LAIG SABOT

Malipayong  mibalita  sayo  ning buntaga  si  Henya  ngadto  sa  iyang  inahan nga si Angkay  kay nadawat na kini  sa  iyang pagpangaplay  ug  trabaho  didto  sa  siyudad    sa   miaging  adlaw.
HENYA :  Nay Angkay, duna koy  ibalita nimo,Nay.
ANGKAY : Unsa man na,Day Henya?
HENYA    : Nadawat  na  gyud ko  sa   akong pagpangaplay  ug trabaho,Nay  didto   sa  siyudad!
ANGKAY : Uy, maayo  nuon na.  Na, unsa mang  trabaho na?
HENYA     : Nadawat  ko  sa  call center , Nay!
ANGKAY ( Ingon  sa  natuk-an) : Ha? Uy, pastilan  misulod  ka  diay  anang pagka-kolgirl?
HENYA    : Dili man call girl,Nay  uy!
ANGKAY ( Misinta   sa  kasuko) : Uy, unsa man diay tawag nimo anang  mga babaye nga manawag   sa ilang  mga kustomer, di ba kolgirl?
HENYA   : Maoy gidangat  ani!

HADLOK DIAY

Kanot  nanugon  sa  asawa.
KANOT  : Day Huaning,kon mamatay naman  gani ko niining  akong sakit, ayaw gyud tawon ipasunog  ang  akong lawas.
HUANING : Maayo na,Not  dili dako  ang  gasto,
KANOT     :  Uy,Huaning  mahadlok  man gani kong  hipaakag  lamok,kana  na ba hinuon ang akong  lawas  dubdoban!
HUANING : Butangi!

PAGWAGTANG SA UWAW

Samtang  nagkaduol na sila  si Ikyang ug Kanot   sa  tindahan ni Akang,kalit kining nahiuknol  sa  paglakaw.
IKYANG  : Mamalik na lang ta,Not.
KANOT (Nahibulong ) :O, nganong mamalik man ta?
IKYANG : Mauwaw  kong moagi  sa  tindahan ni Akang, basin makit-an nya ko niya.
KANOT  : Ngano man?
IKYANG : Gipaninglan naman god tang Akang  sa  dakjo natong utang kaniya,mauwaw  nakong magpakita  sa  akong nawong.
KANOT : Kana ra diay, sus  nimo kasayon  ra  sa  paagi ana.
IKYANG : Unsaon man diay?
KANOT  : Taboni  nang imong nawong, kay  ang nawong ra man goy mauwaw!

PAANGAY

KANOT : Dunay  maayong  panultihon,Bay  tamdan  labinag  hadlaon tas mga  probelma ba.
ETOT     : Unsa man kana, Bay  Kanot?
KANOT  : May  panultihon  nga  , ang  usa kuno ka pagpahiyom  maoy walay  pagkupas  nga  pagpaangay  sa  atong dagway.
ETOT     : Yamat ra! Unya, kon (mitudlo kang Kadoy) mopahiyom ug moagik-ik ug katawa nang  tawhana?
KANOT ( Milingi  sa bungi) : Aw, mao  nay   giahak  nang  dagwaya!

BASLANAY

TIKYO ; Sige  gihapon ang kagubot  didto  sa  Minadnao, Nyot?
ONYOT: Aw, sige.
TIKYO : Syaro  naman sab nang mangatawhana, wa pa gyud na sila mahutdig bala?
ONYOT : Hutdan god? Bawos-bawos man gani nag paka-paka ug buto-buto  sa ilang  mga armas!
TIKYO : Aw mao ba? Bawos-bawos gyud diay na pirme sila?
ONYOT : O,god, Bawos-bawos  sab hinuwamayg  bala kon kinsa nilay wan-a!

PERMANENTE NA

Bag-ong  nahiabot  si  Kanot gikan nga midalikyat ug pagbisita  sa  iyang igsuon nga  tua   sa  Marawi.
ONTOY : Kumosta,Bay Kanot  ang imong  pagduaw   sa  imong igsuon didto  sa  Marawi?
KANOT : Maayo man,Bay.
ONTOY : Kon  mao na, maayo na diay ron ang ilang kahimtang kay dili naman kaha sila magkatibulaag sa pagpamakwet sa bisan  asang  dapit?
KANOT : Tinuod  na,Bay.
ONTOY : Aw, tua gihapon sila karon  didto manimuyo.
KANOT : Aw, tua ra gihapon ,Bay,pero nausab na  ang ilang adres.
ONTOY : Mao ba? Unsa may adress nila ron?
KANOT : Tua na sila magpuyo  permanente   s a  sulod  sa  menteryo gyod,Bay.
ONTOY : Butangi!

DILI NA MOGAWAS

DOKTOR  PROKTOY   : Ugma, Kong  gawas  ka na   dinhi  sa  mental  ospital  kay naa  yo naman.
TIKONG                         : Mahimo  kaha ,Dok  nga  dili na nalang ko mogawas  dinhi?
DOKTOR  PROKTOY(Nahibulong) : Nganong  dili ka man mogawas,Kong?
TIKONG                         : Kon tua  na kos  gawas,Dok tua gihapoy  daghan syabo  didto  may purohan   gihapong mabalik ko  pagkabuang. Maayo dinhi  kay  sige lag katawa kay pulos buang naman  ang  akong  mga  kauban!

MAGPAABOT

BALONTONG  : Niining  gabhiona sugton  na gyud ko  nimo,Day Minda.
MINDA             : Yamat  ra? Nganong  nakasulti  ka man niana,Tong?
BALONTONG  : Kay  kon dili ko nimo sugton mabalitaan mo na lang ugma nga dunay tawong miambak  sa  Mactan-Mandaue  Bridge  kay  naghikog.
MINDA             : Mao ba? Uy, kinsa man nang tawhana,Tong?
BALONTONG  : Mahibaw-an na nimo.
MINDA             : Na  hala  magpaabot na lang ko ugma  sa  balita.
BALOTONG     : Butangi!

TESTIGO POD

Tsip  Proktoy  miimbestigar ngadto kang  Mentoy  bahin  sa  krimen  nga nahitabo  sa  eskina Mangga.
TSIP  PROKTOY :  Unsa,ikaw  maoy  mi-hold-ap  aning  bayot  nga  si Pokwang  dinhi  sa eskina,Toy?
MENTOY (Milisngag  ang  ilong dayog lingolingo): Dili ako,Tsip uy!
TSIP  PROKTOY (Mihapak  sa  ulo ni Mentoy): Yamat, ra! Dunay  daghang  nakakita nga ikaw mao  gyuy mihold-ap  aning  bayota!
MENTOY (Nagpangawot  sa  ulo): A, abusar naman ning imo,Tsip.
TSIP  PROKTOY   : Nganong  nakasulti  ka man ana?
MENTOY               : Ako pay imong gipasanginlan, himuon  pa   gyud  ko nimong  testigo!

ANG NAHIBAW-AN

Sulod  sa  lawak-klasehan  sa  Grade 11I, mileksiyon si  Miss  Pagatpat   sa  iyang  mga  tinun-an sa atong  mga   bayani.
MISS   PAGATPAT    : Ang  atong  leksiyon  karon mahitungod  sa   atong mga bayani sa nasod.
Class, unsay    inyong  nahibaw-an  bahin sa  pagkatawo  ug kinabuhi  nilang  Jose  Rizal, Andres  Bonifacio ug Lapulapu?
ONTOY (Mipataas  sa  kamot): I, Mam!
MISS   PAGATPAT : O, ikaw Ontoy, stand  up. May  nahibaw-an  ka ba  mahitungod  kanila sa ilang pagkatawo?
ONTOY   : O, Mam. Kana sila si Jose  Rizal, Andres  Bonifacio ug Lapulapu ,basta  ilang  adlaw, wa gyud  nay klase  kay halide  man!
TIKYO (Sa kilid  nga lingkoranan ni Ontoy,misinggit) : Da  lagi!

LAING PAAGI

Sulod  sa presinto  sa  kapolisan.
IMYOT (Usa ka  reporter): Duna na bay mga bag-ong  kasayoran  mahitungod  niadtong krimen  nga nahitabo  sa Sityo Mug-ot,Sir?
HEPE  : Wa pa gyud hangtod karon ug padayon  ang among imbestigasyon.
IMYOT : Kon walay  ebedinsya  nga makuha gikan  sa suspek, unsay  sunod  ninyong buhaton,Sir?
HEPE    : Kon walay  materyal  nga  ebedinsya, aw  modangop na lang ta  sa DNA.
IMYOT (Nangawot  sa  ulo ) : Unsa man na ,Sir?
HEPE  : Aw, DNA: Dili Namo  Adtuon.
IMYOT : Butangi!

DAWAT DAYON

Misulod  dayon  sa opisina  sa  manedyer  si Estong.
ESTONG  : Mangaplay  kog  trabaho  dinhi  sa  inyong kompaniya,Sir.
MANEDYER  : Unsay  nahibaw-an mong trabaho?
ESTONG         : Tseker  ra,Sir.
MANEDYER  : Uy, duna  naman mi tseker dire. Unsa pay nahibaw-an mo?
ESTONG         : Nahibawo pod ko,Sir   asa mo magpuyo  sa imong  asawa  karon. Ug, hibawo sab ko sa adres   sa  imong kabit...
MANEDYER (Misenyas) : O,sige  dawat  ka na ,ayg kusga  imong tingog,madunggan  ta!

WALA PA

Aron pagtino kon  naulian na ba sa  maayong  panghunahuna si Bulantoy,gipangutana  kini ni Doktor  Samot.
DOKTOR  SAMOT : Nakaila ka nako,Toy?
BULANTOY            : Aw, kaila  kaayo,Dok.
DOKTOR  SAMOT : Kinsa man ko bi?
BULANTOY            : Doktor  dinhis  mental.
DOKTOR  SAMOT  : Aw, kaila  gyud  diay ka  da. Nya, nahibawo  ka  sa imong  ngan?
BULANTOY             : Si Dok, baya uy.
DOKTOR  SAMOT  ; Ngano man,Toy?
BULANTOY             : Wa pa gani ko nimo tug-ani!
DOKTOR  SAMOT  : Da  lagi!

NAGPAABANG

Nagkakita ang managhigalang  Boy  ug Otoy  sa  may plasa.
BOY (Unang mitimbaya.) : Asa  naman ka karon  magpuyo,Bay Otoy?
OTOY : Nag-abang kos  ilang Donata,Boy.
BOY ( Wala  makasanong): Unsa? Nagpaabang nas Donata?
OTOY                                : O, Bay.
BOY                                   : Pila  man?
OTOY                                : Dos mil man.
BOY                                   : Barato   ra god. Moabang  ko bisan pag singko mil.
OTOY                                : Dili na mahimo kay puno na,Bay .
BOY                                   : Kusog god!
OTOY                                 : Diyutay  ra man god ang paabangan niyang balay.
BOY                                    : Butangi! Abi kog unsa nay imong giabangan.

MAGPALIMOS

MAKILILIMOS (Mikablit  sa kilid ni Tinok. Mikangkang sa kamot  ngadto kang Tinok): Limos,Bay  niining pobreng  makaluluoy...
TINOK (Nakalitan) :  Limos god, unsa patay?
MAKILILIMOS     : Aw, sige patyon god.
TINOK (Nakuyawan) : Kinsa may imong patyon?
MAKILILIMOS  : Aw, ikaw god aron ka limsan.
TINOK  :            Butangi!

BAHALAG PRISO

TAKYO : Giingnan   ko bitaw ka nga  ayaw lag  patya si Ontoy  aron dili ka mapriso.
BANTOL : Bitaw.
TAKYO   : Karon, nagmahay ka na?
BANTOL : Nganong magmahay  man ko,Kyo?
TAKYO   : Priso kaman?
BANTOL : Aw, bahalag napriso basta dili akoy namenteryo!
TAKYO   : Butangi!

SERBISYOHAN DAAN

HEPE  : Ugma  na  Tyok  ang kataposan   sa  imong  pagkabilanggo  dinhi. Matapos na  ang  napulo ka tuig  mong sentensya  sa  kasong  frustrated  murder.
BOTYOK (Wa  maggunok .Wala  mahimuot):  Bitaw,Tsip. Pero, Tsip  mahimo ba nakong  ilahos   ang  akong serbisyo  dinhi  sa  bilanggoan  sa  trayenta  ka  tuig?!
HEPE (Nahibulong) : Ngano  man,Tyok?
BOTYOK : Inig  gawas   god nako,Tsip ako mang patyon  tong tawo nga nagpabilanggo  nakog frustrated  murder.
HEPE  :       Mao ba?Unya?
BOTYOK : Serbisyohan na  lang nakong daan para tuloy-tuloy  na  ang  akong paglaya!

BUANG GIHAPON

Sulod   sa  mental  hospital  nangutana si  Doktor  Pakuribot  ngadto  sa  duha niya   ka  pasyente.
DOKTOR  PAKURIBOT : Naayo  kana  kaha ,Onyot?
ONYOT (Daling  mitubag): Ayo  nako,Dok.
DOKTOR  PAKURIBOT  :  Maayo  na,  kon  mao. Aber, mangutana  ko. Unsa may  dakong  dagat  sa  tibuok  Kalibotan,Nyot?
ONYOT  : Ang  Pasipiko, Dok.
DOKTOR  PAKURIBOT :  Nganong  nahibawo  ka man?
ONYOT : Ang-ang   god  nga  ako  mang Papa  ang nagkawot  ana,Dok!
DOKTOR  PAKURIBOT : Pastilan! Ikaw,  Bitong, nahibawo  ka ba unsa  nang  dead sea?
BITONG (Nagdangadanga   sa  pagtubag): Oo,Dok.
DOKTOR  PAKURIBOT :  Unsa may  nahibaw-an nimo  sa  dead  sea?
BITONG  : Mao  man  nang  napatay  sa  akong amahan,Dok!
DOKTOR  PAKURIBOT  :  Na  hala sige, dinhi  gihapon mos  mental  duha!

TAGPILA

Gisugo  si  Maryo   sa  iyang  amahan  pag-adto  sa  tindahan ni  Kikay  sa pagpalit ug scotch tape.

MARYO :  Maayo....maayo  papalitag  ko...
KIKAY   : Unsay  imo,Dong  Maryo?
MARYO : Naa  mo kanang  tagpisohon nga  eskas  tep,Nang?
KIKAY   : Naa?
MARYO : Tagpila  pod?
KIKAY   : Butangi!

LAIG HUNAHUNA

Usa   ka  gabii  niana, gipatawag  ni  Padre  Tulindoy  ang  maanyag  niining Madre  nga  kauban  sa  kombento.
PADRE  TULINDOY : Sulod  dire   sa  akong  lawak, sister.
MADRE  TIKYA : Sus  maryosep!
PADRE TULINDOY ( Sa  nakasulod na  ang  Madre) : Sige, sis siradoi  nya na  ang  pultahan.
MADRE  TIKYA(Mikuba nag kusog  ang  dughan) : Diyos  ko!
PADRE  TULINDOY : Ihapit  nag  pawong     ang  swits   sa  suga, sis.
MADRE  TIKYA :  O, my  God!
PADRE  TULINDOY (May  gikuha  sa  bolsa): O, tan-awa, sis ning akong relo  mosiga  gyud  bisag  ngitngit  di ba?
MADRE  TIKYA :  Tenk  yo  Lord!

BIYAAN SAB

TONYA :  Unyag  maminyo na ta,Koy  imong  isaad  nga biyaan   na  nimo tanang  bisyo.
OKOY   : O, Lab.
TONYA : Basta. Unya, dili  kana  manigarilyo?
OKOY   : Di  na.
TONYA : Dili ka na moinom?
OKOY   : Di  na.
TONYA : Dili ka  na molaag?
OKOY   : Di  na.
TONYA : Salamat,Lab. Imo na gyud diayng  biyaan ang tanan.
OKOY   : May  usa pa,Lab  nga  akong biyaan.
TONYA  : Unsa man,Lab?
OKOY    : Biyaan tika   dinhi,Lab  kay wala naman koy lingaw!

KAHULOGAN

Tungod   sa  labihang  pamaol  nga  gibati ni Bulantoy  nakahunahuna kining mopalit  ug tambal  sa  tindahan ni  Manang  Narda.
BULANTOY :  Papalita  kog  alaksan fr,Nang  bi.
MANANG  NARDA (Mitunol): O, dia   ra  Bulantoy.
BULANTOY  : Nia  sang  bayad ,Nang, o. Unsa gani  to pasabot  anang alksan fr,Nang?
MANANG  NARDA : Mora man tog  ang  kahulogang  anang, FR  kay  ' fara  rinyon!"
BULANTOY : Ngeeh!

TUG-AN TINUOD

BITONG  : Morag  duda man gyud ko ani,Lab nga  wa gyud ka guwapohi nako.
KADYA   ; Ayg  ingon ana,Lab.
BITONG  : Bi, tug-ani  gani kos tinuod ,mora ba gyud kog  kabaw  ug nawong,Lab?
KADYA (Naghikuhiko): Kon tug-anan tika  sa tinuod,Lab  imo pa nuon kong sungagon...
BITONG : Butangi!

IPANABI NA

GORYO ( Naglagot  nga miteks  kang Tekla) : Nganong dili man ka mobalos  sa  akong teks?
Midangat  na lang ang pipila  ka  minutos  apan  wala  gyuy balos  gikan kang Tekla, maong  giusban  na  sab kinig  teks  ni Goryo.
GORYO  : Animal  gyud ning bayhana! Ako  ning teksan bi. (Mi- teks)... ang  mga dili  na 'virgin' kay di na gyud  magparndm.  di na gyud  mangumsta.  di na mo  mskol.  ug  lbaw  sa  tanan, di  na gud mo riplay...!
Taudtaod  may  teks  kang  Tekla. Mao  ni  ang iyang  teks:...uy  animal ayg  ingon  ana ha!  kay  kadaghan   na  ra  ba k  makasigpo  anang  imong  itlog , basig  ipanabi tika....!
GORYO  (Kahilakon) : Butangi!

PAREHAS UG TRABAHO

Usa  ka kalag  sa  seksing  babaye  ang  miduol  sa  ganghaan  nga  didto  naglingkod  si  San Pedro.
SEKSING  BABAYE :  Mosulod nako  sa  Ganghaan  sa  Langit, Nyor  Pedro.
SAN PEDRO ( Nahibulong ): Kadiyot  una. Nganong  nasayod ka man nga adto kas Langit nga wala pa man nako matan-aw dire  sa Libro  kon asa ka mopaingon...?
SEKSING BABAYE (Paraygon ang  panuni  sa tingog): Mao lang, Nyor Pedro  kay  parehas  ra man god tag trabaho.
SAN PEDRO (Samot  nga  nahibulong): Ha? Aw, unsa god  diay? Unsang trabahoa  ang buot mong ipasabot?
SEKSING  BABAYE  : Ako man sab ang tig-abli, Nyor Pedro sa gustong  motilaw  sa  Langit!
SAN PEDRO  : Butangi!

MAGKAPITAN NA POD

Maoy  hugonhugon nga  walay  mahimong piliay  sa  barangay  sa  umaabot nga Oktobre kay  itudlo  na lang  ang  bag-ong  mga  opisyales  inay  pilion  sa  mga tawo. Maong nakahukom si  Intoy  nga magpatabang  sa  Mayor  sa  ilang  lungsod  sa  Kandugso  nga  matudlo kining  kapitan  sa  ilang Barangay.
MAYOR  WAY-AYO : Unsay  imong tuyo kanako,Toy?
INTOY  : Magpatabang ta ko nimo,Mayor  nga matudlong  Kapitan  sa  among  barangay  sa  Magsingay..
MAYOR  WAY-AYO : Unya, nahibawo  ka diay  sa  buhat  sa  usa ka Kapitan?
INTOY (Abtik nga mitubag): Hibawo  kaayo  ana,Mayor?
MAYOR   WAY-AYO :  Aw, mao ba?  Kay  nahimo  ka na  diayng Kapitan  Toy?
INTOY  : Aw, o  god, Mayor.
MAYOR   WAY- AYO : Yamat  ra.
INTOY  :   O, lagi,Mayor  kaniadto gong  ako pay  Kapitan  niadtong  bangka  nga nalunod  nga  magbiyahian  sa  Bohol.

MATULO NA

Dihang nahiabot  si  Ontoy  gikan  sa trabaho gisugat kini  sa iyang paraygong asawa nga si Ikay.
IKAY (Paraygon ) : Dong Toy, duna koy  nindot nga ibalita nimo...
ONTOY (Naghinamhinam): U-Unsa man  kana ,Day Iks? Makalipay?
IKAY : Makalipay gyud, Dong Toy.
ONTOY : Bi, unsa man nang balitaa  ba?
IKAY    : Dong Toy, abi nimo  mahimo na gyud tang tulo  ning balay nga atong giabangan...lipay kaayo  ko!
ONTOY (Nakalitan) : Ha? Ang buot mong ipasabot, Day Iks nga( mikatawag  maayo!) Sus, wa gyud ko magtuo  nga namunga  na gyud  tong  atong  mga  binuhatan matag  tungang  gabii  nga pagtukaw! Sus no, dali ra gyud himuong bata!
IKAY : Bata god  Dong, di man na mao!
ONTOY (Nahibulong ) : Aw, unsa man diay buot  mong  ipasabot nga mahimo na tang tulo dinhi?
IKAY  : O, lagi kay moabot na man si Nanay dinhi  nga anhi na mopuyo.
ONTOY : Butangi!

MANGUTANA PA

MAESTRA (Nangutana  kang  Ikyot): Ikyot, who  killed   Magellan?
Apan  si  Ikyot  wa  gyud  manumbaling   sa  pangutana  sa  iyang  maestra. Hangtod, nga  gibati nag  kalagot   ang  iyang  magtutudlo.
MAESTRA (Kusog  nang  tingog nga  nangutana): Ikyot,who  killed   Magellan?
IKYOT (Gibatig  kakuyaw): Si-Si  Mam  sab uy.(Nangawot  sa  ulo).
MAESTRA  : Then  , answer  my  question.
IKYOT         : Unya, ra Mam ,mangutana kos  polis kon na blater  ba didto kinsay nagpatay  ni  Magellan.

SAKPAN NUON

TAKYO  :  Dimalas,pre  kay  nasakpan  kos  akong   misis.
TONYO  : Yamat  ra. Diin  ka  man  masakpi  ba?
TAKYO  :  Sa Pesbok  lagi.
TONYO  : Giunsa  man pagkasakop  sa  imong  asawa ba?
TAKYO  : May gipanguyaban  man god  ko sa Pesbook,unya kay  alyas  ra man diay to sa  akong  asawa. Nabisto na.
TONYO  : Butangi!

ARTISTA SAB

TIKOY : Ang  mga  artista  magprotesta  kuno  ning  gibuhat  sa  atong  presidente  bahin  sa  ektra kiling   sa   nasod,Bay  Pedro.
PEDRO : Bitaw. Da, unsa may ilang  mahimo god.
TIKOY  : Nganong  wala  may mahimo,Bay?
PEDRO  : Nag-inartista  man sab god  na  ang  atong  presidente!
TIKOY   : Butangi!

NAGSALIG

TAKYO (Mibadlong) : Unsa god ka ,Mukloy wa ka kakita anang pahibawo diha? Naa o, basaha  ra god!
MUKLOY  : O, akong  basahon bi. " GIDILI  ANG  PAGPANGIHI  DINHING  DAPITA."
TAKYO      : Unya, nahibawo kana?  Dili  mangihi dinhi.
MUKLOY (Mitudlo  sa iro) : Unya, kanang iro,nganong  nangihi man lagi ubos  sa  karatula bi?
TAKYO   : Aw, nagsalig  siguro kay iyang amo  ang nagbutang  sa karatula  diha.
MUKLOY: Ngee!

BIKTIMA

EMOY  :  Day Tikya  ,kinsa may amahan anang  imong gisabak ron?
TIKYA ( Kahilakon) : Ambot, Moy  uy.
EMOY (Giabot  ug  kahibulong): Uy, unsa gong  pagkahitaboa  nga  ambot man?
TIKYA : Nabiktima  man god ko sa  hit  and  run!
EMOY : Butangi!

MAY SAKTO ,MAY SAYOP

TIKYO  : Dunay  panultihon,Bay  Andot, " ang  gugma   kuno  moabot  usahay  sa  dili  maong  dapit ,ug  sa dili maong  higayon. Unya, ngadto  sa  sayop nga  binuhat ug  sayop sab  nga  mga  rason"
ANDOT:  Aw, sagdi  na lang na,Bay Tikyo  kay  mao man kaha na .  Ang   nakaparat kon sakto ang lugar pero  sayop gihapon  ang  panahon.
TIKYO   : Klaroha  gani  Bay  Andot,  unsa nang  pagkasultiha?
ANDOT : Kana  bang naa ka sulod  sa baylehan,di ba nindot  kaayo imong pagsayaw. Unya, sa kalit  lang  morag  mobuto nang imong  pantog kay giabot kag kaihion!
TIKYO  : Butangi!

MANGAYO

MONTOY (Mitudlo  sa  karatula ): Tan-awa,Bay  Emok  ug basaha  nang anaa  sa karatula.
EMOK (Mibasa ) : " This  place  is a  drug  free!"  Yatis ra. Tinuod  kaha  na,Bay Montoy?
MONTOY           :     Tinuod  siguro, mao god nay nahasulat  diha.
EMOK                 :     Unya, asa  man kaha nang  drag pre, kay  mangadto ta.
MONTOY           :      Ngano man?
EMOK                 :     Aw, mangayo ta kay free  man god.
MONTOY           :     Butangi!

NAKAPAINIT

SIMOY (Miamoral ): Day  Donats  ,ikaw na gyud ang babaye nga nakapainit  niining akong kasingkasing...
DONATA (Nahibulong): Uy, Moy  nganong ako may nakapainit  sa imong kasingkasing? Unsa ko, kape?
SIMOY   : Dili man god.
DONATA: Unsa man  diay?
SIMOY   : Mora man god kag  istarter  sa  makina!
DONATA: Ngeeh!

ABTIKON

TIKOY    : Abtik  gyud ka kaayong tan-awon, Dot.
ANDOT  :  Unsa man goy nakaabtik  niining akong hitsura,Koy?
TIKOY    : Kanang  imo nawong mora gyug kobra!

MAOY TUBAG

Sa  leksiyon  sa Mathematics  usa  ka  buntag  niana.
MAM   TABANGKO : Ikaw,Tikoy  tubaga  ning  akong pangutana.
TIKOY : O,Mam.
MAM  TABANGKO : Kon  sa una kong  bana  nga namatay na, duha  ang among  anak. Ug, sa naminyo ko pag-usab, duna na sab mi  unom  ka  mga bata. Pila  na tanan karon ang akong  ana?
TIKOY (Nangawot  sa  ulo): Kuan,Mam,k-kining...
MAM  TABANGKO : Aduna koy...
TIKOY   : Aduna kay pagkamanyakis,Mam.
MAM  TABANGKO : Butangi!

ANG NAMATYAN

TIKOY : unsay namatyan ni Bitong,Bay  Kanot?
KANOT: Namatay  sa Kulafu,Bay.
TIKOY : Da, miresulta  na gyud  ang  iyang pagkapalainom kay namatay man sa Kulafu.
KANOT: Bitaw.
TIKOY : Olser siguro iyang namatyan kay sigeg  inom?
KANOT: Dili man,Bay.
TIKOY : Unsa man diay?
KANOT: Nabuak  ang iyang ulo kay gibunalan  sa botelya  sa Kulafu  sa iyang kontra!

NAGPAKILIMOS

MAKILILIMOS   :  Limos, tawon ,Dong  ning  pobreng  makililimos (Mikangkang  sa  kamot).
TIKYO  : A, magpakilimos  ka nga ka-espoting nimo? Dili man ka dagway ug usa ka makililimos?
MAKILILIMOS  :  Aw, unsa may imong gusto  nga maghugawhugaw ko aron ingnon pod nimong hugawan?
TIKYO  : Butangi!

PARAT LANG GIHAPON

BOTOY  ; Kaniadto, parat  gyud kanunay ang among isud-an kay  ituslob man  sa asin,Bay Andoy.
ANDOY  ; Luoya  diay ninyo,Bay  Botoy no? Unya, karon,Bay?
BOTOY  :  Parat  lang  gihapon,Bay  Andoy.
ANDOY  : Ngano  man?
BOTOY   : Bahog  na gyud  ug  una  sa ginamos,Bay Andoy.
ANDOY  : Ngee!

NASAYOP

Maoy  nalantawan ni Takyo  nga nagpadulong  sa ilang balay  ang amigo niining si Kanot  nga nagkaang-kaang ang nilaktan. Taudtaod  nahiabot si Kanot.
TAKYO (Unang mitimbaya): O! naunsa ka,Bay Kanot nga nagkaang-kaang kaman nga milakaw?
KANOT (Nagpangawot  sa  ulo); Problema kos akong  'dayunyor',Bay.
TAKYO : Unsa  may  naproblemahan mo  sa imong  'dayunyor'?   Aw, kadto  laging dili na mogahi bahin sa  seks?
KANOT : Lagi,Bay.
TAKYO:  Di ba giingnan  ka man nako nga pagpalit  ug bakasi, kay  kusog kaayo nang makapagahi? Sulbad  imong problema  ana,Bay.
KANOT : Na,misamot  na  nuon,Bay Takyo.
TAKYO (Nahibulong): Nganong mosamot man nga daghan man kaayong mokaon anang bakasi kay gituohan nilang makapakusog  sa seks, ug makapagahi!
KANOT : Aw, unsa god diay lutoon pa diay nang bakasi,Bay Takyo?
TAKYO : Unsyan  man diay?
KANOT : Ang  ako man gong gibuhat kay ako mang gipaduol sa akong 'dayunyor',  da   gipaak nuon mao ning mihubag!

LAIG SABOT

MAM  TEKLA  ( Mibadlong  kang  Tasyo):  Angay  mong  hibaw-an,Dong Tasyo  nga dinhi  sa eskuwelahan  ako  ang  maisip  nimong  inahan  nga  mobadlong  sa imong hiwing  binuhatan.
TASYO (Naglirawliraw  ang mata): Ang buot  mong ipasabot,Mam, nga...( naghunahuna kon  angay ba niyang  isulti  ang diha  sa  iyang ulo).
MAM  TEKLA : O, nganong,mihunong ka man,Tasyo  sa  buot nimong isulti?
TASYO             : Ang  buot mong  ipasabot,Mam  nga  kamo na si Tatay karon kay dugay naman siyang  nabiyudo?
MAM  TEKLA : Butangi!

NAKASIGURO

TAKYO  ( Misudya):  Pagka bakakon  gyud nimo, Kanot, uy!  Nanulti kas  mga tawo  nga nakakita  kag   pari   'nga  walay  ulo'  ka gabii!
KANOT   : Bitaw, Takyo.
TAKYO   : Giunsa  man nimo pagsiguro  nga  pari  tong  imong  nakita  nga wala  naman toy  ulo? Basin  nagpa pari-pari lang  to  nga nagsul-ob  tog  sotana?
KANOT   : Basta  siguro ko,Bay.
TAKYO   : Nganong  nakasiguro ka man?
KANOT   : Ang- ang  diha  man nahabilin  ang  tabon  sa  iyang ulo!

BATI GYUD DIAY

BESINTA  (Misinggaak) :  Kanang  imong  pagka palahubog  maoy nagdalag  ka buwisit  sa  atong  pagpuyo  Kanot!
KANOT (Misinggaak  sab): Yamat  ra! Ikaw  maoy  nagdalag  buwisit  kay ang kanunay mong giakatar  sigeg  dihog nianang  paputi   sa  imong  dagway!
BESINTA (Nanighawak. Nangyamiid): Hoy, animal  unyag magpaguwapa ko, unsa  moreklamo ka?
KANOT (Namikat  sa  mata ): Hoy  animal, unyag  dili ko  maghubog maguwapa  kaha ka  sa  akong  panan-aw?

NABUNGGO

Usa  ka  adlaw  niana mahinamong  mipahibawo  si  Sepang ngadto  kang  Andoy  nga  iyang bana  sa  resulta  sa  pregnancy test   gikan  sa  klinika.
SEPANG (Paraygon): Abi   nimo ,Dong Andoy  didto ko sa klinika  kay nagpa-pregnancy  test  man  ko.
ANDOY  : Unya, Day Sepang.
SEPANG :  Mao lagi,Dong, mabdos ko. Positive.
ANDOY (Natingala) : Unsa? Nagpatsek-ap  sab ko daan  didto  sa  klinika  sa  miaging  semana . Nya  matod  pa  sa  doktor  nga dili man kuno ko  makapaanak  ug babaye?
SEPANG (Ingon  sa  natuk-an) :  Unsa  god  diay?
ANDOY  : Unsa  man ning hitaboa ron?
SEPANG (Kahilakon ) : Aw, ingnon ta lang aning estoryaha,Dong  nga resulta ni  sa panohot.
ANDOY ; Butangi!

DILI MALIMTAN

TIKOY ;  Tulo ra gyud ka hinungdan nga lisod ka nakong makalimtan,Bay Andoy.
ANDOY (Naghinamhinam  nga masayod): Unsa man kanang  maong mga hinungdan,Koy?
TIKOY  : Una, ikaw gyuy  nagsumbong  nako nga namaligya kuno kog syabo, ug karon nia na sa prisohan.
ANDOY : Unya,Koy?
TIKOY   : Ika- duha   imo kong gitabangan  pinaagi  sa paghatag ug bugo  kaayong  abogado pagdepensa  sa  akong kaso.
ANDOY : Ang ika tulo,Koy?
TIKOY   : Ang  ika-tulo , sigurado gyud ko aning  mabitay kay napilde  man ko sa kaso.
ANDOY : Butangi!

NAGPABUTO GIHAPON

TIKYO  : Unsay  imong  gibuhat niadtong  miaging  Bag-ong  Tuig, Bay  Onyot?
ONYOT : Aw, unsa pa, nagpabuto, Bay Tikyo.
TIKYO   : Nagpabuto god nga  gidili naman na kay daghan mang gibuthan.
ONYOT : Nagpabuto bitaw, Bay Tikyo.
TIKYO  : Unsa may imong  gipabuto?
ONYOT : Balon  ra god  nga gipaburot!

SAYON ILHON

PEDOT  : Unsaon man nimo pag-ila  sa  tinuod  nga  babaye,Bay  Anot  ug  sa  usa  ka bayot?
ANOT    : sayon.
PEDOT  : Aber,unsaon  man kuno bi?
ANOT    : Naay  babaye  nga  morag  bayot,nya  naa poy  bayot nga mora nag babaye.
PEDOT  : Butangi!

LUSOT GIHAPON

Misamot  ang  kalagot ni Takyo  kay ning hapona iya na sab nga nakita  kadtong makililimos  nga mianhi  kaniya  sa  miaging adlawng  Martes. Nagpadulong kini kaniya.
MAKILILIMOS  : Limos,Sir. Maluoy  ka tawon ning pobreng  makililimos.
TAKYO (Misinta  sa kalagot): Ikaw, ba sige kaman lag balikbalik dinhi! Sige kaman lang ug pakilimos nga makahimo ka pa man sa pagtrabaho!
MAKILILIMOS (Kalma lang miduko): Dili na gyud ko makahimo,Sir.
TAKYO : Unsay  di na makahimo pa pagtrabaho? Ka dako sa imong lawas,a!
MAKILILIMOS : Dako bitaw,Sir.
TAKYO              : Unya?
MAKILILIMOS:  Para  sa pagpakilimos ra man ning lawasa.

MAHADLOKON SAB

ANDOY :  Unsay  imong buhaton  kon magbudhi man kanimo ang imong asawa,Bay Isyot?
ISYOT    :  Aw, kon iya kong budhian, ako siyang biyaan.
ANDOY :  Dili nimo  patyon ang imong asawa ug ang lalake  nga  mga mabudhion?
ISYOT    :  Dili  uy. Mapreso pa lang hinuon ko.
ANDOY (Nakatuaw) : Hay  salamat  kay mahadlokon ka diay Bay Syot  sa  death penalty!

NAKAHUNAHUNA

MAKILILIMOS (Miduol kang Antoy) : Limos,Nong  kay gutom na kaayo ko. Tagai kog kuwarta.
ANTOY (Nakalitan. Nasuko): Yamat ra. Ako gani dire nga kaganiha rang naglingkod  nga nagkutoy ang akong tiyan  sa  kagutom, wala man ko magpakilimos?
MAKILILIMOS : Aw, bugo ka.
ANTOY(Samot nga nasuko) : Nganong  nakasulti ka man ana?
MAKILILIMOS : Unyag, ma-olser ka, naay mohatag nimog tambal? 

BAHALA NA

INTOY  : Ayg  larga  sa Bohol, Pol  kay kusog kaayo ang bawod ron. Peligro nga malunod  ang barko  nga  imong  sakyan  sa lawod.
POLDO : Molarga  gyud ko,Bay Intoy. Unsay ako ug dagkong bawod!
INTOY  : Nyag  malunod  ang barko?
POLDO : A, bahalag  malunod di bitaw na ako ang barko!
INTOY  : Ngee!

WALA NA MAHADLOK

Dihang  didto na si Miyot ug ang iyang apo sa usa ka dentista.

BUTYOK (Ang  apo) : Dili ko magpaibot  sa  akong ngipon,Lo kay mahadlok ko!
MIYOT   : Unya, kay nia  naman ta dinhi. Unsaon man ini karon ,Dok?
DENTISTA : Ayg kabalaka, ipainom ni sa imong apo aron dili na siya mahadlok nga akong ibton ang iyang ngipon.
Tuod man miinom si Butyok  sa tableta  nga gihatag  sa Dentista. Pangkataudtaod...
DENTISTA : O, sige, Dong  ako nang ibton  ang imong ngipon  nga nagsakit.
BUTOYK (Nangisog) : Sige, Dok ibta ron di ba piti ka dayon!
MIYOT   : Butangi!