PAHIMATNGON

DORAY (Ngadto kang Isyot nga iyang anak) : Duna koy ipahimangno kanimo,Dong Isyot.
ISYOT   :   Unsa man na,Nay?
DORAY:    Kon makakita gani ka sa kalsada ug tawo nga maghigda ayawg duola...
ISYOT  :    Ngano  man,Nay?
DORAY:    Basin usa na siya ka tawong buang o hubog.
ISYOT  :    Luoy pod anang Tatay,Nay,  uy!Kanunay baya na higda kalsada!

DUSLITAN

Si Mam Toryana nangutana sa iyang mga tinun-an kabahin sa ilang gustong kurso kuhaon inig katapos na nila sa hayskol.
MAM  TORYANA  : Karon klas kay motapos naman gyud mo sa hayskol karong tuiga,gusto lang nakong masayran  ang matag usa kaninyo kon unsang kursoha ang gusto ninyong kuhaon inig abot na sa  college.Ikaw,Mitoy unsang kursoha ang gusto mong kuhaon inig abot mo sa college?
MITOY (Mibarog) : Gusto kong mag-abogado,Mam.Unya,manarbaho dayon ko sa gobyerno kon abogado nako basin diay kon mahimo kong chief justice!
MAM TORYANA : Nindot kaayo,Mitoy.
Unya nakit-an sa maestra nga migawas si Miyot.Iya kining gitawag.
MAM TORYANA : Asa kaman,Miyot? Mag-unsa ka didto sa gawas?
MIYOT                 : Moadto ko sa gawas,Mam magkuhag posporo...
MAM  TORYANA: Unsaon mo man ang posporo,Miyot?
MIYOT                  Akong duslitan nang botbot ni Mitoy,Mam aron mohiyos!

ANG EKSAMIN

ANDOT  (Ngadto sa anak pinaagig  text);  Kumosta inyong eksamin,Dong Talino?
TALINO (Mibawos sa text sa amahan)   : Walay problema,Tay.
ANDOT  (Text gihapon)                         : Kana maoy maayo.Seguro kang pasar diay,Talino?
TALINO (Bawos sab text)                     : Ambot adto,Tay,way problema sa mga questions ang pag answer  man!

KAAMGID

Usa ka seksing babaye nga nag-bikini  lang ang mirampa ni Tikoy sa daplin sa baybayon.
SEKSING BABAYE : Unsa man ka,Dong,makamao kang molangoy...?
TIKOY(Mapagarbuhon):   Kana lang diay?.Matu'g pa man gani ko sa ilawom sa dagat...
SEKSING BABAYE    :   Bantog ra.
TIKOY                         :   Nga unsa man,Mis?
SEKSING BABAYE    :   Sa  hitsura mo pa lang, mora nag kogtong!

IPAPANGITA

DOROT   : Lisod sab ning among asaymen,Tay tabangi ko bi...
TATAY    : Unsa man kay tabangan tika sa pagtubag ana.
DOROT   : Ipapangita man sa among Titser  ang least common denominator.
TATAY   : A,yatis ra sab nang inyong Titser hangtod ron wa pa gyud na makit-i ang leskomondenominitor nga niadto pa man na panahon sa akong pagtungha ang pinangitaay!

NAILAD

TAKYO  : Mosugot ka,Yang nga paakon ko ang imong tutoy?
BAYANG: Kahilas god nimo,Kyo! Naunsa ka?
TAKYO   : Dili ka nga  bayran  kaman nako ug 100 tawsan.
BAYANG(Namalandong.): Sige.Sugot ko.
Tuod man gikumot ni Takyo ang dughan ni Bayang ug mitutoy pa.
BAYANG (Nahibulong): Wa man lagi nimo paaka,Kyo?
TAKYO                       :  Unya na lang,Yang kon maka-withdraw  kog  kuwarta sa bangko!

MAGDUPA-DUPA

Diha na  si Benansyo sa  witness stand samtang giayo kinig sukitsukit ni Atorni Tingga ang abogado sa biktima.
ATORNI  TINGGA  : Niadtong nahitabo ang lugos sa may takna nga alas dose sa udto kapin kun kulang may nadungog ka bang singgit sa usa ka babaye nga nagpakitabang?
BENANSYO            : Nakadungog ko,Torni.
ATORNI TINGGA   : Diin kaman niadtong higayona?Mahimo ba nga among masayran?
BENANSYO            : Nalibang ko,Torni niadtong higayona ilawom sa katubhan.
ATORNI TINGGA   : A,diay ba. Unya,gikan sa imong nahimutangan pila man gyud kaha ka metros ang gilay-on ngadto sa babaye nga nagpaninggit ug pakitabang?
BENANSYO(Nagpanglingolingo): Sus,Torni kana ray wa nako mahibaw-i kay kon malibang ko  di man ko tigdaladala ug metrosan!

GIPASPASAN

MAESTRA   : Pedro !  Unsay iningles sa kabayo?

PEDRO (Mibarog sa gilingkoran): Horse,Mam.

MAESTRA                                : Spell horse,Pedro.

PEDRO (Nagkabungabunga)     :H-H..O....

MAESTRA (Gidugayan)            : Faster,Pedro.

PEDRO(Miulpot sa gibarogan)   : Paspas, hiya tigidigtigidig..tigidigtigidig...!

MAY TSEKE PA

Giabtan gyud sa demalas si Nang Damasa kay sa pagliko niini sa may eskina nga padulong sa merkado aron unta mangompra,usa ka yagpison nga lalaki ang midul-it niinig kutsilyo.
LALAKI(Midul-it ug kutsilyo sa liog ni Nang Damasa): Hold-ap ni Nang,ayg lihok.
NANG DAMASA : Haiy may makuha nimo,Dong nga wala man tawon koy kuwarta.
LALAKI                : Nahibawo ko kon hain nimo ibutang ang imong kuwarta,Nang. Gipasok ni nimo sa imong bra.  Bi, akong kuoton(Dayong kuot ilawom sa bra).Da daan pa lagi ko!
NANG DAMASA : Kagilok baya pod ana,Dong,uy.Ayg patakag panguot diha.Basin gusto kapag tseke?
LALAKI(Nahinganha) : Naa pa diay kay tsekeng gitagoan diha,Nang?
NANG DAMASA      : Naa  sa ubos sa akong palda  na hala hilnga!

ILADO

Puwerte lagota ni Donya  Torkwata ngadto sa ilang katabg kay nagpasulod kinig laing tawo sa harianon niining panimalay.
DONYA TORKWATA : Di ba nagpasidaan naman ko nimo,Day nga ayaw gyud pagpasulod dinhi sa balay ug  mga tawo nga dili mo kaila?
KATABANG                : O,Nyora.
DONYA TORKWATA:  Unya,nganong nakasulod man tong tawo dinhi sa akong panimalay?
KATABANG                : Wa ka kaila adto,Nyora nga ilado man kaayo to siya dinhi sa inyong lugar?
DONYA TORKWATA: Sus,Nyora si Berto bitaw to nga iladong kawatan dinhing lugara!

HIBAW-AN NA

Puwerteng lagota ni Tikyo sa langgam nga parrot nga gibutang ni roncat diha sa ilang may pultahan.
TIKYO (Diha sa gawas sa pultahan): Maayo..maayo...!
PARROT (Matang sa langgam makasulti.Mitubag): Hilom,batig nawong! Batig nawong!
TIKYO  (Nasuko): Peste ning langgama! Usab ron ug sulti,di ba ihawon  tika!
Nahilom tuod ang langgam,apan nianang pagkasunod adlaw nga nahibalik si Tikyo.
TIKYO   : Maayo....Maayo...Bay Roncat...!
Parrot miaksiyon ug tingog. Gipakgang ni Tikyo.
TIKYO(Gihadlok ang langgam)   : Tingog ron di ba patyon tika?
PARROT (Mitubag) : Ba diha,uy bisag nahibawo na na siya!!!Ekk!

NAGSAULOG

MUKLOY (Nagpasiklap sa uyab) : Kinsa nang lalaki sa tindahan nga gisegi mog tan-aw,lab?
TINANG     : Uyab nako niadto ,Lab.Mousa na gyud  katuig nga nagsige na siyag inom sukad sa among panagbuwag.
MUKLOY   : A,kadugay god ,Lab. Sige gihapon  siyag selebret sa inyong panagbuwag!

BUNGOL GIHAPON

BUDOY   : Nakapalit     gyud    ko'g    hearing aid    nga    gibargen ra,Bay Tikyo.
TIKYO    : Aw, maayo hinuon.Sulbad nang imong kabungol,Bay!
BUDOY   : O,Bay.
TIKYO    : Diin man nimo mapalit,Bay?
BUDOY  : Aw, kagahapon pa gyud,Bay.

SAKTO APAN SAYOP

Nanugon si Andat ngadto kang Idot nga iyang anak sa wala pa kini migikan padulong sa laing baryo sa Marigondon.
ANDAT    : Dong,Idot kon madugay man  gani ko sa pagpa-uli ,  pakan-a unya ang baboy ug iro ha.
IDOT        : O,Nay.
Tuod man sa dihang nahiuli si Andat nangutana kini sa iyang anak kon gituman ba niini ang iyang gisugo.
ANDAT   : Dong,Idot hain naman diay tong atong iro nga wala man nako mosugat pagbalik ko dinhi?
IDOT       : Naihaw na nako,Nay,uy. Akong gipakaon ngadto sa atong baboy.
ANDAT  (Miulbo sa kasuko): Nganong imo mang giihaw ang atong iro,unya gipakaon sa baboy,amaw!
IDOT       : Ikaw bitaw ingon nako,Nay pakan-a ang atong baboy ug iro!

PRAKTIS PA

PARI    : Kinsa tong maigo niining bola nga akong ipauntol dakog sala dinhi sa kalibotan.
Tuod man gipauntol sa pari ang bola,apan didto hinuon kini mosaliring sa iyang tiil.
DIGOY (Mibuyag)  : Naigo lagi ka sa bola,Dre.
PARI                      :  Wala pa toy labot,Goy kay praktis pa man to!

SAYOP PAGSABOT

Didto sa silingang balay nilang Merto ug Takyo daghan  na kaayong mga bisita ang mitambong sa usa ka dakong kasaulogan,una Piyesta sa tinuig nga kasaulogan niining bulan sa Mayo ,ug ang ikaduha mao sab ang birthday party.Ang nagsaulog sa iyang adlawng natawhan ug atol sab sa kapiyestahan, mao ang bugtong anak lalaki ni Mindat ug bana niining Kano.
KANO (Mitimbaya ngadto sa mga bisita nga sulod gawas sa ilang balay): Thanks for coming.Eat all you can and don't be shy.Feel at home...!
MERTO (Nahiuknol.Kabalikon sa agi): Mobalik na lang ko,Bay.
TAKYO (Nagbitbit nag plato nga puno sa pagkaon,ug dihay tiil sa inasal) : Naunsa ka? Nia na hinuon ta,unya mopauli ka?Ngano man,Bay?
MERTO : Nakabati ka sa sulti sa Kano,Bay?
TAKYO:  Ngano man diay to? Unsa man to?
MERTO:  Matod pa sa Kano,Bay ay.Salamat sa inyong pag-anhi,sige lang mog kaon ug kaon.Way mga uwaw,unsay inyong pagtuo inyo ning bay!
TAKYO : Butangi!

NASAYOP

MAESTRA (Nakapanimaho)  :  Hemp, kinsa kaninyo ang nangutot? Nanimaho o.
JUAN ( Mibarog) : Imo ra nang baba,Mam.
MAESTRA          : Nganong nakasulti kaman niana,Juan?
JUAN                  : Ang baba duol ra man na sa imong ilong!

NASAYPAN

Hilabihang kaguliyang sa mga pasahero diha sa  terminal  nga gustong mosakay  ug  bus aron makapauli sa ilang tagsatagsa ka dapit sa probinsya niining nagsingabot nga Holy Week..Sadihang napuno na ang usa ka  bus misinggit ang usa ka tawo aron sa pagpalarga na niini.
PASAHERO  : Mister,drayber  larga na kay puno na ang imong  bus sa mga pasahero!
Apan walay mitubag nga drayber. Didto sa gawas dunay tawo nga gusto pang mosakay,
PASAHERO : Nganong gusto pa man kang mosakay dire ,Noy nga naghuot naman gani mi dire ilawom sa bus?
TAWO(Nasuko hinuon): Hoy mga tonto kon dili ko ninyo pasakyon kinsa may modrayeb nianang  bus?

KINAWAT DIAY

TIKOY ( Mipasiplat sa relo ni Bitong) : Nindota sa imong relo,Bay,uy mahalon man kaayo na.
BITONG    : Mahal gyud,Bay kay  rolex  ma ni.
TIKOY      : Daghan gyud kag kuwarta,Bay no kay nakapalit kaman nianang relo nga mahalon kaayo?
BITONG   : Daog ra ni  nako sa dagan,Bay.
TIKOY      : Yamat ra. Diin man?
BITONG   : Sa may Carbon.
TIKOY     : Didto diay ang lumba sa dagan,Bay?
BITONG  :  Didto gyud magsugod ang ginukdanay ,Bay namong tulo: tag-iya sa relo,ang polis ug ako!

MAY KATARUNGAN SAB

OKOY      : Itunol god,Day Isyat ang posporo.
ISYAT      : Unsa man,Koy modungka ka sa imong sigarilo? Dungka ra diha sa nagsiga nga lamparilya o nga naa sa imong tungod..
OKOY     :  Nganong sa lamparilya man,Syat?
ISYAT     :  Ngano man diay ,di mahimo?
OKOY     : Himo sa imong mata nga ako mang ipangatuli sa akong dunggan!

DILI IPAAPIL

Si Tonya,Mingga ug Juaning nagkasabot nga dunganon nila ang pagbunyag sa ilang mga anak kon mahigawas na sila gikan sa Maternity .May nahunahuna silang paagi pagpangitag ingalan sa ilang mga anak.
TONYA    : Ang maayo niini  nga paagi aron makakita ta ug talagsaong ingalan sa atong mga anak mao ang pagbali sa mga ngalan sa atong bana.
JUANING : Maayo sab na.Ang akong bana kay si Noel man,aw kon balihon Lino sab ang ingalan ko sa among  anak.
TONYA    : Mao na. Ang akong bana nga Lito may ngalan,aw kon balihon Toli sab ang akong ingalan sa among anak lalaki. Ikaw,Day Mingga.
MINGGA (Nasud-ipan): Na,kamo na lang ana,Day Tonya,uy. Dili na lang ko mag-apil-apil ana.Mora man kog nangurog.
JUANING  : Ngano man?
MINGGA   : Kuha mog ngano nga Nito may ngalan sa akong bana,kuyaw na kaayog balihon!

PERMI NA

TORYANA   : Nalipay gyud ko sa akong bana,Day Sidra. Ang akong bana maoy pinakadabes.
SIDRA          :  Kaha,Torn? Ngano man kuno bi?
TORYANA   : Abi mo ang akong bana dili na moinom ug makahubog nga ilimnon,dili na manigarilyo,dili na manugal,dili na mosuyop ,ug labaw sa tanan dili na mamabaye.
SIDRA          : Suwerte ka diay,Day Toryana. Unya,hain naman ron ang imong bana,Day?
TORYANA   : Naa ra pirme sa balay kay na-paralyse naman !

LAIG SABOT

GORYO    : Yamat ra,Bay nakadungog kos balita nga na bar topnotcher ka? Tinuod,Bay Tiboy?
TIBOY (Nagpanghikap sa ulo) : Tinuod na,Bay,pero dili sa pagkaabogasiya.
GORYO (Nahibulong)             : Unsang hitaboa,Bay?
TIBOY                                    : Ako tapnatser sa among inom sa  bar  kagabii sipit sa daghang babaye!

MATULOG GIHAPON

KADYO   : Kon mahitabo,Bay Onyok nga nahikatulog ka gumikan sa kakapoy gikan sa imong pagpamasura,unya sa imong pagmata naa sa imong kilid ang daghan kaayong kuwarta,unsa may imong buhaton?
ONYOK (Nanghimuta una): Aw, suwerte na kaayo,Bay! Mopasiyo dayon ko sa tibuok kalibotan aron maglingawlingaw...
KADYO                            : Unya,human  mo ug pasiyo sa tibuok kalibotan,Bay?
ONYOK                           : Magpabuhat kog maanindot ug dako kaayo balay.
KADYO                           :  Sunod ana,Bay?
ONYOK                           :  Aw,sige na pod ug katu'og basin motunga na pod daghang kuwarta!

MAS PA

Gumikan sa daghang mga pagtuon ug pagpanukiduki aron masumpo ang labihan nga pagpangawat nga midas-ag sa nagkadaiyang kanasoran,nainbento ra gyud sa usa ka Pinoy nga wa damha ang usa ka makina nga daling makasikop ug mga kawatan.
AMERKANO (Atong hubaron sa binisaya ang iyang gisulti): Dinhi sa Amerika kining maong makina sulod lamang sa usa ka adlaw makasikop nag- 50 ka mga kawatan.
APRIKANO(Hubaron sab nato sa binisaya ang iyang gisulti): Dinhi sa Aprika,kining maong makina sa tunga sa adlaw makasikop na ug 25 ka mga kawatan.
HAPONES (Ang Hinapon hubaron sab nato sa binisaya) : Dinhi sa Japan makasikop ning maong makina sa 20 minutos ug napulo ka kawatan.
PILIPINO (Naminghoy sa daplin): Hahay.....
AMERKANO (Nangutana) : Nganong naminghoy ka,Brad?
PILIPINO (Nagpanakla)     : Pastilan, dinhi ra sa Pilipinas wala pa gani dantig singko minutos nawagtan na ang makina  kay gisibat sa mga kawatan!

WALAY KLARO

Human sa gradwasyon  high school nangutana si Tinong ngadto sa iyang anak nga si Doroy.
TINONG    : Karon nga nakahuman kana sa high school,Dong Doroy unsay plano mo sa umaabot?
DOROY     : Mag-pari ko,Tay.
TINONG    : Tinuod ka,Dong Doroy? Kamaayo god anang planoha.
DOROY     : Mao kaayo nang plano nako,Tay.
TINONG (Nangomedya): Unya,Dong kon sa imong atubangan  maghubo sa iyang sapot si Katrina Halili?
DOROY     : Aw,mag-doktor una ko,Tay sa dili pa ko mopadayon sa pagka-pari!

ANG KALAINAN

Sa tindahan ni Nang Moring nagkainom ang duha ka mga giilang pulos palahubog.Si Ohing ug si Maykel.Ug,sa dihang nangahutlok nang duha nagkalidadis na ang gipanagsultihan nga maoy gihimong sumsoman.
OHING (Hubog)    : Bay Maykel morag hubgo na gyud ka.
MAYKEL (Hubog): Wa-wa pa ,Bay,uy.(Hik)I-inom pa ko.
OHING                  : Bay,(hik)ma-mangutana ko nimo.
MAYKEL              : Pa-pangutana,Bay?
OHING                  : Unsay ka-kalainan(hik) sa  hang-over ug sex over?
MAYKEL              : Sa-sayon ra na!. Ang hang-over ,Bay ka-kanang sakit imong u-ulo(hik) nga morag mabuak sobras inom na.
OHING                 : Mao na(hik)?
MAYKEL             : Unya,(hik) kanang sex over sakit ang buak nga morag (hik) naay ulo!

KADUHA RA

Gigisal  ni Atorni Kulkog sa daghang mga pangutana si Tekla bahin sa kasong rape nga gisang-at niini batok kang Minggoy.
ATORNI  KULKOG    : Mangutana ko nimo,Tekla makapila man gyud ka kahigayon nga gilugos  niining Minggoy?
TEKLA                         : Makatulo ka higayon,Torni sa akong nahibaw-an.
TIKYO(Ang manlulugos.Mipakgaw): Dili na tinuod,Torni!  Namakak na si Tekla!Makaduha ra  tawon ka higayon.
TEKLA  (Pinasulirap ang mga mata) : Hoy,Tikyo ayaw kog ilara ha, unsa man diay tong higayon  nga ako na pod ang didto naibabaw!

INTERPRET

DADOY     : Maayong laki kaman gyud sa Ingles,Bay Onyot aber hubara kining binisaya ngadto sa Ingles.
ONYOT     : Sige,pangutana.
DADOY     : Itinda ning isda.
ONYOT (Mihubad ngadto sa Ingles): Selpis!
DADOY    :  Yatis ha. Kini,babayeng mitago sa ilawom?
ONYOT    : Sayon.Misanderstanding.
DADOY    : Kini,kataposan: Higalang dugay nang buta?
ONYOT    : Aw, my pren long taym no se!

MOAPIL

TIKBOY     : Ingon sa akong uyab nga wala kuno koy sex appeal. Unsay buot ipasabot sa iyang gisulti nako,Gaw Toryo?
TORYO      : Pagkabugo gyud nimo,Gaw,uy. Ang buot ipasabot niana nga wala kay pormada ba .Walay panghindik!
TIKBOY     : Yatis ra pod kon mao na.Dili na mao,Gaw,uy.
TORYO      : Na ambot nimo basta mao na.
TIKBOY     : A,nganong makaingon god siya nga wala koy sex appeal, nga kon dunay sex moapil man ko!

MAKADAOT

ESBOY(Mihagad kang Tikya) : Day Tiks,moinom kag  beer ?
TIKYA                                   : Di ko,Esboy,uy makadaot na sa akong legs.
ESBOY                                  : Makadaot god. Ngano kon moinom kag  beer mohubag nang imong mga paa?
TIKYA                                   : Di man. Mobilangkad na unya!

MOTAAS GIHAPON

DIKOY (Drayber sa sikad)  : Kuwang man kining imong giplete nako,Dong Tikong.
TIKONG                             : Nganong kuwang man Noy Dikoy? Nagpataas na sab diay mo sa inyong plitehan nga  traysikad ra man ning imong gidrayban?
DIKOY                               : Nagpataas sab ug diyutay,Dong.
TIKONG                            : A,nganong mopataas man  mo sa inyong plitehan nga may man ug naggamit mog gasolina?
DIKOY                               : Dili bitaw,Dong.Pero momamam man ug tanduay  ang drayber aron makasikad!

SINIGURO

OTOY( Ngadto sa iyang uyab): Lab, mahimo ba nga hikapon ko ang imong  software?
BIKANG( Paraygon)              : Sige. Pero ipakita sa una nako ang imong  hardware.
OTOY                                    : Sige. Unya,mahimo kaha  nga ako ning i-install  sa imong sytem?
BIKANG (Mapahiyumon)       : Sige. Pero butangi una nag anti-virus  ha, para safe!

ANG KALAINAN

POKWANG    : Darling,duna koy ipangutanan nimo.
MIYOT            : Unsa man na,Darling?
POKWANG    : Unsay kalainan sa usa ka hawok,awto ug sa unggoy?
MIYOT            : Sayon ra na ang tubag,Darling.
POKWANG    : Unsa man?
MIYOT            : Ang matam-is nga hawok para sa darling,ang awto alang sa akong darling,ug unggoy ikaw mao na darling!

PALABWANAY

BABAYE   1 : Ang akong anak nga usa ka pari kon asa gani siya moadto ingnon dayon siya,Father.
BABAYE   2 : Ang akong anak nga usa ka kardinal sa simbahan tahuron sab siya sa katawhan,ug Your Eminence!
BABAYE   3 : Pero sa akong anak,wala na tingali makalabaw.
BABAYE   1 : Ngano man?
BABAYE   3 : Ang akong anak usa ka bayot nga magsayawsayaw  diha  sa ibabaw sa entablado,daghang mosinggit,ug  Oh my God!

AYAWG HUNONG

Ang inahan nga nahibulong sa kalit nga pagdako sa tiyan sa iyang anak nga si Bidang,nangutana.
INAHAN :  Nganong mimabdos kaman,Dang? Nalimot ka diay sa akong mga pahimatngon nimo kaniadto?
BIDANG (Nagbakho) : Wa man,Nay.
INAHAN                    : Unya,ngano man ni ron? Di ba giingnan tika nga kon mohangyo ang imong uyab nga mohikap sa imong dughan,ingnon mo dayon nga, a y a w!
BIDANG                    :  O,Nay.
INAHAN                    : Unya,kon mohangyo nga mohikap sa ubos ingnon mo dayon nga, h u n o n g!
BIDANG                    :  Mao na,Nay.
INAHAN                    :  Unya,nganong mimabdos kaman?
BIDANG                    :  Unsaon man ,Nay nga gidungan man sa paghikap sa akong uyab ang akong dughan ug ubos nga atubangan!

DILI SAMAD

INAHAN(Nakita nga nagkadugo ang tudlo sa iyang anak nga si Mukloy): Uy,Nak nasamad man lagi nang imong tudlo.Dali bi kay atong supsopan sa dugo.
Miduol ang anak, ug tuod man gisupsop sa inahan ang dugo sa tudlo niini.
INAHAN      : Diin kaman masamd,Nak?
MUKLOY    : Dili man to samad,Nay.Dugo man to sa dugho nga akong giirok!

GILABWAN PA

MAESTRA (Ngadto sa iyang mga tinun-an) : Class,kaninyong tanan akong ipahibawo nga si Juan ra gyud maoy nakakuha ug 50 nga saktong tubag sa atong eksamin  sa 100 nga mga pangutana.
JUAN (Mibarog.Mapagarbuhon): Da,unsa na?Kahimo mo ana?Pamauli mos inyo ,uy maypagmanguling mog kahoy!
MAESTRA(Mibadlong)    : Paghilom diha,Juan! Ikaw, 50 ray imong nakuha pero ang tanan,tag 100 man!

DILI MAKAMAO

MAESTRA        : Juan, 1 + 1 ?
JUAN                : Di  ko kamao,Mam.
MAESTRA       :  Juan,3+3 ?
JUAN                : Di ko kamao,Mam.
Pagkatapos na sa tuig tingtungha.Juan nangutana sa ilang maestra sa iyang grado.
JUAN                : Mam,pila may akong grado?
MAESTRA(Naglagot) : Dili ko kamao,Juan,pilay imong grado!

MAGLISOD GIHAPON

TONYO(Ngadto sa makililimos): Noy,mangutana lang ko nimo,pila man gyuy imong makita sa matag adlaw nimong pagpakilimos?
MAKILILIMOS                       :  Kon suwertihon labing dako,dosyentos matag adlaw.
TONYO                                   :  Aw, dili na tantong demalas.
MAKILILIMOS                      :   Demalas gihapon kay usa ra man ka putos maoy mapalit...
TONYO                                   :   Usa ra ka putos nga humba?
MAKILILIMOS                      :    Dili uy. Usa ra ka putos nga shabu!

BAGSAK

MUKLONG   :  Wa ko ka pasar niining tuiga,Bay Ciano.Demalas.
CIANO          :    Ngano man,Bay?
MUKLONG  :    Ingon man god among titser nga kuwang kuno kos eport...
CIANO         :    Sus,Bay wa ka kahibawo unsa nang eport?
MUKLONG  :   Unsa man na,bay?
CIANO          :   Bugo gyudnimo,Bay,uy kanang eport tugpahanan na sa eplen!

WAY KABUTANGAN

SIDRO     : Kon imong lang kong sugton,Day Mingga isaad ko kanimo nga ihatag kong buwan aron ikadayandayan sa bus-ok mong dughan..
MINGGA: Bulatik gyud,Dro.
SIDRO    : Ipakapin ko pa kanang mga bitoon ug akong tuhogon himuong kuwentas sa liog mong magilakon...
MINGGA: Di ko,Dro,uy.
SIDRO    : Ayaw kog balibari,Day..
MINGGA: Problemahon man ko nimo ana,Dro.
SIDRO    : Nganong nakasulti kaman niana,Day Mingga?
MINGGA(Namikat sa mata): Kita ka bitawng payag ning among gipuy-an,Dro.Unya kon naa nang buwan ug mga bitoon ipaasa mo man na nako ibutang!

GISAMOTAN

PIDOT    : ingon atong silingan ,Tay nga si Pikoy bati kuno kag nawong.
IDOK     : Mao nay iyang gisulti nimo? Unsa may imong gitubag?
PIDOT   : Ingon ko,Tay guwapo uy.
IDOK    : Aw maayo na kay miingon kang guwapo.
PIDOT   : O,Tay akong giingnan si Pikoy nga guwapo pa nimong unggoy!

SALA SA BABOY

BITONG  : Ingon ka Igso kamong mga Muslim dili  mokaon ug baboy?
MUSLIM : Tinuod bitaw kana,Igso.Gidili kanamo nga mokaon ug baboy.
BITONG  : Unya,nganong kaon kaman nianang pansit nga dunay sagol nga baboy?
MUSLIM (Nasud-ipan.Nangatarongan): Aw,sala na kana sa baboy nganong misagol sa pansit!

ANG NAGLUTAW

OKOY (Mitawag sa silbidora) : Day,nganong duna may naglutawlutaw nga langaw niining gi-order  kong pansit?
Pagkahugaw god ani!
SILBIDORA : Sorry kaayo,Sir ha nga dunay langaw sa imong pansit ron.
OKOY          : Kanunay ba ning ingon niini dinhi sa inyong kan-anan?
SILBIDORA : A,dili man kanunay,Sir kay usahay lagong may  sab maoy maglutawlutaw!

WAY PUSTA PUSTA DIAY

APOHAN   : Kon duna gani koy kuwarta,apo gikan sa  lotto ako gyud nga ipaespalto ning kalsada dinhi sa   atong dapit nga labihan na kagubaon !Pagka dagko na baya tawon sa mga libaong!
APO           :  Yatis ra,Lolo. Mopusta diay ka,Lo?
APOHAN  : Aw,unsa god  diay pustahan diay  nang  lotto?

MOBIYA NA

MADAY       :Karon nga kasal na gyud ta ,Tin dili kana maghuboghubog?
AGUSTIN    : Oo!
MADAY      : Dili kana manigarilyo?
AGUSTION:  Oo!
MADAY      : Unya,dili kana moadto sa bar?
AGUSTIN   :  Oo!
MADAY     : Ug labaw sa tanan dili kana mosuyop ug shabu,Tin?
AGUSTIN(Natuk-an) : Oo,Day.Hasta sab ka akong biyaan!

MAPASMO UNYA

Ang tumang kalisdanan mao kanunay ang haling sa kanunayng panag-away niining magtiayong Andat ug Bikong.Usa ka sayong buntag niana naglalis na sab ang duha...
BIKONG      : Ang maayo pa niini nga maghikog na lang ko! Puslan man nga kanunay na lang tang ingon kakabos hangtod sa hangtod...!
ANDAT        : Unya,Kong maghikog gyud ka?
BIKONG      : O! Moadto ko sa dakong lasang sa bukid ug magpakaon sa dagkong bitin!
ANDAT        : Na hala mao man kaha nay imong gusto! Unya,nganong nagdala kaman ug bawon nga kan-on?
BIKONG      : Aw, panagana ning akoa,Day kon dugay pa diay ang bitin,mapasmo pa lang hinuon ko!

MAY BUHOK SAB

INGGOT (Nangutana sa iyang amahan): Tay,nganong  may buhok man ta?
SIDOY (Ang amahan)                          : Tungod kay duna tay ulo,Dong.
INGGOT                                             : Mao diay na,Tay.
Sa dihang naligo ang duha sa  ilang atabay diha sa luyo sa ilang balay wa tuyoa nga nakita sa iyang anak ang laing buhok  ni Sidoy nga migimaw ubos sa iyang purol.
INGGOT                                             : Tay,duna sab diay ulo ilawom sa imong purol?
SIDOY(Nagkabungabunga sa pagpangatarongan): Ki-kining kuan,Dong naa ra na kilid sa ulo!                                            

NAKABAWOS SAB

KARDO       :  I love you,Ros.
ROSANA     : Shut up!
KARDO       : I really want you,Ros.
ROSANA     :Shut up!
KARDO       : I really miss you so much,Ros.
ROSANA     : Shut  up!
KARDO       :Will you marry me,Ros?
ROSANA     :Really?
KARDO       :Shut up!  Mahal bugas ron!

KOMEDYA RA

Miamoral si Kardo kang Rosana usa niana ka gabiing bulanon.

KARDO     : Day Ros,ikaw maoy ABCDEFGIJK  sa akong kinabuhi...

ROSANA   : Yamat ra. Unsa man kuno na,Kards?

KARDO     : Nia,Day Rosana,pamati-a   :  A        - Agreeable

                                                                 B         - Busty

                                                                 C         - Cute

                                                                 D         - Delicious

                                                                 E          - Expert

                                                                 F          - Funny

                                                                 G          - Gorgeous

                                                                 H          - Hot

ROSANA   : Unya,unsa man nang  IJK?

KARDO     : I'm Just Kidding,Ros!

ANG NAHADLOKAN

TAKYO       : Ingon nila,Pre hapit na kuno matapos ang kalibotan.
SIMOY        : Bahalag matapos ning kalibotan,Pre,kay dili man karon dayon.Pero duna koy laing gikahadlokan...
TAKYO       : Unsa man,Pre?
SIMOY        : Kanang matapos na ang buwan kay magping-it kos daghang bayranan!

UNSAY GUSTO?

Nagkalalisay ang managtiayong Dokdok ug Tikila niining sayong buntag.
TIKILA     : Unsa man ,Dok molimod ka gyud nga wala moy relasyon si Maria?
DOKDOK: Pastilan baya nimoDay Tikila,duda  ra gyud nang imoha ba.
TIKILA    :  Aw, unsa man gyuy imong gusto away o samok?
DOKDOK: Na hala  samok god para way away!

DILI MAO

MAESTRA       : Unsay pinaka-famous novel of Dr. Jose Rizal,Class?
PEDRO(Mipataas sa kamot): Noli Me Tangere.
MAESTRA      : Good. What is that mean in English?
ADELE(Mipataas) : Touch me Not,Mam.
MAESTRA            Very Good! (Ug nasiplatan  sa maestra si Juan nga nagkalingawg tabi sa iyang katupad.Gitawag.): Ikaw,Juan,unsa may chinese sa maong libro ni Rizal?
JUAN(Gikuyawan.Nagkabungabunga pagtubag): No Tsan Tsing,Mam!

NASAYPAN

BASYANG     : Naunsa ka,Goryo nga morag mapahiyumon kaman ron niining buntaga?
GORYO          : Nagdamgo kog nindot kagabii sa,Syang.
BASYANG     :Uy,yatis ra. Unsa man kunoy imong gidamgo nga morag giganahan kaman?
GORYO          : Nagdamgo ko,Syang kay gilamian kong mitilatila sa dughan sa maanyag nga artista.
BASYANG  (Naglagot,ug mora sab ug nahimuot) : Bantog ra.
GORYO          : Nga unsa,Syang?
BASYANG     : Buang ka,Goryo mao diayng basa kaayo ang akong lubot!

NABUNGOL

ANDOY               : Magpa-check up unta ko nimo,Dok kay mora man kog nabungol.
DOKTOR TIWAS: Sige,ako nang tsek-apon kon nganong nabungol ka,Doy.
Human sa pag-check up. O,niay akong ireseta nimo,Andoy palita ni didto sa botika unya tumara katulo sa usa ka adlaw. Pagka human sa usa ka semana balik dire kay balikan tika sa paghiling.
Tuod man gituman ni Andoy ang tugon sa Doktor sa paglabay sa usa ka semana mibalik kini sa iyang klinika.
ANDOY              : Matay,Dok wala man to mosalir ang tambal nga imong gi-reseta nako. Misamot man hinuon ko pagkabungol
DOKTOR TIWAS: Aw, diay ba.
ANDOY                : Ultimo god akong utot dili naman ko makadungog,Dok.
DOKTOR TIWAS: Sige lang.Niay lain kong ireseta  nimo ug siguro nga makadungog kana niini.
ANDOY               : Tinuod ka,Dok?
DOKTOR TIWAS: Garantisado ni kay sa sunod mo unya nga pagpangutot makadungog kana gyud!

GIBUWAGAN

CIANO    : Hinuktok kaman,Bay Toryo,naunsa ka?
TORYO   : Gibuwagan kong Minda,Bay nga akong uyab nga taga Mactan.
CIANO    : Unsa may hinungdan,Bay?
TORYO    : Tungod ra sa iyang gipangayong binirtdihan nga diamond.
CIANO    :  Unya,Bay?
TORYO    : Aw akong gihatagan ang akong uyab ug diamond,Bay.
CIANO     : Unya, nganong gibuwagan ka man sa imong uyab?
TORYO    : Diamond  man to sa baraha maoy akong gihatag!

PABUDBORON

Sa hilit nga dapit nga taliwala sa daghang kasagingan didto moagi si Gorya. Apan takulahaw lang gibabagan siya sa usa ka nagtaptap nga lalaki.Nagdalag kutsilyo sa tuo niining kamot.
LALAKI       : Ayg dagan kay kon imo nang buhaton,patyon tika.Kita ka niining kutsilyo?
GORYA(Nangurog): A-Ayaw tawon kog patya,Sir?
LALAKI                 : Ayaw pagsinggit kay rape ni.
GORYA                 :  S-Sige  mo-mosugot na lang ko nga imong ripon...
LALAKI                : Sige hubo-a nang imong sapot.
GORYA                 : Pagkuha una didtog dahon sa saging kay atong ihapin..
LALAKI                :  Sige.
Tuod man nagkuha dayon ang lalaki ug mga dahon sa saging.Apan  misutoyg  dagan si Gorya pahilayo.
LALAKI (Misinggit): Ayg dagan,balik dire!
GORYA (Didto sa layo) : Soloha nang imong kabuang,pagbudbod na lang diha!

KAUBAN

Gisugo ni Mindat ang iyang anak  nga si Medyong sa pagpalit ug asukal sa tindahan nilang Talie.
MINDAT    : Pagpalit didtog asukal,Dong Medyong sa tindahan nilang Talie sa unahan...
MEDYONG(Ang anak) : Di ko,Nay,uy.Ngitngit kaayo sa agianan,hadlok ko.
MINDAT                      :  Ayg kahadlok magauban kanimo ang imong anghel.
MEDYONG                 :  Aw,ang anghel  na lang nako ,Nay,maoy sugo-a  pagpalit didtog asukal!

PASERHAN

DON  IKOY (Misinggaak) : Unsa man  Dodoy naserhan na nimo ang pultahan?
DODOY(Nagbungabunga) : Ye-Yes,Sir.
DON  IKOY                     :  Ang didto sa kosina?
DODOY                            : Yes,Sir.
DON IKOY                       : Ang mga bentana?
DODOY                            : Humana sab,Sir.
DON IKOY                      :  Unsa pa man didto ang wa masirad-i? Wa na bay nakalimtan pagsera?
DODOY                            : Du-Duna pa,Sir.
DON IKOY                       : Unsa pa man,Dodoy?
DODOY                             : Imo na lang baba,Sir!

DILI MAKAPALIT

SENYANG(Nagpakitabang) : Tabangi intawon ning akong anak,Doktor kay nakatulon ug usa ka libo.
DOKTOR SAMOT              : Katalagsaon ra god aning hitaboa,Misis.
SENYANG                           : Aksidente kaayo.
DOKTOR  SAMOT             : Sige resetahan tika,ug palita dayon ni didto sa pharmacy...
SENYANG                           : Di tawon ko makapalit ana,Dok.
DOKTOR  SAMOT             :  Ngano man,Misis?
SENYANG                           : Unsaon nako sa pagpalit nga mao ra man tong kuwartaha,Dok sa akong pitaka nga gikaon sa akong anak!

HAPIT KUNO

Nasiplatan ni Tikoy si Masyang nga ingon sa wa mahimutang.
TIKOY     (Nangisusi)  : Naunsa man ka,Syang nga ingon sa wa man ka mahimutang?
MASYANG : Da ganiha god hapit gyud ko ma-rape diha ilawom sa manggahan.Maayo gani kay nakadala kog kuwarta.
TIKOY         : Maayo gani no kay mihatag ka dayon sa imong kuwarta.Unya,unsa may sunod nga nahitabo adto?
MASYANG :  Wa nako ihatag ang kuwarata,uy.
TIKOY(Nahibulong): Unya,Syang.
MASYANG            :  Nagpa-hotel na lang mi. Lain kaayong hunahunaon nga  anha ra mi ilawom sa manggahan!

MAHINUMDOMAN DAYON

TIKOY          : Unsang paagi nga dali ra nimong mahinudoman ang usa ka tawo,Bay Pidot?
PIDOT           : Sayon ra.
TIKOY          : Unsaon man bi?
PIDOT           : Pautanga aron imong pirmeng mahinumdoman!

MAPAIGO RA

TINDERO        : Palit ikaw niining tinda ko nga banig Igso.Barato ra kini kaayo.
ONTOY           : Gamay ra man kining imong banig,Igso. Dili man mapaigo niining ang tulo ka tawo kon magdungan sa pagpanghigda.
TINDERO        :  Ayg komedya,Igso mapaigo man gani niini ang bayente ka tawo,ang tulo pa kaha!
ONTOY           :  Komedya gani,Igso. Unsaon man pagpaigo sa bayente ka tawo ani?
TINDERO        :  Mapaigo gyug sulod ang bayente ka tawo niini,Igso basta magtindog lang!

GIPAPILI

TIKYA (Batig nawong) : May panultihon nga nag-ingon sa  iningles,Day Juaning, what is beauty if your brain is empty?
JUANING( Guwapa.Miyamiid sa hilom)    : Unya,may panultihon man sabsa iningles,Day Tikya.
TIKYA                                                     : Unsa man,Ning?
JUANING                                                :  What is knowledge if your face is damaged!

NAGPASIDAAN

Gipasidan-an ni Noy Kulas si Esboy kon ugaling mahagbong kini sa umaabot nilang eksaminasyon.
NOY KULAS ( Gipaagi sa text ) : Kon mahagbong man gani ka sa inyong eksamin,Dong Esboy timan-i ni nga di tana gyud ka ilhon nga akong anak!
ESBOY (Mibalos sab sa iyang amahan pinaagig text): O,lagi,Tay.
Ug nahuman gyud ang eksaminasyon.
NOY KULAS(Mi-text na sab sa anak) : Unsa man,Esboy,pasar ka sa eksamin?
ESBOY  (Mibawos sa text sa amahan):    Who  u ?

PAGAWASON

Adlawng Sabado na pod.Nia,namisita na sab si Onyot sa iyang gipangulitawhan nga si Irish taga Sagporon.
IRISH              : Nahibaw-an ko,Nyot nga  maayo kaman kuno sa English? Tinuod?
ONYOT (Nangigham) : Dunay gamay,Day Ris.
IRISH                         : Aber atong suwayan. Sige mag-iningles ko, unya hubara sa binisaya ha.
ONYOT                     : Ikaw.
IRISH                         : Unsa may binisaya ini: I miss you like crazy.
ONYOT                     : Gimingaw ko nimong buanga ka.
IRISH                         : Kuyaw god. Kini: I love you too.
ONYOT                     : Gihigugma ko kamong duha.
IRISH                         : Yamat ra! (Kalit nasuko). O,sige ,Onyot , get out!
ONYOT (Napugwat)  : Kuan,Day Rish,  kuha-a  ang gawas!
IRISH (Misamot ang kasuko): Kadiyot  ha magkuha kog sundang,patyon tika,Nyot!
Dali nga mikaratil ug dagan si Onyot padulong sa gawas.      

GITUMBAN

Gabii   nang nahiuli si  Butyok sa ilang panimalay gikan sa ilang eskwelahan. Gikasab-an kini sa iyang inahan.
INAHAN       : Diin kaman maglaag-laag,Dong Butyok human sa imong klase nga gabii ka naman nga nauli? Tapolan gyud kaayo kang dako ug dili magpasugo dinhi sa balay!
BUTYOK (Miduko lang.Kalma nga mitubag): May tawo man god,Nay nga nawad-an ug usa ka libo didto sa may eskina.
INAHAN     : Unya,unsa may labot niana nga gabii ka naman kaayong miuli dinhi sa balay?
BUTYOK(Kahilakon) : Ako man gong gitumban ang usa ka libo,Nay hangtod nga miuli  na ang tawo ug nagabhian hinuon kog uli.

MOHUWAM

TASYO (Ngadto sa anak niyang si Boysi): Dong,akong huwaman nang imong singko pesos kay ipusta nako sa  jai-alai .
BOYSI   :   Di ko,Tay,uy. Ako ning ipalit ug yoyo.
TASYO  :   Unya,makaon nang imong yoyo?
BOYSI   :   Tatay pod,uy, unya tuyok pod nang imong  jai-alai !

WA MOTUO

IDOT        : Motuo ka sa panultihon,Bay nga: basta gani motuwad na ang bata,nangita napod nig imanghod?
SIDRO     : Dili ko motuo niana,Bay.
IDOT       : Basta mao man god nay panultihon sa mga karaan.
SIDRO    :  Pero diay panultihon nga katuhoan.
IDOT      :   Unsa man na,Bay?
SIDRO    :  Basta motuwad na ganing inahan kasundan gyud nig bata!

NAKALIMOT

Gisugo ni Nang Tikay si Kikay sa pagpalit ug sardinas ngadto sa tindahan.Apan sa dihang nahiabot na siya sa tindahan ni Insek Kwakang takulahaw lang kining nalimot sa gisugo kaniya.
INSEK KWAKANG       : Unsa imo paliton,Inday Kikay?
KIKAY                            : Nakalimot man ko,Sek unsa gani tong gisugo ni Nanay. Ako unang hunahunaon..
INSEK KWAKANG       : O,sige ikaw hunahuna na.
Tuod man gihunahuna gyud ni Kikay kon unsa tong gisugo sa iyang Nanay kaniya.Apan bisan giunsa na lang niini wa gyud siyay nahinumdoman. Busa usa ka paagi ang iyang nahunahunaan.Milipot siya sa luyo sa tindahan,ug didto gikuot niya ang iyang bugan.Iyang gibalik ang Insek.
KIKAY (Mipasimhot sa iyang tudlo): O,diara,Sek,mao tingali ni  ang gisugo ni Nanay.
INSEK KWAKANG(Misimhot.Mipahiyom): A,sardinas!

INOSENTE

Si Bador nga usa ka inosenteng probinsyano nahasum-ok sa dakong siyudad aron pagpangitag trabaho.Niining iyang paglatagaw nga walay klaro kon asa padulong tulo ra gyud ka diyutayng iningles ang iyang balon ug nahibaw-an.Pamasin na lang kon magamit unya niya sa panarbaho: I am superman,Fifty Pesos ug Yes Baby.
Apan usa ka hitabo nga wa damha,nahiagi si Bador sa usa ka tawo nga gidunggab ug naghay-ad taliwala sa kalsada.Sugo sa pagka usyosero iyang giduol ang tawo,apan naatol sab nga nahisunod pag-abot ang mga polis.
POLIS (Mitudlo kang Bador): Ikaw  maoy nagdunggab niining tawhana no? Imo ning gipareglahan.
BADOR(Gikuyawan.Namalibad): Wa koy kalibotan ana,Sir Polis....
POLIS                                       :   What is your name?
BADOR (Mitubag pod sa Iningles): I am superman?
POLIS                                          : How much money you got?
BADOR(Tubag lang gihapon bisag walay nahibaw-an): Fifty pesos!
POLIS (Samot nga nasuko)          : Gibinuangan gyud mi nimo da! Lets go to jail.
BADOR (Abtik kaayong nanubag bisan samot nang gikuyawan): Yes Baby!

TAN-AWA LANG

Nagkadusingot si Pablo nga miuli gikan sa iyang trabaho sa katubhan.
PABLO                             : Unsay atong sud-an,Day Marciana?Gutom na ra ba kaayo ko da.
MARCIANA (Ang asawa):  Tan-awa lang diha sa ref,Blo.
PABLO                             : Na, wa ka malipong diha nga wala man tay rep!
MARCIANA                    :  Aw,wala tay sud-an!

MANGIHI RA

Kay dili naman kapugngan ang pagsakit sa pus-on ni Bulantoy misenyas kini sa drayber sa  bus nga iyang gisakyan sa pagpahunong una.
BULANTOY     : Para! Para ,una tawon Bay Drayber kay mangihi ko ...
Tuod man gipahunong  sa drayber ang  bus aron makakanaog si Bulantoy ug makapangihi.Apan,dantag pipila ka gutlo inay mangihi nagsige man hinuon kini ug pangutot.
DRAYBER       : Gipanuhot lang siguro ka,Noy.Unsa man molarga na lang tag balik?
BULANTOY    : Kadiyot una,Bay Drayber.
DRAYBER       : Unsa pa may dugayan nato,Noy? Magdali ta.
BULANTOY    : Kadiyot una,Bay Drayber,uy.Di ba may panultihon man nga nag-ingon: Sa dili pa kuno moabot ang ulan mouna gyud nang dugdog!
DRAYBER       : Butangi!

PARYENTE

May pahimangno si Noy Donato ngadto sa iyang anak nga si Hagibis sa pag-abot nila sa silingang baryo sa Marigondon.
NOY DONATO   : Kinahanglan nga mag-amping ka sa imong pagpanguyab dinhing baryoha,Dong Hagibis.
HAGIBIS(Nahibulong) : Ngano man diay,Tay?
NOY DONATO         :  Daghan ka kaayong paryente  dinhi niining baryoha,Dong.
HAGIBIS                    : Yamat ra pod,Tay. Sige god,Tay kon mao man gani na.Amping lang ko nga dili makapangulitawo ug atong paryente.
NOY DONATO        : Unya,nganong tutok man ka anang kanding,Dong?
HAGIBIS (Nasuko)    : A,hasta kanding paryente lang gihapon,Tay!

MAOY NAKIT-AN

Usa ka  hit and run ang nahitabo sa may eskina diin usa ka tiguwang ang nadombolan ug maayong pagkalabay niini sa daplin sa kalsada.Samtang ang nakadombol nga sakyanan daling misibat ug wala maghinagad sa pagdala sa tiguwang ngadto sa ospital. Nagtapok ang mga usyosero.
POLIS   : Duna ba kaninyo dinhi ang nakakita sa sakyanan nga nakadombol niining maong tiguwang?
BENTOY (Boluntaryong mipataas sa kamot): Ako,Sir nakakita ko sakyanan nga nakadombol niining tiguwang.
POLIS     : Maayo hinuon kon mao na.Unsay kolor sa maong sakyanan?
BENTOY: Puti,Sir.
POLIS     :Maayo. Unsay plate number niadtong maong sakyanan?
BENTOY: For man to,Sir!
POLIS     : Unsay sunod sa Four?
BENTOY: For registration,Sir!

MOLINGKOD DIAY

 Sa baylehan.Giduol ni Isyot ang usa ka maanyag  nga dalaga sa iyang lingkoranan.
ISYOT       : Helloo Miss beautiful. Are you going to dance?
BABAYE   : O,sure.  Makigsayaw ka? (Dayong tindog sa iyang gilingkoran).
ISYOT       : Aw, dili man. Palingkora ko ha?

DILI MAKAPAABOT

TORYO      : Ang gugma,Day Mesya parehas ra sa usa ka elebetor.
MESYA      : Ug nganong nakasulti kaman niana bi?
TORYO      : Nganong nakaingon ko kay tan-awa,kon puno na ang elebetor nganong kinahanglan pa man mosuksok kag maayo aron makasakay nga naa may hagdanan.
MESYA      : Unya,nganong mogamit pa man ka sa  hagdanan nga mobalik man na ang elebetor?Ang imong buhaton mao ra ang pagpa-abot god.
TORYO      : Nganong magpa-abot man ko sa pagbalik,nga nasayod man ko nga di man ako ray mosakay!

GIBOMBAHAN

BUDOK    : Sus,Bay,nahibawo ka ba sa sulti ganiha ni Estoy.
TIKYO      : Wa,Bay. Unsa man kuno na?
BUDOK    : Daghang patay didto sa may Kaymitohan kay gibombahan!
TIKYO      : Pastilana no? Pila ka buok patay,Bay ?
BUDOK    : Daghan kaayo,Bay dili maato sa pag-ihap!
TIKYO      : Sus no,kadaghan god diay.Wa gyuy nailhan sa mga nangamatay didto,Bay?
BUDOK    : Aw,dunay nailhan,Bay kadtong rang namomba sa daghang lamok nga nangamatay!

GIBALE

Duha ka buang sulod sa mental hospital ang nagsiyaok pagkantakanta.
BUANG   1   : Nindot imong kanta no?
BUANG   2   : Nindot mo lang. Nindot kanta kanta basta hayang hayang sab..
Pagkataodtaod mikalit ug kulob ang buang nga nagkanta.
BUANG   1   : Ngano lagi ku'b  ka diha?Buang ani ay!
BUANG   2(Nasuko) : Ikaw,buang,hibawo gani ka nga side B na,mao ku'b na pod ko!

SAGOLAN PA

Eksina: Hospital.
DOKTOR        : Kinahanglan gyud nga atong sementohon kining bahin sa iyang tiil nga dunay  fracture.
INAHAN (Wala makasabot)  : Unya,Dok pila man ka sakong semento ang gikinahanglan?
DOKTOR        : Kining...
ANAK (Misakgaw sa istorya) : Mama,baya,uy sagolan pa gani nag bas!
DOKTOR        : Ngeeh!

IPAKAON

Si Onyot nga ahente   ug  vacuum cleaner  nanuktok sa usa ka dakong balay.
ONYOT ( Nanuktok): Maayo...maayo...
Mi-abli ang tag-iya sa balay.
TAG-IYA  :  Unsay ato nimo,Dong?
ONYOT    : Ahente kog vacuum cleaner,Sir. Mahimo ba nga akong  i-demonstrate kon unsa ka nindot  kining akong tinda nga vacuum cleaner...
TAG-IYA  : Sige,atong tan-awon kon nindot ba tuod nang maong  cleaner  nimo....
ONYOT    : Ni-a ,Sir akong ikatag ni dinhi sa inyong sawog kining dala kong tai sa kanding,unya ako ning limpyohon pinaagi sa  vaccum cleaner. Tan-awon nato kon di ba ni malimpyo ang tanan,kun di gani ni malimpyo ako ning kan-ong tai sa kanding.
TAG-IYA (Mikatawa) : Yatis ra. Kana maoy maayo kay siguro gyud nang makaon nimo ang tai sa kanding nga nagkatag sa among sawog.
ONYOT    : Nganong nakasiguro kaman ana,Sir?
TAG-IYA  : Nag-brown out man!

NAGBANGGAAY

Usa ka hitabo sa may eskina diin nagkabangga ang duha ka sakyanan.Maayo na lang gani kay walay nangamatay sa duruha nga drayber nga nagmaneho sa ilang sakyanan.Migawas ang usa ka amerkano nga nagmaneho sa Pajero.
PINOY     : Oh,I am sorry,Sir.
KANO     :  I'm sorry too.
PINOY (Nasuko): A,gago. Ang pagtuo siguro niining Kano-a nga bugo ko. Sorry three!
KANO    :  Huh! What are you sorry for?
PINOY (Misamot ang kasuko): Makalagot gyud ning Kano-a da!  I am sorry five!
KANO    :  I think you are sick.
PINOY   :  Bugo gyud ning Kano-a,sik kuno basig six !

GIPISLIT

Usa ka babaye ang midala sa iyang bata nga labihan kainit gumikan sa hilanat ngadto kang Doktor Pakibot.
DOKTOR PAKIBOT   : Unsa man ning bata gi-bottled feed?
BABAYE                      :Gi-breastfeed  ni,Dok.
Tuod man gihinolhinol sa Doktor ang tutoy sa babaye.
DOKTOR PAKIBOT  : Mao diay nga gihilantan ning imong bata,Day. Wala man kay gatas.
BABAYE                     : Yati ra nimo,Dok,uy!  Yaya ra ko aning bataa.Sunod  gani pangutana sab  tawon una kon kinsay inahan!bloglines.com

NAKABAWOS

Nagsinumbagay ang Kano ug Pinoy.
KANO (Misumbag sa Pinoy): Take it easy,men.Take it easy...! ( Hayang ang Pinoy).
PINOY(Mibakon ug mibawos ug suntok sa kano) :Kisi-kisi,men. Kisi-kisi!

TIGMO

LIGING  : Niay akong tigmo,Bay Victor,tag-ana.
VICTOR : Unsa man  nang tigmo-a,Bay? Sulti.
LIGING  : Nagtindog,mituhoy,nagpuwa ang tumoy,gisupsop ang kalami unya migawas ang puti...aber unsa man?
VICTOR : Di ko,Bay,uy kay hilas man kaayo na.
LIGING  : Hilas god tawon.Dili ,Bay,uy.
VICTOR : Bi,unsa man kuno na?
LIGING  : Nanigarilyo!

ANG GI-DROWING

MAESTRA     : Class,pag-drowing mo ug isda.Bisan unsang klase sa isda.
Tuod man nag-drowing ang mga bata.Taudtaod,mibarog si Sidoy,usa sa mga tinun-an.
MAESTRA     : Are you finish,Sidoy?
SIDOY           : Humana,Mam.
MAESTRA     : Duol ngari kay atong tan-awon ang imong gi-drowing nga isda.
Tuod man miduol si Sidoy sa iyang maestra nga dala ang iyang drowing.
MAESTRA     : Unsa man ning imong gi-drowing,Sidoy nga gubot man kaayo?Hain man niini ang isda?
SIDOY           : Gubot gyud kaayo na,Mam kay ginamos may akong gi-drowing!

ANG NAKITA

INAHAN   : Di ba giingna ko naman ikaw,Nak nga ayaw na pag-adto ug  gaybar!
ANAK       : O,Nay.
INAHAN   : Unya,unsa may nakita nimo didto nga dili unta dapat nimong makit-an?
ANAK       : Si Tatay,Nay!

DILI MADAWAT

Mi-aplay si Ontog isip usa ka sundalo didto sa Kampo.
ONTOG   : Mo-aplay unta ko pagkasundalo,Sir.
OPISYAL:  Dili ka madawat. Nakita ko nga daghan kang mga daotang ngipon.
ONTOG(Nahibulong): Yatis ra sab,Sir.Unsa man diay ang giyera ron pinaakay na!

TABANGAN

Sulod sa usa ka beerhouse  nahipugwat si Ontoy pagkakita niya sa usa ka babaye nga hubo nga nagsayawsayaw diha sa iyang atubangan.
ONTOY     : Wow! Seksi.
BABAYE  (Mikidhat)  : Mao ni among trabaho dinhi ,Sir unsaon wa may laing kasudlang trabaho...(Mikiaykiay sa pagsayaw atubangan ni Ontoy).
ONTOY(Gibati kaluoy): Diay ba.Sige,Day tabangan tika.
BABAYE(Nahingangha): Tinuod ka,Sir.Unsaon mo man pagtabang nako,Sir?(Mihiwidhiwid pagsayaw).
ONTOY  (Mibarog) : Aw,tabangan tikag sayaw!

PANGULITAWO

ANDOY     : Day Rosana puydi na ba nga akong ipasulod kining akong gugma sa bangag sa imong pagmahal?
ROSANA (Nasuko) : Buang ka diha,sa pangulitawo pa lang gani napamabdosan mo na ang akong pagbati!

MAGPA-LOAD DIAY

GORYO   : What is followed,Bay?
SIDOY     : Yamat,ingles  ha? Sayon.
GORYO   : Bi unsa man?
SIDOY     : Ang followed  sa bisaya pa, mao ning higayona nga ang imong selpon na balanse na ug zero.Example: Miss followed ko ug P20.!
GORYO   : Ngeeh!

TULO ANG PULTAHAN

ANTOY        : Kon duna kay panginahanglan ,Bay ayaw kaulaw sa pag-adto sa among balay.Tulo ka buok ang akong pultahan...
IGNOY         : Yatis ra sab.
ANTOY        : Tinuod na,Bay.
IGNOY         : Unsa god nang mga pultahana,sliding door o di ba automatic door?
ANTOY        : Dili,Bay,uy.
IGNOY         :Unsa man diay?
ANTOY       :  Ang tulo ka pultahan mao ni,Bay: fundaDOOR,mataDOOR   ug  emperaDOOR!

MAOY MAGBUOT

INAHAN        : Gusto ko,Cencio nga kon magminyo kaman kanang si  Juaning maoy pangasaw-a.
CENSIO         : Nganong si Juaning man gyud,Nay?
INAHAN        : Basta mao nay akong gusto nga imong pangasaw-on kay dakog kalubin-an.
CENSIO         : Di ko,Nay,uy.
INAHAN        : Nganong modili kaman?
CENSIO         : Unsa may pagtuo nimo sa akong nawong,Nay kaguran!

BUOTAN

TIKYO   : Abi nimo,Bay buotan kaayo ang among iring.
BOSYO  : Ngano man kuno bi?
TIKYO   : Di gyud manghilabot ang among iring sa among sud-an bisan pa di tabunan ibabaw sa lamesa.
BOSYO  : Yamat ra.Unsa inyong sud-an?
TIKYO   : Asin.

ISUROY LANG

Niining sayong buntag nga nahuman nag luto si Nang Tikya sa iyang budbod ,iyang gitwag ang iyang anak si Tapaklong aron kini ikapaninda.
NANG  TIKYA : Dong Tapaklong isuroy na ning budbod didto samtang sayo pa.
TAPAKLONG  : O,Nay.
Tuod man gisuroy ni Tapaklong ang budbod didto sa ilang mga kasilinganan...
TAPAKLONG   (Misinggit) : Budbod!  Budbod! Budbod!
TIKBOY         : Tagpila nang imong budbod,Dong Tapaklong?
TAPAKLONG: Di man ni baligya,Nong ,isuroy ra man ni matod pang Nanay.

MAO DIAY

Miuli nga naghilak si Bulantoy gikan sa eskwelahan.Gipangutana kini ni Tapaklong.
TAPAKLONG     :Nganong naghilak kaman Dong Bulantoy?
BULANTOY       : Gisumbag kong Sikoy,Tay.
TAPAKLONG    : Nganong gisumbag kaman,Dong?
BULANTOY       : Ingon man god ko ,Tay nga guwapo  ang iyang Papa.
TAPKLONG       : A, mao ra na.Unya,iya kang gisumbag?
BULANTOY       : Naglagot man god siya ,Tay  kay ang iyang Papa bungi!

MAY KATARUNGAN

Paghiabot ni Pedro sa Barangay Maribago nagpangutana dayon kini sa mga tawo nga iyang masugatan mahitungod sa dapit nga gipuy-an sa iyang higala nga si Tinoy nga dugay na niyang gipangita. Giduol niya ang tawo nga nagsandig sa poste sa MECO nga  lago ang panapot ug tag-as ug bungot.
PEDRO     : Bay,nahibawo ka kon hain ni ang balay nila ni Tinoy Buanghanoy?
TAWO      : Wa ko kaila ana,Bay. Di ko taga dinhi.
PEDRO     : Taga diin kaman diay,Bay?
TAWO      : Taga Bohol ko ,ug  Dagohoy ang akong ngalan?
PEDRO(Nahingangha) :Aw, ikaw si Francisco Dagohoy,kadtong Bol-anon nga bayani?
TAWO (Mingisi)   : Dili uy!Ako si Dagohoy Legaspi ug ila kong giangga-an ug Jose Rizal  Bonifacio.Ug ig-agaw  mi si Lapulapu.
PEDRO  (Nagduda)   : Buang man siguro ka,Bay.
TAWO(Mibawos)      : Ikaw buang, para Tinoy ray  imong gipangita wa ka kahibawo nga taga dinhi.Ako pa kaha nga tu-a ko magpuyo sa Bohol!

ANG HINUNGDAN

BURDIGOY       : Haskang anugona god tawon nimo Poldo nga nahimo kang bayot.
POLDO              : Uy,ngano? Ngano man diayg bayot khu?
BURDIGOY       : Unsa ba gyoy  hinungdan nga nahimo kamang bayot?
POLDO              : Da kon na babaye  pa gyud unta kong tinuod, dili unta ko ron mahimong bayot!

PAREHAS RA

TULISAN (Midul-it sa pistola sa ulo ni Butyok): Ipagawas nimo ang  imong kuwarta,o buak ning imong ulo sa akong pistola.
BUTYOK     : Unsa may akong ipagawas nga wala man koy kuwarta,Nyor Tulisan...
TULISAN     : Aw,buak gyud ning imong ulo.
BUTYOK     : Da bahalag imo nang buk-on wa man sab  nay su'od.

SUGYOT LANG

TULISAN     : Ayaw pakitag daotang lihok,tulis ni. Sige ipagawas ang tanan nimong kuwarta!
BABAYE   ( Misinggit Hinuon): Tabang,rape! Rape!
TULISAN     : Nabuang ka diha nga wala man ka nako ripa?
BABAYE      : A,buang diay na kon mosugyot lang!

NAGSINUKMATAY

GORYO    : Salbahis kang dako,Bay kay nakaako man ka pagkawat sa duha ko ka hiniktang manok!

BUDOY    : Ayg pataka pasangil tawon,Bay.

GORYO    : Milimod ka pa gyud,Bay nga perte man nimong nakahabhab sa manok nga inyong gihimong sumsuman!

BUDOY   : Unsay perte god tawon,Bay nga daot man kaayo tong imong mga hiniktan...way unod!

MIAPIL SAB

AGALONG BABAYE       : Gituman mo ba ang akong gisugo kanimo,Day Linggay.
LINGGAY(Katabang)        : Gituman ko na ,Ma'am,nahuman ko nag patutoy ang bata.
AGALONG BABAYE       : Maayo hinuon kon mao na.Unya,gisukaran mo na si Sir,nimo?
LINGGAY (Katabang)       : Wala ,Ma'am.
AGALONG BABAYE       : Ngano man?
LINGGAY(Katabang)        : Nihangyo man siya nga dili nalang magpasukad,kay moapil na lag tutoy.

SIPYAT

Maoy tambag ni Ontoy ngadto kang Opong nga ipatag-an kon kinsa gyud ang mikawat sa iyang motor.Tuod man giadto ni Opong ang usa ka manalagna sa silingan nilang baryo nga si Bulantok Ukoy.
OPONG                      : Manoy,ako unta nga ipatagna kanimo kon hain na karon mahimutang ang akong motor?
BULANTOK UKOY :Ang imong motor karon,Dong Opong atua na sa halayong dapit ug gisakyan na sa kawatan...
OPONG                     : Ha? Morag nasayop ka tingale,Manoy.
BULANTOK  UKOY: Dili mahitabong masayop ko,Dong Opong...
OPONG (Miinsister)   : Sayop ka lagi,Noy?
BULANTOK  UKOY: Nganong nakasulti kaman niana bi?
OPONG                     : Unsaon man pagsakaysakay sa kawatan niadtong akong motor,nga motor man tos
                                     among galingan!

SIGE UG PANAMIN

KALO   : Ayg sigeg panamin diha Angkay kay bisan unsaon pa diha nimog posing-posing di na mausab ang  bati nimong dagway.

ANGKAY : Paghilom diha Kalo!Ang ako lang gipaabot nga  mausab  ning samin ug mausab sab ning akong dagway!

GIMAHAL SAB

INAHAN     : Gimahal ko kaayo ikaw,Nak mao nang mobadlong gyud ko nimo kon magbuhat kag daotan.
ANAK         : Unya,sagpaon sab diay?
INAHAN     : Kon dili makapugong,Nak.
ANAK         : Mao diay.
INAHAN     : Unsa man,Nak?
ANAK         : Sagpaon sab kang Papa kon dili na makapugong sa iyang pagmahal!