HINOG ANG GIHATAG

Puwerteng hilaka ni Miyay,manghod ni Binot sa dihang nakit-an kining Onyot sa iyang pag-agi sa ilang balay.
ONYOT  : Nganong pwerte mang hilaka ni Miyay,Binot,naunsa man nang imong manghod?
BINOT    : Ngaon man mig prutas,Noy,unya hilak man siya...
ONYOT  : Uy,nganong  mihilak man nang imong manghod bi ?
BINOT    : A,ako man gani hatag niya ang hinog,unya ako-a ang hilaw...
ONYOT  : Unsa mang prutasa ba ang inyong gikaon?
BINOT    : Sili, Noy!

NASAAG

Dugay nang nagsigeg tuyoktuyok si Idot niadtong dapit nga maoy iyang gituhoan nga diin nagpuyo ang iyang amigo nga si Andres pero wa pa gyud niya kini mahitultoli asa ang ilang balay. Hangtod nakahinagbo  kinig tawong  naglago ang pamayhon ug maoy iyang gipangaresgahan sa pagpangutana.
IDOT : Bay ,nahibawo ka ba kon hain niining dapita ang balay nilang Andres?
TAWO(Abtik kaayong mitubag): A,kadtong Andres nga ang apelyido Bonifacio nga amigong Jose ug ang apelyido Rizal.
IDOT  : Dili na mao,Bay kay ang apelyido ni Andres, Abellana man.
TAWO: A,duol diay na si MJ Cuenco?
IDOT (Nagduda): Buang man siguro ka,Bay no?
TAWO(Miatubang nga nanighawak,ug gitulisok si Idot) : A, bahalag buang basta di lang masaag!

GIPUL-AN NA

AMAHAN  : Pastilan ning among anak,Pre Kadyo nga tu-a sa Mindanao kanunay  lang ga-text.
KADYO     : Diay ba,Pre. Unsa may i-text sa imong anak,Pre?
AMAHAN  : Sige lag text nga magpadala kunog kuwarta,unya usahay load.
KADYO     : Unya,Pre.
AMAHAN : Da akong giprangkahan,Pre.
KADYO     : Unsa man?
AMAHAN  : Padad-i mig usa ka sakong bugas ipaagi lag-text kon pwede!

ILISAN NA LANG

Miadto si Imyot sa klinika ni Doktor Ibot aron magpaibot sa iyang mga ngipon.
IMYOT   : Akong ipaibot ning tanan kong mga ngipon,Dok.
DOKTOR IBOT : Uy,ngano mang ipaibot nimo ang tanan mong mga ngipon?
IMYOT               : Akong ipaibot ning tanan kong mga ngipon ,Dok ug akong pailisan ug mga ngipon sa kanding.
DOKTOR IBOT (Nahibulong) : Ngano man?
IMYOT                                   :  Maayo nang ngipon na lang sa kanding,Dok  kay sagbot na lang maoy akong kan-on!

SIGURO NA

IMYAT  (Naghilak): Ikaw gyud maoy amahan niining akong gisabak ron,Doy.
IDOY                     : Unya,Yat sigurado gyud ka nga ako tawon maoy nakapabuntis nimo?
IMYAT                  : Ang ang nga di ko makasiguro,Doy nga...
IDOY                     : Nga unsa god,Yat?
IMYAT (Mikusog ug tiyabaw): Ang ang bi nga di man moangkon sila si Digoy ug Miyok!

DILI MOSUGOT

Nananghid si Tinang ngadto sa iyang inahan nga mangasawa na kaniya ang iyang uyab nga si Minoy.
TINANG  : Nay,magminyo nami si Minoy nga akong uyab nga taga Cordova.
INAHAN (Nakuyawan) : Sus,Tinang makigminyo ka anang Minoy nga gidungog ra ba na nga dako kunog buhi!
TINANG  : Si Nanay,baya sab uy.
INAHAN  : Na,ikaw lang Tinang tingale bayag ma-aksidente ka unya nianang kalakiha kon si Minoy gyud maoy imong minyoan?
TINANG  : Nanay pod,uy unsaon man pagka-aksidente niana nga...
INAHAN : Nga unsa man?
TINANG :  Ayg kabalaka Nay,uy kay   nagsinukdanay naman ming daan!

PAILISDAN

BOTOY (Nangomedya kang Itot nga bayot): Tot,nganong puti lagi nang imong dughan?
ITOT      (Nagbinayot nga mitubag)             : Aw, ang-ang nga  nagsige man kog sul-ob ug bra.
BOTOY  : Aw, diay ba. Ako lagi nga kanunay mag-brief  lagom lagi akong itlog!
ITOT     (Nagbinayot nga mitubag)             : Aw,butangi sab nag bra ang  imong itlog!

MAAYOG MOSUGOT

Gumikan sa nag-alintabong pagbati ug sa bul-og sa dili masabot nga mga hinungdan ang dili unta angay nga mahitabo niadtong gabhiona nabuhat gyud nila ni Pidot ug Andat. Ang kaibog ni Andat sa kaguwapo ni Pidot mao gyuy haling niining iyang pagpakasala nga walay sayod ang naulahi.
PIDOT   : Ayg kabalaka,Dat kay andam kong manubag.Ayg paagasig luha ning nahitabo nato rong gabhiona.Sige mangadto ta sa inyoha ug mangatubang  ko sa imong mga ginikanan...
ANDAT : Ayaw na lang nag buhata,Dot.
PIDOT (Nahibulong) : Ngano man,Dat?
ANDAT                   : Hipatyan unya ka sa akong bana!

GIMINGAW

Namatikdan ni Osting si Boloy nga nag-impake sa iyang mga sinena ug gisulod kini sa knapsack.

OSTING  : Asa man ka,Bay?

BOLOY   : Mouli una ko kadiyot sa among lugar,Bay didto sa Leyte kay gimingaw man kos bata.

OSTING  : Aw,unsa god diay.Ang bata ra kaha nimo ang imong namingawan,Bay?

BOLOY   ; Aw,hasta sab ang agi-anan sa bata!

NAKIT-AN DIAY

Nakita ni Okoy ang higala niining si Pedoy nga nagpaminte sa tumang kasuko.Aron gyud masayran kon unsay hinungdan,iya ning gipangahasan sa pagduol aron pangutan-on.
OKOY   : na-unsa man ka,Bay Pedoy nga hilabihang mo mang suko-a niining sayong buntag? Ngano man?
PEDOY  : Naglagot ko s a akong  asawa,Bay Okoy!
OKOY   : Nganong naglagot ka man sa imong asawa,Bay?
PEDOY  : Kuha mog ngano,Bay nga ako mang nakit-an ang akong asawa ug si Emok nga nag-holding hands nga nanan-aw ug sine sa SM kagahapon!
OKOY    : Unya,imo untang gisundan dayon didto ilawom sa sinehan....!
PEDOY   : Wa na lang,Bay.
OKOY    : Ngano man?
PEDOY   : Kadtong tan-awon nilang salida kakita naman ko niadto sa miaging adlaw!

NATAWHAN

ITYOK    : Nu-a man imong birtdey,Bay Iskot?
ISKOT     : Sa  Mayo 2,Bay.
ITYOK    : Unsang mang tuiga,Bay?
ISKOT     : Kada tuig,amaw!

HANAS SA ININGLES

TIBOY  : Unsay iningles sa utot,Bay Isyot?
ISYOT  : Sayon. Wind of change.
TIBOY  : Yatis ra.Sa utot nga walay tingog?
ISYOT  : Sayon. Sound of Silence.
TIBOY  : Ang utot nga dunay i_it?
ISYOT  : Sayon. Dust in the wind.
TIBOY  : Unya,kanang utot nga wa tuyo-a?
ISYOT  : Lisod.
TIBOY  : Aw,mao nay gitawag,Bay ug careless whisper!

NAGTANOM

Nahibulong si Doktor Pakibot pagkakita niini sa usa sa iyang mga pasyenete sa  mental  nga si Jose nagbugwal na sa yuta.
DOKTOR PAKIBOT : Nag-unsa ka,Se?
JOSE                           : Magtanom ko,Dok.
DOKTOR PAKIBOT  : Hain man ang liso sa imong itanom,Se?
JOSE                           : Wa kinahanglan ang liso,Dok.
DOKTOR PAKIBOT  : Yatis,ngano man,Se?
JOSE                            : Sedles man,Dok!

GISAMOKAN

BATA  : Ayo ,papalita kog lastiko,Noy.
TINDERO  : Wa mi lastiko,Dong.
Sunod adlaw mibalik na  sab ang maong bata.
BATA        : Ayo,papalita kog lastiko,Noy.
TINDERO : Wa mi lastiko,Dong.(Naglagot): Sige,balik  pa gani ka,pusilon ta gyud ka,di kasabot ning bataa!
Nianang pagkasunod adlaw mibalik na sab ang maong bata.
BATA       :Ayo, papalita kog pusil,Noy.
TINDERO : Wa mi baligyang pusil,Dong.
BATA        : Aw,papalita na lang kog lastiko!

IPADAGKOT

PARI   :   Pagtimaan sa bug-os ninyong pagminahalay atong ipakita kini pinaagi sa pagdagkot ug kandela sa nagkalainlaing mga kolor. Kadtong gustong magminyo pagdagkot mog kandela nga kolor berde.Alang niadtong molapas na sa kaledaryo pagdagkot mog pula.Niadtong mga na anol,diborsyado ug nagbuotbuot lag minyo ug nag-abandona, itom nga kandela maoy dagkoti.
BOTOY (Nangutana): Unsa mang kandela,Dre para namong ulitawong guwang ug nangandoy pang magminyo?
PARI      : Dagkot na lang mog katol diha sa daplin!

WA MAGKASINABOT

Pagtan-aw ni Minda nga nahurot na ang tinda nilang itlog misugo dayon kini sa iyang bana nga si Inggot nga moadto sa merkado aron mangompra.
MINDA : Dot,pangompra didto sa merkado ug itlog ha.Unya sabaka gyud !
INGGOT : Sige,Day moadto dayon ko.
Tuod man milakaw dayon si Inggot ngadto sa merkado aron mangompra ug itlog.Apan miabot na lang ang kagabhion mao pay paghiabot ni Inggot. Nahibulong si Minda.
MINDA : Nganong karon pa man ka mahiuli,Got? Ka dugay ba nimong nangompra!
INGGOT (Nangatarongan): Pastilan,Day Minda,higabhian na lang kog libotlibot sa merkado ug sa tanang dapit didto wa gyud ko kakitag itlog sa baka!
MINDA  : Ngeeh!Butangi!

GITUDLOAG PAAGI

Nabalaka  si Tomas kay siguro gyud nga inig abot niya sa ilang balay  hikasab-an na sab kini sa iyang Tatay.Busa,nagpakitambag kini kang Onyot,suod niyang higala kon unsay angay niyang buhaton.
TOMAS   : Unsa may akong buhaton,Bay nga dili ko hikasab-an sa akong Tatay karon nga dugay na sab kong mahiuli?
ONYOT  : Ayg kabalaka,Bay.Sayon ra nang problemaha. Niay maayong buhaton ay...
TOMAS  : Unsa man na,Bay Onyot?
ONYOT  : Inig abot nimo sa inyong balay,magpasukosuko dayon ka.
TOMAS  : Unya?
ONYOT  : Moingon dayon ka: Nganong karon paman ko nahiuli! Asa ko gikan?
TOMAS  : Unya,Bay?
ONYOT  : Kuhaa  imong  bag ug isulod dayon imong mga sinena,unya siyagit ka dayon.
TOMAS  : Unsa man,Bay?
ONYOT  : Peste kong bataa,hala sige layas,adto nako Tay!

ANG NGALAN

TIKOY   : Brad,unsay imong ngan?
TAWO   : Ako,Brad maoy imong gipangutana?
TIKOY   : O,ikaw.Unsay imong ngan kay atong isuwat dire.
TAWO   :  Ang akong ngan,Brad si Early seven  Strikeland!
TIKOY (Nakuyawan): Yatis ra. Unsa man,Fil-Am ka?
TAWO  :  Dili man.
TIKOY : Unya mao nay imong ngan?
TAWO  : Mao na. Kon  binisayon  nang akong ngan: Agapito Bakbakyuta!

GIBINUANGAN

PELING  : Nakit-an tika,Yot,nga may kuyog nga laing babaye ug nag-holding hands  pa!Kamaayo gyud nimong batuon ug bato niadtong higayona,Yot uy kon wa pa lang ko magpugong!
MIYOT   :  Mao ba?
PELING  : Gibinuangan ra mantingale ko nimo,Yot!
MIYOT (Nangatarongan): Gibinuangan god ,Ling kadto hinuong babaye!

REGALO

MIYOY   : Duna koy  regalo nimo Han niining imong birtdey karong adlawa.
IGSANG :  Unsa man na,Han?
MIYOY  :  Tag-ana. Para ni sa imong liog.
IGSANG :  A,hibawo nako ana,Han. Kuwentas na no?
MIYOY  :  Dili,Han.
IGSANG : Unsa man diay na,Han?
MIYOY   : Lugod ni,Han para sa imong liog!

ANG KALAINAN

MINGGO  : Unsay kalainan sa wakwak ug sa kawatan,Doy?
DADOY    : Ang wakwak,Bay Minggo ingon nila kon mamalbal dili mounay ug silingan,pero ang kawatan...
MINGGO  : Unsa man ang kawatan,Bay Dadoy?
DADOY    : Ang kawatan mounay gyug silingan bahalag gidungog kang wakwak!

HUMANA

ESTOY     : Kon imo lang kong sugton,Day Mingga bisan asa pa nga simbahan nga gusto mo nga adto ta magpakasal sugot ko.
MINGGA : Tinuod ka,Estoy?
ESTOY    : Tinuod lagi,Day.Bisan adto pa sa Amerika,Uropa,Russia ug uban pa.
MINGGA: Kalayo na baya adto,Estoy,bisan dinhi lang sa Pilipinas.
ESTOY    : Aw,bisan adto pa sa Palawan,Ilocos,sa Mindanao ug asa pa.
MINGGA: Nganong adto man ta sa halayo sa simbahan lang god sa Liloan.
ESTOY(Ingon sa natuk-an): Ha? A-Ayaw lang diha,Day Mingga.
MINGGA : Nganong di kaman mosugot nga adto sa Liloan?
ESTOY     : Humana man ko didto  makasal!

WAY MASIMHOT

SIDOY   : Kining iro,Bay kon maglabay sa ilang hugaw sobrang kahugawan.
ONYOT : Ngano man kuno,Bay nga nakasulti kaman niana?
SIDOY   : Tan-awa kon maglabay sa ilang hugaw bisan asa lang magkatag,di gyud pareho sa iring.
ONYOT : Ngano man sab ang iring,Bay?
SIDOY   : Tan-awa ra god ang iring kon malibang...(Mihunong).
ONYOT : Ngano man lagi?
SIDOY   : Magkawot una daan sa yuta,Bay?
ONYOT : Tuod no.Ngano man na,Bay?
SIDOY   : Aw,siyempre aron dili sa iro hisimhotan!

IYAHAYG DAGAN

DONDOY: Kining kurakot nga mga  politiko,Bay sa atong gobyerno mao gyuy nakapaut-ot ug samot sa atong kahimtang! Mga kawatang dagko!
SIMO      : Mao  gyud,Bay. Pero kining mga politiko,Bay,parehas gyud ni sa mga kawatan .Apan dili pareho.
DONDOY: Unsa god nang pagkasultiha,Bay? Pasabta gani mi bi.
SIMO       : Hunahuna-a ,Bay nga kanang mga kawatan inig ka kuha na sa ilang kinawat mosutoy man ug dagan,     ug ang politiko...
DONDOY : Ang politiko,unsa man?
SIMO        : Modagan pa man aron mangawat!

MAGLUHOD

TAKYO  : Niay  panultihon,Bay Inggot nga kataw-anan pero dakong tinuod.  Palandunga.
INGGOT : Unsa man na,Bay Takyo?
TAKYO  : Kon lisod kuno,Bay ang pagbarog aron lang sa pagpakabuhi,maayo pa kunong...
INGGOT(Misakgaw): Nga unsa man,Bay Takyo?
TAKYO  : Maayo pa kunong magluhod!

KANIADTO

ISBOY   : Niadtong una,Long dukot lang kanunay ang among makaon.Kutkoton namo ang among kaldero aron tawon makakaon sa dukot nga mipilit ug lagom..
OLONG  : Luoya sab ninyo,Boy no? Unya,kumosta naman ron?
ISBOY    :Aw,magkutsara naming mangaon ron,Long .
OLONG  :Bintaha kay gahing kan-on na diay ang inyong makaon.
ISBOY    : Di man gahing kan-on,Long  na lugaw  nahinuon!

MABAW KUNO

Gustong manlaktod sila si Miyong ug Andot pagpamauli balik sa ilang gipuy-an ibabaw sa bukid maong nakahunahuna kining molabang na lang sa sapa nga nag-uwang sa ilang baryo ug sa Baryo Dugho.
MIYONG     : Ikaw unag labang,Dot,mintras wala pay sulog.Mabaw ra ning sapa.
ANDOT       : O,sige.
Pero sa dihang hapit na mahiabot si Andot sa tungatunga nga bahin sa sapa nagdali kining mibalik sa iyang agi.
ANDOT       : Di mada,Yong.Lawom kaayo ning sapaa!
MIYONG    : Lawom god nga gikaya ra man na sa itik paglabang kaganiha!

KUHAON POD

Pekto miamoral kang Pekta.
PEKTO     : Kon imo lang kon sugton,Day Peks kuhaon  ko ang mga bitoon ug akong ihatag kanimo.
PEKTA     : Kuyawa  god anang esplikar nimo,Pekto.  Ayg kinabuang diha wa man gani ka kakuha nianang kugmo sa imong ilong!
PEKTO(Naratol): Aw,sorry Day Peks wa man ka dayon magsulti nga gusto sab diay kag kugmo!

WA MAGSULTI

Si Bayang nga probinsyana ug medyo may pagka burong misulod sa pagkakatabang sa ilang Don Proto niining Dakbayan sa Kantoratoy.
DON PROTO (Misugo kang Bayang): Bayang,naay dakong isda diha sa ref lutoa unya na karong udto ha kay atong isud-an ,tambok ra ba kaayo nang isdaa. Ang ulo nianang isdaa tuwa-a,ug ang dapit sa ikogan maoy isugba. Ayg kalimot,Bayang ha?
BAYANG  :  O,Nyor.
Nianang pagka udto nga nahibalik na si Don Proto gikan sa iyang lakaw.
DON PROTO : O,unsa na Bayang naluto na ang isda?
BAYANG       :  Wala pa,Nyor,uy.
DON PROTO (Natingala): Ngano man?
BAYANG                        : Naglibog man ko,Nyor.Ingon ka,tuwaon ang ulo,unya ang may ikogan maoy isugba.Unya,unsaon man nako ang hawak sa isda,Nyor?

NANGAPLAY

MIYOT  : Sir,mangaplay unta ko nimo ug trabaho.
MANEDYER : Ang among trabaho dinhi bahin ra ba kini sa pagbutang ug bildo sa mga pultahan,bentana ug ubang mga accessories  nga mogamit ug bildo. Dunay kay  diamond cutter  o duna kay kasinatian bahin niining maong klase sa trabaho?
MIYOT         : Wa man koy hibangkaagan ana,Sir. Pero,maluoy tawon ka ,Sir, dawata lang ko.
MANEDYER (Naghunahuna):  O,sige dawaton tika.Tagaan tikag imong trabaho.
MIYOT                                 : Mag-unsa man ko,Sir?
MANEDYER                        : Ikaw tig-usap sa bildo!

DEPENDE

Nagtagawtaw  niining sayong buntag si Noy Tuling kang Tasyo nga iyang anak gumikan sa labihang pagka tapolan niini.Dili motabang sa mga buluhaton sa balay ug di sab masugo.
NOY TULING  : Ikaw,Tasyo wa gyud kay moabot nga maayong kaugmaon kon imo nang padahanon ang imong pagkatapolan! Tapolan kang dako!
TASYO             : Tatay pod,uy sigeg tagawtaw diha. Hilom na god ,Tay.
NOY TULING  : Unsay hilom,imo kong pahilomon? Wa gyud kay kaugmaon,Tasyo nga mapaabot!
TASYO             : Na bahalag way kaugmaon basta kaugmaan,Tay.Unsaon man nang kaugmaon kon di naka kaugmaan?Kay ang kaugmaon nagdepende man pod kon kaugmaan pa ka!

BALIHON

MAESTRA  : Inot, use eat in a sentence.
INOT           : The cow  eat the grass.
MAESTRA  :  Okey. Baliha ang eat sa paggamit,Juan diha sa sentence.
JUAN          :  The cow eat the grass upsidedown!

HADLOK POD

Miduaw sila si Minggoy ug Anot kang Tino nga ilang higala sa ilang dapit sa Marigondon Beach.Apan sa dihang didto na sila sa tugmaran sa balay  dunay daghang iro nga nagsabaysabay kanila.
MINGGOY (Nagpanagana): Ayaw kabalaka,Not kay nia ra ko sa luyo nimo.Ayg kahadlok sa mga iro  pagbantay lang kay basig mohamag na nimo.
ANOT                                : A,bisan kon mapaakan ko sa dagko kaayong iro ni Bay Tino?
MINGGOY                        : Mao bitaw sa luyo ra ko nimo kay hadlok kog  rabies!

NANGATARONGAN

Daling giposasan ni Inspector Toribio si Kulas nga nangawat ug baka sa Ikasig.
P/INSPECTOR  TORIBIO  : Nganong gikawat man nimo kinng baka ni Goryo,Las? Dako ning sala nga imong gibuhat kahibawo ka ana!
KULAS                                : Wala,Sir, uy! Giguyod lang nako ning pisi nga gihigot sa Nangka.Unya,misunod ra ning baka.
P/INSPECTOR TORIBIO   : Yatis ra,Las! Unya,wa diay ka kahibawo nga pisi kadto sa baka?
KULAS                               :  Wa gyud,Sir. Kay ako man pod tong pisi nga gikawat ni Goryo sa miaging adlaw!

PENETENSYA

TIKYO  : Niadtong Biyernes Santo,Bay nagpalansang man kuno ka sa krus didto sa  Baryo Maribago?
BANOY: Tinuod na,Bay. Penetensya tong ako  iyawat na lang maibanan ang akong mga sala.
TIKYO  : Maayo  nang gibuhat nimo,Bay. Pero kining akong penetensya hilabihan sab.
BANOY: Unsa may imong penetensya,Bay?
TIKYO :  Penetensya mi sa amo-a,Bay kay ang tubig way agas,ug giputlan sab mis kuryente kay wa kabayad!

DILI MAO

Sulod sa usa ka Science Class.
MAESTRA  : Class,ang euthanasia  is an art  of mercy killing. Now, Juan, use euthanasia in an sentence.
JUAN (Nagpangalot sa ulo): Mercy is no longer a virgin.
MAESTRA                        : Unya hain man niana ang euthanasia?
JUAN                                : Kuan,Mam she is no longer a virgin because na  euthanasia sa iyang uyab!

MAOY PAINGNON

Sulod sa usa ka Barber Shop.
BODONG( Human magpatupi  nagpamanekyur dayon sa maanyag nga manikurista): Mag-date ta,Day.
MANIKURISTA : Dili ko,uy,minyo naman ko.
BODONG           : Aw,ingna lang imong bana nga duna kay adtuon.Wa bitaw siya dinhi.
MANIKURISTA : Nganong nahibawo man ka?
BODONG           : Wala man ko kakita niya.
MANIKURISTA (Mitudlo): Naa ay kanang barbero nga maoy nagtupi nimo kaganiha!  Ingna!

BANTOG RA

Nagbunyag ang pari.
PARI( Nahibulong): Uy,pagkahumok sa ulo niining bataa..
INAHAN (Mestisa ug guwapa): Dili na ulo sa bata,Dre nga imong gihinol.
PARI (Nakugang): Unsa man diay ni?
INAHAN            : Ang totoy tawon na nako,Dre.

PANUGON

INGGOT (Himalatyon): Day Kulasing,duna nalang koy usa ka semana niining kalibotan,mopanaw na gyud ko,Day.
KULASING(Naghilak): Ayg pagsulti niana,Dong.   Sakitan baya ko ana.
INGGOT                     : Sayod ko,Day nga dunay laing lalaki nga nagsigeg sunodsunod na nimo ron.Kon mamatay na unya ko mahimong ihatag mo unya kining akong mga kalsones ug t-shirt  ngadto niya aron ba sab kanunay ko nimong mahinumdoman.
KULASING                : Di pwede,Dong.
INGGOT                     : Ngano man,Sing?
KULASING                : Daot man ka,ug tambok  ang bag-o ko karon!

KANTA

ANAWONSER : Unsay imong kanta,Muloy?
MULOY            : Ang akong kantahon,Sir.  Dahong Laya.
ANAWONSER : Ikaw, Tonyo nga ikaduhang kontestan unsay imong kantahon?
TONYO            : The Falling Leaves.
ANAWONSER : Ikaw,Miyot?
MIYOT (Ikatulong kontestan): Daghang sagbot,Sir, uy,manilhig na lang ko!

PANGITAON

Mipakunsolta si Binoy kang Doktor Samot bahin niining talagsaong sakit nga iyang gibati.
BINOY : Dok,ngano man  ning akong dyunyor nga kanunay man ning gagahi? Wala man mokuyos!
DOKTOR  SAMOT : Aber atong tsek-apon kon ngano na?
Sa dugay nang hiling sa doktor sa dyunyor ni Binoy may miambak niining tungaw.Ug,kalit lang mihiyos ang kang Binoy nga kanunayng naggahi.
DOKTOR  SAMOT: Pastilan,hain man kaha tong tungaw?
BINOY      : Salamat kaayo,Dok,pilay bayad?
DOKTOR SAMOT  : Na, bahalag dili ko nimo bayran basta makit-an lang tong tungaw !

DUDA RA

ONYOT (Palikero sa babaye): Nagduda ko nimo Minyak nga dili ako ang unang lalaki nga nahiabot sa imong kinabuhi.May nakahilabot na gyud nimo.
MINYAK(Palikera sa lalaki. Namikat): Ba diha,Nyot,uy.Ingna gyud nga...
ONYOT                              : Ingnang unsa man Day?
MINYAK                            : Hilis na gyud nang imoha!

DILI MAAYO

TABOY   : Abi nimo,Lo gitudloan mi sa among maestra ug maayong pamatasan...
APOHAN: Maayo nuon kon mao na.Gi-unsa man mo sa pagtudlo,Dong Taboy?
TABOY   : Gitudloan mi,Lo kanang pag-amin,ug pangayog katahoran.
APOHAN: Tinuod kaha na,Dong?
TABOY   : Amaw gyud ni Lolo,uy!Gitudloan gani mi,bugo gyud ka,Lo!
APOHAN: Ngeeh!

HAPIT NA

SIKOY(Masuk-anon): Amawa nimo,Yot,uy imong man nga gitug-anan ang akong uyab nga pisot ko!
MIYOT (Nahadlok): Wa tawon ko mag-ingon ana,Koy,uy.
SIKOY                   : Unsay wa nga gisudyaan man ko niya kagahapon.
MIYOT                  :  Ingon ra gani ko sa imong uyab nga hapin kanang tulion!

PAKANAOGAN

DRAYBER(Mipahimangno sa iyang mga pasahero):  Palihog lang bi,kadtong nasakay dinhi nga mga batig nawong kanaogi kay naay  checkpoint sa  unahan.Palihog lang.
ONYOK (Misinggit) : Unya,kinsa naman unyay mo-drive  ning trak?

PAHUGASAN

TIKOY (Ngadto sa tindera) : Day,mainom ning inyong tubig?
TINDERA(Napikal)            : Mainom god. Naa bay tubig nga makaon?
TIKOY (Napikal sab)         : Di ba,basin kun hugaw ning inyong tubig dinhi!
TINDERA (Nisulirap ang mata): Aw,hugasi!

DILI MOLINGI

TONYA   : Nganong sige kaman ug sunodsunod nako,Tal?
TALINO  : Nadani ko sa talagsaon mong katahom ug kabuotan,Day Tonya.Ikaw na gyud ang babaye nga alang kanako. I'm falling in love with you!
TONYA   : Tinuod ka,Talino?
TALINO  : Mao nay tinuod,Day Tonya.
TONYA  :  Unya,nganong dire kaman nako nga naa pa may mas labawng  guwapa nga naa ra sa imong luyo?
TALINO (Milingi sa iyang luyo.Pero walay nakita): Hain man nang babaye nga giingon mo,Day Tonya?
TONYA  :  Mao na Talino.Kon tinuod pa nang imong gisulti , molingi kaha ka sa uban?

ANG IPASABOT

DONDOY (Nangutana sa Amahan) : Tay,unsa man nang  sex?
ONYOT (Ang Amahan mipasabot)  : Kanang sex Dong,sa binisaya pa na mao ang pagpakighilawas.Usa ka sagradong buluhaton human sa kaminyuon sa duha ka binuhat nga nagkahinigugmaay.Unya,sa dugayng tagay sa kalipay momugna dayon ug kinabuhi sama kanimo,Nak.
DONDOY : Yatis taasa,Tay,uy.
ONYOT    :  Mao gyud na ,Anak.
DONDOY : Di man masulod sa akong bio-data kon sulaton tanan!

PAKAPIN

Si Tikyo nga gustong manigarilyo miduol sa usa ka Kano nga nakitang nagsigarilyo.
TIKYO (Misampit sa Kano):  Sir,padagkota ko..
KANO(Wala makasabot)    : What?
TIKYO(Nagtuo nga gibugalbugalan sa Kano): Padagkota ko,Joe.
KANO :  What?
TIKYO (Nasuko.Gisuntok ang Kano)Unsa man,Joe,usab kag bugabugal?
KANO(Nahibulong):What  happen?
TIKYO : Aw,diay mangayo kapag pakapin ha!

SAYOP NGA ESPELING

MAESTRA   : Takyo ,espel  remittance.
TAKYO       :  Sayon ana,Mam.  L.B.C.  remitans.
MAESTRA  :   Ikaw, Butyok,espel  Pongkol?
BUTYOK    :  Y.T.L.  Pongkol,Mam!

TANGA

BOSYO  : Unsay tawag nimo anang babaye nga dili pa minyo,Koy?
TIKOY   :  Aw,kon dalaga pa,Mis.
BOSYO  : Unya,unsay tawag sa babaye nga minyo na?
TIKOY   : Kon minyo na ang babaye,Misis.
BOSYO  : Unya sa babaye nga dunay anak apan dili minyo?
TIKOY   : Aw, kanang bayhana,tanga!

WAY HUNAHUNA

NANDO (Naglagot sa iyang nakita): Pastilan nimo ,Toryana,naunsa man tawon ning atong kosina nga nagkatag man lang ning mga plato nga walay hugas.Mga baso nga nangatuwad ug walay panglimpyo ang gikan-ang lamisa!
TORYANA : Limpyohan ko na ron,Nando.Nagpatutoy pa ko niining bata.
NANDO     : Nahibawo ka ba,Toryana nga kanang magkayamukat ang atong palibot mao nay timaan sa samok pod ang  atong panghunahuna?
TORYANA (Naglagot kay gisamokan sab ni Nando): Unya,kanang hawan kaayo nga way makita ug  nga way nagkayamukat timailhan man sab na nga walay hunahuna!

AMORAL

SIDOY    : Ang imong kaanyag Day Tikya sama gyud sa usa ka tabanog...
TIKYA    : Yatis ra. A,parehas diay ko sa maanindot nga langgam,Doy nga naglupadlupad sa kahanginan...
SIDOY    : Dili sab,Day Tikya.
TIKYA (Nahibulong): Unsa man diay,Doy?
SIDOY                     : Guwapa ka lang tan-awon kon  sa layo pa,bati kon maduol na!

NAPROBLEMA

Namatikdan ni  Mingga nga walay imik ang iyang bana nga si Kadyo diha sa ilang suok.Iya ning giduol ug gipangutana.
MINGGA    : Nganong nagpakahilom ka lang dinhi sa suok,Kadyo?
KADYO(Naghupaw): Dunay dakong problema,Day.
MINGGA                 : Unsa man kanang problemaha,Kadyo?
KADYO                   : Day Mingga,hinumdomi nga sa kasakit ug kalipay magtambayayong tang duha kay imo kong bana,unya ikaw ako sab nga asawa.
MINGGA                 : Mao na.Unya,unsa man lagi nang maong problema?
KADYO                   : Pastilan,Day Mingga,namabdos man ang atong yaya!

KUMPISAL

ANDAT   : Dre,mokumpisal ko.
PARI        : Sige,isugid.
ANDAT   : Sa matag higayon nga mosimba ko,Dre ako mang mabatyagan nga ako maoy pinakaguwapa dinhi nga tigsimbahan.Nakasala nako ana,Dre?
PARI       :  Wala,Andat.
ANDAT  :  Ngano,Dre?
PARI       :  Feeling ko, komedyahan ra ka sa imong hunahuna!

SABAT SAB

MANABTAN (Sa iyang pagpangadye) : Ginoo...kaloy-i ang kalag niining namatay nga si...(Nangutana).Kinsa tuod ang ngan  niining namatay?

TIGSABAT   : Usa man na ka sundawo niadto,Nang.Ingna lang masingganer...

MANABTAN: Ginoo,kaluy-i intawon ang kalag niining namatay nga si masingganer...sabat mo..

TIGSABAT    : Ratataaatttttttaattttttt....
MANABTAN(Nakuyawan): Maoy gidangat!

MAOY PILION

ANTOY    : Maayong mopili tag ibutang sa Kongreso,Bay  mga Muslim?
ONYOT    : Nganong nakasulti ka man niana,Bay Antoy?
ANTOY    : Layo ra tingale sa pangurakot sa dagko kaayo nilang  pork barrel  kon ma-kongresman.
ONYOT    : Nganong nakaingon kaman niana,Bay?
ANTOY    : Ang-ang kalabanan sa mga Muslim di man mokaon ug baboy!

NAGBUNGOL NA

Namatikdan ni Doktor Pakibot ang iyang pasyente nga si Digoy nga nagsigeg yawyaw sulod sa iyang kuwarto sa  mental hospital.    Nianang pagkasunod   adlaw mao na usab ang iyang namatikdan nga wala kini timik ug ang panan-aw didto mahipunting ibabaw sa pisame.
DOKTOR PAKIBOT : Dong Digoy,naunsa man ka kagahapon nga nagsige kamag yawyaw?Unya,karon hilom ka naman kaayo.
DIGOY  : Nag-away mi kagahapon ,Dok sa tuko!
DOKTOR PAKIBOT  : Aw,unsa god diay?Unya,karon hain naman ang tuko?
DIGOY                        : Sibat na,Dok,kay nagbungol mi!

PAPIYONGON

BUTSOY(Ngadto sa Amahan):  Makahimo kaha ka,Pa sa pagsulat sa imong ngalan kanang magpiyong?
RITO    : Makahimo.Kana lang.
BUTSOY : Sige,Pa pirmahi ning akong  school card bi nga magpiyong nang imong mata!

GITUHOG

KADOY   : Bay Minoy,unsay tawag nimo anang manok nga gituhog?
MINOY    : Sayon. Chicken barbecue!
KADOY   : Kanang baboy nga gituhog,unsa man na?
MINOY    : Aw, pork barbecue!
KADOY    : Unya,kanang ice nga gituhog ug tukog?
MINOY    : Duna ba god na,Bay?
KADOY   : Duna,uy!
MINOY    : Ikaw,unsa man kuno na,bi?
KADOY   : Ice drop!

WA MAG-UNIPORME

Sa dihang mi-roving   na ang diyanitor sa luyong bahin sa school campus didto iyang nasakpan ang duha ka estudyante nga pulos walay sapot(babaye ug lalaki)  ug  nakighilawas.
DIYANITOR   : Aha,sakspan mong duha! Usa ni ka pagsupak sa balaod dinhi sa eskuwelahan ang inyong gibuhat ! Siguradong duna moy silot ani!
BABAYE  (Nagpakiluoy)       : Ayaw lang mig isumbong,Noy.
DIYANITOR   : Dili mahimo.Isumbong ta mo sa kadagkoan niining eskuwelahan.
LALAKI          : Unsay  among sala,Noy?
DIYANITOR   : Not wearing uniform!

PULOS TAMBAL

INGGOT   : Bay, unsa man nang  biogesic?
OKOY      : Aw, tambal na Bay sa labad sa ulo. Mao nay paracetamol.
INGGOT   : Kanang diatab?
OKOY      : Kuan na lopiramide.
INGGOT   : Unsa man sab nang  alaxan?
OKOY      : Ibuprofen.
INGGOT   : Ang robitussin,Bay?
OKOY      : Aw,guaifenesin.
INGGOT   :Unya,unsa may generic sa  condom?
OKOY     :  Paradibuntisen!

MAS DAGHAN

Nahilabyan ni Don Iyok  samtang nagsakay kini sa mahalon niyang sakyanan si Dinoy ug Donato daplin sa kalsada nga nagkaon intawon ug mga sagbot.
DON IYOK (Nanaog sa sakyanan.): Dinoy.Donato,nganong  nangaon mog sagbot dinhi daplin sa kalsada?
DONATO    : Wala mi kuwarta,Nyor nga ikapalit ug bugas.Mamatay   unya mi sa gutom maong kaon na lang mig sagbot.
DON IYOK : Ikaw,Noy?
DINOY        : Walay kuwarta sab,Nyor nga ikapalit ug bugas.
DON IYOK : Na hala ngadto mo sa balay ug dad-a ang inyong pamilya. Pangadto mo didto.
DONATO    : Tinuod ka,Nyor?
DON  IYOK: Tinuod.
DINOY        : Pakan-on mi nimo didto,Nyor sa daghan ninyong lamian nga pagkaon?
DON IYOK : Dili. Tu-a  pay  daghang  labong didtong sagbot  nga wa pay mikaon!

USA RA

BOTOY (Nangutana sa tindera): Daghan mo  ug istak nga bugas,Day?
TINDERA : Naay daghan,Sir.
BOTOY    : Papalita kog usa,Day.
TINDERA(Naghinamhinam): Usa ka  load  imo,Sir o usa ka sako?
BOTOY   : Usa ra ka kilo,Day!

NANGITA

TONYO   : Unsa may imong gipangita,Bay Lapay nga tan-aw ko nimo kaganiha ra man kang gatuyoktuyok dinhing dapita ubos sa poste?
LAPAY    : Nangita ko sa akong kuwarta nga  wan tawsan,Bay nga natagak didtong dapita sa ngitngit kilid sa kahoyng Kasya.
TONYO  : Uy,nganong nia kaman dinhi mangita nga didto ra man kaha sa unahan nawagtang ang imong kuwarta?
LAPAY   : Ngitngit didto,Bay uy maong dire ra ko sa hayag mangita!

SIPYAT RA

SIDOY    : Ingon ka,Bay Mente nga dunay siyam ka kinabuhi ang iring?
MENTE   : Mao pod nay akong nahibaw-an,Bay sa mga estorya.Ngano man,Bay?
SIDOY    :  Maayong laki tong among iring,Bay.Kay unsang pagkaunsa-a nga kadtong among iring nga kadaghan man to mahulog sa taas kaayong bilding pero wala gyud mamatay.Unya sa dihang nasipyat nig kaligid  duol sa among abohan namatay na hinuon.
MENTE   : Aw,walay maayong laki gyud,Bay basta masipyat na patay!

GIPATINAGALOG

ONTOY      : Bay,Abit unsa may tinagalog sa asawa?
ABIT           : Sayon. Sa asawa, may bahay.
ONTOY     : kini.Unsay tinagalog  sa kabit?
ABIT          : Aw, may condo!

MAKALUPAD

INDAY    : Tinuod nang giingon nila,Ma nga makalupad ang mga anghel?
INAHAN : Tinuod na Inday? Nganong nakapangutana kaman niana nako,Inday?
INDAY    : Ingon  man god si Papa ngadto sa atong katabang, you are my angel.
INAHAN (Miulbo sa kalagot): Aw, diay ha! Karon lang, molupad bitaw nang atong katabang inig kakita niining hait nga sundang!

GIPA-ININGLES

TIKOY (Ang anak) : Tay,ingon ni Nanay brayt kuno ka sa Ingles. Tinuod na,Tay?
PORTOSO(Ang amahan): Tinuod kana,Nak. Pangutana kay ako nang hubaron ngadto sa iningles.
TIKOY      : Sige,Tay,ha.
PORTOSO: Sige,pangutana na.
TIKOY      : Unsay iningles sa utot,Tay?
PORTOSO: Sound of silence.
TIKOY      :Brayt,Tatay da.
PORTOSO: Ako na god ni. Unsa pa,Nak?
TIKOY      : Kon utot dalang igit,Tay?
PORTOSO(Nagpangawot sa ulo): Matay,Nak, di kaha na ang gitawag nilag, Dust in the wind!

NASAAG POD

Giabot nagkabalaka si Pedong ug Merto kay hagbay pa ba silang  pabalikbalik sa ilang giagian wala pa gyud sila makagawas  niining lasang nga nangayam.
PEDONG   : Duda nako ani,Merto da nga nasaag ta ani dinhi ilawom sa lasang.
MERTO     : Mao bitaw,Dong.Hagbay pa ba tang naglibotlibot unya wa gyud ta makatultol padulong pagawas.
Sa milabayng pipila ka oras may tawo silang nakita.Ilang gitawag ug gipangutana.
PEDONG  :  Brad,katultol ka sa dan dinhi?
TAWO      : O,suhito ko dinhi.
MERTO    :  Maayo hinuon kon mao na.Pila naman ka  adlawng nia dinhi?Ug,nganong nia pa man ka dinhi?
TAWO      :  Suhito kaayo ko dinhi kay usa  na god  ko ka tuig sa akong  paglibotlibot niining lasanga gikan niadtong unang adlaw sa akong pagkasaag!

ANG TAMBAG

Nagpatambag si Kuwaling ngadto sa higala niining si Miyot.
KUWALING   : Bay Miyot,unsaon man kaha nako pagsulti ang akong uyab nga si Donata nga baho kaayo siyag  ilok.Kana bang dili siya mahiubos nako o maglagot ba hinuon...
MIYOT          : Sayon ra na,Bay.
KUWALING : Aber tambagi kuno ko,Bay bi.
MIYOT          : Ingna ini pagsulti:     Day ,ayawg  kalain ha, unsa may gigamit mong panghilog sa imong ilok suka nga Datu Puti?

PALABWANAY

Ang tulo ka mga batid nga mga doktor sa Amerika,Inglatera ug Pilipinas nag-abot aron ilang ipahibawo sa ilang mga estudyante sa medisina ang ilang mga nabuhat.
DOKTOR SA AMERIKA : Didto sa amoa sa Amerika,gihimo ko ang operasyon diin ang itlog sa usa ka tawo akong gibalhin ngadto sa usa ka baog ug sulod sa lima ka adlaw ,abtik na kini nga mibalik sa iyang trabaho.
DOKTOR SA INGLATERA : Didto sa among dapit sa Inglatera,akong gibalhin ang utok sa tawo ngadto sa laing tawo nga may deperensya ang pangutok.Nagmalamposon ang maong operasyon ug sulod sa upat ka semana mas miabtik kini nga mibalik sa iyang trabaho.
DOKTOR SA PILIPINAS    : Aw, dinhi hinuon sa Pilipinas,sa among dapit sa Kintolimbo,duna kami gihimo  sa akong mga kaubang doktor.Niadtong miaging buwan naghimo mig operasyon sa tawong way utok ug walay itlog,ug ngani nahimong presidente.Ug,karon unsay gidangatan,ang tibuok katawhan  nagkapuliki pagpangitag trabaho!

ANG GIAMPO

JEAN ( 20 anyos): Lord,give me the best man!

JESSICA(26 anyos): Lord give me a good man!

JIANA    (36 anyos):Lord ,wa pa man!

JULIA    (40 anyos):Lord,please  na man!

JONA     (50 anyos):Lord,ngano man?

JULIANA(60 anyos na):Nah,hum...man!

ANG IPADAGKOT

Miwali ang pari ngadto sa mga nanimbahay.
PARI  : Pagdagkot kamo ug kandela aron mabatonan nato ang kahayag.Ang  kahayag sa atong hunahuna ug pagpabilin kanunay sa atong panaghigugmaay. Ang puti nga kandela,para sa mga dalaga kay kini nagtimaan sa kaputli ug lunsay nga pagmahal.Ang pula nga kandela para sa mga minyo nga maoy timaan  sa pagtunhay sa panaghigugmaay.Ang asul para sa mga biyuda aron makakuha ug bag-ong gugma
(Unya dihay nangutana nga usa ka bayot).
BAYOT : Unsa mang kandelaa,Dre ang para sa mga bayot?
PARI     : Pagdagkot na lang mog katol,para dili mo lamokon  sa paghinuwat kon kinsa kaninyo ang mahigugma!

GIDILI

TINONG : Uy,Bay kakita ka anang karatula nga gidili  man ang pagpangihi dinhing dapita  o.
BITONG :  Nakakita man.
TINONG:  Unya,nganong nangihi kaman diha?
BITONG  : Aw,wala man dinhi ang nagsuwat nianang  karatula,Bay!

WA MABUHAT

SIDOY(Nangutana sa iyang maestra): Mangutana ko nimo,Mam,kon mahimo bang kasuk-an ang tawo sa butang nga niya mabuhat?
MAESTRA : Aw,dili.
SIDOY       : Hay,salamat.
MAESTRA : Nganong  nakapasalamat kaman,Doy?
SIDOY       : Wa man god nako buhata,Mam akong  homework!

KANIADTO RA

LOLO  INGGOT  : Kaniadto,Dong Lito sa gamay pa ko,kanang  singko pesos nga akong dad-on daghan nako anag mapalit.
LITO   : Nindota diay,Lo no?
LOLO INGGOT  : Makadala nako anag  gatas,pan,polo,jacket,ug kalsones.
LITO                   : Yamat ra,Lo.
LOLO INGGOT : Karon di na gyud kay naa namay daghang surveillance camera !

MAY BAYAD

Si Intoy ug Gustin miadto sa balay ni Kongresman Takyo aron sunahon na niini ang gisaad kon modaog kini sa eleksiyon.
GUSTIN  : Nia lagi mi Kongresman,kay magpahinumdom lang mi nimo niadtong imong giingon kon modaog ka na sa eleksiyon.
KONGRESMAN  TAKYO : Aw,mao ba.Unsa gani tong akong gisaad ninyo?
INTOY     : Niingon ka niadto,Kongresman nga kon modaog ka,palitan mo kaming taga Baryo Kambinokot ug taga,pasol, ug daghang pokot sa among pagpanagat.
KONGRESMAN TAKYO : Aw,o tinuod misaad man diay ko niana kaninyo.
GUSTIN   : Hain naman,Kongresman?
KONGRESMAN TAKYO : Aw,o misaad ko niana nga hatagan ta mo,pero ...
INTOY   Unsa man,Kongresman?
KONGRESMAN TAKYO : Dili libre.

SINAW POD

Si Shiela nga gustong mokaon ug butong misugo kang  Botoy pagsaka ug lubi aron ilang lamawon. Sa didto na si Botoy sa itaas sa lubi ug nagpungis sa mga bunga,nakaalinggat kini kang Neris nga miagi ug nag-short kinig pinapook.
BOTOY(Didto sa itaas sa lubi): Wow,kanay legs!  Hamis ug sinaw!
NERIS (Mihangad kang Botoy  sa itaas): Wow,Toy,kanay itlog  dagko ug sinaw !

MAHAL UG PRESYO

Si Andot nga gustong moangkon ug bag-ong sakyanan miadto sa usa ka car display center  aron makapalit.
ANDOT (Ngadto sa dealer): Hain man niini ang inyong labing nindot nga sakyanan,Brad?
DEALER   :  Kadtong tu-a ,Brad.(Mitudlo sa nagsinawsinaw pa nga sakyanan bulok pula).
ANDOT(Mihinolhinol sa lingkoranan sa sakyanan): Pagkanindota niining maong sakyanan,Brad.(Apan wa tuyoa naka-utot si Andot.Miigham.Nagpaka-aroningnon).Pilay presyo ani,Bra?
DEALER   : Kana,Brad.  Aw, kon sa imong paghikap  lang  nakautot kana,tingale magkaigit na gyud ka kon mahibaw-an mo  pilay presyo!

MAY KATARONGAN

MUNDO(Nanaway): Sus,Andat kanang imong nawong mora gyud ug gikumot sa Agta!Haskang bati-a!
ANDAT (Misigang mata sa kalagot): Bati nako ron kay man kang gibuwagan. Ikaw palahubog!
MUNDO : Sige lag palahubog kay inig ka ugma mahimong huwasan man sa kahubog,ang ikaw.
ANDAT   : Ngano man?
MUNDO : Kada adlaw bati lang gihapon ug nawong!

GUSTONG MALIMTAN

TALINO    : Yatis sayoha god nimong naghuboghubog,Bay Ontoy?
ONTOY    :  Duna koy gustong malimtan,Bay.
TALINO   : A,hibawo ko ang imong uyab?
ONTOY    : Dili,Bay.
TALINO   : Unsa man diay?
ONTOY   : Ang dako kong utang sa bombay!

HAMBOGAY

TONYA  : Gipalitan ko sa akong uyab nga si Ciano ug  diamond nga singsing.Nindot kaayo,Ga!
LUSYANG : Ako sab ,Ga,gipalitan ko sa akong yab-o ug diamond ring nga napulo ka buok aron maapod ang tanan kong tudlo.
TONYA      : Tinuod ka,Ga? Unya,kay gipalitan naman sab ko sa akong uyab karon ug yati aron among sakyan padulong sa Bohol.Adto mi mag-outing  karong summer...
LUSYANG :  Unya,makaagi kaha mo,Ga,nga amo na ra bang ipakoral ang napalit namong dagat!

APIL GIHAPON

TORYO   : Pista ron sa inyong,Bay Pedro?
PEDRO    : Pista bitaw,Bay.
TORYO   : Mamista ko sa inyo....diba labot  mo?
PEDRO    : Dili,Bay.
TORYO   : Ngano man?
PEDRO    : Labot ra mi sa mapa,pero dili sa ginastohay!

MOSUPORTA

Sa  Buwangan ang may dalang manok wala usab bayad sa entrans.Busa aron makasulod si Talino sa buwangan nagdala nig manok pero dili hiniktan kundili himongaan.
TIGBANTAY : Di ka makasulod sa ilawom,Bay.
TALINO         : Nganong dili man nga nagdala man kog manok?Pasudla ko.
TIGBANTAY : Dili lagi na mahimo kay dili man manok laki ang imong dala,ang himongaan man.
TALINO         : Unya kay ang iyang bana itari man diha sa ilawom,suporta na lang ning himongaan sa iyang away!

NANGLIKI

Niining buntaga nadawat ni Kadyo ang sayong text message gikan sa iyang asawa.Nahibulong si Enting kay dali kining nakapanghipos sa iyang mga sapot sa bag aron mopauli.
ENTING : Naunsa ka,Bay Kadyo nga nanghipos kaman sa imong mga sinena,mouli ka?
KADYO : Mouli ko,Bay Enting gikuyawan ko basin unsa unyay mahitabo.
ENTING(Natingala): Ngano man diay,Bay?
KADYO : Niay  text nga   akong  nadawat gikan sa akong asawa,Bay,  ning buntag lang.Basaha ra god.
ENTING(Mibasa sa text gikan sa selpon ni Kadyo):Aber basahon ko bi. " Dong uli dali,basakan  nangliki.Kung di ka dayon ma- uli,basin ang liki sudlan lain baki!"

NAGPALUYO

BOSYO (Miamoral): Day Ciana,nahibawo ko nga luyo sa imong pahiyom,anaa ang kaguol.Luyo sa imong talidhay anaa ang luha.Buot kong masayod ka,Day Ciana.
CIANA : Nga unsa?
BOSYO: Buot kong masayod ka nga sa imong luyo anaa ako.Busa..
CIANA : Nga unsa?
BOSYO: Ayaw intawon kog ut-i!

ANG KALAINAN

RICHARD  : Ngano man mong mga  babaye,Rose nga kon guwapo gani ang magsunodsunod ingnon dayon nga,secret admirer?
ROSE         Aw,siyempre kay guwapo man.
RICHARD : Mao diay na.Unya,kon batig nawong ang mosunodsunod ninyo?
ROSE        : Aw,tawag ana kay,stalker.
RICHARD : Kalain god! Duna nay giingon nga, facial descrimination!

WALA MAKASABOT

TIKYO (Miorder) : Weter tagai ra god  kog kape.
WETER                : Unsa man ,Sir kanang DECAF?
TIKYO                 : Aw,unsa man diay ning inyong kape dinhi,Dong plato diay gisudlan?

ILHANAN

Nagpakonsulta si Tikya kang Doktor Higal.
TIKYA    : Ingon nila,Dok ,nga usa kuno ko ka seks manyak.
DOKTOR HIGAL : Uy,mao ba?
TIKYA                  : O,Dok. Unsa may timailhan nianang seks manyak,Dok?
DOKTOR HIGAL : Yuna,kadiyot lang.
TIKYA                  :  Ngano man ,Dok?
DOKTOR HIGAL : Kuhaa sa nang imong kamot nga nagkupot sa akong itlog!

NAGKABAYLO

Hilabihang guola ni Emok sa dihang giprangkahan siya ni Andat nga makigbuwag na kini kaniya.
EMOK   : Nganong makigbuwag man ka nako,Dat? Unsay sala nga akong nabuhat?
ANDAT : Da,ayaw na lang ug pangutana,Mok! Nahibawo nako sa imong pagkapalikero sa mga babaye uy!
EMOK   : Aw,mao man kaha nay imong hukom,Dat molakaw na lang ko,magpahilayo kanimo nga samaran kining kasingkasing....Adto na ko,Dat.
Sa dihang nakalakaw na si Emok wala pa gani kini makalayo,gitawag kini ni Andat.
ANDAT : Mok,balik dire.Kadiyot ra god.
EMOK (Mibalik.Naghinamhinam): Nga-Nganong gitawag ko nimo,Dat? Mag-uli ta?
ANDAT  : Mag-uli sa imong mata!
EMOK   : Unya,nganong gitawag man ko nimog balik,Dat?
ANDAT : Uy,amaw nagkabali ning atong tsinelas! Ambi nang akong tsinelas nga maoy imong nasul-ob,ug kuhaa ning imong tsinelas nga nabuslot!

MODAKO RA

IMYAT   : Sus,kagamay god aning tato sa imong buhi,Doy.Mao ra ni: ELMO?
DADOY :  Mao ra na kay wala pa man mangisog,Day.
IMYAT  :   Kay ngano man diayg mangisog na?
DADOY:    Kon mangisog siyempre modako.Unya,basahag usab di ba mahimo na nang EL FILIBUSTERISMO!
IMYAT :    Ngeeh.

WA MALIPAY

BINDOY    : Ingna didto ang atong abogado,Iyok aron magpahimo ko niyag testamento.
IYOK         : Sa unsa man kanang testamentoha ,Tay?
BINDOY    : Magpahimo ko sa abogado ug last will and testament nga kon mamatay na ko ang manunod sa akong bahandi walay lain kon di ikaw.
IYOK         : Yamat ra,Tay! Kanus-a man na,Tay mahitabo?
BINDOY    : Natural kon mamatay nako.
IYOK         : Uy.
BINDOY    : Ngano, di ka malipay niana?
IYOK         : Abi man god nakog karon dayon na,Tay!

MAO MAN

TAGALOG     : Bili na kayo nang ice cream mga kaibigan.Mora lang!
BISDAK         : Pagklaro diha,Bay,ha! Unsa man diay nang imong gisuroy dili na ice cream nga ingon kaman nga mora!

GIKINAMOT

ANDOY    : Day Minggay mahimo bang mo-type ko nimo karong  gabii?
MINGGAY: Uy,Doy, dina mahimo rong gabii kay puwa ang ribon.
Milabay ang usa ka semana.
MINGGAY(Paraygon ang tingog): Mahimo kanang maka-type ,Doy karong gabii kay giilisan konag itom ang ribon.
ANDOY (Napikal) : Da,bahalag itom na nang ribona,ayna lang,Gay kay gikinamot ko na!