NANUNGKAB

TIKYO   : Kon maagi  man gani pag-usab tong tawong buang dinhi,Bay Saldo ako gyud tong pusposan.
SALDO  : Ngano man,Bay?
TIKYO   : Kuha mog ngano nga iya mang gisungkab  ang among linung-ag nga gisang-at diha ibabaw  sa among kosina?
SALDO  : Sagdi lang na ,Bay kay buang baya na.
TIKYO   : A, tuo bag  buang. Naay buang nga kahibawong manungkab basta gutomon?
SALDO  : Butangi!

MOUTANG PA DIAY

ENTING : Karon nga duna nay balaod nga dakpon ang magsige pag-inom sa gawas sa panimalay lapas sa alas diyes sa gabii,Bay Okoy, nakauyon ka ana?
OKOY    : Morag dili,Bay.
ENTING : Ngano man?
OKOY    : Pugngan diay kon gusto pa diayng moinom?
ENTING: Aw, dili man pugngan,Bay ang punto lang diha nga pwede man mag-inom ka gihapon adto na sa sulod sa inyong panimalay dili diha sa gawas o diha ba sa mga pangpublikong lugar.
OKOY   : Ako di gyud mouyon ana,Bay.
ENTING: Ngano man?
OKOY   : Maundang ang inom ,unya  lisod na  mangutang pag-usab sa tindahan!

HADLOKAN

TIKOY (Nanugon): Kon pananglit mamatay  man gyud ko aning akong operasyon,Day Sidra ayaw baya dayon pagminyo  ha?
SIDRA                  : Saba diha,Tikoy, uy!  Mora  gyud kag kuwanggol  uy!
TIKOY                  : Delikado kaayo ning akong operasyon,Day Sidra  kay sumpay man ni sa akong kinabuhi.
SIDRA(Miyamiid): Mao ra nay imong kamatyan?
TIKOY(Mingislo ang nawong): Ang ang karon pa man ko kasulay  ug tuli.

MISAGOL

AKBAR(Miduol sa usa ka karenderiya.Nangutana sa mga potahe nga giluto): Unsay inyong luto nga sud-an,Igso?
BADOR : Niay paklay,humba,adobo,dinugoan ug pansit,Igso.
AKBAR : Uy, dili ko anang giluto nga potahe  sa  baboy,Igso.
BADOR : Unsa may imo?
AKBAR(Mitudlo) : Ang pansit na lay ako,Igso.
BADOR                 : Nya may sagol man sab nang baboy.
AKBAR (Nagpanglingolingo. Naniid sa palibot. Mihagawhaw kang Bador): Aw, bahala na na sa baboy,Igso nganong misagol siya  sa pansit!

ARANG GIHAPON

TAKYO (Nangitag lawak- paabangan.Nangutana): Duna moy paabangan dinhi nga kuwarto,Bos?
SARYO(Tag-iya sa  balay)  : Duna.
TAKYO(Nangisusi)             : Mahimong atong tan-awon,Bos?
SARYO                                : Mahimo.
Tuod man human matan-aw ni Takyo ang kuwarto.
SARYO                                : Unsay imong hukom,Brad?
TAKYO(Nagpanglingo)       : Dili lang ko molahos pag-abang sa kuwarto,Bos.
SARYO                                 : Ngano man?
TAKYO                                 : Gamay man nya  unom man mi magpuyo.Di siguro maarang diha.
SARYO                                 : Nganong dili man maarang? Arang man ganing kinse ka tawo!
TAKYO (Nahingangha)        : Yamat ra? Unsaon man pagkaarang namong unom kon matulog,Bos?
SARYO                                 : Matulog nga magbarog!
TAKYO                                 : Ngee!

WALAY NAKIT-AN

POLIS (Diha sa luyo ni Etot): Arestado ka,Brad kay nangihi ka dinhing dapita!
ETOT (Nakalitan)                 : Sori,Tsip!
POLIS                                   : Wa ka kakita anang pahibawo nga gisuwat o, kilid sa paril?
ETOT (Milingilingi)             : Wa gyud,Tsip.
POLIS                                   : A, syaro kadako-a man  anang mga letra?
ETOT                                    : Unsa may akong makita,Tsip nga buta man ko.
POLIS                                   : Butangi!

WALA MAGKASINABOT

PEDOT : Duna moy kuwarto nga paabangan dinhi,Bos?
ANDOT (Tag-iya  sa balay) : Duna.
PEDOT   : Puwedeng motan-aw,Bos kay moabang unta mi.
Tuod  man gipatan-aw ni Andot si Pedot  sa kuwarto nga maoy iyang paabangan.
ANDOT  : Unya,unsa may imong hukom,Bay?
PEDOT   : Gamay man ning kuwartoha,Bay, wa poy toilet!
ANDOT(Nasuko) : Gamay na ngani imo pang kalibangan!

NABUNGGO

TAKYA (Naningil sa utang ni Kardo.Nangisog): Bayri ko Kardo sa imong utang karon dayon!
KARDO (Nakuyawan) : Wala ra ba dinhi ang akong asawa,Nang Takya.
TAKYA  (Samot nga nangisog)   : Bahalag  wala dinhi ang imong asawa,basta bayri ko sa imong nautang sa akong tindahan!
KARDO (Nakakitag paagi kay nagpasumangil pagpunit sa telepono ug ingon sa may gikasulti) : Unya, Lab hain man diay nimo ibutang ang tseke nga  balor ug wan handred tawsan kay ato tong pailisdan kay diay naningil na dire nako? Unsa? Imo diayng gitagoan? Hain man?
TAKYA(Gialingugngogan nga naminaw) : Hoy,Kardo ayaw na lang kog tinontohi.
KARDO (Napahunong.Nakalitan na sab) : Naunsa ka Nang Takya,kadungog ka bitaw nga duna mi tseke pero gitagoan pa  sa akong asawa nya wala pa mailisdi.
TAKYA   : Ayaw kog kabuangi ,sayod kong giputlan namos telepono kay wa sad mo kabayad kagahapon pa.
KARDO  : Butangi!

ANG IPUTOS

ANDAY      :  Day, naa moy baligyang  kondom?
TINDERA  :  Naa.
ANDAY      : Papalita ko,Mis  bi  kay akong iregalo sa akong uyab sa iyang birtde.
TINDERA (Mitunol) : Nia  o, mao ni ang big size.
ANDAY       :  Maayo hinuon.
TINDERA    : Kadiyot,akong puston.
ANDAY        : Ayaw na lang,Mis.
TINDERA     : Ngano man?
ANDAY        : Mao ni akong iputos sa akong regalo ngadto sa akong uyab.           

GIPALAYAS NA

ABLOY (Nangisog) : Kanang imong iro,Bay Tonyo maoy nakapaak sa akong apo pag-agi niya kaganiha.
TONYO (Nakalitan): Sus,Bay,mao ba?
ABLOY (Mibahad) : Kinahanglan nga inyong  bayran  ang pagpa-indyeksyon sa akong apo ,kay kon dili ipatawag ta mo sa barangay!
TONYO (Nakuyawan): O,Bay. Pero magtunga lang ta,Bay.
ABLOY                       : Nganong magtunga man ta?
TONYO                       : Humana man to nako palayasang iro-a  god.
ABLOY                       : Butangi!

NANGHUNAW

POLIS      : Dakop ka,Brad kay nangihi ka dinhi?
ENTENG : Ngano  god,Tsip?
POLIS      : Kakita ka anang  karatola,basaha kuno  bi?
ENTENG (Mibasa) : "GIDILI ANG PAGPANGIHI DINHI"
POLIS                     : Mao na.
ENTENG(Nangatarongan): Aw, di mahimong dakpon ko nimo,Tsip.
POLIS   (Nangisog)           : Ngano man?
ENTENG(Mipakita sa iyang mga kamot): Tan-awa,igo ra man kong nanghunaw!

GIPASANGINLAN

DIGOY    : Ingon mo Bay Rohing,Bay Jomar n ga dunay tikas sa miaging eleksyon?
ROHING : Basin duna gyud tinuod.
DIGOY    : Wa may nadakpan lagi kay nanikas? Di , wa gyud na!
JOMAR   : May nanikas,Bay pero lisod sakpan.
DIGOY    : Ngano man?
JOMAR   : Makina man dayon ang pasanginlan !
ROHING : Butangi!

NAPUTLAN

TIKBOY    : Lunes na ang eleksyon,Bay Minggoy.
MINGGOY: Bitaw,Bay.
TIKBOY    : Mobotar gyud ta,Bay aron atong ipalanog  ang atong tingog pinaagi sa atong mga botos,di ba?
MINGGOY: Bitaw.
TIKBOY    : Unsa man,kuyog ta ha ?
MINGGOY: Ikaw lay botar,Bay.
TIKBOY    : Ikaw diay?
MINGGOY: Unsaon  man nako pagbotar,Bay  nga naputol   naman ning duha ko ka bukton nga nabuthan sa dinamita.
TIKBOY    : Butangi!

KANG SIR

Human  sa paghiling ni Doktor  Atoy kang Meling  mipahimangno kini sa naulahi.
DOKTOR   ATOY  : Angay  nga mag-amping  ka  sa imong panglawas karon,Ling.
MELING                 : Ngano man diay,Dok  unsa may akong sakit?
DOKTOR   ATOY  : Duna kay kanser.
MELING(Nakalitan): Patay! Lisod kon mahibaw-an na  kini   ni  Mam.
DOKTOR   ATOY   : Ngano man ug mahibaw-an sa imong Mam?
MELING                  : Kuhag  ngano Dok, nga kang,Sir man gyud ning akong gisabak!

BILDO NA

ENTING   : Demalas gyud ning hitaboa,Bay Kulas kay naapil man ug kasunog ang among balay.
KULAS (Nahimugtokan): Bitaw,Bay. Naluoy ko nimo ug sa ubang nasunogan. Unsa may imong desisyon ron,Bay?
ENTING :   Aw, maghimo na sad ug laing balay,Bay kanang dili na masunog.
KULAS   :   Yamat  ra. Unsa na god nang klase sa balay,Bay Enting?
ENTING  :  Morag  botelya.
KULAS   : Butangi!

PANGSUGNOD

TAKYO  : Unsay  gamit nimo,Pre nga pangsugnod kon maglung-ag?
DENCIO : Tiggamitan nami ron ug Butane ,  Pre.  Kon maglung-ag mo unsa may inyong gamit? Itom man lagi nang lubot sa kaldero, dili diay butane  o solane?
TAKYO  : Lain man among  gamit,Pre.
DENCIO : Unsa man?
TAKYO  : Gas.
DENCIO : Unsa man na,Pre?
TAKYO  : Pinutol nga tugas.
DENCIO: Butangi!

MAALA-AN

BOTOY (Nahibulong nga nakamatikod sa iyang higala): Uy,Bay Maryo (Midagpi sa abaga), naunsa ka?
MARYO : Nakakatawa man god kong nagbasa niining gitikgitik ni roncat.
BOTOY  : O, kay naunsa man nang gitikgitik ni roncat?
MARYO : Wa man ni kataw-anan.
BOTOY  : Unya, nganong mikatawa ka man?
MARYO : Alangan man pod ug mohilak ko,hiala-an  pa hinuon kong buang.
BOTOY  : Butangi!

GIDANGATAN

IGSANG : Belib gyud ko nimo,Day kay  patay gyud  kaayo nimo ang imong bag-ong admayrer  nga biyudo.
IMYAK   : Uy, Inday ayg pagsultig ingon ana.
IGSANG : Ngano man,Day?
IMYAK   : Nagpakamatay ra bang biyudo nga nanguyab nako kay wa nako sugta.
IGSANG : Na, maoy gidangat!

WAY KLARO

TIKYO : Nagkainit na gyud ang mga debate ug pangampanya sa mga kandidato karon,Bay Senyo niining umaabot nga eleksyon.
SENYO: Bitaw.
TIKYO : Unya, duna ka nay napilian nga kandidato nga imong botaran?
SENYO: Wala pa lagi,Bay,pero sa pagbotar.
TIKYO : Duna na lagi kay kandidato nga imong botaran?
SENYO: Wala pa lagi.
TIKYO(Naglibog): Nya nganong ingon man ka nga duna ka nay botaran?
SENYO : O,Bay.
TIKYO  : Asa ka man mobotar?
SENYO : Aw, adto ko mobotar sulod sa kuwarto sa eskuwelahan god.
TIKYO  : Butangi!