ALIMUOT UG HAYAHAY

DONSOL   : Hayahay ka,Bay Cualing kay sapian kaman...
CUALING  : Unsaon pagkahayahay ana,Bay  nga sapian man bitaw ko para sa tan-aw sa uban,pero naputos man sab sa  daghang mga utang. Ikaw,hinuon.
DONSOL   : Aw, alimuot man hinuon kog  trabaho,pero duna man sab hinuoy hayahay.
CUALING  : Unsa man na,Bay?
DONSOL   : Sigeng alimuot kay naninda raman tawon kog lugod,pero hayahay man sab labi nag human sa pagpanglugod  manabon ug magbubo  na'g  tubig!

HAYAHAY UG ALIMUOT

TIKYO   : Unsa may imong trabaho  o negosyo,Bay  Ukoy?
UKOY    : Akong trabaho,Bay  hayahay pero alimuot.
TIKYO   : Unsa man nang klaseha sa trabaho,Bay?
UKOY    : Ang ako lang niining trabahoa abtik gyud kay kanunay man nga hayahay.
TIKYO    : Unsa man na lagi,Bay?
UKOY    : Negosyog  shabu hayahay  kon di hisakpan pero alimuot kon madakpan kay adto man sa prisohan.
TIKYO   : Butangi!

ANG KALAINAN

TIKYA  : Mangutana ko nimo Toy ,  unsay kalainan niiing duha ka pulong nga Ingles ,ug hubaron nato sa Binisaya?
ONTOY ; Unsa man nang Pu'onga?
TIKYA   : Uns mang nang  confident? Ug,unsa man sab ning confidential?
ONTOY : Sayon.
TIKYA   : Tubaga?
ONTOY : Confident (makasalig) gyud ko nimo,Day Tiks kon ikaw na ang mamahimo kong asawa.
TIKYA   : Yatis ra. Unya,kanang confidential?
ONTOY : Mahimo gyung confidential ( walay mahibawo o sekreto) ang atong kaminyuon aron di gyud ko magukod sa unang babaye nga ' kong gipakaslan!

NAGHIBAT NGA PANAN-AW

Gibadlong ni Inggot si Raki kay labihan na niining huboga. Pakyas man god sa gugma maong patuyang na lang sab kinig inom sa tindahan ni Nang Betang.
INGGOT    : Husto na,Bay  Raki sa imong pag-inom kay labihan kana kaayong huboga  o! Nagsusapinday ka na mang molakaw...
RAKI          : Unya,tan-awa lang kon di pa ba ko kahimo (hek) sa paglakaw... Sige pang inom (hek) bahalag mahurot nang  colt 45 diha !
INGGOT     : Tan-awa ,Bay  Raki lisod kana sa imong  panan-aw..
RAKI    (Nasuko) : Haiy kalisod sa atong panan-awng duha(hek)?
INGGOT              : Lisod na kanang panan-aw nimo,Rak  gumikan  sa kahubog o.  Hibat na!
RAKI                   : Haiy  imong panan-aw nako pila man man ko ka buok bi(hek)?
INGGOT (Nga usa ka libat): Aw, duha na.
RAKI                                 : Aw ikaw(hek) maoy hubog,dili ako!

MAOY MOBAYAD

Maoy namatikdan ni Ontoy ang duha ka mga anak ni Etot nga sila si Petak ug Irot nga nagsigeg  kinataw-anay samtang ang ilang amahan nga si Etot nanampiling diha sa suok sa ilang balay.

ONTOY (Nangusisa) : Bay,Tot naunsa kaman diha nga nanampiling kaman nga sayo pa man kaayo ron sa kabuntagon?

ETOT   : Naguol ug nalipay,Bay.

ONTOY(Nahibu'ong) : Naunsa god nang pagkahitabo-a,Bay Etot?

ETOT    : Kita mo,Bay nang duha ko ka mga anak.

ONTOY: Malipayon  kaayo sila,Bay,o!

ETOT    : Mao na.

ONTOY: Unya,ngano man lagi nga unsa mang pagkahitabo-a nga matod pa nimo,naghukdong ka diha kay nalipay ug naguol?

ETOT (Kahilakon) : Kanang akong anak nga  si Petak  naa nay ipad.Si Irot naa na sab ipod.Pero,ako...

ONTOY               :  Unya,Bay naa sad kay imo?

ETOT                   :  Mo lang na sad,Bay kay ako may mo i-paid !

ONTOY              :   Butangi!

BUT-AN

INGGOT   : Kining  akong iro,Bay  Polding hilabihan kaayong but-ana. Tiaw moy matag  gabii gyud ni nakong  mo-amen.
POLDING : Tinuod ka,Bay?
INGGOT   : Lagi!
POLDING : Pero di gyud sama ka but-an ang imong iro sa among iring,Bay.
INGGOT   : But-an sab diay ang inyong iring,Bay?
POLDING : Mo lang!
INGGOT   : Nganong nakasulti kaman niana,Bay?
POLDING : Ang among iring,Bay di gyud makamaong manungkab basta ginamos na gani among sud-an!

PULOS BUTA

Hilabihang nakakisikisi ni Miyat  nga usa ka dalagang buta sa dihang nahibaw-an niya  gikan sa iyang amahan nga duna nay desidido nga  mangasawa kaniya.
MIYAT   : Dili lang ko magminyo,Tay. (Pamalibad ni Miyat).
AMAHAN : Nganong mobalibad kaman,Miyat? Kana  pay  daotan nga maminyo ka na! Si Otoy maoy imong mamahimong bana.
MIYAT      : Dili ko,Tay, uy.
AMAHAN : Ngano  man lagi?
MIYAT      : Kon magminyo mi si Otoy nga buta sab kinsa may mo-agak  na namong duha?

GIPAPILI

TIKYO    : Kon ikaw maoy papilion,Bay Sidoy asa ka nianing duha? Sa   lata nga gisudlan sa  makabusog nga sardinas, o sa  botelya  nga gisudlan sa makahubog nga bino?
SIDOY    : Aw, ari ko sa botelya nga gisudlan sa makahubog  nga bino,Bay.
TIKYO    : Ngano man?
SIDOY    : Ang sardinas nga gisulod sa lata may higayon pa nga ang lata nga gisudlan ,sa gidugayon  matay-an.  Pero, ang bino nga naa sa botelya..
TIKYO    : Unsa man,Bay?
SIDOY    : Malata na lang ang imong tina-i  sa pag-ininom sa bino,ang botelya dili pa!

KUHAAG GATAS

Maoy naalinggatan ni Poklong si Abyot diha sa ilang nataran nga masulub-ong naghukdong sa punoan sa Kaymito. Iya ning gibuyag.
POKLONG : Naunsa ka,Bay nga sayo kaman kaayo diha nga naghinuktok?
ABYOT       : May problema ko,Bay.
POKLONG : Unsa may  imong  problema?
ABYOT       : Na-problema ko,Bay asa kog ipalit niining gatas ron sa among anak....pastilang paita.
POKLONG : Na hala tabangan tika.
ABYOT       : Unsaon mo man sa pagtabang?
POKLONG : Kuhaa to didtong bakang gatasan sa amoa,unya kuhaig gatas aron ika-patutoy sa anak mo!

PULOS MAKADAOT

PEDOT(Mibuyag ni Takyo): Undangi na nang imong pagpunayg panabako,Bay. Makadaot nas baga!
TAKYO : Undang god, kanang imong pagsigeg inom maoy undangi.
PEDOT  : Ang pagpanigarilyo,Bay makadaot sa baga kay nagdala nig nikotin..Patay  ka diha!
TAKYO : Unya kay ang pagsigeg  inom ka-ulser  man sab!Makadaot sa tinai.
POLDO (Mibuyag sa duha): Paghilom  mo dihang  duha,ingna nuon nga kanang inyong bisyo pulos makadaot sa bolsa!