TINUHOG

Giimbetar ni Oyong ang iyang Komare Besing ug Kompare Osoy sa Kasaulogan sa ilang Piyesta.
OYONG  : Maayo kaayo,Mare,Pre nga nakahigayon gyud mo sa pag-anhi sa among piyesta bisan pa man sa kalayong bukid nga inyong gipuy-an.
BESING  : Naninguha gyud mi,Pre nga makaanhi.
OSOY      : Mao gyud,Pre.
OYONG(Mihagad): Na hala mangaon na ta.
Ug, samtang sila nangaon nagpadayon ang ilang mga kulukabildo.
BESING  : Maayo mo dinhi sa inyo,Pre sige mo katilawg lamiang potahe.
OYONG  : Aw, naa may kanunayng mapalit god,Mare.
BESING  : Mao lagi, duna mo kanunay humba,ug daghang mga tinuhog nga baboy ug manok.Kanang gitawag ug barbekyo!
OYONG  : Sa inyong dapit,Mare,Pre ngano diay wala diay didtoy mamaligyag nilutong daan ug barbekyo?
OSOY     : Wala gyud,Pre!
BESING :  Pero makatilaw baya sab pod mi usahay ug lamian nga tinuhog.( Misiko sa bana nga si Osoy).
OYONG : Unsa man na,Mare?
BESING : Kanang tuhogon sab ko sa imong Kompare!
OYONG(Nasud-ipan): Butangi!