DILI MALIMOT

BAKI  : Dunay  buhaton s ang  buang,Bay Ikot nga  dili gyud niya mahimong malimtan.
IKOT  : Yamat ra? Mahinumdom  diay nang buang nga wala na man na sa  maayong pangisip?
BAKI  : Duna  lagi,Bay.
IKOT  : Unsa man kuno bi ang di niya malimtan?
BAKI  : Kanang  mokaon nag gutomon,Bay di man gyud na niya malimtan.
IKOT  : Butangi!

TUMAN DAYON

Sayo pa gani sa buntag nagyawyaw na si  Nang Andat sa iyang anak nga si  Polonyo.
NANG  ANDAT : Pastilan nimo Polonyo, pagkawala na gyud nimoy kapuslanan uy! Pagkatapolan man nimong bataa ka!
POLONYO        : Nanay pod uy. Ayg saba god diha,Nay.
NANG ANDAT : Kinsay  di magsaba ana nga labihan man nimong tapolana,dili naman ka masugo.
POLONYO        : Masugo gihapon,Nay,uy.
NANG  ANDAT: Unsa mang sugoa nga gituman  mo dayon,bi?
POLONYO        : Kadto  diayng niingon ka  Nay, nga Polonyo  kaon na dire.
NANG  ANDAT : Da, lagi!

IPAHUROT

Paghibalik ni  Litoy gikan gisugog ginamos  ug buwad sa tindahan ,nagyawyaw si Nang Akang.
NANG  AKANG : Unsa man kang suguon,Dong Litoy nga di man ka maminaw? Pastilan nimong bataa ka! Pila man diay ang ginamos ug buwad nga imong gipalit nga gamay ra man kaayo ni?
LITOY (Nahadlok) : K-kining  Nay, wala man nako ihurot ang kuwarenta sa ginamos  ug buwad kay  gipalitan man nakog suwetres.
NANG AKANG (Misinta sa kasuko): Unsa? Pagka wala gyuy hinungdan nimong bataa ka!
Nianang pagkasunod adlaw  midaog ang numero sa suwetres nga gipustahan ni Litoy.
LITOY  (Malipayon): Nay! Nay Akang ,midaog ang numero sa suwetres nga akong gipustahan!
NANG AKANG (Nakalitan. Nasuko ug mikuhag binugha): Pagka wala gyud nimoy hinungdang bataa ka! Nganong wala man nimo ihurot ug pusta sa suwetres ang tanang kuwarta aron dako unta ang atong makobra!
LITOY  : Ngee!

NAGSUL-OB

Misinta sa tumang kasuko si Nyor Inting dihang nahiabot si Andot.
NYOR INTING (Nagpangusmo sa kasuko): Di ba giingnan ko man ikaw,Andot nga din-a ko gustong moanhi ka pa sa akong panimalay ug makita ko nang imong nawong?!
ANDOT (Nahatiurok  sa gibarogan): Syaro naman sab,Nyor Inting...
NYOR  INTING  : Unsay syaro,Dot?
ANDOT               : Kakita gihapon kas akong nawong?
NYOR  INTING  : Kay naunsa man diay nang imong nawong,Dot?
ANDOT               : Makita diay nimong akong nawong,Nyor nga nagsul-ob man kog maskara!

UNGGOY GUWAPO

TIKYA    : Ingon ka, Ding dili ka magminyo ug dili gyud guwapo?
DADING: Bitaw.
TIKYA  (Nanaway) : Unya, guwapo diay na si Tinok nga lisngag man kaayo nag ilong,sigag mata,ug butihon ug nawong! Guwapo diay na?
DADING(Nangatarongan) : Aw, bahala na.
TIKYA (Nahibulong        ) : Ngano god nang pagkahitabo-a, Ding?
DADING                            : Basta,unggoy  guwapo man god  ang tawag sa mga tawo kang Tinok!
TIKYA                                : Ngeek!

MAHUROT GYUD

Dihang nasakpan ni Bitong ang iyang asawa nga nakig-estorya lang sa guwapo nilang silingan iya dayon kining gipusil. Patay!
ASAWA  : Tong, nganong imo man gipusil tong atong silingan nga igo ra man nga nakigsulti kanako?
BITONG :  Hibawo kos modus atong tawhana  kay misugod na gyud tog amoral diha nimo.
ASAWA  : Sus, Bitong kond dili ka mag-sab anang imong kinaiya lisod gyud.
BITONG : Unsa may lisod?
ASAWA  : Lisod kon mahurot tanan ang atong mga silingan!

SIPYAT PAGSABOT

Samtang nagsakay sa usa ka dyip depasaheroan ,si Ikoy gibati kinig kahion. Mihagawgaw kini sa iyang natapad nga usa ka dalaga.
IKOY (Nguho ang sinultihan nga mihagawgaw): Mis,lihok kog kuhot aho ithog , aho ihi.
BABAYE (Nakalitan): Unsa? Bastos god nimo,Noy!
IKOY   : Ihaw hawid aho ithog ,aho ihi.
BABAYE(Naglagot. Mitamparos kang Ikoy): Uy, bastos kining angay nimo!
Nahibulong ang tanang mga pasahero. Nagtinutokay.
IKOY (Morag kahilakon): Ingon ko aho ihi, ikaw  hawid aho ithog naa basket!
DRAYBER (Nakasabot na.) : Butangi!