DAOG SA ASAWA

Gisudyaan  ni Miloy ang iyang amigo nga si Otoy dihang nagka-abot  kini sa tindahan ni Inse Bedik.
MILOY   : Ingon ka,Bay  Otoy  ikaw maoy hawod sa inyo  ug daog kaayo  nimo ang imong asawa nga si Terya?
OTOY (Medyo nauwaw): Tinuod bitaw na,Bay.
MILOY                          : Tinuod god, nga unsa man diay tong naatol kong nahiadto sa inyo nga gipatidpatiran man lang ka sa imong asawa nga si Terya,  ug   gihagbong pa man gani ka  sa inyong hagdanan  nga kawayan!
OTOY   : A kadto,Bay,praktis ra man to.
MILOY : Yamat ra sab nga praktisa,Bay! Ihagbong gyud sa hagdanan?!
OTOY   : Unya, haig labi kon itagak pa unya ko ni Terya sa among bentana !

NAILAD SAB

Gumikan sa labihang katapolan nakahunahunag paagi si Pesyong aron lang makakuwarta. Mipungko kini kilid sa simbahan ug nagpakilimos.
PESYONG(Piniyong ang mga mata)  : Limos tawon mo niining makaluluoyng buta....maluoy tawon mo...
TAWO  1     : O,niay  bayente pesos,Noy imo na ni.
PESYONG  (Nalipay  nga nakadungog): Maayo ni da ,dali ra gyud tinuod ang kuwarta.Akong tan-awon bi  ang kuwarta...(Pagkakita ni Pesyong  sa kuwarta). Sus,nailad  ko da di man ni madawat  kuwartaha!
TAWO   2  (Nakit-an si Pesyong nga mibuka ang mata): Di man lagi ka buta,Noy?
PESYONG(Naglagot) : Di bitaw ko buta,pero nailad sab ko niadtong milimos da kay gihatagan kog  play money nga kuwarta!

MAOY KAN-ON

Ang hilabihang kagutom maoy nakapahigmata ni Mitoy nga dos anyos nga anak nilang  Itang ug  Melyo.Ang danguyngoy sa makaluluoyng  bata lanog kaayong misiak  sa kaadlawnong kahilom niadtong higayona.
ITANG ( Mimaymay kang Mitoy) : Hilom na,Nak...mingaw na kaayo  ang palibot,kaadlawon na rong dako.
MITOY (Naghilak nga nagpanghikap sa iyang tiyan): Gutom man kaayo ko,Nay.
ITANG   : Sagdi lang,Nak kay ugma sa buntag makakaon ka ra lagi kay mokobra man imong Tatay sa iyang suhol sa katubhan. Makapalit na tag bugas nga atong malung-ag.
MITOY(Padayong mihilak) : Gutom na lagi kaayo ko,Nay uy.
ITANG : Sus  nimo,Mitoy paghilom na tawon  diha uy.
MITOY(Misamot ang paghilak) : Gutom na lagi kaayo ko,Nay kaon ko!
ITANG (Nakahunahunag paagi):  Na, kon di ka mohilom diha,Mitoy  kan-on ka gyud sa ungo.
MITOY(Misamot paghilak)       :  Na,hain man nang ungo, Nay kay mao na lang nay akong ka-on bi!

HINIMO

Maoy naatolan ni Minggo ang iyang higala nga si  Ontoy  nga namisbis sa ilang tanom atubangan  sa balay.
MINGGO   : Maayo kay ni-a  ka,Bay Ontoy.
ONTOY(Miyanghag): O,Bay.  Ngano man,Bay?
MINGGO     : Mangadto ta sa  piyesta  sa Baryo  Tabudlong  sa ilang Bay  Tikyo  ba.
ONTOY(Mihunong sa pagpamisbis): Di ko,Bay,uy. Ikaw  lang.
MINGGO     : O,ngano man? Kaon na hinuon didto,mangadto ta.
ONTOY       : Okey ra man nang kaon,Bay.
MINGGO     : Aw, di ka ganahan ug kaon,manginom lang ta.
ONTOY       : Na samot,nitagam nako sa inom didto,Bay.
MINGGO     : Aw, basta ilimnon tu-ay daghang giandam ni Bay Tikyo didto!
ONTOY       : Didto maglain ang akong tiyan sa inom didto,Bay Minggo.
MINGGO     : Ngano man?
ONTOY       : Kuha mog ngano nga nagsagirit man hinuon ang akong tai.Ang gihimo nilang imnonon, ang klorin  kay gisagolan ug kamay puwa  aron ingnong bahalina!
MINGGO    : Ngeeh!

MAIGO

PEKTO    : Giingon sa  panultihon: " Ang  langgam  managsama ug balhibo kon manglupad kanunayng magkuyogay."
TERYO    : Tinuod na,Bay,pero  sayop gihapon.
PEKTO    : Libog sab ko nimo,Bay da.Nganong tinuod  man  na, unya sayop man pod?
TERYO    : Na-a  man sab usahay,Bay  di ka lupad ang uban kay maigo  sa tirador!
PEKTO    : Butangi!

KUKO NA LANG

Maoy  nakit-an ni Ondoy ang iyang amigo nga  si Kalid nga naglingkod lang sa daplin  nga wa  gyud magggunok  paghukad ug makaon diha sa iyang gibitbit nga  plato. Iya ning  giduol, ug gipangutana.
ONDOY   : Unsa na,Bay nganong wala man ka magkuhag pagkaon diha sa lamesa? Naay daghang pagkaon o, pagpili  lang.
KALID(Mauwawon): Dili  lang ko,Bay.
ONDOY                  : Ngano  man,Bay? Unsa man wa ka diha gutma. Ayg  hinayhinay  diha kay kaon na ning  tinud-anay  sa  kasal sa atong amigo nga si Botyok!
KALID                    : Gigutom man ko,Bay.
ONDOY                 :  Sige,kuha  na diha  ayg kauwaw-uwaw....Unsa man laksi-an tika  ning paa sa letsong baboy?
KALID                   :  Sus,Bay kon wala pa lang gidili namong mga Muslim pagkaon ug baboy,dugay nakong mikaon niana.
ONDOY                 : Aw,walay poblema.
KALID                   :  Nganong wa may problema,Bay?
ONDOY                 :  Kining kuko na  lang sa letson  maoy kan-a!

IKADUHA NA

TIKYO    : Kon sugton ko nimo rong gabhiona,Tiks,akong isaad nga pakaslan ta gyud ka dayon. Bisan asang simbahan dinhi sa Opon!
TIKYA   : Tinuod ka,Tikyo?
TIKYO   : Wala ko magbakak kanimo,Tiks kay mahal ko gayod ikaw.
TIKYA   : Kon sugton ko ikaw karon,Kyo, akong pagbuot nga adto ang atong kasal  sa simbahan  sa Santa Rosa sa Isla sa Olango.
TIKYO  : Uy,kalayo god niadto nga nia may duol, sa Pajac,Bankal,Marigondon o sa Mactan ba?
TIKYA  : Basta mao nay akong gusto,Kyo,sugot ka?
TIKYO  : Sugot ko,Day Tiks basta mosugot sab ang pari.
TIKYA  : Ngano man diay?
TIKYO  : Kaduha na ni kon kaslon man gani ko sa pari'g  usab!

WALA PA

CANDIDO  : Nag-edad nalang  ko karon ug otsenta i-otso, pero wa pa gyud ko kakita kon unsay personal nga hitsura nianang aliwas.
MUNDO     : Yamat ra. Kay ngano diay,Bay  Candido,wala ka pa makasuway?
CANDIDO  : Unsa may suwayan nako,Bay Mundo?
MUNDO     : Suway  ba dihag  panamin!

DILI IGSAPAYAN

Usa ka gabii niana  sa dihang namisita si Oming kang Tonya.
TONYA  : Unya,Ming magpakasal kaha ka kanako nga duna may koy daghang daotang  kagahapon?
OMING  : Ay dili ko magsapayan nianang tanan,Nya.
TONYA  : Dili mo igsapan  nga nakabaton  kog anak  sa gawas ug nakatrabaho pa gyud ko niadtog  bar?Dili mo igsapayan ang maitom  kong  kagahapon,Ming,tinuod?
OMING  : Di gyud na nako igsapayan,Tonya kay para nako wala naman  sab koy kaugmaon!
TONYA  : Ngeeh!

WALAY NANGAGDA

TIKOY   : Haskang libotlibot na nato sa tanang eskina dinhi sa Siyudad,Bay  Itok wa gyuy bisan usa nga nangagda nato pagpakaon nga piyesta man unta  dinhing  dapita?
ITOK (Nangalot sa ulo): Ayaw na lang kahibulong ana,Bay. Kon gusto ka,kuyog nako mangadto tag laing lugar  dinhi kay sigurado gyud tang agdahon didto sa pagpangaon....
TIKOY : Sige,kuyog ko. Asa  man?
ITOK    : Mangadto  ta sa ilang mercado!

PASMO POD

Sa hilom nagbagutbot ang kahiladman ni Iyok  ug nagbasol sa iyang kaugalingon nganong misanong pa siya sa imbetasyon sa iyang higala nga si Oloy pagtambong sa ilang pista ning bukirang baryo sa Kanturatoy.
IYOK  : Nagmahay  kong nganong midayon gyud kog pamista dinhing dapita...wa may klarong  kaon...
Didto  sa unahan  may nakita si Iyok nga tawo  nga nagbahag lang nga nagsandig sa dakong punoan sa kahoy nga nagpunayg hingiki... Iyang giduol, ug nangutana..
IYOK  : Busog  kana siguro  ,Bay no kay nanghingiki  ka naman  diha? Puwerte  kaona nimo niining pistaha dinhi?
TAWO(Nagpanakla): Sus,Bay kon wala  pay kiki  nga akong  nakaon pasmo na sab unta ko ron!
IYOK  : Butangi!

PANGITA-ONON PA

ONYOT   : Nakasaad gyud ko sa milagroso natong patron dinhi sa atong baryo,Bay nga magdagkot ko'g  kandela  ingon kadak-ag  lubi  sa umaabot  Niyang Piyesta  pohon.Human ko naluwas sa katalagman pagsakay namog barko gikan sa Mindanao,hapit god  mi malunod  adto....
ANDOY   : Magpasalamat diay ka,Bay?  Pero grabeha sad ana,Bay, naa ba goy kandela  nga ingog kadak-ag  lubi   ang lawas?
ONYOT   : Duna,Bay uy.
ANDOY   : Hain  man na ron?
ONYOT   : Mao lagi nay akong naproblemahan ron pod,Bay asa na nako pangita-a ron?

UNSAON PAGKASINABOT?

TIKOY  : Nahimangod kos higala ni  Elmer nga Hapon karong  udto,Bay.
TIKYO  : Yatis  ra. O,ngano man,Bay?
TIKOY  : Tiaw moy  gisegihan kog sultig  hinapon, unya wa gyud ko kasabot kon unsa  tong iyang gisulti!
TIKYO  : Aw,nangutana  unta  kang Elmer,unsa tong iyang gipanulti...?
TIKOY  : Mao lagi unta,pero unsaon man sab lagi nga...
TIKYO  : Unsa naman sab?
TIKOY  : Nag-ininsek man sab ang kagwang!

GUSTO UNTA

SIMO   : Hinuktok  ka man ,Bay  Tikoy unsa may naproblemahan nimo?
TIKOY:  Gusto na lagi unta kong mangasawa ni Inday Senyang,Bay  Simo.
SIMO  : Unya,unsay  problema?
TIKOY: Dako kaayong problema,Bay.
SIMO  :  Ang unsa  man?
TIKOY: Wala pa man ko niya  sugta!
SIMO  : Na  gibangkong na!

LAIN LAING KOLOR

TONYO  : Nahibawo ka ba,Boknoy  sa daghang matang sa saging?
BOKNOY: Wa gyud ko ana kahibawo,Tay.
TONYO   : Ang  nagkalainlaing matang  sa saging mao ni: tundan nga saging, sab-a,gardaba,bangan,saging sa unggoy,lakatan ug daghan pa to...
BOKNOY: Unya,Tay nahibawo ka pila ka kolor  ang saging?
TONYO   : Siyempre. Naay saging nga yelo  ang kolor,gren ug pula.
BOKNOY: Naa pay  laing kolor,Tay.
TONYO   : Wa  na ko kahibawo ana da,Boknoy, unsa man  bing kolora?
BOKNOY: Kolor  nga  brown,Tay.
TONYO   : Naa ba god na,Boknoy?
BOKNOY: Naa  lagi,Tay.
TONYO   : Unsa man na siyang klaseha  sa saging?
BOKNOY: Linung-ag  nga saging!

DILI ITOM

TONYO : Tinuod ka,Boknoy nga gitudloan namo sa  didto sa inyong eskwelahan sa lainlaing matang sa kolor?
BOKNOY: Tinuod na,Tay.
TONYO   : Aber,mangutana ko nimo bi. Unsay kolor sa hinog  nga mangga?
BOKNOY: Yelo,Tay.
TONYO   :  Sa mansanas?
BOKNOY:  Pula,Tay.
TONYO   :  Sa  inyong blakbord?
BOKNOY:  Gren man tong among blakbord sa eskol,Tay,di man itom!

DILI LINGIN?

Sa  usa  ka  science class .
MAESTRA  :  It  was  found out,Class  that  our  planet is  round.
BOTOY       :  Sayop tingale na,Ma'am  uy!
MAESTRA  : Nganong  nakasulti  ka man  niana,Botoy?
BOTOY      :  Ingon  man god  akong  father  nga  nakaadto  na siya  sa four  corners  of the  earth!