NAGPALANSANG

Sa  adlaw  sa Semana  Santa nakahunahuna si Bodong nga magpalansang  sa krus agig pagpenetensya.Niini lamang paagiha nga makuhakuhaan (sa iyang hunahuna) ang iyang mga kasal-anan  kay usa man siya ka banggiitang kawatan! Unya,sa didto na siya sa ibabaw sa krus nga gilansang misuliyaw ang iyang mga silingan nga nakakita kaniya nga nagdupa.
TOKOY (Misinggit): Kana maoy maayo,Bodong aron ka makaamgo sa imong mga sala! Kawatan kang dako!
EDOK (Misinggaak): Kana,Dong tinud-a gyud na  aron motagam kas imong kabuang! Kawatan kang tawhana ka kay imong gikawat  ang akong hiniktan( Dayong labay ug bato nga mikunol sa iyang ulo)!
BODONG (Didto sa krus nagdupa): Aguuyyy!
BOTOY (May gilabay) : Niay anipay,Dong  o!
BODONG(Mibatig kakatol sa lawas. Naglagot) : Aguyyyy! Sus,Karon lang mo!
EDOK : Ayg reklamo diha,Bodong ikaw man roy gilansang diha!
BODONG : Karon lang mog mahuman  kog palansang dire, pakungon ko nang inyong ulo!
BOTOY    : Butangi!

SOBRANG INIT

Usa ka hapon niana,ubos sa dakong punoan sa Lumboy nagkukabildohanay ang managhigalang Tikoy ug Ponso.
TIKOY : Ingon nila,Bay nga ang bugan sa babaye mas init pa kuno kay sa bugan natong mga lalaki.
PONSO: Pastilan no? Nganong nakasulti man sab sila niana,Koy?
TIKOY : Kon init pa  ang bugan sa mga lalaki,di ang itlog maluto na unta ni?
PONSO: Bitaw no. Wa man maluto sa kainit,di  dili init kaayo.
TIKOY : Mao na. Unya, ang puwerte gyud kainit ang bugan sa mga babaye.
PONSO: Alangan. Ngano man kuno bi?
TIKOY : A,kana diayng gumikan sa kainit sobra man kaayo ka pagpang-liki!
PONSO : Butangi!

GITUHOG SA KAWAYAN

TIKOY : Kon ang saging tuhogon sa kawayan,unsay tawag ana,Bay Onyot?
ONYOT: Aw, bananakyu!
TIKOY : Kon ang kamote tuhogon sa kawayan?
ONYOT: Kamotekyu!
TIKOY  : Kon ang karne tuhogon sa kawayan?
ONYOT: Aw, barbekyu!
TIKOY : Unya,kon ang kawayan tuhogon sab ug kawayan?
ONYOT:A, naa ba god na?
TIKOY : Naa.
ONYOT:Bi,unsa man kuno na?
TIKOY : Ang kawayan nga tuhogon sab ug kawayan,mao nay gitwag ug,"luthang!"
ONYOT: Butangi

MAGTULO

Si Inggot nanarbaho  isip  usa ka panday  dinhi sa Manila mi-text ngadto sa  namingawan niyang asawa  nga si  Andat sa Probinsya sa Bohol.
INGGOT (Nag-text) : " Day  Andat  gimingaw  na gyud ko nimo ug sa atong mga anak. Labina nga sungogon gyud mi dire nga kanunay lang magtulo sa ulan kining among gipuy-an  karon..."
ANDAT (Mibawos  sa pag-text) : " Inggot kaluoy pod nimo diha,maayo mi dire  kay  wala na  mag-antos sa busloton natong atop ... wala na gyud magtulo!"
INGGOT  : "Ngano diay nga wala naman magtulo?"
ANDAT (Mi-text  dayon): " Ako  dayong gipasung-songan  ni Takyo  nga atong silingang panday!"
INGGOT (Nakapanakla.Nanghopaw): Da, lagi!

MOLUNGTAD

MUSLIM (Tindero) : Igso,palit na niining akong relo kay barato kaayo.
TIKYO(Misuling sa relo): Pila man ni,Igso?
MUSLIM : Usa ka gatos ka pesos ra ka na,Igso.
TIKYO     : Mao ba? Sige,palit kog usa,unya molungtad kaha nig dugay?
MUSLIM  : Molungtad gyud ka nag dugay,Igso.
Apan pipila pa gani ka adlaw ang milabay,naguba ang relo nga gipalit ni Tikyo ug iyang gibalikan ang Muslim nga tindero nga gipalitan niini ug gisukmatan.
TIKYO : Igso,ingon ka nga molungtad ug dugay ning relo nga akong napalit nimo?
MUSLIM: Tinuod kana,Igso.
TIKYO    : Unya, naguba man lagig dali bi?
MUSLIM: Aw,imo mang gigamit. Ibutang na sa kaban  di ba dili gyud na maguba ug molungtad  pag dugay.
TIKYO    : Butangi!

NAKASULOD

Lanog sa dakong nataran sa harianong panimalay  ni Don Antoy  ang iyang tingog nga mikasaba sa iyang guwardiya nga si Oplok.
DON ANTOY (Masuk-anon): Wala kay hinungdan nga pagka guwardiya,Oplok kay wa man nimo matuman ang akong sugo ug pahimangno!
OPLOK (Nagkipatkipat ang mata) : Nagtuman tawon ko,Nyor sa tanan nimong sugo dire na ho.
DON ANTOY (Samot nga misinggaak ang tingog): Unsay nagtuman? Di ba nagpahimangno ko nimo nga dili mo gayod  pasudlon kanang mga tawo nga mga mosimos nga magtiniil o magtsinelas lang dinhi sa akong mansiyon?
OPLOK   : Mao nay sugo nimo,Nyor.
DON ANTOY : Unya, nganong nakasulod man tong makililimos dinhi?
OPLOK           : Aw, kadto,Nyor? Ang-ang ,Nyor maong nakasulod to sidja dinhi kay nagsapatos man!