AWAY DIAY

Nianang palis nagkaabot sa tindahan ni Inse Bebet ang managhigalang Tonyo ug Tiago.
TIAGO : Ugma,Bay kay "Kadaugan man sa Maktan",mangadto ta?
TONYO: O,sige. Asa man na,Bay?
TIAGO : Sa Barangay Mactan god kadtong giawayan nilang Lapulapu ug Magellan. Pagbanhaw bitaw na sa away nilang Magellan ug Lapulapu!
TONYO: A,di na lang ko,Bay,uy.
TIAGO(Nahibulong): Nganong dili ka naman sab moadto?
TONYO: A,away man diay nang atong adtuan,maapil pa lang hinuon ta!
TIAGO : Butangi!

KON MOSUGOT

ANDOT (Miamoral): Sugta na tawon ko,Day Lorna. Dugay na baya kong naghalad diha nimo niining gipanuhot kong gugma.
LORNA : Pakigsultihi si Nanay Takya,Dot.
ANDOT : Nganong pakigsultihan ko man nang imong nanay,Day Lor?
LORNA : Aw, kon mosugot siya.Aw, oki sab ko.
ANDOT : Mao ba? Unyag ,mo-oki siya?
LORNA : Aw, kamo nang duha! Biyuda na bitaw siya.
ANDOT : Butangi!

DILI MANUNGKAB

BUDOY ; Nganong nagbuhi ka man ug iro,Takyo?
TAKYO  ; Maayo  ning iro kay mopaghot kon dunay tawo nga maagi sa atong balay... Unya,nganong nagbuhi ka man sab ug iring,Doy?
BUDOY : Maayo ni Kyo kay kauban ba sa pagtulog hibawo baya ka nga ulitawo tang guwang...
TAKYO : Kusog man nang manungkab ug sud-an!
BUDOY : Dili,Kyo uy! Di gyud ni manungkab!
TAKYO  :Nganong dili m an?
BUDOY : Ginamos man kanunay akong sud-an!