UNSAY GAMIT?

Ang  wanggits nang managhigalang Tikyo ug Moling nakasultihanay  sa ilang mga kaagi bahin sa seks.
TIKYO  : Karon nga  gulang nako ,Bay Moling  maylang sa usa ka buwan maka-seks  ko sa akong asawa.
MOLING : Yamat  god,Bay  kahinay na god nimo...
TIKYO     : Mao naman bitaw ,Bay  kay unsaon nga tiguwang naman ta. Ikaw,diay?
MOLING  : Aw, bisan pa kada gabii.
TIKYO     : Hambog gani,Bay. Di ko motuo uy!
MOLING  : Na ikaw lang.
TIKYO     : Unsay imong sekreto nga kusog paman nang imo sa seks,Bay?
MOLING  : Ang dila god,unsay gamit?

HAPIT NA

Nagkasugat sa dalan Colon usa ka higayon  niana si Dokdok ug Pidot.
PIDOT ( Unang mitimbaya) : Kumosta,Dyu?
DOKDOK ( Nahibulong)    : Kinsang Dyu ang imong gisampit,Bay?
PIDOT                                :Ikaw god,naunsa ka naman uy!
DOKDOK                          : Dyu diay akong ngalan nga di man ko Amerkano?
PIDOT                                : Dili man.Pero dyu na gyud ka kay diyutay naman  ang imong buhok nga hapit nang ma-opaw!
DOKDOK                          : Butangi!

PAIT

Usa ka buntag niana  nagkaabot sa tindahan ni Mana Ebing sila si Emyok ug Tikboy.
EMYOK  : Pait kaayo ning pamoksing,Bay  Tikboy maong  ako na lang ning gibiyaan...
TIKBOY  : Aw, pait kon mapilde pero  tam-is man sab kon makadaog  labi  nag dakong premyo.
EMYOK  : Mao gani. Tiaw mo, kon moabante  piti unya kon moatras  pise. aw maayo pang moligid!

GIKATULGAN

TIKOY   : Pildes  Pakyaw niining kataposang kombate nila ni Markis sa boksing,Bay Tonyo!
TONYO : Pilde gyud kaayo ,Bay. Pero  nakasuwerte man pod.
TIKOY   : Diin mang dapita nga nakasuwertes  Pakyaw,Bay?
TONYO : Iya man lang gikatulgan  ang dako kaayo niyang premyo!

KON MAKADAOT PA!

ABELINO : Dugay natong inom niining ilimnong makahubog madaot gyud ning  atong  tinai ,Bay Oning.
ONING     : Daot god, ngano man kuno?
ABELINO : Aw, madaot kay  tungod sa kemekal sa gihimong bino nga atong imnon!
ONING     : Aw,kon makadaot pa ang bino  wa man gani na mabu-ak  ang botelya  nga gisudlan sa bino!

ANG MAKAHAYBLAD

TONYO   : Niay humba,Bay Edoy  mangaon ta.
EDOY      : Di ko ana,Bay  kay maka hayblad man na...
TONYO   : Hayblad god tawon. Baboy imong  sud-anon unya makahayblad? Abi nimo .Bay  ang makahayblad mao ni.
EDOY      : Unsa man,Bay?
TONYO  :Kanang wa kay sud-an! Saka god imong dugo ana,Bay labi nag ikaw gigutom!

WAY HAYBLAD

PEDRO   : Niay baboy nga akong gisugba,Bay Tikboy mangaon ta.
TIKBOY : A, di sa ko ana ,Bay  kay may high blood  man ko!
PEDRO   : Way  problema   na,Bay.
TIKBOY :  Nganong nakasulti kaman  ana ,Bay nga way problema?
PEDRO   :  Di man maka hayblad ning  baboy  nga akong gisugba.
TIKBOY : Nganong  nahibawo ka man,Bay?
PEDRO   : Ang-ang nga di ko mahibawo nga ako man unang gikuhaag  blood pressure kining baboy una nako sugba-a!
TIKBOY : Butangi!

SUKA NA LANG

TIKYO    :   Undang na sa imong pagkapalahubog,Bay  Koing kay nagmahal na ang mga binong  makahubog.
KOING   :   Undang  god. Kana  maoy  maayo!
TIKYO    :   Unya kay  adikto man kaayo  ka sa inom?
KOING   :   Aw,  ang suka  na lang maoy  akong  imnon  makahubog  man sab na!

MOUNDANG KAHA?

SIDOY   : Karon nga mimahal na ang istik  sa sigarilyo,Bay  Onyot  moundang na tingale  ko  sa pagpanigarilyo  ani.
ONYOT : Bitaw,Bay  nagmahal man ang sigarilyo ug hasta sab  ang mga bino. Moundang na sab ko!
SIDOY   : Aw  undang na lang gyud ta ani,Bay.
ONYOT : Aw  ako moundang  man ko sa pagpanigarilyo,Bay  basta...
SIDOY   : Basta  unsa man,Bay?
ONYOT : Basta walay kuwarta  nga ikapalit!

KALAINAN

BOTOY     : Kining atong mga batan-on ron,Pre lahi na kaayo.
SIMO        : Unsay kalainan,Pre?
BOTOY    :  Nagtuo ta nga kon moabot na ang panahon sa atong katigulangon,ang atong apo maoy mamahimo natong sungkod.
SIMO        : Mao bitaw,Pre.
BOTOY    : Di na karon,Pre.
SIMO       : Ngano  man,Pre?
BOTOY   : Kon mangayo na gani hangyo lubo,kon dili ka makahatag ikaw pay itukmod!

NAUSAB

Sa dihang  nakahukom na unta nga moambak si  Miyoy didto  sa ibabaw  sa lubi kalit nga  may tingog kining nabati gikan sa iyang  asawa  nga si Andat.
ANDAT   : Kanaog diha,Yoy,unsaon naman ri!
MIYOY(Naalimungawan) : Naunsa ka man diha,Day  Andat,pasagdi  kong magpakamatay!
ANDAT ( Naglagot.Gikusog ang tingog) : Na hala pasagdi nga langawon ri dire, bag-o  ra ba kong naligo  ug nagpahumot!
MIYOY(Nausab ang hunahuna)             :  Aw, unsa god  diay abi man god nakog wa pa ka maglung-ag  sa paniudto!

HADLOKAN DIAY

Usa  ka gabii niana miamoral na sab si Inggot ngadto kang Juaning.
INGGOT  :  Ikaw  maoy  pinakamaanyag nga babaye nga akong nakita dinhi sa kalibotan,Day Juaning.Nindot unta kon imo nakong sugton niining  higayona ron..
JUANING:  Wa  gyud koy gipitik nga gugma diha nimo,Got.Wala kay mapaabot dire  nako...hunong na lang sa imong pagpaninguha  dire nako!
INGGOT :    Magpakamatay na lang ko,Day Juaning  kon  mao man kana.
JUANING :  Dili  katuhoan kanang imong gisulti,Inggot.
INGGOT   :  Ngano man,Day Juaning?
JUANING :  Hadlok ka man ganing magpatuli,ang pagpakamatay pa ba kaha  hinuon!

NASAYPAN

Nahiuknol  si  Pidot  dihang gisilbatohan siya sa Polis sa iyang  paglabang sa kalsada. Unya,giduol siya sa Polis.
POLIS    : Ingko  ,nganong milabang kaman  dinhi  sa pikas  daplin sa kalsada  nga nakita mo man nga nag-  green light siga   sa  poste  sa Traffic Light?
PIDOT( Taga  bukid ug bag-o pa dinhi  sa Siyudad.Nakalitan.Nahadlok): Wa- wa ko kahibawo,S-Sir,nga-ngano man diay?
POLIS   : Pastilan nimo,Ingko,anha ka unta molabang kon makita mo nga magsenyas  na ang Traffic Light   alang  sa  pagpalabang.
PIDOT  (Nangatarongan) : Abi man god nako kanang giingon mong  trapik layt ug dekorasyon na sa Pasko kay lainlain magsiga.Pastilan,Sir Meri Krismas  na  lang!
POLIS   : Butangi!

WALAY BISYO

SIDRA  :  Naugtas gyud ning akong bana nga si Toryano,Day!
BIDAY  : Ngano man diay,Day?
SIDRA   : Sukad nga nagpuyo mi dinhi sa Marigondon, migara ang tonto kay  daghan nang gisudlan nga bisyo.
BIDAY  : Aw,unsiyan  god diay,Day  ingon diay ana si Toryano.
SIDRA   : Misamot ang iyang pagkabuang anang sugal sa manok,pamabaye, inom  ug apil kanang suyop  nga bisyo  sa mga batan-on.
BIDAY  : Wa  gyuy  pulos nang tanan,Day  Sidra.
SIDRA   : Way bisyo ang imong bana,Day Biday?
BIDAY  : Dili na kahimo,Day Sidra.
SIDRA   : Nindot god ana,Biday. Unsa may buhat ron diay sa imong bana?
BIDAY  : Wala sad.
SIDRA   : Hain ra man diay siya?
BIDAY   : Tu-a na mibalhig puyo.
SIDRA   : Asa  god?
BIDAY   : Mibalhin ug pinuy-anan  sa menteryo!

MAS PA

Usa  ka gabii niana mipahimangno si Manding Sima  ngadto kang Kulasa nga iyang anak bahin kang Tikyo nga iyang uyab.
MANDING  SIMA  : Pastilan,Kulasa  maayo pa tingale nga imong bugtuon ang inyong relasyon ni Tikyo nga  imong uyab samtang sayo pa kay may daotan gyung mahitabo.
KULASA ( Nahibulong): Ngano man,Ma?
MANDING  SIMA  : Sa  akong  nadunggan nga tabi tabi nga pastilan  taas man diayg  "armas"  nianang Tikyo, basin  madisgrasya  ka lang  ana,Nak.
KULASA  (Mipahiyomg  hilaw): Sus  si Mama baya,ayg  kabalaka  ana  uy!
MANDING SIMA  : Nganong  di man ko mabalaka,Nak?
KULASA                : Na ,kon taas siyag  " armas "  mas taas man sab  ning  andam kong  sakoban!
MANDING SIMA  : Butangi!

WAY KUMOTAY

Usa  ka gabii niana  samtang naglingkod  si Miyoy  atubangan  sa tindahan ni Manang Angkay nahiagi ang usa ka maanyag nga babaye. Mitimbaya  si Miyoy!
MIYOY  :  Hi !Good  evening,Miss  Beautiful!
BABAYE(Mihunong.Mibawos) : Good   evening,Mr.  Handsome!
MIYOY   :   Dalaga  ka pa ,Mis?
BABAYE( Prangka  nga mitubag ug pinaluray ang tingog): Dalaga  pa man,Dong,pero  bayot.
MIYOY (Nakurat) : Aw, bading  diay ka Mis?
BABAYE               : Mao kaayo,Dong, unsa   man?
MIYOY (Milad-ok  ug laway)  : Aw, bahalag  bayot basta  wa  lay   hinol  ug   kumotay!

DOBLEHON

Mipahimangno si Danoy ngadto  sa iyang higala nga si Minggo  usa ka buntag  niana.
DANOY    :  Nahibawo  ka ba si gidangatan ni Koing,Bay Minggo?
MINGGO  :  Patay  na gyud si Koing,Bay. Namatay  man kuno to  sa inom  dihang nalawos  ang iyang atay.
DANOY    :  Mao na ang dangatan sa mga tawong  palainom,Bay  Minggo.
MINGGO  :  Ako bitaw  siyang giingnan  nga ayaw ni-anang "hata-hata", wa gyud mopatuo,Bay.
DANOY    : Ngano man diay,Bay  Minggo?
MINGGO  : Akong  giingnan  nga inom ug  Tanduay 65 basin  moabot  pod ka'g  65 anyos  ayha ka matigbak, wa man mosanong.
DANOY   :  Tinuod kaha nang imong giingon,Minggo?
MINGGO :  A, duha-on man  gani nako ka botelya ang akong imnon para mahimong 130 aron taas ang aboton!
DANOY   : Ngeeh!

NAHINUMDOM

Dihang natagak  sa  yuta  ang gikaon nga kendi  ni Muntoy  nga apo ni Badong,  iya kining  gipahimangnoan.
BADONG   :  Ayaw  na lang nag  punita ,Dong  Muntoy  kay  hugaw  na kanang imong  kendi nga natagak  sa yuta.  Basta  nahugaw na gani sa yuta,Dong  pasagdi na,nakasabot?
MUNTOY ( Walay nahimo gawas  sa pagtuman  sa apohan):  O,Lo.
Dihang  nakalakaw  na sila  sa unahan wa tuyoa nga nadakin-as si Badong  dihang  nakatunob kini  sa  panit  sa  saging ug  nahaligid  kini didto  sa may  kalapokan. May  tawo  nga nakakita sa hitabo,ug unya miawhag  kang Muntoy pagtabang sa iyang apohan.
TAWO   :  Tabanga nang imong Lolo,Dong  nga naligid sa kalapokan, o. Luoy  sab ana  uy!
MUNTOY( Nahinumdom sa sulti sa apohan): Di ko uy !
TAWO (Nahibulong) : Nganong di man nimo tabangon ang imong Lolo,Dong?
MUNTOY  : A...  ang-ang  bi nga hugaw  naman na  kaayo kay naligid sa lapok!

KADA BAGTING

Usa  ka higayon niana nga nagkakita ang managhigalang  Bosyo ug Andot  sa usa ka Mall  sa may dalan Colon sa  Siyudad  sa Sugbo.
BOSYO   :  Kumosta,Bay? ( Unang mitimbaya).
ANDOT   :  Nia,Bay  nagginhawa  pa tawon.(Luya  ang pamayhon).
BOSYO   :  Nganong  nagniwang ka man,Bay? Asa  ka man diay ron nagtrabaho?
ANDOT   : Nagniwang  ko aning akong  trabaho,Bay. Naa ko magtrabaho sa usa ka kan-anan  sa  Lapu-Lapu  isip ilang guwardiya.
BOSYO   : Nindot na kay naa kaman diay ma-assign sa usa ka kan-anan.Unya, siguro pod kang makakaon ug  mga lamian nga pagkaon.
ANDOT   : Mao gyud.
BOSYO   : Unya,nganong midaot kaman,Bay  Andot?
ANDOT   : Unsaon ,Bay  nga kada bagting sa among manedyer kaon man dayon ko.
BOSYO   : Ngilngiga god. Aw, habhab  gyud taman sa ginhawa,Bay.
ANDOT   : Mo lang! Kada  bagting,kaon dayon.
BOSYO   : Unya,nganong  midaot kaman,Bay  Andot?
ANDOT   : Di ka modaot ana nga sa usa ka adlaw ka usa ra man sab sila  magbagting.  Napasmopasmo hinuon ko!

YAYONGAN

PIDOT       : Haskang  kuyawa nako kagabii  sa  akong pagkatulog,Bay.
ASYONG  : Ngano man diay,Bay?
PIDOT       : Nakalimot  man god ko pag-mosketero gumikan sa akong kahubog.Unya, didto  ko makatulog sa among lantay  sa may kosina dapit  sa may suok.
ASYONG  : Unya,Bay?
PIDOT       : Maoy  nakapahigmata nako ang saba sa mga lamok.
ASYONG  : Yamat ra. Unya,Bay?
PIDOT       : Nagkaguliyang god ang mga lamok nga namaak sa tibuok kong  lawas,ug misinggit  pa gyud.
ASYONG  : Unsay gisinggit,Bay?
PIDOT       : Misinggit  ang mga lamok,Bay ug  yayong...yayong....yayong!
ASYONG  : Butangi!

PIYONGON

Nangutana  si Panyong ngadto kang Idok  usa ka buntag niana.
PANYONG  : Mangutana  ko nimo,Dok unsaon man pagkatulog  sa buktot?
IDOK           :  A,lisod  sab anang  imong pangutana,Bay  uy. Nahibawo baya ka nga nagbaliko nang  lawas sa buktot,unya  unsaon lagi ana  sa pagkatu'og?
PANYONG : A wa ka mahibawo ana,Dok kon unsaon  pagkatu'og  saa buktot?
IDOK          :  Wa  lagi.
PANYONG : Pastilana nimo,Dok nga kasayon ra ana god. Kon matu'og ang buktot piyongon gyud niya ang iyang mata!

NAGPATAKA

ABYOT     : Brayt  ka man gyud,Bay  Antoy aber  gamita kuno kining  mga pulong  nga  cooling  place?
ANTOY    : Brayt  god tawon,Bay. Pero ato kunong suwayan bi.
ABYOT    :  Sige suwayi  kuno.
ANTOY    :  Kunohay  may mitawag  sa telepono,Bay  Abyot.
ABYOT    :  Unya?
ANTOY    : Aw, ako dayong  tubagon nga  hos koling plis!
ABYOT    : Ngee!

GIMAHAL

Usa  ka gabii niana dayong pagpangatulog gipangutana ni Andat  ang iyang bana nga si Miyok.
ANDAT   :  Tinuod ba nga mahal  ko nimo,Miyok?
MIYOK   :  Tinuod na,Dat.
ANDAT(Namarayeg) : Paliti  kog awto,Yok.
MIYOK(Mikipat  ang mata) : Aw, kana ang mas labing mahal,Dat!

PROMOSYON

Malipayong mibalita si Tikyo ngadto sa iyang amahan nga si Muntoy usa ka gabii niana gikang nahilu sa gitrabahoan.
TIKYO : Sa kataposan,Tay,nahatagan ra gyud kog promosyon sa akong Bos.
MUNTOY : Maayo hinuon kon mao na,Tikyo.Unsa namay imong ranggo ron?
TIKYO      : Aw diyanitor gihapon ko,Tay.
MUNTOY : Ingon ka nga gihatagan kag promosyon,unya diyanitor ra gihapon diay?
TIKYO      : Niadto diyanitor man ko sa first floor unya kay karon tu-a naman ko ma-asayin sa ika-napulo nga andana ug sakyanon naman pod ug elebetor!

WALA MADAWAT

CENSIO (Nangumosta sa iyang amigo nga mi-aplay  ug trabaho): Kumosta ang imong pagpangaplay ug trabaho,Bay Abito? Nadawat ka sa imong gi-aplayan?
ABITO     : Ambot ato,Bay wa man ko kasabot.
CENSIO(Nahibulong): Unsay wala nimo masabti,Bay Abito?
ABITO                      : Niingon man dayon tong manedyer, okey you're fired!
CENSIO                   : Toink!

GIGAMITAN

Si Tiago nga nakakita sa gibuhat sa uyab sa iyang maguwang dalaga nga si Mindat ,misumbong ngadto sa iyang inahan.
TIAGO   : Nay,gihalokan lagi si Manang niadtong iyang uyab nga si Otoy.
INAHAN: Sagdi lang na,Dong uyab man na sila.
TIAGO   : Unya,Nay kay gikumot man sab ang iyang totoy.
INAHAN: Sagdi lang na,Dong natural tingale na sa manag-uyab.
TIAGO   : Unya, Nay ako man gyung nakit-an nga  gihinol ang ubos ni Manang ug gigamitag tudlo.
INAHAN(Miulbo sa kalagot): Animal ning uyab sa imong Manang,nganong gamitan mag tudlo nga naa may iyang kuan!

DILI MAO

Usa ka buntag  niana nahipugwat na lang si Andat sa iyang higdaanan sa dihang gipukaw kini sa anak niyang bayot nga si Muklong.
ANDAT    : Naunsa ka diha,Muklong nga imo man gyud kong gipukaw?Unsay nahitabo?
MUKLONG (Mihikohiko): Nay Andat,gidugo na lagi ko.
ANDAT(Nakalitan):            Unsa? Pagtarong diha ha! Unsay kolor sa imong dugo?
MUKLONG          :             Brown  man ug kolor,Nay.
ANDAT(Mipakong sa ulo ni Muklong sa haligi): Hoy , buang  pagtarong diha ha basin nagka-igit ka lang. Panabon didto!

GISAYOP ANG ESPILING

Usa ka sayong kagabhion niana,namarayeg si Indoy ngadto sa seksi niyang asawa nga si Imyat.
INDOY : Day Ims gigutom man ko.
IMYAT(Mikidhat ngadto sa bana): Aw,unsa man mokaon ka. Naa may burger diha sa tong ref  kuhaon ko.
INDOY    : Dili ko ana,Day Ims.Layo ra kaayo na sa gusto kong kan-on.
IMYAT    : Aw, hotdog lang.
INDOY    : Dili ko ana.Pero duol na.
IMYAT    : Aw ,itlog na lang akong lapwa-an.
INDOY    : Duol pa ana maoy gusto kong kan-on,Day Ims.
IMYAT(Naglagot): Da,mag-utan na lang ko uy!
INDOY (Nagpanakla): Sus,mao na gyud  ka-ahak  gyud ani gi-wrong spelling pa man!

ANHA AGI

Nagkaguliyang ang mga tawo  diha ilawom sa mall sa dihang may misinggit ug sunog.Iyahayg  dagan ang mga tawo nga gibatig kahadlok ug didto  ang tanan mipaingon sa main entrance aron makagawas. Daling mikuyanap ang kalayo ug baga kaayo ang gibugwak niining aso. Apan gumikan sa pagka taranta nahadiindiin sila si Isyot ug Odog sa pagdinagan,hangtod nga....
ISYOT : Bay Odog asa man ta ani ron nga nagka dako na ra ba ang kalayo.Miaso nag maayo!
ODOG : Yamat ani ron,Syot. A, dire ta agi sa may fire exit aron ta malibre...!
ISYOT (Gialimungawan) : Buang ka,Dog nganong anha man ta moagi diha?
ODOG : Ngano man diay?
ISYOT : Anha mo agi ang kayo diha,Dog  kana gong gisuwat, nga fire exit!
ODOG(Naglibog) : Aw, o no?

ANDER DE SAYA

Maoy nahibaw-an ni Tiyong nga ander sa iyang asawa ang iyang kumpare nga si Miyot. Usa ka adlaw niana iya kining gisuroy didto sa ilang balay sa may simangan sa Bagumbayan-Green Papaya.
TIYONG  : Kumosta,Pre?
MIYOT    : Nia, oki lang gihapon.Nahasuroy kaman dinhi,Pre?
TIYONG  : Aw nahasuroy lang ko,Pre wala may lingaw god sa balay. Nag-unsa kaman diha,Pre?
MIYOT    : Nia,Pre nanglaba ko sa among mga sinena kay unsaon nga nagbantay man sab god ang imong Mare didto sa sulod sa among anak...
TIYONG  : Diay ba ,Pre. Ingon man god nila nga ander ka kuno ni Mare,tinuod na,Pre?
MIYOT    :Ander god tawon,Pre! Ayg tuo ana,Pre uy!
NASING (Asawa ni Miyot misinggaak gikan sa kuwarto): Pamalansa unya,Yot inig human nimog laba diha ha!
MIYOT  : O,lagi Sing wala pa gani ko ka  human direg laba!
TIYONG:  Toink!

WAY NASABTAN

Gipangutana ni Tikya ang iyang uyab nga si Tikyo.
TIKYA    : Kyo,unsa may imong horoscope ?
TIKYO (Wala makasabot): Wa koy kasayoran ana,Tiks da.
TIKYA                             : Ay kana gong sama anang Aries,Virgo ug uban pa. Ang sa  ako-a kay Cancer man. Ang sa imoha,Kyo unsa man?
TIKYO                             : Ay  almoranas ra man  ning ni-a nako,Day Tiks!

MAPUN-AN

Nakapangutana si Etot ngadto sa iyang amigo nga si Koing nga giilang palahubog sa ilang dapit sa Maribago.
ETOT     : Dali gyud kang  matigbak anang imong  kalaki,Koing kon imong permanentihong pagka-palahubog!
KOING  : Ngano god tawon nga nakasulti kaman niana,Tot?
ETOT     : Ang mga tawong palahubog daling masakit ug mamatay.Mubo ra ang kinabuhi!
KOING  : Nasayop ka anang pagkasultiha,Bay Etot.
ETOT     : Nganong nasayop man ko bi?
KOING  : Ang mga tawong palahubog,kon sigeg inom kamenosan ang ilang kinabuhi matag adlaw ug diyes minutos.
ETOT     : Tiaw mo na!
KOING   : Unya,kon ang tawong sigeg seks  kapun-an  man sab ang ilang kinabuhi ug kinse minutos.
ETOT     : Unsa may labot ana sa imong pagkapalahubog bi?
KOING  : Unya kay kon mahubog nako ganahan man sab kog seks!
ETOT     : Animal!

TIGMASAHE

Misulod si Imboy sa usa ka motel kay sekreto kining magpamasahe.
IMBOY (Nangutana): Miss,tagpila ang inyong room rate dire?
RESEPSIYONISTA:  Unsang klaseha sa room ang imo,Sir?
IMBOY                   :  Dunay espesyal nga room,Miss?
RESEPSIYONISTA:  Duna,Sir. Kanang room nga espesyal,Sir dala na niana ang guwapang masahista ug dunay TV. Ug  di ka sa espesyal nga kuwarto ,duna say ordinary room.
IMBOY                   : Unsa may naa sa ordinary room,Miss?
RESEPSIYONISTA: Kuan,Sir ang ordinary  room na-a na nay TB ang imong masahista!

PAGKAON

MUNTOY  : Hisgot tag pagkaon,Bay Onyot.
ONYOT     : Sige ,maayo na aron mabusog!
MUNTOY  : Unsay kinaham  ug paborito nga pagkaon alang sa mga dato o adunahan bi?
ONYOT     : Sayon. SUTUKIL na,Bay. (Sugba,tinuwa ug kilaw).
MUNTOY  : Unya, sa mga pobre?
ONYOT     : Sayon. GIPUSIL na,Bay.(Ginamos,puso ug sili).
MUNTOY  : Yamat da. Unya,unsay sagad paboritong sud-an sa labing pobre,Bay?
ONYOT     : Wa na ko kahibawo ana,Bay. Ikaw, nahibawo ka?
MUNTOY  : Sayon. Mao nay gitawag,Bay ug GITUOK.
ONYOT     : Unsa man nang pagkaona,Bay Muntoy?
MUNTOY  : Ginamos gitungtungan pa gyud ug uk-ok!
ONYOT     : Toink!

PAUNAHON

Nipahimangno si Senyor Serafin ngadto sa iyang bag-ong kusinero nga si Miyok usa ka gabii niana.
NYOR SERAFIN : Ikaw,Miyok angay kang mahibawo nga kinahanglan nga mag-amping gyud ka  sa imong pagtrabaho  dinhi sa akong mansiyon isip bag-o namong kusinero.
MIYOK (Nagpitokpitok ang mata) : Oo,Nyor.
NYOR SERAFIN                          : Kana maoy akong gusto nga daling mosabot. Angay mong masayran Miyok nga ang oras sa tingpamahaw dinhi  6:30 gyud sa buntag.
MIYOK                                         : Unya,Nyor?
NYOR SERAFIN                          : Unsay unya?
MIYOK                                         : Unya ba Nyor kon di pa ko ka mata anang orasa,una lang mog pamahaw ha!

BAHO UG ILOK

DONDOY : Bay Osting,unsaon man nimo pagsulti  ngadto sa  imong uyab nga baho siyag ilok ug nangitom pa gyud sa daghang buling , nga dili masuko?
OSTING   : Sayon.
DONDOY: Bi unsaon man lagi nimo sa pagsulti?
OSTING   : Akong  ingnon ani ay: "Day palalab nindota diay nimog gihimong deodorant no kay uling!"

NAKABAWOS

Naglagot si Tinok niining binuhing  periko ni Oming  kay sa matag anhi niini sa balay sa iyang amigo kusog kaayo ning manaway.
TINOK  : Hoy periko makahibawo kang mosulti? Bugo  kang dako!
PERIKO: Makahibawo kong mosulti,Nok! Unya,ikaw makahibawong molupad,amaw!

PAKAPIN

Nahibulong si Minggay nga naghinan-aw kang Kuling nga nagsigeg sulingsuling sa napalit niini 3 in 1 coffee. Iyang ning gipangutana.
MINGGAY  : Naunsa ka diha,Ling nga gasige kamag sulingsuling sa kape?
KULING(Nagpangawot sa ulo): May gipangita ko,Gay.
MINGGAY                              : Unsa may imong gIpangita,Ling?
KULING                                  : Ay kini gong gisuwat dire nga sugarfree. Wala may  goy asukal nga gipakapin dire!

GISAMOTAN

Human sa gihimong makuting pag-eksamen namatud-an nga dunay sakit sa  breast cancer si Donata.
DOKTOR TIKOY : Gikasubo ko Mam Donata kining imong sakit nga kanser ania na sa stage two.
DONATA              : Unya,unsaon naman lang niini,Doktor? Duna ka bay laing  ikaduhang opsiyon?
DOKTOR TIKOY : Aduna,Donata.Pamasin ning atu-a nga makuha kini sa mga epektibong tambal ug sa pag-chemotheraphy.
DONATA              : Any other more opinion,Doktor?
DOKTOR TIKOY : Ang laing opinyon ana,Mam mosamot kabati ang imong nawong!

SAYOP NGA ESPILING

Maoy namatikdan ni Isyot , ang guwardiya matag gabii sa sementeryo ang usa ka tawo nga nag-apong sa usa ka lubnganan nga nagtiltil sa lapida niini. Gisampit kini ni Isyot nga gihakop sa tumang kahibulong.
ISYOT (Guwardiya sa sementeryo): Sus marya e Hosep! Unsay imong gibuhat diha,Brad?
TAWO (Nagduko.Lawom kaayog tingog nga mitubag): Ako ning gitiltil ang ngalan sa lapida,Brad.
ISYOT (Nahibulong)                      : Ngano man,Brad?
TAWO                                          :  Wrong spelling man ning akong  ngalan nga ilang gibutang dinhi sa lapida!
ISYOT (Mkaratilg  dagan)             :  Ngeeh!!!

IPA-BINISAYA

Aron pagsukod kon utokan ba gyud si  Kardo sa sabdyek nga math,gipangutana kini ni Toring.
TORING  : Brayt kaman  kuno sa  math,Bay Kardo aber mangutana ko nimo?
KARDO   : Pangutana lang,Bay.
TORING  : Nia ay,unsay binisaya ini: square root of X to the power of 2 is X.
KARDO   : Yamat lisod man ana kon binisay-on,Bay. Di ko katubag ana.
TORING   : Kasayon ra ana,Bay.
KARDO   :  Ikaw,kuno.
TORING  :  Ang pagbinisaya ana,mao ni: kuwatrokantos ugat sa ekis sa gahom sa dos kay ekis ra pod!
KARDO   : Ngeeh!

GIKALIGO

Hilabihang suko-a ni Nyor Ontog  kang Tikyo kay namatay man ang usa niini ka iro nga Poodle.
NYOR ONTOG : Unsa man hitaboa nga namatay man ang usa ka iro,Tikyo? Nahibawo ka ba nga pinangga ko kaayo kadtong iro-a? Mahal kaayo ang kantidad niadto!
TIKYO(Nagkurog): Ku-kuan,Nyor ako ra man tong gikaligo kaganiha unsa man pagkahitabo-a nga na-namatay man.
NYOR  ONTOG  : Diin man diay to nimo ligoa ang iro?
TIKYO                 : Akong gibutang  ilawom sa wasing masin,Nyor!

NANGITA UG TRABAHO

ONDOY  : Nyor mangaplay unta kog trabaho dinhi sa imong dakong balay.Basin mahimo ko nimong hardinero o tingluto.
NYOR  ONTOG : Sige,dawaton ko ikaw,Ondoy. Ikaw may tigpakaon sa akong mga binuhing iro matag buntag ug hapon. Imong pakan-on ang akong mga iro sa ilang kinaham nga pagkaon nga :linat-ang baka, hotdogs, sinugbang baboy ug kaldereta.
ONDOY (Nagpanglad-ok): Kon mahimo,Nyor mo ekstra sab unya kog laing trabaho.
NYOR ONTOG               : Unsay ekstrahan mo nga laing trabaho?
ONDOY                           : Mo ekstra sab unya ko pagka iro,Nyor!

PANGUTAN-ON

Dihang gisakay ni Butsoy ang kanding nga hinatag sa iyang  Ninong sa bus  nangutana ang konduktor.
KONDUKTOR  : Bay imo ning kanding?
BUTSOY            : Ako na,Bay. Ngano man?
KONDUKTOR  : Ato ning plitehan,Bay ha?
BUTSOY            : Way problema.
KONDUKTOR  : Mao lagi.
BUTSOY            : Pangutana una sa kanding duna ba siyay kuwarta!

DILI BASTOS

TONYO  : Duna koy gikasakay sa  bus  niadtong pag-adto nako sa Maasin,Bay sila lang ang gitan-aw sa ubang mga pasahero.
BITONG : Ngano man,Bay?
TONYO  : Kuha mog ngano nga diha sa bus naghinalokay man ang duha .
BITONG : Yatis ra. Unya?
TONYO  : Da sa kadugayan nilang haloghalog gihubo man sa babaye ang iyang bra ug nagdalyang nga nakita god ang iyang atngal sa totoy.
BITONG : Pastilan no?
TONYO  : Mao lagi. Paminaw ko ang edad sa babaye  mga bayente uno na.
BITONG : Aw bata pa diay?
TONYO  : Pero mas manghod pa kaniya ang lalaki,Bay.
BITONG : Pilay edad?
TONYO  : Don anyos pa man to!

DILI DAWO

Dihang gisugdan nag pikas ni Onyot ang dakong  hinog nga nangka nga ilang kinawat gipahimangnoan kini ni Oloy.
OLOY  (Mipahimangno): Bay Onyot pikasa sa tulo ka bahin kanang nangka nga atong kinawat aron di ta madiskohido.
ONYOT(Natingala): Nganong bahinon man nato sa tulo nga duha ra man ta aning nagkawat?
OLOY(Midakol sa ulo ni Onyot): Duha lagi,unya kanang nagbasa sa gitikgitknironcat  nga nahibawo sa pagkawat nato ning nangka kon mosumbong di mapreso ta!

HIAPSAN UNYA

Nagkukabildo ang managhigalang  Toryo ug Liging diha sa lingkoranang kawayan sa tindahan ni Ate Bibeth  sa eskina Green Papaya-Bagumbayan Dos usa ka adlawng Dominggo niana.
LIGING : Gibantog man gyud ka nga daghan ug nahibaw-ang mga maayong panultihon Bay Toryo aber padungga kuno tag sampol niini.
TORYO : Aw kana lang diay,Bay. Nia ra,sampol  numero uno:"Ako maoy naglung-ag,pero lain ang mikaon."
LIGING : Yamat no.Unsa pa?
TORYO : Sampol numero dos." Ang langgam managsamag balhibo magkauban kanunay sa pagpanglupad!"
LIGING : Tinuod gyud na,Bay. Unsa pa?
TORYO : Sampo numero tres."Ang tawong kusog molakaw sa unahan,daling moabot sa iyang dulngan."
LIGING : A kana maoy sayop,Bay.
TORYO : Nganong sayop man,Bay?
LIGING : Abi god nimo,Bay kanang tawo nga kusog molakaw sa unahan hadlok nang hiapsan sa iyang giutangan!
TORYO : Butangi!

NAGSINA-ARAY

Sa dayon nang pangatulog  may gihagawhaw si Imoy ngadto sa iyang asawa nga si Andat.
IMOY  (Mihagawhaw) : Akong isaad nimo Lab nga ikaw ra gyuy babaye sa tibuok kong kinabuhi. Dili nako mangitag lain pang babaye...
ANDAT(Mibawos sa paghagawhaw): Bitaw,Lab ako sab diayng  isaad nga sa sunod nakong pagpanganak ikaw na gyud  ang sigurong  amahan!

ANG PASABOT

Human sa operasyon nangutana si Pikoy ngadto kang Doktor Idot.
PIKOY    : Ngano man ni Doktor nga human sa imong operasyon sa akong ulo nga hapit  naman hinuon ni makita ang akong utok?
DOKTOR IDOT  : Ayg ikahibulong na,Koy.
PIKOY                : Ngano man,Doktor?
DOKTOR IDOT : Kay ang pasabot ana  nga   open minded ka!

PATAG-ANON

OKOY    : Unsang kinaiya sa akong pagka tawo nga magsugod sa letrang K Bay Onyot?
ONYOT  : Sayon. Kugihan.
OKOY    : Belib ko nimo,Bay da. Natag-anan sab nimo.Unsa pa?
ONYOT  : Kusgan.
OKOY    : Tag-anan sab.Unsa pa?
ONYOT  : Labaw sa tanan,Bay.
OKOY    : Unsa man,Bay?
ONYOT  : Kabutboton!

PA-ULANAN

Nag-asod  ingog kilat ang sipang mga butobuto sa armas sa masighabig nga nagkombate taliwala niining dakong lasang sa mga sakop sa sundalo ug sa mga tiwalag nga mga  rebeldeng Abu Sayop. Pagkataudtaod mihari ang kahilom,ug unya takulahaw gisiak sab ni sa lanog nga singgit ni Kapitan Buntoy,ang platoon leader sa mga kasundalohan.
KAPITAN  BUNTOY (Misinggit) : Surender na lang mo mga rebeldeng Muslim aron di mo mahurot sa pagpangamatay!
KUMANDER SA MGA REBELDE( Nagpahipi sa dakong bato.Misumbalik pagsinggaak): Dili mi mosurender! Mamatay na kon mamatay!
KAPITAN BUNTOY(Misamot kalagot): Kon mao, amo kamong paulanan aron gyud mo mosurender!
KUMANDER SA MGA REBELDE(Nahimuot): Maayo hinuon  nga inyo ming paulanan ug tubig aron mi mabasa kay alimuot!
KAPITAN BUNTOY : Mga kuwanggol, di tubig ang among ipaulan ninyo.
KUMANDER SA MGA REBELDE : Unsa may inyong ipa-ulan dire namo,mga bala sa mortar?
KAPITAN BUNTOY                       : Dili mga amaw!
KUMANDER SA MGA REBELDE : Unsa man diay?
KAPITAN BUNTOY                       : Manteka sa baboy!

TAKSI

Naglagot si Nyor Facundo sa bag-o nilang katabang nga si Takya niining buntaga sa dihang wala kini makasabot sa buot  niyang ipasabot sa iyang pagsugo.
NYOR FACUNDO  : Haskang bugo-a gyud nimo Takya nga wa man ka makasabot sa sayon kaayo nakong gisugo...
TAKYA                    : Wala man god nimo klaroha,Nyor.
NYOR FACUNDO  : Unsa goy wa klaroha? Ingon ko, pagtawag didtog taksi ug pahunonga diha sa atong  gate kay mosakay ko.
TAKYA                   :  Mao bitaw,Nyor.
NYOR FACUNDO :  Unya,nganong gidad-an man hinuon ko nimog mani?
TAKYA                   :  Ingon man ang nagsuroyg mani,Nyor nga taksi,taksi! Di, mao tong gi-ingnan sab nako nga  hala sige taksi kog mani!

I-SURPRISA

Sa kilid sa himatyong apohan diha sa kilid ang iyang pinanggang apo nga si Mitoy.
MITOY (Nangutana sa apohan): Unya,Lo kon mamatay ka na amo kang ipalubong o ipa-cremate?
APOHAN(Naghunahuna): Aw,unya na lang na,Dong kon mamatay na gyud ko.
MITOY                           : Ngano man,Lo?
APOHAN                       : I-surprisa na lang na unya!

IPATAG-AN

Usa ka gabii niana sa pagpamisita ni Ondoy sa iyang hinalaran nga si Goyang.
ONDOY(Mipakita sa usa ka gamayng karton): Naa koy  gift  nga ihatag nimo,Yang.
GOYANG (Naghinahinam): Kanindot kaha ana,Doy no? Unsa man na,Doy?
ONDOY                           : Hatagan tikag clue.
GOYANG                        : Aber,unsa man?
ONDOY                           : Para ni sa imong liog.
GOYANG                        : Nahibawo nako,Doy. Kuwintas na no?
ONDOY                           : Dili.
GOYANG(Nahibulong)     : Unsa man diay na,Doy?
ONDOY                           : Lugod ni,Yang para sa tagiptip sa imong liog!

TANAN GIPLETEHAN

Gumikan kay  nataktak man sa iyang trabaho si Miyot nakahunahuna na lang kini nga mag drayeb mintras tanto wala pa kini makapangitag laing kapanginabuhian. Usa ka adlaw niana sa iyang pagpamasahero...
MIYOT (Midawat sa plete sa seksing babaye): Pila ning 50,Mis?
BABAYE : Usa ra na Noy. Estudyante ko, nursing sa Cebu Doc bag-o  rang sakay!
MIYOT  (Miyahat sa babaye) : Yuna,Day mangita una tag isukli ha.
Taudtaod, usa ka lalaki ang mitunol  sa iyang plete.
MIYOT  (Nahingangha): Kadako god aning 500,pilay kuhaon ani?
LALAKI ( Dalang Hambog): Usa ra na Noy, keep the change na lang na, Seaman man ko bag-ong naog!
Unya,pagkataudtaod dihay usa ka naglago nga lalaki nga mitunol sa iyang plete nga diha ra sa iyang luyohan nga gilingkoran.
MIYOT( Gidawat ang gi-plete ug dako ang iyang kahikurat): Sus, 1000 man  ni? Pilay kuhaon aning plete?
TAWO ( Miigham.Kalma lang mitubag): Kuhaig baleg upat ka tawo Noy drayber i-apil ang nars ug ang seman. I-kep da tsens na lang nang uban. Buang ra god ko,gikan pas mental  bag-o pong  gawas!
MIYOT     : Butangi, naunsa na ni uy!

MGA HAMBOGERONG LOLO

Nag-abot ang tulo ka pulos hambogerong lolo sa tindahan ni Ate Bibeth duol sa may highway sa Bagumbayan Dos. Si  Tikyo 75 anyos, Bitong  80 anyos na  ug Belong 95 anyos na ang panuigon.
TIKYO     : Haskang sakita sa akong bukobuko uy  kay gipamaulan ko sa among praktis sa estritdansing.
BITONG  : Yamat ra. Ako sab naghalang ning akong mata ug sakit akong kamot sa tinuplok sa kompyuter kay duwa kog krospayer.
BELONG (Nagtakiang): Panghilom mong duha uy,ang pagkahambogero gyud ninyo!
TIKYO                        : Nganong nagtakiang man kang naglakaw, Bay Belong?
BELONG                    : Da misakit ning akong bagtak,ug nanghubag ning akong lubot ug dapidapi.
BITONG                     : Ngano man na,Long?
BELONG                    : Resulta ni sa sigeg padol kay miapil  kog  prat!

GITILAAN

Sulod sa usa ka mahalong kan-anan nahasum-ok ang magtiayong Tikya ug Miyon. Sa dihang nangaon na ang duha,nagkapuliki  na kinig higop sa mainit nga sabaw sa linat-ang baboy ,ug uban pang lamiang sud-an nga karon lang nila matilawi.Napahunong si Miyon sa pagkaon sa dihang namatikdan niini ibabaw sa simod ni Tikya nga may mipilit nga dakong kugmo. Iya kining gibuyag.
MIYON (Hadlok madunggan sa ubang nangaon iya kining giingnan): Day Tiks naay  kan-on nga mipilit sa imong simod o.
TIKYA  ( Walay kasayoran sa kugmong mipilit. Ug, inay puniton ang mipilit  diha sa simod iya hinuon ning giabot pagtilap sa iyang dila.Nagpanilap pagkahuman): Kan-on god,Miyon nga dili man.
MIYON :  Dili man bitaw,Tiks.
TIKYA   :  Aw, lagi haskang lami-a man pong klaseha sa sud-an!
MIYON :  Butangi!

WALAY MOSURENDER

Nagpakapaka ang sunodsunod nga buto sa armas sa masig nagka-atbang nga grupo sa rebeldeng Muslim ug kasundalohan. Pagkataudtaod ,milanog ang kusog nga tingog ni Kapitan Ciano nga nagkupot sa megaphone.
KAPITAN CIANO(Sa Kasundalohan): Surender namo mga rebeldeng Muslim kon di kamo  gustong mahurot sa pagpangamatay!
KUMANDER SA REBELDE(Mibawos ug singgit):Dili mi mosurender kon di li nimo ma-espiling ang ceasefire!
KAPITAN CIANO(Misinggit) :Mga kuwanggol mog dagko! Sige ipadayon nato ang gubat padad-an ta mog  bougainvillia  sa inyong lubong!
KUMANDER SA REBELDE  : Espil bougainvillia?
KAPITAN CIANO(Samot nga naglagot misinggaak) : Animal mong dagko,ingon ko Rose!  Bungol Mo!
Sige gubat ta hangtod sa mamatay wala nay mag-espiling!

ISTORYAHE

TIKANG          : Brayt kaman kuno ,Doy aber gamita sa sentence  ang pulong HEY.
ANDOY           : Kana ra diay. Nia: Hey you're such a beautiful lady!
TIKANG          : Yatis ra.Sakto sab.
ANDOY           : Unya,ikaw gamita sab kuno ang HEY sa usa ka  sentence?
TIKANG          : Salamat kaayo,Doy.    You're  such a very smart guy!
ANDOY          : Unya, hain man diha ang pulong  nga HEY?
TIKANG          : Aw, "istoryaHEY" Doy, mailad   pa kaha kos imong bulatik!

DILI NA MAGKASINABOT

TIKOY(Nagbagulbol): Wala  na ko kasabot niining atong kahimtang karon,Takya. Maayo pag magbuwag tang duha! Molayas ko niining atong panimalay,ug adto ko manimpalad sa Manila..
TAKYA (Nagbagulbol sab): Na, labaw na kong wala na makasabot niining atong kahimtang,Koy  kay sige na lang tag away.  Molayas sab ko!
TIKOY                            : Aw mao diay na  ,sige  adto nako! Godbay!
TAKYA (Mipakgang)      : Kadiyot una,Koy.
TIKOY                             : Ngano man?
TAKYA                            : Mokuyog na lang ko nimog layas!

SA KAINIT

MULOG (Nakamatikod sa nagbukal nga tubig): Tan-awa,Ciano sa kainit sa kalayo ang tubig diha sa dakong kawa nagbukalbukal.
CIANO    : Bitaw,Bay.Ang ang kalayo na god na nga init kaayo!
MULOG  : Ikaw kuno Ciano motungtong sa init nga kalayo,unsa may mahitabo nimo?
CIANO    : Aw,sa kainit sa  tubig nga magbukal,siguro gyud nga  sige kog luksolukso unya hangtod nga mapagod kining lubot ko!

DAWAT DAYON

Usa ka adlaw niana ni-aplay ug trabaho si Muklong  sa opisina ni Nyor Burlos.
MUKLONG  : Mo-aplay unta kog katrabahoan nimo,Nyor kay pait kaayo ning tawo nga walay trabaho uy.
NYOR BURLOS : Unya,duna kay nahibaw-an ?
MUKLONG        : Duna gyud,Nyor.
NYOR BURLOS : Unsay imong nahibaw-an nga trabaho,Muklong?
MUKLONG(Nangigham): Kuan,Nyor nahibawo man ko nga duna kay kabit nga taga Matalom,unya nagpadagan sab ka ug sugal nga suwetres didto sa Maasin,ug tag-iya kag dakong buwangan sa Sogod,Nyor!.
NYOR BURLOS (Nasud-ipan): Pastilan,Muklong pagkadaghan diay gyud  nimog  nahibaw-an ?
MUKLONG        : Mao gyud,Nyor.
NYOR BURLOS : Na,hala ugma dawat  ka na!

HAMBOGERO

TIKYO (Mibahad)  : Wa ko makauyon sa imong lihok ug sinultihan da,Bay Pidot. Hambogero ka man kaayo!
PIDOT  (Misiga ang mata): Pagtarong dihag sulti,Bay Tikyo,ha. Unsay imong pagtuo?
TIKYO                            : Aw,hambogero lagi ka kaayo!
PIDOT                             : Ayg ingna ana,ha?
TIKYO                            : Unsa man diay?
PIDOT                             : Ayaw ko ingnang  hambogero,ingna hinuon kong politiko!

NAGBAGOLBOL

Maoy namatikdan sa linghod nga kaisipan ni Boloy nga sa matag higayon ngani nga matulog na ang iyang Nanay Huling ug Tatay Idot hadlokon dayon siya nga dunay ungo.
NANAY  HULING  : Pastilan,Dong Boloy katulog na diha kay naa ra bay ungo diha sa gawas nga magsigeg suroy nga magpaminaw kon duna pa bay mga bata nga nagmata sa halawom nang kagabhion...
BOLOY   : Wa man ko kakita anang ungo,Nay,uy.
NANG HULING  : Na, ayaw na lang ug reklamo diha pagbukot na lang sa imong habol,sige na!
BOLOY  (Nagbagolbol) : Kana si Tatay,Nay nga nagbukot sab sa habol tupad nimo,hadlok sab diay na sa ungo!

GIPAN-AN

Aron masukod ni Ingko Damaso ang lintunganay nga kinaiya sa iyang apo nga  si Oloy gipangita-an kini niyag paagi. Ug,usa ka buntag niana,kini ang iyang nahunahuna-an.
INGKO DAMASO  : Niay usa ka botelyang  beer, bibliya ug usa ka gatos nga kuwarta  itungtong ko ni sa ibabaw sa lamesa ug tawgon ko si Oloy.Kon iya ning imnon ang  beer  inig dako aning bataa,siguro gyung palahubog.Kon kuwarta maoy iyang kuhaon ,aw sugarol gyud,pero kon bibliya maoy iyang puniton mag-pari gyud siguro ning bataa. (Mitawag kang Oloy). Oloy,Dong ngari ra god una sa makadiyot....Dali,Dong. Tuod man gikan sa ilang suwambi migawas si Oloy ug miduol sa iyang apohan nga si Ingko Damaso.
OLOY (Nangutana sa tuyo sa apohan): Ngano,Lo?
INGKO  DAMASO : Niay tulo ka butang ibabaw niining lamesa,ug pagpili kon haiy imo.
Tuod man, mipunit si Oloy. Apan iyang nahibudngan kay pulos ang tulo ka butang nga gitungtong diha sa lamesa maoy iyang gipunit.Ang kuwarta gisulod ni Oloy sa iyang bolsa.Ang beer iyang gitungab,ug ang bibliya gisipitan  lang sa iyang ilok.Nangutana si Ingko Damaso.
INGKO DAMASO : Nganong gipunit man nimo ang tanan,Dong Oloy?
OLOY                     : Kuan man god Lo,inig dako nako gusto kong mag-politiko!

APIKI

Mi-text  si Mukloy sa iyang Tatay didto sa probinsya kay mangayo kinig kuwarta nga kunohay iyang ibayad sa tulunghaan. Apan ang tinuod ang iyang amahan nahibawo na sa kabilyako niining ilang anak.
MUKLOY (Sa iyang Text): Tay, padad-i tawon kog sapi kay ibayad sa iskol,ug sa balay.
AMAHAN(Mibawos sab pinaagig text ): Nak,imong tatayg nanay way sapi ibaligya unang balay aron bayad imong iskol. Take care!
MUKLOY (Nagpangawot sa ulo) : Butangi,mapriso ko ani mamaligya balay nga di ako!

USBON LANG

Gipabunyagan ni  Condrada ug Dominggo ang ilang  anak  nga bag-ong  gihimugso niining Dominggoha.
PARI   : Unsay ngalan sa bata nga bunyagan?
MERCING  : Condom,Dre.
PARI           : Yamat ra. Ka bastos ba pod anang ngalana?
PAHING (Nangatarongan sa Pari): Kuan man ,Dre amo man nga gi-usa ang ngalan niining akong asawa,ug sa akong ngalan.Mao nang Condom nga sa ato pa Condrada-Dominggo.
PARI          : Unya kay supak man ang simbahan.
MERCING : Bunyagi lang ang among anak,Dre.
PARI          : Sige akong bunyagan,pero atong usbon ang ngalan niining inyong anak.
MERCING : Unsay ingalan,Dre?
PARI          : RH Bill na lang!

WALAY IKABAWOS

Usa ka gabii niana sa pagpamisita ni Oloy kang Mindat.
OLOY (Misuna): Day,nadawat na nimo ang akong amoral sa akong paghigugma nga gipaagi kog text.
MINDAT          : Nadawat man.Nabasahan naman nako...
OLOY               : Unya,wa lagi ko nimo basli?
MINDAT          : Unsaon man nako pagbawos nga wa may koy load. Sa sunod gani,Loy.
OLOY               : Unsa man,Dat?
MINDAT           : Pagpadala unag load  dire nako aron siguro ka nakong mabaslan!

GIBUNYAGAN

Sulod sa simbahan.
PARI   : Unsay ngalan niining bata nga bunyagan?
INAHAN (Nagkugos sa bata.Mitubag): Surf,Dre.
PARI   : Mahimo ba god na nga bran man kana sa sabon?
INAHAN : Mahimo na,Dre,uy.
PARI        : Ngano man?
INAHAN : Gibunyagan man lagi ko,Dre nga Perla ang akong ngalan.Unya,kining akong bana si Ariel man.
PARI        : Aw,na hala bendisyonan  na lang ni nakong bataa ug zonrox!

DUGAY PA

Maoy nakit-an ni Jun sayo niining buntaga ang iyang mekaniko nga si Ko-ing nga nag-inom ug perikperik.

JUN       : O,ingon ka,Ing nga di na ka moinom kay suol ang imong tiyan? Inom ka man lagi gihapon?

KOING :  Nalipay ko,Jun. Abi man god nakog nasakit nakog  cancer.

JUN       : Unya.

KOING : Dili man diay cancer ang akong sakit.Lain man.

JUN       : Unsa man diay?

KOING : Ulcer  ra man,aw dugay pa diay kong mamatay!

PILIG IMNONON

Nianang buntaga nahiagi si Muklong sa iyang mga higala nga nanag-inom sa tindahan ni Bibeth.Gitimbaya siya ni Ondoy.
ONDOY    : Tagay ta,Bay Muklong! Syat una ug usa ka baso niining giinom namong bahalina nga gikan sa
                     Leyte!
MUKLONG(Mibalibad) : Di usa ko,Bay, salamat na lang wala pa koy pamahaw!( Sa hilom nagbagolbol si Muklong).Unsay  inyong pagtuo,buyog nga moinom lag bahalina.
Sa unahan iya na usab nahiagian ang iyang mga amigo nga nag-inom.Mitimbaya na pod kini kaniya.
CIANO        : Syat una  ,Bay Muklong  inom lang mig Tanduay!
MUKLONG(Mibalibad): Di una ko,Bay ,salamat na lang.(Sa hilom nagbagolbol si Muklong).A,Tanduay manimaho tang uk-ok!  Unya,sa dihang moliko na unta sa may eskina duol sa ilang panimalay nahiagian na sab niya ang iyang amigo nga si Raky nga nag-inom kauban sa iyang mga higala. Mitimbaya si Raky kaniya.
RAKY        : Syat una,Bay Muklong,nag-inom lang mig beer!
MUKLONG(Nahimuot): Kanay nindot,pakapinig mani!
RAKY                          : Butangii!

WA MAKAUYON

Si  Budoy nga komedyanteng -di- siaw maoy nahimong kalingawan ang pagsuwat ug pag-post sa iyang mga pakatawa  diha sa Facebook.  Daghan na kinig mga komedya nga naha-poste diha sa maong internet site. Niining buntaga,naglagot ning  nakakita sa iyang  facebook  sa usa ka comment nga gikan sa iyang higala nga si Mitoy.
MITOY (Mikomentaryo sa joke ni Budoy diha sa Facebook) : liki.  Your joke is great!!!
BUDOY (Mibawos diha sa pagsuwat sa Facebook): Liki  sa imong mata,   kanang liki sa imong bungi maoy unang tahi-a!

DILI MALIPAY

TAKYO  : Duna pa gyuy panahon nga magkauli mo ug sa imong uyab,Bay nga si Andat. Kay sa akong nasarap nga mga tsismis, buwag na sab ni sa na uyab niining Muslim.
SIDOY   :  Maayong dili na lang,Bay.
TAKYO :  Di ka pa hinuon niana,Bay?
SIDOY   :  Wa koy kalipay.
TAKYO : Ngano man?
SIDOY   : A, pangita-an pa hinuon ko niya sa singsing nga among kinuptanan nga ako na ra bang nabaligya!

WAY SUWERTE

ETOT      : Maoy sulti sa ubang tawo,Bay nga kon ang tawo ngani nga kuhaon na gyud sa iyang kamatayon diha diha duna na kuno kiniy  appointment nga moatubang didto sa langit.
GORYO : Tinuod kaha na,Bay?
ETOT     : Parehas god atong Robredo nga kalit man kaayo tong nahitabo nga pagkahagsa sa ilang gisakyan nga eroplano. Signos na gyud to niya,Bay nga sa ato pa,mao na kadto ang iyang appointment!
GORYO : Unya,Bay kadtong miambak sa Marcelo Fernan Bridge nga gustong magpakamatay  kay binali man ang nahitabo!   Ang kadtong miambak sa  bridge wa man mamatay kay didto man hinuon matumong sa tawo nga naglangoy ug mao hinuoy namatay!
ETOT    : Aw, disappointment gyud tong hitaboa,Bay kay lain man  hinuon ang namatay!

PANULTIHON

BIGOY  : Dunay panultihon nga nagkanayon,Bay,nga : Ang langgam managsamag balhibo mao kanunay mag-uban sa pagpanglupad!
LUCIO  : Katuhoan-dili na,Bay.
BIGOY :  Nganong nakasulti kaman niana,Bay?
LUCIO :  Naa man goy langgam nga gustong maglupad nga siya rang usa.
BIGOY :  Unsa ba god nang langgama,Bay?
LUCIO : Kana gong wakwak!
BIGOY : Butangii!

MOSAKAY

Nagkaguliyang ang mga tawo nga naghinan-aw kang Etot nga didto nagpatong sa kinatumyang bahin sa taas nga kahoy nga mahogany. Ang iyang pamilya nga nabalaka sa mao niyang kahimtang mihinayhinay pag-alam-alam kaniya sa pagpakanaog. Apan,hugtanon kining midumili sa hangyo hangtod nga nagpatawag kinig mga polis aron maoy mokombinser kaniya.

POLIS (Gisinggitan si Etot)      : Kanaog diha,Brad kay tingaleg  matagak ka!

ETOT (Didto sa taas sa kahoy): Dili ko manaog,Sir, magpraktis kog lupad!

Pagkadungog sa mga tawo sa gipanulti ni Etot maoy naabot sa ilang hunahuna nga nalisoan  na kini sa iyang pangisip gumikan lagi sa mga huhungihong nga nagbisyo kinig "suyop."

POLIS(Usab nga nanawagan): Kanaog na lang diha,Brad di mahimong makalupad ka kay wala kamay pako!

ETOT (Misinggaak)               : Bugo gyud nimo,Sir, uy!

POLIS(Naglagot nga ginganlan ug bugo) : Nganong bugo man ko,Brad?    Ikaw maoy bugo!

ETOT                                    : Nganong di man ko makalupad kon kuhaon ko dire ninyog eroplano!

PABALIKON LANG

Usa niana ka gabii sa pagpamisita ni Kadoy kang Minggay.
KADOY   : Hangtod pa ba karon niining higayona,Gay di pa nimo sanungon kining paghalad sa tim-os  kong  pagbati  diha nimo?
MINGGAY : Aw, nagdali ka,Doy?
KADOY     : Kuan man god molima na man ko ka tuig nga nagsigeg balikbalik dinhi sa inyo,Gay.  Mauwaw naman ko sa imong Tatay Banoy ug Nanay Tekla.
MINGGAY: Uwaw god,nganong mauwaw man kang Tatay ug Nanay? Sila bitaw nag-ingon nga pasigehon lang kag balikbalik  dinhi. Bahalag kubalan nang imong tiil.
KADOY    : Aw,unsa god diay? Maayo hinuon.
MINGGAY: Da matagbaw man god si Tatay  nimo pirme kay sige kamag dala niyag bahal,unya si Nanay imo sang dad-an kanunay sa bingkang pinalutaw!
KADOY    : Butangii!

DILI MATAG-AN

ONYOT   : Kining kinabuhi sa tawo,Bay di gyud matag-an kon anus-a ta matapos.
KOING    : Nganong nakasulti ka man niana,Bay Nyot?
ONYOT   : Nahibawo ka ba nga niining bag-ohay pa lang nga na-crush tawon kadtong eroplano nga gisakyan ni Secretary Robredo nga mouli unta sa ilang dapit sa Camarines Sur?
KOING    : BiTaw,Bay. Didto ni mahagsa dapit sa kadagatan sa Masbate!
ONYOT   : Aw,dili gyud matag-an.
KOING    : Nasayop ka,Bay.
ONYOT   : Kana diayng maghikog,nahibawo man gyud na sa iyang pagpakamatay!
KOING    : Ngeeh!

GIPAKAON

TIKYO        : Pastilan,Bay no ang unang asawa ni Kambog namatay kay nalanag pagkakaon sa hilawng giluto nga buliring.
SENDONG : Bitaw,Bay.
TIKYO        : Unya sa ikaduha niyang pagminyo namatay sab ang iyang ikaduhang asawa kay mikaon sa kamoteng-kahoy nga nahilaw sa pagkaluto.
SENDONG : Disgrasya gyud,Bay.
TIKYO        :Unya naminyo na sab si Kambog sa ikatulo,ug ning bag-ohay pa lang namatay na sab ang iyang asawa,Bay!
SENDONG : Unya,ayw kog ingna nga nahilo na sab sa buliring,o di ba nahilo napod kay mikaon sa kamoteng-kahoy?
TIKYO        : Di,Bay.
SENDONG : Unsa man diay namatyan sa ikatulo niyang asawa,Bay?
TIKYO        : Iya na gyung gitagak sa bentana,Bay ang iyang asawa kay dili man mokaon sa buliring pares sa kamoteng-kahoy!

GITUYO-AN

KAMBOG  : Si Koing gidungog wala mahilo kay mikaon sa kamoteng-kahoy nga gihilaw-hilaw sa pagluto.
ETOT          : Tinuod na,bay.
KAMBOG  : Unya gidungog sab si Koing nga mikilaw sa buliring,human mihigop pa gyud sa sabaw sa buliring nga nahilawhilaw sa pagkaluto. Wa gyud mamatay!
ETOT          : Tinuod na,Bay!
KAMBOG  : Unya,unsa man diay namatyan ni Koing,nga ingon pa nila namatay naman gyud kay nahilo?
ETOT          : Ang- ang di mamatay ang boang nga iya mang gikaon ug hurot ang tanang hilo nga para unta sa ilaga ug iring!

ANG NAMATYAN

BOTOY  : Haskang pagka kalita sa kamatayon ni Bulanso,Bay Takyo!
TAKYO  : Bitaw,Bay. Mumho ray namatyan ni Bulanso,Bay.
BOTOY  : Yatis god! Unsa mang pagkahitabo-a,Bay?
TAKYO  : Niana gong ilang pagpangaon,Bay,gilabay man si Bulanso sa iyang asawa ug mumho!
BOTOY  : Unya? Mao ra nay iyang namatyan nga gilabay siyag mumho sa kan-on sa iyang asawa?
TAKYO  : Mao gyud,Bay.
BOTOY  : Unsang pagkahitabo-a?
TAKYO  : Lihay man siya nga gilabayg mumho sa iyang asawa,unya didto man mapakong ang iyang ulo sa haligi nga dunay lansang,di patay hinuon!
BOTOY  : Butangii!

DILI NA SAYAW

Piyesta sa Marbeach.Nianang gabii iyahay nagpangandam ang mga ulitawo ug dalaga alang sa dakong disco. Unya,mitukar ang non-stop disco music.  Miarangkada si Miray ug Tonya sulod sa diskohan. Puwerteng nakasayaw ni Tonya ug Miray.
TONYA (Nagsayaw.Mibuyag kang Miray): Kana,sayaw gyud,Ray kay tagsa ra ning diskoha! Sayaw gyud!
MIRAY  (Nagsayaw.Mikirigkirig) : Kini maoy sayaw,Nya!
TONYA (Nagsayaw gihapon.May laing namatikdan kang Miray): Uy,Ray naunsa man ka nga mikirigkirig ka naman  diha? Unya,nagpasulirapsulirap ka man pod sa imong mata?
MIRAY   (Samot mipakirigkirig sa pagsayaw) : Gisugdan nako ani ,Nya!
TONYA  (Misinggit) : Hoy,tabang!  Tabang intawon mo!Tabanga intawon ni ninyo si  Miray kay dili na ni sayaw ang iyaha, gisugdan na nig patol !

PAGAMYAN

Duha ka guwatsinanggong manag-amigo nagkasultihanay samtang nagtagayg tuba diha sa tindahan ni Inse Bebang. Si Polding ug Toryo.
POLDING  : Kagabii sa among pagpanulo ug isda sa may Angasil,Bay  Toryo nakakuha mig bolinaw nga ingon kadak-ag tulingan! Puwerte namong lipaya,uy!
TORYO (Nangigham ): A, ka imposible ra god anang hitabo-a,Bay Polding. Among gisulo kagabii nga dili magakos ug usa ka tawo wa man gani mi ka-iwag ug bolinaw nga ingon ana kadako nga hilabihang hayaga!
POLDING                  : Ay dili kaman motuo ana,Bay nga tinuod man na.Kanang imong sulo nga di magakos ug usa ka tawo maoy dakong imposible kaayo!
TORYO (Nangusmo)  : Ayg tuo   kay dubdoban ko gyud nang bolinaw mo  hasta sab ikaw!
POLDING                  :  Mora!    

LAIN ANG MOGAHI

Nagkakita ang duha ka kanhi  classmate  sa elementarya nga si Tikya ug Andat usa ka higayon niana sa dalan Manalili sa Siyudad sa Sugbo. Wa damha.
TIKYA ( Unang Mitimbaya) : Uy,Dat,kumosta ka naman( hinayng misagpa sa abaga sa namingawang higala).
ANDAT   : Mao lang gihapon,Tiks nagpabiling way umento ning latas sa kinabuhing minyo.Ikaw?
TIKYA    : Aw, tiguwang na gyud,Day Andat,ug pag-ingnon pa,wa na gyuy mogahi. Luyat nang tanan...
ANDAT  :  Aw,unsa god diay? Pero,Day Tiks bisan pas among pangidaron ug sa akong bana,naa gihapoy diyutay nga mogahi uy!
TIKYA   : Komedya ngani diha,Dat? Unsa may mogahi?
ANDAT  : Ay  da, kanang ubo  nga gahi sa akong bana nga matun-ogan matag kaadlawon na!
TIKYA   : Na,gibangkong na!

GUSTOG BUWAG

MINGGA  : Sa nahibaw-an ko,Day Delia nga mi-file ka man kuno ug pakigbuwag sa imong bana nga Kano,tinuod na?
DELIA      : Tinuod na,Day Mings. Da wa nay lami,uy!
MINGGA : Nganong nakasulti kaman niana,Day Delia?
DELIA      : Malipay ka niana nga sige lag pangabubho,ug wa na gyud ko makatilawg gahi!
MINGGA : Aw,unsa god diay nang bana mong Kano,tinuod ka,Day Delia!
DELIA      : Mo lang! Ma-pilo na  lang god ,ug di na mogahi ang iyang tuhod bisan na lang sa pagpangihi!
MINGGA : Ngeee!

ARON MAKITA

Gi-interbyu ni Kuling nga usa ka magsisibya sa Radyo Puling si Pastor  Toso nga usa ka lider sa usa ka inilang relihiyon sa ilang dapit.
KULING         : Pastor Toso,naila ka man nga usa ka lider niining inyong relihiyon,makapamatuod ka ba nga silang imong mga ginsakpan nagsunod ba gayud sa imong mga pulong...?
PASTOR TOSO : Aw, oo. Makapamatuod gyud ko niana,Sir.
KULING            :  Nganong gusto man gyud nimong tudloan ang imong mga magtutuo bahin sa pagluhod nga usa ra ka tiil ang idapat sa salog o yuta?
PASTOR  TOSO(Nagngisi. Mihagawhaw kang Kuling): Aron makita sa mga tawo nga kining akong mga sakop labihan gyung bugo-a!

MAGUSTOHAN

Gitambagan ni Ondoy si Takya usa ka buntag niana.
ONDOY      : Maoy pu'ong  sa Doktor nga mi-eksamin nimo Taks nga may usa na lang ka buwan nga lugway sa imong kinabuhi...Duna unta koy itambag nimo...
TAKYA (Nahibulong) : Nganong nasayod kaman niana,Doy? Kinsay misulti nimo ana?
ONDOY                     : Gisultihan ko sa imong,Nanay,Taks.
TAKYA                      : Unsa may imong itambag nako?
ONDOY                     : Nga magminyo ka na,bahalag batig nawong!
TAKYA  (Miprangka) : Parehas nimo!
ONDOY                     : At least  ba ganahan ka na lang daling mamatay kay sa magsud-ong sa batig nawong mong bana!

NAGKABALI

Gumikan sa pagdinalidali nga mahiabot sa tukmang oras nga gi-eskidyol ni Doktor Pakibot  nga  pag-eksamin sa iyang anak,nagka-angka-ang tawong  nahiabot sa Tambalanan  si Nang Isyang uban sa iyang anak nga si Polding.
DOKTOR  PAKIBOT (Mitan-aw sa duha) : Hain man ninyo ang akong eksaminon?
NANG ISYANG   (Mitudlo sa anak)          : Kining akong anak,Dok.Siya maoy nalisoan sa pangisip!
DOKTOR  PAKIBOT (Naglibog)              : Aw, abi ko man god nga...
NANG ISYANG                                        : Ngano man,Dok?
DOKTOR PAKIBOT                                 : Abi ko man god ug dili ang imong anak kay nagkabali man ang inyong sinena sa pagsul-ob!

UMENTO NA

PONTOY    : Bag-ong nanganak ang akong asawa,Bay Bosyo.
BOSYO       : Mao ba? Unsa bata,Bay?
PONTOY    : Lalaki na pod,Bay. Pero umento na.
BOSYO       : Aw, mao nay giingon nga, high tech!
PONTOY    : Mo lang.
BOSYO       : Ngano man,Bay?
PONTOY    : Natawo nga walay posod.
BOSYO(Nahibulong) : Aw, mao nay,cordless!

NASAYPAN

TIKYA (Malipayong mibalita sa inahan) : Nay,salamat gyud sa Ginoo nga gidungog na ang akong mga pag-ampo kay duna na koy nasudlan nga trabaho.Salamat gyud kaayo!
MUNDA(Ang inahan)                           :Maayo nuon,Nak kon mao na.Unsa man sab nga trabaho ang imong nasudlan,Nak?
TIKYA                                                : Nakatrabaho ko sa usa ka call center,Nay. Pero panggabii ang akong shift!
MUNDA   (Nasuko)                            : Unsa,Nak?! Nag-call-girl  na hinuon ka!
TIKYA                                                : Butangiii!                                         :

NAGTABON SA TANAN

Usa ka buntag niana nagkasultihanay sila si Bentong(usa ka Sugbuanong Pinoy) ug ang bana sa iyang manghod nga babaye nga si John( usa ka Kano) nga bag-ohay pa nga nia sa ilang dapit sa Leyte nga nagbalik-bayan kauban sa iyang asawa ug pamilya.
BENTONG  (Nangutana sa Kano): Do you mind if I ask you a question?
JOHN                                           :What's that?
BENTONG                                  : What's  the similarity between a  mini skirt of a lady and the sky?
JOHN (Mihangad unya nahimuot) : Oh,that's easy. The sky covers the whole world population, and yet...
BENTONG ( Miigham)                : And,then...
JOHN                                          : The mini skirt of the lady covers the source of the population!

WALAY UBAN

Nagkasugat sa dalan Colon ang duha ka managhigalang Tikboy ug Ciano usa ka adlawng Domingo niana.
TIKBOY (Unang mitimbaya) : "Musta,Bay Cian,long time no see!
CIANO   (Nahimuot)            :   Okey ra gihapon,Bay Tikboy. Uy,ikaw puwerte naman daghanang uban nga nanurok sa imong ulo.
TIKBOY (Mihikap sa buhok): Lagi,Bay. Hia-an man hinuon ta niining guwang na bisan bata pa ang atong edad! Kaliwat man god ni namong daling ma-uban  ang among buhok...
CIANO    (Nagpanakla): Nia,lagi sab,Bay. Kaliwat pod namo nga dili dali nga ubanon ang buhok,pero lagi...
TIKBOY                       : Unsay,pero Bay?
CIANO                         : Dali sab nga ma-opaw!

LAGONG

Masuk-anong  gitawag ni Tapaklong ang  waiter nga maoy mihatod sa gi-order niining mami noodles kaganiha.
TAPAKLONG (Pungot nga gikamay ang waiter) : Waiter,dali ra god!
WETER             : Ngano,Sir?  May lain ka pang order,Sir?
TAPAKLONG  : Naunsa man ning akong gi-order nga mami nga duna may langaw nga nia sa ibabaw?
WETER(Nagkabungabunga): A..Ki-kining,Sir...
TAPAKLONG                    : Nganong niay  dakong langaw sa akong mami?
WETER                               : D-Dili man na langaw,Sir,lagong man nang naa sa mami kay nahutdan naman mi ug langaw!

PARKINGAN

Usa ka gabii niana miamoral si Melyo kang Agang.
MELYO     : Guwapaha gyud nimo,Day Agang,uy.
AGANG(Nahimuot) : Saba diha,Melyo,uy .Ingna lang gyud diha nga naibog ka?
MELYO                  : Aw, mao na.Kon mosugot kanako,Day Agang palitan ta dayon kag kotse.
AGANG                  : Di ko,uy!
MELYO                  : Aw,palitan tikag Pajero.
AGANG                  : Di ko,uy!
MELYO                  : Palitan tikag Toyota Vios!
AGANG                  : Di ko,uy!
MELYO                  : Aw, nahala palitan tikag Fortuner!
AGANG                  : Di ko,uy!
MELYO                  : Nganong pulos kaman balibad,Day Agang?
AGANG                  : Unsay imong pagtu-o nako,Melyo,parking lot!

DIIN GIKAN

Ang maestra nga si Mam Tikang mileksyon sa iyang mga tinun-an mahitungod kon diin magagikan ang tawo.
MAM  TIKANG   : Kitang tanan,gikan sa usa ka ginikanan nga sila si Adan ug Eba.
Mikalit ug tindog si Tulindoy.
TULINDOY          : Dili na tinuod,Mam,uy.
MAM  TIKANG   : Nganong  nakasulti kaman niana,Tulindoy?
TULINDOY          : Ingon pa ni Tatay,Mam nga gikan kuno ta sa kaliwatan sa mga unggoy!
MAM TIKANG(Nasuko) : Uy, Dong Tulindoy wala baya ta maghisgot sa inyong pamilya, okey?

ANG NAMATYAN

BALOY     : Unsay namatyan ni Tikyo,Bay Poldo?
POLDO     : Ubo,Bay.
BALOY     : Aw,duna diay siyay TB o kaha hubak?
POLDO     : Wa man.
BALOY     : Unya,ubo ray namatyan? Unsa man pagkahitabo-a?
POLDO     : Ang ang di siya mamatay nga didto man siya maka-ubo ilawom sa katre sa iyang babaye nga si Tikang ug naabtan  sila sa bana niini! Da,patay!

MASULBAD RA GIHAPON

Nagka-estoryahanay ang managhigalang Tikyo ug Amad usa ka buntag niana.
TIKYO(Kristiyanos)  : Dili na tingale masulbad ang padayong kagubot sa Mindanao,Bay Amad.
AMAD (Muslim)        : Masulbad ra gihapon kana,Igso.
TIKYO                      : Sulbad god tawon nga misamot na hinuon karon ang kagubot! Padayong pinatyanay!
AMAD                      : Masulbad ra gihapon na,Igso,basta duna lay mosurender...
TIKYO                      : Unya,kinsa may-mosurender?
AMAD                      :  Ang mga sundawo!
TIKYO                      : Butangii!

MANIMAHO

POKWANG             : Unsa may akong buhaton,Dok nga kanunay man modumdom ang akong pagkalibang sa matag alas siyete sa buntag?
DOKTOR  TAKYO :  Aw,maayo nuon na kay regular ra. Unsay problema ana?
POKWANG             : Unya ,Dok momata man ko kay mo-alas otso o hangtod man sa alas nuybe  na sa buntag. Manimaho nako ana!

LIKAYAN

Mikonsulta si Berting kang Doktor Pakibot usa ka buntag niana.Human sa eksamen nagpakisayod ang nahauna.
BERTING                   : Unsay akong sakit,Dok?
DOKTOR PAKIBOT :  Aw, dili man hinuon delikado.Mitaas lang ang imong  cholesterol. Likayi una ang itlog...ug uban pa nga daghag kolesterol.
BERTING                   : O,Dok. (Human mibayad).Sige adto na ko,Dok.
Maoy natan-aw  ni Doktor Pakibot nga naglakaw si Berting nga nagka-ang ka-ang. Iya ning gisinggitan ug gipangutana.
DOKTOR PAKIBOT : Nganong nagka-angka-ang kaman,Berting nga naglakaw?
BERTING                   : Ikaw ra bitaw nag-ingon,Dok nga likayan una ang itlog!

HANAP

Si Istoy nga usa ka kartero mitunol sa usa ka sulat ngadto kang Botoy kay sa iyang pagtuo maoy tag-iya niini.
ISTOY (Kartero) : Imo ning suwata,Bay Botoy?
BOTOY(Mitan-aw sa suwat)  : Aw, ako-a ning ngalan nga nabutang sa suwat,pero hanap man kaayo ning pagkasuwat sa apelyido! Dili tingale ni ako-a!
ISTOY                                   : Nganong nakasulti ka man niana?
BOTOY                                 : Hanap man ni dire,unya Claro man ang akong apelyido!

ANG SUD-AN

Nagpanglad-ok si Botoy nga naghinan-aw kang Tapaklong nga nagkaon s a mga lamiang sud-an  usa ka buntag niana.
BOTOY  : Morag lami ron ang imong  sud-an,Bay da!
TIKYO   : Nia poy diyutay.,Bay. Kaon ka,Bay?
BOTOY  : Unsay  sud-an nimo,Bay Tikyo?
TIKYO    : 'Gitibak'! man ni,Bay.
BOTOY  : Unsa man nang gitibak,Bay? Morag karon pa man ko makadungog anang ngana sa sud-an da!
TIKYO   :  Gitibak,Bay. Ginamos gitungtongan ug bakukang!

TIGBAKAYAN

Maingon ug pundok sa daghang hulmigas  nga nagubot ang tigbakayan sa dihang takulahaw kining gironda sa mga polis.Ang mga tawo dalidalig panagan aron di masakpan sa mga polis.May uban kanila nga nadala ang ilang mga manok hiniktan,ug ang uban sab nabiyaan na lang sa kabalingag unya nga masakpan.Duha pa ka manok ang padayong nagsambunot taliwala sa tari-an.
POLIS (Nakamatikod sa usa ka tawo didto sa kilid nga wa maggunok.Pinayungyong ang kalo): Ikaw,Noy magpadakop ka kay wala man ka modagan?
Ang tawo padayong nagtan-aw sa duha ka manok nga padayong nag-away.Nalingaw.
POLIS  : Ikaw siguro,Noy ang tag-iya  sa usa nianang mga manok nga nag-away pa no?   Kon mao ,ikaw  maoy una namong dakpon,Noy kay wa ka man modagan!
TAWO(Miyanghag sa polis,ug gitukas ang kalo): Suwayi kuno bi  kay ikaw maoy una kong posasan!
POLIS (Nakuyawan):Tsi-Tsip,i-ikaw man god ni!

DILI MAKATULOG

Mikonsulta si Bulantoy sa iyang balatian kang Doktor Pakibot usa ka buntag niana.
BULANTOY              : Unsa man ning akong sakit,Doktor nga dili man ko makatulog panahon sa gabii?
DOKTOR PAKIBOT : Dugay na kini nga imong gipamati,Bulantoy?
BULANTOY              : Dugay na,Dok.
DOKTOR PAKIBOT : Sayon ra ang tambal niana,Bulantoy.
BULANTOY              : Unsay tambal niini,Dok?
DOKTOR PAKIBOT : Ari na katulog sa adlawan kay dili man kaha  ka makatulog sa gabii!

NAGPAABOT PA

Nagkaguliyang ang mga tawo dihang kalit lang mibutho ang mga polis nga mironda sa tigbakayan.Iyahay lag maniho  asa dagan aron di masakpan.Uban kanila bitbit ang ilang hiniktan,ug ang uban sab naunhan na sa pagsignit sa mga polis ug diha pay  duha ka manok nga padayong nagkombate taliwala sa tarian.
POLIS : Ayaw mog panagan! Patugatuga mog sugal nga ilegal unya managan mo? Balik mo dire!
Apan wala manumbaling ang mga tawo nga iyahay lag sibat gawas niadtong usa ka tawo nga naglingkod sa daplin sa tarian nga nagpayungyong sa iyang kalo ug wala gyud modagan.
POLIS : Ikaw,Manong nganong wala kaman modagan?
TAWO(Mihangyag): Nagpaabot pa ko,Sir, kinsay modaog nianang duha ka manok nga nag-away?

MANAGSAMA

Duha ka managhigalang walay lingaw nagkukabildohay sa tindahan ni Nang Bibeth usa ka udto niana.Si Mitoy ug Hagibis.

HAGIBIS  : Unsay atong mahunahuna-an kon maghisgot tag  adlaw ug panty ,Bay Mitoy?
MITOY     : Kanang duha pulos init,Bay.
HAGIBIS  : Nganong nakaingon kaman niana,Bay?
MITOY     : Kanang duha magkaanindot  pod padulong  mo-down.Moabot ang pagtikyop sa adlaw,ang panty  pod...
HAGIBIS  : Ma-unsa man?
MITOY     : Mawagtang man god nang duha panahon sa kagabhion!

MILAGRO

Aron pagkabig ug daghang magtutuo,nakahunahuna si Pastor Andoy nga mohimog gimik aron makabelib kaniya ang tanang mga sakop  sa iyang simbahan.
PASTOR  ANDOY  : Gusto ba mo nga karon dayon makakita ug dakong milagro sa Ginoo?
MGA TAWO           :  Gusto kaayo,Pastor! Gusto ming makakita  sa giingon mong milagro!
PASTOR  ANDOY  : Kon mao na,nia(Miisa- isa  sa iyang mga kamot): Ibulhot ang mabagang aso,Ginoo!
Tuod man kalit lang nga may aso nga migula ug mihabol sa tibuok palibot sa ilang gamayng simbahan.
MGA  TAWO(Nagkaguliyang) : Hala ka kusog sa aso! Unsa man kini,dakong milagro!
PASTOR  ANDOY ( Padayong miwarawara sa iyang mga kamot sa itaas): Sige,pa,Ginoo ipakita ang imong milagro ngadto sa imong mga magtutu-o! Bulhot pa ug daghang  aso...!
Apan nianang pagkataudtaod...nag-anam ug kawala ang mabagang aso diha sa palibot.
MGA TAWO (Nahibulong)         : Nawala na ang bagang  aso,Pastor!
Wala madugay may tawo nga kalit misinggit luyo sa simbahan.
TIKYO (Misinggit) : Nahurot na dire ang bunot nga akong gidaoban,Pastor!
MGA TAWO         : Butangii!

MORAG BASTOS

MINGGA (Miagdag paniudto kang Tikoy) : Maniudto ta,Koy, di-a mi SHABU.
TIKOY(Nakalita)  : Ha?Yatis ra. Unsa man na?
MINGGA             : Ay kini gong shamporado ug paresan sab ug buwad. Kon di ka pagtimotimo lang.
TIKOY                 : Unsa may akong timoon?
MINGGA             : Diay akong PANTI!
TIKOY (Nahingangha) : Maoy gidangat ni.Kanindot god ana,patilawa ta bi.
MINGGA                    : Diara,Koy o, pandesal ug tinapa.
TIKOY(Naghunahuna):  A,BUTO na lay akoa!
MINGGA                    : Ka bastos god ana,Koy.
TIKOY                        : Hunahuna ra  gyud nimo maoy bastos,Mingga.
MINGGA                    : Unsa man diay na?
TIKOY                       :  Bugnaw tubig ba!

DI MOTUO

TIKYA     : Ma,miagda na kanako ang akong uyab nga mangasawa.Magpakasal na kuno mi...
DAMASA: Unya? Buotan man kaha?
TIKYA     : May pagka pilyog diyutay,Ma,uy. Ug di pa gyud motuog langit ug impyerno!
DAMASA: Unsa god diay? Nahala,pakasli nang imong uyab.Ikaw patilaw sa langit.
TIKYA    :  Unya,Ma?
DAMSA  : Akoy patilaw sa impyerno,kon tinghingulata!

KUWANG

HEPE     : Unsa ning hitaboa nga nalutsan man ang atong  intelligence network  sa mga terorista?  Wa diay ninyo  ihatag sa atong mga tawo ang ilang mga intelligence fund?
TIKYO  : Wa man tay problema sa atong panding,Tsip.
HEPE     : Unya,unsa may deperensya?
TIKYO(Mihikap sa ulo sa Hepe) : Dinhi ra,Tsip.
HEPE                                          : Unsa man?
TIKYO                                       :  Kuwang sa utok ang tanan natong mga aset!

ABIG MAGHIKOG

Nagkarakara intawon si Nang Tinang dihang nakita niini ang iyang anak nga si Boloy nga nagdalidali sab sa  pagsaka sa taas nga punoan sa lubi.Maoy misantop sa iyang hunahuna nga maghikog tingale ni dihang iyang nakasab-an kaganihang buntag nga wa manumbaling sa iyang sugo pag-sag-ob ug tubig sa silingang tabay sa ilang Minggay-Tikoy.
NANG TINANG( Mitawag sa anak): Hoy,Boloy kanaog tawon diha,nak! Ayaw pagdalidali sa imong hukom nga maghikog! Pastilan,Dong kanaog tawon diha!
BOLOY(Didto ibabaw sa lubi): Pastilan baya nimo,Nay ,uy! Ayg gog saba diha!
NANG TINANG : Kanaog lagi diha,'yaw tawon ug paghikog!
BOLOY               : Hikog ba,Nay, uy nga misaka ko dire ibabaw sa lubi kay way  signal diha sa ubos sa akong cellphone  maong dia ko dire sa ibabaw !

KANANG MAKAHIBAWO

Si Julio nga bag-ong nakatapos sa kurso nga  nautical  nangaplay dayon kinig trabaho sa usa ka inilang shipping company sa Siyudad sa Sugbo.
JULIO            : Moaplay kog trabaho,Sir  sa inyong kompaniya...
MANEDYER : Unsa man tapos kana sa imong kurso?
JULIO            : Tapos na,Sir.
MANEDYER : Unsa man kahibawo kang molangoy?
JULIO            : Dili  pa man ko kahibawo molangoy ,Sir.
MANEDYER : Aw,dili ka madawat.
JULIO            : Ngano man diay ug di pa kahibawo molangoy,Sir nga mosakay man ko sa barko?
MANEDYER : Mao man gyud na dinhi ang among pamaagi.
JULIO (Nasinta): A,yatis ra sab ani,Sir ako nga mosakay ra sa barko di madawat kay di kahibawong molangoy. Unya,kanang mga piloto nga mosakay lang sa ayroplano nag-praktis sab diay nang daan ug lupad para madawat sa ilang trabaho!

ABI UG NAGBINUANG

Si Onyot nga  nagpuyo sa halayong bukid sa Kanturatoy milugsong sa Siyudad  kay gustong  mosud-ong sa mga maanindot nga  talan-awon nga wala pa niya makita masukad sa iyang pagka bata.Hangtod nga giabot siyag kagutom ug didto mahipunta sa usa ka inilang Restaurant.  Sa gawas sa restawran may nabasa siyang karatula nga: NO  PARKING. Pagsulod niya sa restawran gitawag niya ang silbidora.
ONYOT        : Mis,  mo-order kog  pagkaon.
SILBIDORA(Mitutok kang Onyot gikan sa tiil hangtod sa ulo) :  Unsay imong orderon,Noy?
ONYOT  (Mauwawon.Nagkabungabunga) :  Tagai kog  no parking  bi.Dali-a unya,Mis ha kay gutom
na kaayo.
Nagpangawot sa ulo ang silbidora kon unsang pagkaona ang gi-order ni Onyot. Hangtod nga miabot sa iyang hunahuna nga  tingalig   gibinuangan lang siya.  Didto sa luyo  nakahunahuna siya pagkutaw  ug Tide ug sa dihang  mibowa na gibutangan pa gyud niyag sili ug lemonsito diha sa baso,ug daling gihatag kang Onyot.Gitungab tawon ni Onyot ang nagbowabowa nga baso.Pagkataudtaod  ,gitawag ang silbidora.
ONYOT (Kahilakon): Sus,Mis ug di pa no parking ang akong gi-order nimo mora man gyud nig tayd!

MANGITA PA

Human mangaon sa inilang kan-anan sa Siyudad,gitawag ni  Tilda ang  waiter aron mahipos ang nahabiling pagkaon.
TILDA  : Dong waiter, palihog kog hipos niining nahabiling pagkaon sa among lamesa,ug kanang ana-a sab sa ubang lamesa  bi.  Maayo na lang na nga ipakaon sa among iro.
WETER: Yes,Mam.
TERYO(Anak ni Tilda,mihagawhaw): Wala man tay iro sa ato-a Mommy.
TILDA (Mibawos ug hagawhaw)  : Ay sus pagkasayon ana Nak, mamitik tag iro padulong natog uli sa balay!

TIG-USAP

Mi-aplay ug trabaho si Onyot kang Don Senyong.
DON SENYONG  : Unsa mang kursoha nga natapos mo,Onyot aron madawat ka nako nga motrabaho sa akong kompaniya?
ONYOT                 : Wala man koy kurso nga natapos,Nyor.Kutob ra intawon kos ikaduhang ang-ang sa elementarya. Kaluy-a intawon ko,Nyor...
DON SENYONG  :  Buyno dawaton ko ikaw ug trabaho apan ambot imo ba kining mahimo?
ONYOT                 :  Buhaton gyud na nako,Nyor basta madawat ko sa trabaho.Unsay akong trabaho?
DON SENYONG  :   Sayon ra, tig-usap sa bildo!

DILI NA MAKAHIMO

Nagkasultihanay ang manag-amigong Poldo ug Torno sa tindahan ni  Ate Bibeth sa may Bagumbayan-Maribago.
POLDO : Niadto kon mosulod gani ko sa  mall  ug ang akong kuwarta bisan usa ka gatos lang daghan nako nianag madala.
TORNO : Niadto,Bay kay barato pa man ang mga palaliton.Karon nagmahal naman!
POLDO : Niadto  sa usa ka gatos nga akong madala ,inig uli nako duna na koy bag-ong  t-shirt,jacket, mga pahumot,bino ug daghang sabon... Pero,karon dili na.
TORNO : Morag nakadungog naman ko nianang estoryaha,Bay. Kay ngano, duna nay daghang CCTV Camera,mao na no?
POLDO : Dili,Bay.
TORNO : Ngano man karon,Bay Poldo?
POLDO : Kita ka bitaw ,Bay nga pongkol na  tanang mga kamot ko!

TIG-SUPORTA

BUDOY   : Mangadto ta sa Buyong,Bay Igdoy kay kusog kaayo ang tigbakay didto. Dad-a ang imong manok nga banogon kay atong ibuwang didto...
IGDOY    : Sige,Bay. Adto na ta. (Dayong bitbit sa duha ka mga manok).
BUDOY   : Unya,nganong giapil man sab nimog da  kanang himungaan diha sa pugaran?
IGDOY    : Aw, maayo ning dad-on sab ang himungaan,Bay kay aron mohatag sab ug  support sa iyang bana!

KINILAW RA

TIKOY      : Unsay namatyan sa  imong amigo nga si Borlos,Bay Bodong?
BODONG :  Kinilaw ra gyud ,Bay.
TIKOY      :  Yamat ra sab.Unsa man diay iyang gikilaw?
BODONG :  Butiti  ra god!

DILI MAGMAHAY

SIDOY   : Basta imo lang kong sugton,Day Minda ug makigpakasal ka dayon nako dili gyud ka magmahay.
MINDA  : Nganong dili man ko magmahay bi?
SIDOY   : Akoy molihok sa tanang buhat sa atong panimalay.Manglaba,Mangutaw,Manglimpyo.Maglung-ag.Mangahoy. Kon duna na tay anak,ako poy magbantay sa bata...basta di ka magmahay.
MINDA  : Maayo nuon diay! Unya,unsa na man lay akong buhaton?
SIDOY   : Ikaw na lay mangitag trabaho!

LABAW PA UG BISYO

GORYO (Ngadto sa iyang Tatay):  Kinsay tag-iya niining singkuwenta pesos nga natagak,Tay  dinhi ubos sa lamesa?
TIKYO (Ngadto sa iyang anak):     Ang akoa na,Goryo nga natagak kaganiha...Ambi na kay palitan kog sigarilyo..
GORYO : Ayaw lang sigarilyo ang palita,Tay .May pag lain lang imong paliton para maka-apil ko.
TIKYO   : Unsa may akong paliton?
GORYO : Palit lang tag shabu aron makasuyop tang duha!
TIKYO   : Butangi!

NAHIKAPAN

Usa ka gabii niana sa mainitong romansa  sa magtiayong Proto ug sa asawa niining si Pokwang nga usa ka bungi.
PROTO   : Bisan tinuod kong may edad na ta,Pokwang nagpabilin gihapon ang matintalon mong kaanyag(Dungag hapuhap sa tuhod sa asawa).
POKWANG(Gigilkan sa gibuhat sa bana): Haba niha Poto,uy.  Ihaw nagmamilin  man  sab gihapon imhong ka guwapho....
PROTO   (Nahimuot.Mipadayon sa paghapuhap sa iyang  asawa ubos sa bat-ang): Nagpabilin pa gihapon,Day Pokwang ang kaanindot sa imong lawas...!
POKWANG : Himoshimosi,Poto...himoshimosi...!Sihe!
PROTO ( Mipadailos pa sa iyang mga kamot hangtod nasango ang iyang mga kamot,ug): Unsa man ni?
POKWANG (Mipaluray sa tingog): Inga!

                                    Pakapin: "Inga",paglitok sa bungi sa pulong "kana"

WA MALIWAT

Sa paghiuli ni Pedot gikan sa eskwelahan gisuginlan dayon niya ang iyang amahan sa gisulti kaniya sa ilang maestra.
PEDOT   : Ingon among titser,Tay guwapohon kuno ko nga pagkabata..
AMAHAN  ( Nahimuot): Aw,wa nimo ingna nga liwat  ka sa imong amahan?
PEDOT                         : Ingon ko,Tay,uy ! Ingon ang among titser maayo man gani..
AMAHAN                    : Aw, maayo hinuon.
PEDOT                         : Bitaw,Tay maayo gyud nuon nga wa ko liwat nimo nga butihon ug nawong!

MGA KURYOSO

Tulo ka amigos nanan-awg sine.Pedro Buta.Juan  Bungol,ug Torbot Bungi.Sa didto na sila sa sulod.
PEDRO BUTA : Usik-usik man lang ta sa atong pulta ani,Bay,wa may salida.
JUAN  BUNGOL  : Unsa goy way salida  nga kadaghan anang kawboy nga nagsakay ug kabayo,pero amang lang. Wa ko kadungog ug tingog.
TORBOT BUNGI (Gisamokan sa duha ka mga kauban): Hos, ka mga hignorante maya ninyo!  Hilom mong duha hipatiran hinuon has mga kabayo,muray  hingyo!

NAKASULTIG AHAT

ANDANG (Usa ka amang.Nanuktok sa panimalay nilang Toryo): Tok! Tok! Tok!
TORYO (Anak nga bungi ni Toryo. Maoy miabli sa pultahan):  Honsay huyo?
ANDANG (Igo lang misenyas sa iyang kamot):
TORYO  : Wa ho sabot imho henyas,uy. Ihulti na...!
ANDANG( Suko na kaayong misenyas.Miwara sa iyang kamot):
TORYO (Samot naglibog): Wa lahi  ho sshabot ! Ihulti na ahaw ko henyasi!
ANDANG(Misamot ang kasuko.Nakaahat hinuon sa pagtingog nga pagaw): Hoy amaw!(Milamparo sa ulo ni Toryo).Uhmm! Ingon ko, hain imong amahan kay maningil kos iyang utang!
TORYO (Nagpangawot sa ulo ang bungi): Motangi!

MAGPAPUGONG PA DIAY

Nagkaguliyang ang mga tawo nga didto magtapok ubos sa taas ug layog nga lubi sa tugmaran sa panimalay nilang Botoy. Buot kining maghikog pinaagi sa pag-ambak gikan didto sa itaas.Ang mga tawo nga diha sa ubos nga naghinan-aw kang Botoy didto sa itaas mialam-alam.Nakigsulti kaniya ang iyang higala nga si Torbik.
TORBIK  : Kanaog diha,Bay Botoy ayaw tawon ug ambak basin unsa pay mahitabo nimo!
BOTOY(Didto itaas sa lubi): Wa nay bili ang akong kinabuhi,Bay Torbik human nga gibuwagan ko sa akong uyab nga si Bikang. Magpakamatay na lang ko!.
TORBIK   : Kadiyot una,Bay Botoy kay among adtuon si Bikang aron mahusay mo niining inyong problema.
Tuod man ilang giadto si Bikang,ug mikuyog kini kanila sa nahimutangan ni Botoy.
TORBIK   : Nia na si Bikang,Bay Botoy pagsultihanay mo aron masulbad nang inyong problema.
BOTOY    : Moambak ko,Day Bikang puslan man nga imo kong gibuwagan...!
BIKANG(Naglagot): Hoy buang,kon magpakamatay  ka ayg dugaya, magpapugongpugong ka pa man!
BOTOY                  : Toinnk!

LAING GATAS

MUSLIM : Igso,palit  ka niining tinda kong gatas sa baka kay makaayo kini sa imong lawas...
TIKOY    : Mahal na ,Igso?
MUSLIM: Barato ra kaayo,Igso. Usa ka gatos kining usa ka galon.
TIKOY   : Yamat,mahal ba ana,Igso! Walay Barato diha?
MUSLIM: Dunay barato,Igso.
TIKOY   : Unsa man nang gatasa,Igso?
MUSLIM: Gatas sa unggoy,Igso!

MAMALHIN

Dugayng sambunot sa duha ka manag-uyab nga si Pidot ug Takya nga  nagtagay sa ilang kinawatkawat nga kalipay sa payag nga salikwaot ang pagkabutang  ubos sa dakong punoan sa Mangga.
PIDOT (May nahibudngan.Mitimbakuwas gikan sa gihigdaan): Mamalhin tag laing lugar,Day Takya mora mag dunay nanil-ip nato dinhi sa payag  da.
TAKYA   : Ngano god,Dot?
PIDOT     : Mora man ug gihuyop ang akong itlog..
TAKYA   (Nahimuot): Saba diha,Dot uy,para ako gani tong nangutot!

HAWOD KUNO

Malipayong mibalita si Tikboy sa iyang Nanay Damasa niining buntaga gikan nahiuli sa ilang Tulunghaan.
TIKBOY  : Nay! Nay akong nangharos sa among klase karong buntaga,Nay!
DAMASA(Nahimuot): Yamat ra Dong Tikboy. Unsa mang sabdyika ang gihawran mo Dong?
TIKBOY  : Sa  among cooking  god,Nay.
DAMASA: Kana maoy bata ,haros gyud ang sabdyik.Ikaw gyud diay nanghawod ,Dong no?
TIKBOY  : Lagi,Nay.  Ako maoy nangharos sa kamunggay!

SAYOP PAGSULTI

KATABANG(Mipahibawo sa Pari): Dre,dili man mosiga kadtong suga sa imong kuwarto.
PARI  : Naunsa man ka,Inday. Dugay ka naman nga nangalagad kanako dinhi sa simbahan,hibaw-i nga usa na kita ka pamilya dinhi. Busa,ayaw na pag-ingon nga imong suga,Dre,imong kalsones,Dre,imong plato Dre, o unsa pa diha.....Kining tanan nga ni-a dinhi ato kining tanan,busa sunod gani ingna sa pagsulti nga atong suga o,unsa man diha nga butang.
KATABANG  : Oo,Dre.
Nianang pagkasunod nga adlaw mibisita sa pari ang Kardinal.Nagdali nga mipahibawo ang katabang niini sa dihang nahiabot  na ang bisita sa simbahan.
KATABANG   : Dre,naa ang Kardinal.
PARI                : Ayg kabalaka kay ato kining abiabihon.
KATABANG   : Unya,Dre duna ra bay ilaga nga nakasulod sa atong kuwarto kaganiha,ug nisuksok ilawom sa atong katre!
PARI                : Butangi!

SABUTON

Nag-abot ang usa ka Imam ug pari sa usa ka birthday party.
PARI(Ngadto sa Imam): Lami kaayo ning baboy Igso.Sultihi ko nus-a man ka ganahi mokaon ani kay hibawo baya ko nga supak ni sa inyong gituhoan?
IMAM(Pari sa mga Muslim) : Aw, kaon nako ana,Igso,basta imbitahon ko nimo sa imong kasal pohon!

KON MAY MAKIT-AN

Nagbagotbot ang duha ka trabahante nga sila si Minggoy ug Onyot sa ilang kahimtang sa pagpanarbaho sa  bakery ni Insek Sianga.
MINGGOY : Pastilan ning atong amo,tihik kaayo! Unsa naman,Bay ang sulti sa atong among Insek bahin sa 13month nga bonus nato?
ONYOT      : Sugot man daw siya,Bay.
MINGGOY : Kana maoy maayo.
ONYOT      : Sugot siyang mohatag ug 13th month ug bisan pag 14thmonth  basta makita lang  niya nga na-a ni sa kalendaryo!

LAHI SAB

Duha ka managkompare ang nagkaabot sa  Junquera  kay nangabang...
SENYO : Pre,unsa gani tong sige ug anawons sa Tebi,diha sa ATS-CTN?
TAKYO: A,kanang giingon nila ,Pre nga iboto mo i-patrol ko?
SENYO : O,mao na.
TAKYO: Ngano man diay,Pre?
SENYO : Tan-awa ning nahitabo ron nato,Pre.
TAKYO : Unsa man na,Pre?
SENYO  : Kuha mog ngano, nga  mao man niy giingon nga :boto mo nangatol ko!
TAKYO  : Ay giahak!

MANGIHI

BOSYO (Bol-anon): Adyaw na paimna imong manok dayon,Pre.
TONYO                 : Ngano man,Pre?
BOSYO                 : Adyaw lagi kay mapareha undya na sa ahong amigo sa una.
TONYO                 : Ngano man,Pre?
BOSYO                  : Mangihi dya na!

PAAGI

BAKIKANG(Naghunahuna ug paagi): A,niay paagi nga madani nako  kining akong  Boss nga guwapo.
Tuod man ang nahunahunaan niyang paagi mao ang pagkuha sa iyang panty ug gitungtong sa lamesa,ug nakita kini sa iyang boss.
BOSS    : Kang kinsa kining panty  nga gibutang ibabaw sa lamesa?
BAKIKANG(Mahimut-ong mitubag): Ako na,Sir. Okey ba?
BOSS    : Okey unta pero dunay tai!

MAGTUON

TORYO : Nakaadto kaman gyud sa Japan,Bay Liging maayo ka na gyud sab nga maghinapon?
LIGING : Niay diyutay.Ikaw,Bay Toryo naka-amo man sab kang Hapon di makahibawo na sab ka nga maghinapon?
TORYO : Diyutay,Bay.
LIGING : Aw, pangutan-on tika bi.
TORYO : Sige,suwayan.
LIGING : Hinapon sa mais?
TORYO : Hukara.
LIGING : Hinapon sa lubi?
TORYO : Kagura.
LIGING : Hinapon sa pagkaon?
TORYO : Kutsara.
LIGING : Hinapon sa gwapo?
TORYO : Akora
LIGING  : Hinapon sa batig nawong?
TORYO :  Ikawra!
LIGING : Butangii!

SUGYOT LANG

HOLD-APER  : Itaas ang  imong kamot,ug ayaw gyud pagpakitag daotang  lihok!
TORYANA (Nakuyawan): Nga-Ngano ni?
HOLD-APER : Hold ap ni,ipagawas ang tanan mong kuwarta diha! Dali!
TORYANA(Misinggit): Rep! Rep !
HOLD-APER (Naratol): Hoy,unsay  rep nga hold-ap ra man ning akong gihimo?
TORYANA   : A,para mi-suggest  lang gani ko!

MAKATILAW NA SAB

Sa usa ka dakong lasang didto mahisum-ok si Goryo sa iyang pagpangayam.Apan usa ka hitabo nga wala niya damha kay nahimo siyang bihag sa mga amasona nga lilong nagpuyo niadtong dapita.
GORYO : Buhi-i intawon ko ninyo mga amasona...!
RAYNA SA MGA AMASONA : Unsay buhian? Karon makatilaw na sab ko niining higayona ug lalaki!
Si Goryo nga nakadungog sa sulti sa rayna sa mga amasona sa hilom gibatig dakong kahimuot.
RAYNA SA MGA AMASONA : Sige dad-a kanang dinakpan sulod sa akong lawak ilawom sa langob.
GORYO (Naghinamhinam): Kini maoy maayo.
RAYNA SA MGA AMASONA : Dad-a na didto sa akong lawak ug didto kuha-a ang iyang kinatawo.Unya pagkahuman ,isugba ug dad-a dinhig balik aron makatilaw na pod kog  kinatawo sa usa ka lalaki.
GORYO  : Butangi!Patay nako ani!

BALIHON

BADOT                  : Torni ako untang  usbon  ang akong apelyido,puwede?
ATORNI  TAKOY : Nganong dili? Puwede kaayo pero mahal gyud hinuon,Dot.
BADOT                  : Walay hangyo,Torni.
ATORNI TAKOY  : Wala gyud,Dot. Aw, kon gusto ka ato lang balihon ang imong apelyido kay medyo bobarato ra ang imong mabayran nako.
BADOT                  : Dili nalang ko molahos,Torni.Gawas pa,bati man sab kog apelyido!
ATORNI TAKOY  : Unsa man diay imong apelyido,Dot?
BADOT                  : Tobol,Torni ug bati na kaayog balihon!

NAUSAB ANG ESTORYA

Nauli si Andoy sa ilang panimalay kaadlawon na.Iyang gisil-ip ang iyang relo sa dayon niyang saka sa ilang panimalay ug iyang nahibaw-an nga alas kuwatro na.Pag-abli niya sa ilang lawak ni Mayang maoy naabtan niini ang asawa nga dunay kauban nga laing lalaki. Misinggaak pag-una ang asawa nga si Mayang sa tumang kasuko.

MAYANG   : Hoy,animal nganong karon ka pa man niining kaadlawong dako mahiuli! Didto ka na pod magdugay sa beerhouse  ha   uban sa imong mga barkada?Animal ka gyung dako,Andoy!

ANDOY(Nangatarongan.nakalitan): Kuan man god,Yang...

MAYANG   : Ayaw na lang dihag daghang estorya,Doy! Mogimik ka pa gyud da nga nahibaw-an naman gyud nang daan nga mamakak ka!

ANDOY(Gialimongawan): Unya,Day Mayang kinsa man sab nang lakiha nga imong kauban dinhi sa kuwarto?

MAYANG (Nagpatuso paglagot ug maayo): Hoy,animal ayg laina ang atong gi-estoryahan ha!  Mo- change topic kaman dayon!

ANDOY    :Butangi!