ORAS

Paghitangka gyud ni Koaling sa ilang pultahan gisugat dayon kini ni Karya sa makabungog nga tagawtaw.
KARYA  : Hoy, Koaling animal kong bana,unsa na rong orasa?! Mao pa roy imong pag-uli, animal!
KOALING( Nabungog sa sing-al ni Karya. Nangitag lusot): Hoy Karya, animal kong asawa, mangutana kag unsa rong orasa? Ngano gamay kag mata nga wa kakita  anang wall clock  sa atong bungbong nga ari kaman mangutanag oras dire nako,animal ka?

DILI TANAN

BARIKTO : Dili tanan  babaye guwapa.
IDOY         : Bitaw.
BARIKTO : Dili tanan babaye bati sab.
IDOY         : Bitaw.
BARIKTO : Dili tanan babaye babaye pod.
IDOY         : Aw, ha? Ngano man?
BARIKTO : Naa poy morag babaye pero bayot diay!

NAG-UNA

TIKYO : Ingon nila, walay pagmahay nga mag-una. Ang pagmahay naa gyud sa ulahi.
OLOY  : Bitaw.
TIKYO : Sayop na,Bay. Naa poy pagmahay nga mag-una.
OLOY  : Aber, unsa may imong pruyba bi?
TIKYO (Mitudlo kang Pekto nga nagguyod sa iyang kabaw): Kana,tan-awa. Wa kaha na magmahay si Pekto nga nagguyod sa iyang kabaw nga nagpanglingo sa iyang ulo?
OLOY  : Ngee!

MAS TIGULANG PA

Usa ka  reporter ang miinterbiyo  kang Ikoy mahitungod kon unsay iyang sekreto  nganong nakabaton kini ug hataas nga kinabuhi.
REPORTER : Unsay imong sekreto, Noy  Ikoy nga miabot ka man nianang hataas mong pangidaron nga sinto dos ka tuig?
IKOY           : Aw, ang akong sekreto Mister Reporter mao ra gyud ang pagkaon sa mga utanon kada adlaw, mga isda nga lab-as nga among makuha kon manginhas mi  sa dakong hunasan sa Candagsaw ug dimdim sab sa bag-o gyung dawat nga  tuba. Mao ra.
REPORTER  : Aw, mao ba,Noy Ikoy?
Taudtaod may nabati silang nagyawyaw sa itaas  nga kuwarto sa panimalay ni Ikoy.
REPORTER  : Uy, kinsa man rong nagsigeg yawyaw sa itaas,Noy Ikoy?
IKOY            : Karon? Da, ang amahan sa akong Lolo, nga wa pa mahuwasi sa kahubog.
REPORTER  : Butangi!

ESPILING RA

ONYOT (Mibadlong kang Inang nga iyang anak): Buwagi nang Kano nga  imong nauyab karon ,Inang kay paryente man diay  na nimo.
INANG (Natingala) : Giunsa man namo sa pagka paryente,Tay Onyot?
ONYOT  : Kana diay. Atong apelyido Kinse,unya ang sa Kano mao ra gihapon.
INANG   : Unsa may nakaparehas ana,Tay Onyot?
ONYOT  : Ka bugo gyud nimo,uy! Kana diayng  iyang apelyido Quincy man sab.
INANG   : Tatay sab uy, sa espiling ra baya na.
ONYOT  : Butangi!

PARYENTE

Gipahimangnoan ni Andot ang iyang anak nga si Juaning nga buwagan ang iyang uyab nga si Onyot kay ila man diay kining paryente.
ANDOT : Kinahanglan nga imong buwagan si Onyot, Juaning kay dako kaayo mong paryente ug supak ni sa maayong kagawian o pamatasan.
JUANING (Miinsister) :  Giunsa man namo pagka paryente,Tay?
ANDOT  : Kana diay. Ang akong apelyido nga maoy imong apelyido karon, Pinote.
JUANING: Pinote,bitaw. Unya, lain man ang apelyido ni Onyot bi.
ANDOT   : Paryente gihapon kay ang iyang apelyido, Cuchillio man. Unya, hibawo ka  nga ang apelyido pod sa imong mama sa pagka dalaga?
JUANING : Unsa man,Tay koneksiyon na sab ana?
ANDOT    : Kuha mog koneksiyon nga ang apelyido sa imong mama  sa pagka dalaga, kay Bairan man. Kadakong paryente nato!

SIYOPAW

OLDOK     : Day, papalita kog  siyopaw bi, kanang baye.
TINDERA (Nahibulong) : Naa, diay na ,Noy?
OLDOK     : Naa god. Kanang siyopaw god nga dunay hapin nga papel sa ilawom,mao nay baye.
TINDERA : Mao ba? Unya, kay bakla man ning siyopaw  nga nia among gitinda dire.
OLDOK     : Duna diay bakla?
TINDERA  : Duna,uy! Kini  diayng siyopaw nga duna poy hapin sa ilawom,pero duna poy usa ka itlog sa tunga.
OLDOK     : Ngee!

WALA MASAYOD

Human makapanglimpyo    si  Aning sa kuwarto sa iyang amo nga si Don Merto,nakapangutana bahin sa iyang nakita.
ANING (Nanguryoso) : Nyor, unsa man ning akong nakita nga morag panit nga akong nasilhigan ubos sa  inyong kama ni Mam?
DON MERTO : Uy, Aning  condom  man  kana.  Wala diay ingon ana didto sa inyong probinsya?
ANING           : Para asa god ni,Nyor?
DON MERTO : Para ni sa  sex. Wa diay ani didto sa inyo?
ANING            : Aw, duna man, Nyor.  Pero, grabeha sab sa  seks dinhis siyudad,Nyor no nga morag mangaluslos ug mahaslot man hastang panit.
DON MERTO  : Na, gibangas na!

SAYOP

ONTOY   : Kon ang imong pagtuon nagtumong sa mga kabituonan ug mga planeta,unsay tawag ana,Dot?
EDOT      : Mao nay gitawag,Bay  ug astronomy.
ONTOY   : Yamat ra. Kon magtuon   ka  kabahin sa mga butang nga dunay kinabuhi, unsa man pod na?
EDOT      : Aw, mao na sad nay gitawag nilag biology.
ONTOY   : Mao ba? Unya, kanang magtuon bahin sa mga kosmetiks?
EDOT      : Aw, mao nay gitawag,Bay ug cosmetology.
ONTOY   : Unya, kanang tig-ayog radyo?
EDOT      : Na, kasayon. Naa ras ngan. Mao nay gitawag nilag, radiology!
ONTOY   : Butangi!

NAA SA KAGUOL

SANDO (Nahibulong) : Asa ka man,Bay Momar nga naghipos ka man sa imong mga sinena?
MOMAR                      : Mouli ko,Bay didto sa atuang lugar   sa labing dali nga panahon.
SANDO                        : Ngano  man,Bay?
MOMAR                      : Niay  nadawat  nakong teks  sa akong manghod nga si Imyat nga nagpahibawo  nga namatay  ang among amahan kay natagak sa iyang pagpananggot.
SANDO                        : Diay ba? Kaluoy diay ni Manoy Pedot no? Unya, wa man lagi ka mohilak?
MOMAR                      : Bay Sando, kinsa may ganahang mohilak ana nga naa  ka  sa kaguol.
SANDO                        : Butangi!

DISKAWONT PERMI

MUKLOY : Maayo pang mga senior citizens   kay gihatagan ug daghang mga  discounts   sa ilang mga panginahanglanon.

TIBOY       : Maayo pa,pero  wa gihapoy ayo..

MUKLOY : Unsa nang pagkaestoryaha god,Bay Tiboy?

TIBOY       : Hunahunaa  ra. Sa pagkaon dunay diskawont ,pero duna nay daghang  bawal nga dili ipakaon matod pas doktor. Kon palit tambal naa gihapon,pero unsaon nga maglisod naman gani pagtulon sa dagko kaayong kapsula? Unya, kon mosakay naay diskawont,pero  maglisod naman sa pagsakay. Kon motan-aw ug sine duna diuskawont,pero unsaon nga hanap naman ang panan-aw. Kon moadtog mga  konsert naa poy diskawont,pero unsaon man na nga di man kadungog kay bungol. Pero ,ang labing makahibulong kon moadtog  hotel.

MUKLOY : Ngano man,Bay?

TIBOY      : Kon moadtog hotel duna gihapoy diskawont, pero mag-unsa man pod didto?

MUKLOY : Butangi!

EHERSISYO

Usa ka  adlaw niana nahiagi sila Mukong ug Emok sa nataran nilang Ongkoy diin didto niadtong tungora naglingkod ang ilang higala sa bangkong kawayan ubos sa dakong punoan sa Tambis.

MUKONG (Unang mitimbaya) :Bay Ongkoy, tana kay mag-bike   ta para ma-ehersisyo atong lawas.
ONGKOY : Kamo na lang ,Bay Mukong dinhi lang ko sa akong tanaman mag-atiman.
EMOK       : Ang pag-ehersisyo,Bay  makapataas sa atong kinabuhi.
ONGKOY : Yamat ra.
MUKONG: Lagi,Bay.  Paugnat sa kusog gyud maoy labing maayo!
ONGKOY : Dili ko motuo ana,Bay  uy.
EMOK       : Nganong dili ka man motuo,Bay?
ONGKOY : Kuhai ra god ug ehemplo ang mga mananap,Bay.
MUKONG : Unsang mananapa,Bay?
ONGKOY  : Ang rabit,iro ug ang bao.
EMOK        : Ngano man diay,Bay?
ONGKOY  : Ang rabit nga gapunay lag luksolukso nga maoy iyang kinaiya, mabuhi sulod sa pito o ngadto sa siyam ka tuig.
EMOK       : Mao ba?
ONGKOY  : Ang iro nga kanunay magsigeg dagandagan nga liksi sab kaayong manglihoklihok,may gidugayong mabuhi sa kinse ka mga katuigan.
MUKONG : Yamat  ra.
ONGKOY  : Unya ang bao nga  wala gyuy gihimo gawas sa kanunay lang hinay niyang pagkamang...ug dili maggunok....
EMOK       : Unsa man ang bao,Bay Ongkoy?
ONGKOY  : Mabuhi sa gidugayon nga sinto singkuwenta ka tuig.
MUKONG : Butangi!

WALA MAGKASABOT

Si Maldang nga  may pagkabungol nahasulod isip usa ka silbidora sa karenderiya ni Masang sa eskina Datag-Maribago. Pagkataudtaod may tawo nga misulod sa karenderiya. Gisukot ni Maldang ang tawo kon mokaon ba.
MALDANG (Miduol sa tawo nga nagpangawot sa ulo:  Kaon ka,Sir?
TAWO( Mitutok kang Maldang nga nangutkot sa ulo) : May kaspa ka?
MALDANG (Wa makasabot ) : Wa man mi anang sud-ana,Sir.

MIBAWOS POD

SIDRA (Miparayeg  sa iyang bana) : Dong, hain naman tong gisaad nimo dire nako nga palitan ko nimog  bag-ong bra?
OLDOK ( Kalit  hinuong nasuko) : Sus, nganong magpapalit man gyud kag bag-ong bra nga  kagamay  ra sa imong suso?
SIDRA (Kalit pod nga nasuko) : Sus, ka OA baya pod nimo Oldok,uy!
OLDOK : Nganong OA  man ko?
SIDRA   : Nganong di man  ka OA bi  nga mag-brief  kaman gani bisan gamay  kaayo kag itlog!

PUTI NA

OKOY (Mihapuhap  sa buhok sa iyang  Tatay) : Puti na hapit tanan ang imong mga buhok, Tay Ikoy. Ngano man ni,Tay?
TATAY  IKOY : Tungod ni sa mga pagbadlong nimo,Dong Okoy. Moputi gyod ang buhok basta makunsumisyon ang ginikanan!
OKOY             : A, mao diay,Tay.
TATAY IKOY : Mao gyod!
OKOY             : Mao diay kay puti man pod buhok ni Lolo.
TATAY  IKOY : Butangi!

SINUPSOPAY

Gikan sa nangiob nga dapit miguho ang usa ka tawo. Si Koeng nga nagbaragbarag sa kahubog nga gikasugat ni Rafaela nga usa ka mahuyang.
KOENG      : Ako si Dracula,hek supsopon ko ang imong dugo...
RAFAELA(Pinaluray ang tingog) : Wa ko mahadlok. Supsopa....
KOENG     : Sige, akong supsopon imong dugo,hek....
RAFAELA : Hadlok ko nga imong supsopan  nga  total dugo man ning akoa sa bayot. Sige,kay ako pod nang supsopan ang  naa sa imong ubos...
KOENG (Nahadlok.Nahuwasan sa kahubog):  Ta-tabang, gi-ungo ko!

ISUNOD

IKTOY: Hibawo ka,Bay nga dunay proyekto sa DPWH  sa Leyte nga taytayan pero wala may tubig  nga giagian?
ODOG : Kay duna  ba god na?
IKTOY : Naa lagi.
ODOG  : Nganong naghimo man silag-bridge  nga wala may sapa o tubig sa ilawom niini?
IKTOY : Aw, isunod na lang tingaleg himo ang sapa.
ODOG  : Butangi!