WALA MAGKASINABOT

Si Ontoy nga nakapangayaw ug trabaho dinhi sa Manila,gisugo sa iyang  foreman sa konstruksyon pagpalit ug ays. didto sa tindahan. Tuod man....
ONTOY ( Nagtinagalog): Tao po. Pabili nang ays po.
TINDERA (Ilawom sa  tindahan): Anong ays po,yelo?
ONTOY (Naglibog) : Ays po ba,pabili po.
TINDERA (Naglagot)  : Anong ays nga,yelo?
ONTOY (Napikal)        : Hindi po 'yong puti!

MADALI TINUOD

BOTYOK : Kon ikaw maoy pagbut-on,Bay pila man gyud ka tuig ang termino sa mahimong presidente?
SENYO    : Aw,kon ako pay pabuoton,duha ra gyud ka tuig,Bay.
BOTYOK : Ngano man?
SENYO    : Magdali siyang mangurakot ug dali sab  siyang mapriso, di tagam!

DILI GANAHAN

PEDOT (Miamoral) : Dunay mga gabii nga dili ko ganahang matulog labi na  ug sige kog hunahuna nimo,Sing.
SUSING : Ingna di ka ganahang matulog kay alimuot sa inyo ug daghan pa gyung lamok,mao na!
PEDOT   : Naay higayon dili ko ganahang mokaon ug ako na lang mahanduraw  nga maayo kon magkadungan ta sa pagpangaon ug maghungitay..
SUSING  : Ingna di ka ganahan mokaon kay wala kay sud-an,mao na!
PEDOT    : Dili  uy.
SUSING (May nahunahunaan.Mibila ug gamay sa iyang mga paa.Nagpaibog): Unya,ganahan ka ani?
PEDOT(Nangyamiid) : A,mangagda ka man nianang makahayblad.
SUSING                      : Butangi!

WALAY ANAK

ANDAT  : Pastilana pod nilang  Pining ug Talino  uy  nga pagkadaghan ba sa ilang mga anak! Nagtupongtupong man lang...
GORYA  : Bitaw. Sila daghan ug anak, pero kami si Ondoy wa gyud tugahi sa kahigayonan nga makabaton ug anak bisan usa na lang unta.
ANDAT  : Bitaw  sab no.
GORYA  : Unsaon nga miyembro man tingale ning akong bana  sa matod pa nila nga,"uri".
ANDAT  : Unsa man nang "uri",Gorya?
GORYA  : Da kana gong ilang giingon nga "usa ray itlog!"
ANDAT  : Ay  kagang dako!

ANG BUHATON

LOLO  ISYOT (Ang apohan.Mipahimangno) : Human unya nimo ug kaon,apo hiposa ning mga plato ug hugasi.
OSOY             ( Ang  apo) : Di pa ko kahimo ana,Lo.
LOLO ISYOT( Natingala) : Uy,ngano man?
OSOY                                 : Kay manghingiki pa man ko!

BUNGOL GIHAPON

Gisugo ni Tikya ang iyang anak nga si Pokloy sa tindahan ni Inse Bilay nga bungol.
POKLOY        : Mangutang si Mama  ug  bugas  Inse Bilay...
INSE BILAY  :: A, bag- o ka pa ganing mipalit ug gas nahurot  dayon.
POKLOY( Gikusogkusog na ang tingog) : Mangutang si Mama ug  bugas, Inse Bilay!
INSE BILAY ( Misinta): Unsa? Ayg kusga nang tingog mo ha,unsay imong pagtuo ,bungol ko?
POKLOY (Gikalma ang tingog): Mangutang si Mama ug bugas.
INSE BILAY : Aw,maayo hinuon kay cash, pila man ka kilo,Dong?

NASAYOP

Gipadakop ni Isyat si Burdigoy sa mga tanod ug gidala ngadto sa Barangay  Hall ug gipaatubang sa Kapitan.
KAPITAN  OTOY  : Nganong gipapadakop mo man sa mga Tanod kini si Burdigoy,Day Isyat?
ISYAT                     : Manyakis nang dako si Burdigoy,Kap. Ako gyud nang nasakpan nga nagkombayot  sa may bentana  sa akong kuwarto ug buot nang mosulod!
KAPITAN OTOY   : Tinuod ni Burdigoy?
BURDIGOY           :  Wala ,Kap.
ISYAT                     :  Ayg limod diha!   Uy, Burdigoy iuli baya tong mga bra ug panti nga imong nakuha, wa gyud nimoy uwaw uy! Manyakis!
KAPITAN OTOY   : Tiaw mo kana,Burdigoy. Limod ka pa gyud nga nasakpan ka man sa akto ni Isyat!
ISYAT                      : May  ra ba'g  ako tong mga panti nga iyang nakuha,Kap...Dili to akoa.
BURDIGOY            : Kang kinsa man diay to?
ISYAT                      : Sa ako intawon tong maguwang bayot!
KAPITAN OTOY    : Butangi!

DILI MAO

Usa ka sayong gabii niana miadto si Bulantoy sa ilang Iya Angkay.
BULANTOY : Nang Angkay, maayong gabii diha.
IYA ANGKAY : maayong gabii sab ,Dong Bulantoy,unsay ato?
BULANTOY    : Gipaanhi kong Mama,Iya Angkay kay manghulam mi makadiyot sa inyong kaldero kay among lung-agan unsaon gidakdak man god ni Tatay ang among kaldero kaganiha kay nahubog!
IYA ANGKAY : Aw,kana ra diay. Sige adto didto ni Andat nga tua sa kosina ug pangayoa.
BULANTOY    : Sige.
Tuod man giadto ni Bulantoy si Andat sa kosina. Apan...
BULANTOY    : Ingon ni Mama Angkay nimo,Day Andat mahimo na kuno kong mohawok nimo bisan wala pa ko nimo sugta.
ANDAT            : Naunsa ka diha,hawok gyud? (Misinggit). Nay, si Bulantoy o mihangyo!
IYA ANGKAY (Didto sa  kayda): Uy,Andat ayg dugaydugaya  na si Bulantoy kay nagdali.Sige na!

KINILAW

Miagda si Onkoy ngadto sa iyang amigo nga si  Botikol sa paniudto.
ONKOY : Mangaon ta,Kol niay daghang sud-an nga akong giandam...
BOTIKOL(Nagpadilidili): Ay na lang busog pa man ko...
ONKOY  : Nia ra ba ang kinaham mong kinilaw nga ibes,maayo kaayo ning pagkabuhat nako. Sayod kong mokaon ka niini. Sige na.
BOTIKOL(Nadani): Hain man na? Mokaon na lang ko.,maikog man ko nimo.  Uy,nia man lagi laing sagol niining isdang ibes, unsa man ni?
ONKOY : Nindot na. Para imo ra gyud nang kinilaw wa gyud ko motilaw kay sayod man kong kinaham na nimo.
BOTIKOL : Unsa man lagi ning laing isda nga imong gisagol?
ONKOY    : Da,butete ra god.
BOTIKOL : Butangi,patay!

NAPRISO HINUON

BANTOY : Luoy kaayo ang atong higala,Bay kay tua napriso.
IMOK       : Uy,nganong   napriso man?
BANTOY : Ang ang dili mapriso nga  iyang mang gisukmag kagahapon si Etot.
IMOK       : Nganong iya man pod nga gisukmag nga hubakon ra ba sab na si Etot?
BANTOY : Ang ang  giingnan man siyang Etot nga guwapo.
IMOK       : Yamat ra,giingnan pang guwapo unya nanukmag na hinuon?
BANTOY : Giingnan lagi siyang Etot nga guwapo,pero dili  man guwapo sa dagway.
IMOK       : Unsa man diay?
BANTOY : Guwapo man diay nga martilyuhon ang ulo kay sinaw man ang iyang opaw!
IMOK       : Wa gabai!

DUSLITAN NA HINUON

Gitawag ni Lolo Kokoy ang iyang apo nga si Takyo aron sugoon ug posporo sa tindahan.
LOLO KOKOY : Dong Takyo, pagpalit didtog posporo  sa tindahan kay maglung-ag na ko kay hapit na ang tingpanihapon ug sa dili madugay mangabot na ang imong mga ginikanan  gikan  sa ilang trabaho.
TAKYO             :  Sayo pa bitaw kaayo,Lo. Karon na lang taudtaod...
LOLO  KOKOY(Naglagot) : Pastilan nimong bataa ka, and duwa ra gyud maoy imong nabuangan karon nga wala pa magsugod ang klase  inay motabang sa mga buluhaton dinhi  sa balay. Lakaw na didto!
TAKYO             : Karon na lagi,Lo.
LOLO KOKOY(Samot nga naglagot): Paduol ra god direng bataa ka kay duslitan ko nang tiil mos kayo!

NAKATAG-AN

EYOK   : Kon moadto ka sa Tacloban,unsay tua didto,Bay?
ANDOY: Binagol!
EYOK   : Sa Hilongos ug Bato,Leyte unsa man pod ila didto?
ANDOY: Aw, budbod-kabog!
EYOK   : Sa Bohol?
ANDOY: Kalamay gikan sa humay!
EYOK   : Sa Carcar?
ANDOY: Chicharon ug ampaw!
EYOK   : Sa Mandaue?
ANDOY: Aw, bingkang pinalutaw!
EYOK   : Sa Cordova?
ANDOY: Linarang bakasi!
EYOK   : Unya,dinhi sa atong isla sa Caohagan?
ANDOY: Hilo!
EYOK   : Tag-an gyud ka kay buliring tong akong gihatag nimo kaganiha  nga gihilawhilawg tuwa!
ANDOY: Butangi!

WAGTANG SAB

Human sa  "taas nga oras" nga pagkapalong  sa  koneksyon sa kuryente,kalit lang kining nahibalik apan ang nahibudngan sa mga kasilinganan mao ang magtiayong Ignoy ug Tikya nga migawas sa ilang balay nga nagyawyaw.
OLDOK (Miduol kang Ignoy): Nganong nagyawyaw ka,Bay Ignoy? A,dugay dugay man god sab kaayo ang brown out !
IGNOY : Dugay bitaw kaayo,Bay. Alimuot!
OLDOK: Unya,nganong nanggawas man mo nga makahimo naman mo paggamit sa inyong erkon aron walay alimuot!
IGNOY : Unsa may gamiton namong erkon,Bay Oldok nga nahanaw man sab dihang nagbrawon- awot !
OLDOK : Butangi!

NAILAD SAB

Si Ondoy nga usa ka probinsyano mahimut-ong nag-ihap-ihap sa matag poste nga iyang maagian nga dan-ag sa hayag  kaayong mga  suga. Iyang nasugatan si Emok nga usa ka mangingilad.
EMOK : Hoy, pila na ka poste ang imong na-ihap?
ONDOY (Nakalitan): Nga-Ngano man diay,Bos?
EMOK : Wa ka ba masayod nga kon ang  poste dinhi maoy imong iphon,duna niy bayad? Ako maoy kolektor   sa  bayad.
ONDOY(Nagpanglingo): Matay,Bos wa gyud ko masayod.
EMOK : Pila na ka poste ang imong naihap? Kada poste bayad kag  singkuwenta pesos!
ONDOY( Nakahunahuna sa pagpamakak): Upat ra ka buok,Bos.
EMOK : Na hala bayad kag dosiyentos pesos.
ONDOY(Ingon sa nahimuot) : Nia,Bos o.
Pagtalikod ni Emok, wa kapugngi ni Ondoy ang pagtukiki niinig katawa.
ONDOY : Tan-awa ra ilad lagi nakong karaho, motug-an kaha kos tinuod nga pito na ang akong naihap aron makabayad ko nidya ug dako!

NANINGUHA PA

Mimaymay  si Eyok ngadto sa iyang anak nga si Bodong.
EYOK : Anak,gusto nako nga inig ka hingkod na  sa  imong panabot magatuman ka gayud sa 'napulo ka sugo"  nga gihatag  sa Diyos  kanatong mga tawo aron  motunhay ang imong pagkinabuhi.
BODONG ( Nakahinuktok): Lisod gyud kaayo na,Tay,uy.
EYOK        : Dili kana malisod,nak basta magtubo kang buotan ug matinumanon.
BODONG  : Ikaw, Tay, nagtuman ka sab sa mga Sugo?
EYOK        : Naninguha gyud ko,Nak.
BODONG  : Bantog ra,Tay.
EYOK        : Ngano man,Bodong?
BODONG  : Naninguha sab ka nga makatuman sa sugo ni Nanay...
EYOK        : Unsa may sugo ni Nanay nimo?
BODONG  : Dili ka  na unta maghubog.
EYOK        : Butangi!

NAG-UNAUNA

Namatikdan ni Bokyot ang iyang higala nga si Tikyo nga naghinuktok nga naglingkod sa lingkoranang kawayan diha sa ilang nataran.Gihapit kini niya ug nangutana.
BOKYOT(Mitimbaya dalang komedya): Kumosta,Bay Tikyo mora mag namatyan ug iring nga magul-anon man kaayo!
TIKYO  : Naguol gyud ,Bay kay patay na.
BOKYOT(Nakugang): Komedya diha,Bay! Kinsa goy namatay? Kanus-a man? (Pusotpusot nga pangutana).
TIKYO    : Kagabii lang gyud,Bay.
BOKYOT: Kinsa god?
TIKYO    : Kini god.(Ang simod diha sa  iyang pundyohan). Nag-una-una mag kamatay nga buhi pa mang amo.
BOKYOT: Butangi!

BASIN

Usa ka batang makililimos nag-ampo sulod sa simbahan.
BATANG MAKILILIMOS (Nag-ampo),Lord ,tabangi intawon mi sa among kalisdanan sa matag adlaw. Makakuha unta ko karong adlawa ug daghang mga basura nga halinonon nga akong mabaligya ug makapalit mig bugas. Naa untay mohatag nakog kuwarta kay maluoy...
Didto  sa pikas bangko nakadungog ang  usa ka polis nga nag-ampo sab. Miduol sa bata ug mitunol ug singkuwenta pesos kay gihilap  ang dughan sa kaluoy  ngadto sa bata.
BATANG MAKILILIMOS (Miampo pagbalik nga naghagawhaw): Lord, kon mahimo sa sunod nga dunay mohatag ug kuwarta ayaw na lang ipaagi sa polis basig gikan ni sa kotong!

MAO GYUD

ESBOY : Nindot na  ang trabaho sa asawa ni Andoy,Bay nga si Luningning.
BOSYO : Himantayon gyud nimo,Bay,uy. Unsa man kuno bi?
ESBOY : Nagtrabaho na siya karon  sa  usa ka call center.
BOSYO : Yatis ra. Pero, mas maayo gyud ang trabaho ni Andoy,Bay.
ESBOY : Nganong maayo man?
BOSYO : Kay ang trabaho ni Andoy naa man  sab sa trade center.
ESBOY : Unsa god tawon nang trabahoa?
BOSYO : Naa god kilid sa ruydahan,tigmasiyar!

ANG SAKTO

OKOY : Unsay sakto nga pagkasulti,Bay Andot: "ang akong iro nagtindog  o, ang akong iro nagbarog?"
ANDOT : Sayon. Ang sakto ana, mao ni.
OKOY   :  Unsa man?
ANDOT : Ang akong iro nagtindog.
OKOY   : Nganong nagtindog man?
ANDOT : Aw, ang ang nga iro man siya tin-dog, di ba iro?
OKOY   : Tuod no?
ANDOT : Maymag tawo kay magbarog!
OKOY   : Syakoy na!

NAAPIL

Nianang pagka buntag maoy naagian ni Ekong ang iyang amigo nga si Ontoy diha sa ilang pantawan nga ang dagway daw sa wala mahimutang. Iya ning giduol.
EKONG : Bay Ontoy,maayong buntag! Musta!
ONTOY(Miyanghag): Aw, Bay ikaw diay na? Nahasol lagi ko aning buntaga,Bay.
EKONG : Unsa may nakahasol nimo,Bay?
ONTOY (Miasoy) : Kagahapon god nahianhi man ang akong amigo nga Kano ug ang iyang asawa nga  si Asyang nga gikan sa Bantayan.
EKONG : Unya?
ONTOY : Mao lagi to  nga nagabhian gyud sila kay dugay man god kong nahiabot dinhi sa balay.
EKONG : Unya?
ONTOY : Ang tuyo man god nila mao nga mopalit ug mga rabit.Mao tong nagkaragkarag sab kog kuhag rabit sa tangkal aron ilang madala ug makapauli sab sila dayon kay layo pa ra ba ang ilang ulian.Ang Kano mao may modrayeb sa ilang multicab. Unya,inig uli pa gyud nila ilang ihawon dayon ang mga rabit kay duna man silay bisita nga maoy ilang dalitan...
EKONG : Unya?
ONTOY :Sus,Bay,ang akong nahasolan sa hunahuna kay niining buntag duna man koy namatikdan.
EKONG : Unsa may imong namatikdan?
ONTOY : Nawala ang among duha ka iring.Naapil diay sa mga rabit!
EKONG : Butangi!

MAO DIAY

AMBOY  : Wa gyuy arte na si Boloy,Bay nga atong amigong dato.
ISYOT     :  Nganong nakasulti  ka man niana,Bay?
AMBOY  : Bisan sa  iyang pagkadato kusog kaayo nang mokaon ug binoyok mais unya labinag paresan  sa utan nga tinono-an labihan kaayong makabahog. Mokaon man lang nang magkinamot.
ISYOT     : Bitaw. Pero ang  ahong nabeliban nga mokaon si Okot  nga  usa intawon ka makililimos  kay di gyud mahimo nga mokaong di magkutsara.
AMBOY  : Pagka-arte god!
ISYOT     : Unya,kon di siya magkutsara unsaon man niya pagkaon sa ilang 'tinughong!'

SILA NA

Usa ka gabii niana sa pagpamisita ni Tapaklong kang Soraida.
SORAIDA  : Sugton tika,Klong basta mananghid kang Lola Tintay.
TAPAKLONG : Kana lang diay? Unyag mosugot siya?
SORAIDA       : Aw, kamo na dayon dugay naman sab na siyang nabiyuda!
TAPAKLONG : Ngeeh!

NASAYPAN

DODOY : Ingon nila basta palahubog ang kamatyan,sakit  sa atay.
ODOG    : Bitaw.
DODOY : Unya,kadtos  Tapaklong nga dili man to palahubog namatay man gihapon tos sakit sa atay?
ODOG    : Aw,basin nasaypan!

MAG-USAB NA!

EYOK  : Sige  mag tagawtaw ang akong asawa nga si Juaning matag higayon nga moinom ko kuyog nila.
MAYOK : Mao na,Bay kay labihan man nimo ka palahubog,ug maayo sab kang mogasto!
EYOK     : Karon ,mag-usab nako. Dili nako moinom.
MAYOK : Yamat god. Unya ,niana hinuon tas tindahan ni Inse Soping?
EYOK (Mipalubad): Aw, moinom man hinuon basta dili na akong gasto.
MAYOK                 : Butangi!

GIKASAL

Niining buntaga   puno sa dekorasyon  sa nangalimyon  ug   nagkadaiyang mga bulak nga  masingo ug makita sulod sa simbahan kay engrande man nga kasal   ang   saulogon ni Padre Damaso. Sa atubangan  sa pari ,nagtindog ang mga kaslonon nga si Paolo,usa ka ambongan ug batan-on nga lalaki nga tapad  sa iyang mamahimong asawa nga si Andat,otsenta anyos ug biyuda.
PADRE  DAMASO  ( Nangutana kang Paolo): Ikaw,Paolo mopadayon ka ba gyud sa imong tinguha sa pagpakasal niining Andat nga tigulang na,unya dili na siya makahatag ug anak diha kanimo ug mag-antos ka sa iya unyang pagmasakiton? Bi,hunahuna-a.
PAOLO( Hinayng mitubag):  Mo-Mopadayon na lang ko,Dre.
PADRE  DAMASO : Na hala,ikaw? ( Miatubang kang Andat): Ikaw,Andat mopadayon ka ba sa pagpakasal niining batan-on mong pamanhunon aron ka huthotan lang,biyaan kay mangitag kabit aron dunay anak, ug kon masakit ka unya biyaan ka na lang kay wala ka namay kapuslanan!
ANDAT ( Misakdap ang libat nga mata): Uy,unsa man diay ning among pagpakasal, Dre wala naman niy atrasay, mopadayon uy!
PADRE DAMASO : Ang ako ba,magbasol ka unya,Dat.
ANDAT (Namula ang nawong): Uy,Dre kon ikaw man gani ang magbasol sa among pagpakasal,mangita na lang kog laing pari nga modawat sa akong ibayad ning kasala!
PADRE  DAMASO : Butangi!

USBON

SEBYO : Dunay hugonhugon nga kausaban sa termino karon,Bay  alang sa mga politiko nga magkupot ug katungdanan s a atong gobyerno.
EYOK   : Unsa man na,Bay?
SEBYO : Duha na lang ka termino sila kutob.
EYOK   : Aw, maayo nuon kon mao na aron minos  ang pangurakot.
SEBYO : Ang pangurakot dili gihapon  na mawagtang,Bay,pero...
EYOK   : Unsa man ,Bay?
SEBYO : Ang una nilang termino pangalagad sa gobyerno,ug ang ikaduha nang termino adto na nila taposa  sa priso tungod sa pangurakot!
EYOK   : Ngeeh!

MAKAAYO KAHA?

KURYOT : Ingon pa nila,Bay nga ang "pagkatawa maoy maayong tambal?" Tinuod na?
ONTOY    : Di ko tuo ana,Bay,uy!
KURYOT : Nganong dili ka man motuo?
ONTOY    : Kon makaayo pa,maayo na unta nang mga buang sa mental nga nagsigeg katawa!

NAGKAHAYTIK

JUANING : Sa paglabay sa daghang mga katuigan karon ang mga libakera nagkahaytik na.
GORYA     : Unsa may nakahaytik ana,Ning?
JUANING : Niadto god basta makita nimong magtapok ug maghingut-anay ang mga babaye, ang gisumsoman anang ilang estorya-estorya nga magkibotkibot ang baba ,libak  dayon na...
GORYA    : Bitaw,sagad  gyud nang mahitabo,Ning.
JUANING : Pero lagi karon  wala na na kay nagkahaytik man.
GORYA     : Unsa mang pagkahaytika, Ning?
JUANING : Karon dayo'g  adto sa internetan, post  dayon sa pesbok!

NABALE

IGNOY : Haskang komedyantiha nimo,Bay, uy nga dili man unta ka siaw!
TAKYO(Wala kaayo makasabot): Aw, ha,  aw  o. Komedya ra god,  pakatawa...
IGNOY : Makatawa gyud ko sa imong komedya,Bay.
TAKYO: Ang hain bang komedyaha  ba?
IGNOY : Ang nawong god nimo nga  morag artista  nga tua sa imong profile .
TAKYO : Naunsa man?
IGNOY  : Kuha mog naunsa nga ang nawong man tos imong kerida.
TAKYO  :Botangi!

HILABWAN

Maoy naabtan ni Tikyo ang higala niini nga si Bodong nga naghukdong diha sa ilang may terrace. Iya ning gitimbaya.
TIKYO   : Musta,Bay  Bodong?(Miduol).
BODONG : Nia, mao lang  gihapon,Bay.
TIKYO     :  Nahiagi man god ko karon didto sa tindahan ni Inse Minay,Bay ug maoy akong nadungog ang daghang mga pasiatab ni Onyot.
BODONG:  Unsa may iyang mga pasiatab god,Bay?
TIKYO     :  Matod pa niya ay nga nagpamisik ang laway, nga  nalabwan na kuno kaniya...Wala   na kuno kay nahot human sa ginastohay sa nagmasakiton  mong asawa nga si Tikya! Unsa man na?
BODONG : Mao nay sulting,Tikyo?
TIKYO      : Nagbowabowa god ang iyang baba nga gasige gihapog tungab sa redhorse...
BODONG  : A,bahalag iya  kong malabwan,basta dili gyud ko niya matupngan.
TIKYO       : Unsa man nang pagka-estoryaha god,Bay?
BODONG  :  Di gyud ko niya hitupngan sa akong pagkatawo,pero bahalag iya kong malabwan sa iyang pagkabutboton!
TIKYO       : Butangi, da lagi!

TIBAK

Naghunahuna si Apyot kon unsay  maayo  niyang ihatag sa iyang 'palalab' sa umaabot nga mothers day. Unya,dihay kalit nga misantop sa iyang nagduhiraw nga hunahuna,ug dali kining misakay sa iyang motorsiklo  kay moadto  sa grand mall.
APYOT (Nangutana sa tindera nga maikogon): K-Kining,Mis, pangitai ra god  nindot diha nga klase sa  panti.
SALESLADY (Nahibulong): Kinsa may mosul-ob ani,Sir?
APYOT  : Ako nang iregalo sa akong misis sa umabot nga mothers day, Mis ...
SALESLADY : Aw,mao ba? Unsay size,Sir?
APYOT (Wala makahibawo.Nakapangawot sa ulo) : Nalimot ra ba ko,Mis da,puyde bang ang imo na lang sukod maoy akong  sun-an?
SALESLADY (Maulawon.) : Si,Sir  gyod o? (Naghikohiko).Mao man god kaha?
Tuod man ang saleslady  maoy nagpili sa sukod sa paliton ni Apyot ug dayong paputos niini didto sa counter. Ug, sa dihang nauli na si Apyot,mahinamon kini niyang gihatag ngadto sa iyang asawa nga si Aryang.
ARYANG ( Labihang kahingangha. Namula ang nawong sa kalagot): Uy,Apyot unsa ning gihatag nimo nako, nabuang ka?
APYOT (Na-shock.): Kay unsa man diay nang akong gihatag nimo nga bag-o man nang klase sa  panti!
ARYANG(Nagpaminti na sa tumang kalagot,ug mi-aksyong sulirap ang kalimutaw): Panti sa imong ka-amaw nga mora man ni'g tirador!
APYOT : Butangi daan pa ko!

LIBAK PA MOR

Nagkuyog ang managhigalang  Otoy ug Sikoy sa dihang nahiagi sila sa tindahan ni Nang Ebay nga nagpunsisok ang mga libakerang  Tinay,Isyat ug Aryang.
OTOY : Ingon ka,Bay, 'basta tapok,libak?"
SIKOY: Bitaw.
OTOY : Hilom man lagi kaayo tong mga giingon nimong mga libakera nga sila si Aryang,Tinay ug Isyat?
SIKOY : Bitaw.
OTOY   :Unya,haiy may libak niadto?
SIKOY  :Kadto diayng  wa mahimutang sigeg tuplok ang ilang mga tudlo sa selpon,nanglibak naman pod to pinaagig teks!
OTOY   : Butangi!

POSISYON

TAKYO : Maayong laki gyud ning maniniyot si Atoy,Bay  Islaw.
ISLAW  : Bitaw. Nganong nakaingon  ka man maayong maniniyot si Atoy bi?
TAKYO : Tiaw ba nimo nga sa dihang akong giingnan nga kuhai kog letrato samtang nagsandig sa akong sanggotan,naunsa  bang hitaboa nga sa iyang pagretoki nga...
ISLAW  : Nga naunsa naman diay,Bay?
TAKYO : Imbes ang akong posisyon  nagsandig sa lubi, naunsa bang hitaboa nga nagkudkod naman hinuon kog lubi!
ISLAW  : Butangi,maoy gidangat!

DEPENDE

ISYOT : Matod pa sa usa ka sanglitanan,Bay Tokoy nga ang "pagkatawa maoy usa ka  matang sa tambal kun medisina."
TOKOY : Depende na,Isyot.
ISYOT   : Unsa may depende ana,Bay?
TOKOY : Kon mokatawa ka kay naay nagpakatawa,tambal siguro na. Pero kon mokatawa kang way kataw-anan nga ikaw rang usa... aw,lain na sab na...
ISYOT   : Laing unsa,Bay?
TOKOY : Lain na sab nang dad-onon sa mental  hospital!

DAGANAN

AMBOY : Dunay panultihon,Bay nga nagkanayon," walay  suliran nga dili gyud masulbad."
TIKYO    : Tinuod  kaha na,Bay?
AMBOY  : Tinuod bitaw na ,Bay.
TIKYO     : Unyag dili gyud masulbad? Unsaon man na bi?
AMBOY  : Aw, mao na nay giingon sab nga ang suliran, mahimo nang daganan...!
TIKYO    : Butangi!

PAPILION LANG

Nagkadusingot pang gikan si Abyot sa ilang umahan,misakna ngadto sa iyang asawa nga si Huling kon unsay ilang sud-an sa paniudto.
ABYOT : Haskang kapoya gyud tawon nakong gikan pa sa umahan,Ling unsa may atong sud-an diha? Nag-utan ka?
HULING(Didto sa suwambi): Wa ko makautan,Byot,uy. Naay sud-an diha sa lamesa pagpili lang...
ABYOT(Gibati na gyud kagutom nga nagpadulong sa kosina,ug miukab sa tinakpang  plato ibabaw sa lamesa.Nahingangha): Uy, unsa god ning imong papilian nako,Ling nga binuwad man ning buliring?
HULING : Ay,ikaw god? Ingon bitaw ko nga pagpili lang. Habhabon ba na nimong binuwad nga buliring o ,di na lang ka mokaon!
ABYOT : Butangi!