kuyawa god?
KADYA : Lagi!
TASYO  : Di ko motuo ana,Kadya,  uy.
KADYA : Ay  mao lagi ning sabona  nga makapabata nimo...
TASYO : Motuo nuon ko,Kadya nga ang makapabata, kanang magtutoy  kag beberon!

Maanindot Nga Sonata: "Somewhere Over The Rainbow"

Paminawa  ang makapantadog  nga sonanoy  nga gitugtog  niining maong maanyag  nga babaye!

LAIN LAIG PAAGI

KANO (Makamaong  mobinisaya.Bisayang hilaw): Sus, didto  sa  amoa  sa Amerika kay human sa eleksiyon padayon  sa daghang imprastraktura,paghimog  bag-ong kalsada  nga dili  makabalda  sa  mga residente ug dili makahasol  sa ilang gipuy-an  nga maguba pa.
HAPON (Utro sab makamaong mobinisaya): Sus, didto  sa  amoa  sa Japan nindot ug halapad among kalsada human  sa eleksiyon.Unya, pabiling  limpyo pa!
BISAYANG  DAKO (Nanghambog dayon): Wala ra na dinhi  sa  amoa.
HAPON: Kay ngano man diay dinhi  sa inyoha?
BISAYANG  DAKO :  Sa  dili pa  ang eleksyon, magguba  ug kalsada kay na-ekspayer na!  Maghimog  bag-ong kalsada  tungatunga  sa daghang  kabalayan   kay  ang dili mobotar  papahawaon na!
KANO : Awk!

GUB-ON ARON AYUHON

KANO (Makamao  nang mobinisaya): Sa  amoa  sa  Amerika,ang naguba nga kalsada  ayohon lang sulod  sa bayente kuwatro  ka oras.
HAPON (Makamao na sab nga mobinisaya): Wala na sa   amoa  didto  sa Japan, kay ang nagubang kalsada among ayuhon sulod  lang  sa usa ka gabii,dili kabuntagan!
BISAYANG  DAKO: Yamat ra. Wala ra na dinhi  sa  amoa.
KANO : Ngano diay dinhi  sa inyo?
BISAYANG  DAKO: Gub-on namo ang nindot  pang  kalsada,unya   panahon  ra sa eleksiyon  namo ayuhon  pa!
HAPON : Baka!






Note: Baka (Japanese word)= (Bisaya translation): Boang,or binoang

NAKORNER

ARYANG  : Sus nagmahay gyud mi nganong ikaw pay nabana  sa among  anak  nga si Magda,Talyo!  Way humanhuman  ang imong kanunayng  paghubog!
TALYO      : Bahalag  magmahay mo,Nay kay inyo gyud ning sala nga inyo kong gi-korner.
ARYANG (Samot nga naglagot): Korner god! Giunsa kaman sa pagkorner animala ka?!
TALYO     : Kamo may naghubo  sa  akong kalsones dihang namisita kong hubog dinhi!
ARYANG : Ngee!

NASAYPAN

SIDOY  : Unsay  nasulod  sa utok ni Bulay-og  nga iya mang gipusil  ang  iyang asawa?
TALYO : Nagbinuang man kuno ang asawa ni Bulay-og.
SIDOY  : Binuang god nga buotan man ang iyang asawa  nasayod ko kay silingan man mi ato  sa niadtong gagmay pa ming mga bata didto  sa  among dapit  sa Kambinokot.
TAKYO: Mao ba? Kuno kay adunay miteks   sa iyang asawa  nga nangita niya,kon  asa  na siya?
SIDOY : Mao ba?
TAKYO: Kana ra gyud,Bay.
SIDOY : Sus, ako man tong miteks  sa iyang asawa kay maningil unta kos utang   nila,  Nangutana kog  hain na siya kay ako na lang untang hapiton karon  ba.
TAKYO : Butangi!

KON DAGHAN PA

OKYOT : Dre,mokumpisal  ko kay nakakawat kog lubi  sa  among silingan.
PADRE  : Pila ka buok lubi?
OKYOT : Usa ra ka lubing sagay ,Dre  ang akong nakuha.
PADRE  : Sus,kagamay ra diay,(nangomedya) gidaghan pa unta   to nimo mahimo tong ikapares  sa paggamag biko.
OKYOT : Yaayyy!

GIGANAHAN

LOLO KURYOT  : Sa tanan nakong apo,ikaw  ra gyud, Yoy  ang akong giganahan.
PAYOY                 : Ngano man ,Lo  nga singgaak  pang Lola Aryang, tapolan  man ko . Dili masugo!
LOLO KURYOT : Mao nay akong giganahan.
PAYOY                : Ganahan diay ka,Lo  sa  akong pagkatapolan?
LOLO KURYOT : Wala. Giganahan lang ko nimo kay di ka kahibawong molihay sa akong dukol!
PAYOY                : Butangi!

DILI MAKABOTAR

MUKLOY : Kinsay  imong botaran sa  umaabot  nga eleksiyon,Dro, si Onyot  ang kandidato  sa PDP o,si Kanor nga naa sa Pwersa  Kombate?
PEDRO      : Wala  koy  botaran  ana nila,Bay Mukloy.
MUKLOY  : Uy, kaanugon   nganong  dili kaman   mobotar?
PEDRO      : Mo lang.Unsaon  man nako pagbotar dinhi nga didto man ko  sa laing dapit marehistro!

DILI PATAS

PAYOY : Murag  maaprobahan  na  ang balaodnon,Yok  nga ang edad  sa  usa  ka batan-on dose anyos mamahimo na kining  mapriso  dayon  kon  makasala.
OYOK : Yatis ra. Dili na makataronganon, Yoy.
PAYOY : Nganong  dili man makataronganon,Yok?
OYOK   : Dose  anyos ka bata pa ana,samtang kon ikaw otsenta  anyos  dali nuon  maabsuwelto!
PAYOY : Ngeek!

RE-ENAKMIN

BOLOY: Nganong gatapok nang mga tawo  sa unahan,Syot?

ISYOT:  Ayda , duna man kunoy  reenacment  sa  nahitabong  pag-ambos  niadtong politiko  dihang dapita mao sab nga naay daghang polis.

BOLOY: Pagkahanggaw  god!

ISYOT  : Nganong  nahanggaw  man?

BOLOY: A, sila ray   gabuotbuot  ug re-enakmin  wala nila imbetaha kadtong mga tawo  nga mao  gyuy  mi-ambos!

ISYOT : Ngeeh!

SAYOP GIHAPON

ONTOY (Naghilak) : Bisan unsa na lang nga  akong himuon para  ninyo,Tay Abloy  sayop ko.
ABLOY (Mialam-alam  sa  anak): Nganong nakasulti  ka  man  niana,Toy. Pinangga  ka kaayo namo  ni  Nanay Tikya  nimo.
ONTOY : Unya,  sa dihang miingon  ko ninyo  nga motanaw kog sine,mibalibad  mo?
ABLOY : Nasayop  ka ,Toy  ang amo lang nga tingaleg  madisgrasya ka kon motan-awg sine  adto  sa  Siyudad.
ONTOY ( Misamot  sa  paghilak): Da, nasayop  na pod!

WALAY NADALA

MISS TABAGHAK  : Ugma kay  duna man tay  cooking  activities  tagsa tagsa kaninyo  akong sangonan nga magdala ug lain laing matang  sa  utanon.
MGA BATA :Yes,Mam!
MISS  TABAGHAK : Ikaw ,Tikyo  maoy  akong sangonan nga magdala ug lubi  aron maoy  atong  itono  sa  mga utanon  unya.
TIKYO : O,Mam.
Nianang  pagkasunod adlaw.
MISS  TABAGHAK : O,Tikyo  nganong wala  ka man magdalag  lubi  nga  atong magamit   sa pagtono?
TIKYO : Dili  pwede,Mam.
MISS  TABAGHAK : Nganong  dili  man pwede,Tikyo?
TIKYO : Nagbantay  naman god ang tag-iya  sa iyang kalubin-an!

DILI MAKATAKOD

DOKOY : Nganong gahinuktok ka ,Klo?
TIKLO : Duna koy HIV,Koy.
DOKOY(Dakong kahikurat): Ha? Mananakod na!
TIKLO  : Dili man.
DOKOY: Unsa goy  dili?
TIKLO  : Nganong  manakod man,nga HIV   ra man. Nga, ang  akong  buhok nagka-anamg kawagtang,uy.    Hair  Is  Vanishing,amaw!
DOKOY : Butangi!

MAY KATARONGAN

Ang  moagi  nga mga  sakyanan  sa  usa  ka taytayan  sa  Barangay  Tikwang ang mga tag-iya  niini  pabayron  agig  toll  fee.

TIGBANTAY  ( Misuna) : Bayad  kag singkuwenta pesos,Sir kay  nagmotor  ka man.
TIKYO (Angkas  sa  iyang motor): A,bisan  gitaya  na gani ning akong motor,pabayron  gihapon?
TIKBANTAY : Aw, mao man nay among pamaagi  dinhi,Sir ayna  lag  reklamo.

Tuod  man mibayad  na lang si Tikyo  para wala  nay  samok.Ang  sunod  nga miagi  si Ontoy  nga may biseklita.

TIGBANTAY : O,ikaw, Brad  bayad kag  bayente  pesos nagbiseklita  ka man.
ONTOY (Nagpangawot  sa ulo kay  wala makadalag  kuwarta): Yamat ra sab  ani ron wala  baya ko makadala  direg  kuwarta.
TIGBANTAY : Aw,sayon  ra  sab na,dili ka makaagi.

Mobalik na lang unta   si  Ontoy  sa iyang agi,  apan may  milakdop  nga  paagi  diha  sa  iyang  hunahuna.

TIGBANTAY : Unya,Brad naa ka nay ibayad?
ONTOY (Nagpasukosuko): Nganong  mobayad man ko!
TIGBANTAY : Mao man nay  among  patakaran  dinhi.
ONTOY : Nganong   mobayad  man ko nga  wa man ni nako sakyi akong biseklita, tan-awa  ako naman ning gilukdo!
TIGBANTAY : Yaayyy!

ANG PAGTUO

IKOY      : Kita  kos  wan tawsan  pesos  nga  gilabay  adtong tawo  nga nahilabay kaganiha  dinhi.
BOKYO : O,nganong wala man nimo punita dayon?
IKOY     : Lisod,Bay.
BOKYO : Imo pa gyung  puniton  nga gibasura  na gani  sa tag-iya.
IKOY     : Unyag  gibasura? Aw, basin peke to.
BOKYO : Mao  gani. Unsay  iyang pagtuo,  garbage  collector  ko!

ANG GISALIGAN

TAKYO(Midakol  sa ulo ni Otoy); Ugmm! Nganong imong gisumbag  ang akong manghod  nga  si Delyo,Toy? Kinsay   imong gisaligan?
OTOY  : Wala, uy!
TAKYO : Tan-awa  tong nawong  ni Delyo,mihuboy. May gisaligan ka no?
OTOY (Naglagot na): O,duna. General , akong Tiyo.
TAKYO (Mikalma) : Aw, heneral diay  sa army,Toy  imong Tiyo?
OTOY  : Dili.
TAKYO : Asa man siya nahimong general?
OTOY   : Siya  ang Postmaster General!

DILI MAHIMONG KALIMTAN

TALINO (Miduol  sa higala nga naghukdong  sa bangko ubos   sa kahoyng Santol): Naunsa ka,Bay  nga naghinuktok  kaman  dinhi?
BOTOY : Lisod  gyud   kon ato nang  mahikalimtan  ang kagahapon,Bay Talino no?
TALINO(Mialam-alam  sa higala):  Sus, kon mapait    nga kagahapon  na,  maayo  gyud  nang  kalimtan! Pasagdi  ug  hikalimti na kana.
BOTOY : Dili  mahimo,Bay  kinahanglan gyud  nga akong hinumdoman  ron.
TALINO : Ngano  man?
BOTOY  : Di unya ko kapasar  sa  among  history  class!
TALINO : Ngeeh!

MAMALIK

ONYOT (Nagsakay  sa  habalhabal); Hunong   una ta dinhi,Bay  kay  nag-ulan  man dinhi  sa paghitungod  nato  sa Baryo  Marigondon  nga padulong pa ra ba  ta  sa Cordova. Mangabasa  ta ani  ron.
DRAYBER  SA  HABALHABAL : Bitaw. Aw, dili lang ta mohunong , Bay diay  maayong  paagi  ay.
ONYOT  : Unsa man na?
DRAYBER  SA  HABALHABAL : Mamalik  tas  atong gigikanan  sa  Baryo Maribago kay  wa man mag-ulan didto.
ONYOT : Butangi, lima pa kilometrong  balikon!

DILI MAPUNIT

SISOY  : O,nganong nagpanglingolingo  kaman  diha,Klo?
OKLO  : Nakakita  kog  wan tawsan  pesos,Bay  kaganiha.
SISOY  : Unya, nganong wala  man nimo  punita?
OKLO   : Mao nay  lisod.
SISOY  : Ngano man?
OKLO  : Unsaon  man nako  pagpunit  nga gigunitan pa  man  sa  tag-iya!

MASAKIT

BOTOY : Undangi  ang pagpanigarilyo.Kyo  kay  makahatag  sakit.
TAKYO : Unsa mang sakita?
BOTOY ; Kanser  god.
TAKYO : Ang pag-inom  sa  ilimnong  makahubog?
BOTOY : Aw, sa kadugayan masakit sab ka  anag  olser!
TAKYO : Mao ra na?
BOTOY : Aw, masakit  ang imong atay  sa  sobrang inom.
TAKYO : Mao ra.
BOTOY : Duna pa  diay?
TAKYO : Duna,pero makaayo.
BOTOY : Yamat ra,unsa man kana  nga makaayo man hinuon?
TAKYO : Sa sige nimong inom mahimo kang maayong danser  ug singer. Inig  kahubog kanta nya mosayaw  pa!
BOTOY : Butangi!

LAIN UG GUSTO

IDOT       : Wala  koy suwerte  niining bag-ong tuig,Bay Andoy.
ANDOY  : Ngano man?
IDOT       : Buwag  nami  si Ibyang.
ANDOY  (Nakurat) :  Yamat ra? Sus,nganong mabalaka ka man,naay  daghan!
IDOT       : Naa bitaw..Pero, naguol ko kay ikeha  kong Ibyang.
ANDOY   : O, nganong ikeha kaman ni Ibyang,may nagpahipi pa sigurong  gusto  diha  nimo.
IDOT        : Duna,Bay. Duna  gyuy  gusto.
ANDOY   :  Da, lagi. Aw, oki  magbalik  na lang   mong  duha.
IDOT         : Dili  na,Bay ,pero  may gusto lagi siya.Mao nay  akong nagul-an.
ANDOY    : Libog pod  ta  ana,Bay  da. Unsa man diay  iyang  gusto?
IDOT         : Gusto  niyang mabalik  ang singsing  nga  among kinuptanan  god.  Nya tua pa ra ba akong giprenda.
ANDOY    : Ngeeh!