MAGHIKOG

OMING (Nahibulong nga nagtan-aw kang Okoy) : O,Koy nganong mikaon kaman anang buliring,ingon ka nga di ka mokaog buliring kay makahilo?
OKOY (Kahilakon): Bi-Bitaw,Ming.
OMING(Gikuyawan na): Nya ,kaon lagi ka?
OKOY  (Mitulo  na gyong luha): Maayo ning maghikog nga busog god...
OMING : Butangi!


PAAPAS : Dili tuod komedya ang paghikog,pero niining paagiha sa paghikog  medyo dunay kabalingag ug gitikon sab ta sa kahimuot

NAMATIKDAN

Maoy namatikdan ni Sidoy,ang kinamanghorang  anak ni Takyo ug Selma nga nahunong na ang pagtuyok sa elektrik pan.
SIDOY (Mireklamo) : Tay,Nay, ngitngit man kaayo ug alimuot wala na andar elektrik pan.
TAKYO (Nakalitan nga nagmata pa diay si Sidoy niining halawom nga kagabhion): Aw, oo Dong,akong gipawong man. Na sige katulog na diha god.
SELMA ( Mialam-alam pod); Sige na,Dong Sidoy kay mamalit nya tag puto-maya ugma puhon sa buntag!
SIDOY(Namatikdan): Naghubo man lagi nas,Tatay Takyo,Nay?
TAKYO(Nagkabungabongag pangitag katarongan): Aw, ha? K-kining  alimuot man god ,Dong Sidoy.
SIDOY : S-Sige  Tay, habol nya ha aron di ka panuhoton...
SELMA: Da,lagi!

MABUANG NA POD

Gipangutana ni Doktor  Banghotin ang iyang pasyente kon unsay buhaton niini kon mahigawas na sa mental  hospital.
DOKTOR  BANGHOTIN : Kon mahigawas kana  dinhi sa mental Batoktoy, asa ka man unya paingon.
BATOKTOY : Uli dayon ko,Dok  sa amoa.
DOKTOR BANGHOTIN : Aw, syempre mouli na gyud ka sa inyong balay diin tua magpaabot imong asawa...
BATOKTOY: Di ko mouli sa  among balay,Dok,uy. Adto sa akong mga ginikanan...
DOKTOR BANGHOTIN(Natingala) : Uy,ngano man,unsay hinungdan?
BATOKTOY : Mabuang nya kog usab ,Dok kon  makakita sa nawong sa akong asawa!

NAKADUNGOG NA

MIYOY : Ingon nila ang pagkatawa tambal.
TAKYO : Nakadungog  naman ko anang estoryaha,Bay Miyoy.
MIYOY : Didto ay.
TAKYO:  Diin man god?
MIYOY : Didto god sa mental ,sa duha ka buang nga naghinagawhaway.
TAKYO : Ngee!

SABAKON

Tungod kay sugwak ra kaayo ang mga pasahero sa Bus, maong  uban kanila nagbarog na lang diha sa sulod aron lang makasakay padulong  sa ilang dapit. Usa kanila si Tanya.
TIKYO ( Nakakita kang Tanya nga nagbarog ra): Day Tanya, kalisod ba anang imong pagkabutang,sabak na lang dire nako.( Hagad pang Tikyo).
TANYA (Estrikta. Nangyamiid): Paghilom diha,Tikyo,uy!
TIKYO (Napalaw): Ngano god, sabakon na lang tika...
TANYA ( Nasuko) : Unsay imong pagtuo nako,Tikyo, himungaan nga pataka la'g lumlom sa itlog sa uban?!
TIKYO : Butangi!

NANGLIMUGMOG RA

Didto sa simbahan.
BAYOT (Nakakita sa gibuhat sa babaye .Mibadlong): Nganong  imo mang gipanghunaw nang "sagradong tubig",Day? Nakasala ka ana...
BABAYE (Miiknat sa kilay kay gibadlong  sa bayot): Hoy, Bayot aron ka masayod nganong gihugasan ko ning akong mga kamot niining "sagradong tubig" kay nakakumkom tawon ni kagabii sa hmmmm sa  akong kustomer.
BAYOT ( Nahimut-okan sa gisulti sa babaye. Mikuhag baso ug mikabo sa "sagradong tubig"):
BABAYE (Nahibulong) : O, nganong imo  mang giinom nang tubig?
BAYOT  (May nahinumdoman) : Nanglimugmog ra ko,Day kay nahinumdom kos nahitabo kagabii!

DILI KOMEDYANTE

DIGOY : Ingon ka Brad nga komedyante na si Isyot kay sigeg  himu'g gitikgitik?
LUSYO : Mao bitaw. Unsa may diay itawag nimo niana nga makakatawa ka man sa iyang mga pasiaw?
DIGOY : Ingon si Isyot nga dili kuno siya  komedyante,Brad,uy.
LUSYO : Ha? Unsa man diay?
DIGOY : Kabuang ra na niya kon makakita  sa dagway sa iyang asawa!

LIMTANON NA

IKANG (Nangasaba ngadto kang Ignoy): Naunsa ka man,Ignoy nga imo mang gikalimtan paghapit si Badong didto sa Timbakol aron unta mabugha ning Kulo? Pagkawala gyud nimoy hinungdan nga pagkabana, uy!
IGNOY : Nakalimot ko,Kang.
IKANG : Kalimot god sa imong pagka tapolan.?
IGNOY : Lagi.
IKANG : Kanus-a na magsugod ang imong pagka limtanon?
IGNOY : Karon na god nga nangunot nang imong   nawong !

ANGKAS LANG

MAKARYO : Naglibog kong naghunahuna,Bay nga samtang si Igdoy nga nag-angkas  lang sa iyang kabaw,gidakop man? Pero,nakahunahuna pod ko sa hinungdan  nga mao diay.
BOLOY        : Yamat,ra?  Ngano man kaha? Unsay hinungdan?
MAKARYO : Kuyaw naman god ron ang pagtan-aw sa mga tawo,Bay kon mag-angkas ka. Kay sama god anang  mag-angkas  sa  motor tahapan  man dayon nga  mamumuno( nga rayding in tandem)!
BOLOY       : Mao ba? Unya, si Igdoy mamumuno diay siya nga kabaw may gisakyan? Nganong gidakop man?
MAKARYO : Ang-ang laging dili dakpon nga hubog mang miangkas sa kabaw, ug nagwarawara  sa taas niyang sundang!
BOLOY       : Ngee!

ANG SOLUSYON

OLOY : Kon ang motor way rehistro,dakop. Kon dili ka mag-helmet,dakop. Kon wala kay lisensya,dakop. Kon dili ka mag-sapatos kon magdrayeb,dakop. Pastilana,unsay maayo na kaha ani no?
BOTYOK : Sayon ra ang solusyon ana,Loy.
OLOY(Hinamhinam nga masayod): Sulayig bilin ang motor ,isul-ob imong  helmet, ug paglakaw. Tan-awon nato kon duna bay modakop nimo!
BOTYOK : Butangi!

DEMALAS GIHAPON

TONYING: Pastilana  pod aning kahimtanga,Bay Abloy, uy.
ABLOY    : Ngano ka,Bay Tonying?
TONYING: Gidakop ko kaganiha nga nagmotor kay wala nagsul-ob ug  helmet.
ABLOY    : Unya?
TONYING: Unya, karon nga duna nakoy  helmet....
ABLOY    : Naunsa naman,wa nay dakop?
TONYING:Wala nay dakop ,pero gikarnap naman sab akong motor!

WALA POY BUOT

ISYOT (Masuk-anon) : Kinsang buanga ang nagpataka lag igwad dire sa kalsada nga ako na hinuong natumban?! Way buot!
Sa unahan , nakita ni Isyot ang tawong lago ang pamayhon nga sa iyang pagtuo usa ka buang. Nagkatawa!
ISYOT (Samot nga naglagot. Gitudlo ang buang): Unsa, ikaw maoy  miigwad ning hugaw sa tawo dire tunga sa kalsada? Wala kay buot!
BUANG (May kahibulong): Na-unsa ka?
ISYOT   : Unsa sa imong mata,ikaw walay buot kay dire ka maglabay sa imong hugaw. Nakatunob nuon ko!
BUANG : Ikaw walay buot! I-ikaw bu-buang pod!
ISYOT  ( Mibudlat nang mata sa kalagot) : Nganong gihinganlan man ko nimog walay buot ug buang, unsay nabuangan nimo!
BUANG : Ang- ang bi  duna ka pay buot  nganong wa man ka likay,ikaw pod buang  nganong suko ka ikaw may nakalata anang hugaw!
ISYOT (Misakang kalimutaw) : Butangi!

GIAPILAN

TAKYO : Bay Anot, nganong wala ka man mosurender?
ANOT    : Nganong mosurender man ko.Kyo?
TAKYO : Di ba naapil ka man sa "tokhang"?
ANOT    : Wala man?
TAKYO : Aw, abi man god nako ug naapil  ka sa "tokhang?"
ANOT   : Lain man ang akong giapilan,Kyo.
TAKYO: Unsa man?
ANOT   : Bitbit  ug "pugakhang!"
TAKYO: Butangi!

NAGDUDA NA

ISYANG ; Nganong gamay ra man kaayo ang imong nakuhang grado, Igme sa inyong eksamin?
IGME      : Didto  man god ko palingkora ni,Mam, Nay  sa atubangan.
ISYANG : Unyag sa atubangan ka maglingkod,mogamay diay imong grado?
IGME      : Nagduda  naman god si,Mam, Nay.
ISYANG  : Nganong nagduda man ang inyong,Mam?
IGME      : Parehas  man god mi kanunayg grado sa akong katupad nga akong kopyahanan,Nay!
ISYANG : Ngee!

MANGOPYA

Puwerteng sukoa   ni Noy Andot sa dihang nakita niini ang nakuhang grado ni Pekdot,iyang anak human sa ilang eksamin.
NOY ANDOT : Pastilan baya nimo,Pekdot  ngano god tawong nasero kaman  sa inyong eksamin? Wala ka magtuon? Pagka bugo gyud tawon nimo,Dong!
PEKDOT (Kahilakon): Unsaon man god ,Tay, nga absen man.
NOY ANDOT             : Kinsa may absen,Dot?
PEKDOT                     : Ang akong gong katupad nga pirme nakong kopyahan.

USO PATAY

TIKOY :  Matag adlaw mao naman ang atong madungog sa mga balita sa radyo,Bay Andot ang sigeng patay!
ANDOT : Bitaw,Bay.
TIKOY   : Ug, ang mamatay kadtong dunay kaso sa drogas.
ANDOT : Bitaw,Bay.
TIKOY   : Nganong mamatay man pod,Bay.
ANDOT : Uso naman god  ang ded on da spat!
TIKOY   : Ngeek!

SAYOP PAGLINGI

Usa ka bayot misinggit.
BAYOT : Hoy,guwapo! Guwapo!
ANDOT (Milingi): Akoy gitawag nimo,Dang?
BAYOT (Mikulismaot ang nawong): Naunsa ka diha,wala man ko mosinggit,batig nawong! Batig nawong!
ANDOT :Butangi!

MAS BUG-AT

ITOK : Hain  ang mas bug-at,Bay Abet sa usa ka kilong puthaw o sa usa ka kilong gapas?
ABET : Siyempre,puthaw!
ITOK  : Bugoa gyud  nimo,Bay, uy.
ABET : Nganong nakasulti ka man niana,Bay Itok?
ITOK  : Ang ang nga  parehas  ra man god na ang duha: puthaw ug gapas nga tag- tagsa ka kilo!

DILI MAPRISO

BITONG ; Ang nakapalibog nako,Bay Sitoy kay kon ang usa ka buang makapatay,dili man mapriso?
SITOY    : Bitaw. Aw, unsa may kapuslanan  nga prisohon pa man nga nabuang na ngani.
BITONG : Aw, maayo pa ana ang usa ka priso ,mabuang na lang diha sa prisohan.
SITOY    : Nganong maayo man,Bay?
BITONG : Aw, aron makagawas kay di man prisohon basta buang!

NAKAKITAG PAAGI

Si Iktoy nga  usa ka banang seloso  nanawag sa selpon ngadto sa iyang asawa nga si Birhenya.
IKTOY (Nanawag pinaagig selpon): Day Birhenya, asa  man ka karon?
BIRHENYA  (Paraygon ang tingog): Dia ra god sa atong balay, kay ngano man?
IKTOY  : A, oki, naa ka man kaha diha sa atong balay,aber padungga ko sa imong pagkablit  sa kwerdas sa akong gitara bi.
BIRHENYA  : Sus, kana lang diay. ( Tuod man gikablit sa asawa ang gitara). Trinnnggggg!
IKTOY          : O,sige. Naa  gyud diay ka sa atong balay.
Apan nianang pagkataudtaod nanawag na sab si Iktoy.
IKTOY  (Nanawag pinaagig selpon): Day Birhenya, asa ka man ron?
BIRHENYA (Paraygon gihapong mitubag): Sus, nimo, Dong Iktoy dia god sa atong balay.
IKTOY  : Mao ba? Aber, padungga kuno ko bi nga imong patingogon ang akong drum .
BIRHENYA  : Kana ra diay? Nia, o (Gipatingog  ang dram): Tong! Tong!
IKTOY          : Aw, oki.
BIRHENYA  : Tenk yo.
Apan nianang  pagkataudtaod  midalikyat gyud pag-uli  si Iktoy sa ilang balay. Wala didto ang iyang asawa sa iyang paghiabot. Didto ang iyang anak nga kinamanghuran nga si Milot.
IKTOY (Nangutana sa anak): Hain man diay si Mama nimo,Dong Milot?
MILOT  : Nilakaw man to ,Pa.
IKTOY  : Asa man to siya paingon?
MILOT  : Wala man ko kahibawo,Pa. Nagdala  man to sa imong gitara ug naglugdo  pod sa imong dram!
IKTOY (Nahibat  ang kalimutaw): Butangi!

ANG MILINGI

TAWO ( Misinggit) : Batig  nawong! Batig nawong!
OKOY (Milingi) : Kinsay imong gitawag,Bay si Bay Anot?
TAWO                 : Dili,uy!
OKOY                 : Kinsa man diay?
TAWO                 : Ang milingi sa akong pagsinggit nga batig nawong!
ANOT                 : Butangi!

ANG MAHABILIN

Aron pagsuta kon naminaw ba gayod sa iyang leksiyon ang  iyang mga tinun-an,gipanguta ni Miss Tabaghak ang usa iyang mga estudyante nga si Etot.
MISS  TABAKHAK : Nakita mo ba kining akong gikuptan,Etot?
ETOT (Nagpiratpirat ang mga mata): Yes, Mam.
MISS TABAGHAK : Oki, kini mao ang  usa ka lugas nga mais,di ba? Kon ako ning tungaon ,pila naman ka piraso ang imong makita?
ETOT   : Duha,Mam.
MISS TABAGHAK : Korek. Unya, kon  ako pang tungaon kining duha ka tunga,pila naman ka piraso ang imong makita?
ETOT : Upat na ,Mam.
MISS TABAGHAK : Korek! Unya, kon ako pa gyung tungaon ang tunga sa katunga,pila naman ka piraso tanan,Etot?
ETOT  : Walo na,Mam.
MISS TABAGHAK : Korek! Unya, kon tungaon pa nako ug tunga  ang katunga sa gitunga,pila naman ka piraso ang tanan?
ETOT (Nagpangawot sa ulo): Ambot,Mam.
BUTSOY (Mipataas sa kamot): Akoy anser ana,Mam.
MISS TABAGHAK : O, ikaw,Butsoy tubaga  ang pangutana?
BUTSOY : Ang mahabilin ana,Mam, kay tiktik na lang!

PAREHAS RA

BANOY : Kining  tawo  nga magsyabo, parehas gyod ug kinaiyas buang.
JOSE      : Nganong nakasulti  kaman sa ingon niana,Bay Banoy?
BANOY : Ang buang  sigeg pangitag kan-onon, unya kana pong mag bisyog syabo dagko pod ug kaon!
JOSE      : Butangi!

WALA MAKUHA

POLIS : Nakakita ka sa  aksidente,Dong Miyok?
MIYOK: Oo,Sir.
POLIS  : Mao ba. Unya , sa dihang nabanggaan ning imong inahan  sa multicab  imong nakuha ang  plate number sa maong sakyanan?
MIYOK: Lisod kaayo,Sir.
POLIS   : Nganong  lisod man,Dong Miyok?
MIYOK : Ang-ang,Sir nga maayo man kaayong pagkatornilyo sa iyang pleyt namber!
POLIS    : Butangi!

NAKABAWOS POD

MITOY : Makakita ka sa wala,Bay Sidoy?
SIDOY  : Makakita god.
MITOY : Unsaon man nimo pagkakita sa wala?
SIDOY  : Piyonga imong mga mata bi.
MITOY (Mipiyong):
SIDOY  : Kita kana?
MITOY (Naglagot.Gisukmag si Sidoy): Bog!
SIDOY : Ayay,sakita uy! Nganong gisukmag man ko nimo,Bay Mitoy?
MITOY : Unya, nakakita ka kon hain sa akong kamot: tuo o wala ang nakaigo sa imong nawong?

DILI MAKITA

SIDOY : Bay Mitoy, imong makita ang wala?
MITOY : Dili.
SIDOY  : Piyong kuno bi.
MITOY (Mipiyong)
SIDOY  : Karon,unsa may imong nakita?
MITOY : Wala.
SIDOY  : Ingon ka dili makita ang wala?
MITOY : Ngeeh!

NASAYPAN

Nahiuban si Ondoy  kang  Abloy  nga iyang higala nga milugsong sa siyudad  usa niana ka adlaw.
ONDOY  : Mangaon ta,Bloy  kay gigutom man ko.
ABLOY   : O,sige. Adto ta sa unahan  mangita tag ka kan-an.
Nahitangka sa usa ka photo shop.
ONDOY (Ngadto  sa tindera) : Papalita mig  puto  ug kape,Day bi.
TINDERA : Uy, wala man mi dire magtindag kape ug puto,Noy.
ONDOY (Mitudlo sa nahasulat atubangan sa tindahan): Kana diay,Day?
TINDERA : Uy, kana diay?
ONDOY    : Unsa man diay na?
TINDERA : Photo Copy  man kana,Noy. Mokopya ra man mi kon duna kay pakopyahan!
ABLOY     : Butangi!

IPALUNG-AG

TALINA : Day Mayang ngano god tawon nga kasayo ba nimong nanampiling dinhi sa inyong nataran?
MAYANG : Da, naguol kong maghunahuna niining daghang bugas nga nia sa akong nawong,Day Talina,uy!
TALINA   : Uy, kana lang diay? Wa gyud na nimo masulbad problemaha?
MAYANG: Unsaon man pagsulbad, Day Talina?
TALINA   : Uy kasayon, kuhaa nang bugas-bugas,nya lung-aga!
MAYANG: Na, gibangkong na!