ANG GIBAG-O

KULAS : Ingon  pa nila  sa uban,'bag-ong tuig,bag-o  sab  kinabuhi!'
TOKOY : Pero  sa  akoa,lain sab ang ako usab untang bag-ohon,Bay.
KULAS ; Unsa man pod na?
TOKOY: Magbag-o  na usab  kog  panghulam  nimo!
KULAS: Ngeeh!

ANG HANGYO

INSE  MINGGAY : Magbag-o   ang tuig ugma,Yot, bayad  na tawon  sa imong utang.
ONYOT:  Mobayad man ko  Inse  nianang  akong utang,pero duna lang koy ihangyo nimo.
INSE  MINGGAY : O, hangyo  na pod. Unsa man  nang imong ihangyo?
ONYOT : Ibalik ta lang  sa uno  ang lista  sa  akong utang.
INSE  MINGGAY : Butangi!

DILI KA DAGAN

ITLONG : Dagan ka,Brad  pagka-konsehal?
TAKYO  (Nahasinta): Dagan  god!  Ayg  bugalbugal,Brad!
ITLONG : Nganong  nakaingon  ka man nga bugalbugal  ko?
TAKYO  : Unsaon man nako pagdagan  nga kahibawo ka bitawng  nabakol nako!

DILI NA LANG

OTOY : Unsay  hinungdan  nga wala  ka modayon  paglansar  sa  pagka  konsehal  sa  lungsod,Yot?
ONYOT : Usa ray  akong purohan,Bay  nga mamahimong  makadaog  ko. Pero, duha  ka  mamahimong hinungdan nga mapilde  gyud  ko.
OTOY : Yatis  ra. Unsa man na?
ONYOT : Unahon  nako  ang  mga hinungdan,nganong mapilde  ko.
OTOY :  O,sige.
ONYOT: Una, wala koy  ikabuga  nga pinansyal  para switik ug pangampanya. Ikaduha, daghan kaayong  mga   fake  news   ug mga pagdaot  nga  ipakatap,daling  motuong  mga ignoy  apan lisod  ang panahon  sa pag-esplikar.
OTOY : Unya, kadtong usa ka purohan   nga  imong  giingon?
ONYOT: Aw, ang  purohan ra gyud nakong modaog  ko,Bay   kon  ang mga tawo  mahimong  bungol ug buta nga dili makadungog  sa  ilang pagpangdaot  ug di  sab makakita sa  akong ka walay nahot!
OTOY : Butangi!

MAS GAMHANAN

IGNOY : Kinsa  ang  labing gamhanang babaye  nga imong nailhan,Bay  Akong?
AKONG: Aw,  si Wonder Woman!
IGNOY : Yamat ra. Wala nay lain?
AKONG: Murag mao ra man nay  akong nahibaw-an. Ngano, aduna pa diay mas gamhanang babaye?
IGNOY : Duna pa.
AKONG:Duna pa ba god?  Kinsa man?
IGNOY : May lain pa,ang Miss Universe!  Ang tibuok  uniberso na gyud nay iyang ginsakopan!
AKONG: Butangi!

ANG MOSAMOT

APYOT (Mibadlong); Ayg  patuyang ug kaon  nianang  mangga,Bloy  kay  mosamot nang imong pag-ubo-ubo  diha.
ABLOY : Samot god? Dili  ni makasamot,Bay  uy.
APYOT  : A, ikaw. Mosamot gyud nang imong ubo.
ABLOY  : Dili lagi,Bay.
APYOT (Nakuryoso); Nganong  dili  man,aber?
ABLOY : Mosamot nuon  akong gutom  kon dili  ko mokaon aning mangga!
APYOT: Ngeeh!

MGA HINUNGDAN

ABLOY  : Nganong sukmoy  man kaayo nang   panagway mo,Bay?
TIKYO   : Birtde nako  ron,Bay.
ABLOY  : O, dapat unta  nga malipayon ang imong dagway.
TIKYO   : Usa ra ka butang nga  angay kong maglipay,Bay. Apan, duna sab duha ka hinungdan nga angay  sab  kong maguol.
ABLOY (Natingala): Unsa man na,Bay Tikyo?
TIKYO : Una nga butang nga angay kong maglipay kay gilugwayan pa gyud  sa Ginuo  ang  akong kinabuhi...
ABLOY (Misakgaw): Unya ang duha ka hinungdan nga imong nagul-an sab,unsa man na?
TIKYO: Una kong magul-an  magkataas  akong edad padulong  sa pagkatiguwang. Ug, ang ikaduha,nga  sa akong birtde wa may mohatag  nakog   binirtdihan,ako man hinuon gasto!
ABLOY : Butangi!

ANG UNAHON

OTOY :  Niadto  una  mangaon,mangadye  una.
OPLOK :  Tinuod  na!
OTOY    :  Karon  ,kon mangaon  ang  unahon  papiktyor  una.
OPLOK  :  Ngano  man?
OTOY    :  Para  sa Pesbok  naman!

DILI MINGAW

TIKYO  : Mingaw  sa  amoa kon Pasko,Bay kay wala gyud mi 'handa' gumikan  sa  among kalisod ron uy.
ABLOY: Mao pod mi,Bay Tikyo lisod man  pod mi kaayo.Pero, dili man mingaw.
TIKYO : Ngano man ,Bay?
ABLOY : Daghan  mang moadto  sa  amoa nga igo rang mangayog Pinaskohan!
TIKYO : Butangi!

NAKOBRA NA

ADANG : Hapit nang Pasko Maninoy Etot, ang pinaskohan ko unya ha.
ETOT     : Mao bitaw.
ADANG : Andama ,unya kay akong kuhaon  sa Adlaw   sa Pasko.
ETOT :     Unsa may imong kuhaon nga gaanam-anam ka naman ug kobra  kon ako kang sugoon pagpalit  didto  sa tindahan!
ADANG : Ngeeh!

MIBALHIN

TAKYO : Unsay nahitabo  nga minghoy kaman kaayo ron ,Bay Abloy  nga hapit na nuon  ang Pasko?
ABLOY : Mao lagi.
TAKYO : Hapit na ang Disyembre 25, ang pagkatawo  sa  atong Manunobos.
ABLOY : Mao unta.
TAKYO : Uy, nganong naunta man?
ABLOY : Mibalhin nako ron,Bay Takyo  sa laing tinuhoan nga wala nay Pasko!

DILI MAKABOTAR

ONTOY  : Kinsay imong botaran   nga kandidato  sa konsehal  sa  atong lungsod,Bay Abnoy?
ABNOY  : Ako, unta.
ONTOY (Nakurat) : Ha? Nganong naunta man?
ABNOY : Unsaon man nako pagbotar  nako nga na-diskuwalipayd man ko!
ONTOY : Butangi!

ANG HANGYO

PONYONG  : Kumosta ang bag-o mong trabaho,Bay Onyot?
ONYOT        : Da,walay  ayo  tong akong amo,Bay Ponyong  uy!
PONYONG  : O,ingon ka nako nga maayong tawo tong  tawhana  kay gidawat  ka dayon niyag trabaho?
ONYOT        : Maayo lagi unta.
PONYONG  ; Nya nganong naunta man?
ONYOT       : Sayon ra unta kog hangyo niya,nya iya man dayon kong  gipalagpot nuon  sa  akong trabaho.
PONYONG ; Yatis ra. Unsa man diay imong  hangyo niya?
ONYOT      : Ako ra siyang giingnan  kagahapon   god  nga  mopayel  lang kog '  bekisyon  leb', iya man dayon kong  gipayer awot!
PONYONG : Butangi!

PROSPESYONAL RANER

TAKYO; Beliba nakong Elmer ,Bay Asyong uy, kay daghan kaayong nadawat  sa iyang pagka propesyonal  nga raner.
ASYONG : Tinuod  gyud na ,Bay Takyo. Pero dili ko  niya  mobelib  nga usa siya ka propesyonal nga raner ,Bay Takyo. Adto  kong belib ni Otoy.
TAKYO : Yamat ra. Adto ka belib ni Otoy nga wa man gani ko kadungog  nga miapil na siyag lumba  sa dagan?
ASYONG: Bitaw.
TAKYO : Unya, nganong mebileb ka man niya?
ASYONG : Kanunay politika man iyang gidaganan nya labaw pa mas premyo ang iyang makurakot pirme!
TAKYO : Ngeeh,butangi!

BASTA POLITIKO

Nagtapad pagpanglingkod  sa usa ka lingkoranan ubos  sa dakong kahoyng Mangga  nga  daplin  sa  kalsada  ang managhigalang  Abelino ug Pangkoy.
PANGKOY  (Mitudlo  sa mahalong awto nga milabay) : Mao to  Bay Abelino ang awto ni Kongresman   Tabaghak  nga butbotong  politiko!
ABELINO (Milantaw  sa misagirit pagkusog  nga  sakyanan) : Yamat ra,nindot  god  atong sakyanana,Bay?
PANGKOY : Mao  gyud. O, kanang  nagsunod  nga  nindot kaayong awto  nga BMW  sa iya pod    nang  anak!
ABELINO  : Sinaw  god ana,Bay!
PANGKOY : Mao  gyud! O,yuna  kanang misunod  sa  BMW   nga  Ford  sa   asawa  pod  na  sa Kongresman!
ABELINO : Nindota  gyud,Bay  Pangkoy uy. Basta  politiko lagi!
Pagkataudtaod nahiagi  si  Tata nga nagsigeg  yawyaw  nya takulahaw  pod  dayog  katawa.

ABELINO (Mitudlo kang Tata): Unya  Bay Pangkoy , di ba si Tata man na?
PANGKOY : Bitaw,Bay Abelino. Si Tata na kay nabuang  sa daghang  saad  niadtong politiko!
ABELINO   : Butangi!

ANG GISUD-AN

Milisngag  pagsamot  ang ilong ni Ityok sa dihang nasingo ang kahumot sa sud-an  nga bawon ni Antoy.
ITYOK : Lamia  nimog sud-an,Bay Antoy  uy  kay adobo man!
ANTOY : Nganong nahibawo man ka,Yok?
ITYOK  : Ka klaro aron sa baho god.Adobo man ron.
ANTOY : Nya,unsa man sab rong nanimaho mora mag dili masabot?   Ang imo rong sud-an  nga bawon,Yok?
ITYOK : Mao lagi .
ANTOY : Unsa may imong bawon nga sud-an,Yok?
ITYOK  : Aw, USIB  ra  god.
ANTOY : Ha?  Unsa man nang USIB,Yok?
ITYOK  : USIB  god  nga :  Ulo  Sa  Irong  Boang!
ANTOY : Ngeek!

MANANAP NGA BESPRIN

ITLONG  : Unsay besprin  nga mananap  sa taw,Bay Andot?
ANDOT   : Aw, unsa pa  ang  iro.
ITLONG  : Iring,Bay ,uy.
ANDOT   : Ngano man?
ITLONG  : Wa may iring  nabuang!

NAMASIN POD

ONDOY : Pwerteng dakoa na ron  sa premyo  sa lotto, Bay Kalog!
KALOG  : Bitaw,Bay.
ONDOY  : Mopusta ko,Bay basin diayg  akoy makadyakpat.
KALOG  : Duna naman kuno,Bay Ondoy.
ONDOY  : Aw, duna na diay nakadaog?
KALOG  : Kuan  ba, duna nay nabuang pag-inapas ug pinusta!

PAIT GYUD

Nag-inom  ang duha ka managkompare.
TAKYO :  Pre,sige  pa  ta  ani,duna pay duha ka  botelyang 'kabayo" nga akong gi-order!
BOLDOG : Pait na kaayo,Pre.
TAKYO    : Unsa goy pait, nga pagkatimgas nga imnon  anang ber!  Inom pa ta!
BOLDOG : Pait na lagi kaayo,Pre. Na, basaha ra god ning teks   sa  akong asawa  nga  si Ibyang...
TAKYO  (Midungaw  sa selpon ni  Boldog.Mibasa sa teks): Basahon kuno ni nako,Pre  bi , "Kon di ka moundang dihag inom, apason tika dihag  kulata!Unsa man paabuton pa ko nimo?!"
BOLDOG :  Di ba pait gyud kaayo,Pre?
TAKYO : Ngeek!

DILI MAHADLOK

IMYAT (Mabalak-on) : Pastilan,Nyot dunay bagyong  moabot  ang akong gikahadlokan kon malokapa  ning atong payag  sa hangin!
ONYOT (Kalma): Ay sus kaguol naman nimo ana,Imyat.
IMYAT : Unsa?  Nganong ,di man ko maguol bi?
ONYOT: Kadungog  kas  gisultis ,Presidente  nga ang  iyang proyekto ron, kay bild, bild  man! Di huwaton ta na lang nga makay-ag ning atong payag  aron mailisdag bag-o!

ANG NAHIBUDNGAN

TAKYO : Bakakon siguro tong  Doktor nga mi eksamin nako,Day Hulya da
HULYA  : Kay ngano ba?
TAKYO : Ingon pa niya nga baog ko. Dili ko makapaanak!
HULYA : Ha? Unya,naunsa man ni ron?
TAKYO : Nahibulong gani ko nganong namabdos ka?
HULYA(Nagpasukosuko.Milamparo  sa  bana): Hoy, animal kon baog ka ayaw kog i-apil- apil  sa  imong kabuang!
TAKYO : Butangi!

HIMUONG DUWAAN

Misulod  si  Takyo  sa  usa  ka boteka.
TAKYO : Day, papalita ra god kog kondom.
TINDERA (Nahingangha): Uy,mogamit ka pag kondom ,Noy nga tigulang ka naman kaayo?
TAKYO  : Unsa man diay imong pagtuo? O,bitaw otsenta i-tres na  ang akong pangidaron.
TINDERA : Unya, mogamit  gihapog  kondom?
TAKYO     : Unsa man diay imong pagtuo nga ako man ning paburoton aron duwaan  sa  akong apo!
TINDERA : Ngeeh!

GISULOD SA POSO

TIKYO : Nganong nanampiling  ka,Abloy  niining sayong  kabuntagon?
ABLOY : May nanghatag ug bugas ,Bay  tua  sa may plasa.
TIKYO  ; Mao ba? Tana, moadto ta aron makapangayog atong lung-agon, maayo nuon>
ABLOY : Unsay nakaayo ana,Bay Tikyo nga gisulod naman  daan sa poso!

NANGUROG SA KAHADLOK

Maoy namatikdan  ni Boloy ang iyang amigo nga nagkurog gikang nanaog  sa gisakyan niining taksi.
BOLOY : Naunsa ka,Syot nga nangurog ka man, gikabuhi ka?
ISYOT   : Wa- Wa man ,Loy.
BOLOY ; Naunsa man lagi ka?
ISYOT :   Nakita man god nako ang akong asawa nga nahilabay  didto atubangan  sa usa ka hotel.
BOLOY : Unya, mao diayng  nangurog  ka kay sa kasuko tingale na nga may kaubang lalake  imong asawa?
ISYOT  : Dili,Loy.
BOLOY: Unsay dili?
ISYOT  : Dili ang akong asawa ang may kaubang   lalake, ako  nuon ang  may  kaubang seksing   babaye!
BOLOY: Butangi! 

HINABANG

ARYONG : Asa ka,Bay nagdali kaman?
ONTOY    : Tuay  nanghatag hinabang   may tenisan,Bay Aryong niadtong  naigo  sa bagyong Ompong. Moadto  ko  didto!
ARYONG : Yamat ra,uban ko.
ONTOY    : Naapektohan diay imong balay  sa bagyo?
ARYONG : Aw,kaluoy sab  sa Diyos ,wala  man nuon.
ONTOY    : Nya tagaan kaha ka nianag hinabang,Ryong?
ARYONG : Aw, samo lang god ngano bag gub-on ko nang among abuhan aron ingnon nahapit  sa bagyo!
ONTOY   : Butangi!

MAY KALAINAN

IRYONG : Dunay  kalainan  kon mangaon na karon,Bay Antoy  diha  sa  kan-anan,kamatikod ka?
ANTOY   : Wala pa. Usa man na ba?
IRYONG  : Niadto  sa dili pa mangaon sagad,mangadye  agig  pasalamat.
ANTOY   ; Unya,karon diay unsa man?
IRYONG : Karon,piktyuran  una aron makita unsay gikaon!

MAS KUYAW PA

TALINO : Unsay  kuyaw  sa bagyo,Loy?
OLOY    : Aw, unsa pa, ang kusog nga hangin ug ulan. Resulta,  dakong perdisyon  sa  atong mga kabtangan!
TALINO Bitaw. Pero dunay mas kuyaw pa ana,Loy.
OLOY  : Ngano,  aduna pa ba diay  lain,Bay  Talino?
TALINO : Aduna  pa,Loy.
OLOY     : Unsa man?
TALINO : Ang pangurakot  diha  sa daghang hinabang!

NAULAHI

ONYOT : Kusog nang hangin,Yok mao na tingale ni ang bagyong Ompong!
ONYOK : Dili pa,Bay Onyot.
ONYOT : Nganong nahibawo man ka?
ONYOK: Wa pa gani si Tikya,mauna na hinuon si Ompong nga ander man to  sa  iyang asawa!
ONYOT : Butangi!

MANAGO NA

ANDAT : Doy, manago na ta  sa  atong tagoanan kay nagbagyo na.
ANDOY : Motago god nga wala pa man,Dat!
ANDAT  : Unsay  wala pa  nga kakusog naman kaayong ulan  ug hangin...tana!
ANDOY : Wala pa lagi.
ANDAT  : Karon na.
ANDOY(Naglagot): Saba diha,Dat uy, manago ta nga wala pa gani ta makadawat  sa  hinabang  sa gobyerno, mabawo silag pangita nato kon manago ta?
ANDAT : Ngeek!

ANG NAMATYAN

TIKBOY : Unsay  namatyan ni agaw,Botyok,Bay  Andoy?
ANDOY  : Ares  man kuno,Bay Tikboy.
TIKBOY : Pagtarong ba, unsay ares  ba? Gidakop diay siya kay ares  man?
ANDOY  : Aw, wala man.
TIKBOY :Unya nganong  na-ares man maoy iyang namatyan?
ANDOY  : Kay  kardiyak ares man!
TIKBOY  : Ngeeh!

NANGAWAGTANG

Nakugang si Tikyo kay  sa iyang paghiram sa  bolsa sa  iyang  kalsones wala na diha ang iyang selpon.

TIKYO ( Mianunsiyo sa maykropon): Kinsa man gani tong nakakuha sa akong selpon,palihog lang tawon ug uli  niini  kay ako lang tagaag  pahalipay. Kita ra man dinhi nga nagkantakanta  sa  bidyokihan,wala may laing tawo nga mapasanginlan.  Ako lang ipapawong  ang  suga  balig  singko minutos,palihog lag butang dinhi kilid  sa bidyoke kay dili man makita kinsay  nagbutang.

Mingiob  ang palibot.Tuod man milabay ang mga gutlo.  Miabot na ang singko minutos. Mibalik ang kahayag  sa suga. Nahingangha  ang tanan!

TIKYO ( Dakong kahingangha): Sus,tan-awa ra nawagtang na nuon hastang bidyokihan!
ANDOT (Mitingog  didto  sa kilid) : Butangi!

ISKUWATER

Maoy namatikdan ni Andot ang iyang  Tatay  Lusyo  nga naghukdong  sa ilang pantaw. Iyang giduol.
ANDOT : Nganong naghinuktok  kaman,Tay?
TATAY  LUSYO : Nahibawo ka ,Nak nganong miabot ta dinhing dapita  gikan  sa kanhi natong gipuy-an  sa  bukid  sa Asturias?
ANDOT   : Wa,Tay. Ang ako lang nahibaw-an  kay  milayas ta gikan  sa  atong gipuy-an  kaniadto kay gipasanginlan  kang nangilog   sa yuta  sa  atong mga silingan  nga may katubhan!
TATAY LUSYO : Mao na,Andot. Angay kang  masayod  nga  ayaw gyud ibaligya kining dakong kayutaan dinhi  sa  atong palibot nga nia sakop ang Stone Village,Golden Stone ug Sityo Bato.
ANDOT (Daw  nahimuot) : Aw, unsa god   diay ,Tay Lusyo atoa diay ning dakong yuta nga nia dinhi? Wa ko magdahom  da!
TATAY  LUSYO : Mao gani nga ayaw gyug  ibaligya.
ANDOT : Aw, dili ,Tay,uy ako lang padata-datahan.
TATAY LUSYO : Aw, sulayi  aron ka mapriso!
ANDOT ( Nahibulong) Ngano man,Tay?
TATAY LUSYO (Mihapak sa ulo ni Andot): Ugmm! Bugo  gyud nimo Andot,  uy! Ang akong buot ipasabot, nga ayaw gyug sulayig  baligya  ni  kay dili intawon ni ato!

MAY HAMOK

TIKYO  : Daghang hamok nga nagpuyo niining inyong balay,Pre!
BOTYOK  : Hamok god tawon. Wala  may hamok dire,Pre namatay na lang tong akong ugangan nga babaye dinhi niining balaya  wala ko kamatngon naay hamok  dinhi!
TIKYO     : Yamat ra.
BOTYOK : Kinsa may nagsulti nimo,Pre  nga adunay hamok dinhi?
TIKYO     : Ang imo gong ugangan  babaye,Pre!

ANG LAING P

TIKYA: Kumosta.Mare? Pagkadugay  na baya natong wala na magkakitaay no?
SALING : Bitaw,Mare. Kumosta naman mos,Pre Ikong?
TIKYA    : Mao gihapon,Mare  uy,ilaid  sa kalisod maayo gani mi kay dunay makuha  nga tulo ka S.
SALING : Unsa man na,Mare?
TIKYA    : Ay kana gong S S S,kun Social  Security  System.
SALING : Aw, diay ba,Mare? Kami ani,Mare  wa gyud anang  tulo  ka S. Pero  naa miy laing panginabuhian  nga tulo sab ka P.
TIKYA    : Aw,nindot  diay,Mare. Unsa man nang tulo  sab ka P,Mare?
SALING : Kuan Mare, kanang tulo ka P, mao na ang : Pangutang,Pangawat  ug Panglimbong!
TIKYA   : Sus,Mare! Aw, duol-duol  na diay   sa ika-upat  nga  P.
SALING:  Nganong  duol naman nga maupat ,Mare?
TIKYA   : Aw, kana  gong,pangutang,pangawat ug panglimbong  adto man gyud na  sa laing P.
SALING : Unsa man kana ,Mare?
TIKYA   : Ang laing P ,Mare  mao nana  ang Prisohan!
SALING ; Butangi!

WALA MAPRISO

EDOY : Kadtos  Takyo nga labihan ka limbongan  ug pagkabakakon wa gyud to masulod sa prisohan,Bay.
ONYOT ; Yamat ra. Daghan tog sala ,nya wa gyud mapriso?
EDOY    : Bitaw.
ONYOT : Ngano man?
EDOY    : Aw, unsaon man ni siya  sa pagkapriso nga gipatay man dayon to  kay labihan  pagkabilyakong tawo!
ONYOT : Ngeek!

ANG GISALIGAN

Sa  tindahan  ni  Inse  Percy nagkakita ang duha ka tsismosang  manag-amiga.

OSANG : Uy kumosta Sar, long taym  no se.
SARA    :  Nia,Sang mao  lang gihapon  antos  sa    kawad-on  mayman  gani  nga  naay   tulo ka S  si  Atoy  nga  akong kaipong banabana.
OSANG : Unsa   goy tulo  ka S,Day Sar?
SARA    : Kuan god, Social  Security  System (SSS). Nakasalbar  gyod  tawon.
OSANG : Mao ba? Maayo nuon. Kami,Sar  wa  gyud  anang  tulo ka S, naa hinuon  mi tulo ka P  nga  among gisaligan.
SARA (Naikag) : Nindot  god! Unsa man na Sang,  karon pa ko kadungog  ana da?
OSANG : Tulo ka  P  god. Kanang , Pamakak,Pangutang ug Pangilad!
SARA    : Ngeeh!

MADALI RA

ETOT  : Unsay  makahayblad  sa tawo,Bay  Otoy  kon  magsigeg kaon?
OTOY : Aw, kanang  magsigeg  kaon kanunay  sa  baboy.
ETOT  : Yamat ra. Dugay  pa man kang  mahayblad  ana.
OTOY : Unsa  man diay kanang  mahayblad  dayon?
ETOT  : O, god.
OTOY : Unsa  man diay?
ETOT  : Ang daling makapahayblad  kanang  magkaon  ka kanunay  nga  walay sud-an!

KALAHIAN

MUKLOY : Unsay  kalainan  sa  usa  ka Doktor,Bay  Andot  ngadto  sa usa  ka politiko?
ANDOT     : Ang Doktor  moluwas  sa kinabuhi  sa  tawo  pinaagi  sa  pagtambal kon duna kini sakit.
MUKLOY : Korek. Unya, ang politiko?
ANDOT     : Aw, kon ang politiko na gani ang makakorap  sa gobyerno, mangita dayog Doktor aron ingnon nasakit aron dili mapriso!
MUKLOY  : Ngeeh!

'DRUG FREE'

Paghiabot  ni  Takyo nga  gikang  nakagawas    sa  bilanggoan  duna dayon kini namatikdang  kausaban  sa ilang  baryo.
TAKYO (Misikdo  kang Isyot  ug mitudlo  sa  karatula) : Syot,  basaha   ra god nang nakasulat nianang karatula.
ISYOT  (Mitan-aw  sa  karatula) : Unsa man diay na?
TAKYO : Basaha.
ISYOT (Mibasa   sa nahisulat  sa karatula) : " THIS  IS  A   FREE DRUG   COMMUNITY."
TAKYO ( Nakapanakla) : Sus, Syot  kon nagsulti  pa  lang si Juaning  sa iyang  matag 'dalaw'  nako  sa prisohan  nga mao ni nahitabo  sa  atong baryo, dili na ko mouli   uy!
ISYOT ( Nahibulong ) : Ha? Nganong dili naman ka mouli dinhi?
TAKYO ( Mitudlo  sa karatula) : Tan-awa, gihimo  nang  libre  ang drogas  dinhi! Mahimo na sab kong adik ani!
ISYOT : Butangi!

MIMAHAL NA

ANAWONSER  SA  RADYO : Mga higala putlon  ta  una   sa makadiyot ning atong sonata ,kay ato  unang tagdon  ning usa  ka 'pablik serbis'  sa  usa  ka ginang nga gikawatan bag-o  pa lang nga nia  sa pikas  linya  sa  atong telepono. Helo, Mam, sige ipalanog na  ang imong 'pablik serbis'...
GINANG : Kon kinsa tong nakaila ni Botyok  Tinabal  nga mikawat  sa  akoang laptap ug panting binordahan ,kay nakita man siya  sa CCTV,palihog ko sa pagtug-an  dire  nako kay dunay premyo nga madawat nga diyesmil  pesos.
ANAWONSER  SA  RADYO: Nadungog  na ninyo  mga higala  ang   panawagan  sa maong ginang, sige tawag na dire  sa  atong estasyonan kon kinsa tong  nakaila ug makatultol  kang Botyok Tinabal.
(Pagkataudtaod ,  mi-ring  ang telepono.)
O, kinsa ni?
TAWO  SA PIKAS LINYA  SA TELEPONO: Si Botyok Tinabal ni Sir Anawonser.
ANAWONSER   SA  RADYO : O,ikaw ni Tyok , nganong nanawag ka man? Gipangita ra ba ka kay imo mang gikawat  ang laptap ug ang underwear  niadtong Ginang nga bag-o pa lang nanawag.
TAWO  SA  PIKAS  LINYA  SA  TELEPONO : Gamay  ra man nang diyesmil  nga iyang  ihatag,Sir kon  magpakita ko! Ipahimo na niyang  usa ka gatos ka libo kay magpakita ko!
ANAWONSER  SA  RADYO : Yamat ra,tinuod ka? Nganong dako man kaayo  ang imong gipangayo  nga kuwarta?
TAWO  SA PIKAS LINYA  SA TELEPONO : Syempre,Sir  mahal naman sab kaayo ron kon magpalaban  tag abogado!
ANAWONSER  SA RADYO : Butangi!

MAS MAY KABUOTAN

BITONG :  Ang among iro,Bay buotan kaayo kay masugo  sa pagpalit   ug  asin adto  sa tindahan.
ONTOY  : Yamat ra. Unsaon man sa  pagpalit  sa iro?
BITONG : Magpadala  lang mig lista nga ihigot  namo  sa iyang liog, ug basahon   sa tindera.
ONTOY   : Tuod no. Pero mas buotan pa gyud among iring,Bay.
BITONG  : Nganong  nakasulti  kaman  niana,Bay?
ONTOY   : Kundili  pa  may kabuotan  ang  among iring  hisakpan na unta siya namo  nga manungkab kanunay  sa  among sud-an!

DAGHANG MILAGRO

ISYOT  : Ang  atong nasod,Bay Siklot napuno  sa  daghang panalangin ug milagro. Nga  bisan  sa  daghang pangurakot  gibotaran gihapon  nila kining mga tawo nga  mga senyalan   nga nia  gihapon   sa  atong gobyerno.
SIKLOT  : Yatis ra, unsang pagkahitaboa,Bay?
ISYOT  : Di ba duna tay Presidente kaniadto nga usa ka artista nya  napriso.Unya,  nakagawas  sab.Karon, nahimong mayor  pa!
SIKLOT : Bitaw no?
ISYOT   : Duna pod tay na-presidenteng babaye, napriso wa sab dangtig dugay nakagawas  gihapon. Unya  nahimo  siyang kongresista  sa  ilang dapit   sa Luzon,ug karon mao nay Espiker  sa  Kamara.
SIKLOT : Sakto.
ISYOT   : Unya, di ba na  kahibulongan ug dakong milagro!
SIKLOT : Wa gaba-i!

TAMBAY

KULAS             :  Lo, asa ka man paingon?
LOLO  TIKOY : Moadto kos  tindahang Berta kay motangway  kog  tuba  samtang  magtulotan-aw  sa   mangaging    mga sakyanan...
KULAS  : Ayaw  na  pagtambay  didto ,Lo  kay dakopon  na  karon ang  mga  tambay.
LOLO  TIKOY : Yamat  ra  sab.
KULAS            : Tinuod  na,Lo.
LOLO  TIKOY : Natural  nga  motambay nako kay  wala  naman koy   trabaho.
KULAS            :  Na  samot!
LOLO  TIKOY : Ba diha uy, ilaron man sab ta nimo bisag  ni-retire  nako!
KULAS             : Butangi!

PAABSENON

NANG  MINDAT   : Ugma, Inggot  kinahanglan kang  moabsen  una   sa imong   klase  kay magpaibot   ko sa ngipon  didto  sa  Siyudad  Ikaw  ang mahabilin  dinhi  sa  balay.
INGGOT (Miinsister) : Dili  ko,Nay uy  kay  eksamin namo  ugma   sa  klase.
NANG  MINDAT : Unsa  goy  dili? Pwede  ra man  god  na  nga mo-espeyal  ka ug  eksamen  unya ra  na inyong adbayser nga si Miss Katuray.
INGGOT   :  Nanay  sab uy!  Unya , asa  man ko   mangopyag  akong i-anser!

NEGOSYO SA UTANG

TIKYO : Nia  roy  nindot  nga negosyohon,Bay Meliton.
MELITON : Unsa man,Bay?
TIKYO      : Magnegosyo  tag  pautang.
MELITON : Yamat ra. Unsaon  man?
TIKYO      : Akoy  moutang,nya  ikaw maoy  akong utangan...
MELITON : Dili  ko ana,Bay  uy.
TIKYO      : Ngano  man?
MELITON : Kon  mao na,magpanon  gyud  siguro  tong  mga tawo  nga  akong  giutangan aron makabawos   na sab  dire nakog  pangutang.
TIKYO     Butangi!

GILAMOK

LOLO  INGGOT (Mibuyag  kang Syana) : Hoy, Syana nganong wa man nimo haboli si Botoy nga natulog lang dire  sa pantaw, dunay daghang lamok!
SYANA : Sagdi  na,Lo. Hubog na!
LOLO INGGOT : Mao gani,kitkiton ris daghang lamok  dire?
SYANA               : A, maynag  kitkiton aron mahubog pod hastang lamok!

TIBUOK GYUD

Sulod   sa  simbahan.
PARI : Dawaton mo ba Tikya si  Minggo  nga imong kapikas?
TIKYA (Nawong  sa pagduhaduha) : K-Kining,Dre.Nganong  kapikas man?
PARI : Aw,o,kapikas god.
TIKYA: Di ko modawat ug kapikas,Dre, uy! Gusto ko kanang tibuok gyud!
PARI : Butangi!

MAUNDANG UNTA

TIKOY  : Kanus-a  kaha  maundang  ning negosyo  sa  drogas, Kyot  no?
KOYOT : Sayon  ra man untang undangon,Bay.
TIKOY   : Aw, naa ra man diay na! Nganong lisod man laging undangon?
KOYOT  : Unsaon nga naa man gihapoy  buang dagko nga gustong mamahimong adik!
TIKOY    : Da lagi!

MIUSO POD

BOTOY : Pastilan  ron sa mga panghitabo,Bay Onyot  miuso man ang patay!
ONYOT : Bitaw. Bantog ra  nga  miuso  sab.
BOTOY  : Ang  unsa man sab ang miuso,Bay Onyot?
ONYOT  : Ang  negosyo  sa  punerarya!

KALAINAN

PLASIDO : Lahi gyud  ang usa ka dato  ug ang usa  ka pobre karon,Bay kon makasala.
AMPONG : Unsay  kalainan,Bay Plasido?
PLASIDO : Kon ang pobre makasala priso dayon, pero dato gani ang makasala...
AMPONG : Kon ang dato maoy makasala,unsa man ,Bay?
PLASIDO : Polis dayon ang  pasanginlan kay nganong  gapatakag suwat  sa blater!
AMPONG : Butangi!

MAGPAKAPON POD

ONTOY              : Dunay paagi ang taga Popcom  na karon,Lo  aron  makunhuron ang pagdaghan  sa tawo.
LOLO  ITYOK  : Yatis ra. Unsa man kuno nang  paagiha aber. . . ?
ONTOY             :  Pagkapon  kuno  sa  mga lalaki,Lo!
LOLO ITYOK   : Mosaler  kaha  nang paagiha,apo?
ONTOY             : Aw, mosaler  gyud na,Lo  kay dili naman makapaanak ang lalaki  nga kapnon, di  dili na ta magkadaghan!
LOLO ITYOK   : Aw, kon mao na, moapil na lang pod   kog pakapon,apo.
ONTOY              : Butangi!

NAKAILA

MISS PATURATOY : Juan kinsa man ang atong  national  hero ?
JUAN  (Naghunahuna pa) : Si kuan,Mam...
MISS PATURATOY : Sus,nimo,Juan bugo gyud kaayo ka. Mao na ang imong naani sa imong pagsigeg absen  sa  klase  ug kanunay paglaag-laag!
JUAN (N angawot  sa  tingkoy) : Unya,Mam kaila ka anang Dayana?
MISS PATURATOY : Kinsa man na siya,Juan nga wala man ko makaila ana?
JUAN (Mingisi) : Mao na diha,Mam. Pangutan-a  imong bana sige man na sila kuyog kon manglaag!
MISS PATURATOY : Butangi!

DILI NA DUGAY

PIKOT : Niadto kong manguyab ipaagi pa sa pagsulat,nya ipadala  sa koreyo. Dugay man.
PAKOL: Bitaw. Karon dili na. Ug, karon mas dali pa.
PIKOT : Unsa naman diay,Kol?
PAKOL : Ipaagi nag mesyendyer.

MAOY GIKUHA

BOLDOG : Ingon ka,Dong abogado  ang gikuha ni Intoy?
KADONG :Ingon  bitawng Poldo  nga amahan ni Intoy.
BOLDOG  :Ayg tuong Poldo ,Dong  uy!
KADONG : Nganong dili man ko motuong Poldo bi?
BOLDOG : Unsay  abogado ba ang gikuhang Intoy, nga  kadakong buongon adtong iyang gikuha kaganiha!
KADONG: Butangi!

PULIPULI DIAY?

PIDOT : Tikoy nganong wala ka man mo-iskol karon?
TIKOY : Iskol ko,Bay uy, kaganihang buntag.
PIDOT  : Nganong buntag ra man,karon diayng hapon?
TIKOY  : Papuli kong Tatay ako na poy tugway  sa kanding!

NAKAGAWAS NA GYUD

AMPOG  : Sus,Bay  kadungog kas duguong  balita kaganihang buntag?
TIKYO    : Unsa bang balitaa,Bay?
AMPOG  : Dunay nahitabong   rayot sulod  sa bilanggoan sa Mandaue,ug usa ang  nakagawas na!
TIKYO    : Yamat  ra sab. Giunsa paggawas nga nagkarambola man kaha sulod  sa prisohan?
AMPOG  : Aw, patay  nang nakagawas,Bay kay gipusil man !
TIKYO    : Butangi!

GIBALIK NA

BENANCIO  ;  Maayo pang ibalik na lang to  ang silot  nga death penalty ,Bay  aron mahadlok ning mga  batan-on  nga  mohimog  mga  salaod.
ISYOT           : Gibalik  na bitaw.
BENANCIO :  Anus-a  ba nga  wala man lagi  ko  kabasa  sa mga pamantalaan kalabot ana?
ISYOT          : A,yamat ra. Wa gyud?
BENANCIO : Kanus-a ba gibalik,Bay Isyot?
ISYOT          : Kana  gong tokhang, unsa man diay na?

MAGHIKOG DILI

ONDOY (Natingala) : Uy, nganong imo mang gihigtan  sa pisi ang imong duha ka tiil,Nyok?
ONYOK : Maghikog ko,Bay.
ONDOY : Yamat ra! Ayaw  diha  sa tiil paghigot, anha  sa imong liog.
ONYOK : Gisuwayan na bitaw  na nako kaganiha,Bay.
ONDOY : Unya?
ONYOK : Naglisod naman hinuon  kog ginhawa!

SUMPA SA LINOG

BOKLOY : Dunay   nahitabong linog kaganihang buntag,Bay,nakabantay  ka?
OLDOK    : Wala ko makabantay,Bay.
BOKLOY : Yatis ra god.
OLDOK    : Bitaw. Kon gabii pa to makabantay gyud  siguro ko.
BOKLOY  : Ngano man?
OLDOK    : Kon maglinog na god,Bay labinag gabii  kay pasigaon man dayon nako ang suga!
BOKLOY  : Ngano man?
OLDOK    : Aw, hunong dayong linog!
BOKLOY  : Butangi!

ANG GISUD-AN

ONTOG : Unsay sud-an nimo,Lok kaganihang  pamahaw?
LOKLOK  : Ginamos ra tawon,Tog.
ONTOG    :  Luoy god. Kon nahibawo pa ko gihatagan ta unta ka nakog sinabwang  manok bisaya!
LOKLOK : Nindot unta.
ONTOG    : Mao lagi.
LOKLOK  ; Sagdi na lang,bisan ginamos among sud-an mao ra man niy among gitusloban sa letsong baboy!
ONTOG   : Butangi!

MAONG NAPILDE

INGGOT : Sa  akong pagtuo,Bay Peding nga si Takyo gyud maoy midaog  sa eleksiyon sa pagka kapitan tungod  sa  maayo niining plataporma.
PEDING : Apan nasayop,Bay.
INGGOT : Ngano kaha?
PEDING  : Ay daog man god siya  sa iyang plataporma,pero lang.
INGGOT  : Unsa man?
PEDING  :  Pilde sa  kuwarta!
INGGOT  : Butangi!

MODAOG NA

OKOY : Modaog gyud  si Banoy  niining   eleksiyona ron,Bay.
BOTYOK : Nganong  nakasulti  ka man  niana,Bay?
OKOY      :  Tikasan  naman siya ron ug butboton  pa  gyud!
BOTYOK :  Butangi!                           

DILI NA TIHIK

ONTOY : Pangagpas nimo,Bay Miyok modaog  na  kaha  si Okol niining eleksiyona?
MIYOK  : Modaog na,Bay.
ONTOY  : Nganong  nakasulti  ka man niana,Yok?
MIYOK  : Giwagtang   naman  niya  ang  iyang  pagka tihik!

BARKO ANG SAKYAN

BODOY (May kabalaka) : Ayaw na lang dayon ug pauli didto  sa Leyte,Lo  kay dagko kaayo ron ang bawod  sa dagat.
LOLO GORYO (Mipasabot  sa  apo) : Ayg kabalaka,apo.
BODOY   : Ngano man,Lo?
LOLO  GORYO : Barko man god  akong sakyan ,Dong dili man bawod!

MAS MAUWAW

ARYANG (Misinggaak) : Hoy, Ikoy naunsa ka god diha nga gapunay kaman la'g  duwa, imo man lang gipasagdan ang imong Lola nga nanglimpyo!  Wala ka mauwaw!
IKOY (Nagpangawot) : Nanay sab uy. Si Lola nuon maoy uwaw kaayo,Nay.
ARYANG : Ha? Naunsa ka?
IKOY        : Nya,Nay akoy manglimpyo diha ug si Lola maoy magduwa dire,dili kaha kataw-an  sa mga tawo!
ARYANG  : Greeerr!

NASIPYAT LANG

Miulbo  sa  kalagot  si Emok  sa  dihang maoy  iyang nakita  sa gi-order niining  nodols  nga  may lagong nga naglutawlutaw.
EMOK (Mitawag  sa  Silbidora) : Day,pastilan nganong dia  may lagong nga naglutawlutaw  niining  akong nodols  nga gi-order?!
SILBIDORA ( Nakalitan):Ha? Aw,  naa  diay,Sir pastilan,nasayop!
EMOK  : Sayop  gyud ni,Day  kay nia man maglutaw   sa  akong nodols!
SILBIDORA  : Sayop,Sir  kay natugpa  diha  sa  imong gi-order,pero  apil man unta na...
EMOK (Nahibulong): Unsa to,Day?
SILBIDORA : Apil man god na sa among sekret minu ,nasipyat  lang kay nakita!
EMOK  : Butangi!

LIBRE DIAY

Gumikan  sa labihang kagutom nahadiindiin tawon si Pokloy  pagpangitag  tindahan o karenderya nga iyang kapahingi-an ug makaon  nga makasulbad  sa  iyang gibati  nga karon daw kakuyapon na.
POKLOY : Tagpila ning inyong linat-ang  baboy,Bos?
TAWO      : Kuwarenta  pesos  ang hiwa.
POKLOY (Nagpanilap): Uy, mahal pod diay, nya ang sabaw ,Bos?
TAWO      : Ang sabaw  libre ra.
POKLOY (Sa hilom) : Hay salamat. puydeng  makapangayo lag sabaw   una,Bos?
TAWO   : Way problema.
POKLOY : Kan-on  ninyo,Bos?
TAWO      : Diyes  pesos  ang  plato.
POKLOY  : Pila man ang dukot,Bos?
TAWO       : Aw, libre ra  ang dukot.
POKLOY  : Sige,Bos  ang sabaw  lang ug dukot  maoy  ako,puwede?
TAWO       : Walay  problema.
Human  niyag kaon,nahibulong  siya  nga  ang tanang katupad  niyag pangaon milakaw lang  nga wala  mobayad.
POKLOY  (Nangutana) : Bos,nganong  nanglakaw  ra man tong mga nangaon dire nga  wala man mamayad   sa  ilang gipangkaon?
TAWO   : Aw, walay problema.
POKLOY(Nahibulong): Ngano man,Bos?
TAWO  : Mao man goy  among nabatasan nga mopakon mi dinhis  among karenderya  nga libre  basta pista!
POKLOY : Butangi!

MAY BUHOK

Hilabihang sukoa ni Tadoy nga iyang nakita ang buhok  nga  naglambod  sa order niining nilat-ang baboy.
TADOY (SukO) : Hoy, Day  silbidora  nganong duna may buhok  ning akong order nga linat-ang baboy?!
SILBIDORA (Nakalitan) : Aw, Sir, sori kaayo sir ha! Ako  lang ilisan.
TADOY : Aw, ayaw  na lag ilisi.
SILBIDORA : Unya, Sir?
TADOY  : Pun-i  na lang  bisag  walay  buhok!

GABII DIAY

Duha ka buang sulod  sa mental hospital  nag-estoryahanay.
UGOK (Unang buang):Akoy  unang tawo  nga nakaadto  sa buwan!
DUGONG (Ikaduhang buang): Yamat ra! Mao ra na. Wala ra na  sa  akong naadtoan.
UGOK   : Unsay imong naadtoan?
DUGONG: Ako unang tawo  nga nakaadto  sa  Adlaw?
UGOK      : Wala man lagi ka  mapaso,ayg pamutbot,  uy!
DUGONG : Ang-ang  gabii  man ang akong  pag-adto!

ANG GIADTO-AN

Duha ka buang sulod  sa mental hospital  nag-estoryahanay.
UGOK (Unang buang):Akoy  unang tawo  nga nakaadto  sa buwan!
DUGONG (Ikaduhang buang): Yamat ra! Ayg panghambog,Bay wala ra na  sa kumingking  sa  akong naadto-an.
UGOK ( Diin ka man miadto?
DUGONG : Akoy  unang tawo  nga nakaadto  sa Adlaw!
UGOK       : A, di ko motuo  kay wala ka mapaso  sa  kainit  sa  Adlaw!
DUGONG (Mihapak  sa ulo n i Ugok): Buang, unsay imong pagtuo ? Gabii  ang akong pag-adto,uy  amaw!

PROBLEMA

BITONG : Bay  Isyot  nganong  naghinuktok man niining sayong kabuntagon?
ISYOT    : Dunay  problema,Bay Tong.
BITONG : Aw, kanang  problema  parte  man na sa  atong kinabuhi,Bay Isyot.
ISYOT     : Bitaw. Pero  dunay tawo  di gyud  moparteg  problema  sa  ilang kinabuhi.
BITONG  : Duna  diay?
ISYOT      : Duna,Bay  uy, kana diayng mga tawong boang wa man nay gihunahunang problema!

NAHAGBONG

Maoy namatikdan ni Okong ang iyang apo  nga  naghinuktok  diha   sa  may bakanan  sa  ilang  hagdanan  nga kawayan.
OKONG : O, nganong naghinuktok  kaman,apo? Naunsa  ka Bitoy?
BITOY (Ang  apo): Nahagbong  kos  usa  ka subdyek namo ,Lo ning pagtapos  sa  saring.
OKONG : Sus,kana lang diay,ayg kabalaka  ana,apo.
BITOY   : Ngano man,Lo?
OKONG : Karong dayon adto tas  ilang,Akang.
BITOY (Nahibulong): Ngano man,Lo?
OKONG : Ay  ato nang ipahilot  ang imong piang kay nahagbong kaman kaha aron na mamaayo!

DALING SUNDUGON

TIKYO : Unsang kinaiya  sa  tawo  nga daling masundog nimo,Bay?
BOTOY: A, sayon.
TIKYO : Unsa man bi?
BOTOY: Kon kinaiya  nga amang ka,aw sundog dayon kay  awtomatik man dayon sab nga mag-inamang ko,di ba?
TIKYO : Butangi!

'SUMMER'

OKONG : Asa  man ka rong samer,Bay Kintoy?
KINTOY : Syempre  asa pa, di  sa  atong iskol gihapon.
OKONG  : Asa ka ba mag-enjoy  sa  imong bakasyon,mao na samer!
KINTOY : Sa iskol lagi nato gihapon.
OKONG  : Nganong   sa iskol man gihapon  magsamer?
KINTOY : Ang-ang  nga duna man koy  mga bak subdyek  nga  akong sameran bi!

ASA MOTUO

BOTOY : Hapi bertdi nimo,Bay  Klong.
TAPAKLONG  : Bertdi diay ron nako?
BOTOY            : Limot ka?
TAPAKLONG  : Limot god? Kinsay  nagsulti  nimo nga bertdi ron nako?
BOTOY            : Imo  gong Papa  Isyot.
TAPAKLONG  : Tuo ka mang Papa,hubog to  kagabii.
BOTOY            : Kinsa  may akong tuhoan?
TAPAKLONG  : Adto tuo   ug pangutana sa  akong Mama  kay  mao man toy nagpakatawo nako.
BOTOY            : Butange!

MAY KALAINAN GYUD

BOTOY: Unsay kalainan sa tinuod nga babaye ug  sa bayot,Bay Okoy?
OKOY  : Aw, ang bayot magpakaaron-ingnon gyud nga tinuod nga babaye,nya  ang  tinuod  sang  babaye...
BOTOY ; Unsa man,Bay?
OKOY : Magpakaaron-ingnon  sab nga dili hangol   sa  tumoy nga maoy gusto  sa bayot!

BINAG-O NA

BOLOY : Niadtong  kapanahonan  sa  atong kabatan-on,kon  mangasawa  naa  gyud dayon nang pangagad. Bughag kahoy,sag-ob tubig   ug bisan unsa pa diha ngadto  sa  mamahimo tang asawa  didto  sa  ilang panimalay.
GORYO : Bitaw,Bay hinumdom pa ko ana.
BOLOY : Karon  sa  mga batan-on wala naman  mauso kanang pangagad o  unsa pa diha kon mangasawa.
GORYO : Nganong nakasulti ka man niana,Loy?
BOLOY : Karon kay  ang nauso  mao ni: maghimog  akawon  sa  pesbok,ngitag  babaye,tsat  dayon sa mesendyir, ug  kon magkasabot  aw  mangasawa  dayon!
GORYO : Butangi!!!




akawon (account)

NAANAD SA HUWAM

BOKYO : Ngano man to si Ontoy,Bay Ciano nga mihuboy   man ang nawong? Di ba gikan man to dire  sa inyo?
CIANO : Mao nay tagmon sa tawong naanad  sa sigeg panghuwam,Bay Kyo! Ako gyung nawiktan  sa  akong kinumo!
BOKYO : Mao  ba? Ngano man diay,Bay?
CIANO  : Palahuwam kaayo to  si Ontoy,Bay.   Nagtuo siguro nga madala pa ko  niya sa iyang kabuang ay!
BOKYO : Ngano lagi,Bay?
CIANO  : Kon manghuwam siya nakog kuwarta, okey,  nakahuwam    gyud  dayon to   nako,Bay.
BOKYO : Unya?
CIANO : Kon manghuwam ug totbras, brep,purol ,kalsones,sapatos, ako dayong pahuwamon..
BOKYO: Yatis ra god diay to si Ontoy,nya nganong  nawiktan  man to lagi  sa  imong kinumo,manghuwam na pod?
CIANO  : Ay, manghuwam  na pod unta to dire nako,Bay.
BOKYO : Unsa  man sab  ang  iyang huwaman  na pod unta,Bay?
CIANO  : Ang bag-o  nakong asawa, nabuang siya!
BOKYO : Butangi!

MAS LAYO

TAKYO : Unsay  may mas  layo, ang buwan o ang Adlaw,Yot?
ONYOT : Layo  kaayo ang buwan,Bay Takyo.
TAKYO : Ngano man?
ONYOT : Palandunga ra god o , ang gilay-on  sa  30 ka adlaw  una pa mausa  ka buwan!
TAKYO : Ngee!

WALA NAY LAMI

Sa dihang nahilabay  sa nahimutangan ni Onyot ang usa  ka  seksing babaye nakatuaw kini  sa pagkanta.
ONYOT (Mikanta) : "Lami  sang bayhana.Lami sang bayhana,lami!"
Pagkataudtaod  usa  ka bayot na  sab  ang nahilabay nga nagkiaykiay  sa  paglakaw.
ONYOT (Mikanta na sab) : " Lami  sang bayhana.Lami sang bayhana  batoon ug  kaldero,lami!"
BAYOT (Milingi  nga nagsigang mata) : Hoy  animal  ayg  iapil  ang dukot ha kay mosamot  tag  ka  buwisit!

NAGKAGUBOT

Pwerteng  sukoa ni  Noy Tasyo  kay  nagkagubot  ang  pukot  nga  gigamit   sa  iyang  anak  nga  si Ityok  pagpanagat  nianang  buntag.
NOY  TASYO : Hoy Ityok  tan-awa  ra ning pukot  nga   imong  gigamit,nagkagubot  man ni!
ITYOK  : Ayg  ka problema  anang  nagkagubot,Tay.
NOY  TASYO : Ug, nganong  dili man ko  maproblema,Tyok?
ITYOK  : Adto na  nato ipahusay  ang nagkagubot  sa  barangay!
NOY  TASYO : Amaw!

WALA MAAPIL

Nahimuot  si  Abdul dihang iyang nabasa   sa  pamantalaan ang kalit  nga  pag-ulbo  sa  dakong Mall  sa  siyudad  gumikan  sa   pagpabutog  bomba  niini.
ABDUL  (Nagkatawa): Ha-ha-ha-ha, sa kataposan milampos  gayod si  Ityok   nga  akong  suicide  bomber  sa  iyang misyon. Patay  sab  ang buang  dako!
Pagkataudtaod  may nanawag  sa  iyang selpon.
ABDUL (Mitubag  sa  tawag  sa  selpon): Kinsa ni?
PIKAS  TAWAG  SA  SELPON : Bos Abdul,wala na ka kaila nako? Ako ni  si Ityok!
ABDUL (Nakalitan) : Aw, ikaw diay ni Ityok? Buhi  pa lagi ka? Wa diay ka maapil pagbuto  sa  bomba?
PIKAS  TAWAG  SA  SELPON : Yamat  ra,nganong  moapil man kog pakamatay  wala pa man ko nimo hibayri!
ABDUL  : Butangi!

WALAY GIBILIN

KANOT : Day Agida,unsa may atong sud-an  sa  paniudto?
AGIDA  : Ayg sigeg  pangutana,Not  kay wa gyud ka magbilig  kuwarta  nga ipalit  ug sud-an!
KANOT : Na,hala. Mouna na lang kog kaon,
AGIDA  : May sud-an  ka diay?
KANOT : Nagpalit kog humba didto  sa  karenderiya,maong wa ko magbilig kuwarta.
AGIDA   : Butangi!

NAGBANTAY DIAY

Maoy n amatikdan ni Doktor  Hugalbot  si  Ontoy nga bag-ong sulod  sa  mental nga nagsigeg liraw ang  mga mata. Naghiwasa  og kanunayng  dili mahimutang  ang kaugalingon.
DOKTOR  HUGALBOT  : Ngano ka,Toy nga wala ka pa man matulog?
ONTOY (Miyanghag) :       Di ko ka tulog,Dok daghang kiyawkiyaw! Naay kalit mosiyagit  nya naa poy kalit mokatawa!
DOKTOR  HUGALBOT  : Mao ba,Toy? Mga buang man god na sila.
ONTOY (Misigang  mata) : Mao gani,Dok akong gibantayan akong kaugalingon  bahalag way tulogtulog!

NANGIHI

Gumikan  sa  labihang  panginahanglan wala kapugngi  ni  Otoy  ang  pagpangihi  diha  sa  sementadong  koral  haduol  sa  kalsada.
TAWO  (Mibadlong  kang Otoy ) : Hoy, Bay  dili man na paihian  diha!
OTOY ( Nakalitan) : Unsa  god  diay?
TAWO : Naa  o, kakita  ka  anang  karatula  nga  naa  sa  ibabaw  sa  koral.
OTOY  (Mihangad  sa  karatula) : O, kakita ko.
TAWO : Aw, wala diay nimo basaha?
OTOY (Nagpakaaron-ingnon): O, akong nabasa na.
TAWO : Aw, nahibawo na ka? Kaklaro niana ,o : BABOY  RA  ANG  MANGIHI  DINHI!
OTOY (Mikipat  ang  mata.Misinta  sa  kasuko.Mitulisok   sa  tawo) : Yamat  ra! Nakakita  kang  tawo  ko ug  dili  baboy, unsa, moreklamo  ka?  Igo  ka nya ning  kumo ko ay!
TAWO (Miuk-ok) : Butangi!

WALAY KLASE

ONTOY : Walay  klase ugma, Yot  kay  gibalita  sa radyo...
ONYOT : Ngano man,Toy?
ONTOY : Bagyo man.
ONTOT : Ngano mag bagyo  maguba diay  ang eskuylahan!
ONTOY : Butangi!

MANGLAAG POD

ISYANG (Mimaymay  kang  Kanot) : Maayo nga imog sundogon  ang kinaiya  sa mga hulmigas,Dong Kanot.
KANOT (Miiknat  ang dawonggan) : Ngano  man diay,Nay?
ISYANG :(MItudlo  sa nagkamang nga mga hulmigas) : Tan-awa mga kugihan sila kay miduko  lang   sa ilang trabaho. Walay giusikang panahon,wala gyud mosimang  ug  maglaaglaag.
KANOT (Mingisig  hilaw) : Kinsa  goy  dili molaag,Nay?
ISYANG : Bitaw.
KANOT  : Binuang  na,Nay,uy!
ISYANG : Binuang god!
KANOT  : Kay ngano lagi niadtong didto kos burgeran didto man sab na  sila maglinya  sa  atubangan!
ISYANG : Butangi!

DILI PAREHA

Maoy  namatikdan ni  Ontoy ang usa ka tawong lago nga nagkumotkunmot  sa  iyang hugaw kilid  sa  may basurahan.
ONTOY ( Misinggit) : Hoy, kagwang  naunsa   ka diha  nga imo mang  gikumotkumot ang imong hugaw,nabuang  ka?
TAWO ( Mingisi  lang) : Buang  god.
ONTOY : Unya, nganong imo mang gikumotkumot   ang imong  hugaw?
TAWO    :  Aw, wala  lang.
ONTOY  : Aw, buang gyud  diay  ka  kay mokaon  sa  imong  hugaw?
TAWO ( Nasuko ) : Hoy  himantayon , unsay  imong pagtuo samas  iro  nga  iyang sinuka  iyang kan-on?
ONTOY : Butangi!

ANG KALAINAN

Sayo  sa  buntag nagtagawtaw nas  Basyang  sa  iyang bana nga si Miyok.
BASYANG : Sus,Miyok kanang imong bisyo mao gyuy  nagdalag dimal  sa  atong kinabuhi! Sugarol nya labihan  pa gyud  ka palahubog!  Way  ayo  gyud,Yok!
MIYOK      : Ayg sigeg  tagawtaw  diha,Syang  sayo pa  sa buntag. Maayo na lang gani ning akong bisyo  kay  palahubog, kay  sa  palainom!
BASYANG (Samot nga misinggaak) : Aha, maayo pa! Unsay  nakalain anang duha nga palahubog ug palainom  nga mao ra man nang duha,animal!
MIYOK    : Sus, Syang kaming mga palahubog kon hisobra-an na ganing nainom, moligid na lang  sa kalsada  ug makatulog!
BASYANG  : Unya, unsa man pod nang palainom nga mao ra man gihapon na!
MIYOK       : Kana maoy way ayo kay sige lag inom, nya dili  man pahubog.
BASYANG  : Butangi!

GIPASALIGAN

PANYONG : Unsay  pasalig  nimo  sa  akong  anak,Abloy  nga  iya ka mang gisugot  bisan sa kabati  sa  imong hitsura?
ABLOY      : Sayon ra god,Noy  Panyong  pasalig.
PANYONG: Unsa man,Bloy?
ABLOY      : Akong pasalig   sa  imong anak nga kon iya kong  sugton  hunongon  na nako sigeng suyak  sa  inyong  sakyanan!
PANYONG : Animal!

BUANG GYUD

Nagpaminti  sa  kalagot si Ontoy dihang   nabuak ang bildong bentana  nga gilabayg  bato  sa usa ka tawo  nga  naglago  ang biste  atbang   sa  ilang panimalay.
ONTOY : Hoy,nganong imong gilabayg  bato ning among bentana? Tan-awa maayo  gyung pagkapusgay!
TAWO (Mingisi) : Ka-Kay  ngano?
ONTOY  : Buang ka?
TAWO    :  O-o,bu-buang  man ko, nga-nganong  nakatag-an  man ka?
ONTOY (Misamot pagbukal  ang dugo  sa   kalagot): Animal  gyud kang buanga ka! Ipapreso  tika!
TAWO (Samot  nga mingisi. Namikat  pas  mata) : Pikat  nimo! Naa  diay  buang  gipreso!

SAYON NGA LISOD

TIKYO : Naay sayon,Bay nga  mamahimo kang milyonaryo.
PANYONG : Yamat ra god, tinuod ka,Bay?
TIKYO       : Lagi.
PANYONG: Unsaon man?
TIKYO      : Adto ka lang   sa may lotto  nya molinya ka,nya  mopusta. Kon modaog ka di milyonaryo  ka na!
PANYONG : Bitaw tinuod gyud na,Bay. Pero lang.
TIKYO        : Unsay nakapero,Bay?
PANYONG : Unsaon man sab nato pag-igo  ?
TIKYO        : Butangi!