NAGTINARONG NA

BOTOY : Karon nga hapit na matapos ang klase,Yot siguro gyud kaha kang mopasar? Pagkabugo nimo morag ka tulo ka naman magsigeg balik-balik sa imong grado nga Gred to!
MIYOT  : Aw, siguro kaayo na,Toy.
BOTOY  : Giunsa man nimo sa pagsiguro?
MIYOT   :Aw, nagtinarong naman ang among maestro!

PAPANANGHIRON

TIKAY (Naglagot) : Nganong gasige ka man ug balikbalik dinhi,Poldo nga humana ka naman nako balibari nga dili ko modawat sa imong gugma?
POLDO (Nanghopaw) : Kay wa gyud diay koy paglaom diha nimo,Tiks?
TIKAY : Wa lagi! Na hala pananghid na lang ngadto ni Tatay Popoy...
POLDO: Unsaon man nako sa pagpananghid sa imong Tatay?
TIKAY : Kon mosugot ba siya nga ako kang sugton...
POLDO: Unyag mosugot ang imong Tatay, di sugton sab ko nimo?
TIKAY : Dili.
POLDO(Naglibog) : Ingon ka nga papananghiron ko sa imong Tatay,unya kon mosugot...
TIKAY  : Aw,kamo nay uyab si Tatay!
POLDO : Butangi!

WALAY NAHIBAW-AN

Duha ka managhigala nga nagtrabaho sa usa ka bar house  nag-estoryahanay.
BARANG : Ganahan gyud kong moadto sa Manila,Day Tiks .
TIKYA      : Nganong ganahan kaman moadto sa Manila,Barang nga duna may daghang guwapong lalaki dinhi?
BARANG : Da, way lami uy.
TIKYA      : Nganong nakasulti kaman ana,Barang?
BARANG : Didto dunay daghang trabaho didto,unya ang mga lalaki sab didto dili  kuripot.
TIKYA      : Ohw! Ngano diay dinhi?
BARANG ; Dinhi kuripot pa kaayo, ug  walay nahibaw-an sa  manila!

GILAMIAN

Usa ka buntag niana maoy namatikdan ni Bianing ang iyang komare nga biyuda nga si Talina nga naghukdong diha sa ilang nataran naglingkod sa lingkoranang kawayan.
BIANING( Mitagad) : Mare, kasayo god nimong nanampiling?
TALINA                        : Nagbasol ko ,Mare.
BIANING(Nahibulong): Uy,nganong nagbasol ka man,Mare? Biyuda ka naman.
TALINA                        : Mao na,Mare.
BIANING                      : Unya?
TALINA                        : Nagbasol ko,Mare nga wala mopatuo sa tugon dire kanako sa imong kompareng namatay na si Ebyong.
BIANING                      : Unsa man diay tugon ni Pare,Mare nga nagbasol ka naman ron?
TALINA                        : Matod pa sa tugon sa imong Kompare,Mare  ay " ayaw pagtilaw ug lami para di unya ka magpangita,ug ayaw sab palamiig  sobra kay  aron ang nagtilaw dili ka unya pangitaon!" Sus,Mare nadisgrasya gyud ko adtong Balentayens Di!
BIANING                      : Butangi!

BARATO

Sa  dihang nakadunggo na ang barko sa pantalan,nanaog pagdalidali si Inggot pag-adto sa suki niyang tindahan aron magsimasima ug makaon niining sayong kabuntagon.
INGGOT :  Naa moy presmilk,Day.
SILBIDORA : Naa,Noy.
INGGOT       : Tagai kog usa ka baso bi.
SILBIDORA : O,Noy. ( Mitunol sa usa ka basong gatas ngato kang Inggot).
INGGOT       : Tag pila na ron ang inyong gatas,Day?
SILBIDORA : Tag singkuwenta na ra ba ang baso sa gatas,Noy.
INGGOT(Nasud-ipan) : Sus,pastilan,kamahal god!
SILBIDORA                : Mahal na gyud ron,Noy. Pero duna pa man dihay baratohon kon mangita gyud.
INGGOT      : Asa man nang baratohon,Day?
SILBIDORA: Ngadto ,Noy, ay (mitudlo sa unahan).Ikaw,gyuy mototoy sa gatasan nga baka!

MAY KALAINAN

EDOK :  Dunay duha ra gyud ka kalainan sa usa ka tawong palahubog ug tawong sugarol sama nimo,Bay Bukay.
BUKAY : Yamat ra,duha ra gyud? Unsa man kuno na bi?
EDOK    : Ang mga tawong palahubog mosulti gyud sa tinuod labinag  labihan nang huboga sa ilang nainom.
BUKAY : Unya, ang tawong sugarol?
EDOK    : Ang tawong sugarol labihan gyung ka bakakon.
BUKAY : Nganong nakasulti kaman niana,Dok?
EDOK    : Ang-ang man lagi nga sa sugal bawal man ang pago! Mamakak ngadto sa asawa,pero sa sugal duna !
BUKAY : Butangi!

AWOM

Bisan asang anggulo nimo tan-awa imo gyong mataligam-an kini si Miyot nga usa ka babaye. Ug,karon kay puwerte naman gyud niyang pagkabayota,Angela na ang tawag kaniya.
ETOT  : Bay Miyot,aw Angela diay pagkaseksi  nagyud nimo ron! Samot nang nangalimyon sa kahumot kay hapit naman ang Balentayns Di.
MIYOT/ANGELA (Mikidhat) : Aw, ana gyud,Totski para dunay daghang madani sa atong kaanyag ug kaseksi...
ETOT ( May namatikdan) : Unya, unsa man nang misiwil sa pakigol mong  short?
MIYOT/ANGELA(Nahilaw) : A..k-kini..?
ETOT : Kana god!
MIYOT/ANGELA (Miluray ang tingog): Da, awom bitaw ning buhi!
ETOT : Ngeh! Butangi!