WA MAGHASOL

PRINSIPAL : Gipatawag ko ikaw  Nang Takya gumikan  kay ang imong anak nga si Takyo,nangulata man dinhi sa eskwelahan.Kon mao ni nga dunay reklamo niya dili gyud siya makagradwet rong tuiga!
TAKYA        : Mao ba diay na,Mam.
PRINSIPAL  ; Mao na,Nang.
TAKYA         ; A,syaro naman sab,Mam  Prinsipal.  Ako bitaw kon ang akong anak makakitag kulatahon didto sa amo-a naghasol ba god ko ninyo aron moadto?
PRINSIPAL: Butangi!

MALDITOHON

Usa ka adlaw niana,giptawag sa principal  si Nang Damasa nga  inahan ni Tikboy.
PRINSIPAL : Nang Damasa, nahibawo ka ba nganong gipatawag ko ikaw dinhi sa opisina?
NANG DAMASA: Wa gyud koy kasayuran ana,Mam.
PRINSIPAL  : Si Burabog man god nga imong anak,nangulata dinhi sa eskwelahan ug ang ang ginikanan  sa iyang gidagmalan nga estudyante nagsulti nga andam silang mokiha kon di ka makapitol sa imong anak.
NANG  DAMASA: Aw, kana ra diay,Mam.
PRINSIPAL : Kana ra,Nang Damasa maoy among tuyo.
NANG DAMASA : A, kanang akong anak  malditohon man gyud na sa eskwelahan,pero kon magminaldito ngadto sa among pinuy-anan  dili man gyud ko magpatawag nimo,Mam?
PRINSIPAL : Butangi!

LAIN UG SABOT

Atol niining Valentines  Day,diha  sa tugkaran  sa balay nila ni Andat ug Igsang  nag-estoyahanay  ang duruha  mahitungod  sa ilang  mga uyab.
ANDAT :  Ang  unang kasinatian  ko ,Day Igsang  sa  akong uyab nga si  Mitoy di gyud na ko mahikalimtan.
IGSANG(Mipalabaw dayon): Wala  ra na sa akoa,Dat. Kadtong  akong kasinatian  labaw na.
ANDAT : Unsa man sab diay ang imong kasinatian,Sang?
IGSANG: Gikulbaan gyud ko niadtong higayona,Dat.
ANDAT : Yamat  ra. Ngano  man?
IGSANG: Taas  ug gahi kaayo  morag  dili masulod. Gipaningot ko ug maayo. Pagduso gyud nakasinggit  ko dayon  sa kasakit uy!
ANDAT: Sus  , no?
IGSANG: Unya dihay  dugo. Grabe  lagi.
ANDAT : A, ka grabe god sa imong uyab,Dat? Brutal  diay  kaayo?
IGSANG: Hoy, amaw!
ANDAT  : Unsa man diay?
IGSANG : Dili  uyab  uy.Nagpakuha lang kog  dugo didto  sa blood bank giubanan kos akong uyab!
ANDAT  : Butangi!

GIDUL-ITAN DIAY

AGATA  : Giunsa  ka man pagpangulitawo   ni Osoy,Day  Talina  nga  mapasugot ka niya?
TALINA : Matod pa niya,Day Agata  ay, "Talina  kon imo kong sugton guwapa ka,apan ko dili gani ko nimo sugton bati ka."
AGATA  : Mao ra na.
TALINA : Mao  ra.
AGATA  : Dayon  gisugot nimo kay kon dili nimo sugton bati man.
TALINA : Dili  uy!
AGATA  : Unsa man diay bi?
TALINA : Iya  man sab  god  nga  gidul-itan ang akong kilid ug korta!
AGATA   : Ngee!




Nota:  korta- kutsilyo

BINAG-O

Usa  ka  hapon  niana  samtang  nagkalingawg  tagay ug  bahalina  sa tindahan ni Nang Ebeng,nagkasultihanay  si  Ikot ug  Tiyoy  sa ilang  na-obserbahan sa mga babaye ug lalaki karong  panahona.
IKOT  : Unsay  kalainan ron,Bay  sa babaye ug lalaki kon  gusto  nang mangitag  bana, o mangitag pangasaw-onon?
TIYOY : Duna  na gyuy  dakong  kalainan,Bay.
IKOT    : Pananglit sa usa ka lalaki,unsaon man niya  pag-ingon kon gusto nang mangasawa ngadto  sa iyang uyab?
TIYOY : Kon sa lalaki kon gusto nang mangasawa,moingon man nga: kon dawaton mo karon ang tim-os kong hangyo ,Day andam ko dayon ikawng pangasaw-on? Imo  bang dawaton?
IKOT    : Ingon  ra diay ana,Bay. Simpol ra kaayo.
TIYOY : Mao  na. Pero  mas simpol kon   ang babaye nga moingon ngadto  sa lalaki kon gusto na kining minyoan.
IKOT    :Unsaon man?
TIYOY : Ingon  ra god ani: Karon,Dong nga miburot naman ning akong tiyan, sa mosugot kag sa dili kinahanglan nga imo na gyud kong pakaslan!
IKOT    : Unyag dili  mo pakasal?
TIYOY  : Aw, moingon man sab ang babaye, kon imo gani kong daganan,Dong,  kanang  imong tiyan  moburot  sab  na  nga way buthanan!
IKOT     : Butangi!

MOHALOK

TIKOY  :  Hapi  Balentayins De, Day  Tiks.
TIKYA  :   Sem to yo pod,Koy.
TIKOY  :  Pahaloka kog gamay,Day Tiks.
TIKYA   : Di ko uy kay gilok.
TIKOY  :  Ako lang hinayon god.
TIKYA   : Sige,uy.
TIKOY  :  Asa man ko mohalok?
TIKYA   : Aw, dire lang sa akong sampot.
TIKOY  : Di ko uy.
TIKYA   : Ngano man ,Koy?
TIKOY   : Nanimaho  nang sunog!

NAHUTDAN

Usa  ka buntag niana  sa klase ni Mam Binangkal ngadto sa iyang mga tinun-an.
MAM  BINANGKAL : Unsa man ang adunay  dako nga wanang ang kayutaan, o ang  katubigan?
TIKYA( Mipataas sa kamot. Mibarog): Ang katubigan ,Mam!
MAM BINANGKAL  : Korek!
TAKYO (Mipataas  sa kamot. Mibarog): Dili,Mam  uy!
MAM BINANGKAL  : Wa gyud diay ka maminaw  sa atong gileksyon,Takyo?
TAKYO                       : Naminaw  ko nimo,Mam  uy.
MAM BINANGKAL  : Unya, nganong gisupak man nimo ang tubag ni Tikya? Nga ang katubigan man maoy adunay dakong porsiyento niining  atong kalibotan...
TAKYO  (Miinsester) : Dili  lagi,Mam.
MAM BINANGKAL  : Ngano man?
TAKYO(Nangatarongan):  Kon daghan pa ang  katubigan,Mam, di dili  unta  mi mahutdag tubig nga among ikaligo?  Kanunay way  agas  among gripo kay nahutdan tubig kuno ang tinubdan!
MAM BINANGKAL : Butangi!

MAKAKITA

Samtang way  trabaho usa ka buntag niana ang managhigalang Pekto ug Onyot nagkalingawg  tag-an sa ilang mga tigmo.
PEKTO : Agukoy,agukoy ugma ta sa buntag  mag-asoy... unsa man na,Bay Onyot?
ONYOT: Sayon. Resulta  sa masyaw kay kada buntag man tang magpangutana unsay resulta.
PEKTO : Amaw! Di diay damgo.
ONYOT: Mahimong ingon pod ana,Bay. Pagka walay klarong tigmo-a. Niay akoa.
PEKTO : Unsa may imong tigmo?
ONYOT: Panggaa  ko kanunay,limpiyohi ug ampingi bisan kinsa pay mangutana kanako dili ko mosulti sa akong nakita magamay man o madako!  Unsa man,Peks?
PEKTO : Lisod sad  nang tigmoa da. Dili ko ka tag-an ana,Bay. Unsa man na?
ONYOT: Kasayon.
PEKTO : Unsa man lagi?
ONYOT: Iniduro god. Kita man na kanunay unsay imong buhaton su'od  sa kasilyas!
PEKTO : Butangi!

NAGDALI (Ika-upat nga hugna)

Gumikan  sa kalayo sa eskwelahan nga gitudloan ni Mam Tabudlong kinahanglan kining mosayo paggikan  sa ilang  panimalay aron  makaabot kini  sa  iyang klase. Apan kinsa hinuon kining magdali  maoy sungogon  sa  kapalaran.Taas pa ang iyang baktason padu'ong  sa eskwelahan nga tua mahimutang  ibabaw sa bukid.
MAM  TABUDLONG( Mabalak-on.Nangaliya  na lang):  Pastilan,Lord  ayaw  tawon itugot  nga  ma-late   ko ani  kay  hikasuk-an na sab unya ko  sa among  principal   nga si Mr.  Tabaghak. Makaabot pa unta  ko  sa   akong klase...
Tuod man  sa  dihang  nahaduol na siya sa ilang  eskwelahan,nibagting   ang kampana.Nakita niini  nga  nag-iyahay panggawas  ang iyang mga estudyante  sa  classroom.Nalipay  abig magsugod na ang flag ceremony.
MAM  TABDULONG(Nangutana): Naunsa mo nga nanggawas  mo sa classroom?Pamalik  mo kay magklase na ta!
ISYOT(Estudyante.Nagpangawot  sa ulo); Si,Mam  baya sab,uy.
MAM TABUDLONG : Unsay  si Mam? Magklase na ta.
ISYOT : Si Mam sab, uy  nga reses naman ron.
MAM TABUDLONG(Mitan-aw  sa relo): Butangi!

NAGDALI (ika -tulong hugna)

Nagbotokbotok na sa tumang  kakulba ang dughan  ni Takyo kay  hapit na  gyud  ang oras nga maoy i-klase ni Mam  Tikay-ang  sa ilang  room .Kon  ma-late  na sab  siya niining  higayona sigurado  gyud kining  magtagawtaw,  ug ibansiyag na sab  ang iyang pagkahinayon.  Sa  hilom  nag-ampo si Takyo.
TAKYO:  Lord, kaloy-i tawon ko  nga  makusogkusog  ko  kining  akong  mga  lakang  aron dili  nako ma-late sa  klase  ni  Mam  Tikay-ang.Mahadlok  nakong  iyang  kasab-an...
Tuod man  paspas  ang  iyang mga  lakang apan  sa  wala damha  paghitungod niya  sa gate  sa  eskwelahan  nakatunob  man siyag  tai  sa iro  nga lanay. Nakapanglingolingo tawon si Takyo.
TAKYO(Kahilakon.Nakapangagho):Ho!  Lord,maayo pa man  ani  kon matunok  sa  lansang kay maibot man.  Kining  tai  sa iro di na sab ko makasulod ani  sa  among classroom kay magpabilin mang baho!

NAGDALI (ika- duhang hugna )

Tungod sa hagip-ot na kaayong oras nagdalidali tawon  si  Apang  nga makaabot pa siya  sa klase  ni Mam  Binangkal. Hibawo  siya nga  kon   ma-late  na pod gani siya  dayon kinig  tagawtaw. Nag-ampo si Apang   sa hilom.
APANG (Usa  ka kimpang. Nangaliya): Lord, tawon  kaloy-i kong mapakusogkusog ko pa ning  akong mga lakang  padulong   sa among eskwelahan  aron makaabot pa ko sa among klase....
Tuod  man sa dihang  haduol na siya sa gate  sa eskwelahan sa wa damha kalit kining nadakin-as tungod  sa  kadanglog   sa sementadong  agianan  nga  naulanan. Misaliring  tawon si Apang ug diriyot  maigo ang baba sa  haliging puthaw. Nakatuaw si Apang,ug nakapanglingolingo.
APANG( Nakapangagho):Ho!Lord, kaloy-i tawon kining kimpang ,ayaw na lang kog bungi-i!

NAGKAPAREHAS

TAKYO  :  Nahinumdom pa ko sa imong sulti nako,Bay  nga di ka mangasawa basta batig dagway?
TIBOY    : Tinuod bitaw na,Bay.
TAKYO   : Unya, bati man lagig nawong nang imong naasawa ron?
TIBOY    :  Unya,niingon man sab ang akong asawa  nga dili sab siya magminyog guwapo?
TAKYO  :   Toink!