GISAGPA

Didto   sa  Barangay  Hall    gipabuhagay  ni Takyo ang iyang kasuko ngadto kang Tinok nga iyang silingan.
TAKYO : Kap, moreklamo ko aning Tinok  nga among silingan kay naiigo  ko  sa iyang sagpa.
KAPITAN  BENTOY : Yamat  ra? Giunsa ka man sa pagsagpa aning Tinok  nga kita bitaw nimong pungkol ning iyang mga kamot?
TAKYO  : Basta, iya gyud kong gisagpa ,Kap! Maayong pagkaigo god  sa  akong apapangig  uy!
KAPITAN  BENTOY ; Aber, isulti kuno kon giunsa ka  sa pagsagpa?
TAKYO   : Tiil  man  toy iyang gamit,Kap  sa dihang iya kong gisagpa!
KAPITAN BENTOY ; Butangi!

SIGEG INOM

TIKYA  (Masuk-anon): Animal  kang banaha ka, sige ka lag inom!
BOTOY : Ngano man diayg  sigeg inom? Buot ka? Ikaw, maoy animal ug buwisit kay ang imong trabaho sige lag pamek-ap  sa imong dagway! Nag-usik kas kuwarta!
TIKYA  : Mao man gani sige kog paguwapa aron makamatikod ka?
BOTOY : A, mao man gani sige kog inom aron di ko lubatlubatan magtan-aw sa imong hitsura!

DAGHANG TUBIG

TIKYO : Nganong kanunay man nga mag-uwan ron,Bay Itot  no?
ITOT    : Daghang pundong tubig tua  sa itaas,Bay Tikyo.
TIKYO : Ngano  diay  adunay tabay didto sa itaas?
ITOT (Nasuko) : Unsay  imong pagtuo dinhi ras yuta  ang dunay tabay?
TIKYO  : Butangi!